🤏لعشاق الروايات والإثارة🩵🩷

✿سيتم انزال ( الجـــزء السـابع والـعـشـرون )
من روايه ( لأنك كنت هنا )

للكاتبه والروائيه المتألقه (عبير الكبسي)


ترتيل : نذله من عيفتح لش محل خاص وانتي بتشلي حقش و زياده من عند تمكين كم قلتلها لاتطمعي البنت ولاتسمع ( فتحت تلفونها وصورت الورقه ) رسلتها لتمكين

شافت الادراج فتحت الحاسوب :مابش شي اي شي فاهمه فيه عشان تقلها ايش ناقص ايش تسلم ، البنت مش كاتبه اي تقرير...

غلقت المحل و روحت ...

مرت عبدالوهاب شافت جاد دخل: والله لاضربك وين سرت بدون ماتحاكيني قلقت عليك

ترتيل دخلت بعده: هو كان معي لاتعسيه

مرت اخوها: وليش ماتحاكيني قلقت الدنيا عليه، افتجعت

ترتيل: اسفه والله ، جاد لحق بعدي يفتح لي الباب وشليته معي

امها: وين سرتي وانتي وقت غدا ، ايش من منفعه

جاد : سرنا محل عمه تمكين

ترتيل شافته ماعد ينفع تبهرر له

امها: مامعش ؟

ترتيل: سرت تحتاجني ارسل لها ملف ورجعت

امها: ماعد بش وقت الان تخطي فيسع تلبسي، انتي داريه إنه معنا عرس ولا ماشي

ترتيل: ايوه كل شي جاهز ثيابي شعري ، الان شاخطى اصلي وابدل

امها : معش ربع ساعه
بنت عبدالوهاب : يا جده ماعيكفيش الوقت
نص ساعه ، وبعدين عاد الساعه ثلاث ونص ، اربع نخطى
ترتيل بصوت واطي: ناهي دعممي سيري البسي ( عنبسر من عيخطى بعد ربع ساعه وانا الي شاشلهم )

بنت اخوها: يوو مابحد عمه تمكين معنا اول عرس نسير بدونها

ترتيل: كانت هي الي تحاول تبقي لنا شويه حسنات حين تدعممنا لما نحش

بنت اخوها : سهل عنوصل لها كل شي شفناه عتشاركنا صميل

مرت عبدالوهاب : هياااا ، ماشي والله لاتدخلين تغسولين حق الغدا

دخلين كل واحده غرفتها ..

ترتيل وصلت رسلت لتمكين وعادها مافتحت ولاشافت الرساله

صلت العصر ، ولبست سريع ولان امها معهن فعلت مكياج خفيف لانها بتصيح فوقهن..

في اندنوسيا
تمكين : احلى شي سويناه طفينا التليفونات ، نعمه واحد يرتاح...

مهاب : يمكن انتي بسبب عملش انضغطتي لما كنتي محتاجه هذه الراحه

تمكين حبت تشوف ردة فعله هل فعلا كل الرجال هكذا ؟؟

مهاب : تمكين

تمكين بنفس اللحظه دعته: مهاب

جلسوا يضحكوا

مهاب : تحاكي
تمكين: اول انت

مهاب : هيا ، النساء اولا

تمكين عدلت جلستها وبتصلح حجابها : احم ، طيب مارأيك لو تركت العمل عتكون مبسوط ؟

مهاب : من اي ناحيه ؟

تمكين : اننا اتفرغ للبيت ولك وللجهال في المستقبل

مهاب جلس يشوف قدامه البحر : ماتفرقش معي يعني الموضوع ماعيبسطني او يزعلني انش تتركي العمل ، بس في الاخير القرار يرجع لش

تمكين : يعني ماتحب اننا اجلس في البيت !

مهاب : احب تسوي الي تحبيه، إن كانت راحتش البيت فاجلسي، وان تشتي تشتغلي اشتغلي

تمكين ضبحت وبتحس إنه بيبالغ او متسرع او ماقد عنده خلفيه حول انشغال المره :طيب افرض العمل اوقات يشغلني

تمكين ضبحت وبتحس إنه بيبالغ او متسرع او ماقد عنده خلفيه حول انشغال المره :طيب افرض العمل اوقات يشغلني يأخرني ، شاقصر معك في طبخ في تواجدي اوقات

مهاب : تمكين الزواج وانتي دورش في حياتي مش طبخ بس وتكوني مسخره لخدمتي طول اليوم ، من حقش طالما درستي وتفوقتي ودرستي جامعه وحلمتي ، و اسستي نفسش لعمل انش تسوي شي تحبيه ويسعدش ، انتي مش ملزمه تساعدي مصاريف بيت ، إذا اشتغلتي لنفسش ، ولو قصرتي في مطاعم ولو غبتي ، برضو انا معي شغل وشاكون اغيب ،

تمكين بنظرات تخوف يتغير في المستقبل : يعني انت ملاك او عادك بتحبني وفارح بي ، طيب ولو وقع لك جهال ماعتقليش اجلسي عشان جهالش

مهاب: مش ملاك والله ولابينقلش كلام افعل نفسي به واوو، عارف ان الاغلبيه تفكيرهم غير ، شوفي من ناحيه يمكن اكثر شي مخليني مرن معش، هو عملش مستقل مريحني قوي

تمكين بابتسامه: خراط ، وانت شريكي

مهاب ضحك مسك يدها باسها: وانا شريكش وانتي شريكتي ، اكمل لش : انتي ام ، عتكوني اكثر مني ومن اي حد يهمه مصلحه عيالها ومتاكد عتسوي الانسب وقتها ،

تمكين: ولو ماسويت الانسب

مهاب : شاقلب الوجه الثاني

تمكين: الي يعجبني الصوره

مهاب ضحك : مجنونه مابش فائده لاهنجمه ولا غيره معش

الحياه يا زوجتي الجميله ، حلوه بالتفاهم يكون الطرفين راضي فيها مش حد يتنازل عشان حد كل مره، مره مني مره منش ،

تمكين : انت هكذا من زمان ،؟؟ او الايام والمواقف غيرت فيك ؟؟

مهاب : لا طبعا ، لو عرفتيني زمان ماكنتي وافقتي بي، كنت ضد كل شي الصدق، لما سافرت وشفت المرأه كيف لها دور بالمجتمع ،او حتى لنفسها وبتنجح فيه، قلت حرام كيف بنمنع البنات في اليمن يدرسين يشتغلين يسوين مشاريع ويبدعين فيها، دعمت خواتي بعدها الصغار يدرسين وساعدتهن برسوم دراسه تخصصاتهن الي سحبتها

تمكين: احلى مافيك صراحتك، بتخلي مصداقيتي في كلامك يوم عن يوم تزيد

مهاب : بس صراحتي ، جرحتي احاسيسي

تمكين فتحت شنطتها خرجت لصقه

مهاب : ايش هذه ؟

تمكين: لصق مشاعرك

مهاب شافها بتزبج هكذا قام وقف : انتي ماقد شفتي شقاوتي كيف

تمكين بتشوفه بيقرب

مهاب مسكها جلس يدغدغها

تمكين بتجري وتهرب منه

كان الساحل في المكان الي هم فيه فاضي بيضحكو ويرسموا قلوب على الشاطئ ويجربوا خطهم ويكتبوا لبعض كلمات ...


في اليمن في العرس جالسات عن وام تمكين ومرت عبدالوهاب وترتيل وبنات اخوها في الطاوله...

ام ترتيل بتشوفهن يتجابرين ويضحكين : قومين ارقصين

ترتيل: ابسرو كم بيرقصين والله محد يبسرنا وسطهن

مرت عبدالوهاب فهمت قصد ترتيل :ضحكت
امها: كان قومين لوين ، تحركين

طفو القاعه عشان تدخل العروسه

ترتيل: طفو ماذلحين

ترتيل: طفو ماذلحين عيصورونا لو نتحرك ، خلونا عندكم

امها : خلاص اجلسين ...

كان معهن ٣ كراسي في الطاوله زياده ، جت واحده هي وثنتين بناتها شابات

ترتيل بتشوفهن وبقصت بنت اخوها

بنت اخوها لفتت لورا وبتضحك ومغطيه وجهها

ترتيل مسكت نفسها شويه بعدين ماقدرت لفتت لمرت اخوها فعلت نفسها بتكلمها وجلست تضحكك

مرت اخوها: مافهمت !!! ليش بتضحكي ؟؟ مالش ؟؟

ترتيل بتهوي وجهها وتنشف الدموع ، جت عينها بعين البنت

ام ترتيل كانت بتتكلم مع امهن استاذتت تجلس وقالت لها تجلس

البنات ماكانين مركزات على ترتيل وبنت اخوها ولا شافنهن بيضحكين واحده منهن شافت ترتيل وقلبت عيونها وسحبت الكرسي ادت ظهرها لترتيل وجلست

اختها تلفت لكل الي فوق الماسه وتبعد عينها وتصلح شعرها باطراف اظافرها جالسه ويداتها الثنتين في الهواء وكانها بتنشفها من الصباغ حق الاظافر

مرت عبدالوهاب بتسمع الضحك : مالكن ؟؟؟؟ صلين على النبي، ضحكني مابتقلين
ترتيل قربت منها :اسمعي الي شاحكيلش بعدين التفتي ، الي جنبش لابسه بجامه نوم حرير في شي إن هي بجامه ، وعلى بالها فستان ، مستغربه امها جالسه جنبها كيف خلتها تجي بها

مرت عبدالوهاب شافت : انصدمت !! صح كلامها ،

ترتيل: كله كوم وعادها تتخايل نفسها وابسرتني وقلبت عيونها وهي تشتي تجلس عندنا ليش عاد تقلب عينها لو ابسرتي العدسه كيف تحركت وخلتها حولا ، لاتضحكي عادنا مسكت نفسي قلت عيب لوجهها اضحك

مرت عبدالوهاب : انصحيها ولاتضحكي عليها حرام

ترتيل: قلبت عينها حين عتجلس عندنا قلك انصحها عتدعسني

بعد ساعه...
جالسات شايفات نفسهن كل من شافهن قلبين عينهن ويتكلمين بزنط

امهن ضبحت منهن كل شويه وطلبين سشوار وطلبين مملس وطلبين الي يخلي الشعر كيرلي

صيحت فوقهن قدام الي في الطاوله ترتيل واهلها

ام البنات : شغلتني من اول سشوار ومملس وهي الا باروكه نتفتنها نتاف ، من الصبح ولافعلتين مهره وانتين
بتصمغين اظافر ورموش وباروكات وعدسات، كان قومين حد يشوفكن بحق التعب هذا كله

ام ترتيل : من اول بينصيح يقومين يتحركين يرقصين جالسات هنا ، مش انا داريه ليش بيخرجين

ترتيل بصوت واطي : ذلحين امي لقيت لها خبيره نفس التفكير ...

مرت عبدالوهاب : كملو تمكين، ذلحين دورش يشغلوش

ترتيل: ولما اسير بعدا يبكو والله ماصدق دمعتهم

مرت اخوها ضحكت


بنت اخوها: والله لاحاكيها ، حرام يمكن مش داريه .

ترتيل: مش بعدا تغثي صورتها البنت لقنه

بنت اخوها دقت لها الكرسي

البنت لفتت : هاا

بنت اخو تمكين : ثيابش من شي إن صح؟

البنت : هي واحده تاجره بتبيع في مجموعه

البنت : هي واحده تاجره بتبيع في مجموعه فساتين من الخارج
ترتيل بتشوف الزنط وهي بتتكلم
بنت اخوها : انتي داريه انها ضحكت عليش ، عادحنا اشترينا نفسها من شي إن بس كانت في تصنيف البجايم ، لو مش مصدقه ادخلي وعتلاقيها

البنت حست بكسفه بس ماتشتي تبين بتكابر : وايش يفرق في الاخير كله ثياب ، و قفت

ترتيل ضحكت : تستاهلي

بنت اخوها : ماذلحين شاحش عليها صدق مش هو حرام

ترتيل : اصبرررري البنت متحمسه قامت هي واختها يرقصين

بنت اخوها : واين عتجي باظافرها معلقه لهن في الهواء شكل الصمغ شوعه بيقتلعين

البنات بيرقصين ومع الزحمه حنب شعر الباروكه في خاتمها وانسحبت ومعلقه

اختها رفعتها لها وقفين الرقصه وخرجين تصلحها

ام ترتيل مش مركزه انهن البنات الي حصل معهن الموقف نفسهم الي كانين بالطاوله قامت تكلم الي جنبها: امانه ماكلفها الله وعادهي صغيره لاشيب ولافيها مشكله ، معها شعر ياسلام لمه عاد الباروكه؟ ماذلحين لو تشتي نخطب مادرانا هو شعرهن صدق او باروكه

مرت عبدالوهاب : لمن عتخطبي ياعمه؟؟؟

ام تمكين : بنقلش هكذا النسوان الي يشتين يخطبين

ام البنت: والله إن قد صيحت فوقها يابنتي سبري شعرش احلى مارضيت

ام تمكين انحرجت ضحكت : يو هي بنتش

ام البنات: ايوه ، لايفهمين ولايعقلين تستاهل ماوقع بها امد تحرم تعاندني ،

ام تمكين: تشتي الصدق الله يعينش .


بعد ايام وبعد اسابيع رجعوا من السفر ...

تمكين لبست تجهزت وخرجت مع مهاب : هنااا المكان

مهاب وقف السياره : يلا ، انا فدالها مرتي الي عجبتني ردة فعلها ، مابش مثلش الله يحفظش

تمكين ابتسمت له: ويحفظك لي يا احلى من يدعمني ويسندي ، نزلت في يدها هديه و ورد فيه كرت كتبت فيه ( اتمنى تحققي كل احلامش ويسخرلش الناس الي تشبهش والمره الجايه ابارك لش بشغلش الخاص، ولان النهايات اخلاق ،اتمنى تقبلي المبلغ البسيط مكافأه لوقفتش جنبي في ايام ماكنت موجوده فيها ) ظرف فيه مبلغ ، وهديه

دخلت بابتسامه وثقه سالت عليها

حنان انصدمت منها وقفت لما شافتها : تمكين اهلا
قد رجعتي ؟
متخوفه من رده فعل تمكين لو جايه تهزأها

تمكين بابتسامه : ايوه امس ، سرت سلمت على اهلي وجيت عندش تعرفي انش كنتي اغلى صاحباتي
ناولتها الورد والظرف والهديه
حنان استحت طرحتهن : ليش شغلتي نفسش ، تمكين اشتي اقلش

تمكين اشرت بيدها : اشتي اسالش بس ماوضحتي لي ايش سويتي كملتي طلبات وتعديلات!

حنان: ايوه والي كنت حاجزه لهن مواعيد كنسلتهن ..

تمكين : يلا تسلمي ، موفقه

حنان: بس كنت اشتي اقلش لاتزعلي

تمكين عقدت حواجبها وبابتسامه: ازعل !! بالعكس اتمنى لش كل خير والله ، موفقه ، باي ...

حنان شافت الكرت والكلام الي فيه والورد والظرف حست في كلامها انها زعلت منها ....

صاحبه المحل قربت لاعند حنان : طبعا جت لهنا ، حركه غريبه باين معزتش عندها قويه فكرتها عمرها ماتدخل مكاننا

حنان : هي تمكين والله مافي حسها من حد ، مركزه ع نفسها بس

صاحبه المحل : ذلحين قدش معنا ماعلينا من حد ، قلي لي ايش الاشياء الي بتغريهن بها تمكين !! الاسعار ؟ او العروض حقها ايش ؟

حنان : شاجهز لش كل شي مثل ماقلتلش

خارج فوق السياره

مهاب : ذلحين عتسيري المحل

تمكين:ايوه

مهاب : خلاص ياحلوتي اكمل عملي واتصل لش

تمكين: تمام حبيبي...

دخلت المحل بنيه وقلبها مجروح من حنان: يارب تعرفني ماتمنيت لحد الا كل خير ، عوضني يارب واديلي ع قدر نيتي...
جلست تفاقدت المحل كله والفساتين وشافت التقييم والمبلغ الي دخل من الفساتين ...الخ

نسخت الملف عشان ترسله لمهاب ، شافت الرصيد نفس المبلغ حق ايجارات الفساتين.. تاكدت ورسلت لمهاب

نزلت منشور انها رجعت وتستقبل الحجوزات وعروض جديده، جلست ساعتين ونسيت بتكلم نفسها ايش طابخين اهلها غدا

مهاب اتصل لها :عتهربي؟

تمكين ضحكككت اول ما قاطع افكارها : اقلك شي ماتضحكش عليا

مهاب : قبل ماتقلي لي شي، ليش رسلتي الملف والمبلغ ؟

تمكين: هذه ميزانيه الشهر الي راح الي دخلت من ايجارات الفساتين

مهاب: طيب انا وانتي واحد ليش حولتي لي المبلغ، بعدين نسيتي انهن خاصات فيش ، من ارباحهن انتي ابدأي بشحن دفعه جديده خاصه بش من اختيارش

تمكين: بس

مهاب: كلمتي كلمه مفهوم

تمكين: طيب مفهوم

مهاب : شطوره ، المهم ليش كنتي تضحكي

تمكين : بس بدون زعل

مهاب ضحك: الله يستر ، تحاكي هيااا، معي اجتماع

تمكين: اتصلت تذكرني اننا مزوجه، كنت بينسأل نفسي اهلي ايش طابخين

مهاب ضحك : طيب خاوره تسيري تتغدي عندهم؟

تمكين: وانت؟

مهاب : معي اجتماع ومدري متى اخلص، سيري وشاجي لش لاعندهم

تمكين: تمام

بعد ساعه في بيتهم...
ترتيل : ليش سرتي لاعندها ليش ؟؟؟
تمكين : مش هو غصب تشتغل معي ، صح زعلت انها ما انتظرت او مابلغتني ، بس هي حره تشتغل وين ماتشتي

ترتيل:اين ماتشتي بس مش المكان الي تضررتي منه وهي كانت من ضمن الفريق الي حصلت له مشكله ،يعني مابش عليها ركن

تمكين: ابردي يختي ،عنجلس نحاسب الناس على تصرفاتهم ! هي اخر حد تشتغل معي ؟

ترتيل: لا

تمكين: خلاص ، خيرات راسلين ابراهيم، مهاب بكره حدد اجتماع نفعل لهن مقابله واختار واحده

ترتيل: وعتجلسي مصاحبه لها ؟

تمكين: تعرفيني طبيعه عملي مابش معي وقت لصداقات ، ولكن بصراحه من داخلي استثنيتها، يعني عادي شاسلم عليها لو لقيتها، بس نرجع زي اول مستحيل

ترتيل: ايوه ، مش تزيدي خباله

امها : ذلحين ايحين نفعل الشكمه ؟

ترتيل: البنت تتم الاسبوع هذا ترتب عملها واحنا نرتب نفسنا والاسبوع الجاي

امها: بينحاكيها مادخلش انتي

تمكين: الا هي سمعتني بينقل معي اجتماع و و الاسبوع هذا شويه شنشغل الاسبوع الي عيجي

امها: عادش حريوه لاتزيدي العمل يرجع يجلسش في البيت

تمكين ضحكت : ماعيجلسني إن شاءالله ..

ترتيل : اقلش من امتسخ للشات جي بي تي

امها ضحكت : خلاص اسكتي يالغجه ، محد يسايركن

تمكين بضحكه: قلدش الله امي ؟

ترتيل: ايوه

تمكين: ماقد معاكم في الشات جي بي تي

ترتيل بتضحكككك لما تذكرت امها : قامو يسألوه ،

ام تمكين بتضحككك

تمكين متبرقطه: تحاكوا هيا مالكم بتضحكو

بنت عبدالوهاب : جا لترتيل عريس ، واحنا قلنا لهم اي شي تسألو شات جي بي تي يجوبكم يعرف كل شي

تمكين ضحككت: او سألو على الولد

ترتيل بضحككه : ايوووه والله

بنت عبدالوهاب : وتخيلي ماقلهم ( يبدو انك سألت عن شخص تم احتجازه في السجن لمده عشر اعوام لحيازته على مواد مخدره اثناء تهريبها إلى الجزائر....الخ)

تمكين بتضحككك: يعوو ، هو صدق ؟

ترتيل: ماشي كتبوا له اسم الولد وابوه ويعلم الله هذك المشروع من مشع لهم

الام بتضحككك وتكمل تتكلم مافعلت: اقوم اتصل للمره واقلها ماشي ، ابوها مش موافق قد البنت تحاكو عليها ناس وابوها قال لهم تمام، وحين قالت يو الله يكتب لها مافيها الخير، كانو بيت فلان مابش احسن منهم ، وانه صدق يابنتي اعرفهم مابش احسن منهم ، لكن قد وقعت ، ودفين بي حسبهن وآمرهم لله كيف شغلونا بذيه الادمي

تمكين ضحكت: مش هو آدمي هو ذكاء اصطناعي

امها: قصدش


الاب : جيتي شغلتيهن ، عنتغداااا سيرين قربين ونتجابر انا وبنتي ، وين زوجش ليش ماجا

تمكين : اضحككم يا بابا كيف جيت ، اول دوام لي بعد العرس جالسه افكر ماعيطبخو امي، اتصل حاكيته قال اجي لو خاوره وهو معه اجتماع...

ابوها جلس يجابرها ويسألها عنه...



في الاجتماع تلفون صاحبهم عامل لهم مشاركه الشاشه بيشرح لهم طريقه التسويق وكيف بيكون التصاميم للكوش والتنسيقات الي جهزوهن

مهاب : وين سار هذا ، تلفونه معلق بالشاشه ، تاخر


صاحبه : نغض البصر وبس ، شكل اليوم يومه ،مدري مافعل بها


بيضحكوا على بعض رسائل بتظهر قدامهم

دخل لاعندهم وهم بيضحكو مانتبهش ، فتح التلفون عشان يبدا يشرح لهم، شاف الرسائل اضطر يرد عليها لاتزعل ...
كتب لها : ( حبيبي ، قوا لاتغثي اني مارديت عليش ،انا داري انش فقدتيني بس معي عمل اتم وارسلش، صدقيني انشغلت بالاجتماع)

مهاب بيغني عشان ينبهه إن تلفونه مشارك لشاشتهم : ( حبيبي ولا على باله شوقي ليه)

اصحابه الباقيين بيغنو معه

صاحبهم لفت لهم ولفت للشاشه : الله يقلعكم هيااا ها ...

جلس يضحككك علق تلفونه
رجعت الاشعارات تظهر
مهاب : احظرها اخرج لك ، اقطبني يبني هيا ، ايش قد صممت من كوش

صاحبه غلق النت : وبيعرض لهم ...

مهاب : شوف هذه العقود حق البوابات تحتاج تعديل شويه
الي بعد ؟ اكتب عندك تحتاج زياده اضاءة

الي بعد إلغيها لاتشتغلوها ، قديمه جدا ، احنا بنهرب من الاعمده هذه بتاخذ مساحه ...


بيت اهل تمكين
عبدالوهاب : هيا وين الغدا؟ مالكن تاخرتين؟
ترتيل: جت اختك ظهر وجلسنا نتجابر ، راعي نص ساعه ، جي كل معنا فواكه

عبدالوهاب : مشتيش فواكه، لو خبزتين ادي لي خبزه مدهونه بسمن

ترتيل بتقلد مرته: ماعترضاش المدام حقك بتخاف عليك من الكوليسترول ، سير قلها بنفسك عتردني انا داريه

ابو تمكين اتصل لمهاب : مراعيين لك تجي تتغدا

مهاب : مابش داعي والله، معي عمل يمكن اتاخر

ابو تمكين: عنراعي لك لما تتم عملك

مهاب احرج: خلاص شاقطب وارجع اكمل عملي بعدين ط لا ااخركم

بيجهزو الغدا ويقربين

تمكين: وين السفره
ترتيل : مش عادها وقعت ماتسأل هذه الاسئله في حفله توديع العزوبيه

تمكين ضحكت: بينسأل وين هي

ترتيل: سيري بس انتي عادش حريوه لما تتشكمي وبعدين ندخل نغسول انا وانتي يوقع لش دور معنا ثالث جمعه دورش

بعد نص ساعه وصل مهاب

تمكين استغربت سارت للباب تستقبله: حيا، مسرع فقدت لي ، ماقد تغديناش؟

مهاب : ارجع لي او بتطمنيني انش مراعيه لي غدا

تمكين: يو حيا بك انت الي قلت لي معك اجتماع

مهاب بيتدلع عليها: خلاص ماعد ينفع ذلحين ، انا جيت لاجل عمي عزمني هو وقال عيراعي لي هو، كنسلت الاجتماع عشانه

تمكين بدلع فاعله نفسها زعلانه: ها يعني مش عشاني

مهاب هز راسه : لا ، هههههه
تمكين: هيا ادخل عند عمك

مهاب سحبها : جي معي بينخزا

تمكين ضحكت بيقلدها لما تطلع شقه اهله


مهاب دخل وسلم عليهم...

قربوا الغدا وجلسوا يتغدو


ابوها جالس يمزح معه و يضبحو بتمكين الاثنين


بنات اخوها وترتيل بيتشاقرين من باب المطبخ ، كان ظهره لاعندهن


تمكين بتشوفهن وتضحك

ترتيل بتقلدها وتفعل نفسها كيوت زي تمكين وهي جالسه مع زوجها


تمكين تشوفهن بتضحك تاشر لهن من عيني ..

مهاب شافها فكرها تكلمه : مافعلت؟


وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

الســـــــلام عليـــــكم


:: وفقرة الليله تقووول ::

💢 لو سألتك كرجل
أيش معنى الآمان بالنسبة لك ؟

💢 وكذلك أنتي كإمرأه
أيش معنى الأمان بالنسبة لك ⁉️


💢ماهو الخيال الذي يراودك كل ليلة؟
وماذا تود أن تحلم في منامك الليلة⁉️


للمشاركه لاهانا. @ALFkamah

والنشر بيكون هانا. @FkamhSnaane2

أسوأ شيء ممكن تعمله بحق زوجتك إنك تهملها
إهمال الزوج لزوجته يجعلها دائمة الشعور بالوحدة.. والعزلة.. والحزن..وقد يكون سببا في إصابتها بالاكتئاب.. والكثير من المشاعر السلبية.. إذا لم تستطع التغلب على الأثر السلبي لسلوكيات زوجها..

▪كما يؤثر إهمال الزوج على ثقة المرأة بنفسها، وقد يجعلها تشعر بالنقص أو بوجود خلل ما في شكلها أو شخصيتها، وهكذا..
ومن ثم فإنه يؤثر سلبًا على العلاقة العاطفية بينهما ويُضعفها تدريجًا؛ مما قد يصل بهم إلى انفصالهما عاطفيًا عن بعضهما البعض
فأكثر شيء يغضب المرأة هو الإهمال..أن تهمل رغباتها.. أن تهمل مشاعرها وأحاسيسها..
▪الذي تريده الزوجة من زوجها.. هو الاهتمام والدفئ والحنان.. سواء في العلاقات أو المشاعر
هي تريد منك ان تكون لها ابأ واخأ وصديقا وزوجا وحبيبا وعشيقا وسندا..
وهي تعشق من يدللها و يحترم عقلها وكيانها
(تلك هي الانثي)🩵

@ALFkamah

الزوج اللي دايما يلوم مرته على كل صغيره وكبيره احب اقله. هذه انسانه مش روبوت هذه مخلوقه من لحم ودم وكودها باشغال البيت واولادها علشان تلبي احتياجاتهم بالشكل الي يرضيهم
هذه مش مهملة، بس تعبانة مش ناكرة بس موجوعه
مش ناوية تغيّرك، بس نفسها تكون مسنودة بك
تشتي تحس انك مقدر تعبها بس تشتي كلمة شكر منك وموقف بسيط يحسسها بامتنانك لها
تخلي عندها طاقة تشيل جدار من مكانه
المرأة ساعات بتتغير وتسكت من كتر ما بتبلع…
بلعت التعب، بلعت الزعل، بلعت الحمل والوحدة والهمّ وعادها صابره ومتحمله لاجل بيتها
لما تشوفها ساكته اسأل نفسك قبل ما تلومها:
“متى آخر مرة قلت لها شكرًا، أو حسيت بها؟”
لذلك هي بحاجه للاحتواء. مش للوم
لان الاحتواء هو اللي بيرجع القلب مكانه
@ALFkamah

لا تبحث عن جمال المرأة ، ابحث عن اخلاقها
لا تبحث عن شكلها ، ابحث عن نظافتها
لا تبحث عن صوتها ، ابحث عن حيائها
لا تبحث عن مراهقتها ، بل ابحث عن ماضي امها
لا تبحث عن شخصيتك معها ، بل ابحث عن شخصية ابوها في البيت و عن مدى طاعة قرارات ابوها وفرض اسلوبه في البيت
لا تبحث عن سلوكيات اطفالك المستقبلية ، بل ابحث عن سلوك اخوتها ،
لا تبحث عن مستقبلك مع اخوتك ، بل ابحث عن علاقة ابوها مع اخوته ومدى تدخل امها
لا تبحث عن كذبها وصدقها ، بل ابحث عن مدى صدق امها مع زوجها والمجتمع ،
لا تبحث عن رسم سعادتك معها ، بل ابحث عن مدى سعادة ابوها مع امها ،
لا تبحث عن مدى تبذيرها ، بل ابحث عن مدى تبذير امها،
لا تبحث عن صحتك معها بل ابحث عن مدى الصحة النفسية لأبوها في البيت ،

✅ صدقني ،
انت لم تتزوجها وحدها ، بل ستتزوج معها عدة عوامل ومنها العوامل الوراثية والعوامل الاجتماعية المكتسبة والصفات الشخصية لعائلتها ،
كل ذلك واكثر وبنسبة لا باس بها ستؤثر تأثيرًا كبيرًا على رسم خارطتك العائلية داخل المنزل

@ALFkamah

" أعتني بزهرتك قبل أن تذبل"
أقبل الرجل من عمله...فاستلقى علي السرير.
قالت له زوجته: مارأيك أن نخرج اليوم؟
فقال لها: أنا لم أنام البارحة دعيني أنام وأتركيني.
تركته المرأة وقالت لنفسها: لا بأس..لا بد بأنه كان متعبا.
جاء اليوم التاني...أقبل الزوج واستلقي علي السرير،
فدخلت زوجته وقالت: لما لا نخرج معا فاليوم يبدو مناسبا لأخذ نزة...
فرد عليها الزوج: أنا لست في مزاج جيد دعيني وشأني.
فتركته وقالت: لابد بأن شئ ماعكر مزاجه في عمله.
وظل الرجل كذلك طوال الأسبوع وزوجته تختلق له الأعذار يوما بعد يوم.
إلي ان جاء اليوم الذي لم يرى الزوج زوجته فيه ، فتعجب لذلك..ولكنه افترض بأنها ستأتي بعد برهة.
تركها الرجل ولم يهتم..
أستيقظ الرجل في اليوم التالي وزوجته لم تكن موجودة.
نظر ألي الطاولة في غرفة المعيشة، كان عليها ورقة مكتوب فيها..." زوجي العزيز"..
لقد جف نهر الأعذار، وتصحرت واحة الصبر، كان هذا الأسبوع الذي مررنا به حصل وقد ولدت أنت فيه..
وفي هذا الاسبوع بالذات رغبت بأن أجعلك أسعد رجال العالم...ولكن في هذا الأسبوع أيضا جعلتني أتمني أنك لم تولد،وأطفأت شموع المحبة، وقطعت كعكة السعادة،ومزقت قلبي الذي رغبت أن أهديه لك..
كل عام وأنا لست معك.....زوجتك
هرع الزوج ألي بيت أهل زوجته طلب أن يتفاهم معها.فقالت: له لست بمزاج جيد../دعني وأذهب.انتبه الزوج بأن زوجته تعيد عليه ماكأن يقوله لها فصمت،فقالت له: اذا كنت لا تعلم كيف تعتني بالزهور.
فلا تقطفها، فأذا قطفتها وتركتها دون عناية تذبل وتموت.
وأنا زهرة أنت قطفتها وذبلت وهي تحاول اسعادك..
" أعتني بزهرتك قبل أن تذبل..
فالأنسان لا يعرف قيمة الشخص حتي يفقده.
@ALFkamah

الرزق ف العلاقات ❤..

لما تلقى اللى يشبهك ويشبه قلبك
واللى بيقدر العشرة والمشاعر الحلوة ،،
واللى بيلتمس العذر و ماينهي للى بينكم لمجرد غلطة واحدة منكم
لما تلقى حد يتمسك بك زي ما انت متسمك به

شخص يحبك بكل ما يملك من قوة ومايبخلش بمشاعره تجاهك
ناس تبقى بدايتها مثل اخرها ومايتغيروا بعوامل الزمن شخص داخله مثل خارجه
مش شكل عالفاضي و مظاهر خداعة ✨

احد معدنه اصيل لا ينكر المعروف ،ولا يتغير عليك بمرور الوقت ويدور على بديل ..
احد عينه تمتلي بك مهما شاف غيرك
وتحتفر على قلبه زي الوشم اللي ماينتهي
احد ما يمل من ملامحك لما تملاها التجاعيد وظهرك لما يقوس ولما يصيبك الاكتئاب
احد يختارك من بين كل الناس عشان "انت" "انت" مش عشان "مافيش غيرك" ولا عشان تشبه حد .
احد حب روحك قبل ملامحك وشكلك ومستواك وشغلك ،، عشان كل حاجة في الدنيا قابلة للزوال والحب هو اللي بيبقى .

اختاروا صح عشان ما تظلموا الحب بسوء اختياركم عشان بتفرق😴💙 🦋 ..

@ALFkamah

بنت الأصول تبان في المواقف مش في الكلام.

بنت الأصول ما تغدر، ولا تبيع،
ولا تكسرك حتى وانت مزعلها..

تلاقيها في عز وجعها منك، بتدعي لك في السر، وبتدافع عنك لو حد جاب سيرتك.. وفي ضهرك من غير ما تطلب، وتشيل معك الهم قبل ما تشكي منه.

بنت الأصول ما تقارنك بحد، ولا تقيمك بفلوسك
هي تشوفك برجولتك، بأمانك، بحنيتك، وبحضورك اللي بيطمنها.

عينها مليانة، قلبها واسع،وكرامتها غالية بس عمرها ما هتجرحك بيها.

بنت الأصول تبقى أنثى بكل تفاصيله ولو غبت عنها تلقاها 100 رجل واقفة مكانك لحد ما ترجع

في الشدة..هي سندك وفي وقت الفرح فرحتك
وفي كل وقت.. هي نعمة تستاهل تحافظ عليها
وتحمد ربنا إنها من نصيبك.

لما تلقياا، تمسك بها بإيدك واسنانك..
عشان بنات الاصول ما يتكررين كتير.♥️

@ALFkamah

مشكلة الشعب اليمني
ليست فقط في شُح الموارد الاقتصادية،
بل تكمن أيضًا في شُح الموارد العاطفية.

الإنسان اليمني يولد وينشأ في بيئة قاسية وخشنة، فالناتج هو جفاف وتصحر عاطفي ينعكس على حياته الشخصية.
أضف إلى ذلك أن نسبة تسعة وتسعين في المئة من الشعب يعانون من نقص حاد في "فيتامين الاحتواء" العاطفي منذ الصغر، وهذا يؤثر تأثيرًا عميقًا على توازنهم النفسي والاجتماعي.

أما عن المرأة، فتقول لها "أحبك"، فترد عليك قائلة: "مش وقتك الآن".
طيب، متى وقتي يا عدة الحياة؟!!! 🙂
فتجد الأغلب يلجأ إلى مواقع التواصل الاجتماعي، زاحفًا نحو الخاص، مستخدمًا أساليب مقززة وقديمة مثل:
(ممكن أتعرف؟)
وانا هنا لا ابرر لهم
وحقيقةً، أنا لا ألومك، فلو أن المبرقعة التي معك عرفت كيف تحتويك لما لجأت إلى مثل تلك الأساليب.
هي بارعة فقط في اللوم، والنكد، وكثرة الطلبات، والغيرة التي لا مبرر لها.

متى يظهر الحب والاحتواء الصادق بين الطرفين؟
يظهر الحب عند الرجل اليمني عندما يريد ان يبيع ذهب زوجته.
أما المرأة، فتظهر مشاعرها حين ترغب في تغيير جوالها، أو شراء عباءة جديدة،
وخاصةً عند التحضير لحفل زفاف صديقتها أو أحد الأقارب، او عند. رغبتها في زيارة اهلها حيث يتطلب الأمر هدايا وملابس جديدة، وكوافير، ومنقشات، و"خرابيط نسوان".

وفي الأخير،
إن غياب الاحتواء العاطفي الحقيقي يولّد جفافًا في العلاقات، ويزيد من معاناة الفرد والمجتمع
لذا علينا أن نعيد النظر في مفهوم العطاء العاطفي والاهتمام، فهو ركيزة لا تقل أهمية عن الموارد المادية.

@ALFkamah

أعظم شعور ممكن يحسه الواحد ؟
انك تتحب مثل ما بتحب "
لما تلقى احد يبادلك نفس المشاعر ونفس الاهتمام
لما تلقى حد يدور عليك وبيفرق معاه التفاصيل البسيطه اللى ممكن تزعلك
الشخص اللى بيحاول دايما يخليك مبسوط وتلقاه بيهونها عليك
اللى بيستغل كل موقف علشان يثبت لك فيه انه بيحبك كأنه بيقولك أنا مستعد اعمل أى حاجه ف سبيل سعادتك

شخص تبقي مبسوط إنك كل يوم معاه، ويبادلك نفس الشعور،
الحب حاجه عظيمه بس انت اختار صح .
@ALFkamah

- الشخص المُناسب لك.. 🤍

لن يتخطاك أبدًا، يُرسله الله في الوقت المُناسب الذي اختاره، له زمانٌ مكتوب، ومكانٌ معلوم، لن تمنعه أسباب، ولن تعتريه ظروف، ولا يمكن أن يتجاوزك إلى غيرك، قدره ونصيبه أنت وأنت قدره ونصيبه..
وستشعر معه بالراحة وتهنأ معه بالانسجام
وتطمئن في رحابه في وقت أن الجميع يبدو خائفين، لن تخشى فراقه لأنه فارقَ ليأتيك، لن يطيق غيرك، ولن يقبل بسواك، إن ودعته في مكان استقبلك هو في آخر.
"الشخص المُناسب" سيشبهك". 💎
@ALFkamah