شور للسيده رقيه ص


دورت گلبي ولگيتچ بيه ..هل گول انه عشگت ارقيه
فدوه ضلي بگلبي يامولاتي...مولاتي..مولاتي
★★★****
اطيرن غاد.. بالافكار... وصعد فوگ للغيمه
وتيه بيچ ...بل عباس... يا تفاحت الخيمه
ادور عن.. سفينت اه.. تملخ گلبي من ضيمه
اعله كوم تراب.. هيچ الگاچ.. فحطانه بوسط هيمه
من اجيبن طاري للترچيه
اذني من يمهه تصل اعليه
فدوه ضلي بگلبي يامولاتي...مولاتي...مولاتي
**********
نترجاچ... اتحضرين .. شو هالسنه طولتي
موكب هاذ..بسمج صار ...حبيناچ بس انتي
صدگ ماگتلج... انه بهاي... دوم انساهه سالفتي
صار سنين ...اكتبچ اخ ... بشري السنه ما طبتي؟؟
احنه كلمن غمضالچ عينه
بداعت العباس مري اعلينه
فدوه ضلي بگلبي يامولاتي...مولاتي...مولاتي
*""*”*”******
انشدچ يا ...عشگ عباس ...بل عباس ومحلفچ
حسين يصيحلچ ...اماه ...چا عبدالله شيگلج؟؟
تيهنه ...يروح حسين.... بله شلون نندلچ
شركب يا.... دمع ياضيم ...حرنه شلون نوصلچ
كون جبريلچ يجينه نطوفچ
ونصعد ضهور الورد ونشوفچ
فدوه ضلي بگلبي يامولاتي...مولاتي...مولاتي
**********
احط اسمچ... بين اقواس ...وكتب هاي (لرقيه)
القصيده البيهه.. اسمج كون.. محشومه يعلويه
ارد ارسم... تراچي كبار... يم اذنچ يل بنيه
وماخلي... الشمر وياچ ... خاف يبوگ ترچيه
أخيال ريشه گبالچ وخليته
يعني عمچ بالگفه بخاچيته
فدوه ضلي بگلبي يامولاتي...مولاتي...مولاتي
************
اسولفلچ ...شغل مجنون.. دايخ بيچ يوميه
اذا شوفن ...بنات ازغار ...اگلهن بيچن ارقيه؟؟؟
اعاين بيهن... واختاض... ويسألني اشبيه؟؟
اگلهن لا ...تركضن حيل.. عدنه جدام مچويه
انفضحت وحبچ اصبح غايتي
وعلي اذا شوفچ اشگ دشداشتي
فدوه ضلي بگلبي يامولاتي..مولاتي...مولاتي
******
عليچ عيوني...صاير نار...ماتسكت ابد عيني
هذا انه...عبدچ عود.. الله يساعد حسيني
كون يصير.. تراچي البس..يامولاتي أمريني
اجرهن حيل..وصرخلچ... احبچ يل تحبيني
كون نار بكل كتر الگالي
ارد اموت احسلي اريح بالي
فدوه ضلي بگلبي يامولاتي..مولاتي .مولاتي
********

ابو قسور العويدي.

بين العباس ص وزينب ص


عباااااااس....يا كافل اخته
عباااااااس.... دخلت اعله بخته
*****
زينب..سمعي يازينب..انه الكافل ابو فاظل
وحارس هيبتچ
حالف..عالهوه الطاير..اذا غثچ وحگ سترچ
اعلگه بخيمتچ
اعيونه افگسهه الهوه وماتدخل نگله
الا اذا جايب كتاب موقع امن الله
عبااااس..يشيبي وربايه
عباااس..يستر العبايه
****
اختي..يانفس ريتي..يشموعي وسره ضلوعي
يماي بكصتي
شوفي..ذوله الگبالي..اذا يبقون ميكفون
حته لخزرتي
خليني اضحكچ يل اخت عالجيش بزماطي
نص صاعدين اعله النخل والباقي بالشاطي
عباس..يصگار اميه
عباس..يحامي الحميه
**
سيفي..والحچي بكيفي..اذا يخطف على العسكر
اطشرهم ولم
بيدي..من اكض بيدي...انه العباس راس براس
وعصرلچ زلم
ضليت اهزهز بالنخل مو عالرطب يختي
چم جندي ضلو عالسعف ارد اكضي سالفتي
عباس...يهز بالعساكر
عباس...يسبع الگناطر
****
زينب ص تگول
اتلثم..حيدر الحومه..الضوه طالع من هدومه
يفانوس الخيم
شفته..من كفاه شفته..نار بنار ياستار
ويرف العلم
فكيت فتحه بخيمتي وشفت الزلم نومه
وهناك ما شوفن بعد بس ريشه بالحومه
عباس...نفض حته چفه
عباس...يكلفه اعله كلفه
***
ردلي..كافلي وصدلي..وكتله الله عليك الله
يا رب الحرب
ادري .. يابعد خدري..انه اوياي كشخت ماي
نزلت عل گلب
گاللهه ياريحت علي يفداچ الگبالچ
هو انه بس ثنين احب بس انتي وخيالچ
عباس...كتلني غرامه
عباس...يبيرغ عمامه
****
ابو قسور العويدي

لسان حال الامام زين العابدين ص
كلام زين العابدين (ص)
-------------------------
عندي عبرة بريكي بس امن الطفوف
يـوم مـا رحـت اويـة ابـوي لـكـربـلـة
كلشي صار بلحضة وحدة وكلشي راح
وراح مــن عــنــدي الـدلال بـأكـمـلـة
جـنـت اصـبح بالـحسين ويـومي خـير
هسة اصـبـح وانـي شـابـك سـلـسـلة
----------------------------------
اصـفن اعـلـة عـمـامـتـك بوية حسين
بـــيــهــة يـابـس دمـك ومـا غــاسـلة
بـويـة لـيش اتـعـوفـني ابـيـتـك وحـيد
جـا خـذتــنــي ويـاك ويــة الــعـايـلـة
روسـكـم فـوك الـرمـح وتـصـب دماء
وانـي اشـتـمـهـة واصــيـحـن يــا هلـة
مـنـهو بـيكم ماشي بس وي راس ابوه
والـطـريـق ابــعـــيــد ويــعــايــن الـة
ويـاهـو بــيـكـم عـمـة عـبـاس الكفيل
وجـسـمـة مـن اسـهـامـهـم كـلـة انملة
ويـاهـو بـيكم عـنـدة عـبـدالله الرضـيع
ريـجـة مـشـكـوك اعـلـة نـبـلـة حـرملة
------------------------------------
ياهو بيكم عندة طفلة بنص اذان
جـانـت بحضن الحسـيـن مـدلـلـة
وارمة اذنـج يارقـيـة امـن الـتـراب
امن الوجع فاظت اعيونج وهاملة
بـهالوضع ونلطمت بذيـج الـخـدود
وطاحت اعلة الكاع تـبـجـي مسبلة
*****************

ياهو بيكم ابنة لمّو بالحصير
علي الاكبر والحسين الشايلة
منهو بيكم ابنة جسام الجميل
وتـاكـل بجسمة رماح مـسـلـلـة
اخ لـو تـدرون امـة وشـتـكـول
مات يابس ريجة ابـد ما بـلـلـة
من كثر ما طايحه بجسمة رماح
عظام صدرة تشوفهن متحلحلة
---------------------------------------
ذنــي كـلـهـن هـانـن الـعـلّـة الـخـدور
انــضـربــن اسـيـاط وظـهـرهن هدلـة
ويـاهـو بــيكم يـقبل ابـذيـج الـحـشـود
اخــتــة تـركــض بــالـتـراب مـعـلـعـلـة
تـصرخ تــنـادي حـبــيــبـي يــاحــسـيـن
تــعــثر تــكـوم وتــطــيــح ومــعـولـة
تــكلـة خوية الـراس جـا لـيـش اكطعو
صـدرك مــهـدم و نـــحـــرك ســايــلـة
شـو نـقص بـضلوع صـدرك يـاحـسـيـن
حـاد حـافـــر خــيــلـهـم ومــنـــبـــلــة
كمت احـط بـعـيـونـي صم امن الـتـراب
والطم اعـلـة الراس مـن هـذا الــبـلـة
------------------------------------
مكطـع تـكطـع لـكـيـتـة امن السيوف
وعـل وجــه مــكـلـوب مــحــد عـدلـة
شما اشـيلة يـلـيـن بــيـدي امن الجروح
وقطعة اجـت بـيـدي لـمـن ردت احـملـة
شعر راسي بـلحـضـة صار ابـيض علـيه
يـمة الـحـكـيـني تـرة حــسـيـن انـولـة
----------------------------------
ابوقسور العويدي

تقول
رقية الحسين صلوات الله عليهم اجمعين


بابا ابد ما حسبت....هيچ اشوفك بالطشت
شفّتك مفطوره ليش.شنهو مي ماحصلت؟
.............................................
اخ يابو جروحي كلهن ليش عايفني بجمر
چنه لو لحظه انتفارگ گلبك يعصرك عصر
چنت اجيك بطولي اهيمن حتى اشبگك بالصدر
هسه تعبانه ونحيله هواي ركضني الشمر
بسوط من يضربني اون بعد ما حس بالمتن
كمت اصم اچفوفي حيل واحتمي بطرف الردن
............................

بابا شو دم بجبينك يابس وما ينمسح
مبتسم المن يبويه وانته بس راس ورمح
گوه اكض دمعاتي عنك دمعت العاشگ ملح
ما اريد ابچي اعله خدك خاف جرحك ينفتح

بدمعتي يطلع سواد امنل الخيم لمت رماد
سمره كلش من تطيح لبست اعليك الحداد
................................
الشمس من نور وجهك والله چانت تنخسف
هسه شو وجهك اشوفه هواي صاير مختلف
ليش بعيونك اشوفن طين يابس يا ترف
شلون اضمدلك جروحك وانته ماتگطع نزف

الهوه بريتي يطب؟؟ ونته غافي اعله الترب
كون بيه اقوه الجروح...ولاقميصك ينسلب
...............................
انكسر شباچ گلبي وانه يم مجلس يزيد
شلون راسك بالعمود وحشم اعليه العبيد
بخيزرانه يلوح خدك وانه اشوفك من بعيد
واضرب اعله الگاع رجلي وهو ينضرني ويعيد

طحت شالني النسه...ولنه صاح ابن الخسه
ومن عرف بت الحسين...بل شتم كلش قسه
..............................
فرفح گليبي اعله راسك بالطشت لمن اجيت
بس اگلك حقه انته احنه ماظل عدنه بيت
حرگو الخيمه اعله راسي وچن ركضت وتيهيت
والشمر لاگاني ملگه وعت اذاني وغمضيت

بچفه طگاني وطحت...وشلع ترچيتي وشغت
گتله لا صوغت ابوي....بجيبه حطهه وفرفحت
@@@@@@@@@@@@
ابو قسور العويدي

المهظومه زينب ص تسولف تگول

بكربلا....
بكربلا مطرت الدنيا خشب.؟؟
الخشب مستنگينه حاقد عالصلا
بكربلا


بكربلا...
انگطع راس حزام ظهرك عالتراب..
والله حسره...
منين اجيب تلث نقاط اعله السراب
★
★
★
★

للحسن الاعلى ص....
رساله الى كل من يقول ان الحسن ص لم يحضر معركة الطف..

موجود الحسن بالطف يهل وادم
تعرفونه حضر من كشخت القاسم
حاضر ابو محمد چان...ودلاله هيه النيشان
سالم يبو محمد اريدك سالم
***
بالطف ابو محمد حضر وبخيمتي يسولف چان
والمات گبل اچم سنه بشجرتنه ماهو بعدنان
ميزان خلو اعله الحچي لاتوزن بحچي فلان
وجه الله ماميت ابد هيچ الله گال بقرآن

ماترهم تموت اعمامت اخواني
افه لكلمن يگول الحسن عافاني

چلمت هله بكل مچان..ودلاله هيه النيشان
سالم يبو محمد اريدك سالم
***
يل رايد تشوف الحسن افتحلي ريج عيونك
ودنه يم خيمت هلي تلگه انترس ماعونك
عادت الناس التبتعد مي تشمر على متونك
ومن تطلع اباب الحسن بالگهوه ويشمرونك

الدله پجف اخوي وهو راعيهه
اذا كضهه وعلي يلعب لعب بيهه
سالفته ضيف وديوان...ودلاله هيه النيشان
سالم يبو محمد اريدك سالم
***
متروس ديوان الهله خطاره هو يضيفه
الزلم عزبهم گمر والنسه يم شريفه
اكلو بثواب ام الحسن واللعنه عل سقيفه
كفيت وزيادت كفو صاحت سلفهه وريفه

حبيب ابن مظاهر صاحله دخيلك
مروتك يل حسن ناوشنه من حيلك

والحسن هز الفنجان...ودلاله هيه النيشان
سالم يبو محمد اريدك سالم
*****
الحسن يگول..
راح اطلع لذاك النهر عباس تطلع وياي؟؟
اليمنه الي واليسره الك نتلاگه يم جرف الماي
عباس تذكر چم سهم ليهسه نابت بعضاي
هساعه اجتك يا فحل مذخور ياخويه لهاي

صگور وطبت وشردت الخياله
الحسن تل من زلم عالشاطي سواله
زامط هذيچ العربان....ودلاله هيه النيشان
سالم يبو محمد اريدك سالم
*****
الله ياشمرت علي من شفنه ابو محمد صال
صايود ويدور خشن يختار بالحومه ثگال
بمحچالهه مچلبه الزلم بس طاحو عگال عگال
عباس مايصفن ابد لاكن صفن من هل حال

صفن عباس يوم الحسن لاگاهه
وصاح الله حته الجربه شگاهه
وصلو سويه الاخوان...ودلاله هيه النيشان
سالم يبو محمد اريدك سالم
***
ضلو عشرتالاف اضن والگاع صارت حمره
صاحو علي الاكبر تجي لو نفرش احنه السفره؟؟
والاكبر مفرع اجه لا سيف لا من مهره ؟؟
زعلان الاكبر يل اهل ماتسد ريجه العشره

تسرفن والعمام تشوف چفينه
سمعنه يگول هاي الطگه لسكينه

طراگات كضهم زعلان... ودلاله هيه النيشان
سالم يبو محمد اريدك سالم
****

ابو قسور العويدي

اهات زينب ص تسولف للعباس ص تگول.


عباس مالك نيه ترجع للبنات الحافيه
هفيتلك ريحت حرگ من العبايه الطافيه
اشهگهه ياخويه وگوم
عباس مو وكت النوم
سلبوني حته العافيه
****
ها گد بطيت عله الاخت والجيش چلچل غيمه
وبخيمه وحده وبس حرم وغصت ارياگ الخيمه
فتحو الچادر ونترس ناس
صاحو اطلعن مات عباااااس
صاحن فرد صيحه النسه وتگطعت انفاسهن
عامود واحد بالخيم طگنه حيل براسهن
چا منهو يفزعلي اليوم
عباس مو وكت النوم
سلبوني حته العافيه
******
حرگو خيمكم والنسه هجن ابكل الاكتار
وصهيل ومدافع زلم وزغار تسحگ بزغار
والتحترگ بنار امرهه؟؟؟
بعوچيت السجاد اجرهه
والتطلع ومابيهه شي أشبگهه وبچي عليهه
والتطلع وبيهه حرگ بتراب ونطفيهه؟؟؟
والنار شبعانه هدوم
عباس مو وكت النوم
سلبوني حته العافيه
*****
لمونه نسوان شكثر للنهر غاد اخذونه
بالنخل شدو جم طفل لعباس ويسمعونه
من گلبو العباس اليه
ضليت احك بجفوف اديه
يگلبون بي يم الحرم من رادو يچتفونه
ويدير وجهه ومسحتي ودچ السهم بعيونه
ادريك كلش مالوم
عباس مو وكت النوم
سلبوني حته العافيه
******
مدي ايدچ گبال الگمر گلهه الشمر تنچتفين
اس واذا صوتچ طلع بالسوط ها تنطگين
ضكو حبلهم بيدي عباس
جلدي تسرفن اخ ياناس
والاكلت بگلبي شكثر خلتني ادگ رجليه؟؟
مچتوفه بتك ليوره وشلعو تراچي رقيه..
طفرت بالگاع دمووم
عباس مو وكت النوم
سلبوني حته العافيه
********
فرهود صاحو عالنسه بس ماعرفت المقصود؟؟
بعمامت العباس اجو وتكشخو بيهه جنووود
تدري الشمر شيگلي بيهه؟؟
عمامه حلووه تشتريهه 😭

تدري الشمر لمن سمع ابچي وطلع من صوتي؟؟
گال انتي مو مالت ذهب سلبوني حته بتوتي
وانه ابلع بهل بلعوم
عباس مو وكت النوم
سلبوني حته العافيه
*******

ابو قسور العويدي

راح اموت .... عود صدگ زينب انسبت

كلشي بيچ اتيتم بموقف عظيم..!!!!!
خـنـصـرج مـيـت ابوه ....حـتى اصبعهة يـتـيـم
حضن ابوج استشهد الوادم تكول
ارقيه اظن فجاركم عشرة خيوووول..

وصلى الله وملائكته وانبياءة ورسله على الباكين على حضرت المعظمة الكبرى رقية بنت الحسين

المقدسة رقية ص تسولف عن جرحهه ... تگول......
من جر اذاني بقوته
لچمني حيل وماهدن
وتلمستهن من مشه
خذهه واخذ وصلت اذن😭😭
الدنيا فرتني وطحت
وحر التراب اصبح حظن
وچمالة شرجيه الهوه
وشما تهب ريح انه اووووووون
😭😭

لسان حال امير المؤمنين ص مع فاطمة الزهراء ص..يكوول

وين اليوجعنچ فاطم احچيلي
انطيني الاه وانه انطيچ كل حيلي
يورده لاتذبلين عليج رموش الحسين
اموت خلاف عينج ياعشگ ليلي
.........
حلوه حچايچتج لمن ارد للبيت( شتكله الزهره)
گواك الله حيدر هله من هليت
اجيج ونگسم خبيزتنه لو رديت
هسه اصفن وكولن راحت ام البيت

نگعد بس مچانج فارغ وخالي
تجي زينب وتفرش ثوبچ گبالي
نكض الثوب اهات... ونترسه هواي نشغات
*******
وحگ عشگي وحسرتي وقهري بين الناس
اذا تنخيني اطشر الف عباس
الفظي الحاء من حيدر عليچ الياس
تره الفقار يعشگ ضربت الخناس

اول تالي حيدر ينكسر ضهره(شلون)
انكسر ضهري لمن سطروج يل زهره
يزهره اتنخي بأسمي...يبس بضلوعي دمي
اموت اخلاف عينچ ياعشك ليلي
@@@@@@@@@@
ينسمت ريتي ونبضي وزفيري الحار
اسولفلچ عشگ بگليبي صاير نااااار
علي من الهوه الطاير عليچ ايغاااار
دگولي اشلون لمن جاسچ البسمار

انوح والطم واضرب على ضلوعي
بعدچ ياهو يمسح قطرة دموعي
صدگ عفتيني وحدي... يبس دمعي اعله خدي
اموت اخلاف عينچ ياعشگ ليلي
*********
رحت عود ارد اغسل وردتي الحمره
بالمغيسل بجيت اعليج الف مره
تدرون اشفت وانه اغسل الزهره
حلگ بسمار شفته مبين شكبره


اثر بسمار شفته اعله الظهر عابر
جا گولي شكثر بسمارهم حافر
اه ياطبگت الباب....هدت حيل ابو تراب
اموت اخلاف عينچ ياعشك ليلي
******
دفنتچ بيدي بس ماصدگت ميته
اسولف ويه روحي وابچي عل شفته
الناس تشمتت بيه ومتت سكته(شيكولون الناس)
گباله ومافزع ضربو وجه مرته

شنسه هواي صارن والگلب يرعش(شيذكر علي)
اتذكر ضلوعچ لمن تخرخش
اموت واشتعل نار... من اتذكر اصار
اموت اخلاف عينچ ياعشك ليلي
*
الوادم كلهه تندس لو طلعت الباب
اسمعهم واول واحد الخطاب
اعض اصبع وگول موصه يابو تراب
باجر بالحشر وحسابه وحساااب

قسم بالمحسن المحروم من حضني
اليوم موصه باچر ياهو اليكضني؟؟
وحق دمعات الحسين ... اشطره بسيفي نصين
اموت اخلاف عينچ ياعشگ ليلي
**
ابو قسور العويدي

ياغريبه...يامظلومه😭😭

السيده زينب ص في اخر انفاسها واحتضارها...تخاطب ابو الفظل ص تكووول


ربيتك ويشهد علي حضني
ادريك اكثر واحد تحبني
مابيه اصيحن صوت...زينبك راح تموووت
چا غير بيدك خويه تدفني
*

مابين سكرت موتتي.. ومابين جرح جفوني
مشتاگه لعيون اخوتي..ومغورگات عيوني
فجأء وتذكرت وگلت...بسلا صدگ ويجوني
وشراح اكلهم لو صدگ...شافو زراگ متوني

نمت اعله ظهري وساتره متوني
وشلون اظمن ضربت عيوني؟؟
وشلون يا هالناس..لو شافهه العباس
خافنه يزعل لو نضر جفني؟؟
#########
سلمت روحي وايست....والمووت ياكل بيه
طحت وتخيلت اخوتي... مداورين اعليه
بردت جفوفي وسلهمت...وماحس بعد بأيديه
والخنگه اجتني واحتضر..ومديتهن رجليه
ابچي وعيوني تسولف احوالي
شيصير لو يحضرني كفالي
چا مابچيت هواي...لو نكطالي الماي
ورتاح وشرب ماي من ابني


من بعد شوغات شكثر...وتصارع بسكراتي.
وخيال اجاني وچن خفت...بس ماعرفت الاتي
نص ميته نص بيه عدل..احاه يا لوعاتي
والهاظمتني ياخلك...ياهو اليجيب اعباتي

كتله انته منهو وماحجه بكلمه
بس كال انه العباس يايمه
عباس روح الروح...امشينه خل نروح
اهلج يزينب كلهه تنطرني
*
حط راسه يم رجلي وكعد..بس انه لا ماشوفه
عاتبته ليش اتاخرت...شافو المامشيوفه
عباس كتلتني كتل...طبتي بذيج الكووفه
ومن گتله اشبگني بعجل...ماشفت طاري چفوفه

محرومه من طولك بعد طولي
ياروحي اشتريدين بس كولي
كتله اعله صدرك كون..تتنفسك ام عوون
الناس خويه اعليك تحسدني

*
مستحيه بس ارد اسألك..شلون ابتدي موضوعي
شو تبچي وتناشغ الم...سولف يبعد ضلوعي
كال انه ذابحني القهر...طفيتي نور شموعي
ما عندي چفين ولذا...اسگيج ماي دموعي
راسج بحضني براحتچ مووووتي
وبريني خاف مقصر بخووتي
صوتج ثكل ويلاااه...ماتت اخيتي احااااه
ماتت الچان تصيحلي. يبني


ابو قسور العويدي

ضرغام الجبوري:
زينب ص. تأتي. الى فاطمه المعصومه ص. وتقول. لها سأذهب. معكي الى السجن كي ارى اباك ...لانك لاتحتملين تلك المصائب. وانا ام المصائب...😭😭
وعندما رأت حالة الامام الكاظم ص. قالت العقيله للمعصومه..........↘↘↘↘

عمه يامعصومه جرحج خل ينام
السجن مايحترگ مثل الخيام
خل اروحن وانه اراقب...السجن مثل الخرايب
بس فرق هذا السجن مايمه شام؟؟؟
*
زينب تسولف عالسبي...وختنگت المعصومه عمه السجن مابي ضوه..وظلم على حد يومه
معصومه ابوبج بسجنه فئ..مو مثل ذيج الحومه
أحسين من شمس الظهر..سومرن حته اهدومه
عمه ابوج بگصته طبع السجوود
وانه اخوي بهامته ضربت عموود
عمه صعبه وموش سهله..الاحبه بعينه نبله
بالرمش ذاك الاحبه شكد سهااام😭
*"
معصومه اسولفلچ الم...تمنيت ميته وماعشت
كامل ابوج وجثته ..وينازع بروحه ويعت
وانه بخرابه بوحدي...ساعتهه حيل استهظمت
حمدي الله ياعمه شكثر..هذا السجن مابي طشت
وجه ابوج ابيض ولامع كالنهار
حسين راسه اعله الرمح ضربو حجار
وراسه من يندار اليه...ينكط بدمه عليه
مرايت الله وتنضرب والله حررررام
*
معصومه اخبرج عن حزن...ياكل بگلبي ومرّضه
مالحگيتي اعله الاخو...ولاشفتي من مات الرضا
عمه شفت خنجر شمر..من حز الحسين ومضه
وخيول عشره معصبه..وحسين جواهن گضه
صدر ابوج بلا كسر معناهه زين
عمه الله يساعد ظلوووع الحسين
يريد ينهض حيله تالف...يشامر برجله ويشاگف
طير مذبوح ويفرفر جالحماااااام
****
طبت المعصومه وتون
عالوالد ومفجوعه
فرّعت يمه وجن بچه..وترست لحيته دموعه
گاللهه بابنيتي اسمعي..ولبسي حجاب اللوعه
فشله من ارقيه لان..ترچيه ما مشلوووعه
بجت زينب عالجره وچن گالت
عندي وحده تشبهچ هنا ماتت
زينب اتأشر عليهه...ارقيه ماتت بين اديهه
حلمت وشافت ابوهه بالمنااام
*
استهظم الكاظم لان ...سولفت زينب لوعات
ومن وصلت لطاري السبي..الكاظم يون اهاات
وهناك مولانه صفن...وعيونه كطعت دمعاات
والناس صاحت ياخلك..لحكووونه الكاظم ماااات
عالجسر وگفوله اليشيعونه
شكد چفوف وحضرت يشيلونه
حسين محد شاله بالطف...للخيم كظاهه يزحف
بتسع اصابع يزحف لحد الخيام

ابو قسور العويدي

دوه ....دوه ... صوت المشي
هلا ...... هلا... بشيعة علي
يل كاظم مدد مدد....يل كاظم مدد مدد
*
هاي الناس مشايه اعتنتلك
عزيز انته علينه يغله الاحباب
احچي وعن يقين والله يشهد
الشايب من يشم گبرك يرد شاب
جننت الخلگ گامو يسموووك
علي بغداد عدنه وعلي ابو تراب

ياهو الگال عنك بالسجون وضاع
علي مخلف زلم سدو عيون الكاع

فحل..فحل...ماتنكدر
اسد اسد..فوگ الجسر
يل كاظم مدد مدد...يل كاظم مدد مدد
*
ضاگت حفرتك يل خلگك هواي
الصخر من السجود اتفتت وماع
دخيلك يبن جعفر ارد اسألك
عطرك يختلف عن ذيچ السباع
شكد شايف ظلم ياكاظم الغيظ
انه بشباچك اشتم ريحة الگاع

مو مره اشم گبرك الف مره
وبيني وبينك تسلملي عالزهره
اضل ..اضل ... مثل العبد
على...على...بابك ارد
يل كاظم مدد مدد...يل ماكاظم مدد مدد
*
ماكاتب غزل مثل اليعشكوون
لان شعر الغزل بس الكم يلوگ
هاي الوادم الحضرت يلطمون
راح اسألهم العشكوگ شضوووگ
اذا كالولي غيرك اصرخ بصوووت
عليمن راسكم بلقامه مشگووووگ

تره العاشگ صدگ كاشفهن اوراقه
مايرفع خشم لا يرفع اخلاقه
خدم ...خدم..لاهل الشيم
علم ... علم رفعو علم
***
اليحبك صدگ ماميكدر يناام
مسامر ليل بينه وبينه ينراد
اكو وادم حجيهم بس بالحلوك
وتره حچي اليالي يصبح رماااد
وصلت بيه حاله وياك مولاي
اكلهم اسمي عاشگ اسد بغداد

اموت اعليك يبن الزهره تعرفني
وجيلك حتلو بالباب تطردني
عشك...عشك..بس للولي
بعد...بعد...ناسي وهلي
****
اهل البيت رحمه فاقت الكووون
ولو تخدم دهر لاما توافي
انزعهه الانانيه العلى متون
وتعال بجنة اهل البيت صافي
بدليل الكاظم يحب بشر ياناس
وبشر كلش غني لكنه حافي؟؟

اريد النايم يفز ساعته ويومه
من اصرخ احبك يابو معصومه

اجن..اجن..بحبك لان
غريب...غريب ...واجمل وطن
***
حاير بيش اوصف ذيچ العيون
ام رمش السرح داير مداير
اسولف عن خدودك لو يموتون؟؟
البياض البيهه حتى النور عابر
يكلولي التحبه عنده اوصاااف؟؟
گتلهم بصحنه اربع منااااير

وين الله ونام بعشگك وهايم
بلكي اكعد وصيرن عابس الكاظم

اذا ....اذا.... شفته بحلم
اشگ...اشگ....حتى الهدم
يل كاظم مدد ....يل كاظم مدد


ابو قسور العويدي

عشگ مولاي باب الحوائج
موسى ابن جعفر ص
***********
بالشباك واكف واكسر الخاطر
احبك يابو طلبه وشاهد العاشر
**
گلبي يسولف بطاريك من يومه
بشباجك وصيح بحسره مالومه
وحگ زينب احبك يابو معصومه
ذبلني العشگ وي حبك مساهر
*
اسولفلك عشگ ولهان ليليه
احط برگبتي الزنجيل يوميه
مسجون انته لكن منسجن بيه
سودني هواك وعقلي الك طاير
****
اسولف لامي عنك بالمشي وهوسه
وكل شويه اشمرلك فرد بوسه
اكولن لامي الج بس نيتي يم موسى
وامي تكلي خاف تلوح خد زاير؟؟
*
اذا اصعد جسر اوكف على القمه
وافتح زيجي الك وحچيلك بكلمه
عليك الزهره بس وفقني للخدمه
مجدي وماد ايدي لحد عگب باچر
*"
هاك اشلع گليبي بچفك وشوفه
اذا غيرك لگيت اطردني وعوفه
واذا بيك اغدرت احسبني عالكوفه
اتوسل بزينب والضعن ساير
**
صدك ماگتلك انه بهاي سامحني
خصوصا لون زاير يجي ينشدني
منين الدرب ياخادم دجاوبني
اغار اعليك ماجاوب وضل وغاير
**
اذا اشتاگ ازورك والوكت محضور
اطلع چم علگ من حضرتك مذخور
وغمضلك واحس بروحي طير يزور
لحدما حيلي يتعب بالمشي وداير


ابو قسور العويدي