ياعلي الاكبر
فخر الحسين وسليل المفخرة
مرجف جيوش العدة من منضرة
@@@@@@@
مرجف جيوش العدة بحر الضهر
جندل ابطال العدة الما تنگدر
بكر بن غانم وجابة اعله المهر
وشمر راسة يم ابو وتشكرة
@@@@@@
راس ابن غانم وجابة اعله الخيم
شافة ابو وعمه كالو. ونعم
علي الاكبر حيد يا فخر الزلم
شبل الحسين ولعب بيهم تره
@@@@@@
لعب شبل حسين بالسيف ويلف
صال صولة وطاحو اعله الكاع الف
يصيد وين القائد الحسبو كلف
ذيب طبهم والنعاج مطشرة
@@@@@
ذيب هاشم فات بيهم للوسط
وقع اعلة رگابهم خط اعلة خط(وقع توقيع)
وراد يختم بيهم وطبو بشط
وصاحو دخيلك التوبه المعذرة
@@@@@
گال ياتوبة التريدون استمع
السيف بس السيف سيد هل وضع
انتو محد بيكم هنا يقتنع
وهسة اوديكم ليوم الاخرة
@@@@@@
هسة اوديكم وشوفكم شني
اني زين وهسة انتم بس الي
شويه وتصعدون يم حيدر علي
بچو من سمعو بداحي خيبرة
@@@@@@
بچو من سمعو اصعدهم اله
كالو مروتك نضل بكربله
ولو بيكم ابو فاضل معظله
لجن اهون من علي والمسجرة
@@@@@
اهون من المسجرة التحرگ حرگ
ضل علي الاكبر وخانگم خنگ
اريد اسولفها وكللكم صدگ
كلها ماتت ونحية الجيش وسرة
@@@@@@
كلها كاتله علي بسيفة وكفو
وزعل راعي الگنطرة وليش وشكو
چي لان محد بقاله بالعدو
والله احياها اعلمودة المگبرة
@@@@@@@
فطر بيهم رغما صابة العطش
وسيفة ياكل بيهم وحيل انتعش
يطگ واحد واليشردون اثنعش
كمر هاشم يشتريها مشترة
@@@@@@@
صنته صارت والجثث صارت علف
صوت مامش جيشهم كله انتلف
شوية لن سمعو الصوت اعله السعف
صاعدين اعله النخل من الجرة
@@@@@
ابو قسور العويدي

ياعلي

وكأني بلسان حال عقيلة بني هاشم ص في ذلك الفجر عند خروج امير المؤمنين ص من الدار. تقووول

طر الصبح والراس شيب.....شيب
هذا. الفجر كتال. زينب....زينب
رايح ابوي وانه اضل وحيدة😭
ام المصايب عني موجديدة😭
مكتوب بس لام عون تتعب.....هذا الفجر كتال زينب😭
#########
ابطيلك شوية يحيدر هونك
والله ماشبعانه من اعيونك😭
بعد ساعه وترد ضايع لونك
وعلى جتاف الوادم يجيبونك😭

ضمني بعباتك بوية ضمني😭😭
شوية دضل كونك تحبني
بجاني من خلة اعلة راسي ايدة😔
ام المصايب عني مو جديدة...
مكتوب بس لام عون تتعب...هذا الفجر كتال زينب
&&&&&&&

بگلبي نار وشاجرة اعلة سفوحي
هاي كل يوم انه تطلع روحي😭
يمته اطيبن يمته اكطع نوحي😢😭
كلها طابت وانه خضرة جروحي😞😭

چا يمته تتركتني الهظيمة
وانه وراي السبي وضيمة😭

جرح السبية يا اخو اليهيدة
ام المصايب عني مو جديدة
مكتوب بس لام عون تتعب... هذا الفجر كتال زينب
&&&&&&&

يانفس ريتي يبوي وناسي
عندي طلبة وياك يابو احساسي(شتردين))
السيف من ينزل براسك قاسي
ارد احس وياك رنه براسي😭😭😭

بمحرابي ارد اوكع رمية😭
مثلك اريد الموت بية😭😭

والسيف كون بهامتي يعيدة
ام المصايب عني مو جديدة
مكتوب بس لام عون تتعب... هذا الفجر كتال زينب
&&&&&&&&

گلبي اسمعة يكول ها حنيتي؟؟😭😭
ركضي يزينب چنچ توازيتي😭
شعندج اعلة باب شو ضليتي
لا لحكتك لا انه ميتة ابيتي😭😭

ياكسرت الحرمة الغريبة😭😭
الماعدها ابو مثل السليبة😭😭

ارتاح يمته وكسرتي شديدة
ام المصايب عني مو جديدة

مكتوب بس لام عون تتعب.. هذا الفجر كتال زينب
&&&&&&&
هناك صاحو طاح ابوكم ياخلگ
مدري اوكف مدري اروحن گلبي طك😭
افتح الباب اعلة كد خيط العلگ(المستحة)
رجفة بية وخايفة وگلبي احترك😭

غير ارد اهيس عندي رجلين😭😭😭
خلف الله من گومني الحسين😭😭😭

يرجعلي لا هل سالفه بعيدة
ام المصايب عني مو جديدة
مكتب. بس لام عون تتعب.. هذا الفجر كتال زينب
#################

صياح بالباب وبچي وثغبث زلم
واني الم بحيلي يطشر. و الم😭
طب ابوي ويابس اعله عيونه دم😭😭
وصحت واويلاه وبجرحة اشم

غرگت عباتي بالدمة الفات
مايحچي ابوي وياي اضن مات😭😭😭

ياكلبي ضل بضيمك التريدة
ام المصايب عني مو جديدة
مكتوب بس لام عون تتعب... هذا الفجر كتال زينب
&&&&&&&
ابو قسور العويدي

من مصائب السيدة زينب ص تقول



الف بالعافية اعليكم ينياااام
مامحترگة زينب بس الخيااام
طفن توهن يهلنا...شكثر صحت احترگنا
بس محد فزع ليه ول ايتام
############
منهد مارحت عن مخدراتي
حرگو خيمتي ولاحت عباتي😭
مشدوهة ودور ازغار عدلين
ودور شنهي اليطلع بناتي😭

رمح بيدي ودور بالصواوين
امدة بنار اطلع زغار عدلين
😭😭
نجرهم وختنگنا... شكثر صحت احترگنا
بس محد فزع ليه ول ايتام
############
النار النار تاكل خوية بينة
شبت نارهم خوية بعبينة
وينه الماي ونطفي الحرگ ذاك😭
احترگنا وقطرة ماطاحت علينة😭😭

الماي وضال تشرب منه الخيول😭😭😭
ونسوانك تراكض خوية بالچول😭

ولا بطل ركضنا... شكثر صحت احترگنا
بس محد فزع لية ول ايتام
############
طفن خيماتنا وهسة الوكت دار
لچن يحسين ضاعو نص الزغار
المرا المچوية شيمشيها يحسين
فوگاها الرمل مايرحم وحاااار


محترگات رجلينا حرگ تام
مشي مانگدر ولانگدر انام😭😭
بحرگ رجلينا دسنا... شكثر صحت احترگنا
بس محد فزع لية ول ايتام
############

اجيتك طاگ گلبي وزاد ضيمة
اروحن وين ماضل عندي خيمه😭😭
طشوك اعله كبر الطف يل حسين
المك بيش يل تارس الهيمة😭😭😭

حرت بيك وعلي بهاي المسية
بكل امچان الكالك شوووووية😭😭

اجيتك فل حبلنا..شكثر صحت احترگنا
بس محد فزع ليه وللايتام
############

أشدن ياجرح اه يا سكينة
اخوي من الحوافر خانگينة😭😭
عيونه مفتحات وراسة مشيول
محد حن عليه وساد عينه😭😭😭😭


ماحاچاني عاذرتة اعلة جرحة؟؟؟
شيگدر يحچي البلعومه رمحة😭😭😭

گتلة احنة انهبنا... شكثر صحت احترگنا
بس محد فزع ليه وللايتام

############
ابو قسور العويدي

اللهم صل على محمد وال محمد
وعجل فرج محمد وال محمد
بمحمد وال محمد

لأمير المؤمنين ص
@@@@@@@@@@@@@@@

عندي سؤال..... رايدلة حل
علي حكم.........ارض وجبل
مو بس امير ......المؤمنين ؟؟
علي امير ...... ..اعلة النحل
$$$$__$$$$$$$
اسرارك علي ماشالها انسان... ماترهم ابد
تعرف كل لغات الانس والجان....لا وأكثر بعد
عله منبر الكوفة وصاحت الناس...ياحيدر مدد
خافو جي حچيت انت وي ثعبان...عل منبر صعد


اجاك يريد راي وانت ابو الراي
شراي واجه يدورلة شراي
شكتله وگالك سمعن يبوحسين
راح وگالك بس انت كظاي

مو بس  حچي..كول وفعل
علي حكم... ارض وجبل
مو بس امير المؤمنين...علي امير اعله النحل
$$$$$$$$$$$$
علي يسمونك الطاعن بسيفين...بس محيرة
عندك سيف واحد شايلة بأيد...فقارك جرة
گال القصد مو فقار لالا...هسة نفسرة
عليمنه الحسن واليسرة الحسين...اهد بيهم ترة


لو طب الحسن للحومة ارتاح
من كل الاكتار يصير الصياح
ومن يدخل حسين المعركه نشوف؟؟؟
تصعد للسمه خيالات الارواح

كل معركة... تريد الفحل
علي حكم ..ارض وجبل
مو بس امير المؤمنين ..علي امير اعله النحل
@@@@@@@@@@@@
سؤال ابالي حيرني يمولاي...ياروحي وهلي
شلون الباب شلته وطاح بالكاع...فسر ياولي
گال انه وصلت الباب ونطيت..ضهري وصار الي
ومن ضهري طلع عباس للباب... وشاله بياعلي

انه بضهري زلم للمعركة سباع
كلهم مثلي كلهم نفس الاطباع
چا لو طالع  العباس للكوم؟؟؟
مو بس باب يشلع بيهم الگاع

چف الكمر.... ماينحمل
علي حكم..ارض وجبل
مو بس امير المؤمنين...علي امير اعله النحل
@@@@@@@@@@@
 اليشك عباس موش القالع الباب...خل اشرح اله
بسنه سبعه للهجرة المعركه تصير...والسابع اله
رقم سبعه والسابع ملك عباس...رقم المرجلة
وبعد چم سنه يطلع سبع الطفوف..حيدر كربله


عين الزهرة انه الذاخرة ليوم
تحير منين تشرد دايخة الگوم
تلين لأمية تشوف منصوب
تل من الاموات وتل من هدوم

كلمن يموت... ومنعزل
علي حكم..ارض وجبل
موبس امير المؤمنين...علي امير اعله النحل
@@@@@@@@@
انه ناطق وأطلع كل الازمان... كرات شكثر
انه بلمؤمنين اطلع وي الشيب..ابيض وأنتشر
ال يحبني صدگ يتعذب هواي...يختبرة الصبر
واليعرفني فاز وصار وياي....يضل طول العمر

اطي خير وانه موزع  الخير
طير بحضرتي وبراحته يطير
وسرارك بعد لا تحجي للناس
ترة العندة علي شيسوي بالبير..؟

لله  اعتصم....حيدر حبل
علي حكم...ارض وجبل
مو بس امير المؤمنين...علي امير اعله النحل

@@@@@@@@@@@@
ابو قسور العويدي @fff45

وأقتربت الساعة وأنشق القمر

مصايب الفجر...وما ادراك ما الفجر
@@@@@@@@@@@@@
وين رايح حاطة عيوني اعلة عينه
هاي نضراتك تگول احنا انتهينه
 دلال..... بعد ماكو دلال
سؤال...بقة براسي سؤال
وين رايح.... فدوة گلي ... وين رايح
@@@@@@@@@@@
الفجر لمانه اعله كترة وگال كلمة راح اروح
وكف عل باب وركضنا جروح تعثر بالجروح😭
بهيدة ياخيمتنا  هونك گلبك شرايد ييوح
تعطل شويه اعله بختك ارد اشمك  لاتروح

البيت من هسة صبح بارد يهلنا😭
يدري راح تشيل من عدنا المحنة😭

كلام... شعجب ماكو كلام
سلام....على زينب سلام
@@@@@@@@@@@@@
دار وجهه ورفع چفة چنه مايرجع بعد
والحسن طاح اعله طولة وصاح ياحيدر مدد😭
الحسين بصوته ينحب گلبي وگليبة انمرد
 وانه شارد گلبي مني كاض باب الله وكعد

شوية بس انطو لگلب زينب نفاها😭😭
الموت مدري شمالة بس يركض وراها

بطيت...وعلي بموتي بطيت 😭
انعميت...على الباب انعميت
@@@@@@@@@@@
فدوة بس اندهوني فدوة بلكي يطلع هذا طيف
تأخر شويه احسهم طالبينك بوية حيف
الوادم يطبروك حيل ومايطبرون اعله كيف؟؟شنو الحل
هاك حط گلبي اعله راسك بلچن يحصله سيف 😭😭😭

الموت كل فترة غصب ياخذ واحد
من قهركم گلبي شيب الله شاهد 😭😭

يشيب... متت والله يشيب 😭
نحيب... تعبت امن النحيب
@@@@@@@@@@
ايدي هداها وتوكل راح من عيوني راح
راح مكتوب اعلة گصته مايرد هذا الصباح
وطاح بالركعة الاخيرة كلها صاحت علي طاح
وگلب ابن ملجم يصيح الله ياگلبي استراح😭😭

واحد يشاور الثاني يگلة شارك
علي طاح  وبعد مايگدر يعارك😭😭😭

حرام....وعلي ماضل حرام
ينام... افا وحيدر ينام
@@@@@@@@@@
اخ من ردو ببوي اعله المتون وشايلنة
حسين يصرخ خوية زينب هسة احنا تيتمينة
غاط بدمة لگيتة ويابس الدم اعله عينة
بشيلتي وشديت راسة وادري مايسلم ولينة

حسين گلي بسالفة شامت لگاه((شگال)
شفت واحد  يمسح السيف بگفاه😭😭

علي..حلم يرجع علي
ولي...رحل عنا الولي
@@@@@@@@@
حسين ردلي بضيمه يبچي ودمعه گدامه يسيل
خاف اسولفلج وغثج على موقف هدلي حيل
ورة المسجد خيل جابو هايجه بذاك الصهيل
هيج نيتهم يزينب كون تسحك فوگة خيل😭😭😭😭😭

الخيل كتلهن يعوفن علي بونه😭
واعدتهن باجر يسحكن على ابنه😭😭

شموس....اطيحن بالشموس
تدوس... بحوافرهن تدوس

@@@@@@@@@@@
ابو قسور العويدي @fff45

شتحطلها  يا اه
ابوحسين وفگدناه
ودعناك بدموووع
نصرخ  واعلياه


@@@@@@@@
نار بگلبي خوية حسين شو مدري شجاني
مامحتركة والدخان هذا  منين اجاني؟؟؟
تيهت العرف بالبيت شو ما اندل اني؟؟؟
رفت عيني موش بخير خاف افگدلي ثاني

وحي اعله الصلاه صاح
وگلب زينب  ممرتاح
يتراولي شي صار
سگف البيت شو طاح
@@@@@@@@@@
من گلبي الرچيف وگام. ينزل فوك ادية
شما  اتوضة خوية بماي يطشر عليه
ضميتو اعله اختكم شي ومتگولونه ليه
اعله واحد منه عندي احساس تفتر المنية

 مايحچون الاخوان
مايطوني نيشان
وكلكم انتو تدرون
گلبي شلون تعبان
@@@@@@@@@@@
چا غير انه اختكم ها دحچولي بسلامة
اديكم ليش فوگ الروس شني هاي العلامه؟؟؟
كل واحد وحطله نگاب ودموعة بلثامة؟؟؟
صاح حسين زينب اخ صبحنا يتامة

يزينب هسة ونروح
نحملة وهو مطروح
فوگ الهامة طبروه
نجيبة وراسة مفتوح

@@@@@@@@@@
جابو خيمتي اعلة البيت مگفاه شيعدلة
اول مانزل عالگاع حطوه اعلة  جبلة
رايح كل حنان البيت  ميت وانه عدلة
ندهتة بلا نفس والروح تبچيلة وتكلة

اجت موش بسلامات
يزينب والدج مااااات
من هسة وتحسبين؟؟
نفسج عالغريبات
@@@@@@@@@@@
بوية بداعت امي عليك ارحم هذا حالي
شمالك يادهر كل يوم تاخذ مني غالي
اول تالي اندهك هيج لاچن ماتبالي
كلها تحلفت بأم عون واولها الليالي

مقسومة الخرابات
زينب بيهن تبات
ويفروني بالسوگ
بالنوگ الهزيلات

@@@@@@@@@
ملتمة ازدحام سيوف من اربع جهاتك
يدرون انت لو مو سيف ماتگطع صلاتك
بجرح ايدك عرفتك صاد چم سيف برهاتك
التكتل كامو يهوسون من كضو عباتك

شماتك يضحكون
كسرو خاطر ام عون
لا تغفة على التراب
نام بهاي العيون
@@@@@@@@@
ابو قسور العويدي @fff45

الامام الجواد ص كان حريصا جدا على ذكر الطف ومصائب الطف المؤلمة

من سوايت الطف مات مو مسموم
مهظوم ويريد يواسي بالمهظوم
عايش الطف طول السنين
ماطلع من باله الحسين
مهظوم ويريد يواسي بالمهظوم
@@@@@@@@@@@
ياجود ال هاشم بيك هنه هواي وشنحسب
ماصارت گبل والشيخ نفسه يصير المعزب
بسمك يلهج التنور ويسولف عليك الحب
البيرغ بيرغك والريح من يم  بيرغك وتهب

نهرك ماخلص من كل كتر. ويدير
طوفانك مغرگ الناس. بس بالخير

مثلك ابد ماصارو. ثنين
ماطلع من بالة الحسين
مهظوم ويريد يواسي بالمهظوم
@@@@@@@@@
غيرك مالي يا مولاي جايك حيل وتوزايت
متعود اذا مهموم اركض ركض لاهل البيت
مابايعها گصتي بيوم بس الكم گبل بديت
اعرف وين ابدي الماي لو يم غيرك انذليت

يمطلعني من الظلمة صوب النور
بغيرك لا اضل خبزة بحلگ تنور

مثل الجواد الگة بعد. وين ؟؟
ماطلع من بالة  الحسين
مهظوم ويريد يواسي بالمهظوم
@@@@@@@@@
كلشي اعله الطف يأذيك بالطف عايش امن سنين
الماي البارد يبچيك من تلمسة بالچفين
تتلمس براسك ليش ؟؟ گلي القصد صاير وين
تصرخ انه املك راس بس مگطوع راس حسين

ذبحو جدك وعطشان صبحية😭😭
ماحنو عليه بشويت امية😭😭😭

گلبه نجسم يم جدة نصين
ماطلع من باله الحسين
مهظوم ويربد يواسي بالمهظوم
@@@@@@@@@
تطلع بالشمس ساعات شنهي شناوي من نيه
وجهك يحترگ وتكول احترگت عدنا علوية😭😭
ماطفوها ركضت غاد وبالصحراء. مچوية
تحفر بالرمل وتكول بلچي اتبرد شوية😭

يدعي الله ويحلفة بكلمن يحبة
مثل حسين اريد موتتي بغربة

كل ساعه يدعي لموته مرتين
ماطلع من باله الحسين
مهظوم ويريد يواسي بالمهظوم
@@@@@@@@@
اتحمل اشوف حسين مذبوح بذبح ماصار ؟؟؟
بس ماكدر ادخل سوگ بي زينب وياها زغار😭
ما ياهية اسولف اخ غار بگلبي صاير غار
من فوگ السطوح الشام يتلكونهن بحجااااار😭😭


لو هسة وتحزني بسيف ماحس بي
حقك ماتعرف احساس المسلبي

ربي اخذني وغمض العين
ماطلع من باله الحسين
@@@@@@@@@
يدعي الله الجواد يريد تصبح موتته صعبة
بلچن موتته اعله حسين شويه تخفف الغربة
بشربة لبن بارد مات مسموم ومشة لربة
فوگ السطح ثلث ايام وتگطع هرش گلبة

حب يواسي مسلم فوگ من شافوه
من فوگ السطح متعيني. هم شمروه😭

راح الجواد ووفة كل. دين
ما طلع من باله الحسين 
مهظوم ويريد يواسي بالمهظوم
@@@@@@@
ابو قسور العويدي @fff45

في سنة 61 هجرية
بدأت مسيرة الحسين ص
هو وعياله ...مشيا الى كربلاء

اقتراب شهر محرم الحرام



شعندك جاي ياشهر الرزية
ما عايز قهر گلب الزچية
شهر بي خبر موزين.... لان مسلوب الحسين
ضل ولاتجي مو خوش جية
@@@@@@@@
اااه.    ااااااه.      ااااااااااااااه
يشهر النايبة الحلت بالحسين....صفة عالغبرة نايم
لو رمضان چا هسة عذرناك ... ونكول حسين صايم
صدك تحچي رحل عطشان الحسين..ياشهر الظلايم
محد حن  عليه وجابلة الماي....ضل بروحة هااااايم

شعندك جاي ماريدن گرفتك
تقبل هيج اسلب راحة اختك

يحارگ گلبي والعين...لان مسلوب الحسين
ضل ولاتجي. موخوش جية
@@@@@@@@@@@
يشهر شبيك چا ما شفت الحسين...يشاگف بالمصايب
من كد الشموس مسومر حسين....نار وگلبة ذايب
شهر بايگ زنود وعين عباس.... وينام اعله ترايب
مامقبول عذرك لا والعيون... البچن وسط الخرايب

بعد مانشدك و ماكلك  شبيك
يل حارگ كماط اعله الكواريك

منين نعذرك منين.... لان مسلوب الحسين
ضل ولاتجي مو خوش جية
@@@@@@@@

شهر مابي ستر من دون الشهور...يل متعب الزچية
شهر بيه الستر عريان ياناس.... بأرض الغاضرية
مشيت  الزغار بدرب عاكول..... ولا تعرف خطية
شهر بيك الطشت هم صار رجال..واخذ ضحكت رقية

انشدك ياشهر بس خلي بالك
تقبل هاي اسويها بحلالك

ركض بين الصواوين...لان مسلوب الحسين
ضل ولاتجي مو خوش جية
@@@@@@@@
شهر طالعله صوت واخ مو صوت...ذوب حيل الشموع
شهر سمعنه طكت ضلع الحسين... وسط هوسات الجموع
شهر ماخلة اصبع بيد الحسين.... الاصبع يبقة ممنوع
شهر حط روحة وي عبد الله ياناس...برمح كبار مرفوع

اريدن تكتب اسم ابنك بدقة
وطعنه بفد رمح ورفع الورقة

شنو احساسك وصل وين...لان مسلوب الحسين
ضل ولاتجي موخوش جية
@@@@@@@@
شهر ماحسب حسابة اعله الغروب....شهر بالنار يلهب
هسة شلون محروگات الخيام.....وين تروح زينب
مافكرت بيهن هنه نسوان....شلون الخيمة تنطب
على التل جانت اهون جابو النوگ....مقسوملها تتعب

شهر منك شبعنا من البواچي
شهر شالع اذان. اوية التراچي

كتلت الزهرة مرتين....لان مسلوب الحسين
ضل ولاتجي مو خوش جية
@@@@@@@@@@
بيامك عفت نسوان بالچول... يلوذن بالعباية
الزغار الكامشات اطرافها هواي...زغيرات وحفاية
انه الكاتلني زينب بيمن تلوذ...اذا كلها سبايا؟؟؟
مدري شلون ضلت عايشة ام عون..اذا هاي البداية


بداياتك ذبح ونوب عالنوگ
هاي تهون گلي شلون بالسوگ

سبيات ال نساوين....لان مسلوب الحسين
ضل ولاتجي موخوش جية

@@@@@@@@@
ابو قسور العويدي @fff45

((استطاع العباس ص ان يتكلم بعينه مع عابس ع وبالتالي فأن عابس فهم المقصود
فيا ترى ماذا قال العباس ص لعابس؟؟؟؟
👇👇👇👇👇👇👇👇👇👇👇

عباس وشگال لعابس...فراَس ويخاطب فارس
@@@@@@@@
عابس من ترخص غاد .....عندة جنون للذروة
من صد عينه عالعباس ...شاف عيونه الحلوة
وضلت عينه عالعباس ........ينضر ونترس نخوة
عابس من نشدته شبيك ......گال ابعينه اتقوة

عباس ويسأله بعين..... شمحضر فعل لحسين
گام وشگ قميصة وگال... هيج الجيش اشگه ثنين

بية حرورة....هاها
بية حرورة هاها
بية حرورة...هاها ........من عاشرتك

@@@@@@@@@
عابس گرب يم عباس.... وحط بأذنه الحچاية
عباس ويكلة اليوم .....تعبس عبست وفاية
عابس شال اصبعه وگال... تبشر هاية وي هاية
قسمها الحرب عباس... كل زلمة استلم راية

من تدخل تفرهم فر....راح نباوع المنضر
كون اسمع صياح الگوم... حتى تفرح الخدر

من تتوازة...ها ها
من تتوازة هاها
.من تتوازة ........ أشرلي وفر
@@@@@@@@@
عابس من تهد للكوم.............. لاتنطيهم متونك
فشلة وزحمة من حسين......من ترجعله بعيونك
خلهم حدرك امن اتفوت....ورعد خل يعرفونك
هونك لو عشطت هناك......رد يم الخيم هونك

من تعطش تريد الماي......انه بصفك وسگاي
من بعيد انا اقراك...... شراي ونخة الشراي

مو من ايدي...هاها
مومن ايدي... هاها
مو من ايدي .....من عيني اشرب
@@@@@@@@@
عابس لاتخلص الگوم ..... طب وطشر اليسرة
فوت بنصهم ولتخاف.... ل أكبر هودج وكسرة
من تشتد يعابس حيل.........  بالك تترك المهرة
ولو حاطن عليك سيوف...بس اتنخة بالزهرة

كون تحير الدفان....يدفن كل جزء بمچان
كون الينشطر بالطول...يعدل كفت الميزان

من سطراته.هاها
.من سطراته هاها
من سطراتة....كل ميت فز
@@@@@@@@@@@
عابس رد الي وينشاف...جايب صوغه من بعيد
بچفوفة واشوف لثام... مشدود اعله گد الايد
راح وفكها يم عباس..وگله ادريك هيج تريد
حفنة من الشوارب جاب...من زلام جيش يزيد

واختاض الگمر من هل.... وطب عالگوم المهيل
يحصد بالشوارب ذيج...صارن كوم مثل التل

انفخ بيهن....هاها
 انفخ بيهن هاها
انفخ بيهن..... يصير بساط
@@@@@@@@
عابس كله يامولاي...ارجع للحرب. ممنون
رايد فرصة  منك هاي...واحنا اگرب عليك نمون
مارد الا كون وياي...مسوي گلادة من عيون
سبع الگنطرة مسميك...وانه براسي كوم جنون


ياگمگم بني عدنان... وانه بحضرتك فنجان
خل يكتبها الي التاريخ...ماهز سيفي للغمان

انة بشارة....هاها
انه بشارة. هاها
لا ما اكتل
@@@@@@@
ابو قسور العويدي @fff45

مسلم ابن عقيل صلوات الله عليه👇👇👇👇