كل ترتيب بتشوفو بعينك، في ترتيب تاني… ساكن جوّاك 💚

في حاجات بتجرى في حياتنا، نحتار ليه حصلت وليه اتأخّرت،
لكن لو تأمّلت شويّة… بتلقى الحكمة ظاهرة بهدوء، زي نسمة تمرّ في عزّ الهجير 💚

دي سلسلة خفيفة على القلب، لكن تقيلة بالمعنى.
نمشي فيها سوا، نفتح نوافذ التأمل، ونشوف كيف ربنا رتّبنا بلُطف، وعلّمنا بلُطف، ومشّانا في طرق لو رجعنا ليها نقول:
ياااااه… سبحانك، يا مَن رتّبتنا بحنانك 💚

🔹 ح نغوص في التفاصيل الصغيرة،
🔹 ونحسّ بالمعاني الكبيرة،
🔹 ونرجع نحب الحتّة البسيطة فينا، ونشوفها بعين جديدة 💚

📍خلي قلبك معانا، وخلّي روحك تسمع.
قريب نبدأ أول همسة من سلسلة سبحان من رتّبنا
وربّنا يكتب لينا فيها النور، وليكم الأثر 💚

#سبحان_من_رتبنا
#قوم_امشي_صلِّ💚

إذا المرء لم يغلب هواه أقامه.. ... ..بمنزلة فيها العزيز ذليل

مجاهدة النفس يا رفيق طريقها طويل، فإما تصبر وتجاهد أو تتنازل عن جنة عرضها السموات والأرض مقابل شهوات ومغريات فانية!

نخلي طريق الجنة عشان ساعة نوم يا رفيق؟

#الصلاة_خير_من_النوم
#قوم_امشي_صلِّ💚

من فجر الجمعة لحد غروبها في كنوز وسنن عظيمة، تعالوا نذكّر بعض بيها:

من صلاة الفجر: من السنة إنو الإمام يقرأ بـ سورة السجدة والإنسان.

دخل وقت الجمعة:من السنة الاغتسال، التطيّب، ولبس أنضف وأجمل الثياب، وما تنسى وكمان التبكير للمسجد.

خلال اليوم: أكثِر من الصلاة على الرسول ﷺ، واقرأ سورة الكهف.
بعد صلاة العصر: أكثر من الدعاء لأنو في ساعة ما بيوافقها عبد مسلم يسأل الله حاجة إلا أعطاه.

اللَّهُمَّ اجعل لنا في هذا اليوم دعوةً لا تُرد، ورزقًا لا يُعد، وبابًا للجنة لا يُسد.

#قوم_امشي_صلِّ💚

"الضِيقٌ قبلٌ الفَرج"

مرات بِنمٌـر بلحظات ضيق، تعب، غـم، وعدم فهم للحاصل..
بنسأل نفسنا: لـيه؟ ليـه الحاصل دا؟
في اللحـظة دي، بنكون عايشين الألـم، بنحاول نصبر، لكن ما ساهلة.
وبرغم الضيـق، سُبحان الله، بنلقى الأمور اتزبطت من غـير ما نخطط..
ناس دخلوا حياتك فجاة، فرص ظهرت، والموقف الصعب اتقلب لخير ما كنت بتتخيله💚.
زي قصة الصحابي الجليل– كعب بن مالك رضي الله عنه لما تخلف عن غزوة تبوك:
ولأنه كان صادق وما كذب في سبب غيابه، النبي أمر الصحابة يقاطعوه لفترة طويلة جِدًا

إتخيـل!
لا كلام ، لا سلام، لا تواصل
لكن كعب صبر وما جامل ولا كذب، وبعد ما مرت الأربعين يوم الكانت صعبة جٍدًا عليه، ربنا أنزل فيه آية من القرآن تقول:
"وعلى الثلاثة الذين خُلفِّوا، حتى إذا ضاقت عليهم الأرض بما رحُبت..."
يعني حسو إنه كل الدنيا ضاقت عليهم لكن سبحان الله بعدها ربنا تاب عليهم ورتّب أمرهم بلٌطف عجيب.

القصة دي بتورينا إنه:
مرات التأخـير في الشي البتتمناه هو ذاته الرحمة، الزول البعد مـنك، ممكن يكون حماية ليك، والمواقف البتحصل فجأة، بتكون مرتبة بدقة من ربنا الرحيم

فسبحان من رتّبنا.. بلُطف، وبدون ما نشعـر 💚.

#سبحان_من_رتبنا
#قوم_امشي_صلِّ💚

قال تعالى:"وَلْتَكُن مِّنكُمْ أُمَّةٌ يَدْعُونَ إِلَى ٱلْخَيْرِ وَيَأْمُرُونَ بِٱلْمَعْرُوفِ وَيَنْهَوْنَ عَنِ ٱلْمُنكَرِ ۚ وَأُو۟لَٰٓئِكَ هُمُ ٱلْمُفْلِحُونَ".

فلاح الأُمة وصلاحها وخِيرتها، مُرتبط بأمرها بالمعروف ونهيها عن المُنكر...
فهو حِماية للمُجتمع وحِفاظ على قِيمه، ويمنع من انتشار الفساد، وزوال البركة والنِعم، وسبب في رضا الله تعالى💚
ف كونك تسكت عن المُنكر، ما معناه حِماية نفسك من المشاكل، معناه بقيت شريك في استمراره وانتشاره.

ومافي شي اسمو أنا ما شيخ أو علمي محدود، النصيحة بتكون بأي طريقة بتقدر عليها، فالرسول ﷺ قال:"مَنْ رَأَى مِنكُم مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ"💚.

#قوم_امشي_صلِّ💚

رجال الأمة..!💚
حصل سألت نفسك أنه هل أنت قدوة لي زول ولا لا؟

شافع صغير بقول لي أمه، يا أمي أنا لما أبقى قدر عمو وأبوي ما ح أصلي في الجامع...!
لكن لما أبقى قدر جدو عبدالله صلواتي كلها في الجامع وطوالي بسبح وبستغفر💚

لي الشافع دا قال كدا؟!

تابع معاي في التعليقات⤵️:

#راجع_نفسك_وارجع_صلي
#قوم_امشي_صلِّ💚

سبحان الله العظيم الذي قال: "وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِّمَنْ أَرَادَ أَن يَذَّكَّرَ أَوْ أَرَادَ شُكُورًا"

ورد في تفسير الآية إنو ربنا خلق لينا الليل والنهار يخلفو بعض يعني العمل الصالح الفاتك في الليل ادركو في النهار والفاتك في النهار الحقو في الليل💚

بالله اتأمل رحمة ربنا بينا في كل كبيرة وصغيرة!حتى الليل البيعقبو نهار والنهار البيعقبو ليل ماهم إلا رحمات من الله وفرص جديدة لذكر الله وشكره وحسن عبادته💚
وكمان أمانات حنتحاسب اذا فرطنا فيها!

أحسن استغلال نهارك وليلك وخليهم شهداء ليك ماعليك واتدارك ساعاتهم بالأعمال الصالحة وإن قلَّت💚

#قوم_امشي_صلِّ💚

أتندس الصلاة..

صليتو الظهر ولا لسه؟👀
أي رفيق صلّى يتفاعل مع الرسالة بـ "🫡"

قال تعالى :{قَدْ أَفْلَحَ الْمُؤْمِنُونَ ۝ الَّذِينَ هُمْ فِي صَلَاتِهِمْ خَاشِعُونَ}
اللَّهُمَّ اغفِرْ لنا، وارْحَمنا، واهدِنِا، واجبُرْنا، وارزُقْنا واجعل قرة أعْيُنِنا في الصّلَاة 💚


#قوم_أمشي_صلِّ💚

الذكر البتنشروه الحديث البتشاركوه أو حتى الفائدة الصغيرة البتكتبوها ممكن تكون سبب في إنو زول يقولو أو يعمل بيهو يعني الذكر الكتبتو ده ونشرتو اجرو ما بيوقف عندك بس بل بيمشي معاك في صحيفتك💚

النبي ﷺ قال:
"مَن دلَّ على خيرٍ فله مثل أجر فاعله"
يعني ببساطة كل خير يصل لزول عن طريقك أجره بيرجع ليك كامل
إتخيل معاي...

رسالة واتساب بسيطة فيها استغفروا ربكم آلاف الاستغفارات داخلة في ميزانك
حديث صغير كتبتو كل زول يقراه ويعمل بيه إنت شريك في الأجر
حتى بوست قصير تقول فيه اذكروا الله حسنات ما بتنتهي

خلي ليك أثر جميل في الدنيا يمكن يكون سبب في نجاتك يوم القيامة💚

انشروا الخير فالكلمة الطيبة زي البذرة ما بتعرف وين ممكن تكبر🌿

#قوم_امشي_صلِّ💚

السلام عليكم ورحمة الله وبركاته،
أبطالنا وأبطال الشهادة اليوم يومكم اليوم فرح من بعد فرح
اليوم دموع قبول وتهانٍ وتبركات بتحقق الأماني

كتب الله لكم التوفيق والسداد...
ووفقكم في دراستكم الجامعية وفي حياتكم العملية،
وتذكروا واخلصوا النوايا فطريق العِلم من أقصر طرق دخول الجنة؛ إذا ابتغي به وجه الله تعالى ونفع العباد💚

مبارك عليكم مبارك لكم...
أعانكم الله في ماهو آت وكتب لكم التوفيق والسداد💚

#قوم_امشي_صلِّ💚

"فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ"

ده *الهدف والغاية*...
أمّا شهادة الجامعة، الزواج، العربية، البيت ، وتحسين الوضع الاجتماعي …الخ
دي كُلّها أهداف سمحة وما فيها عوجة تب لكن!
ما هي الهدف الأساسي *نهائي* كُلّها بتجي تحت الهدف الأساسي اللي هو؟ *رِضا الله سبحانه وتعالى* .

فما تخلِّي الأهداف دي تشغلك عن الهدف الأساسي،
بالعكس استخدمها وسيلة لرضا ربنا بإنك تَخْلِص النيّة وتعمل الحاجة دي رفعة ونفع ليك كمؤمن وللأُمّة واحتسب الأجر واتذكر "*ما كان لوجه الله سيبقى*"💚

واتجنب تخلي أهدافك غاية لذاتها لانو الدُّنيا بكُلّ ما فيها فانية وما عند الله *خير لكَ وأبقى*💚.

#قوم_امشي_صلِّ💚

عزيزي المسلم عايز تنعش قلبك وتتقرب لي ربك عليك بالصلاة💚
صدقني ح تلقى سكينة وطمأنينة وهي وسيلة التواصل مع الخالق حافظ على صلاتك عشان تنعم قلبك وتريح روحك💚
عن عثمان بن عفان رضي الله عنه قال :قال رسول الله صلى الله عليه وسلم :من توضأ فأحسن الوضوء ثم صلى ركعتين لا يسهو فيهما غفر الله له ما تقدم من ذنبه "💚
(رواه ابو داود).
حي على الصلاة حي على الفلاح💚
النجاح والفلاح مقرونين بالصلاة فكيف حتفلح لو ما بتصلي؟💚

#قوم_امشي_صلِّ💚

الليلة حيكون في خسوف للقمر… عارفين دا معناتو شنو؟
يعني ضوء القمر حيختفي جزئي ولا كلي🌒
لكن الموضوع ما بس ظاهرة كونية…
دي آية من آيات ربنا:
﴿وَمَا نُرْسِلُ بِالآيَاتِ إِلا تَخْوِيفًا﴾

الخسوف تنبيه لينا…
زي ما ضوء القمر ممكن يختفي فجأة، حياتنا برضو ممكن تنتهي فجأة، والنبي ﷺ قال:
”فإذا رأيتم ذلك فصلوا وادعوا حتى ينكشف ما بكم“
وفي رواية: ”فادعوا الله وكبروا وتصدقوا“💚

طيب، صفة صلاة الخسوف كيف؟!🤔
التفاصيل في التعليقات:⤵️

#قوم_امشي_صلِّ💚

الخسوف بدأ والقمر شوية ويختفي
خلي التلفون والتصوير واي و واو والكلمات دي
أدعوا الله وكبروا وتصدقوا
صلوا صلاة الخسوف توبوا استغفروا ارجعوا لي ربكم

لو وصلت لي هنا ربنا يهديك أقفل البيانات وخلي التلفون بعيد وقوم

#صلاة_الخسوف
#قوم_امشي_صلِّ💚

صباح الخير💚
قال تعالى: "فاذكروني اذكركم واشكروا لي ولا تكفرون"

جربت تخصص ٥ دقايق بس من وقتك في أول كل يوم
لذكر ربنا؟
طيب للتسبيح، الإستغفار، التهليل، التكبير، الصلاة على النبي، لاحول ولا قوة الا بالله، طيب قرآن كريم او حتى انك تدعي بلهجتك البسيطة انو ربنا يبارك ليك ويوفقك في اليوم دا لكل مايحب ويرضى💚

خلينا نجرب الليلة مع بعض ونبدا التحدي...
أضبط تايمر التلفون لمدة ٥ دقايق فقط استثمرها في ذكر ربنا وتعال احكي لينا عن البركة والفتح في يومك والتغيير
في مزاجك وسعادتك💚

#الصلاة_خير_من_النوم
#قوم_امشي_صلِّ💚

عَنْ أَنَسِ بْنِ مَالِكٍ قَالَ: قَالَ رَسُولُ اللهِ ﷺ:
( إِنْ قَامَتِ السَّاعَةُ وَفِي يَدِ أَحَدِكُمْ فَسِيلَةٌ، فَإِنِ اسْتَطَاعَ أَنْ لَا تَقُومَ حَتَّى يَغْرِسَهَا فَلْيَغْرِسْهَا ) .

الحديث دا أكبر مشجع إنه ما تيأس
حتى لو حسيت إنه الوقت إتأخر، وإنت بتعمل في الذنوب أرجع وتوب وأعمل الخير💚

يوم جديد بداية جديدة...
واغرس فيه كل فسيلة قادر تغرسها💚.

#قوم_امشي_صلِّ💚

ما بينك وبين القرآن؟

قال النبي ﷺ:
"اقرؤوا القرآن فإنه يأتي يوم القيامة شفيعًا لأصحابه."
(رواه مسلم)

إتخيل يكون عندك صديق ما بيفارقك في الدنيا، يؤنسك في القبر، ويحاج عنك يوم القيامة!👀
يا طيب المحيا صديقك دا إسمه "القرآن الكريم"

النبي ﷺ كان عنده ورد يومي من القرآن، ما بيأخره ولا بخليه،
والصحابة رضوان الله عليهم اقتدوا بيه:
منهم من يختم كل عشرة أيام، ومنهم كل أسبوع، وفي من يختم كل يوم مرة أو مرتين!

حتقول لي: "زمانهم غير، نحنا مشغولين بالشغل والدراسة والحياة..."
لكن القرآن ما شرط تقرأ كتير، المهم يكون عندك "ورد ثابت"
زي ما بتشرب موية كل يوم عشان جسمك، قلبك وروحك محتاجين نصيبهم من كلام الله.

حتى لو وجه أو اتنين في اليوم، دا عمل عظيم:
نور لقلبك، حفظ لبيتك، طمأنينة وبركة في يومك💚.
وتذكر:
"أحب الأعمال إلى الله أدومها وإن قل."

ابدأ اليوم، بعد الفجر أو قبل النوم،
وخليها عادة، وشوف كيف ربنا حيكرمك في كل لحظة 💚

#سنن_مهجورة
#ورد_القرآن_الكريم
#قوم_امشي_صلِّ💚

زي ما بتِضبُط المنبه للجامِعة أو الشُّغل...
اضبُطُه لِصلاةِ الفَجر💚
قال النَّبي ﷺ: "مَن صلَّى الصُّبحَ فهُو في ذِمَّةِ الله."

إوعَ تِسيب يومَك يِمُرّ مِن غير بَرَكة💚

#الصلاة_خير_من_النوم
#قوم_امشي_صلِّ💚

صلاة الضحى… صلاة الغافلين، وكنز الأوابين💚.

تخيّل يا رفيق… جسدك فيه (٣٦٠ مفصل)، وركعتين بس تكفي عن كل الصدقات دي يوميًا!

وكمان ربنا ذكر في فضلها آية عظيمة جدا:
"وَلَسَوْفَ يُعْطِيكَ رَبُّكَ فَتَرْضَى".

تدبّر… عطاااء ربنا سبحانه الذي إذا أعطى أكرم، وإذا جبر أدهش، وإذا لطف أبهج💚.

فما تفرّط فيها يا صاحبي… ركعتين بس، لكن أجرها عند ربنا أعظم مما تتخيل💚.

#قوم_امشي_صلِّ💚

*مَا لَا يُدْرَك كُلُه ، لَا يٌترَك جَلَّه*

المسؤوليات كتيرة، والمهام أكتر وكلها مهمة، والآمال والطموحات أكبر من الواقع...
هنالك من يطمح لحفظ القرآن الكريم، وأخر عايز يتعمق في العلم الشرعي، وواحد يجتهد في دراسته وحلمه ومستقبله
وناس محتجين في ال٢٤ساعة عايزنها ٢٦ساعة ويكمل مهامه وينجز!

ولكن يا عزيزي، نفسك أضعف مما تتوقع، ما ترهق نفسك بمهام كبيرة وبعدين تفقد الهمة وتكسل!
إنت مُطالب بالسعي، وليس النتيجة، ومجرد النية وبداية صغيرة إنت مأجور عليها💚

إرحم نفسك، ولم تحس بإن عزيمتك ماشه تضعف...خفف حملك وأحرص على مهام صغيرة ومهمة ولا تجلد ذاتك وتظلمها، وإتذكر أن *المُحاولُ فائز لا محالة*💚✨

#قوم_امشي_صلِّ💚