﴿ الأول من يونيو لعام ٢٠٢٥ ﴾
النهارده بداية شهر جديد فُرصة تبدأ من تاني وتصلّح فيها من نفسك وتركز في اللي جاي وتفتح صفحة جديدة بمحاولات وإنجازات جديدة، فلنبدأ من جديد كأننا لم نفشل قط

‏لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ .♥

#أذكار المساء

تخيل... باب في الجنة مخصوص ليك أنت!

عبادة واحدة بس... ربنا خصص ليها باب كامل في الجنة!
يعني لو حافظت عليها، تضمن بإذن اللَّه إنك تدخل الجنة من الباب ده.

قال النبي ﷺ:
(إنَّ في الجنةِ بابًا يُقال له الريَّانُ، يُقال يومَ القيامةِ: أين الصَّائمون؟ فيقومون، لا يدخل منه أحدٌ غيرُهم، فإذا دخلوا أُغلق، فلم يدخل منه أحدٌ غيرُهم).

يعني الجنة فيها نعيم خاص، شرف عظيم، ومكانة استثنائية... للصائمين بس!

اغتنم الفرصة... وكُن من فرسان الصيام وما تنساش كمان أنَّ للصائم دعوة لا ترد فاجتهد على قد ما تقدر. 💪

#فرسان_العشر

عندك فلوس فبطلت تدعي ربنا بالزيادة و البركة في الرزق..

شغلك مستقر و ماشي كويس من زمان فبطلت تدعى ربنا بالتوفيق..

صحتك تمام و زي الفل فبطلت تدعى بدوام العافية..

اطمئنانك باللي معاك و التعامل معاه على انه مضمون ، بيخليك تنسى تنسب الفضل لصاحبه و كأن اللي معاك حق مكتسب غير قابل للزوال…

فاللهم انا نعوذ بك من زوال نعمتك و تحول عافيتك و فجاءة نقمتك و جميع سخطك…

معظم البنات مبتاخدش بالها من موبايلها في الموصلات، مثلاً وأنتِ قاعدة ناحية الشباك خدي بالك إن الإزاز بيكون عاكس الشاشة للي قاعد ورا، والبنات اللي بتحط صورتها خلفية للشات وممكن تكون بشعرها أو صور غير لائقة، خدي بالك علشان اللي ورا شايف كل حاجة!

وأنتَ يا عمنا، عيب تدب عينك في موبايل الهانم، ممكن تنزِّل سوبر ماريو وتخسرلك دورين عقبال ما توصل يا حبيب أخوك.

والشباب والبنات اللي بيقعدوا جنب الشباك، ياخدوا بالهم إن ممكن واحد ياخد موبايلك ويطلع يجري، وكل سنة وأنت طيب!

والمواصلات عمومًا ليها آداب، يعني بلاش ناكل أو نضحك بصوت عالي أو نرغي في الموبايل، ممكن تلاقي حد جعان أو مصدَّع ومحتاج يرتاح.

عايز أقول لناس كتيرة هنا تعز عليّ: شوفلكوا حياة.
محدش مهتم بالأثر السلبي اللي وقع عليك، محدش مهتم بحزنك وسط ملايين الأحزان والهموم، محدش مهتم يسمع دلوقتي أي حاجة ممكن تقلقه أو تسيب فيه أثر حزين.
وحتى الاهتمام اللي هتنتظره مش هيبقى بالأثر الملموس اللي إنت متوقعه.

اجرِ وسابق حزنك واشتغل، اطلب المساعدة، مش تطلب إن حد يمحي حزنك، هتلاقي كتير عاوز يساعد ويخليك أحلى وأفضل، لكن كونك بتتكلم عن الحزن بس، فالناس مش عاوزة تشوف نفسها فيك لأنهم حزانى بالفعل، هما عايزين يكونوا أفضل ويتخطوا الحزن ده، علشان كده لما تيجي تطلب حاجة، اطلب إنك تبقى أحسن، الوقت ده محتاج كده، محتاج ألف يد جنب بعض يقووا نفسهم وينجحوا.

عــنْ أبي هُريْرةَ، قَال: قَال رسُولُ اللهِ ﷺ: "إذا أصبَحَ أحدُكم فليقُلْ: أصبحتُ أثنيَ عليكَ حمدًا، وأشهدُ أن لا إلَه إلَّا اللَّهُ ثلاثًا، وإذا أمسى فليقُلْ مثلَ ذلِك"

- حديث حسن، رواه النسائي في عمل اليوم والليلة
#اذكار

الواحد عدى بمواقِف لو اتقالُّه قبلها إنِّه هيمُر بيها ، أقلّ شيء كان هيصيبه هلع وفزع مالوش وصف !
ومع ذلك تجاوزها ..

الإنسان منَّا ميعرفش قُدُراتِه ، ميعرفش سِعَة نفسه ، بمجرَّد دخول الإنسان في محنِته ، يظُنّ أنَّه سيهلَك ، ولكن يصدُق قول الله عزّ وجلّ : "لا يُكلِّف الله نفسًا إلا وسعها" ، فَيلاقي جواه ثبات وقوَّة وصبر ميعرفش مصدرهم ! ولكنهم لُطف ويُسر مَن كتب عليه المحنَة !
"لا يُكلِّف الله نفسًا ، إلا ما آتاها"

"كنتُ أعتقِد أنَّها لنّ تمرّ ، ولكنَّها - بفَضل اللّٰه - مرَّت"

-يابني أنا في الأكل مفيش زيي ، ده أنا مرة كلت وجبة كنتاكي ال٢١ قطعة لوحدي.

قال ﷺ: (مَا مَلأ آدَمِيٌّ وِعَاءً شَرٌّا مِن بَطْنٍ).

-أنت تعرف معزّتك عندي بالشتيمة ، كل ما أشتمك أكتر يبقي بحبك أكتر.

قال ﷺ: (ليس المؤمنُ بالطَّعَّانِ ولا باللَّعَّانِ. ولا بالفاحشِ ولا بالبذيءِ).

-أنت عارف الحوار اللي حكيتوه امبارح عالقهوة محصلش كدا بالظبط ، بس أنا حطيت التاتش بتاعي عشان القصة تبقى حلوة يعني..

قال ﷺ: (وَيْلٌ لِلَّذِي يُحَدِّثُ فَيَكْذِبُ لِيُضْحِكَ بِهِ الْقَوْمَ وَيْلٌ لَهُ، ثُمَّ وَيْلٌ لَه).

-يابني هوا فعلا فيه العادة دي ، يبقى أنا كدا ما أغتبتوش.

قال ﷺ: (أَتَدْرُونَ مَا الْغِيبَةُ؟ قَالُوا: اللَّهُ وَرَسُولُهُ أَعْلَمُ. قَالَ: ذِكْرُك أَخَاك بِمَا يَكْرَهُ قِيلَ: أَفَرَأَيْت إنْ كَانَ فِي أَخِي مَا أَقُولُ؟ قَالَ: إنْ كَانَ فِيهِ مَا تَقُولُ فَقَدْ اغْتَبْته، وَإِنْ لَمْ يَكُنْ فِيهِ فَقَدْ بَهَتَّهُ).

-ايه يابني ده ، هوا في راجل بيتكسف.

قال ﷺ: ( الْحَيَاءُ مِنْ الْإِيمَانِ ) ، و كان الرسول ﷺ أشد حياءً من العذراء في خدرها.

-أنا يابني لما بتعصب ما بشوفش قدامي.

قال ﷺ: (لَيْسَ الشَّدِيدُ بِالصُّرَعَةِ ، إنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ) ، و الصُّرعة : القوي الغلَّاب في المصارعة.

✔️مفاهيم مغلوطة
✔️أحيوا سنته ﷺ

لا ضَير مِن ترديد الأذكار إن استيقظت مُتأخرًا، لُم نفسك وتألَّم على فوات الفجر، ولكن هذا لا يكفي؛ بل زاحم السيئة بالحسنة؛ كالتوبة، وأذكار الصباح كاملةً غير منقوصة، ووِرد القرءآن.

لا تُهزَم مَرتين!

محمود الرفاعي
#اذكار_الصباح

.صباح الخير

يومًا ما ستصل
إلى كل ما سعيت إليه
كل ما تمنيته في يوم سيتحقق
وكل ما بذلت جهدك من أجله ستناله فلا تيأس،
حتمًا سيأتي اليوم الذي تتحدث فيه عن حلمك
وتقول أن الفاصل بينك وبينه كان مجرد " صبر ".

س: ساعات بفرح في سري إني قمت الليل أو ذكرت ربنا كتير أو خرجت بلبس محترم يرضي ربنا.. هو كده يعتبر حرام؟

ج: لأ طبعًا مش حرام، بالعكس ده حاجة جميلة! الفرح بالطاعة لو كان من غير كِبر أو عُجب، ومن غير ما تنسب الفضل لنفسك وتنسى إن كل ده توفيق من ربنا، يبقى خير وبركة. ربنا نفسه قال: "قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا"، يعني نفرح إن ربنا وفقنا نطيعه ونقرب منه. بس دايمًا نفتكر إن القلوب بين إيديه، وهو اللي بيهدينا ويعينّا. فافرحي بطاعة ربنا، وخلي فرحتك دي دافع لزيادة القُرب منه، مش سبب للغرور.

عجيب حال القلب لما يسلّم الأمر للَّـه.

تحسّه ساكن رغم العاصفة.
وتحسّه مطمئن رغم كل الأسباب الـِ تخليك تقلق.

مش لأن الأمور اتحلّت!
لكن لأنك أدركت إن الـِ بيده الأمر ما بينساش عبده.

﴿ أَلَيْسَ اللَّـهُ بِكَافٍ عَبْدَهُ ﴾.

الطمأنينة مش دايمًا جاية من تغيير الحال أوقات بتيجي لما تسلّم وتقول: يا ربّ أنا راضٍ ومُطمئن لتدبيرك.

وفي أوقات بتكتشف إنك مش محتاج تفهم كل حاجة.

﴿ سَيَجْعَلُ اللَّـهُ بَعْدَ عُسْرٍ يُسْرًا ﴾.

• مَيْمُون.

من أحب أن يُفتح له باب من أبواب التوفيق، فليُداوم على ذكر الله.

ردِّد أذكارك

#أذكار_المساء 🌃

‏"يا قاصدَ البيت الحرام مُلبّيًا
‏خُذ في طريقك نحوهُ أشواقي
‏فالقلب لبّى.. والنفوس كسيرةٌ
‏والدمعُ أفصحَ عن لظى الأعماقِ"🤍

إحنا دلوقتي في سنة 2025، يعني الذكاء الاصطناعي بقى بيعمل حاجات خرافية — يركّب صور، يزوّر فيديوهات، يعدّل أي حاجة، ويخلي الكدب يبان كأنه حقيقة!
وكلامي هنا مخصوص للبنات: بالله عليكم، بلاش تنزلوا صوركم على السوشيال... حتى لو استوري بتختفي.
الموضوع مبقاش بسيط زي زمان.
ممكن صورة عادية ليكي، حد ياخدها، يركبها على حاجة تانية، ويعمل بيها مصيبة... وإنتي لا ليكي ذنب ولا ليكي في أي حاجة، بس هتدفعي التمن!
أنا عارف إن مجاهدة النفس والشيطان مش سهلة، وعارف قد إيه السوشيال بقت جزء من حياتنا... بس والله الحذر دلوقتي واجب.
لو مش خايفة على نفسك، خافي على أهلك. على أخوكي، على أبوكي، على الناس اللي بتحبك.
لإن اللي بيحصل دلوقتي مرعب... وبيحصل كل يوم.

خلي بالك... الصورة اللي بتنزليها النهارده، ممكن تلبسك مصيبة بُكره.

شاركي الكلام ده، نزليه استوري، ابعتيه لصحابك... يمكن كلمة منك تنقذ حد.
يمكن تكوني سبب في ستر واحدة غيرك.

‏شارفت أحبّ الأيام إلى الله على نهايتها!
وها نحن ندخل اليوم الثامن من عشر ذي الحجة..
فلا تفتر عن الذكر، ولا تكسل عن الطّاعات،
فما بقي أعظم ممّا مضى.
﴿ويَذكُروا اسمَ اللهِ في أيّامٍ مَعلُوماتٍ﴾
يا صاحِ، سابق بالخيرات، واغتنم ما تبقّى،
فالختام مرهونٌ بالخواتيم..

قال النبى ﷺ والحديث عند الإمام مسلم يعنى فى أعلى درجات الصحة :

لا تَصُمِ المَرْأَةُ وبَعْلُها شاهِدٌ إلَّا بإذْنِهِ ، ولا تَأْذَنْ في بَيْتِهِ وهو شاهِدٌ إلَّا بإذْنِهِ ، وما أنْفَقَتْ مِن كَسْبِهِ مِن غيرِ أمْرِهِ ، فإنَّ نِصْفَ أجْرِهِ له .

لكن ينبغى على الزوج أن يشجع زوجته على الطاعات والعبادات ويحرص على ذلك ، ولكن لا تصم الزوجة إلا بإذنه ورضاه أيضاً .

فهمنا عذرك حين أخفى الله ليلة القدر وسط عشر ليال، فكسلت!
أما اليوم وقد أخبرك الله أن يوم عرفة هو اليوم المشهود وموسم المغفرة والجود، فما عذرك؟
#يوم_عرفة