‏و لست أدعو سوى الرحمن يحفظكم
يا خير من سكنوا في القلب إخوانا

طــبتم فـطابت بكــل الـود صحبتكم
حتى جــزيتم مـن الرحــمن رضوانا

أدعــو اللــه لــكـم دومـاً لـيكرمكــم
في السر عـفواً و فـي الإعلان غفرانا.

للمتابعين

‏ياصباح الشكر والشاكرين الذاكرين
في بلادٍ جعل رب العباد يصونها

مهبط الإسلام قبلة جميع المسلمين
دارنا اللي نرخص ارواحنا من دونها

ساحوق

‏والله إن الظرف يعطيك درسٍ بالحياه
والحياه دروس والناس تجهل ماخفا

الخـوي الكفو وافي وعالـي مسـتواه
أشـهد إنـه عملـةٍ نادره يااهـل الوفـا

يوم أبو وجهـيـن بـيّـن وشـفنا ماوراه
عدّ نفسه وين راسه وبالظرف إختفا

‏كل شي جميل اذا رزقت القناعه
وكل شي قبيح اذ تبعت الطمايع
.
ما دام رزقـك عـنـد ربـك وداعـه
لاهوب متاخر .. ولا هوب ضايع
.
خالد

‏ابشركم الراتب قرب

يقولون الرواتب قربت ما باقي الا يوم
الا يافرحة اصحاب المتاجر والشريطيه

نمر بفرحت الراتب مثل مر الحلم فالنوم
يخلّص ماشرينا بعض الاغراض الاساسيه

لأنا نقتدي في صرفنا بهياط بعض القوم
ولا نعرف نطبّق خطة الصرف المثاليه

النجم العالي .

‏دنياً تصفقنا من يسار ويمين
والحال يرقى شوي وشوي نازل

تلمسوا في حال بعض القريبين
اشوف من بين القرايب عوازل

الخير منكم عم ناسٍ بعيدين
وقريبكم تاقع عليه النوازل

تفقدوهم زين ترى الفقر شين
اقولها من جد مانيب هازل

الحال فيما يظهرونه تقل زين
والله يعلم مابوسط المنازل

‏اليوم صار الطّيب ٠٠شكل وتصنّع
قليل تلقاء الطّيب حتى من العود

وخبل العرب ٠٠٠تايه ولاله مسنّع
والياء نصحته ٠حطّبك كل منقود

ولاعاش غير ٠٠٠ اللّي بوجهٍ مقنّع
لوكان لاينفع ٠٠٠٠ولايعرف الجود

والكفو من ٠٠ قوم الحناجر يشنّع
شيءٍ نشوفه شوف بالعين ماكود

محسن المداريه

‏ياكثر ماقلنا استرحنا ولافـاد
واشغـالنا واعمـالـنـا مشغلتنا

نجاهد الدنيا وصكاتها جهـاد
وظروفنا عـن بعضنـا مانعتنا

دنياً غثاها طول الايام يزداد
نركـض ورى لـذّاتهـا واتعبتنا

اليا قِربنا احلامنا راحت بعاد
واليا وصلنـا احلامنـا بعّدتنـا


شريف العضياني

‏عرف النشاما لنشاما تجاره
أهل الفعائل والمزايا الحميده

وانا كسبت اللي رفيعٍ وقاره
اللي يسولف عن قديمه جديده

الطيّب اللي مايغيّر مساره
اللي ،بحزات ،المواقف ،واليده

ماهي علوم اللي حياته خساره
اللي يخاف الطيب ينقص رصيده

ابوسلطان

حنا كذا صافين دايم و وافين
ما عندنا في الناس نية خباثه

الطيب والمعروف والصدق والدين
والجود والأخلاق فينا وراثه

اصحابنا سبعين مدري ثمانين
والصادقين اثـنين مدري ثلاثه

فهد العبدلي

‏والله إن الظرف يعطيك درسٍ بالحياه
والحياه دروس والناس تجهل ماخفا

الخـوي الكفو وافي وعالـي مسـتواه
أشـهد إنـه عملـةٍ نادره يااهـل الوفـا

يوم أبو وجهـيـن بـيّـن وشـفنا ماوراه
عدّ نفسه وين راسه وبالظرف إختفا

‎الصريح

‏حدد مسارك واترك الناس للناس
ورفع طموحك فوق ظهر المجره

دور على اللي خوته ترفع ..الراس
اللي على المجد المسمى .مقره

ابغاك مثل الذيب قطاع الارماس
يسري ولا يمشي على ..كل جره

‌‎يارب ترحم كل غالي فقدناه
واصبح مكانه فا الحشا خالي

الله عسى ياخذ كتابه بيمناه
ويفوز با الفردوس في منزل عالي

يارب هذا وقت طـير الأبابيل
اللي من السِجِّيل ترمي حجرها

اخواننا بغـزة شافوا البهاذيل
والكلب نتن ياهو يكسر ظهرها

استغفر الله كل ماضاق صدرك
واستغفره حتى ولو كنت مرتاح

خلك معه مابين عسرك ويسرك
بيديه مفتاح السعادة والأرباح