💔أهدي هذا القصيدة الى شباب الطفوف
والى شهداء العراق 💔

اعله الشباب اليوم اعلي ونتـــي
والدهر بسهام صوب چبدتــــي

*====================*
اعله الشباب اليوم نقره الفاتحـــه
او الطم عالراس حيل بنايحـــــه
راحوا الشجعان ويلي البارحــــه
والدهر هليوم طفه شمعتـــــي

*====================
اوالدهر هليوم دمعي نزلــــــــه
راحو الشجعان كلهم مرجلــــــه
ولمصاب اشلون گلبي يحملـــه
منّ بعد عيناك شلي ابدنيتـــــي

*====================
اشلون اعيش اشلون كلي باالمحن
من دموم العين صبن وانعمــــــن
والوجه مشبوح شابح بالحــــزن
يا شريك الروح انته ضنوتـــــي

* ====================
اعليك انوحن والحزن ماينحمل
ونظره منك يالولد هيه الأمـــل
حار جاسم حار كلش هلرمــــل
كون اموت وياك هايه غايتـــي

*====================
ريت اموت وتبقه سالم يالــولد
اوالله من فركاك گلبي انمـــــرد
والحزن للموت ما أفله أبــــــد
فدوه انضر شوف يمه حالتــي

​┅┅┅┅ـ💔🕊🕊😭๘✿ৡ┅┈┈‏•💔┈​😭
تْمٌتْ بّحُمٌدِ لُلُُه تْْعالُئ🍃🌸

َ خادمة الزهراء ع فاطمه الحلفي
لا اجيز. حذف الاسم 💔🍃
❈وسالگم الُدِْعاء❈


https://www.tg-me.com/FATIMA99991111

هذه القصيده مهدات الى ارواح
شهداء الطف وبالخصوص علي الاكبر
والقاسم ابن الحسن عليهما السلام

✦••✦•৩﴾💔﴿৩•✦••✦

يمه ليش اتغيب عني يالشباب
بعدك امك شافت انواع العذاب

ليش رايح يالولد
وليه ما ترجع بعد

يالشباب يالشباب

✦••✦•৩﴾💔﴿৩•✦••✦

يالـشباب ابـفرگتك انـه عـمـيـت

عذبت روحي ابغيابك مـا دريـت

من وصلت عله الگبر يمه هـويت

صحت اگعد يالحنين انـه اجـيت

عـذبانـي اغـيابـك
كلف يمه امصابك

تدري بامك يبني ما تحمل غياب

يالشباب يالشباب

بقلم خادمه ال البيت
ام سجاد العسكري

✦••✦•৩﴾💔﴿৩•✦••✦

يالـولد يـبني بـحلاة سنينـك

غبت واعيوني تناطر عـينـك

يـبنـي يالـمـاتـمـمـت عـشـرينك

طحت بغيابك واصيحن وينك

صعبه يمه حالتي
ردلي ها يا ضنوتي

گبل راسي گلبي من الفرگه شاب

متيمة العقيله

✦••✦•৩﴾💔﴿৩•✦••✦

دوهنتي يمه يابني بغيبتك

لا شفت راحه وهنه من دنيتك

للمنايه تروح وامك زفتك

تدري يمه هوايه تچوي دمعتك

ماتطيب جروحي
يا اعز من روحي

گلبي مايحمل قهر بعدك انعاب

يالشباب يالشباب

✍ أم علي الحلفي

✦••✦•৩﴾💔﴿৩•✦••✦

تبقه امك بعد عينك حزينه

تمنت ابعرسك تعلگلك الزينه

تدري بيها الوالده كلش حنينه

ابقه اناطر جيتك لو ما تجينه

راحت يا لب القلب
بغيبتك شفت العجب

گلبي بغياب الولد والله انصاب

يالشباب يالشباب

✍️المله والشاعره ام حمودي

✦••✦•৩﴾💔﴿৩•✦••✦

تدري بيه يالولد مابيه حيــــل

نار فگدك مسعره او تچوي الدليل

والدموع اعليك ينبي هل تسيل

لو رحت عني اضل بس للعويل

والدمع عالخد جره
بنار روحي مسعره

راحت أحلام العمر مثل السراب

✍ فاطمه الحلفي

✦••✦•৩﴾💔﴿৩•✦••✦

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

😭قصيده السيده زينب ع تخاطب
مهر الحسين ع😭


زينب تنادي المهر مات الحسين
ليش عفته عالثره وجسمه طعين

💔💔😭😭
كلي اجيت شلون خالي يالمهر
عفت اخوي احسين محزو النحر
شلون يرضه اشلون اروحن لليسر
همهم الميمون وبصوت الحزين

💔💔😭😭
طاح ابو السجاد وانه بحيرتي
با لله يالميمون شاهد حالتي
بسرچك المگلوب هلت دمعتي
او شبوا النيران گوم الظالمين

💔💔😭😭
شبوا النيران ودموعي تسيل
بس علي السجاد نحلان وعليل
گوّه امشي بالچدم مابيه حيل
صرخوا الأطفال ضجو بالأنين

💔💔😭😭
صرخوا الأطفال لعنان السمـــه
اليوم بالنوح بقيت امألمــــــــه
عيني من ادموم ظلت هاملــه
اه واويلاه من عملت البيـــــن

💔💔😭😭
زينب انه وهل الوگت بيه شعمل
هل المسيه لا خيام ولا اهــــــــل
وسفه نام ومادره بيه البطـــــــل
ريت اودع اليوم ابو گلب الحنين

​┅┅┅┅ـ💔🕊🕊😭๘✿ৡ┅┈┈‏•💔┈​😭
تْمٌتْ بّحُمٌدِ لُلُُه تْْعالُئ🍃🌸

َ خادمة الزهراء ع فاطمه الحلفي
لا اجيز. حذف الاسم 💔🍃
❈وسالگم الُدِْعاء❈


https://www.tg-me.com/FATIMA99991111

❤🌙❤🌙❤🌙❤🌙❤🌙❤🌙❤ 🌙❤
🌟 ❤ ﷽ ❤ 🌟
🎊🌿 "تهنئة خاصة" 🌿🎊
🎊🌿يسرني ان اتقدم إليكم🌿🎊
🎊🌿باصدق التهاني بمناسبة 🌿🎊
🎊🌿ولادة الامام المهدي المنتظر🌿🎊
🎊🌿"سائلا المولى العلي القدير "🌿🎊
🎊🌿ان يجعل ايامكم كلها افراح🌿🎊
🎊🌿 "وأن يعيد عليكم أعواما"🌿🎊
🎊🌿 "عديدة وازمنة مديدة"🌿🎊
🎊🌿"انه سميع مجيب"🌿🎊
🎊🌿 الدعاء 🌿🎊
🌺مبارك علیکم ولادة الامام المهدي المنتظر (عج)🌺
🌹🌹وکل عام انتم بالف خیر

💝 مولد لولادة الامام الحجه( عج )💝
على طور اسرني شوگج وارفع الرايه

ياهله بنوره وضوه الولايــــــه
للمهدي اجينه كلنه هنايــــــــه

للمهدي اجينه وننثر اوروده
ياهله وميت هله بمولـــــده

شوكي ودعاي نردد اهوايـــه
للمهدي اجينه كلنه هنايــــــه
✹✹🌹🌹🌹✹✹🌹🌹🌹✹✹

للحفل جينه نعلگ الزينــــــــه
فرحان كلبي بطلته اعلينـــــه

شوكي ودعاي نردد اهوايـــه
للمهدي اجينه كلنه هنايــــــه
✹✹🌹🌹🌹✹✹🌹🌹🌹✹✹

گلب المحب مولاي شيصبره
عيون المحب للجيه منتظره

شوكي ودعاي نردد اهوايــــه
للمهدي اجينه كلنه هنايـــــــه
✹✹🌹🌹🌹✹✹🌹🌹🌹✹✹

ارد بـكلامـــي اندعـــي اليلـــه
من الوكت رايد انه اشكيلـــــه

شوكي ودعاي نردد اهوايــــه
للمهدي اجينه كلنه هنايـــــــه
✹✹🌹🌹🌹✹✹🌹🌹🌹✹✹

اظهر يمهدي وعلي راياتـــــك
وبسيفك احصد واخذ ثاراتك

شوكي ودعاي نردد اهوايـــه
للمهدي اجينه كلنه هنايـــــه

✍🏻 فاطمه الحلفي
❤️ اسألكم الدعاء ❤️
لا إجيز حذف الإسم
🌹🌹❤️❤️❤️🌹🌹

❤️هوسه بحق الامام المهدي ( عج ) ❤️

علك ورد وزهور ونثرله الزينه

والحسن مسرور بالمهدي والينه

شعشع ضواها اليوم ياهله بمهدينه

غالي وتضل للدوم والله يغالينه

بميلاده فرحانه // الناس

صلاوووووات

✍🏻 فاطمه الحلفي نسألكم الدعاء
❤️🌹🌹🌹🎈🎀🎊🎉🎉🎊

كل ما ارجوه يا مولاي ❤️نظرة لعلها كثيرة عليّ و لعلّي لا استحقها ولكن أنت الكريم وأنا المحتاج المسكين.

✍🏻 فاطمه الحلفي 🌸
▪️محاظرة عن اصلاح الذات ▪️
يالله. يالله. يالله
▪️عوذ بالله من الشيطان الرجيم▪️
بسم لله الرحمن الرحيم
وافضل الصلاة والسلام على اشرف الانبياء والمرسلين محمد(ص)
اللهم صل على محمد وآل محمد
❤️وعجل فرج قائم آل محمد يا الله❤️

محاضرة بعنون
اصلاح الذات

قال الله تعالى في محكم كتابه العزيز

(إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ)، صدق الله العلي العظيم

اخواتي العزيزات هذه الآية واضحة جدآ اي على الانسان ان يغير بنفسه يعني هسه بدال ما تشتغل بعيوب الناس هذا هيج سوه وذاك كذا عليك اول شي راجع نفسك شوف عيوبك بالاول اله تتكلام على الاخرين هسه اشلون اكدر أغير انسان اخر واني اصلآ مابغير بنفسي ما ممتنع عن هواي اشياء واجي اريد انصح غيري لا اخواتي اهم شي بالاول نغير بأنفسنه

الانسان الي يريد ياخذ من النصيحة غير كون انصيرن غدوة حته اتمكن ان انطي النصيحة للغير وصلاح الآخرين يبدأ من اصلاح انفسنا لو گل شخص بينه انشغل بصلاح نفسه وغض البصر عن افعال الاخرين لــ كثير أشياء تغيرت بواقعنا فلا يمكن للانسان الذي لم يغير نفسه يعتقد بن يقدر ان يغير الاخرين هذا مستحيل // اخواتي العزيزات وخلاصة هذا كله ان اصلاح الأخر يكون نتيجة لاصلاح الذات فكيفه يمكن اصلاح غيره وهوا لا يمكن من اصلاح نفسه نضرب مثل. واقعنه الآن اذا عندي مروحة عاطله ماتشتغل اكدر اشغلها وهي ماتشتغل هذا لايمكن الكن من اجي اريد اصلحها ف شنو كمت احاول بيها ماشتغلت لا ماتركها لازم ارجع احاول منا تشتغل المروحة. كذالك اصلاح الذات اذا تكولي اني متعوده مااكدر اغير نفسي ماكول خلص ماتكدرين لا اكولج حاولي اكثر من مرة غيروا كثير اشياء حته تقدرون ان تغيرون غيركم وفي الاخير ينبغي علينه ان نشغل انفسنا باصلاح الذات حته نقدر على النجاح فلا تتكاسل عن اصلاح ذاتك.
كون ك المجاهد لنفسك واعلم ان المجتمع الصالح يبدأ بانسان صالح
🌹🌹🌹🌹

قال الامام علي ع
( من أصلح ما بينه وبين الله )
( أصلح الله ما بينه وبين الناس )

اخواتي العزيزات واضحة هذا القول للأمام علي ع يشمل جميع المؤمنين بالله سبحانه وتعالى هنيئآ للأنسان الي يصلح اموره مع الله سبحانه وتعالئ في اداء فراض طاعات الواجبيبه والمستحبه الواجبيه مثل الصلاة والصوم والحج والزكاه و الخمس المر بالمعروف والنهي عن المنكر
ومن المستحبات هي الزياره.
صلاة الليل. صلاة الغفيلة. صلاة جعفر الطيار بقية الصلوات. صلاة الجماعة. صلوات ليالي شهر رمضان
اخواتي العزيزات من المستحبات نقوم بعمل هذا العمال الفضيله. افضل من تركها مع العلم هذا العمال مستحبه وليس واجبه ولكن افضل نواضب على عملها

ان نصلح امورنه مع الله عز وجل
حته الله يصلح مابينه وبين الناس
حته الناس تقدرنه تحترمنه مثل يوم شفت شخص بالطريق رتاحيت للانسان هذا أن كان كبير بالسن وأن كان صغير
اشوف وجه نوراني النور منين يجي ليس من الجمال اخواتي لا هوا قيام اليل الصلاة الدعاء قرائة القرآن بسرعه دخل بقلبي هذا الانسان. من بعد ما اصلحت ما بيني وبين الله واضبت على طاعة الله. اديت فراض الله ما تهاونت بيهن ف هنيئآ لگول من. اصلح مابينه وبين الله
نرجع لقول الامام علي وهوا ( اصلح الله مابينه وبين الناس)
هنان. الله سبحانه وتعالى خله الاناس تحبني تحترمني رفع شأني اولآ نصلح مابين الله حته رب العالمين يصلح مابينه وبين الناس // لگن للأسف الشديد اخواتي العزيزات في هذا زمننا الآن گل الأسف ذاك من ذاك ملتزم بطاعة الله نشوفه مواضب على طاعة الله وملتزم بيها بعض الناس يصلون صلاة المغرب ومايصلي صلاة الصبح والعكس الصحيح
هنان شنو ماملتزمين بطاعة الله هذا الكلام موجه الي قبل الناس
فاللهمَّ إنَّا نَسْألُكَ حُسْنَ القَولِ والعَمَلِ، وحُسْنَ الخِتَامِ والمُنقَلبِ، وأستغفُرَ اللهَ لِي وَلَكُمْ ولِسَائِرِ المُسلِمينَ فاستغفِروهُ؛ إنَّهُ غَفُورٌ رَحِيمٌ.
( الى هنا والحمد لله رب العالمين)
واسأل الله لي ولكم التوفيق الدائم بحق محمد وآل محمد اوفضل الصلاة والسلام
على المبعوث رحمتآ للعالمين ابا القاسم محمد اللهم صل على محمد وآل محمد
دمتم في حفظ الرحمن
تْمٌتْ بّحُمٌدِ لُلُُه تْْعالُئ🍃🌸
بــــقــ✍🏻ــلمٌيَ
خادمة فاطمة الزهراء ع فاطمه الحلفي
❌الا إجيز حذف الاسم ❌

❈وسالگم الُدِْعاء❈
❤️❤️❤️🌹🌹🌹🌹🌹❤️❤️

لطميه لمواساة زينب ع
~~~
يهنياله اليون مابين خوانــه
اولطمي حيل لنايم بميدانــه
~
يهنياله اليون مابين اهاليـــه
ولطمي حيل للمحرم الاميــه
عينه شابحه الزينب المسبيــه
ابيتام اوحرم هليوم حيرانــه
~~~
اطفال اوحرم هليوم عالناكه
يتباجون والدمعات حراكـــه
دم ايسيل من العين لفراكـــه
حزنانه عليك الروح حزنانــه
~~~
حزنانه عليك الروح يالوالــــي
ومكانك بالظعن اليوم ظل خالي
ياعزنه وفخرنه وجاهك العالي
صار اليل خيي ليش ماجانـــه
~
صار اليل والعيله تخاف تنـــام
بين اعداك مارحمونه هالظـــلام
ماعدهم حميه ذولي موش اسلام
ياوسفه الشمر هاليله يحدانـــه
~~
يحدانه الشمر والروح مالومـــه
وعتبي عالكفيل النام بالحومــــه
تمشي وي الضعن رتك يجيدومه
غدر بينه الوگت وشعمل ويانه
~
ياهنياله اليون لحسين ومصابه
مايمه اخو لايمه احبابــــــــه
شيطلبون اخوي اليوم بطلابه
الطم عالولي وعيوني عميانه
~
تمت بعون الله بأقلا✍🏻م الشاعرات، ام حسين العباد
و فاطمه الحلفي لا نجيز حذف
الاسماء
19/4/2020
شعبان 25

🌙أخواتي الفاطميات 🌙

🌙فكرة رائعة لشهر رمضان🌙

كل إمرأةوهي تحضر( تطبخ) الفطور
كل يوم
تنوي الفطور( السفرة) حسب الإسم الذي في الجدول التالي:

جدول سفرتنا لشهر رمضان الكريم :

1 النبي محمد صلى الله عليه واله
2 مولاتنا الزهراء عليها السلام
3 الامام علي عليه السلام
4 الامام الحسن عليه السلام
5 الامام الحسين عليه السلام
6 الامام السجاد عليه السلام
7 الامام الباقر عليه السلام
8 الامام الصادق عليه السلام
9 الامام الكاظم عليه السلام
10 الامام الرضا عليه السلام
11 الامام الجواد عليه السلام
12 الامام الهادي عليه السلام
13 الامام العسكري عليه السلام
14 الامام المهدي عجل الله فرجه
15السيدة نرجس ام الامام المهدي
16 السيدة فاطمه بنت اسد
17السيدة زينب بت الامام علي
18 السيدة رقية
19 باب الحوائج الطفل الرضيع
20 مسلم بن عقيل
21 هاني بن عروة
22 خوله بت الامام الحسين
23 ابو الفضل العباس
24 علي الاكبر
25 القاسم بن الحسن
26 حبيب بن مظاهر
27 سلمان المحمدي
28 السيدة فاطمة المعصومة
29 السيدة خديجة
30 السيدة شريفه بنت الامام الحسن

حتى تكثر البركة في الفطور
ونسالكم الدعاء

ملاحظة

مثال اليوم الاول
تنوون السفرة للنبي محمد صلى الله عليه واله
وتهدون له الفاتحة 🙏🏻مع الصلوات ثلاثا

فكرة حلوة تعم البركة بالبيت طول الشهر.


إنشر تؤجر 👆👆👆

🍃 الخدمة الحسينية 🍃

مو كلمن خدم لحسين معناهــا
الفوز هناك يم الزهره يلكاهــــا
✦••✦•৩﴾💔﴿৩•✦•✦

يهنياله الخدم وبخالص النيـــه
يرثي الفاطمه ويقراله لطميـــه
العين من البواجي كون معميــه
مو للصيت هاي الخدمة مرويــه

وأبشعاره يريد اليوم يتباهــــا
الفوز هناك يم الزهره يلكاهـــا
✦••✦•৩﴾💔﴿৩•✦•✦

مو للصيت بالك خادم الزهـــره
خط احسين احمر كلمن يعبــــره
بأسم احسين خادم واخدم العتره
من ابوالسجاد اخذ الدرس والعبره

الشفاعه منين باجر انته ترجاها
الفوز هناك يم الزهره يلكاهــــا
✦••✦•৩﴾💔﴿৩•✦•✦

ما ينفع بجي ودك ولطم بصــدور
ولا لبس السواد ابهلتك عاشــــور
و لا شكرآ وادور جلمة المأجــــور
شلك بالرياء خلي الاجر مذخــور

وفاز الي خدم والخدمة صاناهــا
الفوز هناك يم الزهره يلكاهــــــا
✦••✦•৩﴾💔﴿৩•✦•✦

يون أعله الحبيب اوروحه ملجومــه
على اجراح الغريب ال سلبو اهدومه
يــجــر الآه بــآه او لـحــد ايلومـــــه
يخدم بالمجالس ينكضي يومـــــه

وتحضره الزجيه وتهل عيناهــا
الفوز هناك يم الزهره يلكاهــــا

✍🏻 ✹ فاطمه الحلفي✹
لا إجيز حذف الإسم

اللهم إجعلنا و أكتبنا واياكم من خدام الحسين(ع) المخلصين و العاملين على خدمة الإسلام
ونسألكم الدعاء


🌼
https://www.tg-me.com/FATIMA99991111