Jismoniy sog'liq

Oldin bir postimizda aytganimizdek, kuchli dasturchi nafaqat aqlan, balki jismonan ham kuchli bo'lishi kerak. Dasturlash sohasiga kirayotgan ekansiz, bularni yaxshi bilishingiz kerak.

Ko'p ekran qarshisida o'tirish davomida:
- Ko'zingizda
- Belingizda
- Bilaklaringizda
og'riq paydo bo'lishi mumkin. Va har doim bundan qo'rqib, xasta bo'lib qolmaslik uchun harakat qilishingiz kerak. Quyida o'zim amal qiladigan ba'zi ishlarni tavsiya qilaman:

- Doimiy ko'z doktori nazoratida bo'ling. Men sun'iy ko'z yosh ishlataman. O'zbekistonda hech topa olmagandim, afsuski. Bizda vitamin va ba'zi dorilar bilan boyitilgan ko'z dorilari bor ekan.

- Doimiy sport bilan shug'ullaning. 1 oydirki haftada bir ot-minish sportiga qatnayman. Belimdagi og'riqlar sezilarli darajada kamaydi.

- Kunlik badantarbiya qiling va shahringizdagi yashillik ko'p bo'lgan yerlarda kamida 1 soat aylaning. Ko'zingizdagi va tanangizdagi kunlik charchoqni chiqarishda bundan samarali usul yo'q, menimcha.

- Ko'p suv iching. Kunlik 1.5 litr suv ichishga harakat qilaman. Aslida bundan ko'proq ichishni tavsiya qilishadi.

- Ortiqcha vazndan qutuling va hech qachon alkogol va tamaki mahsulotlarini iste'mol qilmang.

Har birimizga bu sohada o'n yillar davomida ishlab, har qanday "kasb kasalligidan" uzoqda bo'lishni tilab qolaman.

P.S. Siz sog'lom dasturchi bo'lish uchun nima qilasiz?

#productivity

Telegram | YouTube | Linkedin

$17 000

Bu pul endi o'rganayotgan dasturchilar uchun juda katta tuyulishi mumkin. Lekin, aslida bu pulni barchasi 1 yil ichida faqatgina serverlarga ketadi.

MVP bo'lganim sabab, Azure $17 000 grant bergan va bu pulning deyarli yarmini 6 oy ichida ishlatib bo'ldim. Eng qizig'i birgina tarteeb loyihasi azure orqali ishlaydi.

- "To'g'ri resurslardan foydalanmayapsizlar?" - deyishingiz mumkin.

Aslida, har qanday resursning eng arzon tarifini ishlatamiz. Xo'sh, nega unda bunchalik ko'p pul ketyapti? Chunki, enterprise loyihalar tuzish doimo qimmat bo'lgan. Shuning uchun ham startup olamida yuz minglab dollar investitsiyalar kiritiladi. Dasturchilar, serverlar va kompyuterlar bu pulning katta qismini olib qoyadi.

#azure

Telegram | YouTube | Linkedin

Fikringni Bildir!

Tarteeb School da CashOverflow deb nomlangan loyiha qilgan edik. Dasturchilar oyliklari va ishlagan kompaniyalari haqida ma'lumot beradigan loyiha edi. Bugun Sharh loyihasi haqida o'rgandim. Biz boshlagan ishning mukammal namoyondasi bo'libti.

Onlayn darslarimiz haqida bitiruvchilarning fikrlarini shu yerda saqlab borishga qaror qildim.

Ushbu havola orqali o'tib biz haqimizda fikringizni yozib qoldiring.

P.S. YouTubedagi darslarimiz ham Tarteeb School miqyosida qilnayotgan ishlandandir.

Yo'q, muammoni hal qilishga urunmang
Yohud, texnologiyalarni aql bilan ishlating.

Ish e'lon shartlarida o'nlab texnologiyalarni ko'rishingiz mumkin. Tabiiyki, malakali kadr bo'lish uchun texnologiyalarni birin-ketin o'rganishni boshlaysiz.

Misol qilib Redisni olaylik. Bu dasturingizda ishlatishingiz mumkin bo'lgan kesh xotira. Bizning Tarteeb loyihamizda endi Redis ishlatishni boshladik, chunki bu texnologiya hal qiladigan muammoga endi duch keldik.

Aslida, texnologiyalar haqida yuqoridagidek nima qilishini bilsangiz kifoya.

"Unda qanday ishga kiramiz?" - deb o'ylayotgandirsiz.
- Loyiha tuzing. "Todo app" bo'lsa ham, backend va frontendini tuzib chiqing, uni github va serverga joylab, o'zingiz har kuni ishlata oladigan darajaga keltiring.

Bu jarayonda ko'plab muammolarga duch kelasiz va muammolaringizga texnologiyalar yechim sifatida kelishni boshlaydi.

P.S. Microservice arxitekturasi ham shunday. Endi o'rganayotganlar, aytinglarchi, microservice yozishni ham o'rganyapsizlarmi?

#tips

Telegram | YouTube | Linkedin

Raqobat

Yuqorida Elon Muskdan BYD haqida so'rashganda, kulib, "ularni mashinalarini o'zi ko'rganmisiz" - deya masxara qilgan. Hozir BYD dunyoda 1-elektro-mobil ishlab chiqaruvchisi.

Steven Ballmer (microsoft direktorlaridan) birinchi IPhone chiqganida: "Biz millionlab windows phone sotamiz. IPhone juda qimmat va klaviaturasi yo'q. Bu odamlarga yoqmaydi" - degan edi. Bugun, windows phone haqida ko'pchilik bilmaydi ham, IPhone esa bozorda hukmronlik qiladi.

O'ylashimcha, mening pulim va bizneslarim bor deb boshqalarga past nazar bilan qarash kerak emas. Doimiy ilm olib, dasturlarimiz kliyetlari bilan doimiy aloqada bo'lib jamiyat muammolariga yangi va kutilmagan yechimlarni taqdim etishimiz kerak. Zero, bu soha g'aflatda qolganlarni va yosh (junior) dasturchilarni nazarga ilmaganlarni kutilmagan va tez fursatda o'yindan chetlashtiradi.

P.S. Yaqinda Mark Zuckerberg ham Apple`ning VisionPro`sini uning Meta Quest 2 sidan o'ta olmasligini aytib chiqdi. Apple VR/AR sohasida topga chiqa oladimi?

Daho

O'zbek .NET hamjamiyatiga katta hissa qo'shib kelayotgan kuchli dasturchilardan biri - Wahid Ustoz. Dasturimda rate limiting qo'shayotgan edim va u bu mavzudagi darslarini ko'rib qoldim. Hatto, murakkab mavzularni ham tushunarli yetkaza olganlar.

YouTube va Telegram kanallariga obuna bo'lishni tavsiya qilaman. Qanchalik ko'p dasturchi obuna bo'lib, savol so'rashsa, shunchalik tajriba va bilimlaridan hamjamiyatimiz bahramand bo'ladi.

#daho

Telegram | YouTube | Linkedin

Haqiqiy junior "gubka"dek bo'lishi kerak.

Bu haqda ushbu maqolada gapirib o'tdim.

Assalom alaykum.

Sardor og'aning takliflariga binoan so’rovnoma tashkil etayapmiz.
Bu so'rovnomadan maqsad O’zbek axborot texnologiyalari segmentidagi yetakchi mutaxassislarni aniqlash va ommaga e'lon qilish.

So’rovnomani to'ldirish uchun quyidagi havolaga o'ting.
https://forms.gle/qkDwmeM2MCzR1Hny5

@UzGeeksCommunity

Daho

Mabrouk Mahdhi MVP bo'ldi! Standard Communityning muhim a'zolaridan biri Microsoft Most Valuable Professional unvoni bilan taqdirlandi.

Oramizda MVP bo'lish uchun harakat qilayotgan do'stlarimiz ko'p. Mabroukning ba'zi qilgan ishlarini aytib o'tmoqchiman, balki kimgadir manfaatli bo'lishi mumkin. Bular albatta men bilgan sanoqlilari:

1. Laughing at Null kitobi muallifi
2. Mediumda 100 ga yaqin maqolalar muallifi
3. Nugetga chiqarilgan o'nlab kutubxonalar yaratuvchisi
4. Bir necha Open-source loyihalariga hissa qo'shgan dasturchi
5. Hamjamiyatda aktiv mentor va maslahat berishdan bosh tortmaydigan oq-ko'ngil inson

Ishonchim komilki, yuqorida sanab o'tilganlar jamiyatga manfaat berish uchun qilingan ishlardir va ulardan ko'zlangan maqsad faqatgina MVP bo'lish emas, balki keyinchalik undanda yuqoriroq martalablarga yuksalishdir.

Siz ham MVP unvonini maqsad qilib qolmang. Undan yuqori cho'qqilarni ko'zlang va atrofingizdagilar uchun chin dildan harakat qiling.

#daho

Telegram | YouTube | Linkedin

The-Standard hamjamiyati logitipi ishlab chiqildi.

Sizningcha chiroylimi? Nimani anglatadi?

Skype

Biz Tarteeb loyihasini ham, o'quv kursini ham Skype orqali boshqaramiz. Nima uchun?

1. Chat yaratish mumkin (bepul)
2. Chatda sifatli va cheksiz video-uchrashuv qilish mumkin
3. Video-uchrashuvni yozib olish mumkin. Chatda saqlanadi.

Manimcha oddiygina shu uchchala imkoniyatni hali birorta messenjer bera olmaydi. Teams, Telegram va boshqalarini sinab ko'rdik. Lekin, shu uchchala imkoniyatni sodda va sifatli usulda hech qaysi bera olmadi.

Siz o'quv kursingizda qaysi platformada ishlaysiz?

P.S. Loom kabi qisqa video yozish imkoniyati qo'shilibti. Bu qilgan yaxshiliklari uchun maqtab qoyish kerak deb hisobladim.

Telegram | YouTube | Linkedin

Dora AI

Yangi sun'iy intellekt endilikda aytganingizga ko'ra, vebsayt yaratib berar ekan. Hozirda Tarteeb School uchun landing page yaratyapti.

Ba'zi asosiy imkoniyatlari:
1. Figmadan vebsayt yaratish
2. 3D modelga ko'ra vebsayt yaratish
3. Kiritilgan matnga ko'ra vebsayt yaratish

Natijani tayyor bo'lganda ulashamiz.

#ai

Telegram | YouTube | Linkedin

🗓 Bugun soat 18:00 Threading haqida dars efirga uzatiladi.

🔗 26-Dars

Email

Shubhali va noodatiy ko'ringan xatlarni/havolalarni ochmang. Ishxona bergan email bo'lsin, shaxsiy telegram yoki linkedin accountingizda bo'lsin, yuqoridagidek xatlar kompyuteringiz nazoratini olib/buzib qoyishlariga asos bo'ladi.

Xattoki, amazon.com bilan аmazon.com ham bir xil tekst emas. Izohlarda ikki stringni farqini ayta olasizmi?

Telegram | YouTube | Linkedin

Microsoft For Startups

Microsoft for Startups konkursiga Tarteeb loyihasi bilan ariza topshirgan edim. Qabul qilindik!

Bu nimani anglatadi:
1. Azure AI va boshqa ko'plab xizmatlar uchun $150 000 dan ortiq kredit olish
2. Github, Visual Studio va boshqa Microsoft loyihalari uchun Enterprise subscription olish
3. Microsoft hamkorlaridan qo'llab-quvvatlash va mentorlik olish imkoniyatini beradi.

Kunlik ishim, Tarteeb loyihasi va Tarteeb School haqida postlar yozadigan bo'lsam, sizga qiziq bo'ladimi?

Telegram | YouTube | Linkedin

🗓 Kecha Threading haqida 2-dars efirga uzatildi

🔗 27-Dars