قصيده للهلال

💠💠💠💠💠💠

اهلال شهرك بالحزن من جاني
خايفه اتروح من اديه اخواني

💠💠💠💠💠💠

هلال شهرك ما شفت مثله شهر

اه يا صبر الگلب وابهل سفر

خايفه ايخون باهلنه هالدهر

دهري بسهام الغدر صاباني

✍🏻 فاطمه الحلفي

💠💠💠💠💠💠

هلال شهرك ابقى بالون والالم

ادري كلبي ينلجم وبكم سهم

تروح من عندي لحياده اهل الشيم.

افكد اولادي وهلي او ولياني

ام علي البابلي

💠💠💠💠💠💠

لا اجه يا ريت يهلال البله

خايفه اخواني تروح ابكربله

روحي من شفت الهلال امعلعله

بيك صار ام الحزن عنواني

ام سجاد العسكري

💠💠💠💠💠💠

ادري لو راحو هلي اشبع عذاب

ايساعد الله گلبي وبهذا المصاب

خايفه يروحون اخوتي والشباب

عيني تتجاره الدهر خلاني

✍️المله والشاعره ام حمودي

💠💠💠💠💠💠

روحي لفراك الاهل مالومه

ويلي يا شهر الغدر واعلومه

روحي ونت لابن امي ويومه

ادري لو راحو تزيد احزاني

علويه ام حسن البدري

۞۞۞🔵✍🔵۞۞۞

ريت لا هليت ياشهر الغدر

تدري بيه انه ما ضلي صبر

عكب اهلي كلي شلي بالعمر

ابقه وحدي والشمر يولاني

✍ ورود الظالميه

۞۞۞🔵✍🔵۞۞۞

عسن لاهليت يهلال الكدر

بيك شافت عيني انجوم اضهر

من مرار البين عميان النضر

بيك لوعات وهضم راواني

ام بنين العيفاريه

۞۞۞🔵✍🔵۞۞۞

بعيني شفت اهلالك اودمعي جره

واذكرت كل المصايب و الجره

اتذكرت ذيج البدور اعله الثره

يوم بيه افگدت كل اخواني

✍ام منذرالحجار

۞۞۞🔵✍🔵۞۞۞

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

(( فزاعية ))

حمل بالظعن هاليوم
وين يريد ملفانه

🏴🏴~~~~~~~~~~~~~🏴🏴

كاصد ديرة الغربه
وعيني اعليه تتربه
صعبه هلطرق صعبه
*اعليك الروح حزنانه*
🏴🏴__________________🏴🏴

شال الكربلا. الكشره
بيهه اتظيع هل عشره
وگلبي نار مستعره
*ظلت عيني سهرانه*
🏴🏴___________________🏴🏴

فراك الوطن يأذيني
گلي خويه حاچيني
يحسين ونظر عيني
*اسمع ونه وبچانه*
🏴🏴____________________🏴🏴

خوفي عله اهل المروه
عباس لخوتة حلوه
غيره اوساس للخوه
*كافل خدري ويانه*
🏴🏴___________________🏴🏴

دمعي اليوم ضل هالي
وين اتريد يالغالي
بعدك بالهظم حالي
*يومك حيل أذانه*
​┅┅┅┅ـ💔🕊🕊😭๘✿ৡ┅┈┈‏•💔┈​😭
تْمٌتْ بّحُمٌدِ لُلُُه تْْعالُئ🍃🌸

بــــقــ✍🏻ــلمٌيَ فاطمة الحلفي

❈وسالگم الُدِْعاء❈

🏴🏴 هوسات للهلال 🏴🏴

ياشهر الشؤم كابع تره بالونين
دمع العين يجري دمه للحسين
أجر اهات وابگه طول السنين

وماريده يهلال // الشؤم
/////////////////////

ماريده الهلال وحيل ياذيني
افكد بيه عزي وشمعة اسنيني
مذبوح احسين وتنظرله عيني

ياجرح الغالي // يا ذيني
/////////////////

اجروح احسين ماتنعد واعدهه
ولا اكدر اوصلها ولا اكدر اشدهه
سلهه روحي الحنين اليوم سلهه

وعيوني اعليكم // لعميها

✍🏻 خادمة فاطمة الزهراء ع
✹ فاطمه الحلفي✹
لا إجيز حذف الإسم وسألكم الدعاء

🏴🏴 قصيدة للهلال 🏴🏴

يهلال الحزن مارحم بيه
اون اسنين ودموعي جريه

•••••••••••••••••••••••

يهلال الحزن هدمت حالــي
ومصايب كربلا مرت ابالـــي
اخاف اتروح من ايدي يوالي
بسيوف الكفر جثــه رميـــه
•••••••••••••••••••••••

ويهلال الكدر بيـه النوايـــب
مخنوك النفس وگليبي ذايب
اروحن وين من بعد الاطايب
بحبال اليسر مجتوفه اديـــه
•••••••••••••••••••••••

على فگدك يخويه شلون اگدر
گلبــي اليــوم بونيــنه تفطــر
مشبوح النظر والوجه اصفــر
اونــن حيــل والونـه خفيـــه
•••••••••••••••••••••••

ابمصابه الگلب تگثر هلوجاع
شيصبر جفاكم حيف وابساع
ما احمل بعُد ما احــمل وداع
روحي تريد ويه أبـن الزجيه
•••••••••••••••••••••••

اوبشهرك اونن واجهر اونيــن
دم احمر اشوف هناك بلعيـن
لا عباس يبگالي ولا احسيـن
وريت هناك وافتني المنيــه

✍🏻 خادمة فاطمة الزهراء ع
✹ فاطمه الحلفي✹
لا إجيز حذف الإسم وسألكم الدعاء

🏴🏴 قصيدة للهلال 🏴🏴

اه ياشهر الحــزن بيك البـلــــه
وتبگه دمع العين من دم سايله

😭😭😭😭😭😭
انته ياعاشور ياشـهر الغــــدر
انه زينب بت علـي ام الخـــدر
شنو عندك كلي انته من عـذر
بيك تبگه اليوث حيدر بالفـلـه

😭😭😭😭😭😭
انه بت حيدر علي حامي الدخيل
والدمع هليوم من عندي يسيــل
ادري اهـنــاگه ولا يبـگـه خليـــل
هناك تبجي ازغار گلها معــولــه

😭😭😭😭😭😭
ماسلم منك أبد حتـه الطفـــــل
عالشريــعه نام عبــاس الگفـــل
ونگطع من الاهل حته الامــــل
اه منــج ويـل عملـت گربـلـــه

😭😭😭😭😭😭
ترادفت مثل المطر ذيج السهـام
نار شبت مسعره وسط الخيــام
من بعد عباس عالدنيه الســلام
ياطريق الشام گلي شيحمـلـــه

😭😭😭😭😭😭
بيه اشوف انواع اهـات وعـــذاب
والگلب ذاب انگسر من المصــاب
العتب هليوم اصبـح گـل ســـراب
امشي تالي اشلون ويه حرملـــه

✍🏻 خادمة فاطمة الزهراء ع
✹ فاطمه الحلفي✹
لا إجيز حذف الإسم وسألكم الدعاء

🍃 قصيده بحق السيده فاطمة العليله ع 🍃تقرأ (شور + ثقيل)
&&----------------------------------------------&&
أذگروني // ضـلت عدگم أبنيه
أذگروني// عليله وحيل مـأبيه
أذگروني '-------------' أذگروني
------------------------✍✍---------------------
أتذگر أحبأب الگلب ﭼـنت أگعد أويأهم
عيوني تعاين عالدرب من صار ممشاهم
مـأبطـلت العين الدمع تبجي اعله فرگاهم
أذكروني // بعد شـيردهم اعليه
أذگروني // عليله وحيل مـأبيه
أذگروني ---------- أذگروني
--------------------------✍✍------------------
طال السفر يهلي وبقيت بداري حزنانه
ذاب الگلب من ألألم والروح خلصانه
اعزاز الگلب من ابعدوا وصفيت حيرانه
أذگروني // وحيده اصفيت وابنيه
أذگروني // عليلة وحيل مـأبيه
أذگروني --------- أذگروني
------------------------✍✍-----------------
اعليهم اجر ونأت وألونه بأثر ونه
خاب الرجا من ارحلوا وآنگطـعت ألضـنه
هيبه ألآبو يأنأس وكت الضـيج أريدنه
أذكروني// ضـلت عيني اربيه
أذگروني // عليله وحيل مـأبيه
أذگروني --------- أذگروني
---------------------✍✍---------------------
وحشة وحزينة الدار وابجي انا ليلية
وحدي وأدير ألعين راحوا من يمـر بيه
عباس عمي راح ماظنه يرد ليه
أذگروني // وحشه داري وخليه
أذگروني //عليله وحيل مـأبيه
أذگروني -------- أذگروني
-----------------------✍✍-------------------
بس أسـچب ألونأت ليلي مـأانأمنـه
أذگر أبويه حسـين واصرخ يابو المـﭼـنة
مرفوع راسي امدللة بجالك يبوسكنة
أذگروني // وخلو عيني اجريه
أذگروني // عليله وحيل مابية
أذگروني ------- أذگروني
-----------------------✍✍--------------------
تمـت بحمـد ألله تعآلئ
بقلم خادمه الزهراء ع. فاطمه الحلفي ✍
لايجوز حذف الإسم
اسألكم الدعاء

♻️قصـيدة بحق آلسـيده فأطـمـة ألعليله ع♻️
هنا ياطير وديلي سلامي
أرديد أخبار عن أهلي وعمامي
\\\\\\●●●●●●●●●\\\\\\\
شالو وين عني اليانويه
ضليت أون بس ونه خفيه
اه افراكهم وكت المسيه
وينه الي يجي ابعث سلامي
\\\\\\\●●●●●●●●\\\\\\\
اون ابدارهم واصفك ابيديه
ضلمه انزولهم توحش عليه
عني من مشو مامن وصية
كتلني افراكهم والدمع دامي
\\\\\\●●●●●●●●●\\\\\\\
منكم ياهلي مااجتني أخبار
عليله وبالنزل توحشني الدار
ونه مدري يبويه بيكم اشصار
گرب مني يصير النضر عامي
\\\\\\\●●●●●●●●\\\\\\\\
من سار الضعن مااحملوني
مر افراكهم والله جواني
حملو كل هلي وانه نسوني
بوجه الدمع بديته كلامي
\\\\\\\●●●●●●●●\\\\\\\
تمت بحمد الله تعالى
✍فاطمة #الحلفي
❌لآ إجيز حذف الإسم ❌
اسالكم الدعاء 💔

اهنا ياطير وديلي سلامي


فاطمه الحلفي

قصيده فزاعيه وحسب القارئ
بحق طفله الحسين العليله ع
¤¤¤¤¤¤¤¤¤¤¤¤¤¤¤
مريضه وحيل مابيه
وحدي لا. تخليني
¤¤¤¤¤¤¤¤¤¤¤¤¤¤
ليش اتعذرت مني
وهجرك يطحن ابوني
بجن حد ما عمن ذني
*تعال الهجر ياذيني*

وحدي لا تخليني
مريضه وحيل مابيه

❃❃❃❃▁▁▁▁❃❃❃❃
وحدي واهمل الدمعه
وعيني تنضر الرجعه
غيابگ حيل ماجرعه
*عگبگ اصفج اديني*

وحدي لا تخليني
مريضه وحيل مابيه

❃❃❃❃▁▁▁❃❃❃❃

وحدي صبحت بالدار
ظلمه وبس عليهه غبار
وعيني اعله الدرب تندار
* منو الي يساليني*

وحدي لا تخليني
مريضه وحيل مابيه
❃❃❃❃▁▁▁❃❃❃❃

عليله وحيل مابيه
دنية ودارت عليه
والغالي گطع. بيه
*عليه ظل زايد اونيني*

وحدي لا تخليني
مريضه وحيل مابيه
❃❃❃❃▁▁▁❃❃❃❃

تْمٌتْ بّحُمٌدِ لُلُُه تْْعالُئ🍃🌸

بــــقــ✍🏻ــلمٌيَ فاطمة الحلفي

لا اجيز. حذف الاسم 💔🍃
❈وسالگم الُدِْعاء❈

💔قصيده بحق مولاتي فاطمة العليلة ع💔

لا مرسال لا طارش وصلنه
روحي اتنوح رادت يم اهلنه
..................
روحي اتنوح وين الضيعوها
الف ياحيف بالغربه أتركوها
روحي الروح وياهم خذوها
شالوا وابعدوا الاحباب عنه
لٱ مرسال لٱ طارش وصلنه
😭😭😭..............💔.........😭😭

شالوا وين اهلنه وما يرجعون
ليش بهل عجل انتم ترحلون
مريضه والمرض نحلي المتون
هم ترجع بعد لو اگطع الظنه
لٱ مرسال لٱ طارش وصلنه
😭😭😭..............💔.........😭😭

هم ترجع بعد لو هاي هيه
يالغالي اوعزيز اشلون بيه
مهظومه اون صبح و مسيه
مجروح الگلب ينزف احسنه
لٱ مرسال لٱ طارش وصلنه
😭😭😭..............💔.........😭😭

يفراگك صعب يابويه تدري
بعدك بالهظم يالغالي عمري
ياليل السهر گاسرلي ضهري
انته السور والخيمه وأملنه
لٱ مرسال لٱ طارش وصلنه
😭😭😭..............💔.........😭😭

انته السور ياراحت الراحه
بعدگ بالهضم ابگه ومناحه
والمجروح ماينشد جراحه
غدار الدهر منكم حرمنه
لٱ مرسال لٱ طارش وصلنه
😭😭😭..............💔.........😭😭

غدار الدهر بيگم يا الأحباب
ضليت انتظر اوبعتبة الباب
اريدنگم تچوني هنا يغياب
تدنه الموت من عندي تدنه
لٱ مرسال لٱ طارش وصلنه
​┅┅┅┅ـ💔🕊🕊😭๘✿ৡ┅┈┈‏•💔┈​😭
تْمٌتْ بّحُمٌدِ لُلُُه تْْعالُئ🍃🌸

بــــقــ✍🏻ــلمٌيَ فاطمة الحلفي

❈وسالگم الُدِْعاء❈