اخوي لا ضاق الفضا والدهر شان
يبقي علي سود الليالي عضيدي
ٰ
اضرب بسيفه هيبة الانس والجان
واسقيه لامنه ظما من وريدي ،،

‏يقول غلاب الثبيتي بعد قاس
الفرق بين ... الطيبة والرديه

وإذا خلوت بريبة في ظلمة والنفس داعية إلى الطغيان
فاستحيي من نظر الإله وقل لها إن الذي خلق الظلام يراني

يا اللي تشوف المصحف وترجع على الجوال

‏صار التعامل . صعب جداً مع الناس
ماعاد تعرف صاحبك من عدوّك

حاول تصير انسان ماعندك احساس
يمكن يزين الوضع وتعيش جوّك

سعيد_العلياني

اكثر ما يضحكني بعالَم تويتر
اللي اشترىَ له بالريال متابعين

مهما يهايط .. حالته في توتر
ومتابعينه .. لو دفَع متناقصين

مثله مثِل بعض الصور بالفلاتر
وضع المفلتر والأصل متناقضين

النجم_العالي

تكفون يا شيبان وانتم يا شباب

انا بفضل الله تراني من النوع
اللي يموت .. ولا يبيح كنينه

الفرحه اعرفها من اسبوع لـ اسبوع
واتصنع اني عايشٍ في سكينه

ما تِسمن الشكوى ولا تغني الجوع
شكوى لـ غير الله بعدها غبينه

ساس الرجوله كلها دين وافعال
ومن غير هالثنتين ماهي رجوله

ماهي تراها بالمهايط ولا المال
ولا هي بكبر المرتبه والحموله

المال كل"يملكه حتى الانذال
والمرجله ماكل رجلّ" يطوله

لان المراجل ماتجي بأي رجال
الا الذي تشهد لهرجه .. فعوله

قل للوجيه اللي زعلها على ماش
ما الله خلقنا لاجل نطلب رضاها
-
يعيش راسي بالمعزه ولا عاش
يطرد ورى العالم ويطلب رضاها
-
فيصل الزلامي

الردي بع رفقــته وانتبه لا تشتريه
سلعةٍ في السوق ما ربّحت جلابها
،
أبتعد عن ديــرته لا يجيك ولا تجيه
رفقةٍ ماترفع الراس وش يبغابها

لاصارمالك من وراء الناس حاجه
مالك ومـال الخلق واللي يقولون

ريح ضميرك واطلب الله ونـاجه
وخل البشر لله هـو خالق الكـون

سعود_العتيبي

وجيه الردى ماتستحي من وجيه الطيب
بعد ما بدى الماقف وكل ن بدى وجهه
.
وجيه نقلطها على الطيب والترحيب
ووجيه نعرّضها على الصد والسفهة
.
لاشك الوجيه اللي كساها الردى والعيب
ترى ذكرها شرهة و تقديرها شرهة
.
اعد الصراحة والبشر مخطي ومصيب
ولا نيب راعي هرجة ما لها وجهة

علي_الشنّاني

ياكثر كرهي للعفون اللي مثل شغل النمل
اللي تجمع للـــوريث ولا تـــــسر نفوســها

وياكثر حبي للرجال اللي يلــــمون الشمل
اللي يصادمها الزمان ولا يلـــــــين روسها

الراي يبغاله رجل والحـــمل يبغاله جمل
والطيب يبغاله رجال ماتــــــصر فلوسها

مفلح الرقابي

‏و لست أدعو سوى الرحمن يحفظكم
يا خير من سكنوا في القلب إخوانا

طــبتم فـطابت بكــل الـود صحبتكم
حتى جــزيتم مـن الرحــمن رضوانا

أدعــو اللــه لــكـم دومـاً لـيكرمكــم
في السر عـفواً و فـي الإعلان غفرانا.

للمتابعين

‏ياصباح الشكر والشاكرين الذاكرين
في بلادٍ جعل رب العباد يصونها

مهبط الإسلام قبلة جميع المسلمين
دارنا اللي نرخص ارواحنا من دونها

ساحوق

‏والله إن الظرف يعطيك درسٍ بالحياه
والحياه دروس والناس تجهل ماخفا

الخـوي الكفو وافي وعالـي مسـتواه
أشـهد إنـه عملـةٍ نادره يااهـل الوفـا

يوم أبو وجهـيـن بـيّـن وشـفنا ماوراه
عدّ نفسه وين راسه وبالظرف إختفا

‏كل شي جميل اذا رزقت القناعه
وكل شي قبيح اذ تبعت الطمايع
.
ما دام رزقـك عـنـد ربـك وداعـه
لاهوب متاخر .. ولا هوب ضايع
.
خالد

‏ابشركم الراتب قرب

يقولون الرواتب قربت ما باقي الا يوم
الا يافرحة اصحاب المتاجر والشريطيه

نمر بفرحت الراتب مثل مر الحلم فالنوم
يخلّص ماشرينا بعض الاغراض الاساسيه

لأنا نقتدي في صرفنا بهياط بعض القوم
ولا نعرف نطبّق خطة الصرف المثاليه

النجم العالي .