قالت احبك قلت خليها صداقه
قالت لييش قلت الحب يدي الضيق

قالت وحبي قلت بالحب عندي اعاقه
ماعدت امن به وماعندي تصديق

عشت مره الحب وموتني فراقه
امسي بالسماء طاير واصبح غريق

كانت تقلي حبنا صعب اقتلاعه
لو يقطعو راسي ويشعلو فيني حريق

حبك بوسط القلب وصعب انتزاعه
ماقدرش اعيش بدونك ماقدر اطيق

واليوم وين اللي كانت بتحلف ياجماعه
صارت في حظن الغير في حضنه حقيق

هل فهمتي الان ليش الحب عندي حماقه
وليش هذا الحب ماعاد له وسط قلبي طريق

لاني عليه اقفلت بابه وسديت كل طاقه
ورميت مفتاحه في البحر العميــــق

انا افدي دقات قلبك دقه دقه
والروح ياحياه الروح ترخص لك

تسخي تعذبني بلا رحمه ولاشفقه
تسخي تعذب شخص عيشته لاجلك

شاكتب احبك بخط النسخ والرقعه
ايوه احبك اكثر من الناس ذي حولك

ماشفت مثلك ابد بالحسسن والرقه
سبحان من صورك وابدع بتشكيلك
.

الفم خاتم مرصع بالذهب يلمع
والعين كحلا مثل نجمه بوسط الليل

والرمش قائد معسكر للوطن يفزع
كم ياقلوب قد قتل خلا دماها سيل

والخد مثل الشمس يوم تســــطع
خد انخلق بس للــبوس والتقبيــــل

والشعر شلال اطول مما تتــــــــوقع
شايف حلاها ولكن مابيدي حــــــيل

وطولها مثل طول النخل مترفع
تمشي بهيبه مثل مشيه فرس او خيل

وصفي حلاها قليل جدا ومتواضع
لكن وصفي مايحتوي لاكذب او تضليل