مانسيتك والقلم حبره جمد
في معاريض الخلايق للغرام

انت قلبك ينكتب له " يعتمد "
وينكتب لقلوبهم حسب النظام

‏المجد يذكرنا وحنا له من الذاكرين ،،
‏والسيف وارماح الوغا والخيل واعنانها

‏لي لابةٍ عند اللقى شرٍ من العالمين ..
‏عشت اسباعٍ فالخلا جودٍ لـ عقبانها

‏‌ عام_هجري_جديد ١٤٤٧

‏العمر يمضي والليالي مديدة
‏عام انصرم والعام الاخر لفانا

‏وش رايكم نبدا بصفحة جديدة
‏عنـوانها👈🏼نبغا نعدل خطانا

‏‌ علي_الشريف ⁩

‏انتهى عام وبدينا بعامٍ جديد
‏يالله العفو والغفران بالي مضى
‏
‏ندعي الله كل مانذكراليوم الوعيد
‏ماندور غير دعوى وكسب الرضى
‏
‏⁧

‏نطوي مع الايام عام ورا عام
تمر ساعات الفرح في دقايق
..
ايام راحت بالعمر مثل الاحلام
يوم بها زعلان وايام رايق
..
درست من دنياي واتعبت الاقدام
وبدلت عن بعض الطرايق طرايق
..
وكفخت بافكاري كما الطير لاحام
وما عاقني عن ماكر العز عايق!!

مطلق_الثبيتي

‏علم اللـي كل واحد مايشوف الثاني
ماتفيد العيشه اللـي ماوراها جمعه
٠
يابنادم لـو يطـول العمر عمرك فـاني
كل عام يمرتطفي من سنينك شمعه
٠
لو تـدورنـي بـعـد مـده ولا تـلقانـي
وش يفيدك بعد موتي لوتهل الدمعه
٠
وان رحلنا ياعسانا نفوز بالـ أحساني
وياعسانا مانخلي غيرطيب السمعه
٠

فهد_الشبلي

‏يا سرعها سرعاه دورات الايام
العام كنّه شهر ،، واليوم ساعه

اعمارنا في نقص عام ٍ بعد عام
وتزيدنا سود الليالي ،،، بشاعه

تلبّس الصادق من الوهم هندام
وتلبّس الكاذب ،، ثياب القناعه

وتقول للصاحي ترا الوعد قدام
وتقول للمجنون سمعاً وطاعه

سعيد_العلياني

‏بين عامٍ يروح وبين عامٍ يجينا
ياالله انك تجملنا بحسن الختام

يوم نرحل من الدنيا ويبكي علينا
كل غالي عزيز و كل راعي مقام

فايز المنصوري

‏ما عاد لي في تالي العمر ٠٠حاجه
إلا صلاةٍ ٠٠مع جموع المصلين

ستين عام وكننا فـي ٠٠عجاجه
نركض ورا الدنيا مع الناس لاهين

راح الشباب وراح وقت ٠٠ابتهاجه
والشيب لاح بعارضي والكبر شين

وبان الظهر لا قمت فيه انعواجه
وصار النظر مهب بعيدٍ عن العين/

الله يا سرع الليالي والايـام
‏راحت سنه من عمرنا مادرينا

‏قبل امس اذكر توّنا بأول العام
‏واليوم بالعام الجديد ابتدينا

‏لا هين بالدنيا على حمر الانعام
‏نضحك على الدنيا وتضحك علينا .

نطوي سنه مرت بها ضيق وافراح
‏ونبدي سنه فيها العلوم السعـيده

‏يالله تجعل مامضى العام ينزاح
‏ونلقى السعاده في سـنتنا الجديده .

عامٍ رحل مسرع مثل سرعة الطير
‏يالله ترحم ميت الناس ، والحي

‏وتجعل خواتيم العمل كلها خير
‏و حسناتنا يارب تقضي على السي .

يالله تجعل ما مضى العام ينزاح
‏ونلقى السعاده في سنتنا الجديده .

الناس ما خلقت لجل ترضي الناس
‏من دوّر رضاها يطيح بزعلها