دهري بلاني بالعوارض وبالروس
بلوى قديمه مختصرها التساهل

غيري بحب المال مدمن ومهووس
وانا بحب القات للمال باذل

بالشهر في قيمة عقيره وجاموس
وبالسنه مصروف عشرين جاهل

القات حيه تحت راسي وكابوس
القات عندي الف شاغل وشاغل

انا ببحر القات لا الراس مغموس
انا بسجن القات محبوس واصل

قلبت في عشرين معجم وقاموس
ما شفت له معنى ولا له دلايل

عز الزمن كمن محيرف ومنحوس
وانا زماني حطني في المزابل

كن الزمن ضدي مخابر وجاسوس
يرصد مكاني في جميع الوسايل

زمان يحلق للمساكين بالموس
واهل الزلط حاني عليهم ودالل

انسان به كسبان وانسان مبخوس
وانسان ناجح فيه وانسان فاشل

وانسان من كشف التعيسين مطموس
وانسان في كشف المعانين واصل..


#بــــقــــلـــمـــي

ما كنت اظن المحبه تحرق الاعصاب
ولا توقعت في عشقك يطيح صبري

واليوم ساهر معذب منجرح منصاب
وابحار من دمع عيني بالخدود تجري

وكانني كنت حاضر غزوة الاحزاب
منهك ومرهق مكشر حالتي مزري

مهزوم خاسر ودمعي دايما سكاب
والذنب لاني لقيتك همت بك دغري

العقل ضدك ولكن الهوى غلاب
تذل قلبي وتتكبر على كبري

قاضي بحبك وقوتي مثلما المحراب
ما عدت افكر وحبك قد ملَك فكري

ارجوك بطل تقع في عشقتي نصاب
من الذي علمك تطعن على ظهري

لو مت ياخل في موتي لك الاسباب
فاقرا عليا و حط الورد في قبري

مبروك عرسْك ، وخاتم منظرة خلاب
وانا ببُعدَك يعظّم ربنا أجري

لو تعذّر لي وتبكي في قيامك والقعود
ما عد اقبل لان قلبي صار شابع مرتوي

والله اني في غرامك صرت جافي للرقود
وان قلبي للمحازن والمواجع يحتوي

عشقْتك دمعه خبيثه تقتل ازهار الخدود
حُب خلاني مدهور كل ساعه مكتوي

ليش تجعلني أحبك وانت عاشق للصدود
لا تظن القلب حقي جنب قلبك يستوي

فانت لك إحساس قاسي يجعلك خالف وعود
شخص سايب شخص عايب في طباعك منطوي

من يشوفك قال مسلم او فلسطيني وَدود
بس من داخل فؤادك شخص متيهود قوي


#بــــقــــلـــمـــي

اهداء خاص🌹🌹🅱

🚨 فضلا وليس امرا 🚨
الرجاء الاشتراك في القناة الرسمية للشاعر صقر اللاحجي على الرابط التالي 👇👇
https://www.tg-me.com/saqerallahji

من مقطوعة قديمة

من رضي في صاحبه أو جويره
بـالـمـجـازر والــعـبـث والــدمـار

بـايـجي لــه بـالـصغيرة صـغيرة
والــكـبـيـرة بـاتـجـي بـالــكــبـار

‏اربع؛ تخلي الرجل من دون قيمه
ويصير من بين الرياجيل ممقوت

الكذب،والغيبه ، ونقل النميمه
وكثر الكلام ..اللي بلا فعل وثبوت

واربع؛ سبب فرقى النديم ونديمه
المال والنسوان والحسد والموت

‏استغفر الله عــد قطـــرات الامزان
واستغفر الله عــد غيث السحوبي

واستغفر الله عــد خلقـه بالاكوان
واستغفره عــد الثمـــر والحبوبي

واستغفرالله من همومي والاحزان
واستغفره مـن ضيقتي والكـروبي

واستغفر الله من مواجيـع الازمان
واستغفر الله من جميــع الذنوبي

اشهد ان حبه خذا فالمعاليق اتساع 
جعل عيني ما تخسره ولا تبكي عليه

احفظه حفظ الامانه بقدر المستطاع واعشقه عشق الاجاويد بيضان الوجيه

صرت البي ليا دعاني وله دايم مطاع
مثل من قضاء  حياته  لطاعة  والديه

في حضوره طاب جرحي ولا للحزن داع وفي غيابه كن  عيوني  وقلبي يحتريه✍

‏ما اقبــــــــل بالاعـلام البديلة للاعلام
ولا اتـــرك الرحمــــن و ارجـــــع لعثتر

ولا اقتـــــدي بالزيــــــر سالـــم وهمَّام
وافك عمــــــــار ابن ياســــــر والاشتر

واعتــز بالتــــاريخ وافخـــــر بالاسلام
وبلال واحـــد خيـــر مــــن الــف عنتر

وعيب ادين اجرام واسكت عــن اجرام
وانسى "الابتشي" واذكــر "الهولوكبتر"

وانا  مــــع "البسنا" و"صنعا" و "فتنام"
يا "فاقنر" و " اصــلاح " و "بلاك ووتر"

وانا مـــــــــــع القسام يا المــرشد العام
وانا مـــــــــــع السنوار يا اتبــاع صعتر

ما انا الــذي يرغــــم على الباطل ارغام
ولا الــذي يسكت عـــــــــن الحق مضتر

ولا الـــذي يمشـــي بالايــــــدي ولاقدام
مــن كثــــــــر ما حاول يسنّب ولا استر

ذمّام لاهــــــل العيـــب والعيـــب  ذمّام
ولـــــــو تستّــر بالسخــــــا مـــــن تستّر

ما الباس لبـاس الزهـــــد هوكة وهندام
يا لابس  التقــــــــــوى اللبـاس المشنتر

‎

جيت لي ذلحين.  ما عَد جيَّتك
  كنت عتكمِّل بها  ليش عاد جيت
  جيت تذكرني بماضي عشقتك
  والغثا والقهر الي كرهن نسيت

  عاد قلبي غر سَكه من شغلتك
عادنا بعد البواطل غر سليت
  كنت في هجري عتاخذ راحتك
  كنت عتواصل وقد بسمك قسيت

  الهوى والحب مِشو بالمزاج
   أو بكيفك أنت أو كيفي أنا
  القلوب حين تكتسر ساع الزجاج
  ننتهي منها و نغسل يدّنا

  والخلافات إن مضى وقت العلاج
  ليش بالفاضي نضيِّع وقتنا
  مثلما ذلحين صارت غلطتك
ألف غلطه.  وأنت عادك ما دريت 

  جيت لي ذلحين أيش الفايده
  في الهوى لابد نبقى واضحين
  ليش ما خذت القرار في موعده
  ليش ما راجعت نفسك من بحين

  أنت لو جربت لحظه واحده
  قهر قلبي والتياعي والأنين
كنت عتفكر تقدم ساعتك
  لَجل تلفى من هوانا ما لفيت

كيف نستغرب وهذا الشعب من فقره يعاني
والظروف القاسيــة يروي ظماها من عيونه

الألم ظاهــر وبعضه مختفـــي بيــن المحاني
والمواقف تكشف أحزانه وهو كاتم شجونه

فـــــرِّغ مــــن الحكمة مضاميـن الاحكام
وابتر يـــد الســـارق يقــــع ســـارق ابتر

للجهــــل والحمقـــى تباشيــــــــر واقلام
في كــــــــل سبّورة وفي كــــــــــل دفتر

يا الجانـــب المهتــم يا المــــــــوقع الهام
شـوف العمــى شايــــف لنفســـــه ومغتر

والواقعي واهـــــم اذا الواقــــــــع اوهام
وفتــــرة الفــــــاتر مـــــن الفـــــــاتر افتر

‎

انتي اصل الذوق ..والذوق الرفيع .
انتي انتي غير .....عن كل البنات .

شفت فيك من الجمال اللي فضيع .
شفت فيك اصل... الرزانه والثبات.

انتي مثل الورد في فصل الربيع .
مختلف عن الورود....... الباقيات.

فيك رزة قوم والمنسب... شجيع .
شامخه مثل......... الجبال النايفات.

يالعفاف المهذب والحيا والحشيمة.
و الجمال الحقيقي و الوقار المهيب .

كل عينٍ ماتشبع من عيونك كريمة.
ما لحسنك شبيه ولا لزينك معيب .

ماتهون المصايب و الجروح الأليمة .
لين شعرك من العود المعتق يطيب .

و كل فكرة تغنى فيك فكرة عظيمة.
لين راسي يشيب و لين قافي يشيب.

انا وهـو كالروح فـي جســـم انسان .
لا فارقتــه الروووح ماتـت حـواسه.

وانا كـذا لوغاب في بعـض الاحيان.  يمــــوت قلبـي بيــن حزنه وياسه.

انا اشهـد ان البُعـد مفتاح الاحزان.  والهجــر مفتاح الوجــع والتعاسه .

والبُعـد يقتـل كل عاشــق وولهان .
والشوق يحرق خافقي من اساسه.

‏الدرك الاسفــل ما هــــو ادنى طبقة
يااحط وادنى من جميــــع الطبقات

يا العارضيــن اعراضكـــــــم للشَبَقَة
ليلة بليلة مثل عـــــــــرض الحلقات

حجم النفاق اضعــاف حجـم النفقة
كــان النفاق اول بحجــــم  النفقات

واخــذ العوايد مثــل اخــذ الصدقة
وبيــع الانفس مثـــل بيــع السَّرِقَات

يتـْـأجَّــــــــر اولاد الزنــــــى للفسقة
عادي ولـــو  حتى بحـــــــق اللبقات

وتزاول اقلام ارخــــــــص المرتزقة
بيع الضماير والذمــــــم فـ الطرقات

وضـــع الدنــــق بايس يثير الشفقة
وعــــاد يشتوا يفعلــــوا لك خَلَقَات

ما عادهمــــش  الا مجـــــــرد ورقة
تشبه ورق مــــن يطلبون الصدقات

صابت فكـــــوك ألقافهــــــم باللوقة
صعقة وكانت مـــــن اشـد الصعقات

ماعـــاد حــد عنـــده تفــــاؤل وثقة
ولا بقى بيـــــن الطــــــرق مفترقات

كـــــل الحـــــوادث كلهـــــا مختلقة
تُعـــرف دوافعهـــا مــــن المنطلقات

ذي ما يصيـر انســــــان يبقى عَلَقَة
يا ارخص مــــن البكتيريا واليرقات

يا المفرَديـــــــن الصابئيـــــن المرقة
عنَّـــا وعــــن لديــــــان  والمعتنقات

ســــــوق النفــــاق العالمي والسوقة
و البيــع و اسعــار الشــرا والصفقات

لـــو  ضيّــع الدايـــر وفــــضَّ الغَلَقَة
ما لصَّـــق الخمسين بااربـــع لَصَقَات

هــــــذا تمـــــزق في جهــة مُخْتَرَقَة
وصراخ ماهـــو مـــن مجــرد رشقات

شكلــــه زرق كلـــــــه فديــت الزَّرَقَة
زنقة ويمكن مـــــن اشـــــــد الزنقات

‎#

اخفي همومي وسـط قلبي ولا انهار واجامــل العالـم بضحكـة شفاتي .

وادعس على حزني ولوصار ماصار .
ولا خلـي الحُسـاد تعـــرف شتاتي.

هذا انا الصامـد على ضيق الاقدار .
صامــل ومعلـن فـي حياتي ثباتي .

وصابــر على الدنيا وما ربي اختار .
وعايش ولوضاقت بوجهي حياتي.

وعد اللقاء طـــول وانا ياخي اشتقت والشــوق مالــي فيـــه يا حب حيله .

ذايب وميت فيك واشتقت وادمنت . والبُعـــد قاتـل والمراحـــل طويله   .

ياحـب يا اللي في خفوقــي تمكنت .
على اللقاء ياحـب شوف لي وسيله  .

ماعاد اطيــق البُعــد ياخي تجننت  . والشــوق قطــع قلبــي الله وكيله   .