قصيدة فزاعيه

يصواب الشباب اليوم
صوبني وعمه عيني

💔💔💔💔💔💔
يصواب الولد ماطاب
يسري بالگلب لهاب
انا بچاله چنت انهاب
وهسه زايد اونيني
صوبني وعمه عيني

✍🏻فاطمة الحلفي
💔~~~~~~~~~~~💔
زاد ونيني يوليدي
وانت شمعتي وعيدي
ليش تعوفني وحيدي
ومحتاره تخليني
صوبني وعمه عيني

✍🏻ام عبد الله العابدي
💔~~~~~~~~~~~💔
علیک انه اجذب الونه
وجهک وین اشوفنه
اونینی ما ابطلنه
الک یا شمعت اسنینی
صوبني وعمه عيني

✍🏻المیرزا ام لیلی الخاقانی
💔~~~~~~~~~~~💔
ردتك يلولد زاتوت
تشيل بچفك التابوت
تبچيني بگلب مفتوت
فراگگ يمه ماذيني
صوبني وعمه عيني

✍🏻ام ليث المالكي
💔~~~~~~~~~~~💔
اريد ابجي على الشبان
وانحب والكلب خلصان
ليش استعجل الدفان
اعليك الدهر باليني
صوبني وعمه عيني

✍🏻ام وليد الموسوي
💔~~~~~~~~~~~💔
ظني خاب بفراگك
خبرني شنو العاگك
اثاريني الدهرباگك
ماظن بعد تلفيني
صوبني وعمه عيني

✍🏻ام حسين المحمداويه
💔~~~~~~~~~~~💔
راحت فرحة ايامي
من شفت الولد دامي
افترت عكس احلامي
بعد دهري شيراويني
✍ ام منذر الحجار

------------------------
تمت بعون الله باقلام شاعرات خدام كفيل زينب ع

قصيدة نخدم للأبد
الوزن تجليبه
~~~~~~~~~~~
هله بالجايات بمجلس الزهره
ابو محمد جمعنه نخدم العتره

💔💔💔💔💔
شما بيچن شعر يااقلامنه كتبن
على ام حسين لاتقصرن ولا تملن
باجر بالسجل اسمائنه يتسجلن
خل نكتب شعر للمنگطع نحره
✍🏻الشاعره ام ليث المالكي

💔💔💔💔💔
هلا بالي تواسي فاطمه بالنوح
تساعدها عله الي ابكربله مذبوح
غارگ بالدمع عاري بگه مطروح
اوتنوح اوي الزچیه من دمع العبره
✍الشاعر فالح العامري

💔💔💔💔💔
اکتبن شارکن وابچن علی العطشان
راسه علی الرمح وجثته بلمیدان
الزهره اتگول واسوني یهل نسوان
علی ابني الرضرضت خیل العده صدره
✍🏻الشاعره ام قاسم

💔💔💔💔💔
هله وكل الهله بالچايه اتواسين
عازي ام الحسن اوهلي دمه العين
انريدج بالحشر يا فاطمة تحضرين
نون طول العمر ودموعنه تجره
✍🏻 الشاعره فاطمة الحلفي

💔💔💔💔💔
اجينه اعله العهد والخاطر ام حسين
نضل نكتب وننعى ونرثي الطيبين
نريد اوياج دنيا وآخره ترضين
بهذيج الصعبه منج نطلب النظره
✍🏻الشاعره ام زهراء العقابي

💔💔💔💔💔
نطلب نظرتچ مولاتي يازهره
ونريد الصراط بايدج نعبره
وندري بالموالي حيدر يحضره
ومن عدكم ابد مايوم نتبره
✍ الشاعره أم علي الحلفي
💔💔💔💔💔

تمت

اما عن وطني ؛
- سيحيا بعد كربتةه ربيعاً، كأنّةه لم ، ‏يذُق بالأمس مُراً "
#يا_عراق ♥️✌🏼،

{{فرحه الزهره}}

. (الوزن فائزي)
┅━━━℘⇣••●🖤●••⇣℘━━━┅

بعد النبي المختار سيد الــبريه
بالون بگت والنوح زهره الزچيه
==================

ضلت تنوح اعليه..مستعره جمره
منها الضلع مكسور ..العين حمره
ياهوه اليگول ابيوم ..فرحانه زهره
تبجي ابجمر عبرات ..صبح ومسيه

======================
. وين الفرح. وين ...والدمعه تجري
تبجي الطفل مفگود..صاحت يضلعي
. شبت ابداري النار ..عدواني تعدي
ضلت تهل العين ...ابـونـه شـــجـيه
✍ ام كرار الطائيه
==================

وين الفرح و اتشوف ...ام ابـيـها
راحت امهشمه اضلوع ..الحركه بيها
الفرحه من انشوف ..المهدي يجيها
اوياخذ ابثار الباب ..لمه الزچیه
✍الشاعر فالح العامري
==================
من بعد ابوي الحید.... ماشوف الافراح
ابقه ابکدر وهموم .... راح الابو راح
مکسورة الاضلاع ناعي ..الحزن ناح
اتمنه کون الیوم تدنه المنیه

✍الشاعره ام قاسم
===================
ماعدهه فرحه دوم .. محزنه الزهره
عدوان ابوها انذال ... خذلوا العتره
من الضلع والباب .. الكربله الكشره
من المدينه النار ... للغاظريه
✍العلويه ام مصطفى
==============

ماعندي فرحه دوم.. مكدره الاحوال
يافرحه گلي اشلون ... معذبه الحال
دهري رماني اسهام ..صوب الدلال
معذبه بدنياي دون البريه

✍ أم علي الحلفي
=================
يابويه بعدك كل فرح..مايوم شفته
حزنانه بغيابك يالولي..والمر جرعته
دفعو الباب أهل الرده... لمحسن صطقته
من بعد عينك يا الابو....دارو عليه
✍🏻 فاطمه الحلفي
=================
مايوم مر بيه .. الفرح تبچي النواظر
انت يهادي هيبتي ... التجبر خواطر
بغيابك أتجرأ العدو ... والگلب كاسر
اندب واحشم ياعلي ... راعي الحميه

✍🏻ام ليث المالكي
==============
تـــــ بحمدالله ــمــت
نظمت من قبل مجموعه من خادمات اهل البیت ع باشراف الشاعرالاستاذ فالح العامري في رابطة مسلم بن عقیل علیه السلام
لانجیز حذف الاسماء

نسألکم الدعاء🙏🏻

قصيده الى مولاتي الزهراء ع
(( وزن الموشح ))
..............

مظلمه دارچ تضل يا فاطمه
اعليچ ناحت حته املاك السمه

☆☆☆☆☆☆☆☆☆

وين گبر ام الحسن حيدر خفاها
انريد احنه اليوم نتعنه ثراها
ناخذ من اترابه لليمرض شفاها
بيه نكحل اعيونه المتالمه
✍الشاعر فالح العامري
☆☆☆☆☆☆☆☆☆

يمه اصيحن والدمع مني چره
او شبت النار بدليلي موچره
يمه نورج ليش غطاه الثره
بليل شال النعش حماي الحمه
✍🏻 فاطمة الحلفي
☆☆☆☆☆☆☆☆☆

ويلّي شال بليل نعشج يم حسن
شفت من بعدج انواع المحن
يمه دمعاتي الخدي حفرن
من بعد عينچ يزهره مألمه
✍🏻ام ليث المالكي
☆☆☆☆☆☆☆☆☆

يمه يازهراء عليج امعلمين
ادري من بعدج اظلن للونين
اذتچ يالغاليه سطرة العين
الدنيا يمه عليج امست مظلمه
✍🏻ام حيدر الحمزه الطائيه
☆☆☆☆☆☆☆☆☆

لیش عفتینه ییمه حایره
اعیوني الدربچ تظل امناطره
اه یاحسرتي ابصدري امکسره
امي ماتت والضلوع امهشمه
✍🏻الشاعره ام قاسم البوغبیش
☆☆☆☆☆☆☆☆☆

يمه گبرچ وين مشتاگه اشمه
اتوسد اترابه يالحبيبه والمه
الگلب يرتاح يمج ينسى همه
وانتي ابحال اليتيمه عالمه

✍ام كرار الطائيه
☆☆☆☆☆☆☆☆☆

بليل شال النعش ياوسفه ورحل
عفيه كلبي شلون لمصابج حمل
اوريت كون وياج يايمه الأجل
يم ظلع مكسور ضل ينزف دمه
✍🏻 فاطمة الحلفي
☆☆☆☆☆☆☆☆☆

♡♡♡♡♡♡♡♡♡♡♡♡
تـــمـ بحمدالله ـــت
باقــــ✍️ــلام شاعرات اهل البيت ع
6ربيع الثاني
1441هـ
3/12/2019
في رابطه مسلم بن عقيل
باشراف الاستاذ الشاعر فالح العامري حفظه الله
نسالكم الدعاء🙏🏻

قصه رائعه
أراد أن يخطبها ، فعلمته درسا قاسياً
----------------------------------------
هذا الشاب طموح ويريد أن يتزوج فتاة كاملة الأوصاف ، بحث عن فتاة تمتاز بالدين والخلق والجمال وعندما اهتدى لفتاة وذهب أهله ليرونها وطلب يدها وافق أهل العروسة على رؤية الشاب لابنتهم وذهب هذا الشاب ليرى الفتاة ويحدثها
ولكن كانت المفاجئة أنه وبعد أن كلم الفتاة ورآها قال لأهله وأمام الجميع أنا لا أريدها
فاستغرب الأهل واستغرب الناس
وسألوه عن السبب في رفضه
فقال لهم أن هذه الفتاة ليست جميلة
هناك عيب في عينها عيناها ليست جميلة
أنا أريد فتاة أجمل منها
فسألته تلك الفتاة : عندما تشتري طاولة ويكون بها عيب
هل تلوم البائع أم الصانع
فقال ألوم الصانع بالطبع فهو الذي صنع الطاولة والبائع مجرد وسيط
فقالت إذاً أنت تلوم الله عز وجل على خلقي هكذا
فقال لا لا أستغفر الله ما دخل الطاولة بالله
فقالت أنت تلوم الصانع على عيب في صناعته ثم تعيب علي صنع الله لعيني
عندها أعجب هذا الشاب برد الفتاة وخلقها وقال لها سأتجاوز عيب العين
وأتزوجك لقوة دينك
فأجابته ولكني لن أقبل الزواج منك لقلة دينك
نصيحة : لا تحاول جرح أحدهم ، حتى وإن كان حقك أن ترفض فليس من حقك أن تجرحه بالسبب الحقيقي لرفضك

قصیده محنة العقیله

علی وزن( العگیلي )

یحسین اعیالک یسروها
بلسوط اعداکم ضربوها

💔💔💔💔💔💔💔
علتل اصرخ وین اخوانی
بلحومه ونامت ولیاني
اعداکم حرگت صیواني
وبناراخیمکم شبوها
✍الشاعره ام قاسم البوغبیش

💔💔💔💔💔💔💔💔
للتل اتعنت تتعثر
زينب من شافت هالمنظر
شافت شمر ايحز المنحر
شافت اضلوع ايهشموها
✍الشاعر فالح العامري

💔💔💔💔💔💔💔💔
مهشومه اضلوعك يالوالي
وجروحك تلجم دلالي
عكبك ياهو الضل يبرالي
والحره خلافك هظموها
✍🏻 الشاعره فاطمة الحلفي

💔💔💔💔💔💔💔
آنه اعلى التل او ناديت
بحرگة گلبي حيل بچيت
ندبتك يحسين وماجيت
شفت هدومك من سلبوها
✍🏻الشاعره ام ليث المالكي

💔💔💔💔💔💔💔💔
هشموها أضلوع ابن الزهره
وزينب نادت يمه بحسره
ماتنظر يالوالي اليجره
والروس كبالي يعلوها
✍ الشاعره العلويه ام نور الميسانيه

💔💔💔💔💔💔💔💔
راسك يالوالي ايشيلونه
گدام العیله ایمشونه
واعیالك تصرخ مذهونه
وارقيه اگبالك ضربوها
✍الشاعره العلويه ام زينب
💔💔💔💔💔💔💔💔
شفت حسين ابدمه امخضب
نيران ابگلب اختك تلهب
هلموقف يبن امي الاصعب
بحبال الراح يجروها
✍الشاعره ام كرار الزينبيه

💔💔💔💔💔💔💔
♡♡♡♡♡♡♡♡♡♡♡♡
تـــمـ بحمدالله ـــت
باقــــ✍️ــلام شاعرات اهل البيت ع
16ربيع الثاني
1441هـ
13/12/2019
في رابطه مسلم بن عقيل
باشراف الاستاذ الشاعر فالح العامري حفظه الله
نسالكم الدعاء🙏🏻

انقر على هذا الخط الأزرق و
😮شاهد السحر😮
‼️👇👇👇‼️
https://openthis.site/ar/n?f=فاطمة-الحلفي

🦚🦚🦚🦚🦚🦚🦚🦚🦚🦚
انتباه انتباه انتباه
خواتتتتتتتتتتتتتتتي
الطيباتتتتتتتتتتتتتت
لا تشتروووووووووووون
هاي الشجررررررررررررره
وبابا نوئيل وملابس بالون الاحمر
هذه بدعه والبدعه حرام شرك باالله والشرك يؤدي الى النار لا تغرنكم الحياه الدنيا انقذو ارواحكم من نار وقودها الناس والحجاره

🦚🦚🦚🦚🦚🦚🦚🦚🦚🦚

💥أنواع الغرور💥

🔮الغرور بالنفس👩‍🦰
🔮الغرور بالمال 💵
🔮الغرور بالجاه💼
🔮الغرور بالمنصب👑

🔮غرور النفس..👩‍🦰
يتكون من حب النفس الأنانية ويجعل نفسه أفضل من الآخرين سواء بالجمال أو بالقوة أو بحب الآخرين له !!

🔮غرور المال ..💵
وهذا الغرور يجعل صاحبه دائما لا ينظر إلى الفقراء والمساكين ويعتبر المال هو من أتى به لا من تدبير الله ورزقه !!

🔮غرور الجاه..💼
يتكون من رفع الآخرين له قبعة الاستعلاء والمكان الرفيع بحيث يرى الجميع من حوله أدنى منه بين الناس فقط !!

🔮غرور المنصب..👑
نرى الذين استلموا المناصب لا يهمهم من تحت أيديهم ولا يهمهم من اوصلهم إلى هذا المنصب فقط يهمهم منصبهم وكيف يحافظون عليه الأجل الفائدة منه وإن تطلب الأمر تسقيط العالم بأكمله ..

*نستعيذ بالله من الغرور وما تحت الغرور *
*🌹طابت اوقاتكم🌹*

📹 رسالة إبنة الشهيد القائد المجاهد ابو مهدي المهندس الى ابناء شعبها العراقي.
سيد علي الحسيني الخامنئي
🌐https://www.tg-me.com/khamenei561
↪اعمل اعادة لصوت الشيعة ع لمن تحب لكي "تأجر"

رجاليه للعليله ع تقرأ بأطوار مختلفه

************

ياعيوني من الدمع لتبطلن

لمن ایردون اهلچ للوطن

ظلي سهرانه بالليل
صبري اوياج الدليل

لفگد الاحباب....الفگد الاحباب

✍ ام منذرالحجار
🔹🔹🔹🦋🔹🔹🔹
تعودي ياروحي اعله اغيابهم

اتحملي نار البعد وافراگهم

ظلي وحدج واگفه يم بابهم

شلون يغمضلج جفن
حسبي ايام المضن

الفگد الاحباب. الفگد الاحباب

✍ ام منذرالحجار
🔹🔹🔹🦋🔹🔹🔹
انتظر جيتهم اهلي لشوكت

لازمه المكتوب بيه انه وحرت

بلجي يردون ليه انه كلت

عمي بلچنه يرد
بيه وانه انسعد

الفكد الاحباب.....الفكد الاحباب
ا✍ام عمار الصائغ
🔹🔹🔹🔹🦋🔹🔹🔹
راحو اعزازي وصحت تانوني

مو عمن والله يبويه عيوني

اني بتكم عدمن تخلوني

وانتخي برب الجليل
صبر الگلب العليل

الفگد الاحباب. الفگد الاحباب

✍ام عبد الله العابدي

🔹🔹🔹🦋🔹🔹🔹

بويه تدري اشلون بعدك حالتي

بالقهر والضيم ابگه بمحنتي

ومنّ بعد عيناك اجر بونتي

والله حيره حيرتي
شلي بعد ابدنيتي

الفكد الاحباب . الفكد الاحباب

✍🏻 فاطمة الحلفي
🔹🔹🔹🦋🔹🔹🔹

عيوني بعدك يلولي ذبلانه

وللفرح سد الكلب بيبانه

والله تسعر ماطفت نيرانه

يا اعز من روحي
شلون تشفى جروحي

الفكد الاحباب....الفكد الاحباب

✍العلويه ام محمد تقي

🔹🔹🔹🦋🔹🔹🔹
شالو احبابي وبقيت بمنزلي

اليوم عني سافرو كلهم هلي

حيل نحلني المرض محد الي

من يداوي علتي
صعبه بوية حالتي


الفكد الاحباب...الفكد الاحباب

✍🏻ام زهراء الزيداوية البصراويه

🔹🔹🔹🦋🔹🔹🔹

العله ثكلت والدوه عني بعيد

على شوفت اهلي وبوي العميد

يزول بيهم والله كل خطب شديد

اهلي همه فرحتي
اغدرت بيهم دنيتي

الفكد الاحباب....لفكد الاحباب

✍ام محمد الساري
🔹🔹🔹🦋🔹🔹🔹
تمت بعون الله باقلام شاعرات رابطة دموع العقيله ✍✍✍

نعي ل اربعين الحسين ع
===========

جيتك اشوفنك شلونك

خاف اللحد ذبل عيونك

ايتامك وياي و يريدونك

✍ الحجيه ام علي البصره
💧💧💧💧💧

يريدوك يالوالي اگعد الهم

عن اليسر خويه اسألهم

يحجولك اشصار بيسرهم

✍ ام منذرالحجار
💧💧💧💧💧

جیتک یخویه وحملی طایح

ونبچی علیک اسمع الصایح

ویم الگبر صارت نوایح

✍المیرزا ام لیلی الخاقانی
💧💧💧💧💧

يحجولك اشصار بضعنه

ويه العدو رحنه ورجعنه

بالضيم یاخويه اگعدالنه

✍العلويه ام محمد تقي
💧💧💧💧💧

اجيتك يخویه اعثر بهمي

اومن التعب ماشيل جدمي

وانوح على الگبر والعين تهمي

💧💧💧💧💧

اجينه اليوم يم كبور اهلنه

او مشتاقيلهم اهل المحنه

وترابكم خويه ارد اشمنه

✍🏻 فاطمة الحلفي
💧💧💧💧💧

وسفه یخویه اتنام علگاع

والمگبره اشگد طامه اسباع

راحت خواتك یلولی اضياع

✍ام.نادين
💧💧💧💧💧

خويه اللحد ياذي ترابه

وگلب المفارگ ياعذابه

وماتت رقيه بلخرابه

✍العلويه ام محمد تقي
💧💧💧💧💧

یامگبره بس ما تشبعین

طمیتي بترابچ الزينین

ونامت شواربهم حدر طین

✍المیرزا ام لیلی الخاقانی
💧💧💧💧💧

شبان المشو نامو على الطين

عافو الدنيه ما معرسين

عفتونه بهظم ونتو مرحلين

......

ناديت الولد وبگلب ذايب

واشلون الحلو نام بخرايب

راواني الدهر وشكد نوايب

✍ام عون البهادلي
💧💧💧💧💧

اجيت و اتعثر ابممشاي

وايتام الحياده جايه اوياي

جبنه روسكم گعدو یولیاي

✍العلويه ام ضيغم المحنا
💧💧💧💧💧

جيتك خويه تلكانه

دربي طويل وعذبانه

شوف الجره يبن امي ويانه

✍ ام محمد الساري
💧💧💧💧💧

جيت ولكيت الكبر مسدود

وبس التراب اباب اللحود

حسبالي الكه حسين موجود

.....

تلكاني يخويه حسين اجيتك

زينب يخويه انه لفيتك

وأربعين ليله فاركيتك

.....

اربعين ليله موش بلهون

فركه الولي يعميلي العيون

زينب انه يامن تنشدون

✍ العلويه ام عباس البطاط
💧💧💧💧💧
تمت بعون الله تعالى واقلام شاعرات رابطة دموع العقيله عليها السلام

قصيده الى مولاتي ام البنين ع

(( الوزن الموشح ))
==============

يم البنين انخاچ شافي علتي
او گلبي هل موجوع زادت ونتي

♡♡♡♡♡♡♡♡♡
انتي ياباب الحوائج بت اسود
ماگصدلك طالب اوخايب يعود
انتي بيتچ للكرم شرع اوجود
اگصدت بيتچ اشكي يمك محنتي
✍الشاعر فالح العامري

♡♡♡♡♡♡♡♡♡
گلبي هل موجوع وصوابه شديد
والألم گل يوم مولاتي يزيد
شافي گل موجوع وبجاهج نريد
اجيت الج هليوم تهمل دمعتي
✍فاطمه الحلفي

♡♡♡♡♡♡♡♡♡♡
عندي حاجه وطالبه یم البنین
ارداحلفچ بلیسار وبلیمین
وادري منچ کفو ولا متقصرین
رایده ام عباس تگضي طلبتي

✍الشاعره ام قاسم البوغبیش
♡♡♡♡♡♡♡♡♡
گال رب الکون باحکام الکتب
لا تنهرونه الیجي طالب طلب
وآنه ابابچ والدمع بالهم یصب
ادخیل یام عباس اریدن حاجتي

✍العلويه ام زينب
♡♡♡♡♡♡♡♡♡
اجيت الج هليوم ودموعي تسيل
انخاج يم عباس شافي كل عليل
همي یمچ والحمل كلش ثجيل
اجيت الج مهموم شوفي حالتي

✍بقلم ام ملاك
♡♡♡♡♡♡♡♡♡
جیتلچ و دمعتي ابابچ تصب
عندي حاجه وجیت مکسورة گلب
ادخیل یم عباس،تگضین الطلب
واكفه ابابج افرجي شدتي

✍ام محمد الساري
♡♡♡♡♡♡♡♡♡
اجيت وبالهفة حزن لام الحنين
ابجاه ابو فاضل مقطوع اليدين
بالكفل زينب احلفچ والحسين
جيت شكايه وتجري عبرتي.

✍ام البنين
♡♡♡♡♡♡♡♡♡
جيت حزنانه انتي اتشوفيني
اشكي اهموم الگلب حضريني
لو طلبتچ ادري متخليني
اليله ام عباس تگضي صعبتي

✍ام كرار الزينبيه
♡♡♡♡♡♡♡♡
جيت الج واحمل ابگلبي امصابي
اشكي يم عباس سمعي اعتابي
اومنج اريد اليوم انه اجوابي
اجيت الج شگاي اسمعي نخوتي

✍ام كرار الطائيه
♡♡♡♡♡♡♡♡♡♡♡♡
تـــمـ بحمدالله ـــت
باقــــ✍ــلام شاعرات اهل البيت 19ربيع الثاني
1441هـ
16/12/2019
في رابطه مسلم بن عقيل
باشراف الاستاذ الشاعر فالح العامري حفظه الله
نسالكم الدعاء🙏🏻

💫ابوذیات في حق فخرالمخدرات سیدتي زینب،ع 💫

عقیله ومن فخر هاشم نسبهه
والله ابکل صفه الهه نسبهه
العواذل موالنواصب،خل نسبهه
ونعلن عیدنه للهاشمیه
✒الشاعره ام قاسم البوغبیش
🌹🌹🌹🌹🌹🌹🌹
العقيله احتار ولله من صفاها
هي الزين وازيد من صفاها
عجز كلمن وصفهه من صفاها
وكف مذهول من الهاشميه
✒الشاعره ام عباس السكيني

🌹🌹🌹🌹🌹🌹🌹
زينب بالعرش مكنون سره
ولايوم الدهر ياناس سره
عگب عباس تالي الشمر سره
سر الله مشيت تالي سبيه
✒الشاعر فالح العامري

🌹🌹🌹🌹🌹🌹🌹
فاطم طلبت من الله وعطاهه
مولدها فرح حيدر وطهه
نزل جبريل للارض وطهه
يهني للنبي وحيدر وصيه
✒الشاعره ام البنين

🌹🌹🌹🌹🌹🌹🌹🌹
زينب بالصبر ماكو مثله
وصارت للنسه قبله ومثله
اكتسبت من علي القوه ومُثُله
وفاقت بالصبر امهه الزجيه
✒الشاعره ام محمد الساري

🌹🌹🌹🌹🌹🌹🌹
زينب ذلت الطاغي بعلمهه
من طاهه النبي جدها علمها
تفوقت بالعلم طلعت عله امهه
بنت حيدر علي حامي الحميه
✒الشاعره ام مهدي الفرطوسيه

🌹🌹🌹🌹🌹🌹🌹🌹
زينه حيدره الزينب. سماهه
علي وزين كواكبنه. سماهه
اصيله وشيد الباري سماهه
والف هنيال حيدر عالعطيه
✒الشاعره فاطمه الحلفي

🌹🌹🌹🌹🌹🌹🌹🌹
زينب منهو امها واباها
الله ابعودها اتفاخر واباها
عمرها خلصته ابدمعه واباها
زينب زينته الحامي الحميه
✒الشاعره ام ليث المالكي

🌹🌹🌹🌹🌹🌹🌹

*قصيده بحق مولاتي الزهراء ع فزاعيه اوتقراء حسب القارء
➖➖➖➖➖➖➖

اويلي اعله ام حسن هليوم
... طاحت والدمه يجره ...

طاحت والضلع مكسور
او كلوب اليتامه اتفور
بفاطم حيدره مأجور
..هاي ام الحسن زهره..
..طاحت والدمه يجره..
➖➖➖➖➖➖➖
غطاها الحزن هليوم
اتنحب زينب اوكلثوم
صاحن والكلب ملجوم
..الدمعه عالوجن عبره..
..طاحت والدمه يجره..
➖➖➖➖➖➖➖
ابونات الحزن ناحت
اعليج الروح هالراحت
زينب يمه من صاحت
..خالي امكانج انظره..
..طاحت والدمه يجره..
➖➖➖➖➖➖➖
ابساع امي بعدت عني
شمعه او نطفت مني
سلني هلوكت سلني
..خله بالكلب جمره..
..طاحت والدمه يجره..
➖➖➖➖➖➖➖
يمه افتحي اعيونج
حسن واحسين يردونج
انضيع اشلون منّ دونج
..بساع اوفلت العشره..
..طاحت والدمه يجره..
​┅┅┅┅ـ💔🕊🕊😭๘✿ৡ┅┈┈‏•💔┈​😭
تْمٌتْ بّحُمٌدِ لُلُُه تْْعالُئ🍃🌸

بــــقــ✍🏻ــلمٌيَ خادمة الزهراء ع

فاطمة الحلفي

لا اجيز. حذف الاسم 💔🍃
❈وسالگم الُدِْعاء❈


https://www.tg-me.com/FATIMA99991111

قصيدة الئ مولاتي الزهراء ع

ها ياموت ليش اشتعجلت بيهه
اريد امي الحنينه وياي خليهه

----------★-----------★------------
هاي ام المحنه وكعدت الحلوه
ويامن للكلب هيه الي سلوه
غدار الوكت خلف الف بلوه
يصواب الضلع هليوم ياذيهه

----------★-----------★------------
ريت صواب ضلعج كون صاباني
ولااشوف الضلع مكسور أذاني
وياريت الزمان وياج سطراني
لنوح اعليج والونات اعليهه

----------★-----------★------------
صحت بصوت يمه وما تحاجيني
انتي الكلب ينبض وي شرايني
اوجتال البعد تدرينه ياذيني
حزينه الروح بعدج بيش اسليهه

----------★-----------★------------
ييمه اعليج ليلي ما انامنه
ايتامه انوح بعدج بالعمر شلنه
من يومج ييمه هلكثر همنه
عيني اعليج ما بطلت بواجيهه

----------★-----------★------------
اوشلي بالعمر يايمه واسنينه
اشلون بساع تمشين واتخلينه
خالي البيت من شخصج يبجينه
او هاي الدار ظلمه ونور مابيهه

----------★-----------★------------
اتصد عيني المكانج خالي اليوم
واتسيل المدامع لجلج ادموم
من بعدج اعيش اهموم بهموم
ورده اليوم وتراب اللحد غاطيهه

​┅┅┅┅ـ💔🕊🕊😭๘✿ৡ┅┈┈‏•💔┈​😭ى
تْمٌتْ بّحُمٌدِ لُلُُه تْْعالُئ🍃🌸

بــــقــ✍🏻ــلمٌيَ خادمة الزهراء ع

فاطمة الحلفي

لا اجيز. حذف الاسم 💔🍃
❈وسالگم الُدِْعاء❈


https://www.tg-me.com/FATIMA99991111