اشتاگ الگلب وشتاگت العين
ازور اهل المحنه والمياميــن
ابنارين الگلب مشتعل ناريـن
√√√√√√√√√√√√√√√√

اشتاگ الگلب واشلون بيــه
مشتاگه ازور اهل الحميــــه
عباس البطل واحسين اخيه
ترد الروح شوفتـــهم اليـــه
ابنارين الگلب مشتعل نارين
√√√√√√√√√√√√√√√√

اگحل ناظري واشوگت يايوم
طير الروح ريت ويمكم يحوم
وابجاه النبــــي زيارتگم ادوم
واگلوب التحبگم حيل مهظوم
ابنارين الگلب مشتعل ناريـــن
√√√√√√√√√√√√√√√√

ياشوكي وغرامي البيگ مجنون
تريد اشوفگم كل هاي العيـــون
تدرون الگلب تدرونه محـــزون
مشاي الزياره انصيـــح يردون
ابنارين الگلب مشتعل ناريـــن
√√√√√√√√√√√√√√√√

يالساكن بوسط العين محبـــوب
مشدوه ابفركتك تاهـــت ادروب
اريد بحضرتگ تنمحي الذنــــوب
تگضي حاچتي وتنطيني مرغوب
ابنارين الگلــب مشتعـل ناريـــن

✍🏻 خادمة فاطمة الزهراء ع
✹ فاطمه الحلفي✹
لا إجيز حذف الإسم وسألكم الدعاء

يا أمير المؤمنين
( وزن الهجري)

يابا الحسن. يابا الحسن. يا با الحسن
روحي حزينـــه. روحي حزينــــه

ياعلي الكرار تدري. بدربك امشي انه اقتديــت
والدمــوع بعيني هلن. ادعي اباسمك ونتخيــت
واشعمل بيه زمانـي . ويا دهر بيهّ انحنيــت
نضره منك ياامامـي تنضر الگلبي ارتچيــت

بيك الامـــل. بيك الامـــل. بيك الامــل
روحي حزينـــه. روحي حزينـــه

..........❀❀❀❀❀❀❀❀.............

لزمتّ الشباچ تگفي. تصير للعاشك الــدوه
ياعطر ريحت ضريحك. گلبي من عنده ارتــوه
عاشگ انه وتدري بيه. بأسمك اتنفس هــوه
عشكك اجمل عشك عندي. صار بعيوني ضــوه

هايم انـــه. هايم انـــه. هايم انـــه
روحي حزينـــه. روحي حزينـــه

..........❀❀❀❀❀❀❀❀.............

ياعلي انته حياتي. ابشوفتك تشفي الجراح
والعمر كله نذرته. وابخدمتي استـــراح
يا علي منذور بيه. دمعي الگم والنيـــاح
عبد وبحبكم اسيراً اسمع لنبضي واصياح

باأسمك يصيح. باأسمك يصيح. بأاسمك يصيح
روحي حزينـــه. روحي حزينـــه

..........❀❀❀❀❀❀❀❀.............

غيرحبك ما اريدن. انته دنيتي يالحبيـــب
وكم مريض الي تعنه. بحضرتگ يشفه ويطيب
يشتكي كل عله يمك. حاير وماله طبيــب
ابهم يحلال المشاكل يبچي يمك وابنحيــب

نضره ارتچـــه. نضره ارتچــه. نضره ارتچــه
روحي حزينـــه. روحي حزينـــه.

✍🏻 خادمة فاطمة الزهراء ع
✹ فاطمه الحلفي✹
لا إجيز حذف الإسم وسألكم الدعاء

قصيدة فزاعيه السيدة زينب ع تخاطب الدار بعد رجوعها من السبي 💔💔

سيرنه عله اهلنه اليوم
الگينه الدار خلوانـــه

الگينه الدار حزنانه
تنوح وتبچي ويانه
ولا واحد تلـگانـــه
روحي اليوم لهفانه

لهفانه عله والــيــهــا
شال ومارجع لـيـهـــا
عيوني اعليك لعميها
مصابك حيل بچانه

بچاني وعمه اعيوني
ومنك خابت اضنوني
اصيح وما تسمعوني
ابونـه وآه خلانــــه

وین الچانو اویانـــه
روحی الیوم نحلانه
بالنسـوان حیرانــه
روحي اعليك حزنانه

شایل هل الاخو منی
بعد یاهو الیضل یمی
زاد اعله الولی همی
ضل بلگلب نیشانـــه

راحو کل هلی هلیــوم
گلبى علیک ضل ملچوم
اگعد النــه یاجیـــدوم
من الظیم تعبانـــــه

تمت بعون الله بأقلا✍🏻م الشاعرات،
ناهيد الخسرجى 🌸 وفاطمه الحلفي
لا نجيز حذف الاسماء

*شيخ البطحاء *
............الوزن مجرشه ..........
=========
والد علي حامي الحميه هالليله فاضت روحه
هذا السند جان اوحمه للنبي اسجن اجروحه
¤¤¤¤¤¤¤¤¤¤¤
الليله الشعب يبجي دمــه راح ابو طالب مظلــوم
وعليه بجت عين السمـــه گلب ابو الزهره مهموم
راعي الكرم والغانمـــــــــه سافر الرب القيــــــــوم

وعليه ابو الزهره اوعلــي ادموع الحزن مسفوحه
✍️الشاعر فالح العامري
▪︎▪︎▪︎▪︎▪︎▪︎▪︎▪︎▪︎
يــــومك يهد حيل وصعب والفركه تعمي العيون
اعليك انمـــرد كلب المحب والفلك صاير مرجون
بيك الــــوصف ماينوصف یعجزوا الي يوصفون

وخليت صوتك يعتلــــي والكلبــــــي زايد نوحه
✍️الشاعره فاطمه الحلفي
▪︎▪︎▪︎▪︎▪︎▪︎▪︎▪︎▪︎▪︎
هذا الوكف ابوجــــه العده خلـــــه قريش ابحيره
اگــــــول كافر شنهو البده لين الرســـول اينصره
ايامــــــــ.ـ.ه ظلت شاهده ابراهيم صـــار ابعصره

بافكــــــــــــــار هدم الهبل للدين عله اصروحـــه
*✍️الشاعر فالح العامري *
▪︎▪︎▪︎▪︎▪︎▪︎▪︎▪︎▪︎▪︎
وكت الشدد جــان السند ولطـاهه صان الثايــــه
گول وفعل والد علــــــي مو ينطي بس حجايـه
حامه الرسول امن الخطر من زغره ثبت رايــــــه

شحده النسيم الـــــي يمر يلزم عباته يلوحــــــه
*✍️الشاعره فاطمه الحلفي *
▪︎▪︎▪︎▪︎▪︎▪︎▪︎▪︎▪︎▪︎
بينت اول نصرتـــــــــــه اهلــــــه جمعها المختار
للباري اول دعوتــــــــــه شاهد اله يــــــــوم الدار
لبيك ناده للنبـــــــــــــي والنعـــــــــم عود الكرار

الليله انختم منـــه العمر مو وكت هسه الروحه
*✍️الشاعر فالح العامري *
▪︎▪︎▪︎▪︎▪︎▪︎▪︎▪︎▪︎▪︎▪︎
هذا فخر چـــــان اوعزم محد يلاوي اذراعــــــه
شيخ العشيره امن المهد والكل تعرف اطباعــــه
يم طـــــــه يكعد للصبح ويصلي فرض الطاعــه

وعيونــــــه ضلت تنتظر. صوب الاهل مشبوحــه
*✍️الشاعره فاطمه الحلفي*
▪︎▪︎▪︎▪︎▪︎▪︎▪︎▪︎▪︎▪︎
الليله الرسول الجفنه اوغسله ابفيض ادموعه
نزلـــــــــه بيده بالگبر ابروحـــــه المفجوعـــــه
اوسماه يومه بالحزن اعليه ونته مسموعـــــــه

ويگلــــه ياعم وفيت الجنه الك مفتوحــــه
*✍️الشاعر فالح العامري *
▪︎▪︎▪︎▪︎▪︎▪︎▪︎▪︎▪︎
تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
8رمضان
1441هـ
1/5/2020
نسالكم الدعاء

يحله الشعر ياناس لحسين اگتبه
عاشگ انه وتدرون من زغري احبه

🌹❤️ فاطمه الحلفي

🏴 نعي بحق الشبان 🏴

يمه يالولد ياماي العيون
وگلبي عليك اليوم محزون
شيحمل افراگم گلي اشلون

يبني يبو عيون الوسيعه
لو ينباع العمر چا ابيعه
نايم يبعد الروح جثه صريعه

حگي لو بچيت والطم عالهام
شفتك امصوب بالسهام
وشيعود بعد ذيج الايام

نهظ ييمه واسمع اونيني
حنيت الگ ويگتل حنيني
افتح اعيونك ودحاچيني

تمنيت العمر يرجع وعرسنگ
ورد وياس يبني اطشلگ
يجسام ويزفك بيده عمگ

الولد خيمه اعله امه وتچيه
وما تصح مثلك ابد فيه
وياك راحت ايام الزهيه

✍🏻 خادمة فاطمة الزهراء ع
✹ فاطمه الحلفي✹
لا إجيز حذف الإسم وسألكم الدعاء

درس في الحياة :
دخل الاستاذ على طلبته بدون سلام .. سأل أحد طلابه ما أسمك فأجابه .. ثم قام بطرده خارج القسم وقال له أخرج من القسم ولا تعد مجددا .. فخرج الطالب بصمت .. والطلبة بقوا صامتين هم أيضا .. فقال الاستاذ جيد لنبدأ الآن ... ثم سأل طلابه لماذا تصلح القوانين ؟ .. فأجابته طالبة حتى لا يقع أمر سيء في مجتمعنا .. فقال الاستاذ لا .. ثم أجاب طالب حتى نطبقها .. فقال الاستاذ لا .. ثم أجاب طالب أخر لكي يدفع الناس السيئين ثمن أفعالهم .. فقال الاستاذ لا .. ثم صرخ الاستاذ لماذا لا يستطيع أحد منكم الإجابة عن هذا السؤال ؟ .. ثم رفعت أحد الطالبات يديها وأجابت لكي يكون العدل .. فقال الاستاذ وأخيرا هذا هو كي يسود العدل .. والآن لماذا تصلح العدالة ؟ .. فأجاب أحد الطلبة كي تحفظ حقوق الناس .. فقال الاستاذ جيدا، ماذا ايضا ؟ .. فأجاب اخر كي تميز ما هو جيدا مما هو سيء .. فقال الاستاذ ماذا ايضا ؟ .. فأجابت طالبة لمكافأة من هم حسن السلوك .. فقال الاستاذ حسنا، جيد لكن أجيبوا عن هذا السؤال ؟ .. هل تصرفت بشكل جيد عندما طردت زميلكم من القسم ؟
وبدون خوف أريد اجابة قوية وبالاجماع .. فقالوا جميعا لاااا .. فقال الاستاذ اذن يمكن القول اني ارتكبت ظلما في حق زميلكم .. فقالوا نعم .* .. ثم امر الاستاذ احد طلبته، اذهب وابحث عن زميلك وناديه .. ثم عاد الطالب مع زميله الى القسم .. فقال الاستاذ ولماذا لم يفعل أحد منكم أي شيء عندما أتخذت هذا القرار في حق زميلكم ؟ .. ولماذا نريد القوانين ان لم تكن لنا الشجاعة لتنفيذها ؟ ... فقال الاستاذ كل واحد منكم ملزم ان يتدخل عندما يشاهد الظلم، كلكم لا تبقوا صامتين بعد الآن، عندما لا ندافع عن حقوقنا نفقد الكرامة، والكرامة ليست قابلة للتفاوض .. دافعوا عن حقوقكم .. ودافعوا عن كل مظلوم .. ثم سلم على الطالب الذي طرده وأعتذر منه امام الطلبة .. وقال لهم هذا هو درس اليوم .

ومايحصل اليوم من ظلم نحن جزء منه لاننا صامتون. واذا تكلمنا لاننصف. ولهذا ضهر الرجل الخطاء في الزمن الخطاء لاننا
لم نتصرف الا خطاء ، اتمنا. ان نعيد حساباتنا وان ننصف انفسنا. لكي لايظلمنا
شخص عبدنا له الطريق بضعفنا وسكوتنا
ومرائتنا

ياعلي الگرار يانعم الأمير
گلمن يواليك أبدآ مايحير

✨✨✨💞💞💞💞💞✨✨✨

انا واليتك علي اونعم الأمير
بمنهچگ مولاي گلحنه نسير
يا ابو الأيتام يا والي الفقير
نور تصطع گبتك تزهي وتنير

🌹🌹🌹;;;;;;;;;;;;;;;;;;;;;;;;;;;;;;;;🌹🌹🌹

بالشدايد دوم يحظرلي علي
انته ابو الحسنين ياوالي الولي
والموالي اليوم صوته يعتلي
بيك يا مولاي احنه نستجير

🌹🌹🌹;;;;;;;;;;;;;;;;;;;;;;;;;;;;;;;;🌹🌹🌹

عاشك انا من الصغر تدريني
فدوه الك مولاي گل اسنيني
نظره منگ يا علي ترويني
كون خدام بسجل فاطم نصير

🌹🌹🌹;;;;;;;;;;;;;;;;;;;;;;;;;;;;;;;;🌹🌹🌹

مَثل عابس صرنه مثل اجنونه
بالخدامه سيدي سچلونه
والحظئ بحبكم الف خيعونه
ما تمسه النار بالجنه المسير

🌹🌹🌹;;;;;;;;;;;;;;;;;;;;;;;;;;;;;;;;🌹🌹🌹

والله ساكن انته في وجداني
يا علي بذكراك انسئ احزاني
أفتخر خادم صرت عنواني
بالفرح هليوم دلالي يطير

❤️✨🌹🍃🌹🍃✨🌹🍃🌹🍃✨❤️ تْمٌتْ بّحُمٌدِ لُلُُه تْْعالُئ🍃🌸
بــــقــ✍🏻ــلمٌيَ
خادمة الزهراء ع . فاطمة الحلفي
❈وسالگم الُدِْعاء❈

ياااعلي ❤️

الحمد لله على خدمة الحسين ع ❤️

اخدم انه وللدوم افديله العيـــون
عز وفخر تدرون بالخدمه ممنــون

✦••✦•৩﴾💞﴿৩•✦••✦

اكتب واضل للموت وابحبه هايــم
وحزني يضل اسنين لحسين دايـم

✦••✦•৩﴾💞﴿৩•✦••✦

يحله الشعر ياناس لحسين اگتبـــه
عاشگ انه وتدرون من زغري احبه

✦••✦•৩﴾💞﴿৩•✦••✦

كل الخـدم تنهـان نعرف بهايــــه
بس خدمة المظلوم للجنه غايـــه

✦••✦•৩﴾💞﴿৩•✦••✦

روحي تضل تهواك للموت هيـــه
تحضر يبو السجاد وگت المنيـــه

✦••✦•৩﴾💞﴿৩•✦••✦

اتمنى اموت هناك وسط المجالس
وابحب ابو السجاد اتسمه عابــس

✍🏻 خادمة فاطمة الزهراء ع
✹ فاطمه الحلفي✹ أسالكم الدعاء

ربي لن اشتكي لأحد وانت موجود 🌹

ولن يصيبني اليأس وبابك مفتوح 😍

خاب ظني بالكثر والظن بك لا يخيب❤️

صباح الأنوار المحمدية 🦋

🏴 قصيده بحق الامام الحسين ع 🏴

انكسر گلبي على احسين وكثر وني
ومحــزوز النحـر شفــته يألمنــــي
*******
محــزوز النحر وعيونه مشبوحــــه
ومن كثــر الجــروح ينازع بروحــه
اشلون العين صدت ويلي الجروحه
ونيران الگلب ابحشـاي تلجمنـــي

*******
يهد الحيل اويلي احسين يايومــــه
نايم عالرمل هل فاضت ادمومــــــه
عليك الروح ضلت خويه مهظومــه
رحتوا ابساع عني ونكطع ضنـــي

*******

وشيحمل دليلي اليوم الف لوعـــه
انظر للـحرم والــروح مصدوعــــه
ابحافر خيل صدره رضت اضلوعه
وأجـر اهــات والـونــه تعـذبنــــي

*******
ومن ونك يخويه انمرد دلالـــــي
اصيح ابصوت اه يبن امي الغالي
ما تنهظ يوالي وتنظــر الحالــي
ويا دهري الغدر بيكم فجعنـــي

*******
يانــوحي عليگم ما افله النــــوح
لو بيدي اضل انعه على المــذبوح
ومگســور الدليل وراحت الــروح
مهظومه مشيت اليوم وبحزنـــي

✍🏻 خادمة فاطمة الزهراء ع
✹ فاطمه الحلفي✹
لا إجيز حذف الإسم وسألكم الدعاء

لا تثيروا. الحسد والحقد
في نفوس أطفالكم
بمقار نتهم. بغيرهم
لگل طفل طاقات وقدرات
ومواهب خاصة ......
أكتشفوا مزايا طفلكم بدلاً
من مقارنته بغيره 🌸🌸

قصيده بحق الزهراء ع
👇👇👇 ( نعي )
ييمه لا تروحين وتعوفينه
فراگج ما نحمله هواي تدرينه
يويلي النعش سار وفارگيتينه
وبعدج اه زينب تمشي مسبيه

وين تريد هاي ام العزوبيه
تنوح الدار يمه بگل مغربيه

وين تريد هاي امي الحنينه
يامية هله من تجبل اعلينه
ابهات وقهر واشلون ضلينه
وياها // انريد الروح

تريد الروح مااحمل افراگيه
يفراگج ييمه واشعمل بيه
اصد لدار كل صبح ومسيه
ياذيني // افراگج يمه

يفراك الحنينه يهدم الحيل
اون اعليج يمه مانمت هليل
ودمعاتي تضل اعليج مثل السيل
عميانه //عيوني بيومج

هاي معدله وينزمط بيهه
وني حيل والونات عليهه
وحشه اليوم ضلت يامبانيهه
يشيلوهه // اشلون بليل

بغيابج حزينه وهلكثر هظمي
جا المن بعد اشكي الهمي
يم احسين ماردت بعد يمي
وماريده // اخلافج عمري

✍🏻 خادمة فاطمة الزهراء ع
✹ فاطمه الحلفي✹
لا إجيز حذف الإسم وسألكم الدعاء

✍🏻 فاطمه الحلفي 🌸
▪️محاضرة عن الشكر ▪️
يالله. يالله. يالله
اعوذ بالله من الشيطان الرجيم
بسم لله الرحمن الرحيم
وافضل الصلاة والسلام على اشرف الانبياء والمرسلين محمد ص
اللهم صل على محمد وآل محمد
ربي اشرح لي صدري ويسر لي أمري واحلل عقدة من الساني يفقهوا قولي

قال الله تعالى في محكم كتابه العزيز
(وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ)،
صدق الله العلي العظيم وصدق الرسول الكريم ونحن من الشاهدين والشاكرين ان شاء الله اخواتي الحاضرات المعزيات
المقصود بهاذهي
الآية تحثنه على شكر الله سبحانه وتعالى اي ينبقي علينه ان نشكر الله ب اي شي نشكره على الصحة والعافية لن ماكو افضل من الصحة وسلامت البدن
اذا تأخر رزقنه لا مانكول ليش اتأخر او اني راتبي قليل شيكفيني اشلون ادبر أمؤر الحياة لا بالعكس احنه نرجع للقرآن
(لئن شكرتم لازيدنكم) الله سبحانه وتعالى يقول اشكروني ازيدكم اكثر. ب شنو نشكر الله اي بالصلاة نشكره علئ النعمه حته لو تكون قليله ف نقول الحمد لله والشكر لله على كول شي اذا اليوم عندك فقط 25 الف باچر اتصير 100 ألف لذالك علينه نشكر الله بكول شي بالنعمه بالصحة ولا نكون مقصرين ونريد الله يساعدنه ويرزقنه واحنه ماحامدين نعمة الله هذا الشي خطأ. لكن للاسف ان بعض الناس تنضر ان الرزق هوا بالمال أنما احسن رزق نعمة العافيه والانسان يشكر الله اذا اصبح وهوا في تمام الصحة والعافية نشكر الله رب العالمين جاي يعطينه كثير من الاشياء الصحه والعافيه والعلم والمال الله سبحانه وتعالى ينعم علينه اي شي الانسان يحصله في هذا العالم يحمد الله ويشكره.
ونرجع لقول الآية
(ْ ۖوَلَئِن كَفَرْتُمْ إِنَّ عَذَابِي لَشَدِيدٌ )

هنا اكو بعض الناس للاسف الشديد ماتشكر الله على النعمه حته لو عدنه ملاين الفلوس والصحة عدهم وجميع الاشياء يمتلكونها لگن. جحدتم النعمة بالكفر اي بالمعصية تباعدون عن الله اويعملون الفواحش وبترك شكره
( ان عذابي لشديد)
اي العذاب الشديد النار اعذبكم كما اعذب من كفر بي من خلقي
ف لذلك على الانسان المؤمن مراجعت نفسه مع الله سبحانه وتعالى ويتجنب معاصيه الابد الى كول شخص كافر عذاب والله شديد العذاب كول شخص يتعذب على كول عمل من المعاصي
ونعوذ به سبحانه من عذابه، فهو أمر لا يُطاَق ونعوذ بالله من اهوال النار وليس فقط بس نار لا فيها انواع من العذاب لكول عمل لهوا نوع خاص نار جنهم عضيمة اذا نريد نتخيل عضمتهه هسه في الصيف نكدر نتحمل الحر لا نستطيع والحر ابرد من نار جنهم. مثال اليوم مي حار وايدي حتركت نستطيع نتحمل الحرك هذه النار مو مثل نار جهم من اسمها عضيمة
توعدهم بنار لا تشبه نار الدنيا مع أن نار الدنيا تذيب الصلب الحديد وتصهر الصخر الشديد فضلا عن أجسادنا الضعيفة فما ظنك بتلك النار نار جهنم
ولا يعلم شدة عذابها إلا الله
فإن الله تعالى خلقنا لعبادته وأمرنا بطاعته ونهانا عن معصيته ومما يعين العبد على الثبات والاستقامة وقمع نفسه عن اتباع الشهوات والغواية أن يتذكر ما توعد به ربه من عصاه وخالف أمر الله واتبع هواه فقد توعد الله أهل معصيته بنار عظيمة وعقوبات أليمة
لذالك
الحمد لله، نحمده ونستعينه، ونستغفره، ونعوذ بالله من شرور أنفسنا، ومن سيئات أعمالنا
🌹 الكوريز 🌹
شكر المنعم واجب الله سبحانه وتعالى يمن على الانسان بالصحة والعافية كون يشكر هاذي النعمة المن عليه الله سبحانه وتعالى بالصحة والعافية
نعم يااخواتي تكلمنه عن نعمة العافية
نذكر حال بنت الحسين فاطمة العليلة ع
لمن حانوا بالرحيل الى كربلاء وتركوها
مريضه عليله لاتستطيع الرحيل مع اهلها
بقت بالدار عليلة وحيده لا تستطيع السفر. لو كانت في تمام الصحة والعافية لخذها ابها الامام الحسين ع معهم حمل الاطفال والنساء كلهن وصاح گل وحده ابسمهه
وهيه بقت تنضر الهم والحسره مكتومه في قلبها يااخواتي لن ماعده العافية حته تستطيع السفر معاهم
وأن حال العليلة ع تعاتب ابها الحسين ع
ماذا تقول العليلة ع لما رات والدها يحمل في الضعينه ساعد الله قلبك يامولاتي. اتكله بوووويه يا ابو علي يابووويه

🏴 ابوذيات
العليله الليله اوداعها ويا اهلها
حرت هليله يادمعه اهلها
انه بغيابهم روحي اه الهه
وابگه ابدارهم اصفك بديه

على گلبي الحزن كلش تراكم
اتمنه لون عينــي تراكـــم
الغدركم ياهلي ريته تركهم
واعيش اوياكم الحد المنيه

💔 نعي 💔
ريض يبويه احسين واشوي توانه
عندي اعتاب وياك اه يملفانه
لالا تروح ادخيل خلك ويانه
ظلت حزينه الروح بويه حزنانه
شايل ابونه اليوم خالي مگانه

عليله والوگت منك حرمني
والبيـن بسهـامه فجعـنــي
عليك اليـوم هلـزاد ونـي

اريدن شوفتك ياماي البعيني
چـا يمتـه يابـويــه تجيـنــي
نحلانة جسم ثاگل ونينــي

لا حول ولا قوة الابالله العلي العظيم انا لله وانا اليه راجعون
✍🏻بقلمي خادمة فاطمة الزهراء ع
فاطمه الحلفي لا اجيز حذف الاسم
وسالكم الدعاء