‏من لا يملك الحب يخشي الشتا
‏"محمود درويش"

من عسجدٍ ثمين ومن لول منضود..

‏أنا معك لـ وين وأتجهي
‏حتى ولو نْلاحي الأنسام

‏من يوم ما ضحكتي في وجهي
‏وانا ضحكت في وجهي الايام

"من اعتاد على الفراغ .. يزعجه المنتجون
‏من اعتاد على الزيف.. يزعجه الصادقون
‏من اعتاد على الركض.. يزعجه المتأّنون
‏من اعتاد على النّكد.. يزعجه المستمتعون
‏ومن اعتاد على اللوم.. يزعجه المتعافون."

‏طريقي اللي أعترى زيفه وضوح
‏ماكني فيه من الصبر رحت وسلكت

‏كان الحنايا ساتره كل الجروح
‏ليه الجروح تبين لامنيّ ضحكت
فهد بن حسين

ما ضمّت قاعي الديمة ولا أبتلت
‏ولا ميّل غصن شوقي من النسمة

‏بعد ما خطوتي من لوعتي ظلت
‏جفاني الدرب والأحساس والكلمة

شذّابة العرقوب لامن جاعت
تشبع على لحم فلانٍ وعلان

يا كم على سوق السواليف باعت
وذنوبها متزاحمه فوق الامتان

الخايبه والعايبه لا تداعت
أشوم عنّها كن ماعندي لسان

وكان الثقة من بين الاخوان ضاعت
سلّم على التقدير والود والشان

عن خطوة الوحشة ودرب الغياب
أشكي قسى الغض الرهيف الرقيق

كل ما تبيّن في طريقي سراب
أشوف وجهك في سراب الطريق

زهاك الحزن يا قلبٍ تخاطفْك الليال السود
وندهْك الطاري اللي جرّتك في أعلى مشاريفه

سريت وغايتك غاية تلاحيها الهبوب النود
على قمرى التعب ونجوم توجس بالضيا خيفه

ينادمْك الوهم والشوق وحلمٍ فالعمر مكمود
ووجهٍ كل ما أنفضوا مجاليسك حضر طيفه

لفظك الصمت والدمع وطريقٍ بالأمل منشود
ومكانٍ ما بقى منْه إلا ذكرٍ من مواليفه

هقيتك كل ماجارت عليك النايبه جلمود
قبل ما تفشي بسرّك على بحرٍ بكى سيفه

يشيلك جوفٍ يشيل بمحاديبه رجاء و وعود
ويسامر حُرقة الرجوى وتشكي الليلة وْحيفه

عيوني بالمدامع كل ما مرها الحنين تجود
مثل جود بدويٍ خايف يقصّر في حق ضيفه

محاجرها روت من جمّة صدوف الليال صدود
وراحت في مراتيع السهر ترعاه وتحيفه

على وجهٍ رحيله مثل وقع السيف والعبرود
بعد ما فتّق العبرود صدري وارتكز سيفه

تغافلني رحيله ما درى بأني عريب جدود
وقلبي من القلوب اللي على احبابها رْهيفة

تقاوت نبرة المغبون وشاخت نظرة المضهود
وسيّل وادي "المنفى" وساقتني مجاريفه

ما ترويني سحايب جادت فـ عرق الثرى قرهود
ولا تغريني الاراضي لا غدت قيعانها مريفة

مشاوير الحياة الواعدة لو هي ندى وورود
تراها موجعه كنها رفيقٍ كاشفٍ زيفه

على جرّة مشاوير التعب صبر وعزم وعهود
في وحشة ليلته يا كم نادتني مناكيفه

ياوجهي ماعليك من العتب والضيق والمنقود
مدام شبوحك بْعيدة ومدام أحلامك منيفه

الاماني لو تحقق في نواصيها الفرح معقود
عسى حظي ليا كبرت يجملني بمواقيفه

ملامحه فالعيون وفالدروب ان طرت
تبدّد العتمة وتجيب كل الضيا

صدره رحيب برحابة السما لا أمطرت
ووجهه بشوش ببشاشة الأرض بعد الحيا

فيك القصايد والمشاعر تطول
خافي على عمرك يا بنت الحلال

منك الاوادم لو تشوفك تقول:
تبارك الله كل هذا جمال؟

من حقها الشمس والسحاب والفرقدين
اللي عليها الحسن من اكبر ذنوبها

ماتشوف كل الاوادم غير في نص عين
والاوادم تشوفها من طارف قلوبها

"وشلون طحت انا من عيونك السود
وانا من عيون الرياجيل ما طحت"

لا طرفٍ يسرّها ولا خصرٍ يثيرها

لا تنجرح من زمانك ياوسيع البطان
عرّض له متونك الى اشتدت الكُربه

في حالتين يتغيّر منهج الانسان
إن زاد فيه الوعي ولا انكسر قلبه

جريدة 86 م

لا تغرّك أيامي وماضيها
‏ربيعها بالبسمة الخجلا

‏لو ضاقت السماء واراضيها
‏أنتي السعه في عيونك النجلا