سر سعادة يومك ببدأ من صباحك ✨
تحب تعرف كيف؟ 🤔

هل قمت وصليت الفجر حاضر؟

هل برّيت بوالديك وطيّبت خاطرهم؟

هل سلمت على الناس، سواء البتعرفهم أو الما بتعرفهم بصدر رحب وابتسامة جميلة؟

صدقني يا صاحبي، لو بديت يومك بالحاجات البسيطة دي ح تلقى يومك كلو سعاااادة و بركة💚

#قوم_أمشي_صلِّ💚

يا رفيق!
المؤمن لا ييأس من نفسه ابداً🫶🏽

مهما عملت معاصي أمس وقبله وقبله اتذكر انو باب التوبة مفتوح وتقدر ترجع وتصلِّح من نفسك وتبدأ من جديد تاني ، عارف!

الشيطان بصغّر ليك المعصية شديد وأول من تقع فيها يقعد يقنعك انو دي حاجة كبيرة شديد وربنا م ح يغفر ليك وو ، ده كلو ليه؟ عشان تيأس ؛عشان اليأس متنافي مع الإيمان وبتوافق مع الكفر( إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ)

ف هو عايزك تيأس! اها يغلبك الشيطان؟ نهائي والله، إنت كده عارف عدوك ! ف اوع يغلبك!

قوم وارجع وابدأ طالما في نفس يبقى الفُرصة في وتقدر تبدأ وترجع هسى🫶🏽

#قوم_أمشي_صلِّ💚

ما لا يرضي الله لن يرضيك.
كيف يعني 🙂؟
ببساطة كدا: العلاقة الإنت أو الإنتي فيها دي ما بترضي ربنا، فأكيد ما حترضيك في نهايتها.

كيف برضو؟ عايز شرح أكتر؟
طيب، ما حترضيك بمعنى إنها ممكن توجعك بإنو تتفرق قلوبكم عن بعض، ودا أكيد ما برضيك و حتدخل في حالة بتاعت حزن و يأس و حاجات كتيرة شديد.
ولو قصدك في نهاية الموضوع إنكم تكونوا مع بعض بالحلال...

عارف في حديث عن حذيفة بن اليمان رضي الله عنه:
(... ولا يحْمِلَنَّكم استبطاءُ الرِّزقِ أن تأخذوهُ بمعصيةِ اللهِ، فإنَّ اللهَ لا يُنالُ ما عندَه إلا بطاعتِه)
رواه الإمام أحمد والترمذي.

باختصار شديد: ما تقول لي إنك/ي خايف/ة يكون لغيرك، عشان كدا ما حنخلي بعض، فالبنعمل فيهو دا ما برضي ربنا، ونهايتو ما حترضينا.

ونخت دائماً في بالنا:
"من ترك شيئاً لله عوضه الله خيراً منه" 💚

#قوم_أمشي_صلِّ💚

صباحك مختلف يا مؤمن💚

صليت الصبح حاضر و شهدت ليك الملائكة بعد ما قريت وردك فيا سعدك💚

اتحصنت بالأذكار فأبشر بحصنك المنيع، وأبشر بطمأنينة و سعادة ترافق يومك بإذن الله 💚


#الصلاة_خير_من_النوم
#قوم_أمشي_صلِّ💚

عارف يا رفيق! من الحاجات اللي بتمحو السيئات وتطمئن القلب وحثّنا عليها النبيّ ﷺ؛ الإكثار من ذكر الله💚.

والإكثار من الذكر أجره كتييير شديييد وم هيّن!
قال رسول الله ﷺ : ”ألا أنبِّئُكُم بخيرِ أعمالِكُم ، وأزكاها عندَ مليكِكُم ، وأرفعِها في درجاتِكُم وخيرٌ لَكُم مِن إنفاقِ الذَّهبِ والورِقِ ، وخيرٌ لَكُم من أن تلقَوا عدوَّكُم فتضرِبوا أعناقَهُم ويضربوا أعناقَكُم ؟ قالوا : بلَى . قالَ : ذِكْرُ اللَّهِ تَعالى قالَ معاذُ بنُ جبلٍ : ما شَيءٌ أنجى مِن عذابِ اللَّهِ من ذِكْرِ اللَّهِ“💚..

وما كده وبس! الذكر بقوّي البدن والقلب ويطرد الشيطان وببعد الهم والحزن، وسبب لمحبة الله سُبحانه وتعالى..
والذكر بيسّر الصعب ويخفف المشاق!

عمل يسير وثواب كتير،💚
نحن مُحتاجييين لذكر الله كتير شديد؛ فـ اكثِر من ذكر الله يا رفيق!

#قوم_أمشي_صلِّ💚

اقفز💚

وهي وصية والد الشيخ علي الطنطاوي له يوقظه بها كل يوم لصلاة الفجر فيقول له:

"اقفز قفزًا، قم إلى لصلاة فالصلاة خير من النوم"

#الصلاة_خير_من_النوم
#قوم_أمشي_صلِّ💚

"خَيْرُ يَومٍ طَلَعَتْ عليه الشَّمْسُ يَوْمُ الجُمُعَةِ"

وفي يوم الجمعة يا رفيق عايزين نقول ليك ما تنسى 🥰💚:
- سنن الجمعة.
- الصلاة على النبي ﷺ
- قراءة سورة الكهف
• الدعاء ساعة الإستجابة

#قوم_أمشي_صلِّ💚

السلام عليكم ورحمة الله وبركاته،

آل صــلِّ متذكرين تحدياتنا ليوم الجُمعة صح!؟
ولا الدنيا شغلتكم والشيطان أنساكم التسابق في الخير،
لاسمح الله🤔

تحدينا للجُمعة دي هو إن كل أحد منكم يكتب لنا "بإذن الله💚" في خانة التعليقات، نحنا حنرسل له تحدي يسير لكن أجره عظيم وثواب كبير بإذن الله💚

قبلتوا التحدي؟!
طيب منتظرنكم في آخر اليوم؛
عشان نشوف منو الأكمل التحدي وربح البيع، ومنو الكان شيطانه أقوى منه وغلبه👀

#تحدي_الجمعة_الأسبوع_الثالث_والعشرون
#قوم_أمشي_صلِّ💚

📌ضروري انك تحضر الفيديو دا


#قوم_أمشي_صلِّ 💚

ما حِيلةُ القَلبِ المُعبَّأ بِالأسى؟
=‏أنْ يَبتغي قُرآنَ رَبّي مُؤنسا💚.

أتانا مجلس النور والسكينة مع البهيّات ويجمعنا القرآن💚

ندعوكنّ إلى مجلس تلاوة ونُرحب بكنّ لنستمع سويًا
بصوتٍ يبعث الطمأنينة مع القارئة : تسابيح عبدالله، بارك الله فيها💚.

نتشرف بحضوركن لتكونوا جزءًا من هذا الأُنس

📍 المكان: مجالس قوم امشِي صلِّ للنساء
الساعة الثامنة مساءً بتوقيت السودان.

الرابط في أول تعليق⤵️💚

📌للنساء فقط كل الترحاب بكن!

#قوم_امشي_صلِّ💚

الليلة عايزك تخت النقاط على الحروف، عايزك تحسم الفوضى الفي قلبك وتحسم موقفك.

انا عارفك ما نفسك تفوت الفجر، لكن التمني براه ما ينفع، لازم تجاهد وتجبر نفسك، دي جنة يا صحبي والجنة بتستاهل💚

#الصلاة_خير_من_النوم💚
#قوم_أمشي_صلِّ💚

قال الحسن البصري: "إذا أردت أن تكلّم الله فعليك بالصلاة، وإذا أردت أن يكلّمك الله فعليك بالقرآن"💚

تكلّم الله مستوعب!!!
تكلّم الخلقك وأكرمك ورحمك ورزقك الإسلام بغير حول منك ولا قوة💚
تكلّم الذي بيده كل أمورك، البتأخر صلتك بيه عشانها.

والله دي من أكبر النعم في الدنيا ما ذاق حلاوتها إلا من جاهد نفسه عليها 💚

"مَن مثلك يا ابن آدم، خلّي بينك وبين المحراب والماء؟ كلما شئت دخلت على الله ليس بينك وبينه ترجمان"💚

#قوم_امشي_صلِّ💚

لم تصحي قبل الشروق من النوم ماتفكر في منو الرسل ليك رسائل أو منو عمل مقطع جديد أو نشر تغريدة

فكر في نفسك أول حاجة
وفكر في الوقت المبارك والعظيم الإنت فيه

وقت دعاء وإستجابة وطلب رحمة ومغفرة

وقت ممكن تطلب فيه البركة والتوفيق في يومك

#الصلاة_خير_من_النوم💚
#قوم_أمشي_صلِّ💚

اجعل في نهارك مُتسَعاً لذكرٍ يحيي قلبك، واستغفارٍ يطهّر روحك، وركعتي ضُحى تُعرّفانك طريق القُرب من الله ربِّك💚.

صليتو الضحى ولا لسه؟💚

#صلاة_الضحى💚
#قوم_أمشي_صلِّ💚

قال تعالى عز وجل في حديثه القدسي: " أنا عند ظن عبدي بي فليظن بي ما شاء "

وفي سورة البقرة قال:"وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ"

وذُكر عن ابن مسعود رضي الله عنه أنه قال: ”...والذي لا إله غيره لا يحسن عبد بالله عز وجل الظن إلا أعطاه الله عز وجل ظنه ؛ ذلك بأن الخير في يده“💚

كل الأيات والأحاديث والجمل دي كان هدفها واحد إنها تخلينا نثق ونحسن الظن بالله💚
كن واثق دائما أن أمر الله كله خير ما ظهر منه وما بطن💚

كم مرة ومرة عدت السنين والأيام وكان في موقف قلنا عنه إنه سيئ وليه كده وبعد سنين إكتشفنا حسن تدبير الله لينا فيه💚

فيا رفيق ثق برب العالمين وأحسن الظن واسعى في حياتك 💚💚

#قوم_امشي_صلِّ💚

للفجر حلاوة إن لم تذقها فلا معنى لما تبقى من يومك.

إن أردت البركة، السعادة، التوفيق والجنة قم للصلاة💚
أما إن كنت لا تريد فأكمل نومك.

#الصلاة_خير_من_النوم
#قوم_امشي_صلِّ💚

إشتقتوا لي أتندس الصلاة صح!!

صليتو الظهر ولا لسه؟👀

أي رفيق صلّى يتفاعل مع الرسالة بـ "🫡"

" اللهم ارزقنا لذّة الخشوع وطمأنينة السجود." 💚

#قوم_أمشي_صلِّ💚

{وَعَجِلْتُ إِلَيْكَ رَبِّ لِتَرْضَى}

الطريق إلى اللّٰه واحد، لكن الناس يختلفون في السرعة والصدق، ولأجل هذا جُعلت الجنة درجات: فمنهم سابقون، ومنهم مقتصدون، ومنهم أصحاب اليمين…

فاجعل هدفك دومًا الدرجات العُلى، وكن من السابقين، فإن الطريق واحد، لكن الأقدام تتفاوت في الإقدام.

تذكّر: ما من خطوة تخطوها إلى اللّٰه، إلا ويُقبل هو نحوك أضعافًا مضاعفة!
كما قال في الحديث القدسي: "ومن تقرب إليّ شبرًا، تقربتُ إليه ذراعًا…".

فأقبل بقلبك، وجاهد نفسك، فإن الجنّة لا تُنال بالتمني، ولكن بالسعي والتشمير.

#قوم_أمشي_صلِّ 💚

-لـو عنـدك امتحان، وما جاهـز ليـه تمامًـا، هل حتفوتـه؟
= غالبًـا لا.
حتمشي، تحـاول، يمكن تنجـح، يمكن تستفيـد، لكنك ما حتقيف لحد ما تجهـز، لأنـك عارف إنـه مهـم، وإنه فرصة ما بتتكرر🤷🏽.

طيب الصـلاة يا رفيقـنا؟
هي امتحـان يومي، لكن ما بقيـس معلوماتـك، بقيـس عهـدك مع ربـنا، ما محتـاج تكـون في أفضـل حـال عشان تصلـي، بـل محتـاج تصلـي عشان ترجع لأفضل حـال.

الصلاة فرصـة، فرصـة ترتـب نفسك، تعيـد أولوياتـك، تتـوب، وتلتـزم، اضبط منبهـك يا رفيـق، واستشعـر إنـك داخـل على لقـاء مع ملـك الملـوك!
اتخيـل إنه اللقـاء دا بحصـل مـرة واحـدة في العمـر، من وراه حتكسب كنـز كبير، أكيد حتى لو ما جاهـز، حتدخـل.

فـ كلـه إلا الصـلاة!
حتى لو بتأخر، حتى لو بتجمـع، حتى لو ما بتصلي خالص، قوم بـاب ربنا مُفتـوح على الدوام، وتذكـر يا رفيقـنا:🫵🏻
"فـإن مـن تركها فقـد كفـر".

#قوم_أمشي_صلِّ💚

عزيزي المسلم كيف يمر اليوم من غير تأدي أبسط عبادة ألا وهي الاستغفار 💚

تعال أوريك كنز من كنوز هذه العبادة...
قال الحسن البصري:
لا أظن أن الله يعذب رجلاً استغفر..
فقيل لماذا.؟!
قال : من الذي ألهمه الإستغفار؟
فقيل : الله ..
فقال الحسن :
كيف يلهمه الاستغفار ويريد به أذى.!💚

﴿ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ ﴾

يلا مستني شنو استغفر💚

#قوم_أمشي_صلِّ💚