💔 نخوه الى مولاتي ام البنين ع💔

اريـد انـخـاج ياحـره يـبدويه
زيلي اهموم گلبي وعينج اعليه
••••••••••••••••
اريد انخاج ياحـره وسمـعيني
اهموم هواي عندي حيل تأذيني
مامرتاح ليـلي ولا غفـت عيـني
او تعبنـي الوگت وشسوه بيه
زيلي اهموم گلبي وعينج اعليه
😭😭😭..............💔.........😭

تعبنـي الوگــت ياام اليـهابه
گضـيت العـمـر غربه وگـأبـه
جن عايش وحيد بنص خرابه
خلصـت العمـر بــس بالاذيـه
زيلي هموم گلبي وعينج اعليه
😭😭😭..............💔.........😭

اريد انخاچ بالشدات موچوده
الچ وگفات يم عباس مشهوده
بچاه ابنج يحره وگطعت زنوده
او يـاتـاج الـفخـر انخاچ لـيليـه
زيلي اهموم گلبي وعينج اعليه
😭😭😭..............💔.........😭

اريد انخاج وادري مـاترديني
اقره الفاتحه وبساع احضريني
متقصريـن اعرفچ يا بعد عيني
يـم ام البنين الشـده مگضـيـه
زيلي اهموم گلبي وعينج اعليه
😭😭😭..............💔.........😭

هاي ام الـبنين وموش بالهـون
تدرين الگـلب مولاتي محزون
يالگلـج فخـر يانــور العيــون
اريـدج بالـحـشر انتـي تجيـه
زيلي اهموم گلبي وعينج اعليه
😭😭😭..............💔.........😭
تْمٌتْ بّحُمٌدِ لُلُُه تْْعالُئ🍃🌸
بــــأقلام. َ خدام ام البنين ع
علي الكرار الكربلائي
فاطمة الحلفي.

❈ونسالگم الُدِْعاء❈

😭 قصيدة طلب التوفيق 😭
على طور ( خادم انا، خادم انا)
((وزن هجري))

🩸•.¸¸.•🩸•.¸¸.•🩸•.¸¸.•🩸

طالب انا .طالب انا. طالب انا
من باب الحسين. من باب الحسين

اجيت يا مولاي ادعي ... وانته اقبل خدمتي
ناشر اجفوفي بضريحك. جيت تهمل دمعتي
امنيتي اخدم منبرك. والله هايه غايتي
انخاك ودموعي جرت. ما تخيب نخوتي

نخيتك انا . نخيتك انا . نخيتك انا
من باب الحسين . من باب الحسين

✍🏻 فاطمة الحلفي
🩸•.¸¸.•🩸•.¸¸.•🩸•.¸¸.•🩸

عله اعتابك يبن حيدر روحي حنت ونحنيت
ابأسمك انه ما اذلن سيدي البابك اجيت
روحي تشتاگ الملاگه ازيارتك انه اعتنيت
يبو الاكبر انته روحي وتدري غيرك ما هويت

طالب انا ،،، طالب انا ،،، طالب انا

من باب الحسين ،،، من باب الحسين

خادمه ال البيت
ام سجاد العسكري

🩸•.¸¸.•🩸•.¸¸.•🩸•.¸¸.•🩸

ياأبو الأكبر أجيتك ... يخو زينب وأنتخي
أنته ماقصرت سابق ... من أجيك واندعي
سبع أبواب أبحضرتك ... كلهه فاتحهن الي
ياكريم أبن الكريمه ... شرف خدمه بن علي

أطلب انا .. أطلب انا .. أطلب انا
من باب الحسين . من باب الحسين


✍الشاعره العلويه أيه البياتيه / الملقبه ببضعه الزهراء(ع)


🩸•.¸¸.•🩸•.¸¸.•🩸•.¸¸.•🩸

جاي انه الضريحك وانه ارجو ضيافتي
گلبي مهموم يغالي وانت تعرف غايتي
رايد اثريك ابكلامي ابحبر اكتب دمعتي
والحزن يعصر دليلي يالله تطلع كلمتي

طالب انا ،،، طالب انا ،،، طالب انا
من باب الحسين .من باب الحسين

ام محمد الساري

🩸•.¸¸.•🩸•.¸¸.•🩸•.¸¸.•🩸

اتمنه احظر للمجالس ..واللطم انه للحسين
وبجي من يقرا القاري .. وابقه بس اهمل العين
سيدي فدوا اقبلني ...امضي وي السائرين
عل نهجك انه امشي ..يبن امير المؤمنين

طالب انا ،،، طالب انا ،،، طالب انا

من باب الحسين ،،، من باب الحسين

ام كرار الزينبيه


🩸•.¸¸.•🩸•.¸¸.•🩸•.¸¸.•🩸

تمت بفضل الله باقلام شاعرات اهل البيت في رابطه دموع العقيله لانجيز حذف الاسماء ونسالكم الدعاء

خاصه باستشهاد الامام
الكاضم عليه السلام
📿📿🧿📿📿

خل نبجي ابعبره ،، وبلوعه وبحسره

عالگاضم ولينه ،، بالسم گظه عمره

ومعصومه حزينه ،، الرضى ايجر ونينه

بالسم گضه عمره

📿📿🧿📿📿

معصومه عليك اليوم حزنانه

تگول الابو منه انگطع رجوانه

منيوم الطلع من بيته ما جانه

نون لغياب ابونه الدهر خلانه

خل نبجي ونواسي
الخلص بالماسي

واحبابه تتاني ، ويلي اشكثر صبره

معصومه حزينه ،، الرضى يجر ونينه

بالسم گضه عمره

خادمه ال البيت
ام سجاد العسكري

📿📿🧿📿📿

گضاها بالسجن موسى يمولانه

معصومه تكول الابو ماجانه

على افراگ الابو هالروح نحلانه

على المسموم يهد اجبال مبجانه

گضه العمر غربه
فراگه الاهل صعبه

يا كسرت قلبنه ،، ولاترهم الجبره

ياضيم العلينه ..الرضى يجر ونينه

بالسم كضه عمره

✍أم نور الزهراء الزينبية

📿📿🧿📿📿

فراكك يالابو مو هين علينه

يا شمعه حياتي الجان يضوّينه

ضاع العمر بعدك ضاعن سنينه

حسافه اليوم بويه ماترد لينه

فركه ومو بدينه
من غصبن علينه

ناطرتك تراني . جرحك ولايبره

بويه ماتجينه،،الرضا يجر ونينه

بالسم كضه عمره

ام عباس السكيني

📿📿🧿📿📿

رادت شوفتك اه يلأبو ساعـــه

وتدري بروحي لا ماتحمل اوداعـــه

خبر موتك يزيد بگلبي اوجاعـــه

الكلب يوم المشيتو خربت اوضاعه

تضل تجري عيني
وبروحي ونيني

يوم العفت بيتك . خنكتني العبره

مالومه الحنينه . الرضا يجر ونينه

بالسم گضه عمره

✍🏻 فاطمة الحلفي

📿📿🧿📿📿

هذا اخر وداع الليله وياهم

لو شالو هلي جاوين نلكاهم

ضيعونه وجفونه و ضيعيناهم

شالو للكبر وسفه ودفناهم

نودعه المسيه
بن خير البريه

بسموم المنايا ويلي خلص كلبه

بلفركه رضينه ،، الرضا يجر ونينه

بالسم كضه عمره

✍🏻ام مريم العذراء التميميه

📿📿🧿📿📿

تمت بفضل الله باقلام شاعرات اهل البيت في رابطه دموع العقيله لانجيز حذف الاسماء ونسالكم الدعاء

نخوه الشریفه ع

🩸🩸🩸🩸🩸

الشریفه انروح کلنه الیوم ننخاها
مریضین ونرید من ایدها ادواها

🩸🩸🩸🩸🩸

الطبیبه الکبره بت الحسن معروفه

تشافي کل مرض للعلل موصوفه

نمشي اعلیها عمها الگطعو اچفوفه

طبیبه امجربه وحلوه عطایاها

✍العلویه ام ضیغم المحنا

🩸🩸🩸🩸🩸

بت الحسن هاي الكرم والعفه

كلمن يعتنيها علته تشفه

كريم البيت ابوها يا هو ميعرفه

اليوم الطاهره كلنه اعتنيناها

ام سجاد العسكري

🩸🩸🩸🩸🩸

معروفه شريفه ام هدت الحلوه

لو عندك طلب تنخاها بالنخوه

هاي ام العطايه اوللگلب سلوه

بت الحسن متخيب الينخاها
ام عمار ابصائغ

🩸🩸🩸🩸🩸


وكفت ابابها واندب يعلويه

تزيلين المرض واللهم العليه

تراني ناحلة وكل حيل مابيه

يويلي الروح ذابت من بلاياها

✍ام عون البهادلي

🩸🩸🩸🩸🩸

متـقصر أبد يابنت الهيابـــــه

يم بابج شريفه اجينه طلابـه

تشافين العليل اليوجعه اصوابه

گفو ونعمين بالشدات تلگاها

فاطمه الحلفي

🩸🩸🩸🩸🩸🩸🩸

اجيتج ياشريفه اليوم عنايه

ادك بابج وريد مرادي ودوايه

يا ام الكرم ماترد نخوايه

هاي الطاهره البضيج ننخاهه

ام هاجر الشريفي

🩸🩸🩸🩸🩸

هاي الطاهره والنعم من عدها

باب من الحوائج يالي گاصدها

اشگي حالتك وانحني ابعتبتها

بت جواد معروفه بعطايهــــا

✍🏻 فاطمة الحلفي

🩸🩸🩸🩸🩸

غريب سامراء
الوزن تجليبه
~~~~~~
بالحضره اطوفن انه اشكيله
اريد مراد منك يا علي اليله
▪▪▪▪▪▪▪▪

اجيتك ياعلي الهادي الدمع يجري
اونيران المصيبـــــه بالگلب تسري
من عندك اريدنـــــه تحظر ابگبري
واعرفك انته التاوي ادخيلـــــــــه

✍الشاعر فالح العامري
▪▪▪▪▪▪▪
معتنيه اجيتك دمعتي ابعيني
اريد امراد منك انته تنطيني
اودكات الكلب كلش تاذيني
تعبان الكلب من الوكت حيله

✍🏻فاطمه الحلفي
▪▪▪▪▪▪▪
معتنيه اجيتك اطلب امرادي
انت اعلم بحالي تدري بالسادي
مهمومه ونخيتك ياعلي الهادي
روحي من هظمهه مست نحيله

✍🏻ام حيدر الحمزه الطائيه
▪▪▪▪▪▪▪
يلمسموم اجيت ابچي على أعتابك
اون لمصيبتك وانحب على مصابك
عبرتي مكسره بصدري وادگ بابك
دمعي علوجن من عيني أسيله

✍🏻ام ليث المالكي
▪▪▪▪▪▪▪
متعنيه لعلـــي او ابحالتي يدري
اريد امراد عاجل ينظر ابأمري
چثيره هموم من عدهه نفذ صبري
اجيتك والدمع بچفوفي اهيله

✍🏻خادمه الزهراء ع ام كرار
الطائيه
▪▪▪▪▪▪▪
نخيتك ياسنادي ودمعتي تجري
اريد امراد منك انته ياضخري
اتشافي ابني ليه ياخلف عمري
حزنان الگلب ومالي حيله

✍🏻 ام البنين
▪▪▪▪▪▪▪

تمت بحمد لله تعالى

تـــمـ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
3رجب
1441هـ
27/2/2020
نسالكم الدعاء🙏🏻

ناجي القرناوي لحن ١

ناجي القرناوي.........لحن ٢

ناجي القرناوي.......لحن ٣

💔 قصيدة الى فقد الأم 💔

أتهد الحيل ونات الحنينات
شالن وين وبسرعه المشفجات

••••••••••••••••••••
أيهد الحيل يفراك الحبايب
شالن وين عني والكلب ذايب
او نمتن ليش يمه بالترايب
اسكنتن بالرمل حار وترابات
😭😭😭..............💔.........😭

سكنتن بالحد ماكو بعد جيه
ويا كعداتجن عنت تره عليه
لجيم النوح كل صبح مسيه
ينوحن حيل ضلن هالزغيرات
😭😭😭..............💔.........😭

ينوحن حيل مانامن ابد ليله
يفراگچ صعب يحبيبه شيشيله
تعبان الگلب خلصان گل حيله
حزنان الگلب لشالن شبابات
😭😭😭..............💔.........😭

مالومه عليچن روحي مالومه
متفارگ خيالي الصوره مرسومه
حيف ام النشامه تنام هلنومه
گالوا غربن والرده هيـــهات
😭😭😭..............💔.........😭

اريد الطم عليچ واعمي العيــون
يا يومچ هدم اجبال مرچـــون
ننوح اليوم گلنه وبگلب محزون
شالت حيف يا ام المهابــات

​┅┅┅┅ـ💔🕊🕊😭๘✿ৡ┅┈┈‏•💔┈​😭
تْمٌتْ بّحُمٌدِ لُلُُه تْْعالُئ🍃🌸

بــــقــ✍🏻ــلمٌيَ خادمة الزهراء ع

فاطمة الحلفي

لا اجيز. حذف الاسم 💔🍃
❈وسالگم الُدِْعاء❈


https://www.tg-me.com/FATIMA99991111