من لهم فلقلب ذكرا كــــيف نمحي محتواهم
والصدا فالقلب يلفض بسمهم في كل حين

ليت هذ الوقت يسمح. لو ثواني في لقاهم
والمشاعر والمحبه. من قفا. الضلمه. تبين

غزوان
https://www.tg-me.com/FCCCRR

اخــــترت راحة خاطري وانت بعتك
ما عـدت في حسي ولا لي بخاطر

بعد المحبه. والغلا. ذي عـــــطيتك
وكنــــت بك بين الخلايق. مفاخر

ما يوم حتا في حياتي.جرحتك
وانته لجرحي كنت دايم تناضر

اليوم من واقع حياتي مسحتك
لا عاد تتامل. ولا عاد تــنـاضـــر

اكبر غلط سويته. اني. رفعـتك
وكنت لجلك طيل الايام صابر

بقدر. ما رقيت قــــدرك. طرحتك
هذا نضامي مايــــحب الخساير

اخــــترت راحة خاطري وانت بعتك
ما عـدت في حسي ولا لي بخاطر
ماعدت في حسي ولا لي بـــخاطر
غزوان🫡

ماقاتي اليوم يمكن لقطينه بنات
مافيه أثر الرجوله لعنبو ذي ذرااااه

اين المحطات والموجات والتغطيات
وين الخميس الرومنسي طيب الله ثراااه

فكري مشتت ومحبوبي حسين الصفات
كاالبدر قدام عيني بس مابين ارااااه

حرام مامثل قات اليوم قد شفت قات
قات اخضراللون ذي يشتي ينوم اشتراااه

جمعه مباركهههه
منقول😂

جتني الشمس تشكي جمالك
غارت الشمس حن طالعت فيك

قالت ارجوك خـــفـــف. دلالك.
خف زنطك. وحضرة. معاليك.

قلت يا الشمس مااحد. مثالك
جوبت لي وقالت لي اش فيك

اعرف انه. سلب لك. خــيـــالك
واعرف انه فقط قد سكن فيك

واعرف انه تملك. ســجـــالك.
واعرف انه من الحسن يسقيك

قلت انا اشهد وهذا انفعالك
نورها من حلا الحسن يعميك

ليت منهو. معاكم. حــلالك.
او من الفم. ياحلو. يسقيك

يشرب الـحـب صافي زلالك
وانت با الحب ياحب يعطيك

من بسيفه.يقاوم. نــــزالك.
يا الامير الذي من يجاريك.

مايجد حد بــعـــيني مثالك.
لاهوا الحب يسري ويــديك

كل روحي وقلبي. فــــدالك.
والهواجيس والحب يفديك
غزوان

أحقر الطلبات الي بتجيني 🤦‍♂🤦‍♂🤦‍♂💔🚶

طلي عليا بنضره. فاتنه. من حــــلاك
ماغيرها يسعد القلب التعيس الشقي

ذي هي تبين في الاحلام كم هو غلاك
لاكان بـــــاالي متيم ياقمر تشفــــقي

اشوفها كنها. عندي. وكــنـــي. مــــعــاك
واهيم في حلم في لحضه لقا نلتقي

والعين تبسر بديع الذوق. في مستواك
وانتي بحسنك علا قلبي. بتت اينقي

مزينه من بديع اللبس ذي في يداك
والقافيه. لك ولبـــداعك. بتتذوقي.

ويهيج. الهاجس العملاق لاجا نداق
محلاك محلاك وانتي با الهوى ترتقي

هايم ومجنون جنني.صراحه. مداك
ياذي بذي هام في عينك فقط توثقي

البسمه الي وسط وجهك.بتمسح خطاك
واش ذنب هايم بحبك هاجسه يغرقي

يطرب حنين القوافي من مسامع صداك
با الي معذب بنضراتك عليه. ارفـــقـي

للقلب من بين خلق الله. ربي. هـــــداك
وارجوك با الي متيم فيك كون اشفقي

القلب والروح. والهاجس بكله. فــــداك
يامن خيالي. يــــطالعها. وبه. تلتقي
يامن خيالي. يــــطالعها. وبه. تلتقي
غزوان 🥱😇

ابتساماتك. تموت. قبيلـــه
وانت طلاتك. تزيدك.حــلا

يا بديع. الحسن ذي ما مثيله
ليت قلبك. با الحبايب.علا

كن عيني من جمالك.ذليله
والهوا والحب لاقــــد. غلا

يارحيق.احور. يداعب خليله
القمر منك.قــــــده يخجلا

نضرتك طب القلوب العليله
وانت طلاتك صراحه سلا

فقتي الحورا وحسن الجليله
وانت زيدت الدلع والـــغلا

هل لقلبي. لا وصالك وسيله
غير حسنك حين فيه ارحلا

يا العيون الباهر. المستحيله
بي وروحي خف خفـف دلا

قد جمالك جا بيشعل شعيله
حاسس اني فيك عاد اقتلا
حاسس اني فيك عاد اقتلا
غزوانيات

وايش خليت للعالم من الحسن وايش
وانت كل الجمال انحط في صورتك

طلت الزين تـهزم. يوم تبدي لجيش
ايـــش هاذ الملاح جات في نضرتك

كنها ضبي ساكن حل في وسط فيش
والخلاق تناضر كلها. قـــلــعــــتك.

ياعيوني فديتك. ليش ماتصـــتضيش
غير هاذ الامير. الي. حكم. قـــمتك.
غزوان

تعال نتعانق ونطفى لضا الشوق
قد نار شوقي ياقمر. مستبده.

تعال واتعلى على فارسك فوق
والسور ذي بين المحبين. هده

تعال ماقد ذل قلبي. لمـخلوق
يامن فؤادي ممسي اليل عنده

من هام في قلبك له الحظ مرموق
كنك مطر بيطل من. بعد شــده.

جيتك وكلي حب بحساس. مسروق
يامن جمال الكون في وسط خده.
غزوان

احــــن مني فلهوا ما تلـــــــقاش
والــــــذ مني فاالقا ماعــــاد بش.

الذوق ذوقي والشعور الجياش
والحب ذي في داخلي متجيش

ماغير اخفف لنني ما بسخاش
كثره غـــرامي لو تدفق يربش

اهواش احبش ايه. احبش واهواش
يامن غرامك. داخلي متعشعش

مثلي غرامه فلحبايب ماجـــاش
واحس روحي والشعور المنعش

ماحد مثيلي من صميمه يهواش
ودي بهمسه جي كذا ما اقـــــلش

مشتاق لك قلي متا عد القــــاش
وانتي. لحبي والمشاعر. تـــحرش

مهما تغيبي في خيالي. بلــقاش
عصفورتي والحب هذا في عش

قلبي بدونك.يا حياتي. ما عاش
متا يدي ياروح تمسك.يـــــدش
غزوان

كمية حب لاتــــوصف لــــــــعينيها
والمشاعر بقلبي شوقها جياش

ليت وانا حياتي. بين يـــــديها
عينه النبض وانفاسش لي الانعاش

يصرخ القلب من روعات. زينيها.
والشعور المتيم من حلاها طاش
غزوان

على روس القمم عالي شعاري
وسام المجد من غيري يطوله

بيرفــع رايتي بـــرق .انتصاري
وذي مثلي بتشهد.له فعوله.

بيفرض هاجسي كامل قراري
ومتربع على سلـطه.ودوله

يدمر كل مــن ينوو دمـــاري
ولا اهم.القدر والا. نــزوله.

مسوي من شموخي خط ناري
وخط النار يامصعب دخوله

قـــلــــو لـلـــي بينوو.لختباري
شموخي بان في سن الطفوله

نــشـــابـــه فـي زمنا.للجفاري
عدانا راكـــعه تبقا.ذلـــوله

تلقبنا الرجاجيل.الـــضــواري
ويوم الناس فاالواقع خجوله

ولا نقبل.في الوقت.انكساري.
ويوم العز ياحيا طبوله.

نعيش العز لووسط الصحاري
ولجل العز مااهم. الحموله.

جبرنا الوقت.نهـجر. للـدياري.
نعيش البعد من شان السيوله

ندور رزقنا وسط الـقــفـــاري
ونقضي حالنا في كل دوله

انا خطي بعون الله ســـــاري
وما. ننويه. ياربي. ننـوله

انا كني بدونك شـي عـــاري
مطالع مطلبي من دون اقوله

مخازينك. تداوي. لـفـتــقاري.
ولطفك ذي يجينا با السهوله

وصلى الله ليلي. والنـــهاري
على المختار ماتجري سيوله
الشاعر غزوان

روح وارحـــل لي مصيرك باتـعود
مــــن مثيلي شـخص با يـــتقبلك.

والهواجس والقوافي لك شـهـــود
وانت طنش.شخص ما يتجاهلك

صاحب الاملاك واصحاب النـقود
مـــادقيقه فا الـهـــــوا. يتحملك

طابعك مـقلوب.واحساسك حقود
تــشغل الي بلهوا. ما. يــشــغلـك

من مثيلي شخـص كلمـاتـه ورود
عامل الاسباب لجلك. يــوصلك

وانت واصل في عنادك والصدود
قد قـــراري. تم ماعاد. اشـغــلـك.

ياالذي مرتاح. لاشـفت الـــــردود
البشر والناس. ما. تستـاهـــــلك.

ساهري لجلك وخلق الله رقــــود
كل ماجيتك. تقل. ما دخـــــلـك

روح وارحل لي مصـــيرك باتـعود
من مثيلي شخص با يتـــحملك
غزوان

كبار. القوم نتجاوز. عــــن الغاوي
ونتلمس في الواقع. مـــعـــاذيره

كسبت العز دام.العز.لي.هــــاوي
وعرش العز لي يروي. اساطيره.

على الطيبه تجدني والوفا حاوي
عزيز النفس شامخ راقي السيره

على الطيبه وزرع.الخـير انا ناوي
ولا همي لمن زيـف. تقاريره

معلي مرتفع. ماشـــوف تحتاوي
وريث.المجد. ياحيا مغاويره.

بصدقي.بين كل الناس انــا لاوي
وكلن يعرف احساسي وتاثيره

صريح القول دايم.هاجسي راوي
وبــحر الشعر يامكثر. اساطيله.

انا للجيد غير. الجيد. ما أخاوي
ولا همي لمن زيد تدابيره..

بقلب ابيض نسامح من لنا كاوي
لربي.كامل. التوكيل والخيره
الشاعر غزوان