يالله يا قابـل صـلاة الخاشعين
‏ياعالمٍ كـل الامــور الخافية

يارب تشفي كل مرضى المسلمين
‏وتجمع لهم بين الاجر والعافية

‏زمان اول تحوّل غصب ولّا طوع ؟
‏ابي اعرف متى وشلون يتحوّل !
‏ٰ
‏يغيّر هالزمن و الحلو فالموضوع..
‏انا اللي ما تغيّر .. من زمان اول

عذرك هزيل وسالفتك أجوديه
بعض الحكي ماهوب مفروض ينقال
ٰ
ان كان قصدك بالخطا طيب نيه
لا تصير طيب حاول تصير رجال

ما حسبنا للزلايب ولا هرج الرخوم
خشمٍ نقدر جنابه وخشمٍ نلطمه

ومن علينا يحمل سلاح ويحرش خصوم
والله ان نسلب سلاحه و نخلع محزمه

علي حقوق أهل الوفا ماتعديت
ولا الردايا امرهم واتعدا
ٰ
ياكثر ماغمضت عيني وصديت
مااحب اشوف الطيّب اليا تردا

لا شفت من يزعل بليّا خطا منك
‏حاول عن اسباب الزعل لا تقصّى

‏أمّا لقى نمّامٍ مسولفٍ عنك ..
‏و الّا على ما قيل " خبلٍ موصّى " !

حي فالي دام ربعي حاضرين
شامخٍ كني على طلعة كرا
ٰ
لاني بضايق ولا صدري حزين
دامني فـ وجيهكم وانتم ذرا

أمشي على طيب الفكر والنوايا
وان طابت النيه ترى سعيها طاب

لاصارت الحاجه بـ ايدين الردايا
اقفيت أردد ، منة الناس بـ تراب

خذ راحتك ياصاح واللي ما يبينا مانبيه
ماحدك الله صوبنا والله بعد ماحدنا

ماكل من يقلب علي ياصاحبي بقلب عليه
انا مثل كلمة "انا" لو تنقلب تبقى : انا

ارتح من صدوف المقادير وامن
‏واضحك وعيش المقبلات بشقاوه

‏عاد انت لو تدري مسمّى على من
‏من الفخر عطيت ابوك السماوه ..

ملاقيف خلق الله تلّقف على الموجود
‏يعس الكلام إلين ، يعرف مدى حدوده
‏ٰ
‏مع الناس تلقى صاحي الناس والمقرود
‏وبتلقى من المقصوده الغير مقصوده ..

ليت مالك بالعمر لحظه غياب
او فراق ديار او سكة سفر
ٰ
اسوء الحالات واكثرها عذاب
غيبة اللي نظرتة تسوى عمر

‏لا تستحي مـن كلمـة الحـق قلها
‏لا خير بـ اللي عادته يخفي النـور

ترى الخطيه خاسرن من فعلها
‏ولا بيض الله وجه من يشهد الزور

يارب تسعد ضايـق الصدر والبال
عجل فـرج مخلوق بالحيل ضايق

بدل عسر دنياه في يسر الاحـوال
وعسى مزاجه ويـن ماراح رايـق