‏ليت الرفيق ان غاب يعذر رفيقه
ولا يلحقه بالشين لو كان جافي

ترى الحياة تروح مثل الدقيقه
اما ذكرت بخير .. ولا عوافي

محمد شقير

‏رزقـي على الله ماترجيت مخلـوق
ولاني من اللي يِكْثرون الشماتة
.
والعـبد من رب الـسمـوات مـرزوق
مـن يـوم يـولـد لـيـن تاتي وفاته
.
واللي لـنـا مكتوب لو صادفه عـوق
ياصلْ لـنـا لـو ناقل الرزق فاته
.
واللي مهو مكتوب لو سيق لك سوق
ما ياصلك لو جمّعوا لك شتاته
.
عبدالله بن رشيد

‏مرت علي ايـام وسـنين وشـهور
وجربت فالدنيا وشفت العجايب
~
فيها اختلاف الناس صاحي ومسعور
وتكثر بها الخيرات وايضا مصايب
~
احدن يلم الشـمل بالخيـر مذكور
واحدن على الرفقه يسوق الحرايب
~
لكن ترى الله خالق العبـد مـامور
في طاعتـه لازم يحـث الركايب

أبو عبدالله

‏انا اضيق لكن ماتضايق بدون اسباب
ولانيب مثل اللي لاضاق ادمعت عينه

الى احمر قرص الشمس وادوى شوي وغاب
وضوى الليل لين يحول من بيني وبينه

جفيت المكان اللي يزورونه الاصحاب
وتخيرت من روس المشاريف لي عينه

اوقف لطيفك وقفة المستحي بالباب
الى سام وجهه وانصرف ماقضى دينه

‏هذي حياة مسطرين التواريخ
وهذي مضاربهم وهذا دبشهم
•
من دونها كم راح شيخٍ ولدشيخ
ماتروي حياض المنايا عطشهم
•
حامد بن حمدي

‏مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه
.
المجاراة
.
والحسد علة قلب ابسط معانيه
يلبس الرجال ثوب المذمه

ولا ينجذب للعز والطيب راعيه
ولايندفع نحو الامور المهمه

بالمختصر راعيه محدن يدانيه
وهو سلعته مابين غيبه ونمه

‏مال الطناخه غير روس المطانيخ
الي سلوم اجدادهم. مانسوها

ولا كل راعي بشت شيخ ولد شيخ
تالي الزمن حتى الرخوم لبسوها

متعب_بن_كروز

‏:
نعيش بالدنيا ضيوف وعابرين
فلا تكدرنا ..... ظروف سنينها

الدهر طبعه من زمان الغابرين
يومين بامر الله ... يداول بينها

لازانت الأيام .... حنا شاكرين
وإن كان شانت ما شكينا شينها

نصبر وعند الله ثواب الصابرين
ياما سنين أقفت بشين وزينها


النجم_العالي

لاتفتخر ، في كسر غيرك ياعنيد
بكره وراك حساب وعقاب وحشر
'
أكسر قلم أكسر شطر أكسر قصيد
بس انتبه في دنيتك تكسر بشر.؟

‏ثنتين عنهن ماتجوز المعاذير
سترك لأهل بيتك ومكسب يمينك
.
وثنتين لو طال الزمن مابهن خير
هرج القفا ومجاملة من يهينك

‏لا جاك ابن عمك وهو ناقصه شي

‏خل في صدرك على الدنيا قبول
‏واعرف ان الشمس تشرق لو تغيب
‏

وعوّد لسانك : ليا ضاقت يقوول
‏الأماني في رجى الله ما تخيب

‏لا طــالــت الــخـوة تـبـيـن الـعـذاريـب
وتــعـرف قـــراح الـبـير وإلا هـمـاجه

أبـعد عـن الـلي لا زعـل يـنكر الطيب
الــلـي تـقـلّـب عـشـرتـه مــع مـزاجـه!

إن راق رقـــاهــا طـــــوال الــمـراقـيـب
وإن ضاق ضيقها على أدنات حاجه.

‏اليا اقضبوك الرجال بطيب وإلا معروف
اشقح كبار الهقاوي لا تجي دونها

واليا نصوك الضيوف انطح عيون الضيوف
ترا عيون الضيوف اوسع من ابطونها
‎

‏ياباغي الرفعه ترى العز بالدين
لا عـز للانسان مـن غيـر دينـه
.
والمرجله عشق الرجال المديحين
ومـن كبها يا عنك تربت يمينه
.
سعود_القت

‏أنا أشهد ان الصمت للعاقل علاج
والعذر منكـم كان طـوّل سـكـوتي

لاكثـروا أهل الهرج ماني ب هـراج
ولانـي على بلـوى الخلايق شموتي

امـا كـلام ً مطلـعـه نـور وسـراج
ولا بلاشـي تسمـع النـاس صـوتـي

أعيـش لـي سيـرة ومبـدا ومنهـاج
مـن يـوم ميـلادي لـيـا يـوم مـوتي

ماجد_المسعودي

‏-
بيض الله وجه الايام ياوجه الحسود
أنت والرديان مثلك وجيه مصديه

يالوجيه اللي من الذل والخذلان سود
حظكم جاب النطيحه مع المترديه

العلوم الغانمه مالها معكم وجود
كل يوم تمر من عندكم متعديه

والكريم ليا تضايق من الدنيا يجود
يوم يعطي كنه آكل حبوب مهديه

‌‎عشر_ذي_الحجة ،،
ِ
ِ
الذنب يعمي العيون أكثر من العجة
والنفس جهل وهوى وابليس مغويها

يالله وأنا طالبك في عشر ذي الحجة
تغفر لـــنا حـــاضر الدنـــيا وماضيها
ِ
ِ تركي_القرني
ِ

‏اللهُ أكبرُ في صُبحٍ تُجلِّلُهُ
أنوارُ مكة حَفَّت كُلّ مُشتاقِ
:
قد جاءَ حُبّاً ويحدو قلبَهُ أمَلٌ
يطوفُ بالبيتِ في ذُلٍّ وإشفاقِ