📋 O‘zbekiston U-17 terma jamoasi bosh murabbiyi Islombek Ismoilov va futbolchi Azizbek Erimbetov ishtirokida matbuot anjumani bo‘lib o‘tdi.

Islombek Ismoilov:

Osiyo kubogidan keyin tayyorgarlik uchun oldimizda kam vaqt bor edi. Shunga qaramasdan tayyorgarlik a’lo darajada o‘tdi. Jahon chempionatiga optimal holatda yetib boramiz.

— Hujumchilar haqida:
Nurbek jamoa uchun juda katta foyda keltirgan futbolchi. Hozircha bir nechta hujumchilarga imkoniyat berildi, biroq ular terma jamoa darajasida o‘yin ko‘rsata olishmadi. Bizning asosiy maqsadimiz — guruh bosqichidan chiqish. Umid qilamizki, Nurbek guruh bosqichidan keyingi uchrashuvlarda bizga yordam beradi.

— Jamoa oldiga qo‘yilgan vazifa:
Biz jamoa sifatida o‘z oldimizga yuqori maqsad qo‘yganmiz. Ishonamizki, futbolchilar yaxshi o‘yin ko‘rsatib, ijobiy natijalarga erishishadi.

— Kartochkalar va chetlatishlar haqida:
Osiyo Kubogidan so‘ng barcha jihatlarni, jumladan, kartochkalar masalasini ham tahlil qildik. Bu yosh o‘tish davri hisoblanadi, futbolchilar hali yosh. Biroq biz ularni doimo ogohlantirib, tushuntirib kelyapmiz. O‘ylaymanki, Jahon chempionatida bunday xatolar takrorlanmaydi.

— Penaltilar seriyasi haqida:
Mashg‘ulotda penalti tepish bilan o‘yindagi holat butunlay boshqacha. Shu bois biz hozir bu borada ilmiy yondashuv asosida ishlayapmiz, raqiblarni ham tahlil qilib chiqyapmiz.

— O‘rtoqlik uchrashuvlari haqida:
Ushbu o‘yinlarda asosan taktika ustida ishladik. Birinchi o‘yinda maydon markazidagi kombinatsiyalarni sinovdan o‘tkazdik, ikkinchi o‘yinda esa odatiy 4-3-3 sxemasini yana bir bor tekshirib oldik. Bu uchrashuvlar jamoaning foydasiga xizmat qildi. Oldimizda Jahon chempionati turgani uchun barcha e’tiborni tayyorgarlikka qaratganmiz.
Terma jamoa safida har bir uchrashuv Vatan sha’nini himoya qilish demakdir. Shu sababli futbolchilardan har doim maksimal darajada o‘yin ko‘rsatishlarini talab qilamiz. O‘rtoqlik uchrashuvlarida ham ijobiy natija qayd etishga intilamiz.

— Jismoniy holat haqida:
Futbolchilarimizning jismoniy holati doimiy ravishda nazoratda. Osiyo Kubogida ko‘plab jamoalarda o‘yinlar davomida charchoq sezilgan bo‘lsa, bizda aksincha — o‘yindan o‘yinga jismoniy tayyorgarligimiz yaxshilanib bordi. Umid qilamanki, Jahon chempionatida ham shu holatni saqlab, ijobiy natijalarga erishamiz.

💳 Uzcard | ❤️ Uzum Bank | ⚡️ www.tg-me.com/FAUzbekistan

📍 FIFA tomonidan milliy jamoalarning yangilangan reytingi eʼlon qilindi. Unga koʻra, O‘zbekiston milliy terma jamoasi 55-oʻrindan joy oldi.

Shuningdek, #MilliyJamoa Osiyo jamoalari orasida 6-o‘rinni band etgan.

💳 Uzcard | ❤️ Uzum Bank | ⚡️ www.tg-me.com/FAUzbekistan

💬 O‘zbekiston U-17 terma jamoasi bosh murabbiyi Islombek Ismoilov matbuot anjumanida qatnashdi.

Barcha imkoniyatlarimizni ishga solib, tayyorgarlikni davom ettirdik. Jamoada kayfiyat yaxshi, futbolchilar Jahon chempionatiga tayyor.

Eslatib oʻtamiz, FIFA U-17 Jahon chempionati 3–27-noyabr kunlari Qatar mamlakatida o‘tkaziladi. Jamoamiz “J” guruhida Paragvay, Irlandiya va Panama U-17 terma jamoalariga qarshi bahs olib boradi.

💳 Uzcard | ❤️ Uzum Bank | ⚡️ www.tg-me.com/FAUzbekistan

📋 Ijtimoiy tarmoqlarda tarqalgan xabarlar yuzasidan OʻFAning rasmiy munosabati

Oʻzbekiston futbol assotsiatsiyasi 2025-yil 17-oktyabr kuni ijtimoiy tarmoqlarda Oʻzbekiston milliy terma jamoasi sobiq murabbiylar shtabi aʼzolari boʻyicha eʼlon qilingan maqolada keltirilgan maʼlumotlar yuzasidan quyidagilarni maʼlum qiladi.

Oʻzbekiston milliy terma jamoasi sobiq bosh murabbiyi yordamchi murabbiylari mehnat shartnomalarida belgilangan “bosh murabbiyning mehnat shartnomasi bekor boʻlganda yordamchi murabbiylarning ham shartnomasi bir vaqtning oʻzida bekor boʻlishi” optsiyasining ishga tushganligi bois, ular bilan shartnomalar bir tomonlama avtomatik tarzda bekor boʻlgan va bu haqida ularga maʼlum qilingan.

Sobiq bosh murabbiy shartnomasining taraflarning roziligi bilan bekor boʻlishi va jamoaga yangi murabbiylar shtabining kelishi sobiq murabbiylar shtabi aʼzolarining shartnomalarini ham bekor boʻlishiga olib keladi.

Terma jamoa sobiq bosh murabbiyi yordamchi murabbiylari mehnat shartnomalariga kiritilgan ushbu bandlar FIFA va Sport Arbitraj sudi yurisprudensiyasida normal amaliyot sifatida qabul qilinadi.

Avvalroq, O‘zbekiston futbol assotsiatsiyasi tomonidan tegishli bandlarga asosan shartnomalari bekor bo‘lgan murabbiylar shtabi a`zolariga boshqa yosh toifasidagi terma jamoalarda ishlash bo`yicha takliflar berilgan edi.

💳 Uzcard | ❤️ Uzum Bank | ⚡️ www.tg-me.com/FAUzbekistan

🆕 Oʻzbekistonda ilk bor yangicha uslubda barpo etilgan 🏟yopiq maydon haqida nimalarni bilasiz?

💳 Uzcard | ❤️ Uzum Bank | ⚡️ www.tg-me.com/FAUzbekistan

📋 OFKga a’zo assotsiatsiyalar prezidentlari hamda bosh kotiblari ishtirokidagi konferensiyaning birinchi kunidan o‘rin olgan tadbirlar bo‘lib o‘tdi

17-oktyabr kuni Saudiya Arabistonining Riyod shahrida Osiyo Futbol Konfederatsiyasiga a’zo assotsiatsiyalar va mintaqaviy assotsiatsiyalar prezidentlari hamda bosh kotiblari ishtirokidagi 2025-yilgi konferensiya start oldi. Unda tashkilotga aʼzo mamlakatlar qatorida O‘FA birinchi vitse-prezidenti Ravshan Irmatov va bosh kotib Avaz Maksumov ishtirok etdi.

Uchinchi marotaba o‘tkazilayotgan mazkur konferensiyaning ochilish marosimida OFK Prezidenti Shayx Salmon bin Ibrohim Al Xalifa oxirgi yillarda OFK musobaqalarni yanada mustahkamlovchi va yorqin kelajak poydevorini yaratuvchi muhim islohotlar amalga oshayotganini qayd etdi:

“Biz islohotlar yo‘lida qat’iy intilamiz. Umumiy maqsadlarimizga erishish yo‘lida tinimsiz mehnat qilishda davom etamiz, bunga faqatgina a’zo va mintaqaviy assotsiatsiyalar faoliyatini rivojlantirish orqali erishamiz. Shu sababdan ham ushbu konferensiya juda muhim ahamiyatga ega — u ishtirokchilarga yangi yutuqlarga erishish uchun zarur bilim, vosita va aloqalarni taqdim etish maqsadida tashkil etilgan”, dedi Shayx Salmon.

Tadbir davomida Osiyo Futbol Konfederatsiyasining texnik direktori Endi Roksburg tashkilotning dunyodagi yetakchi konfederatsiyaga aylanish missiyasi hamda Osiyo jamoalarining muvaffaqiyatini ta’minlash bo‘yicha strategiyasini bayon qildi. So‘ng UEFAning ijtimoiy va ekologik barqarorlik bo‘yicha ijrochi direktori Mishele Uva futbolning ta’siri maydondan tashqariga ham chiqishini ta’kidladi.

Konferensiyaning birinchi kunida “Yuqori samaradorlikka ega milliy assotsiatsiyalar” mavzusida fikr almashildi. Unda O‘FA birinchi vitse-prezidenti Ravshan Irmatov, Filippin futbol Federatsiyasi prezidenti Jon Antoni V. Gutierres, Yaponiya futbol assotsiatsiyasi prezidenti Tsuneyasu Miyamoto, Iordaniya futbol assotsiatsiyasi bosh kotibi Samar Nassar, Okeaniya Futbol Konfederatsiyasi operatsion direktori Frederik Giyemon ishtirok etdilar.

Bugun konferensiyaning ikkinchi kungi dasturida OFK bosh kotibi Datuk Seri Vindsor Jon, FIFAning a’zo assotsiatsiyalar bilan ishlash bo‘yicha bosh direktori Elkhan Mammadov, Okeaniya Futbol Konfederatsiyasi operatsion direktori Frederik Giyemon chiqish qiladilar. Shuningdek, kun davomida OFK bosh kotibi o‘rinbosari — a’zo assotsiatsiyalar bilan ishlash bo‘yicha mas’ul Vohid Kardani moderatorligida o‘tadigan ikkinchi panel muhokamasi ham tashkil etiladi.

⚡️ www.tg-me.com/FAUzbekistan

#MilliyJamoa sardori Eldor Shomurodov Turkiya chempionati doirasida “Galatasaray” darvozasiga gol kiritdi.

Ayni vaqtda uchrashuv davom etmoqda.

“Istanbul Bashakshehir” 1:2 “Galatasaray”

💳 Uzcard | ❤️ Uzum Bank | ⚡️ www.tg-me.com/FAUzbekistan