يُدبر أمرك ♥️🙏🏻
#اللهم_قوة
#توته ✨

سلام يالابطال الحلوين 👋🏻♥️
اعرف مقصره وياكم هوايه وجداً اعتذر عن الانقطاع الفتره الفاتت بس جانت عندي امتحانات وللبارحه يلا كملت 🥺

راجعلتكم ان شاء الله بكُلشي تحتاجوه
اكتبولي شنو اكثر الشغلات الي ممكن تفيدكم هالفتره وتشوفون نفسكم انو شاغله بالكم او ممكن اذا حجينه بيها حيكون بيها فائده الكم ؟ وتحتاجون نقدمها الكم ♥️واي شي تريدون هم اكتبوه حقره كُل رسائلكم واجاوبكم اكيد✔️

هنا تدزولي الي تريدوه وياريت يكون كل كلامكم برساله وحده حتى اكدر اجاوبكم بأقرب وقت

@T3o1o3T_bot

احنه وياكم خطوه بخطوه ان شاء الله 😍♥️💪🏻
قربتو من الحلم ومبقه بس كم يوم وتخلص هالايام على خير ان شاء الله
وتصيرون طلاب جامعين ونفتخر بيكم اكيد 🎓

شدو كُل الهمة كُل ثانيه وكُل دقيقه وكُل ساعه وكُل يوم ابذلو بيهم كل جهدكم واكثر حصيله هالتعب راح تكون نتيجته كُلش حلوة♥️وخلو شي ببالكم انو الندم ميفيد ولا حيغير شي ف كد متكدرون عوضو كل وقت فات كل شي صار بالفتره الفاتت مهما كان ف عدكم وين هوايه بعد وتكدرون تعوضون اكيد ♥️💪🏻😎

وثقو بالتأكيد انو رب العالمين يشوف ويعلم بكل الي دتسوه لخاطر مستقبلكم اكيد يكون شاهد على كل خطوه تعب وقلق وخوف منكم مستحيل يضيع تعب احد بيكم لانو رب العالمين يرزقكم اشياء حلوه ب اضعاف مضاعفه من التعب الي تتعبوه اكيد ♥️
قال تعالى:
وَعِندَهُ مَفَاتِحُ الْغَيْبِ لَا يَعْلَمُهَا إِلَّا هُوَ ۚ وَيَعْلَمُ مَا فِي الْبَرِّ وَالْبَحْرِ ۚ وَمَا تَسْقُطُ مِن وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُّبِينٍ



#اللهم_قوة
#توته ♥️

‏﴿ سَيَجْعَلُ اللَّهُ بَعْدَ عُسْرٍ يُسْرًا ﴾.

#توته ✨

ستحقق أهدافك مَا دُمت مؤمن بِذاتّك و تتجاهلِ كُل من يقف بطرِيقك و تدافع عن أحلامك كأنّها جزء من روحك بدُون أدنَى خوف 🌿♥️
#توته 🖤

طبعآ ولو الوقت متأخر بس اتمنى تاخذون بهال شكم نصيحة للأمتحانات الجاية
🟣النوم اهم من كلشي حتلو ملحگتو تكملون الماده نامو ولتهتمون تتذكررون كلشي لمن يرتاح جسمكم
اني رحت بأمتحان الكيمياء بلا نوم اباوع للأسئلة السؤال مار علية بس مااعرف اجاوبة ذاكرتي صفرت وانتهى بية الأمر انو ائجلهة☹️
لأن م نمت زين ف صعب علية انو اركز ف اتمنى انو تنامون ع الأقل 4 ساعات

🟣(الأكل) لازم تاكلون حتلو تشربون كرتون حليب الصبح وانت رايح للأمتحان واذا تلعب نفسكم اخذو ابو الككو اطيب من الساده

🟣قبل الأمتحان بنص ساعه او ربع ساعه الملازم لازم تنشمر لأن تتخربطون بالأمتحان (عن تجربة احجيلكم)

🟣 من تدخل القاعه لاتستذكر اي شي واكو طلاب يصير عدهم قلق وخوف ف اقرو اية الكرسي وصلو ع النبي ابقو رددو بالصلاوات لحد ماتتوزع الأسئلة

🟣 من تجي للأسئلة لاتقراهة كلهة لأن المعلومات هيج تصير⤴️↩️⤵️↘️↙️↖️↪️ ابدو بيهن سؤال سؤال واي شي متعرفله خلي للأخير علمود ميضيع عليكم الوقت

🟣 من تشوف الطلاب طلعو.. حتلو يأجلون كلهم لتسوي مثلهم، حاول انو تجاوب بكل مابيك الا توصل لمرحله انو تيأس من نفسك كلش ذيج الساعه عود اجل

🟣 من ترجع للبيت لتحاول انو تحل الأسئلة وهواي طلاب مع الأسف عدهم هالطبع هذا الي يدمر م يعمر

يعني واكتشفت اكو غلط عندك شحيصير مثلآ!؟؟؟ مراح تحصل شي غير الأحباط الي ممكن يأثر ع الأمتحان الي بعده ف ابوس اديكم لحد يحللل الأسئلة، اني حاليآ بالكلية ومن اشوف جماعه يحلون الأسئلة اشرد عنهم ف انتو هم سوو مثلي (علمودكم احجي)

🟣واخيرآ اتمنالكم النجاح والموفقية وان شاء الله ربي يسهل عليكم وتنجحون بالمعدلات الي تطمحولها وتحققون احلامكم كلها شكم يوم وتخلصون استغلو كل دقيقة كل ساعه كل ثانية تمر عليكم لأن هذا الوقت هو اثمن شي عدكم

واي استفسار راسلونة هنا @Eduexsams_bot
#حوري 🧜‍♀

مرحبا طلابنة الحلوين الي راح يختمون السادس🥺💔
واخيرآ حتخلص معاناتكم وتعيشون بضغط اقل واهون حتى الناس الي مأجلين(ابدآ لتخافون كلشي يسهل عليكم بالسعي والمثابرة) 🦾
سمعت انو نتائجكم كم يوم وتنزل اكيد خايفين مو؟! ☹️

مااگلكم لتخافون او لتقلقون لأن هالمرحلة مهمه ومصيريه🤎💜
بس اريد منكم شي واحد
شنو هالشي؟
كونو على ثقة انو انتو قدمتو كل ماعدكم وانطيتو من وقتكم وصحتكم وعافيتكم، واجهتو ضغوطكم النفسية وحجي الأهل والناس السلبية والوباء وكل الأشياء الي م جاي تخطر ابالي☹️💔

حاليآ كلشي بيد رب العالمين (ضجو اله بالدعاء) متتخيلون شگد الدعاء اله تأثير قوي ع الأقدار، ومثل منگول انو (الدعاء يكسر ضهر المستحيلات) ف يعني ماالكم غير الدعاء🥺💙

بعد الدعاء كونو متقبلين ومستعدين لأي نتيجه تطلعلكم مهما كانت (رب الخير مايجي منه إلا الخير) احيانآ بسبب تفكيرنه المحدود نحس انو احنا ما حصلنه ع الي نستاهلة يعني نحس انو احنه انظلمنه😖
بمرور الوقت حتتغير نظرتك وتحمد الله الف والف مرة🙏
لأن مستحيل الله يظلم بشر ابدآ (دائمآ تلگون عنده تعويضات لكل شي تخسرو بالحياه) ثقو بهالشي وشوفو🧎🏻‍♀️

اخيرآ وليس اخرآ اتمنالكم يارب الموفقية والنجاح وان شاء الله ترفعون راس اهاليكم بنجاحكم وتحققون كل امانيكم الي تتمنوهة

والطلاب المأجلين راح نبقة وياكم الى ان تتخرجون بسلامه ❤️❤️
#حوري

حوري💜

مساء الخير ع اهل الخير
اول شي الف مبروك للطلاب الي نجحو ان شاء الله يارب القبول بأحسن الكليات

والطلاب المأجلين والي طلعو دور ثاني فكرو بطريقة انو عدكم فرصة ثانية انو ترفعون معدلاتكم ف شدو حيلكم لأن هالفرصه متتعوض وهواية يتمنوهة☹️💜
#حوري

اعرف كلش زين انو انتو حتنقسمون لعدة اقسام
1:-🦋الي نجح دور اول ومقابل ع معدله او م متوقعه🦋 لأنو تعب واجتهد 🚶ويستاهل اكثر من هذا ويتمنى لو عنده الفرصه الي عند اهل الدور الثاني حتى يحسن شوي🤕

، هنا انسانه تحس بيكم واعرف شعور مو حلو وصعب انو الأنسان يحصل اقل مما يستاهل☹️💔،
بس ثقو واعتقدو انو بمرور الوقت كلشي حيصير بصالحكم👏💕

صح حاليآ ضايجين وم تگدرون تشوفون الموضوع من هالزاوية، ولكن.......
يجي اليوم الي تتذكرون بي هالكلمات وتتندمون ع كل دقيقه مررتوهة وانتو ضايجين ودائمآ احجي هالعبارة (رب الخير م يجي منه إلا الخير) منتظرتكم اشياء حلوة لتلاگوهة بوجه عابس 💜💜

2:-🦋الي طلع إكمال والمؤجلين 🦋
حاسين بخوف(خاف ماطلع معدل خاف الأسئلة تجي غير عن المتوقع خاف وخاف.. الخ(من غير الي طلع معدل زين وخايف يصير عنده اخفاق بالمواد البقت وينزل المعدل+انو ماكو واهس للدراسه🚶💔
كل هذا ماره بي واحس بيكم
اول شي خوفكم حله انو تبدون تدرسون ترتاحولكم شكم يوم ومن بعدهة تخططون وترتبون وقتكم وتخلولكم نظام خاص ومناسب الكم وتتوكلون ع الله 🙏

زين شون الخوف يروح شعليهة الدراسه؟!!!

اني اگلكم...
من تبدون تدرسون حتشتتون تفكيركم يصير كل وقتك دراسه حتى مالك وقت تفكر بشي يومكم يصير مزدحم+انتو جاي تبذلون كل جهدكم وتسوون العليكم بعد مااتوقع اكو داعي لشعور الخوف🙍🏻

وهاي احجيلكم عن تجربه من استلمت نتيجتي الخوف اكلني اكل ف گبل بديت ادرس، وچنت خايفه من صعوبه الماده ف بديت بأصعب فصل متتخيلون شگد ارتاحيت من شعور الخوف (ف علاج الخوف مواجهة المخاوف ) بهالبساطه صدگوني♥️♥️

ثاني شي الواهس، الواهس انته الي تخلقة من خلال انو تسوي جو مناسب للدراسه بعيد عن كل ضوضاء 💞+تنظيم الوقت🕗 +تخصصون ساعه مثلآ تسوون بيهة كل شي تحبو او يغير من نفسياتكم 🐣(مقاطع مضحكه، مسلسل او فلم حلو، گعده ويه الأهل، طلعه لمكان تحبو..... الخ)
ولتنسون القرءان حتلو صفحه باليوم (هالشي كلش يساعدكم ويخفف عليكم واطلبو من رب القوة انو يمدكم بالقوة)
وراح نبقه وياكم الى ان تتخرجون 💜💜

🦋والنوع الثالث والأخير الي خايفين من القبول 🦋
حاليآ القبول لا بيدك ولا بيدي، بيد رب العالمين ف الي بحوزتكم هسة شي ثمين للي عرف قيمته، والي هوة (الدعاء)
اكيد سامعين انو الدعاء يكسر ظهر المستحيلات، (الأقدار تتغير بالدعاء🙏) انتو من هاي وقيسو بعد

ف ادعو بقلوب صادقة وبنية صافية💕 +استغفرو وصلو ع النبيقبل كل دعاء،

علمود شكو ذنب عدكم يحجب دعائك من الوصول لرب العالمين يروح
وتأكدو انو الله ميخيب دعاء من دعاه🥺❤️

ان شاء الله يارب تنقبلون بأحسن وافضل الأقسام، كل الأقسام حلوة وشي يكمل شي المدرس يخرج الدكتور الدكتور يعالج المدرس، الممرض يساعد الدكتور، والمحلل يشخص الأمراض، والصيدلاني ينطيك العلاج والمهندس يبني البيوت لك ذولي... وهكذا

اليوم نباشر معكم سلسلة منشورات التقديم للجامعات في قناتنا الخاصة بطلبة الجامعة⤵️⤵️⤵️⤵️⤵️

-------------------------------
#برنامج_رحلتي_في_الجامعة
https://www.tg-me.com/prouni2

#انتظرونااا...

ارسل القناة لاصدقائك لتعم الفائدة
الدال على الخير كفاعله 💚

لاتسمحو للفشل ان يسقطكم أرضا ً، لاتسمحو للكلمَات ان تدمر أحلامكم ، احياناً ستواجهو ظروف قاسِيه لكن لاتستسلمو.

‌‎" وإن من شيء إلا عندنا خزائنه " ..
طموحك ..أحلامك .. أمنياتك .. موجودة عند الكريم المنان ..
فأستمطرها بالرجاء والدعاء والثقة به "

مرحبا طلابنه شلونكم شخباركم ان شاء الله ياربي تكونون بأفضل حال.. 💜💜
مع بداية العام الجديد حبيت احجي وياكم واطرح عليكم شكم فكرة💡 او اعتبروها نصيحه شلون متريدون تسموها سموها المهم....
1:-ان لم تعرف الى اين تذهب فجميع الطرق تنتهي للا شيء! 💔
شنو يعني؟؟ 🤔
يعني اذا متخلي هدف 🥅 واضح امامك اذا متخلي خطه توصلك الى هذا الهدف مراح تحصل شي 🥴💔
زين اني ماعندي شي ابالي اريد ادخل السادس وانجح شلون مجان😏.
لا! 💔 هالشي غلط حتلو يكون هدفك انو تحصل ع فلان معدل... هم يعتبر هدف 🥅
اني من الناس مجنت خاله ابالي🧠 فد شي بس كلت اريد اطلع معدل بالتسعين 💪
والحمدلله حققت الي اريده 🙏
فضيها شنسوي هسه؟ 🤔
جيبو ورقه 📄 وقلم ✏️ وفكرو كلش زين ...
ياترى شنو اريد اصير؟ 🤔 وشنو ابالي وشنو احب؟ 🤔 والي ماعدهم مجال ابالهم خل يكتبون المعدل الي يطمحولة🔍

الي افتهمناه من كلامج يعني انو الهدف هو المسؤول عن النجاح مو هيج؟! 💔 🤔

باعو خل نفترض عدنه طيارة✈
وهالطيارة تقلع🛫 من مكان الى 🛬مكان مجهول بالنسبة للطيار🤷‍♂
برأيكم هل انو الطيار👨‍✈️يقبل يروح الى جهة ميعرفها وممقررها مسبقآ؟! 💔 🤔
زين لنفترض طار 🛫 لشوكت حيظل بالجو قبل متوكع 🛬 او ترجع لنفس النقطه الي انطلقت منهة! ؟🤔
زين هسة شنو الربط؟!
الربط انو الانسان بدورة مثل الطائرة اذا صار عنده هدف 🥅 وخطه مسبقه حيوصل (بنسبة كبيرة) للوجهة الي يريدها.... 💜.
واذا مجان عنده هدف 🥅 واضح وخطة واضحه حيبقى على الارض ثابت و محتار... واذا طار حيهدر طاقة ووقت هائل وراهة يوكع او يهبط بنفس النقطه الي انطلق منهة...
وهذا هوة الفرق بين الانسان الناجح 💪والانسان الفاشل 😣💔
وبأختصار شديد:-سر النجاح يكمن في وضوح الهدف، والمرونه في التنفيذ.
الجمعة الجاية ان شاء الله نشرح المرونة
#حوري

المفروض ينزل قبل وقت بس جنت جدآ مشغولة اعتذر منكم،،

اي احد عنده استفسار يراسلنا ع البوت @Eduexsams_bot

سر النجاح بالسادس