الموضوع مهم لأصحاب الابتلاءات الطويلة .. اللي مش نافع معاها اي شئ .. او بمعني أدق هو بقي تايه في وسط الحلول يعمل انهي فيهم !! يستغفر ولا يصلي ع النبي ولا يسبح ولا اييييه !!

اقرأوه للآخر لو بجد بتحبوا الخير لنفسكم :)) 💜

صلوا علي النبي يا اخوانّا 🌸

في واحد اعرفه والله عربية كان لسه مشتريها وغالية واتسرقت فضل يصلي علي النبي طول الليل وسايب حمله علي ربنا اتصل بيه جهة امنية انه ييجي ياخد العربية لأنهم عثرو عليها مابين 1000 عربية الحرامية فككوها وده زي ماهي مخصلش ليها اي حاجه .. وكل ده ببركة الصلاه علي النبي .. !!
ده بقي اعجب حاجة شفتها .. في واحده مكانتش بتنجب نهااائي وفضلت تصلي علي النبي باستماته والحاح وربنا كرمها ورزقها بتوأم فكانت بتبكي من الفرحه !!

في بنت اثق بها بتحكي .. مرة كنت راجعه من المستشفي وسمعت في الراديو متصل بيقول انا مكرووب وحالتي بالبلاء !!
بعدها علطووول اتصل راجل تاني وقال للمذيع انا متصل مخصوص عشان الراجل اللي لسه قافل مع حضرتك ده بيقول انه مكروب !!
انا بوجه ليه رساله الزم الصلاة علي النبي والله وعن تجربة هتزول كل همومك وكروبك وربنا هيفرجها عليك !

الراجل بصراحة كان بيتكلم بيقين عجييب وثقة خلاني قررت اني لازم ادور علي حديث او اي دليل بيثبت العلاقة بين الصلاة علي النبي وتفريج الهموم !!
وبعد ما بحثت لقيت الحديث ده :

[ عن عبد الله بن محمد بن عقيل عن الطفيل بن أبي كعب عن أبيه قال للنبي صلى الله عليه و سلم :
( كم أجعل لك من صلاتي قال : ما شئت . قال : الثلث . قال : ما شئت و إن زدت فهو أفضل . قال : النصف . قال : ما شئت و إن زدت فهو أفضل . قال : اجعل لك صلاتي كلها قال
اذاً يكفيك الله همك و يغفر لك ذنبك ] 💛 !!

في يوم بقي وانا في العيادة بتدرب .. كانت العيادة فاااضية مفيهاش غير كشف واحد تقريباً ;D
ماخبيش عليكم قولت اما اصلي ع النبي واشوف اللي هيحصل :)) ❤
معايا خاتم التسبيح وبدأت .. اللهم صلِّ علي محمد .. اللهم صلِّ علي محمد .. اللهم صلِّ علي محمد ..

الدكتور قال للممرض : دخلنا اول كشف !
مكانش يعرف انه مفيش غيره بره اصلا
بس انا مستمرة بالصلاة علي النبي 💗
وبعد اول كشف لقيت الدكتور بيقول ها .. فيه كام كشف بره !
لقيت الممرض بيقوله تسعـــة غير اللي هيدخل دلوقتي يا دكتور
انا سمعت تسعة دي مصدقتش ان الاجابة هتكون بالسرعة دي .. ببص لقيتني عملت عدد مش كبير اوي يعني ✋
بس كان بيقيــن كبير وهيا دي الزتونه 💗
اليقين
وبعدها قولت والله ما انا مبطلة صلاة ع النبي لحد ما اشوف هنوصل لكام كشف الليلادي :)))
والله العظيم في اليوم ده انا استأذنت وروحت قبل ما الكشوفات تخلص لاني تعبت

المعلومة اللي عرفتها بقي 💚
هيا ان الصلاة علي النبي مقبولة علي كل حال !
بمعني انك عاصي مثلا ! وبتدعي وبتصلي وتصوم وتزكي بس بتعمل معاصي تمنع من قبول كل اعمالك او بتحبطها !!
دعائك نفسه ممكن يكون بسبب كده لا يستجاب !!
وحتي استغفارك ممكن ميكونش طالع من قلبك !!
تخيل ان بردوا هتفضل صلاتك علي النبي مقبولة !!

الصلاة على النبي مقبولة على أى حال !!
مقبولة من اي حد .. مهما كانت ذنوبه .. و بمجرد ما يتلفظ بيها ! ❄

ومش بس كده .. ده النبي بيقول من صلي عليّ صلاة صلي الله عليه بها عشراً ! صلاة ربنا تفريج همك وتيسير حالك !
صلاة ربنا عليك بإنه يربط علي قلبك في عز المصيبة ويعوضك !!
صلاة ربنا عليك انه يراضيك ويطيب خاطرك ويثلج صدرك ويريح قلبك 🌼

والله انا ماما بتحكيلي ان اللي صبرها علي فراق أبيها اللي كان روحها فيه انها فضلت تصلي علي النبي :')
وانا بقولكم عن تجربتي عشان ماتقولوش كلام وخلاص

عاوز فلوس ! شغل ! زوج/ة ! عاوز اي شئ يبقي جميل في حياتك صلِّ علي حبيبك .. و هتاخد من جماله نصيب :)) ❤

صلوا على النبي كتير اوووووى💗💗💗

ويلا بقي عاوز البوست ينتشر بأي طريقة اتصرفوا وكسبوني ثوااب وانتوا كمان منشن و شييير
صلوا عليه فإن صلواتكم معروضة عليه ❤
منقول💗

https://m.facebook.com/story.php?story_fbid=2670623082969980&id=816408068391500&sfnsn=mo

لما بسأل الناس عن مشاكلهم او مرات فشلهم .. بيكروها كرررر ويعيدوا ويزيدوا ..
لكن لما بسالهم عن انجازاتهم او نجاحاتهم متلاقيش ..
ده كمان اغلب الوقت بينكروا انهم انجزوا شيء والغالبية بقا تلاقيهم مش بس بينكروا لا كمان يبتدوا يذموا في نفسهم ويتهموها بالفشل والكسل والغباء ..
ده اللي لاحظته بكل اسف في الجلسات والدورات من ساعة ما بدات شغلي كلايف كوتش من سنة ٢٠٠٥ ولحد الان ..
طب ممكن تفكر كدة وتقولي :
ازاي عايز تعيش مع نفسك وانت مش فاكرلها اي حاجة عدلة ؟
ازاي عايزها تكون متوافقة معاك - مصالحاك - مطاوعاك -هادية - راضية - وانت ناقد لاذع متصيد لاخطائها ناكر لكل جميل فيها ؟ !!
طب تخيل كدة لو واحد صاحبك قاعد جنبك وانت بتقوله كدة وبتجلده وتهزأه طول الوقت .. متخيل هيعمل ايه ؟ مهو لازم يمشي ويسيبك ده اقل واجب ان مكنش هيدمرك ويحاربك ..
وبعدين بنشتكي اننا مش لاقيين نفسنا ..
مهي مشيت وسابتك من قسوتك عليها ولومك فيها ونقدك ليها وانكارك المستمر للحلو اللي فيها وتجاهلك لانجازاتها اللي حققتها .. ده لو عدو ليك ميصحش تعامله كدة وتبقا ساعتها غير انساني اوغير آدمي .. ده ربنا سبحانه بيقول ( ولا يجرمنكم شنئان قوم على الا تعدلوا .. اعدلوا هو اقرب للتقوى ) مش الاولى تكون عادل مع نفسك ؟ !!! .. مش الاولى من تسجيل مشاكلك واخفاقاتك انك تسجل انجازاتك ونجاحاتك وتفتكرها ؟!!
#وقفة مع نفسك شوية و ارحمها حبها وصالحها عشان تعرف تكمل #حياتك بنجاح #اسراءهارون
#lifecoaching

https://m.facebook.com/story.php?story_fbid=2671539429545012&id=816408068391500&sfnsn=mo

" السما دوا " ... ترددت هذه الجملة في دواخلي وانا انظر للاعلي نحوك حيث ملائكتك وعرشك فوددت لو فُتح الباب ورُفع عن العين الحجاب وبُصرت بما لا ابصره. ووددت لو انقشعت هذه الظلمة في قلبي التي تحجبني عنك حتي أراك ولا أري غيرك.

رأيتك الأمس تتجلي برحمتك في مطر يتنزل علي حرائق لم يقدر عليها من اشعلها فجاء لُطفك كعادته، سريعا شافيا مًلهما جابرا ومفاجئا. والعجيب ان مثل تلك السحب المطيرة قد سقتها برحمتك منذ ايام معدودات لزوار بيتك بعد أن احرقتهم شمسك وانهكهم حرّها فطابت لهم الدنيا من بعد ما ابصروا بعين اليقين وجودك. أحبك يا ربٌ تُنزل الغيث من بعد ما قنطوا فتارة تطفئ به نارا وتاره تحيي به ميتا وتارة تجبر به قلبا

فتُري،
أي أشعث اغبر مدفوع بالابواب جاء علي بابك ففتحت له باب كونك هكذا فأنزلت له غيثك وأنطقت له رعدك وأنرت له برقك؟ أي قلب تائبا منيبا ناداك ملبيا فأجبته وجبرته مباهيا به ملائكتك؟ أي دمعة تلك سالت علي خد مرتحل اليك منعه عبادك من الحج لبيتك فأمرت كونك أن يزيل الحواجز ويحقق الدعاء ويبسط الارض للمشتاقين لك؟

اي وربي، اشهد انك الله ولا اله الا أنت

يا رب، قنط العباد وحُرٍّقت القلوب والبلاد فامطرنا رحمتك وأغثنا بغوثك وقل للدنيا تكن بردا وسلاما علينا

دينا العديسي

https://m.facebook.com/story.php?story_fbid=2661399150559040&id=816408068391500

قالتلي بطلت صلاة ..
بصراخة كسلا واستهتارا بقيمتها ..
وقعدت عالحال ده سنين ..
لحد ما جالها مرض و كان من ضمن توصيات الدكاترة ليها انها تمارس اليوجا واسترتشات والتأمل meditation ومكنش عندها فكرة عنهم .. ولما عرفتهم بتقولي افتكرت الصلاة اللي سيبتها ونسيت امرها حتى مبقتش افتكر اني مقصرة اصلا .. واكتشفت ان كل حركة وتفصيلة في الصلاة تقريبا بتتعمل في اليوجا و الاسترتشات .. وان السكون والانفصال عن العالم اللي بتمارسه في التأمل شبيه بالسكون المأمورين بيه في الصلاة .. بتقولي انبهرت واتكسفت من نفسي اوي .. يعني ربنا مخليلي صللتي وصلتي بيه فايدة مش بس لروحي لا وجسمي وعقلي .. وانا بكل استهتار سايباها .. كان ممكن ربنا يعملنا اي كيفية تانية نعبده بيها .. لكن هو فعلا ودود و كريم و ذو فضل خلى كيفية الصلاة في حد ذاتها منفعة وحفظ من الامراض .. تبقا بتعبده و بتتشافى في نفس الوقت .. ومن ساعتها مسبتش الصلاة بل وبقيت بحس فعلا براحة فيها ..
وبقيت ممتنة لمرضي انه رجعني ليها ..

انا دمعت من كلامها وكنت مستمتعة جدا وهي بتحكي ومفيش جوايا كلمة بتتردد غير الحمد لله الذي هدانا وما كنا لنهتدي لولا ان هدانا الله ..
و حسيت اكتر اد ايه الصلاة نعمة كبيرة .. وكيفيتيها نعمة كبيرة .. وانه يقدرك وتؤديها نعمة اكبر واكبر ..
كان نفسي اسجلها فيديو وتشوفوها بنفسكم بتتكلم ازاي ..
سبحان الله ربنا بيهيأ الاسباب لكل شخص حسب ظروفه انه يفهم ويستوعب .. وبيديله الفرصة والتانية انه يرجع لرشده ولصلته بربه .. ممكن نفس الظروف اللي تضل حد تهدي حد تاني .. حسب كل شخص واستعداده وقلبه اخباره ايه وقتها ..
احمدوا الله على الصلاة .. وكيفية الصلاة .. وتوقيتات الصلاة .. وعلى كل تفصيلة في كل شيء لانها كلها آيات محكمات .. #اسراءهارون
#ارحنا_بها_يابلال
#مقتطفات_من_الجلسات
Esraa Haroun اسراء هارون

‏عايزة احكيلكم حاجة خاصة بيا كده لكنه موقف علم معايا لحد انهاردة
زمان كان لنا جارة كل الجيران في العمارة بيصفوها انها سيئة السمعة
انا شخصيا مشفتش منها حاجة تدل علي كده بمفهومي الخاص لكن بمعايير ناس تانية شايفنها كده
باباها مات وهي عمرها 24 سنة وبعدين مامتها بسنتين وعاشت لسن 33 👇🏻
‏وحيدة مرضيتش تروح عند حد من اهلها
كانت موظفة في شركة عادية
لكنها كانت بتلبس شيك بمفهومي ومتحرر اوي بمفهوم كل الطنط اللي في العمارة
من 20 سنة كانت البنت اللي تسهر لحد 12 برا البيت دي صايعة ما بالكم بقا باللي ممكن تخرج وتيجي الفجر
او تسافر مع صحابها يومين تلاتة
كل علاقتي بيها ان‏ مامتي ساعة اما تشوفني بسلم عليها تناديني ولما ادخل تهزأني
مع انها كانت لطيفة جدا معايا
في مرة لقينا جرس الباب بيرن فتحت ماما لقيت واحد منعرفوش بيسأل علي بابا
واحنا علي فكرة عيلة رخمة جدا يعني محدش ينفع يقرر انه يجي يزورنا كده
لازم يتصل الاول
وكمان حد منعرفوش فكانت غريبة
بابا قاله ‏اتفضل ودخل
الشاب ده كان حوالي 40 سنة كده وكان عريس لجارتنا دي
بس كان بيسأل عنها الجيران
ايام ما كانت الناس بتتحري حتة النسب دي
صاحب السوبر ماركت قاله اطلع شقة القبطان هو اقدم حد في العمارة ويعرف امها وابوها وهو اكتر حد يدلك عليها
بمنتهي الهدوء بابا قاله هو انت عرفتها فين
قاله‏ انا عميل في شركتها وبشوفها واعجبت بيها واتكلمنا وحابب ارتبط بيها .. بابا سأله انت متجوز
قاله كنت متجوز وطلقت مراتي من 3 سنين
وعايز اعرف عنها وعن اهلها معلومات
بابا قاله والدتها احسن واحدة كانت بتعمل قرع عسل بالبشاميل وكانت ودودة بتوزع دايما علي جيرانها واحنا كنا بنحبها خصوصا ‏والدتي .. وباباها كان موظف ملتزم مكنتش بقابله كتير لأن انا بسافر
لكن كنا بنتقابل في صلاة الجمعة وعمره ما اساء لي ولا لأسرتي في حاجة
مع ان باباها ده كان سليط اللسان جدا وانا كنت بكرهه لله في لله بس حقيقي عمره ما ضايقني ولا بيتنا كله
قاله وتعرف ايه عن البنت
قاله ضحوكة زيادة عن ‏اللازم .. جريئة وواخدة الدنيا بصدرها وده طبعا بسبب وحدتها .. وحيدة وملهاش حد .. اتيتمت بدري وكانت محتاجة ضهر وسند
لما بتيجي المناسبات بتختفي عشان متحسش بالوحدة
بقيت انا ببص لبابا واستغرب ونفسي اقوله انت مش بتديله معلومات انت بتوجد لها مبررات لتصرفاتها انت بتقنعه بيها مثلا
فرد ‏يعني حضرتك ملكش تحفظ عليها يا قبطان
قاله تحفظي الوحيد انها بتدي ليلي بنتي شرايط الواد ابو رقبة مخلعة ده مايكل چاكسون
والواد ابو وشم" جورج مايكل" وانا مانع بنتي تسمعهم
زاد اندهاشي وضيقتي
قاله ولبسها
فرد بابا قاله ابقا انت غيره
فقاله مش راضية تتحجب
قاله بنتي واختي مش محجبات مع ‏الوقت ربنا هيهديهم ويا بني الدنيا بتتاخد واحدة واحدة
الراجل بدأت علامات الارتياح تظهر عليه وبدأ يبتسم
بص لماما وقالها ايه رأيك يا مدام
قالتله يا بني بعد كلام القبطان انا مليش كلام
ربنا يصلح حالكم وتخليها تبطل شقاوة العيال دي لحد دلوقتي بترن عليا الجرس وتجري
وقلبوها ضحك وانا ببص ‏ومتنحة
يا ماما ده انتي منعتيني من الجامعة اسبوع بسبب اني ركبت معاها عربيتها لحد محطة الرمل .. وخاصمتي شادي اخويا اسبوعين بسبب انه وقف معاها في مدخل العمارة
ودايما تقولي لي احنا ملناش الا سمعتنا يا ست ليلي هانم وانتي بتزعقي
رحت لاخويا اقوله بقا مشكلة بابا وماما مع فلانة خلاف على ‏رقبة مايكل جاكسون مثلا ضحك وقالي والله ما انا فاهم حاجة
المهم مشي الراجل ده ورجع بعد يومين يقول لبابا انه قرر يتجوزها لكن خايف من اللي سمعه
بابا قاله انت طلقت مراتك عشان انت وحش
قاله لا دي ظروف
فرد بابا وقاله شفت كلنا الظروف بتتحكم في حياتنا ولو اتغيرت الظروف اكيد هنتحسن
واتجوزوا
‏بس انا الموضوع منستهوش
وفي قعدة صفا مع بابا كده سألته هو ليه قال كده
فسألني هو انا كدبت
قولتله لا
قالي انا قولتله اللي هو جي يسمعه عشان يرتاح
عشان ارحمه من الحيرة والخوف
وكمان عشان كل انسان فينا عنده اخطاء وجايز تكون قاتلة
لكن لو غيرنا الظروف الاخطاء دي هتنتهي
وقبل الاحكام علي ‏الناس لازم نحكم الرحمة
كل واحد فينا محتاج فرصة واحدة بس عشان حياته تتغير ويرتاح
وانا شفت ان الفرصة الوحيدة لفلانة هي انها ترتبط بإنسان يحبها زي ده
قولتله وحضرتك شايف انه بيحبها
قالي ايوا ولو مش بيحبها كان من اول واحد ذم فيها كبر دماغه لكن هو فضل يدور ويلف بيدور علي ايد واحدة بس
‏تقوله خد الخطوة وانت مطمئن
ولما لقيت انا الايد اللي هتشدها من تحت وتدفعه هو لادام
مكنش ينفع ابخل بالفرصة لهم هما الاتنين
البنت دي بقت ام جميلة وزوجة محترمة وعلاقتي بيها فضلت كويسة لحد ما سافرت الكويت مع جوزها وبنتها
ولما بابا مات جت من الكويت تعزينا وراحت المدافن لوحدها تقرأ له ‏وقالتلي انا لولاه كنت زماني في الجحيم حكيت لها علي نظرية الفرصة بتاعت بابا
قالتلي صح
انا كنت محتاجة فرصة واحدة بس للحياة
الحقيقة من يومها اي حد اشوفه واشوف انه وحش بمقياسي او مقاييس

غيري
اعامله كويس جدا ومستعلاش عليه
لأني بقول جوايا يا تري كام حد بخل عليه بالفرصة
ويا تري الفرصة ‏دي هتيجي له ولا الناس هتنهشه قبلها
وبقول لنفسي دايما ربنا يغنيني عن اني اكون محتاجة فرصة من حد
متقسوش علي حد مهما كان وحش
ولما تتسألوا عن حد قول اللي شفته منه لك مش اللي سمعته
وافتكر دايما ان كلمتك جايز تكون الفرصة اللي غيرك محتاجها
# مجهول#❤️
https://m.facebook.com/story.php?story_fbid=2685682638130691&id=816408068391500&sfnsn=mo

للاستشارات online من اي مكان في العالم ابعتي واتساب فقط للرقم 00201016447440 لحجز موعد
خصم 20% لحد اخر شهر 9

بفرح اوي لما حد من اللي بيخدوا معايا كورسات بالذات online يبعتلي يقوللي بدأت اتغير / اول مرة اتصرف كدة ومبسوطة بنفسي / بقيت بحس بكذا وده ريحني ..

بفرح مرتين الاولى لانها اتغيرت
و التانية لانها لاحظت انها اتغيرت ..
وده بيكون معناه انها بدأت ترضى عن نفسها كمان مع التغيير ..
لان اوقات يحصل ان الشخص يدرس حاجة ترفع وعيه ويتغير ايجابيا .. بس ميكونش ملاحظ انه اتغير ..
سواء مستقل بالتغيير او مش شايف انجازه ده شيء يذكر او من كتر ما نظرته سلبية مش ملاحظ الايجابي .. وكلها انعكاسات انه مش حابب نفسه كفاية مش راضي عنها مش مقدرها يعني المحصلة مش مرتاح نفسيا ..
مهم اوي لما تكون ماشي في طريق انك تكون واعي قطعت منه مسافة اد ايه .. و تشجع نفسك عشان تكمل ..
اي طريق محتاج وقت ..
لو فضلت تتلفت كل شوية و تلوم في نفسك و تقولها يوووه انا موصلتش لسة / انا متأخر / ايه اللي مأخرني كدة /انا طولت اوي .. 
مش هتعرف تمشي و هتحبط نفسك ومش هتكمل ..
اجمد و اثبت وقدر نفسك على اي خطوة وكل خطوة .. وسامحها على الوقعات بس قوم من تاني ..
شوية شوية ويوم ورا يوم هتلاقي الوقعات بتقل ورجليك بتثبت وخطوتك بتكبر وسرعتك بتزيد .. وبعد ما كنت يدوب بتخطي بقيت بتمشي بثبات وبعدها بتجري كمان .. بس انت قدر نفسك ولاحظ التغيير ..
#اسراءهارون

ودلوقتي كل كورسات التغيير متاحة اونلاين .. اول ما تحجز بتبدأ مش هتستنى مواعيد .. و الكورس كله تحت ايدك تعيد وتزيد وتراجعه اي وقت
ده غير ان بيكون ليك الحق تتواصل مع استاذة اسراء شخصيا كمان لاي استفسار اثناء مدة الكورس

للتواصل واتساب فقط 01016447440