🤏لعشاق الروايات والإثارة🩵🩷

✿سيتم انزال ( الجـــزء الـعـشـرون )
من روايه ( لأنك كنت هنا )

للكاتبه والروائيه المتألقه (عبير الكبسي)



وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

امين يارب

🤏لعشاق الروايات والإثارة🩵🩷

✿سيتم انزال ( الجـــزء الـعـشـرون )
من روايه ( لأنك كنت هنا )

للكاتبه والروائيه المتألقه (عبير الكبسي)

غاده : احلى شي لما تكون العروسه مصوره، تهتم بتفاصيل فخمه قوي ، ابسري محلا صفحتها وعجبتني فكرتها اول مره ابسر عروسه تفعل لهن قوانين ، مراعيه لعرسها كله تفاصيله ياريت وتعرفت على تمكين سوا عشان اسير

كمال قاطعها وهو ضابح من الي سمعه: به عشاء؟؟

غاده: يلا خاطرش اقوم ابسره قذا جا.

كمال: يعني مابش معكم هدره غير الناس مافعلو ماتركو

غاده: مال حبيبي غارق ، ضبحت وحدي اتصلت لخبيرتي

كمال : تمام كل مواضيعكن حش على الناس ، ماعتفعلي لي جاوع

غاده: مافي نفسك
كمال: اي شي ، اقطبي... لحقها للمطبخ

غاده: لو تبسر يا كمال على حلا في قصتهم

كمال: من هم.

غاده: تمكين المصوره حق عرسنا ، تخيل الي خطبها هو الي فعل لها مشروع فساتين اول شي ياسعم إنه عمل بعدا خطبها ذلحين ادالها كل شي، قالو معه ماشاءالله فروع في كل بقعه تاجر كبير ، وبينهم قصه حب من الطفوله يعرفها وعادهم صغار تخيل لذلحين ماتزوج؟؟ كان يشتيها

كمال حس بكذب وضبح من الكلام : ابسري حرقتي البيض رافعه الغاز وجالسه تجابري

غاده: يووو ، نسيت نفسي ، وانت اوف منك كيف تكبد واحد متحمسه احكي لك وانت ولافي حسك

كمال: طنشها خرج صحن وفعل فوقه جبن وسكب شاهي وخرج ياكل

غاده: يوو هذا كله جوع ! كنت عتتصل لي اجهز لك عشاء

كمال بعصبيه: من اين اتصل وانتي مشغوله بقصص الناس وحياتهم الفضول قلتلش

غاده: اصلا من ايحين بتتعشا اولا !! لاتدور مشكله هذا السع قدنا ضابحه من اول

بعد ثلاث ايام..( يوم الذبال )
يوم الذبال في صنعاء : تروح العروسه الحمام البخار وترجع وقت الظهر تستقبلها النسوان والاهل بزفه من الحوش لفوق الغدا ويكون في ضيوف مقربين اهل واصدقاء وجيران...
تمكين اول ماوصلت : جت بنت اخوها تشاورها
لو تبسري جدو مافعلو من فعله !!
تمكين : ايش ؟ خير !!
بنت اخوها بتضحك : قالو عيب نعزم الاهل والاصحاب والعريس واهله ماشي ، قامو يتصلو لمهاب واخوه وابوه وعزموهم هم والنسوان

تمكين: يووو ؟؟ منش صدق !! قد جو يعني

بنت اخوها: ايوه ، قد بيقولوا مش ضروري نزف بصوت عالي هم طالع في الديوان الي داخل ، قالو زفه بدون مكرفون وسماعه

تمكين واقفه بتسمعها : خرجي تلفوني من الشنطه حقي ،وولعيه واديه لاعندي .


بعد الزفه وهي بتتغدا في الغرفه الي فيها صحباتها وبنت خالها وعمها وخالتها وووو..

تمكين جالسه بتتغدا وتلفونها جنبها فتحت تشوف كم يارسايل اختارت اسم مهاب وفتحت ...

هيا قد تغدينا قالو الرجال عيسيرو يخزنو خارج وانا مراعي لش لوحدي تتمي تتغدي نتصور


تمكين: تمام

بعد نص ساعه ...

مهاب :ماقد تميتي ؟

تمكين : عادحنا شاقلك لما نتم


مهاب : كم لش ما اكلتيش ايام ؟

تمكين ضحكت و ردت : مش قصه الاكل ، ، بس بيرفعين يكملين ويدخلين واقلك تنزل .. طرحت التلفون وبتكمل حقها الصحن بتاكل دلا وتجابرهن شويه

مهاب: لو النسوان خيرات بدل مانحرجهن اطلعي نتصور

تمكين وهي بتكلمهن رنه رساله تلفونها

صحباتها التفتيت: هيااا عيخليش تتغدي نسينا نخليش توقعي مايشغلش وانتي معنا

تمكين شلت تلفونها من جنبها بتضحك وشافت رسالته ابتسمت : الكوشه هنا عنتصور فيها !

مهاب : ياليلااااه ، طيب مراعي قدلي ساعه ضبحت ومتشوق ابسرش وحاسس وجودي وحدي غلط والبيت ملان نسوان فلتوني وسارو

تمكين: خايف لوحدك وفيس محانكه😜
مهاب ابتسم :هههه طيب هذا الفيس شافعله واحنا بنتصور كل الصور اخلي المصوره تضبح وانتي ماتلقي صوره سابره

كملت تراسله وقد رفعين اكلها والسفره وبيكنسين

تمكين: مالكن.

ترتيل: عنجلس نراعي لش انتي والحريو ، عيجين نسوان

حنان : اسير ادي الكاميرا ؟ قالت مرت اخوش مراعي لش العريس تتصوري يشتي يخطى

تمكين: تمام اديها ، ترتيل ادي حقي الروج اعدل

ترتيل: عتتلثمي مابش له بسره غير الحفله

تمكين متوتره: هيا ترتيل مش وقت المزح من الخباله

ترتيل: تمام حاضر ، قلدش الله من اين عتبان ولثمتش كلها مرجان وفضه

بنت اخوها: انا شاسير اديها ياعمه ،اين هي ؟

تمكين: في شنطتي حق اليوم الي شليناها حق المكياج لونها ياجوري

مرت اخوها دخلت بالمبخره ...

ترتيل بتعدل لبسها ..

تمكين كانت لابسه ( فستان قطيفه اسود مكمم عاري الاكتاف والرقبه كلها تطريزه فضه ومرجان ، طويل منفوش من تحت والحاشيه كلها مطرزه بفضي خيوط فضه ومطرز بالمرجان ( كان اللبس مودرن من التراث) وفاعله برقع مش لثمه القماشه حقه ملس وفيه خيوط فضه وورود صغار بالمرجان الاحمر تسريحه خفيفه نص مرفوع من قدام ومن ورا مرفوع وكيرلي خصلات وطرحه قصيره بنفس الوصف حق البرقع بالفضه والمرجان ...



نزل مهاب اول ماشافها ابتسم وقف جنبها : شكلش عروسه يمنيه ، بس ليش لابسه اسود ؟


تمكين: هو اللبس القديم اغلبه مصون بس انا صممته بطريقه مودرن


مهاب: شكله فخم قوي قوي، امانه انتي صممتيه؟؟

تمكين: والله رسمته وفكرته اديتها للمخيطه


مهاب: يعني لما اخترتش شريكتي مش من قليل معي حق ، ذوق زوجتي جميل باللبس، واختياراتها لمشروعنا ضخم


تمكين ابتسمت له وبتشوف لمعات الفلاش: قد بتصورنا واحنا بنتجابر

مهاب : خليها تصور براحتها اصلا انتي عارفه بما انش مصوره إن احلى لقطات الي هي عفويه خليني استمتع بجمالش، شويه وطردوني



امه دخلت وهم بيتصوروا جلست : من اين اديتين لنا موضه تصوير يوم الذبال

تمكين استغربت وسكتت

مهاب شافها بنظره إنه مش وقت

حنان مش عارفه من الي دخلت تتليقن جاوبتها وهي بتصور : نفس فكره الي اخترعوا صور العرس، تبقى كلها ذكريات لهم
تمكين بهررت لها
ام مهاب : يلا على عافيتهم، غير ماعد توقعش قبله للعروسه يوم العرس من كثر مابسرها

مهاب : كل لبس وكل يوم له قبلته وجماله، وبعدا هو عرسنا البقيه غير ضيوف انا احق اشوف لبسها وتسريحتها كل يوم في عرسنا

امه دعممت كلامه

مهاب بيشاور تمكين: امي يعجبها تسوي اكشن لايدخل في نفسش امانه والله انها طيبه.

تمكين: لاتبرر عادددي يقولوا الي يشتوا ماغلطوش عليا ، حتى امي نفس الشي قالو ،ماعليك شي

مهاب مسك يدها تعبيرا عن شكره: الله يحفظش بس

حنان شافتها مستحيه ضحكت: هيا تمكين وين الحركات الي بتخلي العرسان يتصوروهن امسكي يده شوفي عينه ، شاعلمش وانتي استاذتي

تمكين استحت ضحكت

مهاب : عادي قلي لي انا وانا شافعل بدلها

جلسوا يتصوروا ويشوفها مهاب مستحيه لما تجي عينها بعينه يرجع يسوي لها الفيس المحانك وهي تضحك...

مهاب : مابينبسر الا لمعه اسنانش من تحت البرقع هذا وعادهم يحاسبونا عليه

كملو يتصوروا وخرج مهاب روح...وتمكين دخلت غرفتها ترتاح شويه امد مايتجهزو وتوصل المغنيه بتنزل تفاصيل يوم الذبال تزيين السياره ، زفه الطريق ولما خرجت بزفه من الحمام ( كانت تفاصيل وليس صورها)..

غاده جالسه تحدث صفحه تمكين : واوو ، محلا فكره تزيين السياره حق الحمام حقها ...محلا التوزيعات روعه

كمال داخل نفسه( ربي عاقبني اشد العقاب ياتمكين انتي اقتهرتي حين حضرتي عرسي يوم، وانا بينحضر عرسش كل يوم مع هذه المجنونه)


اخر اليوم في بيتهم ...

مهاب : انتو تحبوني؟

امه: بتتخيبل ؟

مهاب: مني صدق ! انتو بتحبوني ؟ جننتوني اتزوج ؟

امه: ايوه

مهاب: طيب ليش احسكم مش طايقين فرحتي ؟

امه: يو من اين بتدي هذا الحكا

مهاب : يعني اليوم غثيت حين هكذا واحنا بنتصور فعلتو

امه: اصلا مابش داعي يعزمو الذبال ولاتجي

مهاب: بالعكس نقل كثر الله خيرهم ، ابوها من كرم وطيبه نفس قال عيب يدرو اهل العريس غدينا وماعزمناهم، هي حاكتني ماحاكاني ابوها


يعني طيبين ، والبنت ولا ادت كلمه محترمه

امه: ليش انا ماقلت

مهاب : يعني لو انا مكانها شاتحسس من الكلام وكانها هي الي تشتي تتصور معي وادخل ووو، وانا الي هرمتها اشتي نتصور ماخليتها تتغدا وبعدا مافيها اشتي ادرا، ليحين عتمسكوا حقكم العادات ! شي مش حرام ولاعيب مافيها


امه: نتبدع قبال الناس يضحكوا عليك ماقدرش يراعي ليوم الحفله


مهاب: يتحاكو لما يشبعو ازيد ادي لهم مكرفونات ، هي فرحتي انا وعرسنا


امه: الله يعينك بس


مهاب: اهم شي بحجر الله لاتسخو عليها والله انها نسمه




وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

مساء الخير
فقرة اليوم اسأله مفتوحه لانه عيد ميلادي🤓

✿اسالني أي سؤال يطلع ببالك وانا اجاوبك⁉️

✿ اللي معه نكته مضكحه يرسلها لا عندي
وانا شارسلها للقناه خلونا نضحك ونفتهن

وفي جائزه لصاحب اكثر نكته تضحكنا
و تجيب اكبر عدد من اللايكات ❤️💥

استقبل مشاركاتكم. لهانا. @ALFkamah

وسأنشرها بهذه القناه @FkamhSnaane2

🤏لعشاق الروايات والإثارة🩵🩷

✿سيتم انزال ( الجـــزء الحادي و الـعـشـرون )
من روايه ( لأنك كنت هنا )

للكاتبه والروائيه المتألقه (عبير الكبسي)



وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

🤏لعشاق الروايات والإثارة🩵🩷

✿سيتم انزال ( الجـــزء الحادي و الـعـشـرون )
من روايه ( لأنك كنت هنا )

للكاتبه والروائيه المتألقه (عبير الكبسي)


مهاب : اهم شي لاتسخو عليها والله انها نسمه

امه: مادراك انت، عادها بتخزا منك ، وانا الصدق ماقد بسرت منها شي، بس حين تبسرني هكذا مهنجمه عتفعل لي الف حساب

مهاب ضحك على تفكير امه : خلاص عادحنا بدايه ايام العرس وعاد البنت بيت اهلها تجلس هانك معززه مكرمه، ليش عاد التعب هذا كله، هي عيشه اما وتجي تعيش بيننا نعززه مكرمه بدون رجام كلام، ولا بيت ابوها وانا ارجع لي العمل نلغي الزواجه اتصلي قلي لهم خلاص تراجعنا والمهر لهم وكل شي لهم شاخرج احجز لي تذكره وارجع...

خرج من عند امه وهو مقفي مبتسم لما اف نظرتها ونبرتها تغيرت افتجعت وقامت تلحقه

امه قامت بعده للصاله: عتبطل جنان ؟ هذه مش هي خطبه تفعل لي فيها ساع ماكنت اسير اخطب ، هذا قدو عرس ، حرام البنت وزعت دعوات والناس جايين بكره النقش حقها ، عتعقل من الجنان حقك

مهاب رجع غير ملامحه ضبح ولفت لها: انتي تعرفي اننا خصمي المشاكل واننا هربت من جو المشاكل هنا ، كان خصمي في المشاكل بينش انتي وعمتي وجدتي وهن عايشات معش وسط البيت وابسرش مقهوره ، انا مشتيش عيالي يتربو هكذا ومشتيش اسمع كلام مرتك فعلت و امك قالت ..وكل واحد يهرمني ، عادحنا لاتزوجنا ولاشي ، كل واحد عند امه

امه: ناهي ذلحين مافعلت يابني اتقي الله لهذا الجنان

مهاب : ولاشي بس شفتش ماحبيتيها وماحترمتي وجودي ووجودها ، قلت خلاص كل واحد يجلس بقعته وانا عندش .

امه: بس.جنان اعقل بينقلك ... مابنلعبش، هذا وانت فارح بها وعتجنن عليها وهي السبب انك تاخرت في الزواجه مراعي لها

مهاب : قد انكسرت نفسي منها خلاص ، ماعد اعجبتني

اخته جت مصدومه بالكلام الي بتسمعه ( غمز لها مهاب)
امه:اسمعي اي قال ماعجبته ، واليوم عيخرف وهو يتصور معها

مهاب بملامح جديه وضبح : هي نفس كنت فارح بها وكسرتو نفسي خلاص...

اخته: والله انها طيبه ، صح يمه؟ ابسرتي محلاها كيف بتجابرنا وتمزح وتضحك ولا كانها عروسه ومقلده دور المستحيه

امه خافت من ترددات مهاب الي قد فعلها لهم في خطبتين: ايوه يابني انا ماقلت فيها شي غير انه اعترضت على التصوير ولاحد يضحك علينا سرنا نتغدا بس البنت، انا حبيتها من عرس اختك اول مره اتعامل معها واحاكيها

مهاب وصل إلي يشتيه يخلي امه تتذكر انها كانت فارحه بها لما قلهم يشتي يخطبها... يعني ذلحين ما افعل انا ؟

امه: بس خياله ترضى حد يفعلها بخواتك.

مهاب: ماشي وانتي ترضي ام زوجها تغثي اختي
بالكلام

امه: ماشي ، الله يهدينا لانظلم حد ولا حد يظلمنا

مهاب باس راسها :الله يسمع منش،
يلا شاسير معي مشاوير وارجع لو تشتو شي رسلتو لي.

بعد ماخرج..

اخته: الصدق معه حق ، بينشوف تعاملش مع تمكين شويه فيه كبره

اخته: الصدق معه حق ، بينشوف تعاملش مع تمكين شويه فيه كبره ، مش ساع ماشفتيها اول مره وعجبتش وحين سرتي بيتهم، حرام لاتكسفي البنت تدخل عندنا وهي بتهم وانتي مابش اطيب من قلبش

امها: والله يابنتي ماكان قصدي شي بينعلق عادي ، والصدق اشتي اوريها اننا حازمه امد لاتغنج علينا

بنتها: كما دخلت اول اعرفي طبعها وبعدا احكمي


في بيتهم...
تمكين جالسه هي وحنان بيعدلين الصور ويختارين الحلوات ويحذفين...

ترتيل: ياتمكين مالش مدعممه ، الكوشه كيف ؟ ماقد اخترتي ولا ابسرتي

تمكين : هي مفاجأه من مهاب قال ماعيوريني ولا شي غير يوم الزفاف

ترتيل : ولو ماعجبتش !

تمكين: ذوقه حلو ،وهو واثق من نفسه انها عتعجبني

ترتيل: يو والبورده ، تخيلي لو هي غابه وقفاش قرود و طرزان ماهو حقكم الجنان

تمكين : انتي كنتي تنفعي توقعي زوجه ابن لعمتي ام مهاب شابسر لو باقي معهم اخوه تدخلي معي سليفه ماعياخذ بحقي غيرش

ترتيل جلست: ايوه صح مال عمتش اليوم ماعجبها حين عزمناها او حين تصورتو، مادريت ايش ضبحها

تمكين : مدري ماركزت عليها...

ترتيل: يوو قالت حنان انها جاوبت عليها..

مرت اخوها : خلاص ماسمعت مشي هي داريه ليش تقلي لها، خليها قدها عاقله عتجننين البنت صميل


تمكين: انا بينهم اشياء ثانيه وهن حسهن في ايش


مرت اخوها: مالش ايش بتهمي؟

تمكين: العرس اشتي اتواصل مع الحجوزات ، ااكد لهم


ترتيل: هذا الساع !!

تمكين: اكتبهن اعمال بكره عشان لانساش


مرت اخوها : طيب يلا تمي لاعد تسمري ، خلنها ترقد وآخرين ارقدين خارج ... خرجت مرت اخوها من عندهن..


بنت خالها: تمكين لو ترقدي إنه ياويلش ، ماجيناش نرقد عندش عشان ترقدي ، هيا احكي لنا ايش احساسش مشاعرش قد بتحبيه؟؟


تمكين شافتهم ضحكت : ايش هذا ؟ شكلكن زي سندوتشات الشاورما


كانين مفرشات فراشات نوم في الارض جنب بعض يتسع ٨ اماكن وسط الغرفه


بنت خالتها : عشان نسمر معش

تمكين : حاسه نفسي الاميره فوق السرير

ترتيل سحبتها : هيا انزلي جنبنا ، هيااا

تمكين نزلت جنب ترتيل : طيب نزلت ، تصبحين على خير

صاحين : والله ماترقدي ، هيا معش تحقيق

تمكين: ايش مشاعري ، الله يوصلكن عشان تعرفين إنه مشاعر مختلطه، قلق على العرس كل شئ عيكون تمام ماعيحصل شي ينقص شي ، كيف عيكون مكياجي تسريحتي


بنت خالها: طيب والعريس ايش شعورش له حبيتيه !

تمكين: مدري حب مدري إنه قبول بشخص ارتبطت به وشاكمل عمري معه ، او اني معجبه بلطافته فيه اشياء بينكتشفها تنحب

بنت خالتها: مثل ايش

تمكين بمزح: مالش دخل

بنت خالتها: مابش رقده ، لوما تقلي لنا عنعرف يعني عنعرف

تمكين: معرفش تصرفاته عقلانيه حبوبه

تمكين : ونفس الوقت ماعرفته سوا ، يعني عندي تخوف كيف طباعه بقدر افهمه ! شاكون سعيده معه ؟ مدري احس كل شي مجهول

بنت عمتها: هيا قالت ترتيل إنه يشتيش من زمان

تمكين: ماشاءالله ترتيل لو حكت لكن فيعني قد كل شي عندكن ، انا ناسيه تفاصيل تخصني وهي تذكرني هي

بيضحكين ،، وينكتين على بعض اذن فجر وهن سامرات صلين ورقدين...

بعد يومين يوم الزفاف لانها كنسلت يوم النقش

تمكين صحيت الصباح مروقه فاصله افكارها عن كل شي حولها بتحاول تكون ريلاكس وتدعي الله كل شي يكون تمام مثل ماتمنته ، شربت ماء وشلت شنطتها و راحت الكوافير...

في غرفته مهاب اول مافتح عينه شاف الساعه ١٠ ، رسل لها : صباح احلى عروسه في العالم، صباح الجمال واللطافه والكياته، كيف المعنويات يا عروستي؟

تمكين شافت رسالته وهي في الكوافير و ردت: صباح الورد، معنوياتي حلوه الحمدالله، كل شي تمام ، جهزت كل شي؟

مهاب: ايوه الان بروح الحلاق عشان اوقع وسيم واناسب جمال شريكتي

تمكين: مناسبني بجمال روحك

مهاب: لا لا هكذا انا قلبي الصغير لا يحتمل الغزل اللطيف هذا، بس صح ليش روحي بس يعني مش حلو !

تمكين ضحكت: الا حلو ، بس قلت لازيد جرعه الغزل اخلي شويه لبعدين لما اشوفك

مهاب: هاااه طالما هكذا، الان رايح اتجهز واسبقش للصاله

تمكين: تمام نلتقي هناك نتصور قبل النسوان

بعد ماخلصت مكياج وتسريحه راحت الصاله عشان تتصور
وصلت وسيارته مش موجوده ...
دخلت قبل ماتطلع غرفه العروسه تشتي تشوف الكوشه

حنان ( قلها مهاب تغالطها عشان يشوفها لما تشوف الكوشه يكون موجود): مش الان في رجال هانك

تمكين طلعت معها لغرفه العروسه عشان تلبس الفستان وتتجهز تتصور...


بعد نص ساعه
مهاب : وصل الصاله طلع الدرج ومنتظرها ...

تمكين بعد مالبست فستانها وتجهزت وتصورت ، خليه اول ننزل نتصور عند الكوشه ولقطات الساعه والكرفته ووو ، بعدين ، مابش صبر


حنان : تمام حاضرر قد بينشوفش معاجله، نسيتي تلبسي هذه( ناولتها )


تمكين انتي اخرجي عشان تصوري اللقطه ، وانا بفتح الباب بعدش واخرج



مهاب كان بيتكلم بالتلفون شافها قفل فجاه تلفونه وخباه في جيبه وابتسم : واووو واووو


تمكين ابتسمت وانحرجت

مهاب: ايش الحلاوه هذه يابنت طيرتي عقلي ،مش مصدق مسك يدها باسها ...


تمكين: هيا ننزل نتصور عند الكوشه قبل مايجين النسوان وبعدين تكمل جلسه تصوير تفاصيل اللبس حقك


مهاب : طيب ينفع انتي تشوفي لي الطريق وانا اجلس اشوفش

تمكين ضحكت : لا ، شوف الطريق انت وساعدني الفستان ثقيل قوي


مهاب : تدللي يابرنسيسه ، ماقد شفت عروسه بهذا الجمال

تمكين بتنزل من الدرج.... ؟!!
بكره معنا عرس💫


وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

مساكم الله بالقبوووول
صليتوا على روح رسول الله

وفقرة الليله تحدي🥳🤩

هذه الايااام حمى شده🥵 وبنشرب ماء بكثره
والتحدي بايكون على نوع الماء اللي تشربه

💢اختر ماءك المفضل.
ونفذ التحدي اللي بااقول لك⁉️

للمشاركه لهانا. @ALFkamah

والنشر بيكووون هانا. @FkamhSnaane2

نصيحه لبعض البنات
الي لاجاء لها خاطبي تدي فوقة المهلكات
تشتي وتشتي لما يوصل مهرها 2مليون 3مليون
أسمعي يابي وعيني اذا انتي تشتي رجال يعزش ويقدرش ويحبش ومايبدلش لاتكسريش ضهرة بماهو فوق طاقتة وهو بيشقئ طول عمرة ويجمع الالف فوق الالف عشان يضويش
بعضهم يبكر من فجر الباري وبعضهم مايروح الا الفجر بيكتسر ضهرة طـول اليـوم عميـد يجـمع. مهـرها و يتـزوج وفتـح بيت ويحـقق حلمة الي هـو زوجته. وعيـكون يـبسرها شقئ عمرة ومايفرطش بها ويتمسك بها باايدية واسنانة.
والي بيقهـرني أن عادهن يلعبين باالـزلط لعب في غير محلها وتشتي تدي اغلى مغـنية وافخـم قاعة وافـخم عرس ع ميد الناس يبسرو او عميد ان صاحبـتها فعلت عرس ضخم هههههههه
المهم أفعلين الي تـشتين بس باللتي هي أحسن.
ولاتنسين أن الرسولﷺ قال أقلهن مهرآ اكثرهآ بركة 😪
ولاتـكسري ضهرة عـميد أنـك حالية أو بـنت فلان وهو شـاقي عـيجيلش الغني عيجيلش الي مرتزح لاضـهر ابوة مـابيهمة شـي وعـتتزوجـية لاكـن ماعتـمليش عيـنة لاانه ماتعبش لما وصـل لك الا من رحم ربي
المهم هاذا مجبري وسلامتكم 🐸😅

@ALFkamah

النفسيه محتاجه رحله لا إب 😍😍

اهل اب شاافتح الحجوزات للعزومات 😂😂

لا تتزاحموش على واحد واحد @ALFkamah

النفسيه محتاجه رحله لا ذمار 😍😍

اهل ذمار شاافتح الحجوزات للعزومات 😂😂

لا تتزاحموش على واحد واحد @ALFkamah

ماذا تعرف عن بيت سيدي.(بيت جدي أبو الام)

1- حقهم الكيس الطحين يخلص بسرعه
وكل اسبوع يشلوا كيس طحين
2- مايوقع للغواث طعم الا ببيت سيدي😂
3- يوميه مليان نسوان ويجين النسوان وعيالهن وبناتهن ساع بيت العرس
4-البيت والحوش حقهم ساع حديقة السبعين
5-مرافق البيت شغاله كلها سعما السوق في رمضان
6-الخال يشتري الجعاله والكيك والعصير بالكرتوون
كان فماه الخال والد . هذه ضريبه كلمة ياخال
الجهال مجتمعين واذا احد ضرب جاهل يا جنناه حلقي واصربي و انعثي...

من يضيف @ALFkamah

تعد القوارة احدى الاشياء الرئيسية التى تتواجد في البيوت اليمينة ولا يكاد يخلو بيت يمني الا وبه قوارة
وهي اختراع فريد في المناطق الجبلية لحفظ الاشياء من الحشرات والذباب والحفاظ عليها لبعض الوقت على حرارة الاكل
فهي تستخدم لتغطية الاكل والخبز
وهي بديل صحي عن الاكياس البلاستيكية .
والقوارة بسيطة الصنع حيث يمكن خياطتها من القماش الممزق والغير مستعمل بربط الاجزاء ببعضها على شكل دائرة او مربع وتتفن النساء اليمنيات في صنعها ووضع لمساتهن الابداعية كمان انها اصبح تجارة حيث اصبح بعض النساء يبعنها في السوق وتعود بالدخل عليهن وعلى اسرتهن .

ومعظم البيوت حتى الان مازالت لاتخلو من غطاء الخبز هذه "القوارة" غطاء الخبز "
قد تختلف مسمياتها من منطقة الى اخرى..
مهما زاد التطور تبقى الاشياء الممزوجة بالأصالة لها طابعها الخاص في نفوسنا ننجذب اليها بلاشعور.

هل مازلتم تستخدموها وماذا تسمى في منتقطتك ؟
@ALFkamah

إن شاء الله با يسقينا الله الغيث وتنزل الأمطار الغزيرة في صنعاء وعمران و ذمار وعدن وحضرموت وتعز ومأرب وإب وأبين والمحويت والبيضاء، وريمه، والحديده وشبوه
وفي كل مكان باليمن السعيد و با تبرد الأرض، ويأتي الخير و الأرض باتكون خضراء
واليمن ستكون أفضل وأجمل وكل هذا برحمه الله تعالى 🤲
فقط اكثروا من الاستغفار في هذا اليوم. وباتشوفوا الفرق💙
فقلت استغفروا ربكم انه كان غفارا يرسل السماء عليكم مدرارا. ويمددكم بااموال وبنين ويجعل لكم جنات ويجعل لكم انهارا

ما بانقول بالحسنين اسقينا بالزهراء اسقينا
ولكن اللهم انا نستغفرك من كل ذنب نعلمه وما لا نعلمه
اللهم انا نستغفرك من ذنوبنا كلها اولها واخرها صغيرها وكبيرها سرها وجهرها وتجاوز عن سيئاتنا
اللهم انا نستغفرك من كل ذنب يمنع عنا قطر السماء
اللهم اسقنا بالمشائخ الركع والاطفال الرضع والبهائم الرتع
الهنا وسيدنا جئناك معترفين بذنوبنا فااغفر لنا ذنوبنا واستر عيوبنا وتجاوز عن سيئاتنا فلا تردنا خائبين ولا تجعلنا من رحمتك محرومين ولا من عفوك مطرودين انت الذي رحمتك وسعت كل شي ورحمتك سبقت غضبك فااشملنا بعفوك ورحمتك وسترك واسقنا الغيث وامنا من الخوف
@ALFkamah

ألاشخاص الي اجوا على ايام #الدعايه_لأعلان_شوكولاته_روكسي
يطلعوا لهانا
جيل #التسعينات
@ALFkamah

🤏لعشاق الروايات والإثارة🩵🩷

✿سيتم انزال ( الجـــزء الثاني الـعـشـرون )
من روايه ( لأنك كنت هنا )

للكاتبه والروائيه المتألقه (عبير الكبسي)



وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

🤏لعشاق الروايات والإثارة🩵🩷

✿سيتم انزال ( الجـــزء الثاني الـعـشـرون )
من روايه ( لأنك كنت هنا )

للكاتبه والروائيه المتألقه (عبير الكبسي)


تمكين وهي بتنزل من الدرج بتشوف قدامها الكوشه فخمه ملكيه الالوان متناسقه وكبيره فخمه ضخمه حبت التفاصيل التابعه للكوشه منها منصه وممر وحواليه كنب ملكيه

مهاب شايف الدهشه بعيونها: عجبش .؟ خااايف مايعجبش بس حاسس إنه عيعج

تمكين قاطعته:مهاااااب من وين استاجرتها !؟؟ ماقد شفت مثلها ابدااااا

مهاب : صممتها عشانش ، شاف يده بتنسحب وتعاجل النزله: اصبري طيب عتشقلبينا ههههه
تمكين : حبيت قووووي ، شكرااا من قلبي ماتخيلتها بهذا الجمال

مهاب كانت تفاصيل ملامحه كلها بتبتسم سعاده إنه عجبها: صممته لش وطبعا عيكون حقنا المحل الي كلمتش اجرته عنخليه فرع تنسيقات زفاف وحفلات لو لش نفس و مود فيه شاركي بذوقش افكارش وانتي اختاري ناس تساعدش فاهمين بالمجال

تمكين: انت بصراحه عقليتك التجاريه خطيرررره رابط كل شي ببعضه

مهاب : ماعد خليتي لي عقل تجاري ولا طبيعي ، ذلحين كيف تقلي لي اتصور واخرج !! وتسخي؟؟ هذا كله الجمال من احق به يشوفه ويستمتع به انا او هم ؟؟

تمكين ضحكت : هو اصلا جايين يشوفو من عيستحق ويشل الجمال هذا ، من المحظوظ

مهاب : عاد الثقه هذه اموت فيها وتخليني اجنن عليش اكثر

حنان : عنتصورررر ياعرسان لاحقين على المجابره، مابش وقت اقطبو

ضحكوا وبدأو يتصورو سوا وكل نظره وابتسامه منها بتخليه يسرح فيها ويتشوق يعرفها اكثر ، الكلام معها ممتع مزاحها ممتع ثقتها ،هدوئها وشخصيتها الجاده لطافتها وهنجمتها فيها من كل صفه شي

تمكين : احسك مشتت ، قصد حنان نوقف هكذا النظره تكون لهنا

مهاب : مشتت بش والله ، بينحصي واعد صفات حبيتها وعجبتني فيش تخيلي هذا وماقد عرفتش سوا كيف لما اعيش معش

تمكين: لما تعيش معي خلاص عتكون عرفتني راح فضولك وحماسك وشويه وقدك مثل البقيه بتدور الثانيه والثالثه وما احل الله لكم

مهاب ضحك : انتي الاولى والثانيه والثالثه والرابعه ، انتي بصفاتش المتضاده هذه جمعتي كل النسوان فيش ،

تمكين حست عيونها امتلت دموع و داخلها كلام:-
( الامان الوحيد هو لما تحس اليوم فيه ظل حولك يحتويك في سند يكاتفك الدرب، في يد بتربت على كتفك في لحظه ضعف في ابتسامه بتهون عليك صعوبات الحياه، اليوم في نظره بتخليك تستشرق المستقبل حتى لو مش انت شايف هذا الشي، هذا هو المقصد )
بتحس نفسها تقوله بس مش عارفه تصيغه وحنان بتقاطعهم...

كملو التصوير وطلع مهاب يخلص جلسه التصوير..

مهاب : عفوا منش اخت حنان، ممكن عروستي تاخذ لي هي تفاصيل اللقطات حقي ؟؟؟

تمكين ضحكت : ماجت على بالي الفكره

حنان: انا كنت اشتي اقلها ، بس قلت بالفستان وو

مهاب : عادي شاساعدها

حنان : طيب احسن شي، اسير اصلي سريع واتغدا ، وارجع لكم

تمكين بترتب معه علبه الساعه والخاتم وعطره

مهاب: قلي لي انا شاساعدش مافعل

تمكين: ابعد الكوت والكرفته علق الكوت

مهاب : الكوت تمام، بس الكرفته مابقدر اربطها بعدين

تمكين: سهل انا اعرف

مهاب فرح : تمام، سجل يامهاب ، من ذلحين اضمن الاناقه والشياكه مرتك عتلبسك الكرفته

تمكين ضحكت : اعلمك سهله

مهاب: لا مشتيش اتعلم، عشان تلبسيني كل يوم

تمكين: تمام البسك

مهاب : طيب الان جهزنا كل شي
تمكين لقطات صور للاشياء وبعدين : ايوه ابدا البس الدبله ببطء هكذا شاوريك ( بعدت دبلتها ولبست)

مهاب بيقلدها

تمكين صورته : وبعدين الساعه ...الان تمسك الكوت من الطرف

مهاب : هكذا ؟

تمكين ضحككككت: لاااا ، هكذا ، قربت وبتعلمه كيف ...
مهاب بيضحكك: اضحكي عليا اضحكي ( قلدها وصورته)

تمكين: باقي الكرفته

مهاب: قلتلش معرفش لاتحرجيني
تمكين: لا بس هكذا ع اساس بتربطها انت وبعدين انا بصور لما تشدها وقد ربطتها

مهاب بيقلد: طيب

تمكين شافت مابش وقت بتسمع المغنيه بدات تغني وطلعين يدقين الباب وهي مغلقه عشان لايقاطعوهم ...

قربت طرحتها فوق رقبته

مهاب مسك يدها فوق كتفه وباسها

تمكين انحرجت ابتسمت :رجعت خطوتين شلت الكاميرا وصورته

مهاب قرب منها : هيا اربطيها
سمع الباب بيحاولو يفتحوا ويدقدقين

تمكين: ماعليك ماعد بخلص من الدقدقه، خلينا نكمل اخر لقطات

مهاب قرب : يلا اشوف تعرفي صدق او لا

تمكين ضحكت: تمام ، مسكت الكرفته ، تبدا من هنا وتلفها هكذا...

مهاب بيشوفها وهي بتتكلم وعيونها ، شاف فوق شعرها ورق ورد لما تصوروا عند الكوشه، بعدها لها

تمكين لفتت له
مهاب : هذه ورده فوق راس وردتي

تمكين : ماعد بش ؟

مهاب : الا

تمكين ماسكه شعرها تتحسس: وين

مهاب مسك يدها باسها: هذه قدامي ، بقطفها واهرب

تمكين كملت تشد الكرفته وعدلتها : ذلحين شوف المرايه ، كيف حلوه؟

مهاب مسك يدها وقربها: حلوه وهي جنبي قوي
تمكين ابتسمت له
الباب بيددددق
مهاب: ازعجونا

تمكين: طيب هيا اصورك اخر لقطه بعدين نفتح لهم

مهاب: الله يعينش كيف بتسوي لما تصوري