{وَلَا تَيْأَسُوا مِنْ رَوْحِ اللَّهِ ۖ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ}

مِنْ فِقهِ السعي في الدروبِ أنْ تُدرِكَ أنَّ الغاياتِ لا يُتوَصَّلُ إليها بمحض الرجاء أو التمنِّي...
وإنَّما طريقها شَاقٌّ يحتاجُ إلى قوّةِ يحيى في الأخذ، وصبر أيّوب على وعثاء الطريق، وَالغُنْمُ بالغُرمِ، أمَّا مَنْ لم يُقدِّم ويبذل فكيفَ يصلُ إلى مُبتغاه، ويُعانقُ مُشْتَهَاه!

العلا فقط يُحالِفُ مَن ينطلقُ إلى غاياتِهِ في غيرِ تَوَانٍ، فالتراخي رَخَاءٌ خَدَّاع، والتعَبُ شِدَّةٌ يَعقُبُها هَنَاءٌ ولذَّةٌ لِسانُ حالِها: قد كنتُ ولا زلتُ أَهلًا لِمَا اشتهيت💙

‏ وجود شخص يدعمك نفسيًا ويطمنك طوال الوقت ، شيء لا يُقدَّر بثمن ❤️

تَعَلَّم الإتمام..

أن تُتِمَّ ما بدأت، وتُنجز ما خَطَوت، وتُكمل ما خَطَّطتَ له! لا تكن مبتورًا، منقوصًا، أشتاتًا هنا وهناك، في الطّريق ستختلف الرّؤىٰ، ستتغيّر الأحداث، قد تَترُك أمرًا وتأخذ آخر، لا تنسَ؛ بعضُ التَّرك إتمام، لكن أدرِك متى تترك، ومتى تُمسك، متى تُكمل ومتى تقف.

“دون النظر إلى الآخرين، حقق هدفك بوتيرتك الخاصة.”

النضوج البيخليك انت عارف انت عايز شنو .. نضوج بتدفع تمنه غالي جدا

لكن الغالي تمنه فيه !

حتتمرمط و حتتغش و حتحس انك مغفل جدا .. كل دة في مسيرتك لي نسختك الأفضل

اها نسختك الأفضل دي لما تصل ليها بتحس بي انتصار كدة ما بيفهمو اي زول الا انت

طبعا هي بتفضل تتطور و تتعدل .. لكن تعديلات طفيفة .. البلوَرة الحقيقية بتكون حصلت قبيل

على أي حال ..

زي ما بتقعد تعاقب نفسك على الهفوات .. لابد انك تفخر بيها في النجاحات

ما بالضرورة تكون شهادة في هارفرد النجاح دة

بالنسبة لي .. اني اتجاوز قصة حزينة ألمتني زمن طويل دة نجاح

اني اعرف اتكلم عن نفسي و اعبر عنها في اي موقف و مشهد دة نجاح

اني اكون عارفة كويس انا عايزة شنو .. دة اكبر نجاح ..!

♥️
سلمى المصباح 💙

بتكلم مع زميلة أجنبية و بنحكي مشاكلنا ك شباب و كيف إنه وضعنا كمواطنين في دول نامية مخلينا بعيدين من جزء كبير من الخدمات زي النت و الكهرباء ووسائل الدفع الإلكتروني العالمية
قالت لي بلهجة إنجليزية
That's why as leaders, we have to work to develop our countries
أو بمعنى (عشان كده إحنا كقادة، يفترض نشتغل عشان نطور أوطاننا)
الأسابيع الفاتت كانت صعبة شديد، قطوعات كهرباء طول اليوم، قطوعات موية، البنزين و أزمة العيش و الإنترنت ما مستقر و ناهيك عن الحياة والمشاغل اللي واقفة وسط الازمة ..
طبعاً ما سلمت من الأزمة دي وكنت بجازف في امتحان وإنترفيو بالعافية عشان أعديهم. ومن الزعل وسوء الشبكة عايزة أشيل اللابتوب وأمشي الحدود أكمل الإنترفيو و الإمتحان😂.
بالصدفة بقرأ في كتاب مصطفى محمود (بين الحب و الحياة) قال فيما معناه إنه أغنى زول هو اللي عنده حاجات بسيطة بس عنده دوافع، قال العمر و الصحة و القروش ديل مجرد ترف و ما ليهم معنى من غير دوافع، لأنه الدوافع هي الروح، و المحرك الأساسي و الطموح و سبب الحياة ❤️
كمان أضاف في صفحة تانية إنه ما في حاجة اسمها ظروف ، الشجرة اللي هي جماد بتعافر و تنمو ضد مسار الجاذبية الأرضية فكيف بالإنسان اللي بقدر يتحرك و يبحث، وضرب مثال إنه الظروف بتتشابه في أسرة واحدة بس مصير الأولاد بختلف فيهم الناجح و اللي ما بقدر ينجح و استنتج ببساطة إنه الإنسان هو الظرف الحاسم وإنه دائما في مخرج و حل، طالما في إيمان 🌸✨
كل سير العظماء بتبدأ بالظروف و المشاكل الواجهتها و كيف عرفو يتحدوها ووصلوا للقمة، و كل سيرنا إحنا بتبدأ بسلسلة أعذار ليي ما أنجزنا ولا اتحركنا!
كلام د/مصطفى ده ما كلام إيجابي أو تحفيزي، إنما هو نظرة حيادية تماماً. قدرتك إنك تنجو بنفسك وسط العقبات دي كلها ده دليل على عزيمتك و إجتهادك، وقدرتك إنك تنق وتعد العقبات دي و تفضل تشتم في السودان و الظروف ده دليل على إنك موجه طاقتك غلط وأبسط مشكلة ح تفتش سببها عشان تعمله شماعة.
الكلام مع زميلتي الأجنبية أكد لي إني ما الوحيدة اللي بواجه المشاكل دي، هي كمان في دولة تانية و بتواجه جزء كبير من المشاكل دي بس كانت حريصة كل ما أحكي ليها حاجة تفتش حل.
الصباح ده، الكهرباء ممكن تكون قاطعة و الموية ما عايزة تجئ و الشبكة بتكاوي فينا عشان ع الأقل رسائل الواتس تنزل ناهيك عن محاضرات و تعليم إلكتروني و متابعة مواقع مفيدة
الصباح ده، ما ح نركز على المشاكل، ح نركز كيف نحلها.. كيف نصنع منها تحديات وكيف ننجح رغماً عنها!
هذا الصباح ، ما في شئ اسمه ظروف.. في قرار اسمه ح ننجح و نعافر ونصل ❤️

ترتيل محمد

هاي📢🙈

ازيك..

نحن عارفين انك تعبت شديد عشان تلقى شغل..بس للأسف داخل الشغل ده في زول (سام)...

بمعنى آخر عايزك ب اي شكل كان..تخلي الشغل...لاسباب ما في النفس..

ربما نقص..ربما تكبر..ربما لانو ما بحبك..وربما عايز يجيب زول تاني مكانك وعايزك تخلي الشغل ب اي شكل كان..

خصوصا لو كنت شغال في مكان ما فيهو جهة بتجيب ليك حقك....وبتخاف تفقد شغلك لانو في ناس بتصرف عليهم ومعتمدين عليك ك مثال...

وفي نفس الوقت ما قادر تستحمل نقطة انو بيسمم عليك الجو وبقول فيك كلام كعب ...وربما بتسمع منو كلام مش حلو...

وممكن يصل العنف ده تحديدا لانو يبتزاك ويطلب منك حاجات ويستغلك كمثال لانو هو شايف انك محتاج وكده...

خصوصا مدراء العمل..او أي زول عندو علاقة لطيفة بي (رب العمل) ف بديك ايحاء انو ممكن يخليك تفقد شغلك..وانت خايف ومضغوط..ومحتاج تواصل...

اتذكر انو ده تحدي ضغط ربنا جابك فيهو..لحدي تلقى ليك شغل تاني..او تضمن انو في جهة حتجيب ليك حقك...

بس بنديك استراتيجيات حسب دراسات متقنة..حتساعدك ب انك تتجاوز الفترة دي.مع الشخص السام...

🔴اعتبرو شي بتتعرض ليهو يوميا... وانو اقل منك من حيث الادراك والفهم... يعني زي البتعطف عليهو وبتحاول تحافظ ع مسافة عاطفية بينك وبينو... يعني انت العقلك كبير وهو عقلو صغير...وماتاخد سلوكو ده بي شكل شخصي... ده شي حيساعدك كتير لانك تتجاوزو لحدي تلقى حل..

🔴أعمل بينك وبينو حدود...

بكل التهذيب اللي في الدنيا...اعمل بينك وبينو حدود... ووريهو انو ده مقبول..وده ما مقبول بالنسبة ليك...بقدر الامكان...

🔴لو واصل في سلوكياتو...وانت في شغلك ده...شوف جهة بتقدر تخاطبها وتجيب ليك حقك...زي الموارد البشرية..او مديرك...

🔴خليك ايجابي... وما يسمع منك كلام سلبي زي ماهو بيعمل... ماتنجرف معاهو للمستنقع اللي هو عايزو... اعتبرو خنز-ير ك مثال فما تمشي معاهو للطين والقازورات اساسا هو بحب كده.. ف خليك بعيد وبارد وايجابي...

🔴وثق ليهو...

سجل كل المواقف والتصرفات السيئة بحذر..

تاريخها..واوقاتها..وااشهود..والتفاصيل..دي حاجة بتنفعك لو احتجت ترفع شكوى...

🔴برضو بنرجع نذكرك لازم تكون هاديء..وماتستجيب للاستفزاز..

🔴اعتبرو عوير..لحدي تنال مبتغاك..ف ده تذكير زي الفوق

🔴فتش عن الدعم...

اصدقائك...زميلك اللي كويس معاك في العمل... زوجك زوجتك... او المعالج النفسي...

خصوصا المعالج النفسي حيساعدك كتير لانك تتجاوز الفترة دي لحدي تلقى مبتغاك..

🔴وما تنسى.... تدقو حسبنة بس😄😄

الاخيرة دي ماعندها مصدر..بس ياها الكارما زي ما بقولو..بتلف عليهو الدوائر... وحقك ما بروح ساي...

باي

Alshreef Alfadol Adam

#صحتكم_النفسية_تستحق

#Alshreef

لازم تتأكد من انك كأنسان طبيعي عادي بتمر بلحظات تحس فيها إنك منطفئ زي ما مرات بتحس بلحظات الإشراق ؛ لكن لازم تكون حكيم في إنك تتصالح مع نفسك في كل حالاتك ؛ تحول لحظات الإنطفاء دي للحظات سكينة وهدوء وراحة وبنفس الطريقة تخلي لحظات اشراقك مليانة عطاء وبناء لنفسك💙.
#Abrar_idris
#كفاح_حتى_النجاح🔥

إيَّاك والدخول فِي أمرٍ استنكرته فِطرتك فِي اللحظات الأولىٰ لبدايته.
علاقة تبدُو شَائكة منذُ الوهلة الأولىٰ.
مادة تعرف أنَّها معَ الوقت قَدْ تتحوّل لعادةٍ إدمانيَّة..
عَمل لديك شكوك حول حرمانيته ..
قرار يتعارض مع احترامك لذاتك.. مع قيمك العُليا ..

اللحظات الأولىٰ … وأنت لازلت بكامل ارادتك وعزيمتك، وأنت كليًا خارج العربة المنحدرة، هذه اللحظات الأولىٰ هيَ التوقيت الأمثل لإنهاء الأمر ..

واسأل من سَبقوكَ كيفَ تكون مُحاولات الخروج بعدهَا صعبًة ومُؤلمَة، نُقطة البداية هيَ أسهل مَحطة يمكنك فيها الرُّجوع عَنْ قَرارك 👌💡..

السلام عليكم ورحمة الله تعالى وبركاته

١٧ مليون طفل سوداني. بلا مدرسة

حسب احصائيات منظمة اليونيسيف



رقم كبير ومستقبل مظلم بلا تعليم

أوقد شمعة.      خيرا من. ان تلعن الظلام


لنبدا بما نقدر عليه

ما لا يدرك كله. لا يترك كله


مجموعات  تعليم. مجانية  على النت لكل من  لم يستطع مواصلة الدراسة بسبب الحرب او لأي سبب


ساعد بالتدريس او دعوة المعلمات  او  الاشراف او التعريف بالمجموعة للجميع او حتى بنشر الاعلان


رابط فصول الطلاب (البدء ان شاء الله عند اكتمال معلمي كل فصل)

الصف الاول ابتدائي

https://www.tg-me.com/firstclasssudan
الصف الثاني ابتدائي

https://www.tg-me.com/secclasssudan
الصف الثالث ابتدائي

https://www.tg-me.com/thirdclasssudan
الصف الرابع ابتدائي

https://www.tg-me.com/fourthclasssudan
الصف الخامس ابتدائي

https://www.tg-me.com/fifthclasssudan
الصف السادس ابتدائي

https://www.tg-me.com/sixthclasssudan
‎ الصف الاول متوسط

https://www.tg-me.com/firstclasssudanmed
الصف الثاني متوسط

https://www.tg-me.com/secclasssudanmed
الصف الثالث متوسط

https://www.tg-me.com/thirdclasssudanmed
الصف الاول ثانوي

https://www.tg-me.com/firstclasssudanhigh
الصف الثاني ثانوي
https://www.tg-me.com/+gykU8MhHkwg0MTRk

فصل ثالث ثانوي

https://www.tg-me.com/+gQrSjEnUkG9hYzZk




رابط مجموعة للتطوع بالتعليم والاشراف والتنسيق


https://www.tg-me.com/+PkF_l17uE2k3OTQ0

ماف تغيير بحصل من غير تتعب عشان يحصل ما تنتظر التغيير يجي لحدي عندك او يحصل فجأءة ولا تنتظر زول يجي يساعدك عشان تتغير ،وماا تنتظر معجزة تحصل عشان الأمور تتغير، ح تكون زي ما انت لو ما قررت انك تتغير ماف حاجة ساهلة ، وعشان ينجح التغيير لازم يكون خاص بيك انت.
#Abrar_idris
#كفاح_حتى_النجاح💪🔥

ربي
إنني على أمل
ولم تنتهِ الآمال
وأنت ربي
وربّ هذه الآمال 🍃💙

إذا سألت فاسأل الله، وإذا استعنت فاستعِن بالله، واعلم أن الأمُة لو إجتمعت علىٰ أن ينفعوك بشيء لم ينفعوك إلا بشيء قد كتبه الله لك، ولو اجتمعوا على أن يضروك بشيء لم يضروك إلا بشيء قد كتبه الله عليك، رُفِعَت الأقلام وَجفَت الصُحُف.
‏توكَّل عليهِ واطمئن..

وَتَوَكَّلْ عَلَى ٱللَّهِ ۚ وَكَفَىٰ بِٱللَّهِ وَكِيلًا.

‏اذكار الصباح
وذكر الله غاية الدنيا ونعيم الآخرة
أفضل الذكر لا إله إلا الله💙
افضل الدعاء الحمد لله 🌼

في اليوم العالمي للتطوع، دايمًا بحس إنو العمل التطوعي جزء كبير من هويتي ومصدر قوتي.

التطوع بالنسبة لي ما مجرد حاجة بعملها، دي طريقة حياة بتعكس القيم الإنسانية وبترجع لي إحساس بالانتماء والهدف. من خلال التطوع، بقدر أتعلم وأتطور وأسهم في إحداث تغيير إيجابي في المجتمع.

التطوع ما بس مساعدة الناس، كمان فرصة لنتعلم مهارات جديدة وبنبني علاقات قائمة على التعاون والاحترام.

في اليوم ده
ممتنة وفخورة جدآ بكل كيان كنت جزء منه 🤍، بحتفل بكل شخص تطوع وساهم في جعل العالم مكان أحسن. التطوع هو الطريق للتغيير الحقيقي، وكلنا جزء من التغيير دا. خلونا نستمر في العطاء ونشجع غيرنا على التطوع كمان.🤍🤍
#التطوع
#التطوع_أسلوب_حياة

ما زاال في متسع من الزمن ما تيأس ياصاحبي حارب حتى في اخر اللحظات عشان تكون راضي عن نفسك بعديين وما تقعد تلوم فيها.
عشان ما تندم علي تقديم حاجة واجب عليك ♡.
#كفاح_حتى_النجاح 💪🔥

ما تخلي الظروف والتحديات البتمر بيك في الحياة دي تسرق منك احلامك ♡
إنت اقوى منها والأمل الربنا مديهو ليك كبييير 💕
#كفاح_حتى_النجاح🔥