"تخطيتُ معك
‏مرحلة البدايات
‏والإعجاب
‏الأمر أكثر تعقيدًا
‏شيء يفوقُ الحُب بكثير
‏شيء يشبهَ الإدمان."

مش من المنطق إنك تطلب من حد يهتم بيك، ولا يخاف عَليك، ولا يفكر بيك، ولا يسأل عليك،
مش منطق تقوله كلمني، حبني ولا حِس بيا
ولا تعاتب حَد على حاجات هو مقصر بيها و هو مش حاس بيها،
او تعاتب حَد على حاجات مُش مهمة بالنسبه ليه على إنها مُهمة جداً بالنسبة ليك
في حاجات لو انطلبت تقلل منك قَبل ماتفرحك.

في علاقات ماضية في حياتي بمجرد مانتذكرها نشمئز و نتقزز من روحي، ما نعرفش كيف تعمّقت مع شخص لا يشبهني ولا نشبهه وراهنت عليه كل اللي حواليا، كيف كسرت حدودي وقواعدي على خاطر ناس ما يستاهلوش مني حتى السّلام، شن الغشاء اللي كان معمي عيوني وأني معاهم و علاش نزّلت كرامتي للمستوى هذا.

نحمد ربي ان نظفت عيوني منهم و فقت على روحي حتى لو متأخّر .

حرفيًا بالكلمة ..

٦ عادات دينية ستغير حياتك

العادة الاولى : قراءة سورة الاخلاص يوميًا عشر مرات يبني الله لقارئها بيتًا بالجنة.

العادة الثانية : قراءة سورة الكهف كل جمعة ينير الله لقارئها مابين الجمعتين.

العادة الثالثة : حفظ اول ١٠ آيات من سورة الكهف حافظها يعصم من المسيح الدجال.

العادة الرابعة : قراءة آية الكرسي بعد كل صلاة،قارئها لايصبح بينه وبين الجنة الا الموت بإذن الله.

العادة الخامسة : قراءة سورة الكافرون قبل النوم تبرأ قارئها من الشرك.

العادة السادسة : قول سبحان الله وبحمده سبحان الله العظيم ١٠٠ مره في اليوم قائلها غفرت له ذنوبه ولو كانت مثل زبد البحر.

‏اللهم إنِّي أستودعك حياتي كلها خيرها وشرها
، يا رب اجعل أيامي القادمة رضا وسعادة وتوفيق
منك يا الله،

يا رب أخرجني من حولي إلى حولك،
ومن عزمي إلى عزمك،
ومن ضعفي إلى قوتك،
ومن انكساري إلى عزتك
ومن ضيق اختياري إلى براح إرادتك،
يارب اجعلني أسعد خلقك

وتولَّني فيمن تولَّيت.

“موضوع لاحظته في مجتمعنا ...طبعا حشي بعض الناس صاحبة القلوب الطيبة والنية الصافية ...
.
حياش الناس والهزوة

نستغرب في اللي يتعاملو على إنهم غير..

حياشهم غير .. نسبهم غير ..

صغارهم غير ومتخيلين انهم إستثناء وانهم ديما بخير ..

نتكلم بالتحديد( عالناس الهزاية)

راهو في كل حوش في حاجة ناقصة وقلة راحة في نقطة معينة

لكن الرضا والصبر هما اللي يمشو في الحياة

النقص وقلة الراحة متوزعة على حياشنا …

الحوش اللي مافيشي موت وفقد ،فيه مريض

وفي حوش فيه مراهق مدهش اماليه، وفي الطايش اللي مشهدر بأهله

وفي ديار تبكي فيها المطلقة وماحدش يندري عليها …

وناس عندهم أرملة تجري وماتدري على صغارها

وفي البو الواعر وفي البو اللي مايصلحش وفي البو اللي مهناش أصلاً.

وفي الام اللي تفرق في المعاملة وفي الام القاسية

وفي الام الظالمة وفي الام المظلومة

وفي الخوت اللي مايرحموش وفي الخوات المضطهدات

وفي الخوت اللي وضعهم سيء لا خدمة لا قدمة وحالهم يبكي

كل باب وراه سر .. وكل حوش فيه ابتلاء شكل

لان حياشنا حياش دنيا ..حياش مؤقتة ولو كانت ملك ..

لان المستقر في الجنة🌸 ..

لذلك لما تسمعي مشكلة عن فلانة والا العيلة الفولانية صارلهم شي ..

ردددددي بالك منها النفخة هاديكا بتع احني ماعندناش هكي واحني خير منهم ..

هزوتك على بنات الناس حتوليلك ..حتلقي من هازي على بنتك ..
و اللي هازية عليها لانها بلا دار نوم مرات مرتاحة اكثر منك يالي ترقدي في دار وراجلك في دار تانية …

وولدك صح ما يحششش لكن مرات يدير في بلاوي احرف .. وغيرها وغيرها

و لو بتقارني روحك بغيرك تلقي حالك انتي اللي يبكي

ردي بالك تتخيلي روحك في معزل والا ربي مدايرك دون الناس ..

وراهي الناس تحس !!

تحس بشبحاتك لمناديرهم وتقعميزتك اللي مش مرتاحة

وطاستك الي ماكملتيهاش تأففاً ..وجيتك اللي فوق من النفس

لذلك تواضعي واغلبيها النفس الدنيئة اللي واهماتك انك احسن من غيرك ..

وراهو في فرق بين صالح ومستور ..و بين الفلوس لما تبدأ رزق أو ابتلاء

وراك تراب يمشي على تراب حوشك وعيلتك وصغارك وفلوسك وجمالك وكل شي عندك فاني ..فردي بالك

تواضعو لما تخشو حياة غيركم

خشو حياش الناس غاضين البصر

وقبل ما تعفسو عتبتهم نظفو قلوبكم واطفوه جهاز التقييم اللي يخدم 24/24. تقول رقابة

خشو باش توسعو الخاطر وتقولو الكلمة الباهية ..”

‏"اللهم السِّعة، السِّعة التي تجعل كل شيءٍ هيّن، ليّن، سهل ومُطمئن."

‏"يُريحني جدًا أن الله يعلم ما في القلوب، يعلم ما في النيّات، يُريحني أن الله يعلم ما تُكِن الصدور وما يدور في الخواطر ، يُريحني جدًا أن الحساب بيد الله، والرزق بيد الله ، والرحمة بيد الله.. والفتوح كُلّها بيد الله.. يُريحني أن تدابير البشر ومكائدهم في كفّة وتدابيـر الله في كفّة."

"اللهم احفظني من عين تراقبني بسوء، و اكفني شر كل حاسد وحاقد ومنافق اللهم ابعد عني من يشوه سمعتي و ينتظر زلتي ولا تحزن قلبي على منافق ظننت أنه صديق ربي من أراد بي سوء فأشغله بنفسه، اللهم اني استودعتك نفسي فأكفني شر خلقك يارب."

🤎

التعود من اكثر المشاعر اللي صعب التخلص منها، فـلطُفًا بقلوب بعض، وما تعودوش حد على حاجة بعدها تاخدوها منه .

بقِيَ القليل حتى تُفرج المِحَن، أَرَأيت مُمْتَحنًا يَمضِي العُمرَ يَمتَحِنُ!.

غدوا في صفحات قصتنا تتكلل بالنجاح،
ويعيش شعور الفخر داخل قلوبنا،
غدوا تدمع عيوننا من الفرحة،
ونظرة الانتصار تتشابك مع اللي رافقناهم في طريقنا،
غدوا نحصدوا ما زرعنا من جهد،
ونجمعوا قطاف تعبنا،
غدوا نسمعوا التهليلات والمباركات،
ونرتاحوا بعد الإنهاك،
غدوا حننسو عناء اليوم،
ونستمتعوا بشعور الإنجاز،
غدوا يستاهل كفاحك هذا،
ما تستسلمش مهما طالت الطريق حتوصل ..
وما أطعم لذة النجاح بعد المشقة ..

غُفران

كُتب بواسطة شخص أوشكت طاقته على النفاذ .
١٥ - يوليو - ٢٠٢٣

وجودكَ
يجعلني أكثر صبرًا
وأقل حيرة

يزدني قوة
كأنني لم أشعر بالعَجز
ولو لمرة واحدة في حياتي.

في أثناء سيرك إلى الله،
تتعثّر
تنكسر
تُفتن
تُمتحَن بالمِحَن
وتتقطعُ أنفاسُك

لكنّ العبد المُحبّ لله لا يستسلم للدّنيا!

يُحاول ويُجاهد ويُقاوم..
[فمن صدق حُبّه، صدق سعيه].

والمُحِبُّ يصِل!

"قد يشاطرك أحدُهم آخر زاده من الصبر
ويهبك ما تبقى في قلبه من أمل
ويقتسم معك آخر ابتسامة قبل أن ينفرد بحزنٍ طويل..

‏فأحسِن إستقبال الود فإنه ثمين."

‏- د. هبة رؤوف عزت

اللهم إن إخوتنا في الشرق عبادك في أرضك وتحت سماءك، ولا نملك لهم إلا سؤالك وأنت خير من يجيب،
اللهم احفظ أهلنا في شرق البلاد واحرسهم بعينك التي لا تنام و اكنفهم بكنفك الذي لا يرام،
اللهم استودعناك اهلنا في الشرق فأحفظهم بحفظك التام وبعينك الذي لا تنام يارب احميهم بحمايتك وكون معاهم 🥺💔

عندما أُمطرت المدينة أسبوعا كاملا في عهد النبيﷺ ،
دخل رجل إلى المسجد يوم الجمعة والنبي على المنبر
فقال يا رسول الله، هلكتِ الأموال وانقطعت السُبُل، فادعُ الله يُمسِكها، فرفع رسول الله ﷺ يديه ،ثُم قال :

"اللهُم حوالينا، ولا علينا، اللهُم على الآكَامِ والجبال، والظرابِ، والأودِيةِ ومَنابِتِ الشجَرِ . قالَ أَنَس : فَانقَطعَت، وخرَجنَا نَمشِي في الشَّمْسِ .."

رواه البخاري