20 اقتراح لبداية جديدة ..
دي روشتة فعالة لاي حد في مشكلة وعايز يطلع منها .. او لسة طالع من ازمة .. او حتى اي حد عايز يطور ويغير في حياته وينتقل لمرحلة جديدة ..
1-حب نفسك .. وقدرها .. فهي من صنع المولى اللي احسن كل شيء خلقه .. متبقاش انت والدنيا عليها .. واول خطوة عشان تحقق ده .. اهتم بصحتك اوي .. خد فيتامينات واشرب مية كتير ..
2-ما تلومش نفسك علي اللي فات .. اللي فات مات المهم الجايات .. ركز قدامك .. انت سايق حياتك متبصش في المراية اللي في النص غير خطف ..
3-اعمل حاجة جديدة عليك .. اتعلم مهارة جديدة .. دلع نفسك بطريقة جديدة .. جدد .. اعمل اي نشاط معملتوش قبل كدة انشالله اكلة او مشروب جديد .. او اخرج او سافر مكان جديد .. غير روتينك و اللي اعتودت عليه ولو حاجة بسيطة
4-خد break من كل حاجة شوية .. حتى لو يوم تاخد بريك من شغلك يوم من عيلتك يوم من صحابك .. وهكذا ..
5-غير طريقة style لبسك ولوك شكلك.. بداية جديدة بلوك جديد
6-اهتم بالتنمية الذاتية .. طور وعيك و نفسيتك وشخصيتك .. واهتم بتفريغ ضغوطك لانك عمرك ما هتعرف تنمي نفسك وانت شايل كمية الضغوط النفسية دي ..
7-دور علي الحاجات اللي تسعدك .. وجرب اللي مجربتوش .. جرّأ نفسك .. ودلع نفسك .. push your limits ..
8-اهتم بالقراءة واسرح مع الكتب شوية .. وياسلام لو روايات تخدك لعالم تاني وتفصل شوية ..
9- ابعد عن الناس السلبيه او اللي بتحبطك ولو مؤقتا ..
10- مارس التأمل meditate ثم meditate ثم meditate .. اقوى مهديء للنفس والفكر بدون اي كيميا ..
11-ابتدي شوف الامور من زوايه مختلفه .. وممكن تستعين بحد مش عيب .. ركز على الزاوية الاسجابية ليك او اللي فيها منفعتك .. يا ترى استفدت ايه من الامر ده من اي ناحية ..
12-اتعلم توقف التردد وتحطله حد .. وتاخد القرار .. متبقاش رد فعل .. مستني تشوف اللي قدامك هيتصرف ازاي وعلى اساسه تتصرف انت .. خليك فعل بقا .. وابدأ انت
13-ما تسبش نفسك للفراغ السلبي اللي بتسترجع فيه ذكريات سلبية .. لكن مرحبا بالفراغ الايجابي .. اتفرغ للاجازة .. الراحة .. الاستجمام والاسترخاء والتمشية ..
14- ما تتكلمش مع نفسك بكلام سلبي .. كل كلمة بتيجي باحساسها وتعيشك مشاعر من نوعها .. كلم نفسك بكلام ايجابي .. متقفلش مخك وتسد نفسك بنفسك .
15-قرب من ربنا بطريقتك .. واطلب منه اللي انت عايزه بتفاصيل التفاصيل .. اطلب ومتقولش ازاي .. سيب الطريقة عليه .. ده ربك قادر وكريم ..
16-صاحب ودور علي ناس متفاعلة مع الحياة عندها رؤية وطموح وامل .. ناس سهلة بتضحك وخداها ببساطة .. وسايبينها على الله هم كمان ..
17-اتمسك بالامل .. ازمة و بتعدي .. ونلم وراها ونقلب .. ونبدأ على نضافة تاني ..
18-طور من شغلك .. وجدد فيه .. اي تغيير في شغلك هيفرق معاك ..
19-ما تضغطش علي نفسك .. رفقا بيها .. خدها بالراحة والمحايلة والمسايسة واحدة واحدة ..
20-تقبل عيوبك .. وسامح نفسك .. وابتدي اول خطوه في التغيير .. بالراحة
#اسراءهارون
ولو محتاج مساندة او استشارة خاصة ابعت واتساب للرقم ده 01016447440
follow 👇
Esraa Haroun Lifecoach

🌼 عرض الصيف 50% خصم على جميع الكورسات
و الكورسات كلها متوفرة اونلاين  online# ..
لاي مكان في العالم ..
بس الاونلاين عندنا مختلف ..
بمجرد ما بيتم الحجز بالدفع بتدخلي على البرنامج تسمعي وقت ما تحبي .. بكل حرية ..
مش هتتقيدي بزمان ولا مكان .. 
عدد مرات مفتوح ..
وتحتفظي بالبرنامج مدى الحياة للرجوع ليه .. اي وقت
+ وده الاهم 👇
بيكون ليكي متابعة خاصة مع استاذة #اسراءهارون شخصيا طوال فترة البرنامج لاي اسئلة او استفسارات خاصة ..
+ السعر بيشمل دخول البرنامج للام والاب في حالة البرامج التربوية .. او الزوجين في حالة البرامج الزوجية .. وفي حالة المشاكل الاسرية بيدخل كل الافراد اطراف المشكلة سواء فردين او اكتر بنفس الاشتراك لضمان وصول الحلول والمهارات ليهم كلهم .. لتحقيق الاستفادة القصوى والوصول الى نتائج ممتازة باذن الله ..

كل ده عشان نضمن وصول كل المعلومات والمهارات اللي تفيدكم في حياتكم بسهولة ويسر .. و تكون معاكم طول الوقت .. وتسهيل رجوعكم ليها واسترجاعها ..
للاستفسار ارسل واتساب للرقم 01016447440 من اي مكان في العالم

الكورسات المتوفرة :
( لمعرفة تفاصيل اي كورس ارسلي رسالة وانساب للرقم 01016447440 ) 👇
• كورس التغيير و البدء من جديد Mind formatting
• التربية الايجابية الهادئة
• التعامل مع سن المراهقة
• شخصيات الاطفال وازاي تربي كل طفل حسب شخصيته
• العلاقة بين الرجل والمرأة ( الرجال من الذهب والنساء من الماس )
• اعرف شخصيتك .. انماط الشخصيات واسرار التعامل والاقناع لكل نمط
• الاسترخاء والتأمل
• تنظيف الطاقة والتخلص من المشاعر السلبية
• التخسيس بقوة العقل
• برمجة العقل NLP بمستوياتها الثلاثة

لمتابعة قناة اطمئن ..مع اسراء هارون 👇
https://www.tg-me.com/EsraaHarounLifecoaching

قناة اليوتيوب :
https://www.youtube.com/user/osos14577

واتساب
https://chat.whatsapp.com/EqWVMSwmF3MFotg8qlPT2R

" يا ايها الذين امنوا عليكم انفسكم .. لا يضركم من ضل اذا اهتديتم "
استوقفتني كتير الاية دي .. فعلا القرءان معجزة في كل شيء الايه دي بس قاعدة تكفينا العمر كله ..
لما باجي اعلم الناس الايجابية سواء التفكير او التربية الايجابية او التعامل الايجابي او نصلح علاقة زوجية او نطلق طلاق ايجابي ناجح .. بقولهم انهم لازم يتدربوا كويس عالمهارات الايجابية اللي بعلمهالهم ويركزوا لان ٨٠٪ من اللي خوالينا سلبي و٢٠٪ بس ايجابي
واللي بيحصل ان لو الواحد مركزش في نفسه بس ( عليكم انفسكم ) مش هيعرف يتدرب كويس وتركيزه عالناس وردود افعالهم ونظرتهم وجدالهم هيعطله كتير ويشتته عن هدفه ويحبطه ..
لكن لما يوصل ( اذا اهتديتم ) لن يضره السلبيين ( لايضركم من ضل ) لانه ساعتها هيكون بيحقق اهدافه .. هيكون وقتها اقوى من سلبيتهم وجاهز يتعايش معاها بدون ما تضره احيانا وبتقليص وتقنين الاضرار احيانا وبالاستفادة منها احيانا ..
عشان كدة دايما اقول " ركز في نفسك وملكش دعوة بحد " وربنا هيبدلك حالك .. وهتشوف ..
والحمد لله ناس كتير من اللي اتدربوا معايا " فخورة بيهم جدا ولولا احترام الخصوصية والسرية كنت عملتلهم منشن ووريتكو الامثلة الرائعة " .. الناس دي وصلت للايجابية وشافت ده فعلا واتغيرت حياتها للافضل بفضل الله اولا وبسبب اجتهادها اللي هو من توفيق الله ثانيا .. وانا دوري مكنش اكتر من موصل للمعلومات وموجه ..
فثق بالله .. وعليك نفسك .. اتعلم واجتهد .. وهيجيلك وعد الله " لا يضركم من ضل اذا اهتديتم "
#اسراءهارون
#عيشهاصح
لمتابعة قناة التليجرام
‏https://www.tg-me.com/EsraaHarounLifecoaching


https://m.facebook.com/story.php?story_fbid=2547074225324867&id=816408068391500&sfnsn=mo

#انطلق_نحو_النجاح ٣
من عوامل النجاح
عدم تكرار اي سلوك لا يحقق نتيجة مرضية او حصيلة ايجابية .. ده مضيعة للوقت .. وتضليل عن الطريق الصحيح ..
توقف عنه فورا .. وابحث عن سلوك اخر ..
لانه طالما منفعش يبقى هيضرك .. يكفي انه بيضيع وقتك و يشغل تفكيرك و يوهم عقلك انك بتعمل حاجة مفيدة وهي مش مفيدة او انك بتعمل اللي عليك .. وهو في الحقيقة ولا حاجة .. وممكن يكون السلوك ده نفسه هو اللي بيمنع الهدف يتحقق اصلا وانت متعرفش ومش واخد بالك ..
عشان كدة مهم اوي تغير اسلوبك .. بالذات انك تغير الاساليب اللي كررتها ومجبتش نتيجة .. هي مرة والتانية واخر محاولة التالتة .. بعد كدة ضروري تغير الطريقة وتشوف تصرف تاني او كلام تاني ..
#اسراءهارون
ولو عايز مساندة او استشارة خاصة ابعت رسالة عالواتساب للرقم 01016447440

فى فئة كدة من الناس .. بنقابلها قليل ..
الناس المعتمدين على نفسهم .. الواثقين جدا ف عون الله
الاستغناء عندهم عالى لانهم زى ماقلنا مطمئنين بالله و واثقين ف عونه
وقت آلامهم بيقدروا ياخدوا جنب و يعالجوا افكارهم و مشاعرهم صح
وقت فرحتهم بيحبوا يختاروا الناس اللى بيفرحوا فعلا معاهم مش اى حد
وقت حيرتهم بيعرفوا يروحوا يستشيروا مين بالظبط مش يفضفضوا و يرموا الكلام لاى حد ..
اولوياتهم واضحة ليهم .. و لانهم تعبوا كتير اوى عشان يوصلوا بنفسهم للمستوى دة فنفسهم عليهم غالية ..
لا يحبوا يقعدوها مع اللى يهينها و لا يشوهوها بعلاقات غير سوية
ما يحبوش اقتحام الخصوصيات و لو حاولوا يسمحوا بيه اصلا ما بيقدروش ..
الناس دى لو قابلتوهم ف حياتكوا و عايزين علاقتكوا بيهم تكون قوية..
اعرفوا انهم مش بتوع كلام و هرى كتير.. العبرة عندهم بالافعال ..
اللى عايز يقرب منهم ..
وقت الجد يكون متاح و لما يكونوا مش محتاجينك تبعد عشان زى ما قلنا الخصوصية و المساحة الشخصية مقدسة جدا ليهم
ما تضيعش وقتهم و احترم خصوصياتهم
ما تطالبهمش بتواصل مستمر ع الفاضى و المليان .. لان معندهمش طاقة للعلاقات و التواصل الاجتماعى لو بدون هدف واضح
ما تضيعش وقتهم و احترم خصوصياتهم
ما تطالبهمش انهم لما يتحطوا ف مواقف مؤلمة يجولك .. هم لو محتاجينك هيقولولك
تقبللللللهم جدا و اووووووعى تلوووووم .. لانهم واثقين ف نفسهم لدرجة انك بكل لومك و نقدك و ايحاءات الاستغراب و الاستنكار بتاعتك هتترمى ورا ضهرهم
و لانهم مختلفين اوى كدة بيعانوا من عدم التقبل و عدم فهم الناس ليهم فمن مفاتيحهم انك تحبهم زى ما هم و تتقبلهم جدا ..
ماتضيعش وقتهم و احترم مساحتهم الشخصية
قولهم دايما لو محتاجين مساعدة اى وقت يطلبوها .. و لما يطلبوها قدمها فعلا .. اوعى تعزم عزايم مراكبية .. هيشطبوك من حياتهم
اوعى تمثل ناحيتهم مشاعر انت مش حاسسها .. بيفهموا اوى التمثيل و اللف و الدوران .. فشكلك هيبقى وحش اوى
لو احتجتهم روح قلهم على طول .. لانهم مش هيشموا على ظهر ايدهم احتياجك. ارحم نفسك من انك تحتاجهم و ما تلاقيهمش بانك تقول بوضوح احتياجك لان هم صعب يحسوا بالتقصير الا مع وضوح احتياجك
دول اللى لما حد بيقول قدامهم الاهتمام ما بيتطلبش هيقولولك ليه .. بيتطلب عادى و نعود عليه الناس كمان ..
مكالماتهم قصيرة الا مع اللى عمل الحاجات اللى فوق دول
مش بيتواجدوا ف مكان مش مرتاحين فيه
مش بيستمروا ف علاقات بايظة
مش بيسمحوا لحد يقتحم خصوصياتهم
وقتهم غالى جدا الا ع القريبين فعلا
باختصار اوى .. هم غاليين على نفسهم و عارفين قيمة نفسهم كويس .. فمش هيدوها الا للى يستاهلوا فعلا

https://m.facebook.com/story.php?story_fbid=2551153084916981&id=816408068391500&sfnsn=mo

الشخص اللي اتعرض لأذى نفسي في فترة من حياته سواء من موقف صدمة او مواقف متكررة متراكمة .. او طريقة معاملة سلبية غير تربوية من احد الوالدين او شخص قريب منه .. غالبا مش بيشوف الدنيا بعدها بشكل عادي ..
وكلنا قد يكون هذا الشخص .. بدرجات متفاوتة ..
تكوينه النفسي من جواه مش زى اللي جواك خالص !!
الموقف اللي بيمر عليك مرور الكرام .. بيمر جواه على معارك طاحنة ومشاعر عاصفة ..
لما يحاول يشرح اللي بيحس بيه .. غالبا محدش بيفهمه .. بيتم تسفيه مشاعره .. انكارها .. او الاستهانة به .. او اتهامه بانه نكدي ومزودها ..
دايما حاسس بغربة .. و انه مختلف عن الناس ..و ان محدش حاسس بيه .. ولا فاهمه .. وحتى لو اتكلم و مهما اتكلم مش هيتفهم ..
علطول مش حاسس بأمان ..
واحيانا يضطر يمثل عشان يأمن نفسه بشكل ما ويضطر يعمل تصرفات عنيفة او غريبة بس عشان تحميه من تدخل الاخرين في اللي جواه ..
وده بيكون من وجهة نظره اسهل من انه يشرح لحد اللي جواه .. اللي هو شخصيا كتييير مبيكونش مدركه ولا عارف يعبر عنه ..
الشخص ده ممكن أى وجع انت شايفه بسيط او لا يذكر ممكن يسبب تعطيله في الحياة .. واحيانا انهياره .. ويشكل ضغط نفسي رهيب عليه ..
بيكون ليه تكوين نفسي مختلف .. اللي جواه تاعبه اوي .. عايش في صراعات قاسية ..
في معارك يومية جوا نفسه ..
عامل بالظبط زى اللي جلده محروق ..مبيطقش حد يلمسه ..بيحس بالألم اضعاف .. الخبطة اللي تقدر تستحملها بجلدك السليم .. غير خالص لما يتخبطها وهو جلده محروق ..
الناس دي دواها القبول والتفهم والتعاطف .. وليس الشفقة .. اهم دواء ليه انه يلاقي دعم ومساندة .. حد يحس بيه .. وحد يساعده يشوف الدنيا في صورة سليمة .. غير الصورة المشوهة اللي هو شايفها في مرايته المشروخه بسبب وجعه الجواني ..
بالراحة عالناس دي لانهم فيهم اللي مكفيهم .. مش ناقصين اي حكم عليهم او اتهامات او استخفاف بسلوكهم .. ولا اي ضغوط..
ولو انت من الناس دي خليك عارف انك معذور لانك اتأذيت من الآخرين قبل كدة وانت مش حاسس .. بس انت مش معذور من اللحظة دي لو سبت نفسك تتئذي تاني ومخدتش بالك منها ومن صحتك النفسية ..
هتبقا بتئذي نفسك بنفسك تاني من دلوقتي لو مدورتش على مساعدة من متخصص نفسي عشان يمدك بالمهارات والادوات اللازمة لتطوير نفسك وانك تحافظ على نفسيتك من الابتزاز والأذى والضغوط ..
#راعي_نفسك
#اسراءهارون
للتواصل واتساب فقط 01016447440