لم تصحي قبل الشروق من النوم ماتفكر في منو الرسل ليك رسائل أو منو عمل مقطع جديد أو نشر تغريدة

فكر في نفسك أول حاجة
وفكر في الوقت المبارك والعظيم الإنت فيه

وقت دعاء وإستجابة وطلب رحمة ومغفرة

وقت ممكن تطلب فيه البركة والتوفيق في يومك

#الصلاة_خير_من_النوم💚
#قوم_أمشي_صلِّ💚

اجعل في نهارك مُتسَعاً لذكرٍ يحيي قلبك، واستغفارٍ يطهّر روحك، وركعتي ضُحى تُعرّفانك طريق القُرب من الله ربِّك💚.

صليتو الضحى ولا لسه؟💚

#صلاة_الضحى💚
#قوم_أمشي_صلِّ💚

قال تعالى عز وجل في حديثه القدسي: " أنا عند ظن عبدي بي فليظن بي ما شاء "

وفي سورة البقرة قال:"وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ"

وذُكر عن ابن مسعود رضي الله عنه أنه قال: ”...والذي لا إله غيره لا يحسن عبد بالله عز وجل الظن إلا أعطاه الله عز وجل ظنه ؛ ذلك بأن الخير في يده“💚

كل الأيات والأحاديث والجمل دي كان هدفها واحد إنها تخلينا نثق ونحسن الظن بالله💚
كن واثق دائما أن أمر الله كله خير ما ظهر منه وما بطن💚

كم مرة ومرة عدت السنين والأيام وكان في موقف قلنا عنه إنه سيئ وليه كده وبعد سنين إكتشفنا حسن تدبير الله لينا فيه💚

فيا رفيق ثق برب العالمين وأحسن الظن واسعى في حياتك 💚💚

#قوم_امشي_صلِّ💚

للفجر حلاوة إن لم تذقها فلا معنى لما تبقى من يومك.

إن أردت البركة، السعادة، التوفيق والجنة قم للصلاة💚
أما إن كنت لا تريد فأكمل نومك.

#الصلاة_خير_من_النوم
#قوم_امشي_صلِّ💚

إشتقتوا لي أتندس الصلاة صح!!

صليتو الظهر ولا لسه؟👀

أي رفيق صلّى يتفاعل مع الرسالة بـ "🫡"

" اللهم ارزقنا لذّة الخشوع وطمأنينة السجود." 💚

#قوم_أمشي_صلِّ💚

{وَعَجِلْتُ إِلَيْكَ رَبِّ لِتَرْضَى}

الطريق إلى اللّٰه واحد، لكن الناس يختلفون في السرعة والصدق، ولأجل هذا جُعلت الجنة درجات: فمنهم سابقون، ومنهم مقتصدون، ومنهم أصحاب اليمين…

فاجعل هدفك دومًا الدرجات العُلى، وكن من السابقين، فإن الطريق واحد، لكن الأقدام تتفاوت في الإقدام.

تذكّر: ما من خطوة تخطوها إلى اللّٰه، إلا ويُقبل هو نحوك أضعافًا مضاعفة!
كما قال في الحديث القدسي: "ومن تقرب إليّ شبرًا، تقربتُ إليه ذراعًا…".

فأقبل بقلبك، وجاهد نفسك، فإن الجنّة لا تُنال بالتمني، ولكن بالسعي والتشمير.

#قوم_أمشي_صلِّ 💚

-لـو عنـدك امتحان، وما جاهـز ليـه تمامًـا، هل حتفوتـه؟
= غالبًـا لا.
حتمشي، تحـاول، يمكن تنجـح، يمكن تستفيـد، لكنك ما حتقيف لحد ما تجهـز، لأنـك عارف إنـه مهـم، وإنه فرصة ما بتتكرر🤷🏽.

طيب الصـلاة يا رفيقـنا؟
هي امتحـان يومي، لكن ما بقيـس معلوماتـك، بقيـس عهـدك مع ربـنا، ما محتـاج تكـون في أفضـل حـال عشان تصلـي، بـل محتـاج تصلـي عشان ترجع لأفضل حـال.

الصلاة فرصـة، فرصـة ترتـب نفسك، تعيـد أولوياتـك، تتـوب، وتلتـزم، اضبط منبهـك يا رفيـق، واستشعـر إنـك داخـل على لقـاء مع ملـك الملـوك!
اتخيـل إنه اللقـاء دا بحصـل مـرة واحـدة في العمـر، من وراه حتكسب كنـز كبير، أكيد حتى لو ما جاهـز، حتدخـل.

فـ كلـه إلا الصـلاة!
حتى لو بتأخر، حتى لو بتجمـع، حتى لو ما بتصلي خالص، قوم بـاب ربنا مُفتـوح على الدوام، وتذكـر يا رفيقـنا:🫵🏻
"فـإن مـن تركها فقـد كفـر".

#قوم_أمشي_صلِّ💚

عزيزي المسلم كيف يمر اليوم من غير تأدي أبسط عبادة ألا وهي الاستغفار 💚

تعال أوريك كنز من كنوز هذه العبادة...
قال الحسن البصري:
لا أظن أن الله يعذب رجلاً استغفر..
فقيل لماذا.؟!
قال : من الذي ألهمه الإستغفار؟
فقيل : الله ..
فقال الحسن :
كيف يلهمه الاستغفار ويريد به أذى.!💚

﴿ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ ﴾

يلا مستني شنو استغفر💚

#قوم_أمشي_صلِّ💚

صباح الخير عليك ي رفيق💚

يوم جديد، وبداية جديدة...
ممكن تخليها بداية جديدة مع ربّنا برضو ؟!

لسه الفُرصة قدامك، وباب التوبة مفتوح، والدرب مُمتد، طول ما فيك عزيمة ما تيأس، اتفقنا ؟ 🔥

#قوم_أمشي_صلِّ💚

هل عارف إنو عمل الخير ممكن يكون سبب تدخل بيه الجنة؟! 🌿

حتقول لي: "لكن ما عندي قروش!"
أبداً يا رفيق، الشغلة ما بس قروش… ممكن تساعد جارك، أو زول شايل أكياس تقيلة تشيل منو، أو تملا الأزيار موية، أو تأكِّل ليك كديس…

ولا تحقرن من المعروف شيئا، حتى الحاجة البسيطة أجرها عند ربنا كبيييير💚

#قوم_أمشي_صلِّ💚

"من وجد الله ماذا فقد...ومن فقد الله ماذا وجد"

في طريق سيرنا في الحياة، بننشغل بملهياتها ومسؤولياتها المختلفة، وكطبيعة النفس أثناء المشي

هتضعف وتتعب والطاقة حتقل!
العربية لم تقطع في نص الطريق بنعمل ليها شنو؟ نكب ليها بنزين صح.

كذلك نفسنا بدون وقود وقوة دفع كبيرة أكيد ما حتتحمل كمية الفتن والهموم والمسؤوليات دي.
محتاجين نستشعر *معية الله* في كل دقيقة في يومنا، نتذكر حفظه ورحمته ولطفه، نستذكر جزاؤه وجنته وعقابه وناره

وعشان نعرف نعيش اليوم صح م يخلو لينا من قرآن وذكر والصلاة والنوافل💚

فراحة نفسك عند صانعها💚

#قوم_أمشي_صلِّ💚

النـوم الدافـي؟ والله صعـب تسيبه
الدفايـة مغطياك، الجو مُريـح، والمخـدة ناعمـة، والشيطـان بضغـط في راسـك عشان ما تقـوم!

لكـن أنـت؟
أشطـر من الشيطـان و أذكـى، لأنـك قارنتـو بنـوم في السنـدس الأخضـر، في الجنـة.
وقلت ليـه: «حبـاب المويـة الباردة، طالما المُقابـل جنـة الخلـد💚».
قوم يا راغـب الجنـة، وربنـا حيردك براحـة ما لقيتـها في أي نومـة فوتَ الفجـر عشانـها.


#الصلاة_خير_من_النوم💚
#قوم_أمشي_صلِّ💚

عزيزي المسلم

لا يغرنّك صمت القبور ووالله لو علمت الآن ما يجري فيها، لندمت على صلاة واحدة قصّرت فيها،

فما بالك بمن يعيش اليوم تلو اليوم دون صلاة ودون محاسبة للنفس💚

اللهم اهدنا وثبّتنا وأصلحنا وتجاوز عنا يا رحيم.💚

#قوم_أمشي_صلِّ💚

أتندس الصلاة..

صليتو العصر ولا لسه؟👀
أي رفيق صلّى يتفاعل مع الرسالة بـ "🫡"


"اللهم اجعل قلوبنا عامرة بذكرك، ولا تحرمنا لذة الوقوف بين يديك يا رحيم 💚🤲🏻"

#قوم_أمشي_صلِّ💚

وفي يوم الجمعة يا رفيق عايزين نذكرك بـ 🥰💚:
- سنن الجمعة.
- الصلاة على النبي ﷺ
- قراءة سورة الكهف
- الدعاء ساعة الإستجابة، ودسونا في دعواتكم يا كِرام🤲🏻

#الضحى_صدقة_يومك
#قوم_أمشي_صلِّ💚

رغم الذنوب ورغم التقصير يارفيق
خلي بينك وبين الله حبل وصل وطريق رجوع عسى في يوم ربنا يردك به إليه،
إلتزم بصلاتك، حافظ عليها وخليها حبل الوصل دا
وما تقفل كل الأبواب البينك وبين رحمة ربنا بك

وادعوه يردك إليه رداً جميلاً ويهديك ذي ما هدى عباده الصالحين ”اللهمَّ اهدِنا فيمَن هدَيت ، وعافِنا فيمَن عافيت“
والسلام لقلبك💚.

#قوم_أمشي_صلِّ💚

يقول أحد الصالحين :

"ما دعوت الله بدعوة بين العصر والمغرب يوم الجمعة، إلا استجاب لي ربي حتى استحييت."

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

#قوم_أمشي_صلِّ💚

ظل يوم لا ظل!

حبيبنا المصطفى صلى الله عليه وسلم لمن اتكلم عن السبعة اللي حيظلهم ربنا في ظله يوم القيامة ذكر منهم فئة مهمة جداا وأنا الليلة جايي أوريك عشان تكون منهم💚

"...ورجل تصدق بصدقة فأخفاها، حتى لا تعلم شماله ما تنفق يمينه". متفق عليه.

صدقة السر يا صاحب، بدون ما زول يعرف، بينك وبين ربك جل جلاله 💚، مهما كانت بسيطة يكفي صدق نيتك وأبشر بأجر عظيم وظل يوم لا ظل إلا ظله💚.

والسلام.

#قوم_أمشي_صلِّ💚

السلام عليكم ي رفاق💚

في سؤال دائماً بيطرح نفسو ليه أحياناً بكون مكسل من الصلاة
وحاسي إنها تقيلة علي ؟!


أكتبو لينا في التعليقات ليه بيحصل كده وتتوقعوا العلاج شنو ؟!

#قوم_أمشي_صلِّ💚

ألا يكفي قول الحبيب ﷺ:

"مَن صلَّى الصُّبحَ في جماعةٍ فَهوَ في ذمَّةِ اللهِ"

#الصلاة_خير_من_النوم💚
#قوم_أمشي_صلِّ💚