عندج مجالس هواي👌 ومتلحكين اتدورين بلكتب
عن القصائد الثكيله وهم مستعجله🌀 وانتي بلمجلس

تعاي اوياي بسرعه انضمي
لهاي القناة
خاصــــة فقط للقصائد الثگيله النسائية

#اضغطي على الرابط
وانضمي بيها👇👇 قبل الحذف




https://www.tg-me.com/damatalatab

https://www.tg-me.com/damatalatab

قصيده لتشييع الزهراء ع
_____


جينه للتشييع يم حامي الحمه
نواسي المـهدي بأمــه فاطمــه

❥❥ـــــــــــ❁❂❁ـــــــــــ❥❥

نواسي الكرار بالزهره البتول
اعـظم الله اجــره ابنت الرســول
عــلى اعناد الناصبي وشما يگول
تشـــهد الامــلاك وبسابع سـمه

أم صـــ✍️ــــادق المنصوري

❥❥ـــــــــــ❁❂❁ـــــــــــ❥❥

اتوجهت هاي المواکب للنجف
والمحب مظلومه یازهره هتف
ابأمر من المرجعیه وانعرف
ویه ابوصالح الشیعه امحزمه

✍🏻المیرزه ام ليلي الخاقانی

❥❥ـــــــــــ❁❂❁ـــــــــــ❥❥

تحضرالامـلاك وتزت النــعش
ترهب الاعداء تخلـهـا ترتعش
مصاب يكلف حيل ويكطع الهرش
شيــعه طلعت بالحزن ومألمـه

✍ام احمد العبوديه زبير

❥❥ـــــــــــ❁❂❁ـــــــــــ❥❥

الشيعه طلعت والدمع عالخد يسيل
تعازي داحي الباب حماي الدخيل
حزنه عالزهره ابد ماله مثيل

وروحه من عظم المصيبه هايمه

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

جينه جبنه گلوب حيل مفطره
لفاطمه المنها الظلوع مكسره
التمت اعليها الذيابه مكشره
جور من اهل السقيفه الظالمه

✍طالبةالزهراء القريشي

❥❥ـــــــــــ❁❂❁ـــــــــــ❥❥

حاضر ويانه المهدي المنتظر
يشييع امه فاطمه بدمعه وقهر
يذكر العطشان محزور النحر
مودمع تجري عيونه من دمه

✍️ ام مهدي الفرطوسي

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات
#رابطة أدب الطف
#منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/HOWEIY

أشترك بالقناة عبر الرابط اعلاه☝️

اذا تعبانه 😔وماتحبين اتدورين بلمكاتب عن الكتب والاصدارات الجديده للشاعرات🔥

#واذا محتاجه جنطه مال ملايات
او طبابه اتساعدج بلطمية او كارتات خاصه بيج كملايه 🙅‍♀

تعاي اوياي وشوفي مكتبة عاشوراء
صاحبتها كلشي اموفره الكم
حتى نماذج من القصائد❤️

كل ماعليج بس تختارين وتحجزين✍



رابط المكتبة 🔥👇👇👇👇


https://www.tg-me.com/AiDoiwwn19878

﴿﴿مستهل للزهراء عليها السلام ﴾﴾


ياروحي لجــل الزهره
هلي الدمـع والعــبره

بنت النـبي المختـار
هجمت عليـها أشرار

بنار وحقد متحضره
ياروحي لجل الزهره

❥ـــــ❁ــــ❁ــــ❁ــــ❥

فاطمه اباب الدار من عصـروها
ماخافـوا الله وحـرمتـه ضربوها
تـنزف دمـه وضــلوعـها كسـروها
ومن الضرب ام الحسن عوروها

ابجي الدمـع بدموم
بحسره يروحي اتـحوم

ذگري الضـلع والكسره
ياروحي لجــل الزهـره

✍🏻 *_الشاعــرة ام مهــدي العيــداني_༺༺༻༻

❥ـــــ❁ــــ❁ــــ❁ــــ❥

ياويلي من هجموا عليها للدار
مايدري بيها علي حَماي الجار
كسروا اظلوع ام الحسن يالمختار
وزينب تعاين ليها وحسين احتار

ام الحسن وحسين
اعليها الدمع بالعين

سوده السمه متغبره
ياروحي لجل الزهره

ام عــ✍️ـلي المالكي

❥ـــــ❁ــــ❁ــــ❁ــــ❥

ابجي على الحوريه والانسيه
وخلي الدموع اعله الوجن مجريه
اضلاعها مكسوره سوده اعليه
وحيدر امگيد ياوسف بوصيه

گلب المحب مجروح
بحرگه والم و ينوح

ظلي بحزن وبحسره
ياروحي لجل الزهره

الخـ✍️ــادمه ام زيد الشمري

❥ـــــ❁ــــ❁ــــ❁ــــ❥

ظلي بالم وبدمعه ابچي اعليها
ذكري مصيبة فاطمه اشمر بيها
وصت علي بليل اظلم ايواريها
يعيوني من دم لام حسن صبيها

وصت نعشها بليل
حيدره بيده يشيل

عيونج دمه خل تجره
ياروحي لجل الزهره

📚🖌️ام زهراء

❥ـــــ❁ــــ❁ــــ❁ــــ❥

يعيوني صبي دموع مو بس دمعه
بهذا المـصاب اعلينه صايـر فجعه
زهــرة نبينـه ماتت ويـلي البـضعه
بدار الامامـــه انطــفت منه شمعه

نساعد عليها ام عون
نمشي ويه اليشيعون

كسر الضلع شيجبره
ياروحي لجل الزهره

أم صــــ✍️ـــــادق المنصوري

❥ـــــ❁ــــ❁ــــ❁ــــ❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/HOWEIY

أشترك بالقناة عبر الرابط اعلاه☝️

قصيدة ( مشه بيه العمر)

مشه بيـــه العمر
وتحسفت شكثر
ندمان  يحسين

منك اعتذر
بده بيه الكبر
ودمعة بالعين
ندمان يحسين
┄┅═✧❁★-❁✧═┅┄
خلص عمري ولاادري
مَر چنّه  حلم عده

تغرني وبسوالف ليل
ونهاري يمحي ماعنده

طمع دنيه وعيشن دوم
ورياح الموت ماتهده

ويناديني الگبر
مشه بيه العمر

ومتحسف السنين
ندمان يحسين

✍️ وعد الڪفيل
┄┅═✧❁★-❁✧═┅┄
ذبل غصن العمر مسرع
وعلى هــذا الوجه بانت

تجاعيد الندم رسمت
شيردها ايامي الــراحت

اجاني لموت وانه اغزل
شروف اذنوبي ماراحت

الوجه الموت افر
مشه بيه العمر

اترجه الحنين
ندمان يحسين

ام احمد العبوديه زبير
┄┅═✧❁★-❁✧═┅┄
غرتني الدنيا والبيها سهيت وضاعت اسنيني
ماحسبت بيها احساب هوايه ذنوبي تاذيني
ماعندي رصيد وياي بذاك اليوم يحميني

بيني وياه شبر
مشه بيه العمر

ياخذني الدهر وين
ندمان يحسين

أم صــــ✍️ـــــادق المنصوري
┄┅═✧❁★-❁✧═┅┄
اظل بالليل اتگلب واگول اشقدمت آني
متاع الاخره اشلميت احسب للعمر فاني
منكر لو لوحضرني اشلون ونكير بسجله وافاني

ايامي.     التمر
مشه بيه العمر

ياعيني تغفين
ندمان يحسين

ام علي المالكي
┄┅═✧❁★-❁✧═┅┄

انه الماخذني ذاك الروج
مرسى البر ولا اشوفه

ومجداف العمر يجدف
يعدنقصان بجروفه

انه الماحطها بالحسبان
يصبح ايده مچتوفه

بلمغيسل يمر
مشه بيه العمر

مخفي  الونيين
ندمان يحسين

ام حسين المحمداويه
┄┅═✧❁★-❁✧═┅┄
يوميه العمر  خلصان
وانه امچلب ومغرور
ادري اتحساب ابكلشي
وتاليتي بجفن مجرور
يسالوني الحصل يا ناس
لو ردت احجي مامعذور

مثل عمر الگمر
مشه بيه العمر

دولبني البين
ندمان يحسين
✍طالبةالزهراء
┄┅═✧❁★-❁✧═┅┄
تمر ایامي مثل الریح وآنه امعاشر اعمالي
وبذنوبي اصبحت غرگان والدنیه اشدهت بالي
ومثل ذاك المسافر  جیت ومکاني بالگبرتالي

الوکت فات وعبر
مشه بیه العمر

واتوسد الطین
ندمان یحسین

✍🏻المیرزه ام ليلى الخاقاني

┄┅═✧❁★-❁✧═┅┄

تمت باقلام شاعرات رابطة ادب الطف
https://www.tg-me.com/HOWEIY

أشترك بالقناة عبر الرابط اعلاه☝️

قصيده لزيارة ائئمة البقيع بمناسبة استشهاد الامام الباقر ع
لسان حال الموالي
الوزن موشح
ـــــــــــــــــــــــــــــــــ

مثل سبـط المصــــطفى  عنايه
حلم نمــــــشي نزورهم  مشايه
ـــــــــــــــــــــــــــــــــــــــ
نريد نمشي نشيل رايات الحـداد
والچوادر تنــــــصب نلبس سواد
جروح بينه ويـــــمهم انول  المراد
انسوي مجلس تـــــعزيه و اقرايه
ام عــــــــ✍🏻ــــــلي البابلي
ــــــــــــــــــــــــــــــــ

انسوي مجلس بالحزن نص لكلب
نرفع   الرايات   والمدمع   يصب
ابو الصادق   سمته   الناس   الغرب
والبقيع  بعيد ندري  ابهايه
✍️ام زهراءالفاطميه
ـــــــــــــــــــــــــــــــ
نقره مجلس فاتحه نوزع ثواب
نبجي عالمسموم دفنوه بالتراب
بياذنب   سموه  ونريد الجواب

بالدرب.  نلطم  نشيل  الرايه

✍️ام صادق المنصوري
ـــــــــــــــــــــــــــــــ
نشيل رايه ونعتني لأرض البقيع
دمه من سم الاعادي اصبح نجيع
الزهره حزنانه عله امصابه الفجيع
نلطم وياها لطم بكفايه

✍️زينب خضر الواسطية
ـــــــــــــــــــــــــــــــ
نعتني لارض البقيع ابكل حنين
وع المكابر ناخذ اتراب الحسين
ونصرخ ابعبره ونصيح أم البنين
بيج كل الزود يالوفايه
✍️أم أحمد الهاشمي
ـــــــــــــــــــــــــــــــ
بيج كل الزود وسمج  فاطمه
نصيح  يالباقر جبدته مسممــــــه
گبوركم مولاتي حيف مهدمـــــه
وين مهدينه يگف عالثايه
ام وليـــ✍️ــــد الموسوي

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /5/ذو الحجه   / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

للامام الباقر ع
-----------------------------

جرعه جرعه ،،، السم يجرعه
يا امامي

وضعه وضعه ،،، كلف وضعه
يا امامي

الليله تنعاه السمه
انعزي امه فاطمه

يا امامي ،،، يا امامي

-----------------------------

جرعوا باقر العتره كاس السموم
الاصل يبجي الغيابه وفرعه هل يوم
وابنه الصادق حزين او حيله مهدوم

اوشيعته متالمه
انعزي امه فاطمه

يا امامي ،،، يا امامي

ام ســ✍🏻ــجاد العسكري

-----------------------------
شيعته تنحب عله باقر علمـــــــنه
نعلـــــن حداد وبجيــنه يا المــــنه
ليش خلصو بالسموم اهل المحنـــــه
خلي ننصب ماتمــــه
انعزي امه فاطمه

ياامامي،،، ياامامي

ام وليــــــ✍️ــــد الموســـــوي
ــــــــــــــــــــــــــــــــــــــــ

خلي ننصب فاتــحه للــراح مسموم
وسفه يالباقر رحل يابـحــر الـعلـوم
بيا جريمه وياذنب من سمته الگوم

هاي گوم الظالمه
انعزي امه فاطـمـه

ياامامي ،،، يا امامي

أم صـــــ✍️ــــادق المنصوري
ــــــــــــــــــــــــــــــــــــــــــــ
اليوم طلاب العلم تبجي وتصيحه
ياامامي وضايگ اعليك الفسيــــحه
مهجتك لحسين ابد ما مستريحه

ظالم الي سممه
انعزي امه فاطمه

ياامامي. ياامامي

ام عــ✍️ـلي البــابــــلي
ـــــــــــــــــــــــــــــــــــــــــــ
شاف جده انذبح ضامي ونحره منحور
عاش عمره من الزغر وكليبه مفطور
عاش لوعه كربلا وضل دمعه ايفور

جبدته تنزف دمه
نعزي امه فاطمه

✍🏻 ام حسين الحلفي

-----------------------------

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 9 / ذي الحجه / 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

*قصـيده للامام الباقر ع*
______

ركن بيت الرساله اليــوم مــهـدوم
ليش ابن العلم هلـيوم مســـمــوم

-----------------------------

ركن البيت وسـفه حــمل وشــال
الباقر ياحسافـه يـعالــج الحــال
من عگبه الحمل ياحيــف ميــال
علمــه شـگـد صعب وكلف يوم

*أم صــــ✍️ــــادق المنصوري*

______

ما ينحمل باب العلم يومه
خالي مجلسه لحد يلومه
كتبه والدرس تنحب اعلومه
وابو الكاظم عليه محزن الجيدوم

✍🏻 *العلوية أم منتظر جمال الديــــــــــــن*

______

يومه عاليحبه ابد ميهون
للبـاقر نهله دمـع الـعـيون
بمصابه صبح هلكون مرجون

صيحو احاه يالباقر يمظلوم

*ام ســ✍️ــجاد العسكري*

_____

مظلوم ويون راعي الهيابه
عليه امكدره وتبجي احبابه
نعزي شيعته اليوم ابمصابه
وشال ابن الزجيه بحر العلوم

✍️ *ام احمد الهاشمي*

____

صيحو ااحاه ياباقر وتنعوه
وسف باب العلم راحو يشيعوه
الصادق بالعزاء. نحبو واسووه
ممرود.الجبد يا بحر العلـــــــوم

*ام وليــــ✍️ـــــد الموســـــــوي*

_____

مسموم ويون محد نظر حاله
يابحر العلوم الگربت آجــــاله
الكون يون عليه طلابه تنعاله
واعــــليه المنابر تنعى للدوم

*زيــ✍️ــنـــب خــــضـــر*

-----------------------------
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 6 / ذي الحجه / 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

*نعي للإمام محمد الباقر عليه السلام*
ـــــــــــــــــ😭😭ــــــــــــــــ
الباقر الف ياحيف شالووه
للمگبره راحوو يشيعووه
واليوم طلابــــــه يريدوه

طلابه تنعــــــه والمنـــابر
وتصيح مولانه يبــــــاقر
وسفه توسدت المــگابر
ام وليـــــ✍️ــــد الموسوي
ـــــــــــــــ😭😭ـــــــــــــــــ
وسفه يوسدونه الوطيه
وحزنانه ضلت يالثنيه
لمصيبته تــــون الزجيه

تون الزجيه وتهل عبره
للهدمو ياناس گبره
ماجوره عالباقر يزهره
✍️أم أحمد الهاشمي
ـــــــــــــــ😭😭ـــــــــــــــــ
ماجوره يالزهره بمصابه
سموه يالمكلف صوابه
واليوم دفنوه بالترابه

گبره وسف مابي مناره
وينه الذي ياخذ بثاره
من أهله يالعنده الشاره

✍️ام صادق المنصوري
ـــــــــــــــ😭😭ـــــــــــــــــ
اليوم حزنانه الهواشم
والشيعة نصبتها المأٓتم
غدروه بالسم الغواشم

خلص حياته كلها بآهات
من الزغر شبعان لوعات
وبعينه شاف حسين من مات

✍️زينب خضر الواسطية
ـــــــــــــــ😭😭ـــــــــــــــــ
شاف الذبح وي سبي العيال
ومرافگ الروس وي چتال
يا صبره الما تحمله جبال

مجتف خذوه مگيود للشام
ويعاين لعمته و الايتام
ما مش رحم بگلوب ظلاّم
✍🏻العلوية أم منتظر جمال الدين
ـــــــــــــــ😭😭ـــــــــــــــــ
ضلت بنص الگلب لچمـــــه
من شاف مذبوح ابو اليــمه
وفوگ الهظيمه الطاغي سمه
لاله ضـــــريح وبيه وننـــــعه
ويم الگبـــــر نـــهمل دمعــــه
نواســــي الزچيه امه البضعه
ام عـــ✍🏻ـــــــلي البابلي


((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /7/ذو الحجه / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره


https://www.tg-me.com/HOWEIY

أشترك بالقناة عبر الرابط اعلاه☝️

فزاعيه لأستشهاد الامام الباقر عليه السلام
____
نون ونــوح للزهره تعازيــنه
للباقر المجلس بيه حضرينه
_
نعـــازي فاطــمه ونروح عنايــه
نلطم بالعــــزه ونشيلها الرايـــه
كون بدفترج سجلتي الحچايــه
ماجوره على ابنج جينه واسينه
✍️أم صــــــادق المنصوري
___
مــاجــــوره نــگـلــج يــمــه يـازهـــره
حـزيـنـه عـالـولـد وبـصـدرچ الــعـبـره
مـسمـوم اوگـضـه والـچـبـده منفطره
ولــمـصــابه بــألــم هـالـلـيـلـه ونـيـنـه
أم عــ✍🏻ــلـي الـحـلـفـي
ــــــــــــــــــــــــــ
لمصابه نون وندگ عـلى الهامه
حيف ابن الديانه خلصــت ايامه
وينه الحيــــــر الاكـــــوان بلثامه
يشيل اجنازته ويلطم على اجبينه
ام عـــــ✍🏻ــــــلي البابلي
ــــــــــــــــــــــــــــــــ
وينه اليوم عنه رابع العتره
يشيل ابنه وينزله بيده بالحفره
ويهل ادموع عينه وبالصدر عبره
عليه اليوم كل الشيعه اتعينه

ام✍🏻 زين العابدين لمحمداويه
ــــــــــــــــــــــــــ
عليه اليوم خل ننصب ماتمنه
للباقر يشيعه علوو الونة
الچبد مسموم صيحوو الزهرة تسمعنه
نگلها بجاة ابو الصادق تسجلينه

ام وليــ✍️ـد. الموسوي
ـــــــــــــــــــــــــ
نحلفج يالزچية سجلي مبچانه
ندگ اعله الضلوع والج عـوانه
نـــدري بكل عزية حاضرة ويانه
بالمحشر اليخدم ما تعوفينه

زينب الواسطي
ــــــــــــــــــــــــــــــ
علی الباقر یعيني ادموع هلیها
كظه عمره بحزن والدمعه یجریها
مصیبت کربله والله مَناسیها
الموالي دوم اله يجري دمع عینه

خادمة اهل البيت عليهم السلام العلويه ام سيد مهدي الموسوي
ــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / ذو الحجه/ 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️ليصلكم كل ماهو جديد

ل للامام الباقر عليه السلام
ــــــــــــــــــــــــــــــــــ

الباقر أنه ومــــــــن الزغر بين مشيبه
شرد احجي ياشيعة علي عن يامصيبه
ـــــــــــــــــــ
اربع سنيني والدهــــر راواني كلشي
الشفته من طف كربله گطعلي هرشي
ايام مـــــــرت بالسبي  مايغفه رمشي
جدي بقى فوگ الثرى وعمتي غريبه
ام عـــ✍🏻ـــلي البابلي
ــــــــــــــــــــــــــــــــــــــــــ
جدي بقه فوگ الثرة ورحنه سباية
چبدي تهون على الذي ماشرب ماية
نصبوو يشيعه ماتمي سوو القراية
ذكروو الحسين بكربله وعلوو نحيبة
ام وليـــــ✍️ـد الموسوي
ــــــــــــــــــــــــــــــــــــــــــ
علو النحيب اعله البقه عالثره عطشان
لا يمه ناسه ولا هله لا يمه خوان
شفت المصيبه ابعيني انه وخنگت الدخان
والله غريبه قصتي وكلش عجيبه

✍️أم أحمد
ــــــــــــــــــــــــــــــــــــــــ
شرد احجي عن سبيي الأهل لو موت الحسين
لو احجي عن ام خدر دخلت دواوين
ماطاب جرحي لموتتي دم تبچي العين
عالجثته بحر الشمس ضلت سليبه

زينـــــــ✍🏻ب الواسطي
ــــــــــــــــــــــــــــــــــــــــ
شفت الجثث وسط الشمس واعله الوطيه
شحچي بعد عن عمِّتي الراحت سبيه
ياقصه اسولف يا هظم بالغاضـــريه
راح البطل كافل ضعنّه امنين اجيبه

أم صـــ✍️ــــادق المنصوري
ــــــــــــــــــــــــــــــــــ

شیبنی امصاب الي شفته بيوم عاشور
سلبوا بنات المصطفی واحسین منحور
او بعد السبی رحنه یساره او شفت کل جور
والله ذبح جدي بقى بگلبي لهيبه

خادمة اهل البيت عليهم السلام العلويه ام سيد مهدي الموسوي
ــــــــــــــــــــــــــــــــــــــــــ
مرسومه بعيوني صور كل اهلي البدور
واجساد ضلت بالفله اعليها العده اتدور
اتلم بينه زينب عمتي والگلب مكسور

دلالها من القهر ضاعف نصيبه

خادمـــ✍🏻ة آل البيت ع
ـــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /8/ ذو الحجه/ 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

قصيده وزن فائزي للسيده زينب عليها السلام
────═❁═────
هاليوم زينب بت علي عادوا سبيها
واستحرموا زوارها الجيه عليها
────═❁═────
گربت وفاة ام الصبر واحنه بهضيمه

تعلمنه يمها نروح والمجلس نجيمه

ردت عليها اولاد مرجانه حريمه

تمنيت لو يفزع علي وبته يحميها

*✍🏻أم عبــــــــــد اللـــــــــه العـــــــــابدي*
────═❁═────

تمنيت لو يفزع علي ويفتح الحضره
ويقيم يم بته العزه هوه والزهره
بكلوب شيعتها الحزن منهو اليجبره
وين المواكب هل سنه ونلطم عليها

✍🏻
الشاعره ام روكان الشمري

────═❁═────

ماكو عزه يمج يزينب ذني الايام

لاموكب اليمج بنو لارفعوا اعلام

وامكدره الشيعه وتهل الدمع سجام

ماجوج الموالين مجبوره اعذريها

✍🏻ام ستار الكعبي
────═❁═────

ردت عليها الناصبه بت الزچيه

وحرمتنه منها زيارتچ سوده عليه

عادت علينه مصيبتچ يالغاضريه

ينضر الحال ام الخدر وينه وليها

✍🏻 الحجيه ام علي
────═❁═────

شيعتها متگدره لأن ماكو زياره
لاباب مفتوح البقه لامن مناره
يسدون صحن ام الصبر ليش الكفاره
وگلوبنه ضلت تحن كل لحظه ليها

أم صـــ✍️ـــــادق المنصوري
────═❁═────
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tg-me.com/HOWEIY

أشترك بالقناة اعلاه عبر الرابط اعلاه☝️

وكأني بلسان حال مولانا صاحب العصر والزمان عجل الله له فرج وسهل له المخرج
...................................

يعمه وياچ گلبـي مصيبتـچ صعبه
يزينب شدي حيلچ رجعت الغربه

رجع بيچ الدهر دولاب
لا زوار لا احـــــــــبـاب

حد سيفه علينه الناصبي ابحربه

.....................................

أنـه الـمهدي يعمه الغايـب امن اسنين
انـشـف دمعـه تـنـزل عشـره من العين
كثر ذيچ الخيول الوطت صدر حسين
غـريبـه انتي وغـريب انه ولاكـو معين

اواسـيـچ او تـواسـيني
وعلى الوحده تعينيني

حد سيفه علينه الناصبي ابحربه

بقلم خادمة آل البيت

◆━━━━◆❃◆━━━━◆

ردت آل امية تامر ابكترچ
ذول الما رعو يابت علي قدرچ
انا المحتار حيل الحالج وامرچ
ما يحمل دليلي بالجره ينظرچ

من طف الكدر وهموم
چنج راجعـة ابهل يوم

حد سيفه علينه...النأصبي بحربة

مريم العبوديه اسيرة الاحزان 💔

◆━━━━◆❃◆━━━━◆
رد بيج الزمن وايزيد وارجاسه
گلــــــبچ بالغرب ويريد عباسه
يعمه القصتچ حيلي الهظم جاسه
عدو أدري الخبث وأَصل الحقد ساسه

هذا يصيح وحدها
غريبه اخوان ماعدها

حد سيفه علينه الناصبي ابحربه

✍🏻زينب الواسطي

◆━━━━◆❃◆━━━━◆
متعود زمانج كل وكت فجعه
گضيتيها بغرب متحمله الصدعه
يوميه اشوفن فاجعه وانعه
شيعوده زمن عباس ويرجعه

باب الحضره سدوها
ونار الحقد علنوها

حد سيفه علينه الناصبي ابحربه

أم صــــ✍️ـــــادق المنصوري
◆━━━━◆❃◆━━━━◆

باب الحضره سدوها يامولاتي
شوصف حالتچ عجزت عباراتي
گلبي اعليچ يجذب حيل عبراتي
اون اعليچ عمه اتزيد حسراتي

اظهر يمته واوگفلچ
وفنه اليگرب الگبرچ

حد سيفه علينه الناصبي ابحربه

الــ✍ــحاجه ام احمد الحچامي
◆━━━━◆❃◆━━━━◆

انه ابـن الحسن ياعمتي شلونچ
ردوو بالسياط وضربو. متـــونچ
من اسمع يزينب شيلي اضعونچ
دمعاتي  تهل وي دمعت عيونچ
مغورگ دمعي بعيني
زوارچ تبـچيـــــــني
حد. سيفه عليه الناصبي، بحربه
ام وليــ✍ـد. الموسوي

...................................

(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

قصيده ،،،لسان حال الشاعر
(لنصرة زينب )
بقلم،،،،ام علي المالكي


مراجعنه الكرام انريد فتوه
ولتخلون أهل الشام تگوه

كتبوا لافته ابساع
ليزعلون الاسباع
ولتخلون أهل الشام تگوه
_______
العراق احنه عليها اگلوبنه اتلوب
صبرنه من صبر زينب وايوب
ننشدها شلونچ وكت الغروب
مكسوره عليها وتنزف اگلوب


كلنه ألچ خدام
نهوس نرفع أعلام
نسمع خبر فتوه الدرب يطوه
ولتخلون أهل الشام تگوه
_______
جابت كل عمرها زينب ابنوح
الحضرتها العقيله اشلون منروح
مرقدها حزين وزادت اجروح
باب ام عون يلي چان مفتوح

وسف مسدود هالحين
هاي اخت السلاطين
كلنه نروح لصحن ام عون فدوه
ولتخلون أهل الشام تگوه
________
صعبه اشلون مانمشي الزياره
محرومين. من ضي المناره
تضل زينب وحدها سوو چاره
لايزعل اخوها ابو الشاره

بت حيدر الكرار
ابوها الحامي الجار

هاي مخدره نفديها تسوه
ولتخلون أهل الشام تگوه
_________
تره شيعة علي متنام بالليل
منتظرين اشاره وشدة الخيل
درس متعلمينه من البهاليل
واحدهم غضب مايحمل العيل

زينب. لاتونين
وينه الناصبي وين

نعلّْگ روسهم بالنار تهوه
ولتخلون أهل الشام تگوه
_________
لا. منام زينبنه بعيده
متحضره الزلم مثل الرعيده
واحدهم يگول اليوم عيده
طفها. كربله. لازم نعيده


أنگصها روس الوغاد
ياسيف النصر حاد
انخلي الگاع من الدمه تروه
ولتخلون أهل الشام تگوه
______
احد شاعرات رابطة كفيل زينب ع
الشاعره ،،ام علي المالكي

https://www.tg-me.com/typkj

فزاعيه لاستشهاد السيده زينب ع

(( المستهل والنصوص نصاري))
((والقفله عگيلي))

______
لتخافين زينب عندچ اسباع
عباس البطل صايرلچ اشراع

✿──↻✿...✿↺──✿

يزينب زامطي دوم بكفيلچ
لضنين نايم مايجيلچ
يجيب الاربعه وحياة عينچ
اوعون وياه لايلهب دليلچ

يم عون ابنچ،،،،دگ الثايه
لتخافين زينب عندج اسباع

ام علــ✍️ــــي المالكي

✿──↻✿...✿↺──✿
يجيب ابنج حمايه ويرفع الراس
يصير ويـاه الـج يم عون حراس
تــعرفيـه بالكــفاله دوم عــباس
يفــديلج الـروح وكــل الانفاس

أيصيح اختي،،،،ورافع صيته
لتخافين زينب عندج اسباع

أم صـــ✍️ـــــادق المنصوري
✿──↻✿...✿↺──✿
ايصيح ام عون وينه اليوصل الباب
لاتبچين. لتوديلي اعتاب
لتدگولين اخيي جوه التراب
يخسه اليوصلچ من ذوله الغراب

يالذوله اهلج ،،،، بيت الساده
لتخافين زينب عندج اسباع

✍️ام علي المالكي

✿──↻✿...✿↺──✿
يخسه اليوصلج والجاب طاريج
انتي اخت البطل عباس يدريج
مو وحدج ترى كل يوم امر بيج
روحي مرفرفه بالحضره احاميج

چا منهو اللي/يوصل بابج
لتخافين زينب عندج اسباع

أم صـــ✍️ــــادق المنصوري
✿──↻✿...✿↺──✿
روحي امفرفحه والحزن بيه
عيني اعليچ يابت الزچيه
لوصاير وذر واجب عليه
مطبوعة على البيبان اديه

الغيره انكتبت،،،،،بالشباچ
لتخافين زينب عندچ اسباع

✍🏻ام علي المالكي

✿──↻✿...✿↺──✿

الغيره انكتبت من الزغر وياج
اخت اسباع وشحده اللي يدناج
بهذاك اليوم روحي بقت ترعاج
لتفـــكــرين بــيه عــود وانســــاج

حارس لأم عون/ وحاميها
لتخافين زينب عندج اسباع

أم صــــ✍️ــــادق المنصوري

________
تــــمت✍️ بأقلام شاعرات منتدى القلم الفاطمي

أم علــــ✍️ــــي المالكي
أم صــــ✍️ـــادق المنصوري

لانجيز شرعا"حذف اسماء الشاعرات او تغيير كلمات القصيده

نسألكم الدعاء

https://www.tg-me.com/HOWEIY

أشترك بالقناة عبر الرابط اعلاه☝️