‏بنسى معك كل دمعه ما ملت عينك
‏وكل كلمةٍ قلبي الدفاق رددها

‏لحظاتي الحلوه اللي بيني وبينك
‏موحشني إني معاك أقدر أعددها

رجعتي من بعد ذاك الغياب الموحش ولا لمت
أبتغافلك .. وآخذ لي نفس .. وأتعوّذ من إبليس

طرى في قلبي أول كلمة .. أول ضحكة .. أول صمت
بنفس الوقت .. وبنفس المكان .. ونفس الأحاسيس

دعيت الله دروب الهدايه وقلت آمين
‏أخاف العمر لا ضاع في شي ما يلحق

‏أضيع بهدبك ، ورمشة عيونك الثنتين
‏مثل ضيعتي بين الظليمه وبين الحق

لا تعكر صفو الأيام وكفوفك تعيث
بأرض ممنونة مودّة ومشكورة ولاء

اتزايد نبضة القلب حتى تستريث
بعد ما زاد التشرّه وما قل الغلا

لي متى وانا اتحمل تبعات الحديث
الجبل ما حركته الهبايب .. وانجلى

اتشكى وخزة الموس فالوقت الحديث
عاد لا تستغرب ان غبت فعيون الملا

لا انت داري عن غنايمك كم فيها وريث
ولا عن احلامي ولا وحدتي منّك ولا

ضيقتي من عقب ما كنت عون المستغيث
أختنق من قل الأنفاس .. والدنيا خلا

يا سرع صوتك وهو رايح لدرب الكلام
ما شاف أحبك! وهي تنتظره يمرّها!

هههههه الله

لياليك اتبدّل يوم عن يوم وتعرف الناس
ماهو مفروض يبقى الحال واحد والزمن واحد

اذا مالله عطاك عيون حر وما عطاك احساس
تساوت لك ( معاريف الرجال وصدة الجاحد )

بعيدًا عن فروقات البلاغه والحكي المطروق
‏لعينك كم بحر لامس هدبك وشاعر إستلهم

‏أشوف فروق بعيونك لو إنك ما تشوف فروق
‏مثل ما يفرق شعور السعادة عن شعور الهم

‏مع إن الوقت يسرق ساعة العاشق على المعشوق
‏يطول الوقت لا من شفت عينك رمشها سلهم

تعبت انتظره ايام والباب ما يطرق
تعدى حنينه قفله وطاحت صبغته

الأنفس تمرض ان طال السكوت وطول الهوجاس
مخارجها ضئيلة نور والظلمى تكوّنها

جهلت اللي تخاطفها العيون وتكتم الأنفاس
مشاهد صعب من ينظر زواياها يدوّنها

ياقلبي مدري احساسك تزايد وانت منت ب حاس
او الوان البشر زادت على انفسها تلوّنها

أو ان النفس مشغلها القصيد وبارد النسناس
او انها من سبب تراكمات أحداث أوّ انها …

لا صارت ضيقتك ماهي تشاهد في عيون الناس
بتلقى من يلاحظها عليك .. ومن يهوّنها

‏دعيناك يارب السماوات والآراض
‏تقبل دعا توابة الذنب وتغفره

‏نناجيك خوف آخر عهدنا ولا نعتاض
‏مصير البنادم متر مترين في حفره

حولك الناس مبسوطين ويعايدونك
ولا انا بيني وبينك سنين التخلّي

حتى لو ما تكرّمني مشاهد عيونك
واجب افرح ولكن فرحتي ماهي اللّي

من عرفتك زدتني حلم ومحطات وتمنّي
حظ منهو فاز في جنة رضاك ومن ضمنها

لو تفوت أيام من عمري ملل يكفّي إنّي
التفاصيل المملّه فيك ما مليت منها

الحياه تلهّي الفرد ، والخمس الحواس
ما لها قيمة بهالوقت لو تقيسها

اكتب اللي تكتبه بالتطابق والجناس ..
المهم ترجع الناس لأحاسيسها

طلّت من عيونك نوايا البعد ماهيب احتمال
‏اللحظة اللي كنت خايفها معك .. سبقتها

‏في عز ما سجّيت عن شيٍ تخبيه الليال
‏صافحتك ولمست تلويحَتك قبل وقتها

فلسطين حرّة و أثر حنا ورا القضبان
‏عجزنا نناصر شعب ماهو بمستسلم

‏يريّحهم الموت ويموّتهم الخذلان
‏لا هانت بعين المسلم مصيبة المسلم 🇵🇸

يحرك ركودي فالهوى بارد النسناس
‏واعود على البيتين والصوت والصوره

‏تقول الحفيف اللي سمعته وانا عساس
‏مشاريه غصنٍ جف .. والقاع ممطوره

يدرك اللي مسّته عينك الدنيا متاع
‏لا خذت من - عين جالوت - حدة موتها

‏زادك الله من عطاياه غير انها وساع
‏سحر من هاروت بابل ومن ماروتها