حته اسمي نسيته بيوم...شفتك
ومعجب بعيونك... وشفتك
اخاف النحل يلتم فوك...شفتك
يشوف العسل حسباله خليه
ومعجب بعيونك... وشفتك
اخاف النحل يلتم فوك...شفتك
يشوف العسل حسباله خليه
يا غالي شلون ما احبك...ولا ابيك
وأمك ما تحن مثلي...ولا بيك
عساهن بيه لو عاتك... ولا بيك
و أحول كل ألم منك عليه
وأمك ما تحن مثلي...ولا بيك
عساهن بيه لو عاتك... ولا بيك
و أحول كل ألم منك عليه
تچمله شما تشوف...عاز متني
حمل وانه علئ اخي...عاز متني
شني الدنيا علئ ضيمك...عاز متني
شبعت ضيم وحضرتك ثوب حيه
حمل وانه علئ اخي...عاز متني
شني الدنيا علئ ضيمك...عاز متني
شبعت ضيم وحضرتك ثوب حيه
كسر وفصخ جنحي بي...واشكال
طرت مابان بيه خلل...واشكال
اني الشايف عذاب انواع...واشكال
ولكن بس غرامك عم عليه
طرت مابان بيه خلل...واشكال
اني الشايف عذاب انواع...واشكال
ولكن بس غرامك عم عليه
وحق الماوصل واحد...مكانه
تدري شكد الك عندي...مكانه
شلت كلبي وصرت انته...مكانه
ونبض البيك نفس النبض بيه
تدري شكد الك عندي...مكانه
شلت كلبي وصرت انته...مكانه
ونبض البيك نفس النبض بيه
عيوني من الهجر ملت...وسالت
وعليه احباب مانشدت...وسألت
الف دمعه الجرت مني...وسالت
ولا دمعه الجرت منهم عليه
وعليه احباب مانشدت...وسألت
الف دمعه الجرت مني...وسالت
ولا دمعه الجرت منهم عليه
منو بعد أمه بالحسبان...عداگ
مثلي وفوگ خشم عداگ...عداگ
ثلث حالات مو حلوات...عدگ
نحس وتخون وتذب صوج بيه
مثلي وفوگ خشم عداگ...عداگ
ثلث حالات مو حلوات...عدگ
نحس وتخون وتذب صوج بيه
الكلت ميخيب بيهم...مره ضني
سوالف شفت عدهم...مره ضني
حوافر خيل دهري...من رضني
ارحم من حوافرهم عليه
سوالف شفت عدهم...مره ضني
حوافر خيل دهري...من رضني
ارحم من حوافرهم عليه
صبي يـــــا دمـــــوع العين...صبي
وعلى خشف الطلع من بيت...صبي
لـوني موش مسلم صرت...صبي
وصوغ احجول دندوشة بديه
وعلى خشف الطلع من بيت...صبي
لـوني موش مسلم صرت...صبي
وصوغ احجول دندوشة بديه
يرد ولفي يرد ضليت...ولوين
على ذاك بيا نوية كطع...ولوين
براسي ذكريات ابرجن...ولون
ركبتي وكمت بس سنسول بية
على ذاك بيا نوية كطع...ولوين
براسي ذكريات ابرجن...ولون
ركبتي وكمت بس سنسول بية
تهزهز يا لحد وانفض...ترابيك
وعزيز الروح هالنايم...ترابيك
يباچر عيد وعيوني...ترابيك
دضل بنومتك والنوح الية
وعزيز الروح هالنايم...ترابيك
يباچر عيد وعيوني...ترابيك
دضل بنومتك والنوح الية
همومي اشتعلت بكلبي...ودارت
وليالي لحزن حاطتني...ودارت
الدنيا صاحبت غيري...ودارت
وحرمتني من اعز الناس الية
وليالي لحزن حاطتني...ودارت
الدنيا صاحبت غيري...ودارت
وحرمتني من اعز الناس الية
النسه روحي بجمر كلبه...معاتبه
بعد لو بي هوا ريتي ...ما اعت بي
بشر ما يستحي مني...ما اعاتبه
عتاب العين افضل عتب لي
بعد لو بي هوا ريتي ...ما اعت بي
بشر ما يستحي مني...ما اعاتبه
عتاب العين افضل عتب لي
صرت منخل لجل ربعي...ولم ماء
وطبعهم ماي ما ينلم...ولماء
شلتهم طاحو كبالي...ولماء
طحت ركضو خذو ثوبي لعليه
وطبعهم ماي ما ينلم...ولماء
شلتهم طاحو كبالي...ولماء
طحت ركضو خذو ثوبي لعليه
بدینه بشوك لعيونك...بدينه
ولك تشتاك الروح مو...بدينه
احلفلك بالله وبشرعه...وبدينه
انا بهل دنيه من غيرك اليه
ولك تشتاك الروح مو...بدينه
احلفلك بالله وبشرعه...وبدينه
انا بهل دنيه من غيرك اليه