إنا لله وإنا إليه راجعون،
يقول النبي ﷺ: ”إنَّ الله لا يقبِض العلم انتزاعاً ينتزعه مِن صدور الرجال، ولكن يقبض العلم بقبضِ العلماء“

إنتقل اليوم إلى رحمة مولاه سماحة المفتي العام للمملكة العربية السعودية، الشيخ والإمام العابد والعالِم العامل والمُعلم الزاهد الشيخ عبد العزيز بن عبد الله آل الشيخ رحمه الله تعالى

لعمرك ما الرزية هدمُ دار
ولا شاة تموت ولا بعير
ولكنّ الرزيُة موتُ حُرٍّ
يموتُ لموته بشر كثير

إن لله ما أخذ وله ما أعطى، وكل شيء عنده بأجل مسمى.
نسأل الله تعالى أن يتغمد بواسع رحمته وأن يسكنه فسيح جناته، وأن يجزيه على كل ما قدمه للإسلام والمسلمين وطلاب العلم والمتعلمين أجرا حسنا عظيما وأن يجعله في ميزان أعماله وحسناته،
اللهم آمين.

#قوم_أمشي_صلِّ💚

الوقت هو رأس مالك الحقيقي...
كل لحظة بتمضي مابترجع. النبي ﷺ قال: “نعمتان مغبون فيهما كثير من الناس: الصحة والفراغ”، فاستغل عافيتك وفراغك قبل يسبقك الزمن.

خلّي يومك مليان بذكر الله، بالعلم، بالخير،
وبكل حاجة تقرّبك للجنة.
واذكر دايمًا: “الوقت كالسيف إن لم تقطعه قطعك”⏰💚

#قوم_أمشي_صلِّ💚

قبل ما تكمّل الكنت بتعمل فيه

عارف كم شخص مات الليلة ؟
هل في واحد فيهم كان عارف إنه الليلة نهاية حياته؟
كم واحد فيهم كان مجهّز نفسه ؟
وكم واحد فيهم أخذته الغفلة ؟

يلا شوف نفسك، إنتَ من أي فئة فيهم، واتذكّر إنه لسه قدامك وقت عشان تصلح كل شيء، بس إذا اخترت إنك عايز تصلح فعلًا...
واتذكّر دايمًا قول عُمر ابن الخطّاب رضي اللّٰه عنه:

"واعلَمُوا أنَّ ملك الموت قد تخطاكم إلى غيركُم، وسيتخطى غيركُم إلَيكُم؛ فَخُذُوا حذرَكم"

نسأل اللّٰه حُسن الخاتمة.
والسّلام.

#قوم_أمشي_صلِّ💚

﴿وَمَا فَعَلْتُهُ عَنْ أَمْرِي ذَلِكَ تَأوِيلُ مَا لَم تَسْطِع عَّلَيهِ صَبْرًا﴾

ليه الحاجة البنتمناها ما حصلت؟
طيب ليه الباب الكنا بندق فيه بكل قوتنا ما تفتح؟
أو على الأقل دعوتنا الرفعناها ونحن بنبكي، ليه ما اتقبلت زي ما عايزنها؟😭

لكن السؤال الحقيقي هو:
هل المنع دا حرمان؟
ولا كان لطف؟ ولا كان ستر من حاجة ما بنعرفها؟

نسيتو قصة النبي موسى والخضر؟
نسيتو كمية الأحداث الظاهرها مؤلم، لكن باطنها رحمة؟
سفينة انخرقت، طفل اتقتل، جدار اتبنى بدون مقابل!
كل موقف مر على نبينا موسى كان بقول:
"دا غلط، دا ظلم، دا ما منطقي، أو لو حصل كذا كان أفضل!"

لكن في النهاية حصل شنو؟
الخضر قال ليه:
"وما فعلته عن أمري، ذلك تأويل ما لم تسطع عليه صبرا."

يعني في ترتيب، في حكمة، في لطف
بس محتاجين نصبر عشان نشوفه.

فكر في حياتك❗
كم مرة ربنا منع عنك حاجة، وبعد فترة فهمت إنه المنع دا كان أعظم من العطاء؟
كم مرة اتأخرت حاجة، ولما جاتك، اكتشفت إنها جات في الوقت الكنت فعلًا جاهز ليها؟
كم مرة زعلت من موقف، وبعد سنين قلت:

تابع معاي التعليقات ⤵️💚

#سبحان_من_رتبنا
#قوم_أمشي_صلِّ💚

تُحِبُّ الصَّالِحِينَ وأَنْتَ مِنْهُم ..
رَفيقُ القَوْمِ يَلْحَقُ بِالْجَمَاعَة..💚

بسمِ اللهِ نبتدئ وبِهِ نستعين..

مجلس "وصايا للشباب"
مع الشيخ حاطب محمد حفِظهُ الله💚.

رابط المجلس:
https://www.tg-me.com/Gom9li?livestream


نافذة التعليقات⤵️💚:

#قوم_أمشي_صلِّ💚

لم تسمع النداء دا معناها تقوم وتطرد النوم والفتور
معناها تقوم وتتوضى وتلحق المصلين الماشين في الظلام عشان يلبوا الناء والبقية نايمين

ماتقفل المنبه وترجع تنوم وماتقول حأرقد شوية
ولسه باقي ٥ دقائق على الإقامة، تعال على نفسك وماتتبع هواها وماتخلي الشيطان يغلبك

#الصلاة_خير_من_النوم
#قوم_أمشي_صلِّ💚

قال رسول الله ﷺ: "خمسُ صلواتٍ كتبهنَّ اللهُ على العبادِ، فمَن جاء بهنَّ، لم يُضَيِّعْ منهنَّ شيئًا استخفافًا بحقهنَّ، كان له عند اللهِ عهدٌ أن يُدْخِلَهُ الجنةَ، ومَن لم يأتِ بهِنَّ، فليسَ له عند اللهِ عهدٌ، إنْ شاءَ عذَّبَهُ، وإنْ شاءَ أدخلَهُ الجنةَ"

أتندس الصلاة💚
بشرونا صليتو الظهر ولا لسا ياعباد الله؟

#قوم_أمشي_صلِّ💚

الحرب… صوت الدانات وضرب النار 💔

من فترة قصيرة كنا عايشينها، وكان أبسط أمنياتنا ننام بسلام، لأننا فقدنا الأمان بالمعنى الحرفي، وحسّينا إنها نهاية العالم…

لكن اليوم، الحمد لله ربنا أنعم علينا، حتى لو الحرب ما وقفت للآخر ولسه بعض أهلينا في ولايات البلاد بيعانوا (ربنا يلطف بيهم).

بس برضو ما ننسى نحمد ربنا… كنا وين وبقينا وين!
الحمد لله الكهرباء و الموية رجعوا، والحياة بدت ترجع. ولو حصل فرح أو كره، ممكن تتواصل مع أهلك… حتى لو ما للنهااية، لكن برضو في جوانب سمحة تستحق الشكر.

فنتذكر يا رفاق، انو دوام الحال من المحال، والمفروض علينا دائما وابدا نحمد ربنا و نحتسب الأجر💚.

#قوم_أمشي_صلِّ💚

صليت الصُبح في وقته يارفيق؟!
سبحت وإستغفرت وقلت أذكار الصباح؟
قرأت ولو صفحة واحدة من القرآن الكريم؟!
صليت على الحبيب ﷺ وأكثرت وزدت؟
دعيت ربنا وسألته من واسع رحمته وكرمه وغفرانه، ودعيت لغيرك بظهر الغيب كمان؟!

- فهنيئاً لك وهنيئاً عليك، فقد ربحت البيع وكسبت يومك من أوله!

#الصلاة_خير_من_النوم
#قوم_أمشي_صلِّ💚

يوم الجمعة عيد المُسلمين!💚☝🏽

يقول النبيّ ﷺ: ”إنَّ هذا يومُ عيدٍ ، جعلَهُ اللَّهُ للمسلمينَ ، فمن جاءَ إلى الجمعةِ فليغتسل ، وإن كانَ طيبٌ فليمسَّ منْهُ ، وعليْكم بالسِّواك“💚
وقوله: ”إن من أفضل أيامكم يوم الجمعة“
فيوم الجمعة فيه ثواب عظيم للبلتزم بآدابه وسنن النبيّ ﷺفيه، فمن السنن:

- الغُسل والسواك والتطيب
- قراءة سورة الكهف؛
لأن ليها فضل عظيم؛ "من قرأ سورة الكهف يوم الجمعة، أضاء له من النور ما بين الجمعتين"💚
والنور ده ربنا يقذفه في قلب القاريء أو في بصره وبصيرته، أو في أحواله كلهاااا، أو يسطع ليهو في الآخرة،
والنور ده بكون طووول الإسبوع من الجمعة للجمعة💚.

- الإكثار من الصلاة على النبيّ ﷺ ؛
لأنه وصانا بالإكثار من الصّلاة عليه فقال: *
"فأكثروا عليّ الصّلاة فيه، فإنّ صلاتكم معروضة عليّ."💚

#قوم_أمشي_صلِّ💚

كيف يتسلل الشرك في تفاصيل حياتنا اليومية؟!

إنتبهي يا بهيّة!💚🌷

الشرك خيط رفيع في حياتنا

شنو هي أنواع الشرك بالضبط.!؟
كيف ممكن يتسلل الشرك
في كلامنا
في أفعالنا
وفي قراراتنا

والأهم كيف ممكن نحمِي قُلوبنا من أي حاجة تشوّش توحيدنا واخلاصنا لله ..
خليكِ حريصة على أغلى ما عندك توحيدك!🌷

نلتقي مساء اليوم في مجلس طيّب بعنوان
{الخطر الخفي}
مع المعلمة صفاء محمد جزاها الله خير الجزاء💚
الساعة السابعة بتوقيت السودان.

على قناة قوم امشي صلِّ للنساء فقط ⤵️
https://www.tg-me.com/+0nzY4TRUkvwxNTBk

جاهِزات؟💚

#قوم_امشي_صلِّ💚

اجعل في نهارك مُتسَعاً لذكرٍ يحيي قلبك، واستغفارٍ يطهّر روحك، وركعتي ضُحى تُعرّفانك طريق القُرب من الله💚.

صليتو الضحى ولا لسا؟💚

| ضحاكم يا آل صلِّ💚

#قوم_أمشي_صلِّ💚

سُئِلَ النبي ﷺ: "أيُّ العَمَلِ أحبُّ إلى اللهِ؟" فأجاب: "الصَّلاةُ علَى وَقْتِها". ثم سُئِلَ: "ثمَّ أيٌّ؟" فأجاب: "بِرُّ الوالِدَيْنِ". ثم سُئِلَ: "ثمَّ أيُّ؟" فقال: "الجهادُ في سبيلِ اللهِ".

عارفين يعني شنو أحب الأعمال إلى من نحب ونعبد💚
إتخيل يكون عندك زول بتحبه شديد وقال ليك أنا بحب الحاجه الفلانيه وإنت في مقدورك تعملها بس محتاج تجاهد نفسك حبتين في البدايه هل حتبخل عليه؟
بل إتخيل زول بتحبه وبيمِن عليك بكل النعم وقال ليك أنا حابي ألاقيك خمسة مرات في اليوم والليلة، لأقل من ربع ساعة حتقول ليه ما فاضي ليك؟
ولله المثل الأعلى💚

إستعيذ من الشيطان وعاهد نفسك في اللحظه دي إنك تصلي الصلوات في أول وقتها وأدعي ربك يعينك على ما يحب ويرضى💚

#قوم_أمشي_صلّ💚

من المؤسف إننا بقينا ننشغل بصغائر الأمور، ونهتم بخلافات الفن والفنانين، لكن في نفس الوقت بنشوف أعظم المنكرات جهارًا نهارًا: سبّ للرسول ﷺ، طعن في الصحابة الكرام، دعاء لغير الله، وعبادة لغيره سبحانه... وما في زول بيهتم ولا غيرتو بتتحرك!
وين محبتنا لله ورسوله؟وين غيرتنا على دينا؟!

قال تعالى: (ثُمَّ جَعَلْنَاكَ عَلَىٰ شَرِيعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ إِنَّهُمْ لَن يُغْنُوا عَنكَ مِنَ اللَّهِ شَيْئًا ۚ )

الحياة علمتنا دروس كثيرة: فقدنا الأوطان، وضاعت الممتلكات، وذاق الناس مرارة المرض والجوع...المفروض نرجع إلى الله ونتوب توبة نصوح، لكن للأسف ليسى في غفلة وقلوبنا معلقة بالباطل


نسأل الله أن يوقظ قلوبنا، ويثبتنا على الحق ويجعل غيرتنا له ولدينه

#قوم_أمشي_صلِّ💚

مقطع الصلاة؟!
مرات ماف عديل كدا!
عايش في دوامة: "حبدا من بكرة"؟!
متملك عليك إحساس إنك تاني حترجع تنتكس؟!
مستصعب الأمر عليك؟!

حقول ليك تلاتة حاجات:

الأولى: بما إنو الكلام دا ظهر ليك، اعرف إنو ربنا عايزك ترجع ، وإلا ما كان وفقنا نكتب الكلام دا ويقع في عينك.

التانية: ﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾ [الزمر: ٥٣].

التالتة: ثبت عن النبي ﷺ أنه قال: (لو لم تذنبوا لذهب الله بكم، وجاء بقوم يذنبون فيستغفرون فيغفر لهم).

راجي شنو تاني؟ قوم نبدأ من هسي

#قوم_أمشي_صلِّ💚

في مرة كنت مع صحبي بنتكلم وسألني: صليت الضحى؟
قلت له: أيوا الحمد لله، فقال لي:
طيب عارف أجر الصلاة دي شنو؟

ما عرفت أجاوبه، فقال لي: بديك وقت تفتش الإجابة وتجي
وانتوا يارفاق، عارفين أجر صلاة الضحى شنو؟!
ورونا في التعليقات، ولكم الأجر بإذن الله💚

#قوم_أمشي_صلِّ💚