تُحِبُّ الصَّالِحِينَ وأَنْتَ مِنْهُم ..
رَفيقُ القَوْمِ يَلْحَقُ بِالْجَمَاعَة..💚

بسمِ اللهِ نبتدئ وبِهِ نستعين..

مجلس "وصايا للشباب"
مع الشيخ حاطب محمد حفِظهُ الله💚.

رابط المجلس:
https://www.tg-me.com/Gom9li?livestream


نافذة التعليقات⤵️💚:

#قوم_أمشي_صلِّ💚

لم تسمع النداء دا معناها تقوم وتطرد النوم والفتور
معناها تقوم وتتوضى وتلحق المصلين الماشين في الظلام عشان يلبوا الناء والبقية نايمين

ماتقفل المنبه وترجع تنوم وماتقول حأرقد شوية
ولسه باقي ٥ دقائق على الإقامة، تعال على نفسك وماتتبع هواها وماتخلي الشيطان يغلبك

#الصلاة_خير_من_النوم
#قوم_أمشي_صلِّ💚

قال رسول الله ﷺ: "خمسُ صلواتٍ كتبهنَّ اللهُ على العبادِ، فمَن جاء بهنَّ، لم يُضَيِّعْ منهنَّ شيئًا استخفافًا بحقهنَّ، كان له عند اللهِ عهدٌ أن يُدْخِلَهُ الجنةَ، ومَن لم يأتِ بهِنَّ، فليسَ له عند اللهِ عهدٌ، إنْ شاءَ عذَّبَهُ، وإنْ شاءَ أدخلَهُ الجنةَ"

أتندس الصلاة💚
بشرونا صليتو الظهر ولا لسا ياعباد الله؟

#قوم_أمشي_صلِّ💚

الحرب… صوت الدانات وضرب النار 💔

من فترة قصيرة كنا عايشينها، وكان أبسط أمنياتنا ننام بسلام، لأننا فقدنا الأمان بالمعنى الحرفي، وحسّينا إنها نهاية العالم…

لكن اليوم، الحمد لله ربنا أنعم علينا، حتى لو الحرب ما وقفت للآخر ولسه بعض أهلينا في ولايات البلاد بيعانوا (ربنا يلطف بيهم).

بس برضو ما ننسى نحمد ربنا… كنا وين وبقينا وين!
الحمد لله الكهرباء و الموية رجعوا، والحياة بدت ترجع. ولو حصل فرح أو كره، ممكن تتواصل مع أهلك… حتى لو ما للنهااية، لكن برضو في جوانب سمحة تستحق الشكر.

فنتذكر يا رفاق، انو دوام الحال من المحال، والمفروض علينا دائما وابدا نحمد ربنا و نحتسب الأجر💚.

#قوم_أمشي_صلِّ💚

صليت الصُبح في وقته يارفيق؟!
سبحت وإستغفرت وقلت أذكار الصباح؟
قرأت ولو صفحة واحدة من القرآن الكريم؟!
صليت على الحبيب ﷺ وأكثرت وزدت؟
دعيت ربنا وسألته من واسع رحمته وكرمه وغفرانه، ودعيت لغيرك بظهر الغيب كمان؟!

- فهنيئاً لك وهنيئاً عليك، فقد ربحت البيع وكسبت يومك من أوله!

#الصلاة_خير_من_النوم
#قوم_أمشي_صلِّ💚

يوم الجمعة عيد المُسلمين!💚☝🏽

يقول النبيّ ﷺ: ”إنَّ هذا يومُ عيدٍ ، جعلَهُ اللَّهُ للمسلمينَ ، فمن جاءَ إلى الجمعةِ فليغتسل ، وإن كانَ طيبٌ فليمسَّ منْهُ ، وعليْكم بالسِّواك“💚
وقوله: ”إن من أفضل أيامكم يوم الجمعة“
فيوم الجمعة فيه ثواب عظيم للبلتزم بآدابه وسنن النبيّ ﷺفيه، فمن السنن:

- الغُسل والسواك والتطيب
- قراءة سورة الكهف؛
لأن ليها فضل عظيم؛ "من قرأ سورة الكهف يوم الجمعة، أضاء له من النور ما بين الجمعتين"💚
والنور ده ربنا يقذفه في قلب القاريء أو في بصره وبصيرته، أو في أحواله كلهاااا، أو يسطع ليهو في الآخرة،
والنور ده بكون طووول الإسبوع من الجمعة للجمعة💚.

- الإكثار من الصلاة على النبيّ ﷺ ؛
لأنه وصانا بالإكثار من الصّلاة عليه فقال: *
"فأكثروا عليّ الصّلاة فيه، فإنّ صلاتكم معروضة عليّ."💚

#قوم_أمشي_صلِّ💚

كيف يتسلل الشرك في تفاصيل حياتنا اليومية؟!

إنتبهي يا بهيّة!💚🌷

الشرك خيط رفيع في حياتنا

شنو هي أنواع الشرك بالضبط.!؟
كيف ممكن يتسلل الشرك
في كلامنا
في أفعالنا
وفي قراراتنا

والأهم كيف ممكن نحمِي قُلوبنا من أي حاجة تشوّش توحيدنا واخلاصنا لله ..
خليكِ حريصة على أغلى ما عندك توحيدك!🌷

نلتقي مساء اليوم في مجلس طيّب بعنوان
{الخطر الخفي}
مع المعلمة صفاء محمد جزاها الله خير الجزاء💚
الساعة السابعة بتوقيت السودان.

على قناة قوم امشي صلِّ للنساء فقط ⤵️
https://www.tg-me.com/+0nzY4TRUkvwxNTBk

جاهِزات؟💚

#قوم_امشي_صلِّ💚

اجعل في نهارك مُتسَعاً لذكرٍ يحيي قلبك، واستغفارٍ يطهّر روحك، وركعتي ضُحى تُعرّفانك طريق القُرب من الله💚.

صليتو الضحى ولا لسا؟💚

| ضحاكم يا آل صلِّ💚

#قوم_أمشي_صلِّ💚

سُئِلَ النبي ﷺ: "أيُّ العَمَلِ أحبُّ إلى اللهِ؟" فأجاب: "الصَّلاةُ علَى وَقْتِها". ثم سُئِلَ: "ثمَّ أيٌّ؟" فأجاب: "بِرُّ الوالِدَيْنِ". ثم سُئِلَ: "ثمَّ أيُّ؟" فقال: "الجهادُ في سبيلِ اللهِ".

عارفين يعني شنو أحب الأعمال إلى من نحب ونعبد💚
إتخيل يكون عندك زول بتحبه شديد وقال ليك أنا بحب الحاجه الفلانيه وإنت في مقدورك تعملها بس محتاج تجاهد نفسك حبتين في البدايه هل حتبخل عليه؟
بل إتخيل زول بتحبه وبيمِن عليك بكل النعم وقال ليك أنا حابي ألاقيك خمسة مرات في اليوم والليلة، لأقل من ربع ساعة حتقول ليه ما فاضي ليك؟
ولله المثل الأعلى💚

إستعيذ من الشيطان وعاهد نفسك في اللحظه دي إنك تصلي الصلوات في أول وقتها وأدعي ربك يعينك على ما يحب ويرضى💚

#قوم_أمشي_صلّ💚

من المؤسف إننا بقينا ننشغل بصغائر الأمور، ونهتم بخلافات الفن والفنانين، لكن في نفس الوقت بنشوف أعظم المنكرات جهارًا نهارًا: سبّ للرسول ﷺ، طعن في الصحابة الكرام، دعاء لغير الله، وعبادة لغيره سبحانه... وما في زول بيهتم ولا غيرتو بتتحرك!
وين محبتنا لله ورسوله؟وين غيرتنا على دينا؟!

قال تعالى: (ثُمَّ جَعَلْنَاكَ عَلَىٰ شَرِيعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ إِنَّهُمْ لَن يُغْنُوا عَنكَ مِنَ اللَّهِ شَيْئًا ۚ )

الحياة علمتنا دروس كثيرة: فقدنا الأوطان، وضاعت الممتلكات، وذاق الناس مرارة المرض والجوع...المفروض نرجع إلى الله ونتوب توبة نصوح، لكن للأسف ليسى في غفلة وقلوبنا معلقة بالباطل


نسأل الله أن يوقظ قلوبنا، ويثبتنا على الحق ويجعل غيرتنا له ولدينه

#قوم_أمشي_صلِّ💚

مقطع الصلاة؟!
مرات ماف عديل كدا!
عايش في دوامة: "حبدا من بكرة"؟!
متملك عليك إحساس إنك تاني حترجع تنتكس؟!
مستصعب الأمر عليك؟!

حقول ليك تلاتة حاجات:

الأولى: بما إنو الكلام دا ظهر ليك، اعرف إنو ربنا عايزك ترجع ، وإلا ما كان وفقنا نكتب الكلام دا ويقع في عينك.

التانية: ﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾ [الزمر: ٥٣].

التالتة: ثبت عن النبي ﷺ أنه قال: (لو لم تذنبوا لذهب الله بكم، وجاء بقوم يذنبون فيستغفرون فيغفر لهم).

راجي شنو تاني؟ قوم نبدأ من هسي

#قوم_أمشي_صلِّ💚

في مرة كنت مع صحبي بنتكلم وسألني: صليت الضحى؟
قلت له: أيوا الحمد لله، فقال لي:
طيب عارف أجر الصلاة دي شنو؟

ما عرفت أجاوبه، فقال لي: بديك وقت تفتش الإجابة وتجي
وانتوا يارفاق، عارفين أجر صلاة الضحى شنو؟!
ورونا في التعليقات، ولكم الأجر بإذن الله💚

#قوم_أمشي_صلِّ💚

حتندم!

أعذرني يا رفيق على قساوة كلامي، لكن حتندم حين لا ينفع الندم، وتقول يا ريت لو ما استسلمت للمغريات والمعاصي.

حتتمنى لو عندك دقيقة بس تذكر فيها ربنا، بالرغم من إنك كنت بتضيع ساعات بدون طاعة،
حتتمنى فرصة تانية تتسابق مع الركب لكن يا رفيق الركب انتصر ونال الجنة!

"يَوْمَ تَجِدُ كُلُّ نَفْسٍۢ مَّا عَمِلَتْ مِنْ خَيْرٍۢ مُّحْضَرًا وَمَا عَمِلَتْ مِن سُوٓءٍۢ تَوَدُّ لَوْ أَنَّ بَيْنَهَا وَبَيْنَهُۥٓ أَمَدًۢا بَعِيدًا ۗ وَيُحَذِّرُكُمُ ٱللَّهُ نَفْسَهُۥ ۗ وَٱللَّهُ رَءُوفٌۢ بِٱلْعِبَادِ"

#قوم_أمشي_صلِّ💚

الذنوب كتيرة؟
جربت مُفتاح الرزق والفرج👀

قال الله تعالى:
﴿فقلت استغفروا ربكم إنه كان غفّارًا يرسل السماء عليكم مدرارًا ويمددكم بأموال وبنين ويجعل لكم جنات ويجعل لكم أنهارًا﴾
(سورة نوح 10–12)

كل ما تغلط، كل ما الشيطان يغلبك، استغفر وارجع لربك.
النبي ﷺ، المعصوم والمغفور له، كان بيستغفر أكتر من ٧٠ مرة في اليوم!
فكيف نحنا؟
المليانين تقصير وزلات؟ 💔
ما واجب علينا نرجع ونكثر من الاستغفار؟

الاستغفار ما بس بيمحو الذنوب
هو بيرفعك في الدرجات،
بيفتح ليك أبواب الرزق،
بيسهل أمورك، وبيخلي يومك مليان بركة وتوفيق.

عود نفسك على الاستغفار من بداية يومك، بعد صلاة الفجر، وفي كل لحظة خلال يومك.
حتحس براحة، طمأنينة، وخفة في قلبك وهمومك، وربك حيكون أقرب ليك من أي وقت.

خلي الاستغفار عادة على لسانك. وشوف كيف حتلقى الفرج، والرزق، والتيسير في حياتك💚.

#سنن_مهجورة
#الإستغفار
#قوم_أمشي_صلِّ 💚

فِي صَبَاحِنا هذا اللَّهمّ إنِّا نعوذُ بِك مِن عذابِ جهنَّم، ومِن عذابِ القَبر، ومِن فِتنة المَحيا وَالممات، ومِن شَرِّ فِتنة المَسِيح الدَّجَّال 💚

_من استعاذ بالله فقد كفاه💚.
=بشرونا يا أحباب بديتو دعاء يومكم بالاستعاذة ولا لسا؟

#الصلاة_خير_من_النوم
#قوم_أمشي_صلِّ💚

سُئِلَ النبي ﷺ: "أيُّ العَمَلِ أحبُّ إلى اللهِ؟" فأجاب: "الصَّلاةُ علَى وَقْتِها". ثم سُئِلَ: "ثمَّ أيٌّ؟" فأجاب: "بِرُّ الوالِدَيْنِ". ثم سُئِلَ: "ثمَّ أيُّ؟" فقال: "الجهادُ في سبيلِ اللهِ".

عارفين يعني شنو أحب الأعمال إلى من نحب ونعبد💚
إتخيل يكون عندك زول بتحبه شديد وقال ليك أنا بحب الحاجه الفلانيه وإنت في مقدورك تعملها بس محتاج تجاهد نفسك حبتين في البدايه هل حتبخل عليه؟
بل إتخيل زول بتحبه وبيمِن عليك بكل النعم وقال ليك أنا حابي ألاقيك خمسة مرات في اليوم والليلة، لأقل من ربع ساعة حتقول ليه ما فاضي ليك؟
ولله المثل الأعلى💚

إستعيذ من الشيطان وعاهد نفسك في اللحظه دي إنك تصلي الصلوات في أول وقتها وأدعي ربك يعينك على ما يحب ويرضى💚

#قوم_أمشي_صلّ💚

_قبل أتندس الصلاة الليلة حابين نسألكم...
ماذا قال تعالى عن الإستعانة ؟
= قال في علاه: "وَاسْتَعِينُوا بِالصَّبْرِ وَالصَّلَاةِ... "

أما آن الأوان لنستجيب! ونستعين بصلاتنا على أمور ديننا ودنيانا!💚

بشرونا بتفاعلكم كم منكم استعان اليوم واستجاب لأمر الله تعالى وصلى فريضة العصر؟💚

#قوم_أمشي_صلِّ💚