هالقصيدة صار سنين من كتبتهه وروحي بيها 💔🥹

قصيدة نخوه للعباس (ع)
لـ قضاء الحاجة وطلب الشفاء
ونجاح الطلاب ونظرة التوفيق..👇

يا كفيل ام عـون يالمـالك مثـيل
گاصدين اليوم الك بأسم العليل
❥ـــــ✪★ـــ☆☆ـــ✪★ــــــ❥
گاصدينك بأســم زيـن العبـادين
يا مــلاذ انــت وسـند للحـايرين
امراد مـن جفين ادينـك رايدين
ياخو زينب كل طلب النه ثجيل
❥ـــــ✪★ـــ☆☆ـــ✪★ــــــ❥
كـل امر مـولاي مـا نلــگاله حـل
اله يمـك يالصعـب يصـبح سهل
حـل مشاكلنـه الجثيـره و العلل
انـت حـلّال الهـا يالمـالك بـديل
❥ـــــ✪★ـــ☆☆ـــ✪★ــــــ❥
شافي مرضانه التون امن الالم
العلـه بـزازه وعلـي مثل السهم
طيب الموجوع يا راعي الشيم
الوجع ياكل بالعظم مايبگه حيل
❥ـــــ✪★ـــ☆☆ـــ✪★ــــــ❥
ابعونك هنا سـيدي نطلب نجاح
تتعـب الطـلاب ابـد ما تسـتراح
اعقولهم نورهه كون الهم سلاح
اكفـل ادراسـتهم التصـنع جميل
❥ـــــ✪★ـــ☆☆ـــ✪★ــــــ❥
سيـدي بهـذا الطلـب كلـش نلح
نظـره للطــلاب احلفـك بالـذبح
خاف الجمـك للجرح اشمر ملح
اعذرنه ياعباس كل احنه دخيل
❥ـــــ✪★ـــ☆☆ـــ✪★ــــــ❥
#الشاعره المله هاجر الزينبية
اسألكم الدعاء لي بالنجاح الدراسي
والتوفيق في خدمة الحسين ع🙏

https://www.tg-me.com/HH_7W15

نااااار 👆🔥😭😭
اكتب بالبيت البي طلب نجاح وابجي 😭
دعولي اماااااانه 🙏

قصيدة ثگيلة لاربعينيه الوالد 👇💔😭

فارگنـه الابـو يا حيـف و اليـوم اربعيـنيته
كون ابگـبره كلنه نصير و يگـعد هوه ياريته
❥ـــــ✪★ـــ☆☆ـــ✪★ــــــ❥
فارگــنه الابـو يا ناس عــشنه بعده بالذله
مو شـهر و عـشـر تيـام جن ظيـم العـمر كله
اشتاگينه الحجي المعدول خل نمشيله ونگله
للزيـن العـزيز الشوگ روح اوليده وابنيـته
❥ـــــ✪★ـــ☆☆ـــ✪★ــــــ❥
حزينه الروح لاجل الزين المحلي العگال الراح
سهم ولده وبناته اعليه بس هم وقهر وانياح
اشلـونك بويه بالتـربان هـجرك يالولي ذباح
هيـج انگــله يم گــبره وانـگلـه و حـش بـيته
❥ـــــ✪★ـــ☆☆ـــ✪★ــــــ❥
والينه المشــه لا وين بيـته موحـش اخلافه
كونه يرجـع النه اردود كون البيت هم شافه
ابو الخيرين كلهم هاذ ابونه التصعب اوصافه
شمحله اعگاله لو لبساه يا محلاهه خاشيته
❥ـــــ✪★ـــ☆☆ـــ✪★ــــــ❥
خلانـه ابهضـيمه و عوز ننـحب كل مغربيه
واليوم اعلى ابونه الراح نصــبينه العزائيه
لابو الروح الحنـينه انروح صارت لربعينيه
وبنتـه عالگبـر تنــعاه اتگــله گلبي هضـميته
❥ـــــ✪★ـــ☆☆ـــ✪★ــــــ❥
اتگـله يالولي تعـبان گلبي اخلافهه اعيـونك
مشتاگه لضحكتك حيل روحي معلعله بدونك
گلي اشلونج ابدنيـاج وانت الغالي اشلـونك
سايلني اعلى هاذ الحال نوحي شنهي تاليته
❥ـــــ✪★ـــ☆☆ـــ✪★ــــــ❥
#كلمات المله هاجر الزينبية
اسألكم الدعاء لي والوالدي 🙏
https://www.tg-me.com/HH_7W15

قصيدة للام اهداء لفاطمة الزهراء ع
ثگيلة بعنوان [ ليلي يخنگني ]💔😭

ليلي يخنگني وصورهه عذبتني
امي شالت يا خلگ وسفه ونستني
الشيله ظلت والصور
وهيه راحت للگبر
بغربة صرت بدنيتي من فارگتني
❥ـــــ✪★ـــ☆☆ـــ✪★ــــــ❥
امي خلتني بهضيمة وين شالت!
صعبة حيل الفظهه چلمة امي ماتت
الشيله من الخنگه ليه نفس صارت
عيشتي اعله الشيله بس
وذكريات امي امس
ترجـع امالي الي لو سامرتني
❥ـــــ✪★ـــ☆☆ـــ✪★ــــــ❥
اهدومهه ظلتلي اشم بيهه و اونن
دموعي عالصوره بقهر بالليل هلن
وحشه حيل بعيني مو تدريني احنن
تدري بگليبي حنين
انگطع من الونين
اتمزگ الشريان ع اللي ما خذتني
❥ـــــ✪★ـــ☆☆ـــ✪★ــــــ❥
اعليهه أذاني اليتم لاچم جروحي
صحت يمه بصوتي و ابآهات نوحي
حالتي ياحاله صرت ابجي اعله روحي
حالي ابد ما ينوصف
جرحي مايوگف نزف
الذكريات الحلوه ويلي لاچمتني
❥ـــــ✪★ـــ☆☆ـــ✪★ــــــ❥
ريت ترجعلي و ابوسن جف اديهه
امي ام روحي يمن فدوه لحجيهه
فرفح گليبي وراها ابجي عليهه
دربي ماشوفه گمت
غوشت عيني انعمت
رايي تاه و موتت امي دوهنتي
❥ـــــ✪★ـــ☆☆ـــ✪★ــــــ❥
ضدي كلشي ودنيتي ماهي رحيمه
اخذت امي للگبر هـٰذي جريمه
تعوفني مهظوم گلبي بعوز خيمه
روحي سَلتها العِلل
وجنهه مخنوگه بحبل
الدنيه حرمتني العزيزه وحاربتني
❥ـــــ✪★ـــ☆☆ـــ✪★ــــــ❥
#الشاعره المله هاجر الزينبية
اسألكم الدعاء 🙏

https://www.tg-me.com/HH_7W15

اعيد النشر لان يطلبون مني..
ان شاء الله احضر الكم جديد ع المناسبات الجاية
واعتذر عالتقصير لكن مشغولة بدراستي احتاج دعواتكم...❤️🥹

#كون ادموع عيني اترد العزاز....💔
وحگ روح المشه اتعايش بلا اعيون

هاجر الزينبية

عمري صغير، بس كبرانه بالخدمة
و هنيالي اگـولن دوم عالنعمة

الخدم تنهان كلهه وماتعلي الراس
بس خادم الزهره الهامة والنجمة

سوه، وفرض احترامه يصير خادم غير
اله امعزه، وكرامة، وخدمته اتهمة

هذا انه، وعهد انطيت حد الموت
ما اگطع، واجافي، وي ابو اليمة

وانه شعندي، غير الدرب هذا البي
اجرن عدل بيهِ ابخلص وابهمة

وما دام الصراط المستقيم اهناا
كل توفيقي ذكر الخالق واسمة

هاجر كريم الزينبية

قصيدة مشتركة للامام الحسين(ع)

مختنگه بالحسرات كل ساعه ابجي
مشتاگه الك يحسين بس لمن احجي
تشتاگ الك روحي
وما بطلت نوحي

مشتاگه لك يحسين بس لمن احجي
❥ـــــ✪★ـــ☆💔😭☆ـــ✪★ــــــ❥
مشتاگه أطوف بحضرتك يا ابو علي
صبح ومسيه دمعي عالوجن ايهلي
وگبرك بعيده اعليه ياااا خيره هلي
مشتاگه اطوفنك
يالحيل احبنك
مشتاگ لك يحسين بس لمن احجي
❥ـــــ✪★ـــ☆💔😭☆ـــ✪★ــــــ❥
مشتاگه ازورك سيدي والدمع هالي
بجاه امك الزهره انظرهه الحالي
بس الحزن والنوح والهم صفالي

متعنيه وانخاك
ياسيدي اترجاك

مشتاگ لك يحسين بس لمن احجي

#بقلم الشاعره بتول الكربلائية 👆🏻
❥ـــــ✪★ـــ☆💔😭☆ـــ✪★ــــــ❥
محتاجة الزم بيدي شباجك و اونن
يا خيمتي تدريني الك اهواي احنن
طال البعد ياسيدي ووجعاتي كثرن
هوَ البعد وجعات
بنص الدليل اتبات
مشتاگه الك يحسين بس المن احجي
❥ـــــ✪★ـــ☆💔😭☆ـــ✪★ــــــ❥
نار البعد يلسع تره يا سيدي اهواي
مر بيه اخذني لكربلائك ها يرجواي
عطشانه روحي زيارتك ترويهه يالماي
ارزقني قربك دوم
يا ملجأ المهموم
مشتاگه الك يحسين بس لمن احجي

#الشاعره هاجر كريم الزينبية 👆🏻
❥ـــــ✪★ـــ☆💔😭☆ـــ✪★ــــــ❥
ارزقني قربك يابعد روحي وحياتي
وياك تدري اتسجلت كل ذكرياتي
وياك اظلن. ياحبيبي. حد مماتي

بحبك دليلي يذوب
وسط الگلب مكتوب
مشتاگه الك يحسين بس المن احچي
❥ـــــ✪★ـــ☆💔😭☆ـــ✪★ــــــ❥
مشتاگه ازورك سيدي والبعد حراگ
وگلب المحب للي يحب كل وكته يشتاگ
واليحب تدري من صدگ مايحمل افراگ

تدري يغالي اهواك
اتمنى اظل وياك

مشتاگ الك يحسين بس المن احچي

✍️ ام زهراء الزيداويه البصراوية
❥ـــــ✪★ـــ☆💔😭☆ـــ✪★ــــــ❥
بقلم الشاعرات اهل البيت عليهم السلام

#الشاعره_بتول_الكربلائية_
#الشاعره_هاجر_الزينبية_
#الشاعره_ام_زهراء_البصراوية_
غير مبرى ذمة أمام الله ومولاتي فاطمه الزهراء ع كلماً تاخذا كلمات وتنسب لها❌ وعلماً أنها مسجله بدفتر مولاتي الزهراء ع والكفيل الامام علي عليه السلام

https://www.tg-me.com/HH_7W15

غوالي الروح اشوفنهم. بعد وين
خذاهم هالوكت مني بعد وين
عليهم يا گلب ونيت. بعد ون
زيد الونه وكت المغربية

لـ هاجر كريم الزينبية

قناتي الثانية للكتابات القصيره @DR_hajeer16

انتظروا قصائد لفراق الاحبة مع قرب العيد دماااار 💔🔥
وللامام علي (ع) ايضاً راح تنزل قصائد متنوعة
حفظوهم يمكم كل ما انشر وندعولي بالنجاح والتوفيق 🥹❤️

قصيدة لفراق الاحبة (عيد الفطر)💔

يا عيد الفطر لا تلفي ليه
لا يجبل ابد صبحك عليه
گلبي امفارگ اعزاز
وليهم حيل معتاز
لا يجبل ابد صبحك عليه
❥ـــــ✪★ـــ☆☆ـــ✪★ــــــ❥
گلب اليفگد ايبات ابنحيبه
بصبحك كل محب عايد حبيبه
وانه اعله الصور عيني سچيبه
ونار الشوگ بدليلي لهيبه
اريد اعزاز روحي
عليهم ااه ينوحي
لا يجبل ابد صبحك عليه
❥ـــــ✪★ـــ☆☆ـــ✪★ــــــ❥
امبارك صبحي بيمن گلي ياعيد
تهظم بالگلب وجروحي اتزيد
المن جايني وكل ناسي ابعيد
المفارگ عزيز الملتقى يريد
لكن هايه هيهات
ما نتلاگه بالمات
لا يجبل ابد صبحك عليه
❥ـــــ✪★ـــ☆☆ـــ✪★ــــــ❥
ايامك سعيده من استمع هاي
أنه بهاي انهظم كلش تره هواي
غوالي الروح شالوا ماهم اوياي
جا المن بعد عيدي عليّ جاي
ودافن كومة ارسوم
گلبي هوايه مهظوم
لا يجبل ابد صبحك عليه
❥ـــــ✪★ـــ☆☆ـــ✪★ــــــ❥
دافن واحد احلى من الآخر
شلون ارسوم حلوه الله اكبر
فارگنه وتوازه البين الاگشر
ماشبعان منهم گلبي انطر
انطر گلبي نصين
حرمني منهم البين
لا يجبل ابد صبحك عليه
❥ـــــ✪★ـــ☆☆ـــ✪★ــــــ❥
اعيد كون يمهم بالصبح غاد
يم اهل المگابر هالگلب راد
تره يذبح هجرهم ذوله الابعاد
وحبهم يسري بينه وماله رداد
يكبر حبنه ليهم
من نذكر حجيهم
لا يجبل ابد صبحك عليه
❥ـــــ✪★ـــ☆☆ـــ✪★ــــــ❥
#الشاعره هاجر كريم الزينبية
اسألكم الدعاء لي بالنجاح والتوفيق
https://www.tg-me.com/HH_7W15

ناسي ابعاد مامعروف امرهه
اريد ادروبهم هاليوم امرهه
واشكي ظيم فرگتهم ومرهه
جفوني وبالجفه شگد شفت اذيه

هاجر كريم الزينبية

مجلس لام البنين(ع) بذكرها تقضى الحوائج
قصيدة ( ابآخر اللحظات) 💔😭
#كلمات: الشاعره هاجر كريم الزينبية
#اداء: الملا ام علي خادمة الحسين
لا اجيز حذف الاسماء ❌

فزاعية خفيفة عن شجاعة ابا الفضل العباس عليه السلام

عباس طب للمعركة. 
  وتراجفت عدوانها

عدوانه خافت من نزل
للحرب من طب البطل
زلزل الطف لمن وصل

وجفه كتب عنوانها
♾♾♾♾♾♾♾♾
عنوان ابو فاضل كتب
زلزلها من طب الحرب
يرهب يخو زينب رهب

صال وگلب ميدانها
♾♾♾♾♾♾♾
ميدانها ابچفه گلب
وعيونه تتجداح لهب
ماواحد احدوده گرب

زلزل. الطف. ارکانها
♾♾♾♾♾♾♾♾

زلزل الطف ابيمنته
وبالنصر رفت رايته
عيون العده من شافته

شدت اليوم اچفانها
♾♾♾♾♾♾♾♾

شدت چفنها أهل الرده
من شافت الحيد العده
ابشجعانهم سيفه بده


شب الرعب فرسانها

♾♾♾♾♾♾♾

من طب خزر بعيونه
حداها ويلي اسنونه
فن العده ايلاگونه

يگلب عليها اكوانها
♾♾♾♾♾♾
#الشاعرة ام زهراء الزيداويه البصراويه
#الشاعـرة المـله هاجــر الزينـبيــة
لا اجيز حذف الاسماء شرعا ❌
https://www.tg-me.com/HH_7W15

مفارگ وليلي يذكرني بهجرهم 💔

قصيدة ثقيلة للامام علي ع
{صدك راح الولي؟ } 💔😭

صدك راح الولي وصرنه يتامه!
علي عافانه عالدنيا السلامه
مات العينه النه
بعد مامش محنه
كسروهه الخواطر هالظلامه
❥ـــــ✪★ـــ☆☆ـــ✪★ــــــ❥
صدگ مات الولي وظلينه ايتام
راح الخير كله و نور الايام
علي جنه بوجوده نرسم احلام
لكن مات املنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
ابونه المرتضى طبرولهِ الراس
بعزيز اگليبه انهد حيله عباس
يتامه ونوح صار وضجت الناس
صدگ هسه انكسرنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
بصبح الله الضجيج ونسمع النوح
كلهه امفرفحه والگلب مذبوح
كسروهه الخواطر ماتت الروح
بفجر الله انهضمنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
يتامة صرنه بعده اشلون بينه
ولي الله رحل لامره اشبدينه
قهر برواحنه وماكو سَكينه
جانت مطمئنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
جبيره الطبره ليها ماكو اضماد
لفاه الموت هذا الماله رداد
علي يومه وعلي للحيل هداد
رايح كل اهلنه
بعد مامش محنه
علي عافانه عالدنيا السلامه
❥ـــــ✪★ـــ☆☆ـــ✪★ــــــ❥
#الشاعره هاجر كريم الزينبية
اسألكم الدعاء لي بالنجاح والتوفيق
https://www.tg-me.com/HH_7W15

الشعر مو باب رزقي لخاطرك جان ✍🏻 🥺
#حُسين