📋 Xalqaro maydonda faoliyat olib boruvchi oʻzbekistonlik mutaxassislar soni ortdi

Osiyo Futbol Konfederatsiyasi tomonidan tashkil etiladigan musobaqalar davomida komissarlik, protokol, xavfsizlik, axborot-ko‘ngilochar tizimi, media va marketing kabi yo‘nalishlarida faoliyat olib boruvchi O‘FA, O‘zPFL va OʻFF xodimlari soni 10 nafarga yetdi.

Xususan, bir necha kun avval OFKning komissarlar uchun navbatdagi seminar-imtihonlari bo‘lib o‘tdi. Unda ishtirok etgan O‘zbekiston futbol assotsiatsiyasi xalqaro musobaqalar va tadbirlarni o‘tkazish bo‘limi boshlig‘i – Muhammadsodiq Sadik-Axunov va O‘zPFL musobaqalarni o‘tkazish bo‘limi bosh mutaxassisi – Diyor Xotamqulov imtihonlarni muvaffaqiyatli topshirib, OFK komissarlari safiga qo‘shilishdi.

⚡️ www.tg-me.com/FAUzbekistan

📋 Bugun onlayn shaklda O‘zbekiston futbol assotsiatsiyasining navbatdan tashqari Kongressi bo‘lib o‘tdi

O‘FA Ijroiya qo‘mitasi a’zolari, shuningdek, hududiy futbol assosiatsiyalari, Professional futbol ligasi, Superliga va Proliga musobaqalarida ishtirok etuvchi futbol klublari, futbol faxriylari kengashi, futbol bo‘yicha respublika sport mahoratini oshirish oliy maktabi, hududiy futbol akademiyalari futbolchilar, hakamlar va murabbiylardan iborat delegatlar ishtirok etdi.

Onlayn shaklda o‘tgan Kongress kun tartibidan quyidagi masalalar o‘rin oldi:

1. O‘zbekiston futbol assotsiatsiyasining 2025-yil 22-fevral kuni o‘tkazilgan navbatdan tashqari Saylov Kongressi bayonnomasini tasdiqlash;

2. O‘zbekiston futbol assotsiatsiyasining Saylov qo‘mitasini tasdiqlash;

3. O‘zbekiston futbol assotsiatsiyasining Appelyatsiya saylov qo‘mitasini tasdiqlash.

Kongress davomida kun tartibidan o‘rin olgan barcha masalalar ko‘rib chiqildi va tasdiqlandi.

⚡️ www.tg-me.com/FAUzbekistan

📋 O‘zbekiston U-17 terma jamoasi Sharja shahrida mashg‘ulotlarni davom ettirmoqda.

👉 Mashgʻulotlardan barcha fotosuratlar

Islombek Ismoilov boshqaruvidagi jamoamiz navbatdagi uchrashuvini 29-oktyabr kuni Burkina-Fasoga qarshi o‘tkazadi. Uchrashuv Toshkent vaqti bilan soat 16:00da “Al-Hamriya” stadionida start oladi.

Eslatib o‘tamiz, 17 yoshgacha futbolchilar oʻrtasidagi FIFA Jahon chempionati joriy yilning 3–27-noyabr kunlari Qatar yashil maydonlarida boʻlib oʻtadi. O‘zbekiston U-17 terma jamoasi 1-noyabr kuni Doha shahriga yetib boradi.

💳 Uzcard | ❤️ Uzum Bank | ⚡️ www.tg-me.com/FAUzbekistan

🇺🇿 Oʻzbekiston U-15 terma jamoasi 29-oktyabr kuni Milliy futbol markazida oʻquv-mashgʻulot yigʻinlariga kirishadi.

Ayder Kurbayev boshqaruvidagi terma jamoamiz yigʻin doirasida 🇰🇷 Janubiy Koreya U-15 jamoasiga qarshi ikkita oʻrtoqlik oʻyinida ishtirok etadi.

5-noyabr | Soat 15:00da
🇺🇿 Oʻzbekiston — Janubiy Koreya 🇰🇷

8-noyabr | Soat 15:00da
🇺🇿 Oʻzbekiston — Janubiy Koreya 🇰🇷

Bosh murabbiy tomonidan yigʻinga jalb etilgan futbolchilarning roʻyxati bilan tanishing.

💳 Uzcard | ❤️ Uzum Bank | ⚡️ www.tg-me.com/FAUzbekistan