في رجال يشترو قات لزوجاتهم
ويروحين يخزنين مع صديقاتهن
يعني اذا الرجل ابتلي فيه ليش عادهم يعودو زوجاتهم أو خواتهم عليه

القات يجلب معه مع الوقت الدخان أو الشيشة وقد يخلي الشخص يبدأ يفكر بمشروبات غريبه مثلا البعض أصبح يخلط عسل مع حليب ومدري أيش عشان يطعم القات..
القات والدخان لا يليق ب الأنثى ابدا

لان الرجل لا يريد رجل امامه
بل يريد أنثى رائحتها مسك وإسنانها كالثلج
@ALFkamah

تدخل صالون حلاقه والكل مستعجلين
هيا قدمني الاول انا مستعجل

تدخل عياده والكل مستعجلين
ويقلك قدمني انا مريض انا مستعجل

تدخل مطعم والكل مستعجلين وصيااح هياا انا مستعجل

تدخل أي مكان وكلهم هيا مشيني أنا الاول انا مستعجل

احنا الشعب الوحيد المستعجل وهو عاطل عن العمل مدري ما معهم مستعجلين😅🤔

@ALFkamah

اليوم ادوا لي نص راتب
حسبته بالسعودي طلع 150 ريال سعودي
ورجعت حسبته بالدولار وطلع 40 دولار
اخاف احسبه بالكويتي ويطلع عليا دين 😂
@ALFkamah

مساء الخير يا وجيه الخير

فقرتنا. اليوم. ترفيهيه واشتي الكل يشارك

✿وتقول الفقره
تخيل او. تخيلي انه صاحبك او صاحبتك يعزمك
وكل شويه يدخل الابن الصغير حقهم لعندك 👼🏻
ويراجمك بالصحات والاحذي. ويجي يقبصك👌
ويقول لك ماجاء بك عندنا يالله روح بيتكم😵

✪هل قد حصل لك هذا الموقف وكيف بيكون موقفك وكيف بتتعامل مع الطفل😵‍💫⁉️


للمشاركه. @ALFkamah


والنشر @FkamhSnaane2

🤏لعشاق الروايات والإثارة🩵🩷

✿سيتم انزال ( الجـــزء الـثـالث عـشـر )
من روايه ( لأنك كنت هنا )

للكاتبه والروائيه المتألقه (عبير الكبسي)



وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

🤏لعشاق الروايات والإثارة🩵🩷

✿سيتم انزال ( الجـــزء الـثـالث عـشـر )
من روايه ( لأنك كنت هنا )

للكاتبه والروائيه المتألقه (عبير الكبسي)


اخوها: امي كل مره يسيرو عرس يقولو ابسرنالك واحده، اليوم اول مره في حياتي احضر عرس صاله نسوان ولا ابسرت واحده ، كيف يبسروهن وهن ملثمات.

اخته ضحكت: قصدك بيجلسين في العرس هكذا.؟؟

اخوها: ايوه

اخته: بس هباله

اخوها: والله ماهبلا الا انتي، كنت امزح معش وشفتش متحمسه تشرحي

اخته ذكرت : يووو نسيت اقل لامي نسيت كان عينهم ع واحده وسالنا عليها وقالو مخطوبه، واليوم حاكت اختي انها فسخت

اخوها: مشتيش غيرت رأيي، ماشاركن على اختيار امي ابدا، طالما وهن مغطيات شاختار انا

ثاني يوم ..

غاده بتكلم اخوها: اشتي اسير بيتي ؟

اخوها: اي بيت؟
غاده: كيف اي بيت؟ ثيابي اشيائي كلها هانك

اخوها: ها قصدش بيت كمال ؟

غاده:ليش هو قلك أنه ماعد يشتيني؟

اخوها: ماقال هو، انتي الي قلتي ، او نسيتي

غاده: مانسيت ، بس كيف واشيائي ؟؟! عيشلهن والكل ؟

اخوها: ماشي ، شاتصل له ونسير نديهن

غاده : تمام ، قد طلقني؟

اخوها : لا كنا منتظرين تولدي

غاده: وذلحين كيف عيطلق أو ماشي؟

اخوها شافها بتحوم حول شي معين: انتي تشتي يطلقش؟؟

غاده: الصدق مافعلش شي يزعلني عشان اطلب طلاق ، كنت احس الفتره الي راحت مش طايقته ، بس بينبسر اني ظلمته، لاقد تقله اني تراجعت ، خليه نقله اسير ادي ثيابي وبعدا نبسر رده فعله

اخوها: تمام

بعد ماخرجت من عندها اتصل لكمال

كمال: عادي تجي تشل الي تشتيه

اخو غاده: بيني وبينك شكله بعد ماسار الجاهل رجعت تجمع حسها، بتحس إنه مابش سبب يخليها تطلب طلاق ومش فاهمه ليش كانت حاسه هكذك ، وانا ماشضغط عليك طبعا ، بس قلت ابلغك وانت اخبر ماتفعل

كمال: انت عارف اننا شاريها وصبرت ع الحمل ، ماكنت اشتي أطلقها ولكن ماشعيش معها وهي مش طايقتني

اخو غاده: كانت مش طايقتك ، ذلحين تغير تفكيرها شويه

كمال: خلاص ، خليها لما تهدأ من مره وتقرر هي، والان تجي تشل الي تشتي البيت بيتها

اخوها: خلاص شاوصلها للبيت واسير مشوار معي عمل وارجع لها

كمال: تمام حاضر .

في مكتبها ..

تمكين : اليوم مابحد السياره الي بتشغلنا

حنان: لانش طرحتي سيارتش قبال المحل

تمكين بتشوف يمين يسار: ايوه، بس حتى مابحد من مره، يعني ماكان موظف بالعماره هذه

حنان: يمكن عمله في هذه المنطقه ومايلقاش موقف
بس كان يجلس خيرات في السياره

تمكين: كنت قلقه منه، الحمدالله ماجاش اليوم

حنان: ضبح مابش زباين مارأيش نشتغل تعديلات الصور

تمكين: تمام .

حنان: كيف كان عرس امس ؟

تمكين: حالي ماشاءالله ، ماحسيت بتعب،

حنان: الحمدالله، ذلحين نبدأ ببقيه تعديل تصوير يوم الثلوث ، ونرجع لعرس امس .

تمكين: تمام

دخلت واحده : انتي تمكين ؟

دخلت واحده : انتي تمكين ؟

حنان: تمكين خرجت قبل شويه عترجع بعد ساعه ، تشتي تحجزي ؟

البنت : لا ، بيني وبينش جيت استفسر عليها، تعرفي وين بيتهم؟؟

حنان خافت: من انتي وماتشتي منها ؟
البنت بتهديها : سعليش، ناس يشتو يخطبوها بس ، الصدق احنا

حنان: طيب لوماتجي وتعرفي منها التفاصيل

البنت خرجت بطاقتها طرحتها لها: يمكن تخزا هي، ها خلي بطاقتي عندش لو خايفه، بس الموضوع صدق والله العظيم مابه شي غيره

حنان : تمام ، شكتب لش عنوانهم ورقمهم

البنت: وعنتصاحب لما توقع تمكين من نصيبنا وترجعي تضحكي انش خفتي

حنان ضحكت : أن شاءالله لو في خير الله يوفقها، ناولتها بطاقتها

البنت خرجت ...

في بيتها..

غاده دخلت شافت البيت مرتب مهوى ، فقدت لبيتها دخلت غرفتها مرتبه

كمال خرج من الديوان بيدور من دخل ( بيمثل إنه مش داري انها عتجي) : من ؟؟؟؟

غاده نكزت : فجعتني

كمال: العفو فجعتش، شاخرج من البيت ، تطمني

غاده: ماقلت تخرج بس نكزت فكرتك في العمل
كمال: ماسرتش تاعب, خرج من عندها رجع الديوان

غاده دخلت تشتي تجمع لها ملابس شافت صورتهم وتذكرت كيف كانت معه اخر فتره عصبيه ...

خرجت من غرفتها وراحت للديوان : كمال

كمال: ماهو ؟

غاده: تشتي شي ؟ افعل لك شي ؟

كمال: لاتتعبي نفسش تسلمي

غاده : طيب شربت علاج؟

كمال: لا ، ماقدرت اخرج لبعدا يبعد البرد وأخرج..

غاده دخلت الغرفه أدت من الدرج حبوب مسكنه وفيتامين سي ودخلت لاعنده: ها اشرب

كمال شربهن: تسلمي

غاده: انت زاعل مني؟

كمال : من ايش؟؟

غاده: لاني طلبت اتطلق ؟

كمال: ما رأيش انتي؟

غاده: معرفش، انا مدري مالي اعوذ بالله ، كنت مش طبيعيه ، غصب عني كنت اشتي اتطلق، بس الان احس اني ظلمتك لانه مابش سبب

كمال: عاد انتي مش طايقتني ؟؟؟

غاده: ماشي

كمال: طيب ليش ماتحاكيتي !

غاده : اخي قلب فوقي اخر مره قال ماعد لي وجه احاكيه ولا احاكيك

كمال: مقدر لش لاني عارف انش معيفه ، صح انجرحت منش ومازلت، حتى لو مش طايقتني مش اسلوب هكذا ، و زعلت لانش بتتكلمي عننا لاي حد ، مش لازم صحباتش يعرفين

غاده: ماقلت لهن شي بيننا بس قلت مش ...سكتت ( مشتيش اعيد اقولها لاتغثى مني)


كمال: المهم ، حتى لو كان في شي بسبب أو بدون سبب مفروض مايخرج اي شي بيننا ، الا لاهلش لو شي كبير مثل موضوع طلاق


غاده:صح كلامك

الباب دق...

غاده: من عيجي ؟

كمال قام يفتح: ماقد قلت من مادراني من جا.


اخو غاده دخل سلم عليه وتجابرو بصوت واطي شويه...

غاده ارتبشت ماقد جهزت ثيابها وقفت تشتي تخرج من الديوان ...

اخوها دخل: هيا قد انتي جاهزه؟

كمال : اين عتسير؟

اخوها: البيت كيف وين تسير

كمال: اين عتسير؟؟

اخوها بنبره تعجب: البيت كيف وين تسير
كمال: وهذا بيتها ، جت عندكم فتره عيافه وذلحين ماعد بش عيافه، او انا غلطان ياغاده ؟؟

اخوها: انا مالي دخل بشي ، انا عليا اشل وارجع ، اما اتدخل مالي دخل لأن مابش مشكله تستدعي تدخلي، سدو و رديت لي خبر شاراعي خارج
كمال: نسد على ايش !! انا الي زعلان ، وخلص سامحتها

اخوها شاف غاده : اخطى لي ؟

غاده: ليش ؟ مستعجل !!

اخوها: ايوه انتي داريه بعملي ، عتجلسي ؟؟

غاده : هزت راسها موافقه

كمال شافها مبتسمه وكأنها موافقه رأيه: اليوم عتتغدا عندنا

اخوها: انت تغدا من يد مرتك، وانا اتغدا من يد مرتي ، خاطركم، عاد مرتك مافعلت شي

كمال ضحك: شاطلب الان

اخوها: اسلم الله يحفظك قرب لاعند غاده مسك أذنها بسفاط( انا تعبت سيره جيه، غر اعقلي المره هذه اخر مره لش بتفهمي) حب راسها : الله يصلح حالكم ويعوضكم الذريه الصالحه...

ومشي
في المحل حقها..

تمكين دخلت : سرت شفت المدرسه، يشتونا نفعل لهم تصوير عشان يفتتحوا المدرسه، مارأيش العصر تقدري ؟

حنان: تمام ، ايوا صح جت واحده تدورش

تمكين: من هي ؟

حنان: اسمها فاتن صالح قالت تشتي يخطبوش

تمكين ضحكت: قد بيجو يخطبوني منش

حنان ضحكت: مع جت تشتي عنوانكم ورقمكم

تمكين: ياهمتاااه او اديتي لها !

حنان: ايوه بس البنت حلفت وادت بطاقتها أنهم يشتو يتقدموا لش

تمكين: ياهمتاه لامي دحس وانا الصدق رافضه، مشتيش شي الان، اهدأ شويه .

حنان: ارفضي

تمكين: هذا اكيد بس امي الله يحفظهم دحس ، خليني اتصل لهم أقلهم شاتغدا انا وانتي خارج ونسير نصور

بعد المغرب ...

تمكين دخلت البيت..

ترتيل: جو لش خطاب

تمكين: مسرع ، عادها اليوم جت المحل تشل العنوان

ترتيل: اتصلت تشتي وقت فاضي تجي تحاكي امي قالو لها العصر وجت

تمكين: ايوه !

ترتيل بضحكه شريره : اقلش مافعلنا

تمكين: ماهو ؟

ترتيل: جاوبت بنت عبدالوهاب قالت لها وين امش ناولتني السماعه وانا وقعت أمش ..ضحكت

تمكين: ايوه !

ترتيل: قالت نشتي نجي العصر لاعندكم، قلت لها ليش خير ومن انتو ، قالت احنا ناس ابسرنا بنتكم ونسائها ، قلت هي مخطوبه ، قالت صدق ! يلا خير

تمكين حضنتها: احلى تفاهه تفعليها في حياتي ، شكرااا

اشتي وقت الصدق ارتاح شويه من القلق بينحس كلهم ساع امجد، اشتي أنساه وأصدق أن به ناس مختلفين عنه

ترتيل: ناهي سكته لايدرو امي عيجننو

تمكين هزت راسها بابتسامه فرح تمام

في مكان ثاني

البنت بتتكلم في التلفون: والله ماكذب عليش ، سرت للمحل وشليت عنوانهم و رقمها واتصلت وجاوبتني واحده يمكن اختها وبعدين جاوبت الام وقالت مخطوبه.

البنت : اووه، خير يبقى مابش نصيب ويمكن في سوء فهم . الحمدالله اننا خليتش تتاكدي قبل مانحرج نفسنا.

صحبتها: ايوه.

البنت: تسلمي لي قوي وشغلتش معي .

ثاني يوم...( فوق الغداء)
كلهم بيتغدو..
ابن عبدالوهاب جاد عمره تسع سنوات سارح بيقلب بالملعقه ومابياكلش..

امه صيحت فوقه : كل بدل اللعب .

تمكين شافته وشافتها متعصبه فوقه: كل ي حبيبي مالك ماتاكل ؟

مرت اخوها: هكذا ، قدله اسبوع وهو قليل ادب مايسمعش الكلام لا ياكل ولا بيصلي ولابيستمع، وبيضرب اخوته الصغار

جاد تعصب قوي و رجم الملعقه: مشتيش اكل مشتيش هيا ها... حنق

ابوه صيح فوقه: اتكلم مع امك سوا لاقوم ادعسك.

ترتيل: خلاص ياخي اهدأ انت

جدته: ماتدخلين اتنين ، محد خربهم ودلعهم الا انتين، تسكتين.
جاد مقهور وبياكل اظافره قامت اخته الصغيره عمرها اربع سنوات تشتي تأكله شبس : دهفها و ضربها..

قامت امه سحبته بثيابه وفتحت الباب: يلا اخرج ، مابش جلسه هنا لوما تتعلم كيف تحترم الي في البيت ، قدك قليل ادب ، مابش دخله ... خرجته وقفلت. .

ابوه لحقه : والله لو مادعسته واوريه قله الادب كيف ، انا اوريه

تمكين: خلاص ي اخي قوا لما يدخل مش قبال اصحابه

اخوها خرج ولحقه للشارع وهو جالس باب البيت ، مسك آذانه وصيح فوقه وضربه و دخل..

عيال الحاره مابين متشمت بيضحكوا عليه ، ومابين اثنين جو لاعنده ، مالك يا جاد لمه ضربك ابوك

جاد : مالك دخل

الولد : انا جيت ادعيك تلعب معنا طز فيك ، جي اوريك معي تلفون اخي فيديوهات مضحكه .

جاد قام معهم : مايعرفش مكاننا عم اوس ؟؟

الولد : الا هو الي بيرسل لنا فيديوهات مضحكه

جاد : مشتيش اجي معاكم ،

الولد ضحك عليه : يا اخبل عيخليك تفعل نخس بحقه السجاره الالكترونيه...
جاد تعصب قوي : مشتيش قلتلك مابتفهمش دهفه
قامو العيال اصحابه يضاربو جاد

جاد خايف يدافع عن نفسه جلس يرجف يده وقلبه تتسارع دقاته ، شاف عم اوس جاي لاعندهم بياشر له يجي ، دهف الباب حق بيتهم دخل وقفل.

تمكين كانت بتضحي ثيابها بتسمع مصايحه جهال مش عارفه منهم وعلى ايش ، لما دخل شافته بيبكي وخائف يده ترجف : مالك ياجاد ؟؟

جاد تعصب بقووه وجلس يزبط الباب: بيضاربو، مشتيش العب معهم مشتيش اخرج، وامي واصل تطردني وابي يضربني وهم يضربوني ، اكرهكم كلكم كلكم.

تمكين حضنته ودخلت معه : جي انا احبك ، انت حبيب عمه كيف تقل بنكرهك ، جي عندي انا ابردلك منهم كلهم.معي جعاله خيرات مارضيت تتم جي نفعل تحدي انا وانت من يكملها الاول

جاد ضحك ومسح دموعه ومشي معها للغرفه

في بيت كمال ...

كمال بيتكلم مع ابراهيم: خلاص ماعد اشتيش محامي .

كمال بيشوف غاده مبتسم: ايوه ، سبرت الامور الحمدالله ،
خلص قلتلك رجعه ، عتديه صميل، تمام من عيني ، يلا الان.

قفل

غاده : ياسلام لمن المحامي ؟

كمال خاف تقلب: للعمل

غاده بابتسامه وعمره: ايش من عمل، قلت له سبرت الامور وشفتني ، لمن

كمال: خلص ابردي ماتشتي نذكر الي سار قلنا، صفحه جديده، كان عشان الطلاق الي طلبتيه.

غاده: هااا، خلص ايوه قفل الموضوع خلاص...اقوم اسوي لنا اشياء خفيفه ونجي نجلس نشوف الفيلم

كمال: تمام

لما خرجت رد ع رساله ابراهيم ر: هي تغيرت مع الحمل وفعلا بعد الحمل حست بتانيب ضمير وتراجعت عن قرارها، وانا قررت ماحمل في قلبي ، يكفي ظلمت واحده بحياتي، مشتيش اظلم هذه كمان.

في بيتهم .

تمكين بعد ماهدأ واكل جعاله وجالسين يضحكوا وتذكر له مغامراتها وطفولتها مع ابوه وعمته ترتيل

جاد : ياعمه كنتي تخافي من من وانتي صغيره؟؟

تمكين حست بتوتره وهو بيشد على اصابعه بيداته مسكت يده: كنت افتجع من جده معهم عصيه يلاحقونا بها و ابي وامي

جاد: ولما تخرجي الشارع من من تخافي؟
تمكين ماتشتي تقله من اي حد ، تشتي تسحب منه كلام من بيضاربه : يمكن حين قد كبرت مابينتذكر، يمكن لو تكلمني انت اتذكر واقلك

جاد : شاقلش اشياء واشياء ماشي سر خطير

تمكين بضحكه مشوقه : اشتي اول شي اعرف السر الخطير

جاد : مع ياعمه ،والله إنه خطير قوي قوي ولو قلتلش عيوقع شي خطير قوي

تمكين وصلتها رساله من سحر: كيف انتي ، وين مغيبه ،طمنيني عنك ان شاءالله احوالك تمام : ردت عليها : كل شي تمام الحمدالله ، تسلمي قوي على دعمش ونصايحش

جاد: ياعمه ! من بتحاكي ! او قلتي لبابا ان معي سر ؟

تمكين : لا ، انا بينكلم صحبتي الي قلت لها كل اسراري وساعدتني وحلت لي مشاكلي بعصيه سحريه

جاد بسخريه: معها عصريه سحريه؟ ياسعم انش مسلسل كرتون

تمكين: والله إن معها حلول ساع العصا السحريه ، تذكر لما كنت تعبانه ووحدي ومعي مشكله وسر قلت لها وصلحت لي مشكلتي

جاد : انتي والكل كان معش سر خطير؟ من هددش ! وانتي لما قلتي لها السر ، ماقتلوش جدو ؟ ابوش!!
تمكين خافت من كلامه ماعرفت تتصرف معه كيف : ايوه معي سر وماخفت من الي هددني ، لان الي يهددك خواااف مايقدرش يفعل شي يخاف لاتفضحه يرجع يفجعك، ساع اختك لما تقلها لو تلعبي بسيارتي ابو ريموت عتقرح في يدش وهي تفتجع وانت تفرح صح؟

جاد : ايوه

تمكين: طيب بتقرح صدق؟

جاد:لا


تمكين: قالو لك عيقتلو بابا؟

جاد : ايوه

تمكين: بابا معه مسدس وبابا قوي مايفتجع من حد


جاد : صح، حتى لما يتضارب مع حد بابا قوي اقوا منه، هو عادو صغير

تمكين: يعني عتقلي السر.

جاد: تمام، اسير الحمام واجي ... راح

تمكين سجلت صوت سريع لسحر كيف تتعامل معه وشرحت لها حاله الخوف الي فيه وتهديد وايش ممكن يكون السر وموضوع التهديد وكيف تتعامل معه

سحر : خليكي معه هادئه مهما قال انتبهي تعملي رده فعل صدمه او خوف او تحضنيه وتحسسيه شي خطير الي حصل ممكن يقلك كلام مش جاهزه تسمعيه، المهم انا معك خطوه بخطوه اديله الامان والثقه عشان يحكي

تمكين: انا هكذا سويت معه لما شفته اليوم زعلان ، ابوه وامه زعلوه وخرج يلعب و زعلوه اصحابه ، فجلست معه شفته بدا يسالني

سحر: حلووو معناته الولد حابب يتكلم بس يحتاج امان ، في بعض اطفال عنيدين جدا جدا تطلعي الحرف والكلمه منهم بعد صبر طويل وعده جلسات ..

تمكين شافته دخل الغرفه طرحت تلفونها ومبتسمه له: اهلا بصاحبي ، وينك من زمان ماتصاحبني ، وانا وحدي ضابحه واصل ، هيا نتصاحب ( مدت اصبعها الصغيره)

جاد فرح مد إصبعه : هكذا يعني تصاحبنا؟

تمكين: ايوه ، ومعناته انحنا اصحاب وكل واحد يقل للثاني اي سر يشتيه، بس بشرط مايقول ولا لحد ، توعدني ماتقلش لحد الاسرار الي شاقلك؟

جاد: وعد ، وانتي اوعديني

تمكين: وعد

جاد حضنها بعدين بعد بسرعه:ولو يوقع بابي شي؟

تمكين: انت تعرف كم احب بابا؟ ماسخاش يوقع له شي، ممكن مساعده ننبهه نقله ينتبه لنفسه من الي بيهددك بتبوك عشان ينتبه

جاد: صح، عم اوس عادو اصغر من بابا ، ومابش معه مسدس بس معه سكينه لو تبسري كيف يقطع بها الكرسي حق السياره يفجع السكينه حاده قوي

تمكين : اهاا، ايحين شفتها؟

جاد: لما خرجها يورينا قال لو تكلمو حد السر لاقطع لسانه وارجع اقتل ابوه واهله.

تمكين: وايش السر الخطير هذا

جاد ينفع اشاورش؟

تمكين : شاورني ومابش حد في الغرفه تطمن قوي

جاد: تمام

تمكين بتسمعه

جاد: كان يورينا بالتلفون فيديو شوعه قله ادب ، وقال هذه لعبه من يشتي يلعب بس بشرط لايكلم حد سر ولو حد تكلم عيقطع لسانه

تمكين: ايوه ولعبت معه؟

جاد: ماشي لما سمعت صاحبي بيصيح وهو يضربه خفت وهربت
تمكين: يعني وراك الفيديو الشوعه؟

جاد: ايوه

تمكين خافت ومثل ماقالت لها سحر تكون هاديه: اول شي انت اشجع ولد في الدنيا لانك هربت لما سمعته بيضرب صاحبك. يمكن كان يشتي منه شي شوعه وشي مش صح وغلط قوي

جاد حس براحه لما شاف ماضربته او صاحت هز راسه ايوه

تمكين: والفيديو هذا الي شفته ناس شوعين قوي بيعلمو الناس المؤدبه اشياء غلط عشان يقولو لهم عادي وهي لعبه، وهذه مش لعبه اصلا ، مابش لعب شوعه هكذا، هذه الالعاب غلط والله بيعاقبنا عليها

جاد: قلي لامي مشتيش اخرج وهي تصيح فوقي وتطردني كل يوم ،بينهرب منهم عشان لايخلوني العب معهم بالصميل.

تمكين: مابش حاجه بالصميل ،حتى لو خرجت الشارع ولعبت ، او صادف خرجت تنفع حد او كبرت ودخلت مدرسه او سايرت ناس سيئه ، دافع عن نفسك ولو الشخص اقوا منك صيح، الي يهدد يخاف حد يكشفه ، لو صيحت بيخاف ويهرب قبلك والي يداعيك او يوريك شي شوعه لاترضاش والي يقرب منك ويمسكك ادهفه ازبطه وصيح وقاحص وراجم بالحجار ،اول ماتوصل كلم بابا وماما وكلم اي حد

جاد: بينقلش ياعمه اكبر مني معه سكين مافعل، ابي عيضربني مابيصدقني ابدا يقلي انت كذاب انت الوقح

تمكين: صح ، معك سلاح قوي اقوا من السكين ، انك تصيح بكل قوتك صيح ولو حد خطي قله هو عيهرب مايعيفعل بالسكين شي لانهم عيحبسوه ويقتلوه، اما ابوك بيقلك هكذا لما انت تشاغل اخوتك وتحانبهم، بس لما يكون الموضوع مثل هذا كبير لازم تقلهم ابوك عيحبسه

جاد : هز راسه تمام

تمكين: في اماكن في جسمك ممنوع حد يشوفها ويقرب منك ويمسكك حتى لو صاحبك حتى لو اخوك حتى لو خالك عمك ابوك اي حد ، لانك كبير خلاص ممنوع حد يشوفك ،وحرام.

جاد بيسمعها ويهز راسه تمام : شاف كاميرتها ، علميني ياعمه اصور

تمكين مسكت الكام : بتعلمه وتضحك معه ، لقبل المغرب وقد ، غطته بالبطانيه وخرجت لاعند اخوها ومرته.

تلفونها معها بتكلم سحر الي سوته وايش تسوي وكيف تكلم اهله وسحر بتنصحها ...
الوقت ضيق قبل مايصحى جاد لازم تكلمهم...

عبدالوهاب : ياااي عتخبطي راسش بالباب ، قد انتي ساع الجهال بالتلفون

تمكين شافته بنظره بدون ابتسامه: ياخي اشتي اكلمك انت ومرتك

عبدالوهاب: لاتتوسطي له هذا الكلب ، مابش دخله لما يأذن
تمكين تنرفزت: يا اخي مش وقت الهنجمه حقك اسمعني ...

شافت بنت اخوها الصغيره والكبيره جالسات يسرحين عروسه بنت اخوها: سيرين غرفتكن اشتي اكلم بابا شي على عملي خاص

خرجين
تمكين: قفلين الباب

اخوها: مالش ؟ في شي !! حصل لش شي ؟؟

تمكين: ايوه اشتي الفزعه هذه لابنك وجهالك، انا كبيره قادره احمي نفسي ( اضطرت تكلمهم بطريقتها صح او غلط مش مهم ، اهم شي يعرفوا قبل مايصحى ابنهم )

مرت اخوها: مالش اديتي لي القلق اجلسي تحاكي

تمكين جلست بدات تشرح الي حصل كله

اخوها متنرفز: من هو.؟؟

تمكين: اسمع اول ياخي مش مهم من هو، المهم انت ومرتك تغيروا تعاملكم معه

اخوها: كلميها واصل اقلها تبطل عصبيه فوقهم

مرته: ياسلام ومن الي لحقه للشارع يضربه

تمكين: اذا هكذا انتو فكيف تشتو يحاكوكم بكل شي، عيخافو تتصايحو بسببهم ولاواحد فيهم عيقلكم بشي

اخوها: كملي

تمكين: المهم انا كلمت صحبتي في مصر دكتوره نفسيه وقالت يحتاج له كلام توعيه اكثر احتواء من الاب والام ، مايخرج الشارع وحده ولو خرج

مايخرج الشارع وحده ولو خرج خليك مراقب له ، ادي له ثقه قدام عيال الحاره بدل ماتضربه لان المتحرشين بيعرفو عن شخصيه الضحيه اولا وبعدين يقربو منهم، اكثر ناس بيستهدفوهم هم الي راكنين إن الاب بالذات الي هو مصدر امان مش مصاحب او قريب او بيحترم ابنه ، بيعرف إنه مابش معه سند وانه واصل مختلفين ومستحيل يكلمك ، الان عصبيه جاد وقاحته مراددته طبيعيه جدا بسبب الي شافه والتهديد الي حصل له،

مرت اخوها : ماعد بش لحد فيهم خرجه

تمكين: ايش عتستفيدي عتخليه ضعيف شخصيه ، لازم تدي له الثقه وتحميه هو وخواته لازم توعيه بشكل مستمر ولو موضوع محرج وحساس وعيب يتقال لهم بس لازم يفهموه بطريقه توعيه دينيه ، كلمي البنات كمان لاتقليش هن عندي ، في صاحبات في ناس محد عارف ولامتوقع من فين يجي الاذيه ،

اخوها: قد راسي بيفور حرام مافلته

تمكين: من ؟؟؟ مصيبه لو تحسسوه اننا قلت لكم،

اخوها : مش انتي، شاراعي مثل ماقلتي اتقرب منه ويكلمني هو، بس هذا الكلب الي بيجلس مع جهال .

تمكين: لاتفعل شي بدون دليل لانك لو قدمت شكوى لازم دليل

اخوها: شاعرف وين بيشلهم ولا وين بيجلسو وافعل له كاميرا او تسجيل صوت اهم شي شافضح ابوه واحبسه.

امه بكيت: جعلي خير على ابني .
تمكين: يامنعاه لاتبيني له، وبالتدريج ترجعي تتقربي منه حسسوه بالحب ، عيدميلاده جاي افعلي له حفله ، او خرجهم ياعبدالوهاب.

ثاني يوم الصباح..
تمكين تشتي تجنب قدام عملها: اليوم معنا سياره جديده، وين صاحبها اووف ذلحين اوقف بعيد واخطى مسافه

دخلت المحل بدون ماتلتفت للسياره الي واقفه

السياره مشيت
تمكين سمعت صوت سياره اشتغلت لفتت وقد المكان فاضي دخلت المحل: يعني اول ماوصلت مشي ، يلا الحمدالله خطيت لي شويه

حنان بتضحك: صباح الخير

تمكين: اسفه دخلت بينتضابح من الي وقف بقعتي، صباح النور .

حنان: اسفه قوي قوي قوي نسيت امس اذكرش واقلش معش موعد تصوير اليوم

تمكين: جبرني بش صدق موعد ايش ؟.

حنان: يعني الحمدالله مش عرس ، حفله خطوبه

تمكين: فين وكيف اين التفاصيل؟

حنان: اعتقد بيت !

تمكين: بيت ايش ؟ انتي عارفه يا حنان مابينسير اصور في بيوت ابدا ، ليش قبلتيه؟

حنان: قبلته فتره ماكنتي عتبطلي العمل الحجز له شهر ونص

تمكين: يبقى تسيري انتي ياقمر ، انا اهلي مانعين اسير اصور بيوت مابلا قاعات حفلات تخرج ،او مزارع، غيره ممنوع.

حنان: طيب شاسير انا .

تمكين: خلص تشتي تسيري الان تتجهزي سيري ،وانا شاجلس هنا اكمل تعديلات صور، واسلم لزبونه صورها و اروح

حنان : تمام، كتبت لش في الورقه المواعيد الي حددتها مع زبائن يجين اليوم يحجزين بالساعه عندش

تمكين: تسلمي لي ياقمر ..

تمكين: تسلمي لي ياقمر ..

حنان ودعتها ومشيت.

تمكين جلست تعدل قبل موعد تسليم الصور ،واخر صور بتعدلهن كانت ابتسامه اخو العروسه الاخيره الي سارت عرسها بتضحك من ابتسامته تذكرت الموقف ...

سمعت صوت واحده : صباح الخير ..

تمكين لفتت نص لفته : صباح النور...
مره ملثمه مع الشخص المبتسم في الصوره ..
بينها وبين نفسها ( يمه سعمن عمره ، ماشاءالله )

العروسه: انا العروسه

تمكين وقفت مدت يدها:اهلا يادكتوره، كيف انتي

العروسه: الحمدالله ، جينا بدري وقبل الموعد عارفه بس والله مستعجله، شاسافر الظهر فكنت قريبه منش قلت اعاجلش شويتين

تمكين: طيب تفضلو ارتاحوا، عادي عندي انا، مشتيش بس اخذ من وقت لو معش مشاوير

العروسه: عادي شاراعي نص ساعه ساعه بالكثير ؟ صح!

تمكين لفتت لها وشافته غير الصور قليل ابتسامه وشخصيته مختلفه شويه : إن شاءالله اقل لاني وصلت بدات بهن على طول وقدنا في اخر الصور، الفيديو جاهز عدلته.
العروسه فرحت: تسلمي قوي قوي

تمكين : الله يسلمش.
بعد عشر دقائق ..
العروسه وآخوها بيتكلموا ويضحكوا ..الخ

هدوء شويه

العروسه: ذلحين يافنانتنا في عرسش من عيصورش؟مثلا انا دكتوره شاقدر اعالج نفسي بس انتي كيف عتصوري نفسش

تمكين ضحكت: عتعالجي نفسش بس من غير شر لو احتجتي عمليه من عيفعلهالش؟

اخوها ضحك: ذكيه ردت عليش

العروسه: اكيد شاختار افضل دكتور او دكتوره حسب من الافضل والحاله ، بس في حالتش انتي اشوفش المتمكنه والي اكله جو الكل

تمكين: شاختار الافضل ، ولو تشتي الصدق تحديدا شختار مساعدتي ، هي صورتني لما انخطبت.

العروسه: مش قلتي فسختي ؟

تمكين: ايوه لما كنت مخطوبه

العروسه لفتت له وشافتها: اها ، يعني ذلحين سنجل

تمكين بخجل شويه: نعم

العروسه: يلا عقبال الخطوبه الجديده.

تمكين مش قادره تتكلم لان اخوها موجود مستحيله اكتفت بابتسامه لها : تعالي شوفي الصور لو حابه هكذا ولو عندش شي مطلوب ثاني

العروسه قربت منها جلست تعدل معها في اغنيه الفيديو واول صوره ايش تكون...

اخوها بيسترق نظرات لهن ويرجع ينزل نظره، رن تلفونه ، قام وقف وبيتمشى في المحل ويتكلم عشان لايزعجهن.

العروسه: في واحده سالت عليش في العرس فكرتها تشتي تحجز موعد تصوير، بس طلعت بتسال عليش ، قلت لها فسختي مارضيت تصدق جت وسالت عليكم وكلمت اهلش قالو لها مخطوبه

تمكين ضحكت: ها يعني طلعت من طرفكم ، والله يا عزيزتي حاليا رافضه ارتبط او انخطب يمكن تعقدت يمكن محتاجه وقت مع نفسي

العروسه بتحاول تسحب منها كلام : شكلش حبيتيه لما رافضه بعده تنخطبي
تمكين: او كيف فكرتي، لا ابدا بالعكس ، ماحبيته وماتفقناش اصلا ، ففسخت



وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

💫المسؤولية مش بس انه يوفر فلوس!

🤎المسؤولية هي القوامة
يعني مسؤلية كاملة تجاهك، معنوية ومادية🤎
مسؤولية تجاه زعلك انه يحتويه
تجاه مخاوفك انه يحسسك بالأمان💖
تجاه حتي تفكيرك انك ماتفكري كثير وانتي معه
المسؤولية والقوامة انك ماتهوني عليه
انك تكوني بنته قبل ما تكوني شريكة حياته❤️
@ALFkamah

عندما ينام الزوج مجروحًا…
والزوجة تدير ظهرها!

كم ليلة أغمض فيها عينيه وهو لا يريد النوم
بل يريد حضنًا يُطفئ النار في صدره؟
كم مرة تظاهر بالقوة وهو في داخله مكسور
ينتظر منها كلمة “تعال، خلينا ننسى الزعل”؟
لكنه بدلًا من ذلك، وجد ظهرًا باردًا،
وصمتًا أقسى من الخلاف نفسه.

الخلافات بين الزوجين عادية… نعم.
لكن أن تناما وكلٌ منكما يغرق في وجعه فهذه ليست حياة، هذا شرخ خفي يكبر كل يوم
الرجل يا سيدتي لا يقول “أنا موجوع”، لكنه يقولها بعينيه، بصمته، حين يفقد شغفه بالكلام، حين تتثاقل أنفاسه وهو بجانبك وكأنه بعيد أميال.

المرأة التي تفهم هذا، هي التي تعرف أن لمسة يد في لحظة خصام، أغلى من ألف هدية.
الاعتذار ليس ذلًا، بل هو تاج على رأس الزوجة الحكيمة. والتنازل ليس خسارة، بل هو انتصار على شيطان الهجر والبعاد.

متى ستفهم بعض الزوجات أن أقوى كرامه
هي بيت عامر، وقلبان متعانقان حتى في الخلاف؟
لا تدعي عنادك يسرق منك رجلًا يحبك، ولا تتركي الكبرياء يهدم ما بنيتموه سويًا.
@ALFkamah

من يضرب زوجته هذا مش رجال❌
❌الرجل الذي يمد يده على زوجته مش رجال
❌ الرجل الذي يشتم زوجته ويهينها مش رجال
❌ الرجل الذي لا ينفق على زوجته ويتهرب من مسؤلياته ويتركها محتاجة مش رجال
❌ الرجل الذي يعاير زوجته بشكلها أو بجسدها مش رجال
❌ الرجل الذي يقضي الليالي ساهر خارج المنزل متناسيا واجباته تجاه بيته وزوجته مش رجال
❌ الرجل الذي يسمح لأهله بإهانة زوجته والتعدي عليها ولا يدافع عنها مش رجال
❌ الرجل الذي يجعل زوجته تخاف منه بدلًا من أن تأمن وتستأنس بقربه وتحبه وتحترمه مش رجال
❌ الرجل الذي يتصيّد الأخطاء مش رجال
❌ الرجل الذي يهين المرأة في كل لحظة مش رجال
❌ الرجل الذي لا يُقدّر تعب المرأة وحالتها النفسية وتغيراتها الهرمونيه وضغوطها مش رجال
❌ الرجل الذي يعيش على أموال المرأة مش رجال
❌ الرجل الذي يترك المرأة تنفق على البيت بينما هو جالس لا يعمل وهو ليس مريضًا مش رجال
❌ الرجل الذي يسمح لكل الرجال تبادل الحديث مع زوجته دون غيرة منه وخوف عليها مش رجتل
❌ الرجل الذي يشتم المرأة مش رجال
❌ الرجل الذي يعد امرأة بالزواج ثم لا يفي بوعده مش رجال
❌ الرجل الفظ اللسان والذي يفضح امرأة أو يسيء إلى سمعتها هذا مش رجال
❌ الرجل الذي يسمح لزوجته أن تتحكم فيه
وتسيطر عليه هذا مش رجال ولكنه بلا شخصية

✅الرجل الحق هو الرجل الطيب، الحنون، صاحب المروءة، رزق لا يُقدّر بثمن
هو من يسند، ويحتوي، ويُحنّ، ويهتم، ويقوّي، ويغار ويضحي من أجل شريكة حياته.

@ALFkamah

يسعد مساءكم ويسعد اوقاتكم بكل خير

وفقرتنا اليوم نقاشيه ولازم ان الكل يشااااارك
وتقوووول الفقره

✿ ‏سؤال رقم 1

اي الاشياء اذا انكسرت لا تجبر بسهوله؟ ولماذا⁉️

1- كسر القلب .
2- كسر الخاطر .
3- كسر الثقة .


✿: سؤال رقم 2 ؟؟؟
المراقبه بعد انتهاء العلاقه
هل هو فضوموووول ام بقايا شعور ⁉️

💢ازعفوا مشاركاتكم لهانا☜ @ALFkamah

وكذلك الى هذا البوت☜. @ALFkamah_bot


والنشر بيكووون هانا @FkamhSnaane2

من يتذكرررررر العيد ايام زمان
هذا الفيديو مابيتذكره الا العظماء
جيل الثمانينات وجيل التسعينات

@ALFkamah

أكبر مُعلم لك في حياتك هي تجاربك الشخصية

في الحياة، لا أحد يُعلّمك مثل تجاربك. وحدها المواقف التي عشتها، والقرارات التي اتخذتها، هي من تصقلك وتُريك حقيقتك
ليس الألم هو العدو، بل هو المعلم الصامت الذي يُريك كم أنت قوي. وكل خيبة، كل سقوط، كل لحظة شك... كانت خطوة نحو وعيٍ أعمق ونضجٍ أكبر.

أعظم الدروس لا تأتي من الكتب، بل من اللحظات التي كدت أن تنهار فيها، ثم وقفت.
ومن العلاقات التي ظننتها الأمان، ثم اكتشفت أنها تستنزفك بصمت. حين تُبعد من يؤثر عليك سلبًا، فأنت لا تهجر، بل تختار نفسك، تختار سلامك، وتقول: "أنا أستحق الأفضل."

كل تجربة مرّت بك، علمتك شيئًا.
وكل وداع، فتح لك باباً أجمل. لا تندم، ولا تلتفت كثيرًا للخلف. امضِ في طريقك وأنت ممتنّ
لأن الحياة كانت معلمًا صادقًا...وإن قست.
@ALFkamah

🌺كيف تكوني ملكة في نظر زوجك 🌺

أن تكون المراة الزوجة والصديقة والحبيبة
فتملأ حياة زوجها كلها ...فتكون السرور لقلبه والاعجاب لعقله .والمتعة لسمعه والانصات لحديثه ...فتكون له كل نساء العالم ...
اجعلي زوجك يحبك ...فإن احبك زوجك كنتي له ملكة جمال العالم ... ولو كنت في العين عادية

غيري دائما من مظهرك وكوني أنيقة ... فالمظهر له تأثير على النفس والأناقة المتجددة للزوج تسكر الزوج وتبدو له وكأنها مائة امراة

انصتي إلى زوجك بمحبة وإعجاب ...
حتى ولو تفاخر بنفسه كطفل صغير ...
ووفري الراحه لزوجك في بيته وكوني انيسة وحدته وانسيه متاعبه وهمومه..

هناك كلمه مهمه وسهله ورائعه تسعد المراة وزوجها وهي كلمة الشكر.فهي تملك قلب زوجها.

انظري الى محاسن زوجك قبل عيوبه فكل انسان له محاسن وعيوب وساعديه للتخلص من عيوبه

اذا اردتِ شيئا منه فاستخدمي رقتك وحنانك وانوثتك وعقلك.فالرجل يذوب بانوثة المراة

اذا غضبتي من زوجك فاصمتي واغلقي فمك واحترسي من لسانك ..واذكري الله
فالمراة حين تغضب تلدغ زوجها وتطعنه في مواطن ضعفه وسوف يحقد عليها ..

اقصر طريق لقلب الرجل معدته.فاعرفي ماذا يحب زوجك ومايكرهه وتفنني في إسعاده...

ادفعي زوجك الى الخير مااستطعتي وادفعيه الى بر والديه وذوي رحمه...ولا تتضايقي ابدا من بره لاهله بل افرحي لانك تزوجتي رجلا اصيلا..

كوني حمامه سلام في حياة زوجك ....
فلا تكرهي اليه الناس وتنزعيه من الاصدقاء وتذريه وحيدا ..
فلا تدفعك غيرتك الى قطعه من اهله فسوف يكون حاله وحيدا..

الغيره الزائده مفتاح الطلاق والغيره في غير مكانها تسمم الزوج وتدفعه الى الهرب منها والبحث عن غيرها

اهتمي بمظهره .وذكريه باوقات راحته .
لاتسترجلي وكوني انثى من الراس حتى القدم

اذا كنت تحسين ان كلمات الحب الزم لك من الطعام فاعلمي ان احترام الزوج اهم من كل شيء
لا تكوني بخيله بعواطفك وحنانك إتجاهه

اعتبري زوجك طفلك ودلليله واعتني به ولاتنشغلي عنه بشي وكوني متفهمة لزوجك ... ولاتهدمي حياتك بسبب عدم تفهمك له...

@ALFkamah

ليس كل ذكر رجل ..
وليس كل زوج رجل ولا كل أب رجل
الرجولة الحقيقية هي أفعالك هي أهل بيتك ...
لما تدخل بيتك كيف زوجتك وأولادك عاملين فرحين أم في حزن وخوف
هل دخل عليهم رجل أم ذكر غوووول ....

أن تكون رجلًا في بيتك هو أن ينتظروا عودتك، لا أن يتنفسوا الصعداء عندما تغلق الباب من ورائك.

أن تكون رجلًا في بيتك هو أن يحبوا أن يخبروك بأشياء كثيرة قد لا يكون بعضها مهمًا، لا أن يتجنبوا قدر المستطاع إخبارك بأكبر قدر ممكن من الأحداث خوفًا على مزاجك الذي ينقلب بسرعة.

أن تكون رجلا في بيتك هو أن تسألهم عما ينقصهم، لا أن تذكرهم دائمًا بما قمت بإحضاره.

أن تكون رجلًا في بيتك هو أن تتأسف إذا غضبت وأخطأت، لا أن تتمتع بأن يحوموا من حولك ويتمسحوا فيك بعد غضبك وإساءتك وأنت تبتزههم بانك رجل البيت.
@ALFkamah

‏"وتبقى المرأة -إلى الأبد- تستشعر الأمان في وجود الرجل الكريم -كرمًا وكرامة-

والطيب الذي لا يخرج منه إلا طيبا، والسويّ الذي لا يذيقها عقد نقصِه، والحنون الذي يصير لها أبًا آخر

والطفل الذي يصير لها ابنًا أول، والصاحب الذي يكون لها زوجًا تستند إليه
ويكون لها صديقا ترى معه الحياة دار أمان🤎
@ALFkamah

غداً يوم الترويه
يوم التروية هو يوم الثامن من ذي الحجة،
وينزل فيه الحاج بـمشعر مِنى ويؤدي بها صلاة الظهر والعصر والمغرب والعشاء والفجر.
وسُمي بهذا الاسم لأن الناس كانوا يتروّون فيه من الماء بمكة ويخرجون به إلى مِنى وعرفات ليكفيهم حتى اليوم الأخير من أيام الحج

اللهم وفى يوم التروية.. ندعوك ربنا أن تروي قلوبنا بالإيمان وبفيض من رحمتك لا نشكو بعده همًا، وامنن علينا بعفوك وغفرانك...
اللهم اروي ظمئنا يوم العطش الأكبر وارزقنا شُربةً من حوض نبيك لا نظمأ بعدها أبدًا وارزقنا رؤية وجهك الكريم في أعلى جنات النعيم...
أسأل الله أن يروي قلوبنا صدقا وعدلا واحسانا ويملؤها إيمانا إلى أن نلقاه 🤲
#يوم_التروية

@ALFkamah