تم بعون الله افتتاح قناة خاصة بنشر قصائد الشاعر ابو قسور العويدي
قصائد حسينية حصرا
وان شاء لله اكون في خدمتكم

في يوم استشهاد الامام موسى ابن جعفر ص
ويصادف ايظا زيارة الحسين. ص..خرجت السيدة معصومة ص من قم المقدسة قاصدة الكاظمية المقدسة وبنفس الوقت خرجت السيدة رقية ص من الشام لزيارة الحسين ص
فالتقتا معا… وبدأت السيدة معصومة ص بالكلام عن ابيها ورقية ص ردت ايظا
فاستأذنت منهما وكتبت جزء قليل من ذلك الحوار….. وهو


منهو ابوهة يعاني اكثر… ..حسين لو موسى ابن جعفر
بـيـن معصومة ورقية.................وكربلاء والكاظمية
منهو ابوهة يعاني اكثر
=================
تشكي معصومة لرقية..نعش ابوهة اعلة الجسر
والدمة يطش من وريدة....والـزنـاجـيـل شكـثـر
كالت رقـيـة اعلة هونـج.....الـلـه عـظـّمـلـج اجـر
انـة ابوي من الـبـواتـر....جسمة ماضل بي شـبـر
شگد صحت يل كافل احضر..الحگ حسينك تطبّر
من السيوف اسمع دوية..رنّة اعضامة قوية
================
تـبـچـي معصومة وتـگلي..ليش عذبنة الزمن
يارقية انـتـي زغـيـرة..اعلـيـج مـيلوگ الـحـزن
انـة ابـوي مزنـجلة ايـدة..وطابعة بچفة ويون
وانـتي ابوچ براسة رمحة..والرمح كلش خشن
بالطشت بانت لهاتة...چان ابوي اني شحلاتة
كتلة مرة وهاي هيه..انموت اني ويا سوية
====================
گابلت تابوت ابوهة............تـنحب وگلبي انمرد
سدت عيونة وتـگـلة...........بـويـة ماتـرجع بعد
بحرگة شمت چف ابوهة..وباست ايدة وماگعد
رقية تحسب بالاصابع......عشرة لو تسعة العدد
رقية گالت هظمي اكبر....زين ابوج وعندة خنصر
شوفي محترگات ادية............زغيرة ماگالو خطية
==================
فحطت المعصومة يمّة...وموسى يشهگ بالنفس
جمدت من السم عيونة..وروحة فاظت مالة حس
والاشد تابوتة وحدة...........وتحرگ بخدة الشمس
رقية صاحت خل نشيلة.........لا تطر صدرة الفرس
الخيل خاف بصدرة تعثر....وضلعة من الصفحة يفتر
مثل ضلع ابن الزچية...................انطحن بالغاظرية
================
شفّتك زرگة ولسانك.......يابس وچبدك يصّل
منين ماشوفك تهزني....وتوجع بگلبي وتسّل
كون عطشان انتة بوية..هذا موقف مو سهّل
رقية ناديلي ابو فاظل..بلكي مي بالجربة ضّل
خل يجي يشوف ابن جعفر..چبدة نار وگلبة يسعر
فدوة يستعجل علية................لايموت ابين ادية
====================
خوية معصومة ارد اگـلـچ..خاف لو هجـموا غرب
خوية ارگظي بروحچ انتي..روحي من هذا الدرب
خافن يـضـربـون مـتـنـچ..يـوجـع هـواي الـضـرب
وحطي ايـدچ فوك اذانـچ.....خاف اذنـچ تـنـسـلـب
خلّي ايدچ عالتراچي..الناس ماتعرف بواچي
والله صارت هذي بية.… من الدمة انترست رقية
===============
انتي خوما عندچ اخوة..زغار حيل مدلـلـة
لا تطلعيهم يخوية..اعرف بهل المسألة
شفت بيهم واحد اجذم..حيل يشبه حرملة
اخ ياعبدالله خوية...وين صرت بـيا بلة
جابة ابوي بدمة احمر..يـبلع بريجة ميگدر
نـبلـتـة العمت علية...وينه اوين المنية

تمت والحمد لله رب العالمين
ابو قسور العويدي

انة ياناس....(مجنون ابن جعفر ٣ مرات)
ـــــــــــــ
يـاســلام الـلـه عليكه.. يـا عـلـي الـمـنـزلـة
من اشوفن صحـنك اني..وسجدتك والبسملة
من عـلـي الـسـجـاد وارث..يـاوريث السلسلة
واحنة جيناك...يم الصحن نفتر.
انة ياناس مجنون ابن جعفر
=================
دخـيـل عـنـدك يابو طلبة..الناس ماتفهم ترة
رادو يغثوك مرة..................وطببو يمك مرة
ساعة ظلت حجبتهة.............وطلعتهة مخدرة
لوبقت يوم...يم سجنك اطبر
انة ياناس مجنون ابن جعفر
=============
من بعد مادخلوهة.........الناس تـنظر للولي
دين ماعدهة وتنادي......بدين شيعتكم شلي
كلمة كاللهة ابن جعفر....هي صاحت ياعلي
ماتت بساع..من نورك اليسطر
انة ياناس ...محنون ابن جعفر
============
كالو انـتـة تعيش غربة....وهاي ماترهم ابد
الكاع كاعك واحنة غربة..واحنة جيرانك بعد
اعـتـنـيـتك عندي حاجة ....مدد يالكاطم مدد
باب المراد......ميرجع اليحضر
انة ياناس..مجنون ابن جعفر
===================
انتة تشبه ابو فاظل......سابع اليمة الطهر
هو سابع وانتة سابع.... والكمر يم الكمر
هو شايخ عالشريعة..وانتة شايخ عالجسر
اسد بغداد....بالكاظمية ازهر
انة ياناس.,مجنون ابن جعفر
===============
سيدي رايد اسالك.................كون تسمع مطلبي
نبي يوسف يمة ناسة.........وماصبر خو ندري بي
اعتذر من يوسف اني...........يروحلك فدوة النبي
يوسف زغير...مولاية انتة اكبر
انة ياناس...مجنون ابن جعفر
==================
الله خالقكم كبلنة............كبل كل هاي البشر
بالسجن و تسولف انـتـة..وماكو يمك اي نفر
واخـتـليت بحفرة اظنك....تخدم انـتة المنـتضر
فدوة مولاي..كلة شوكت يضهر
انة ياناس......مجنون ابن جعفر

ابو قسور العويدي

كربلائي.... عظمة نوماس الهواشم.. صلوات الله عليهم اجمعين



بين المهدي والعباس..وكفت فاطمة الزهره
كالت ولدي اريد الثار........كون الواحد بعشره
--------- ------------ ----------
دنك واستحه العباس..وكال السطرة ظميهه
دك صدرة وحلف حلفان..هاي الناصبة اكظيهه
كال ازنودي حـتة الراس..مايـنـعـزن عـلـيـهـه
اول مرة يا هالـنـاس
اشوفن دمعة العباس
ودخان اشتعل بالراس
جـثـث اتـرسـهـه هاي بحيث..اسمعج رنت الابرة
--------
رافع ايده المهدي وصاح....الا يـا ايـهـا الـعـالـم
الى كلمن حرك هالباب.....الى كلمن قـهـر فاطم
حـلـفي السيف يا زهراء..اذا واحـد يـرد سـالـم
انة المهدي انه الغاصب
انة الساحك عالشوارب
سيفي ويعشك الناصب
ويطك كل حيلة فوك الروس..بدليل بسيفة جم شعره
------- ----- ------ --------
اذا اعطش واريد الماي.....راووني يا خياله؟؟
الكمر طر كربلاء وجاب...الفرات يخط ورة ذياله
والمهدي سحل شطهه.....وضلت يابسه دياله
كالت وثلث تنعام
ذخري وشالتة الايام
ولدي ورافعين الهام
بجت من الفرح وتكول..هاي لحيدر الشمره
---- ------- ---- - -- -- - -- - - -
طلع للجيش ابو النوماس..وكال اتقدمو عليه
حتة اتشوف ام حسين..من امردهه بيديه
حالف بيكم اني اليوم..اشيخ عليكم رقيه
اضرب بس على الهامه
وسمعج رنت عظامه
واوصل السيف لحزامه
وحك كل ضربه بالفقار..اكتل بزرته بضهره
------ -------- --------
ابو صالح ص يگول..
ابشرج يمه انه بهاي..اخلصج من مصايبهم
بس انطيني ساعة زمان..واكظي من طلايبهم
نزل نزلت علي الكرار..وكطع كل كصايبهم
ترفرف راية المهدي
انة حيدر علي جدي
سر ضربة علي عندي
الاضربة وينقسم نصين..كون توزنه وتكدره
------ ------- ------
صاحت كل زلمهه الغوث..طفحت غيرته براسه
صرخ بالحومه خله الجيش..كلب راسه على ساسه
غدت سبعين الفين والله..كلهه تحبحب مداسه
راسة مدخن ويلهب
وبنص الحرب يثغب
ياهو اللي شتم زينب
يعرفه يطلعه من الناس..يكص لسانه ويطبره
.......... ...... ...........
هاك اسمع خبر هالجيش..من غارتهم المهره
شي كامت تموت بصوت..وشي ماتت من الخزره
وشي غاصبهم المهدي..يحفر بالرمل كبره
وشي خلاهم العباس
تركض لا زند لا راس
وشي ماتت من الوهواس
من كثر الدمه اللي سال..تشتم ريحت الزفره

ابو قسور العويدي

حلم السيدة رقية ص عندما حملت اخاها عبدالله الفظيع ص
اياما على كتفها وسهرت معه ليالي كثيرة فقالت وهو في حضنها الصغير
.........................
چـنت اگولن من الــولي هواية
يـمـتـة تكبر تـكفل اخـتـك هاية
خوية گلبي شگد صبر
كون اشـوفـنـك گمـر
مثل عمي اعلة النهر
وعالشريعة تروح بـيـدك رايــة
.........................
چـنت اسولفلة قصص عن الجرة
كـان يـامـاكـان چـانـت فــد مـرا
زغيرة حـتـة اولـيـدهـة ازغير ترة
وكل حلمهه يـصـيـر سبع الكنطرة
ولو كبرت بـشـيـبـتـي
يـبـگة يـنـطـر گومـتي
هــو بـس عــكـازتــي
ويـمـسـح اثـاري الـبـگن بمشاية
..........................
بـيش اسكـتة وجوعـتـة الماتـنجرع
والله نـبـجـي اثـنـيـنـة بذاك الـوضع
گـمـت ابـلـل خنصري بفيض الدمـع
وهـذا ثـالـث يـوم يـرضـع بـالـصـبع
يلوچ بالـخـنـصر صفة
الـنـور الـبـخدة انطفة
بضهرة ادگدك لو غفة
يـسـلـهـم ويـغـفـة امن اگـول اقـرايـة
...............................................
من خذاه حسين شاله اعلة الجـتف
شـفـتـة طالع ظهرة الزغـيـر ترف
ضلوعة نطّت من كثر ماجسمة جف
مفطرات اشـفـافـة وبخـدة خسـف
من طلع من خيمتي
رعشة اجت برجيلتي
وگمت احك برگـبتي
وگلبي يگرص بـية سوة سواية
.................................
عايـنـت مـن رد ابـوي اعلة الـخـيم
صدرة وايدة الـيسرة يابـس بيهة دم
وشايل بـيـمـنـاه كـسرة امن السهم
وشفّـتـة تـرفـرف بگـت مـثـل العلم
لفلفت روحي بعـبـا
بالخـيـم اركض ورا
وين عبد الله وشجا
وشنهو هذا الجبّتة جّوة الصاية
.................................
بـابـا لـيـش اتـاخرت يـم الـربـاب
صار ساعة انـتضرك تردلي الجواب
شو قمـيصك صـك عليه دم وتـراب
وليش الكماط بـيـمـيـنك دمة صاب ؟؟
گـلـي راحت ضحكـتـة
وبـيـدة شايل نـبـلـتـة
هـي هـاي الكـتـلـتـة
طگـتـة ونـثـت عـلـي دمـايـة
.................................

شـافـتـة مـدثـر اخـوهة الـبـلـخـيـام
نـامت بـصـفـة وتـّون مـثـل الحـمام
فـتّـحت عن جسمة طـويات الـلـثـام
شالـتـة وطاحت رگـبـتـة اعلة الجدام

صاحت ولـيدي عبد
رگـبـتـك سالت ورد
مچلبة بطراف الجلد
وباستة بجرحة ونعت بحجاية
......................................
وعلي لمن راح راحت مـني روح
گاعدة بسدة واشـم دمة اليفوح
من يجـيني الليل اموتن بالجروح
اصفط برجلي واگمـطـهة وانوح
تـذكر بــذاك الـزمـن
افتح اشـفـافك لأن
بلكي طالع بـيهة سن
حـتـى اگـولـن صار زلمة وياية
........................
خدود اخيي اتفطّرن من السموم
ميت ادريـبة لـچـن يم راسه احوم
عـندي الك دمعات اشربـهن دگوم
وداعـت الـخوة اذا مـاگمت اصوم
من گعد عاين الي
ظل يلافت من هلي
وكتلة وحدّنة وعلي
شاوراني اعلة التراچي هواية
.....................
ابو قسور العويدي

للعليلة ص
.........................
حلمت بالطف جي ما راحت
وادور عنهم بس ضاعت
وتنادي بنص ذيج الموتة
خاف تكول ابنيتك ماجت
.........................
مرت يمة وتمشي بصفة
وبلا راس شلون تعرفة
كلسا تعثر بعظام الطف
لو تزلك بدموم وشكفة
............................
رفعت راس وصاحت يالله
دليني بداعت عبد الله
كون حسين بنص الموتة
موتني ويا شنهو الظلة
...........................
حن حسين وكال بنيتي
جنج يحبيبة اتعافيتي
هذا انة كبالج شوفيني
ركضيلي كون اندليتي
هي جاوبتة....
شمسويتلك هاي الوادم
وماظل عظم بجسمك سالم
ششبك منك شو احجيلي
كلك جرح وما متلايم
..........................
جا وين الخنصر عذبني
بسلا ذبيتة مزاعلني
تذكر من نتكاود ختلة
هسة شلون امن تكاودني
........................
ادري الوادم ميحبونك
مبين من فصوص عيونك
حافرهم حاد ابلا رحمة
كسرت حتة عظام امتونك
مو تدري ابتك مصدومة
ذيج البل غربة ومهظومة
من كدما ابوسن بثيابك
كالو كلسا حك بلعومة
................................
لو ماخذني وياك اهنانة
من عيونك ماشبعانة
اتفلس شوغات وحركة
خو تدري بحال التعبانه
...........................
ابو قسور العويدي

الشاعر ابو قسور العويدي:
لسان حال العليله ص واشتياقها لعبد الله الفضيع ص
العليله ص تقووول...

عندي ادموع شوگ بهاي الايام
اذا هدهن تشبع ريج الخيام
يهنيالك يخويه...متت بچفوف ابويه
وانه الما حصلت چويه امن الجدام
*****************
يا عبد الله اسمع هل چلمتين
مشتاگتلك بگد رحمت حسين
من گدما اذكرك وانحب عليك
تخيل اسمك بكل الحياطين

على الباب ارسمتلك مهد وثياب
وعلى صوت الونين ينعس الباب
انه الطايل حزنهه....انه العاجر حضنهه
وانه والما حصلت چويه امن الجدام
@@@@@@@@@@@@
من گدما بچيت بوگفت الباب
عتگنه اثنينه واصبحنه شياب
احلم هيچ اشبگنك وناغيك
وادورلك ضحك من گلبي بكتاب

نسيت شگد حملتك فوگ الجتوف
تعوف اختك تروح تعاشر سيوف
گالو عالرمل نام ...ويلولولك بالاسهام
وانه الماحصلت چويه امن الجدام
@@@@@@@@@@@@
اكتل حسرتي بوگفت الشباچ
وكض عوچيتي يل تنشدني حالاچ
تجيني ام البنين محدبه تگول؟؟
زليخه اليوم يوسف بله ما جاچ

اموت امن القهر لو شفت هلحال؟؟
واحد گايد اخته ابين الاطفال
ولاسيطر عالعيون..وجدامي اليرعشون
وانه الماحصلت چويه امن الجدام+@@@@@@@@@@
كبرت انه وطلعلي الشيب بيه؟؟
حجاب ام البنين يگد عليه
اضم شيباتي عنك تعرف شلون؟؟
اگولن خاف تنشدهم عليه

يگلولي متت بالحومه عطشان
وراسك عالرمح متروس تربان
شبعت مناشغ اعليك...ولا اندل والاگيك
وانه الماحصلت چويه امن الجدام
@@@@@@@@@@@@@@
كضيت الليل اخيطلك خواچي
خواچي ازغار وترسهن بواچي
اطبرلك عشك محد سمع بي؟؟
اعت اذني وگطعلك تراچي

ولا گول اشتسوي ام البنين
وجهه مزلغ بدم اعله الحسين
اذا ترجع لاهلنه...ولاتعرف شكلنه
وانه الماحصلت چويه امن الجدام
@@@@@@@@@@@@
كل مصباح عاشر لمن يمر
انه وأم البنين انهم نطبر
نطيح امن اللطم ونصيح حيدار
واحط ايدي وگصن منهه خنصر

بعدك حيلي مات وحيلي ضايع؟؟؟
تخيل اختك ابلايه اصابع
وحط برگبتي السيف..ويكضني النسه حيف
وانه الماحصلت چويه امن الجدام
@@@@@@@@@@@
ابو قسور العويدي

سورة القارعه .... وما ادراك ما القارعه
جائت الفاجعه ..... عباس طب للمشرعه
*******************************
يرب استر . علك يفتر . اضن حيدر. رجع للطف
المعتبر. نوه وسيطر. التراب احتر. رعد واخطف

كال المثل اركض شهر*** بس لا لتعبر اي نهر
موجود عباس الكمر *** وعلومه
رجال اذا بيكم صدك .. واحد عرف معنه العشك
عباس صاح ومختنك.. علحومه
انه الذي سمتني امي حيدره.
لسه بجفوفي طين من الكنطره
سورة البارحه .... هاهي الفاتحه\عباس طب للمشرعه
////////////////////////////////////////////////////////
الحسن كله . اله ولاهله. ابوفاضل . بحلات الله
ضوه معكل . الرموش اطول . الهوه تهيل . اذا صله

هذه الجمال المعتلي *** حبايه مكسومه بعلي
يابعد كل ناسي وهلي*** يالكافل
عباس فوك بخوذتك *** شعرك يرف لوريشتك
تكتل كتل من هيبتك *** يبوفاضل
كل اليشوفه يغار يشبع ضيجه ..
اتخيل العاكول شكك زيجه
سورة ضاحكه *** هزت المعركه\ عباس طب للمشرعه
////////////////////////////////////////////////////////
طوه الحاجب . وبده يحاسب. صعد فرسه. وندس ضهره
الهوه تخلخل. الارض زلزل. تره توكل . عله الزهره

هد يالفحل يبن الفحل *** عباس يالطولك جبل
للمشرعه لمن وصل *** خلاسه
من صاح جا وين الزلم ** واحدهم تحول صنم
والنعم منك ياشهم ** عباسه
طك واحد طراك برهاوت ضيمه
وراسه انفصل عن جسمه طخ بالخيمه
سورة طارقه *** قوة خارقه\عباس طب للمشرعه
/////////////////////////////////////////////////////
اخوه شافه . عله جتافه. اجه منبعيد. حمل صوغه
الحسين ابصر. فرد منضر . رجف كزبر. فرح شوغه

شاف بطوايف كربله *** الجيش كله باكمله
سجدو اله وركعو اله *** كالوله
ياخالس اكبر كنطره *** يالكافل بزغرك مره
مابيك ترجع ليوره ؟؟ *** ينادوله
لسكينه جايب ماي هي تريده
وكلاده من الروس شايل بيده
سورة العلقمي **** في اخي تحتمي\ عباس طب للمشرعه
//////////////////////////////////////////////////////////
وره الكافل . النخل شايل . سعف راسه. وأجه اعليه
تره تسودن . النخل ونجن . اجه وشلع . تراجيه

هذا الامر كلش سهل *** موجود عد ابنه الفضل
يم بتي فاطم هوه ضل *** بالمدينه
الاصعب بهذا الامر *** شفت الجثث غاد شكثر
ترفس رفس ماي المطر *** شاهدينه
عاف الجثث ترفس رفس من صوته
من ابعيد اشوفن چن عراضت موته
سورة الجاثيه ** فسرت ها هي \عباس طب للمشرعه
**************************************
]الشاعر ابوقسور العويدي[