هوسات للمسير الى كربلاء

{{وزن بحر طويل }}
☆☆☆☆☆☆☆☆☆

زينب صاعده الناكه وتحجي بزود اهاليهه
من جاهه الولي عباس بيده كام يحديهه
ركبهه على الناكه بهيده اخته يحاجيهه
طول الدرب بت حيدر منهه الدمعه تجريهه

كفالي /// وتشيل حمولي

ام محمدالخطيب الموسوي

••««♡((🌕)) ♡»»••

تجري الدمعه وتنادي اريد الوعد يالكفال
اريدنك تكض ايدي وتعدّلي الحمل لومال
اني اختك يابو فاضل واعرفك للحمل شيال
تشيل الحمل عن حسين وتوكف بالحرب خيال

وترد الكوم ///العياله

✍العلويه ام نور الميسانيه

••««♡((🌕)) ♡»»••
تشيل الحمل عن حسين وانت بالوعد وفاي
اعرفك زين ماتخلف دومك ما تبدل الراي
من اختك تزامط بيك لسكينه تجيب الماي
انت البطل يا عباس وعندي اغلى من دنياي

حيدر وصاك/// اداريني

✍️ام صادق المنصوري

••<<<<♡((🌕))♡>>>>••

بجت زينب وماهجعت كَال الغاليه اشعدهه
اشلون مدللة عباس دمعتهه جوت خدهه
تريده ايرجع العيله وتعرف زين ميردهه
عرفهه لمن صد الهه اخته شجان مكَصدهه

مايرضه///الهم ايمر بيهه

ام مرتضى الخفاجيه

••««♡((🌕)) ♡»»••

صعب عباس ابوالغیره یصد لدموع بت حیدر

خذته الغیره ابوالنوماس وگعد یم اخته لمشکر

یزینب هلدمع ظمی لوشفتینی اموذر

حياها وهل/// دمعت عینه

✍🏻المیرزا ام لیلی الخاقاني

تمت

تـــمـ بعون الله تعالى ـــت
بقلم شاعرات اهل البیت ع في رابطة دموع العقیله ع تم التدقيق باشراف الشاعره ام مرتضى الخفاجيه
لانجيز حذف الاسماء✋
🙏🏻نسالكم الدعاء🙏🏻

https://www.tg-me.com/HOWEIY

أشترك بالقناة عبر الرابط اعلاه☝️

قصيده بحق الحر ابن يزيد الرياحي {{رض}}

☆☆☆☆●☆☆☆●☆☆.

ياموقف شرف يمعاشر اجيال

ياقصة بطل للناس. تنگال

ياحر ياشهم
حاربت الظلم

ياقصة بطل للناس تنكال

••««♡((🌕)) ♡»»••

مواقف .كربله تشهد اله بهاي

الحر بنصرته. يعرف لمن جاي

بدم نحره كتب لحسين وفاي

ورفع بسم العشيره ضغمي بهاي

يلكلك قيم
حاربت الظلم
ياقصة بطل للناس تنكال

✍زهره الكناني
••««♡((🌕)) ♡»»••

حاربت الضلم ونصرته للدين

يوم الخايّرت عقلك باأمرين

تخوض المعركه لوتنصر حسين

لوتحتج عليّه ويه المعادين
ثرت علزلم
حاربت الظلم

ياقصة بطل للناس تنكال

✍العلويه ام نور الميسانيه


••««♡((🌕)) ♡»»••
ابد ماخابت امک سمتک حر

شجاع وضیغمی وبعگل تنظر

فزت من قررت لحسین تنصر

واصفوف الاعادی ابعزمک اتطر

فرع من الهمم

حاربت الظلم

یاقصةبطل للناس تنگال

✍🏻المیرزا ام لیلی الخاقانی

••««♡((🌕)) ♡»»••

ضحيت النفس لاماتبالي

لابو السجاد رخصت الغوالي

وصيتك ارتفع للنجم عالي

ولاجل الدين والجه مثالي

اديت القسم
حاربت الظلم

ياقصة بطل للناس تنگال

*ام منـــ✍️ـــذرالحجار*

••««♡((🌕)) ♡»»••

الله شرفك بحسين علاك
شهادة بالطفوف بعزة وانطاك
بجنات النعيم المحب يلڱاك
يناصر لبن فاطم نادو هناك

ضل اسمك علم
حاربت الظلم

ياقصة بطل للناس تنگال

رؤى السلامي ✍🏻
••««♡((🌕)) ♡»»••
ضل اسمك علم نلت الشهاده

وانت برتبتك عفت القياده

اجيت ويه الحسين بكل اراده

الله كرمك بهاي السياده

ياشيمه وعزم
حاربت الظلم

ياقصة بطل للناس تنگال

✍️ام صادق المنصوري

••««♡((🌕)) ♡»»••

~~

تـــمـ بعون الله تعالى ـــت


بقلم شاعرات اهل البیت ع في رابطة دموع العقیله ع
{{بأشراف العلويه ام نور الميسانيه }}

لانُجيز حذف الاسماء✋ مشكول الذمه امام الزهراء ع
🙏🏻نسالكم الدعاء🙏🏻

https://www.tg-me.com/HOWEIY

أشترك بالقناة عبر الرابط اعلاه☝️

قصيده للعليله ع
وزن مجرشه
المقاصير وزن مجردات

~«»«~»» «»»«

يلي نويت ابسفرتك
اتهده يوالي شويه

انه العليله ابنيتك
يالبيك كل حنيه

بس لاتطول بويه ارجاك
گتلك اخذني بويه وياك

يالبيك كل حنيه

*ام منـــــــــــ✍️ـــــذر الحجار*

~«»»««»~~««»»

گتلك اخذني ويه الضعن لتروح وتخليني

مااحمل افراگك تره حيل الهجر ياذيني

خافن تطول غيبتك يحسين لاتنسيني

تبگه عيوني شابحه عالباب ياضي عيني

مو تدري بويه روحي تهواك
گتلك اخذني بويه وياك

يالبيك كل حنيه

*ام منـــــــــ✍️ـذر الحجار*

~««»»~««»««»»~~«

كل لحظه يشتاگ الگلب وابقى اونن وحــــــدي

واصرخ يرد ليه الصدى محتاره امنين ابـــــــدي

يهلي عگبكم ايست ياريت انام بلـــــــــــــــحدي

من رحتو ظلمه دنيتي والنزل مظلم عــــــــندي

يلغالي گلي وين منواك
گتلك اخذني بويه وياك

يالبيك كل حنيه

*ام علــــــــــ✍🏻ــــــــــي البابـــــــــلي*

~«»»«~«»«~«»»«~~»

يالماشي بدروب الخطر ريض او عاين حالي

عايف ابنيتك بالنزل والدار موحش خالي

بس الحزن لو هاجرت يا والدي يبرالي

ريت ابوداعك يالابو گربت كون اجالي

بس گلي ترجع اگعد اتناك.
گتلك اخذني بويه وياك

يالبيك كل حنيه

*ام سـ✍️ـجـاد العسكري*

~«»»««»»~~«»«~«»

ناوي يبويه لنينوى طولت تالي الغيبه

والراح بدروب الخطر ماضني وكتي يجيبه

أدعي الجليل بكل وكت ترجع تنور طيبه

ويهيد.كلبي من القهر ويَّسكن ابنحيبه

واعرف يابويه وين مسراك
كتلك أخذني بويه وياك.

يالبيك كل حنيه

*العلويه ام نـــــــــ✍️ـور الميسانيه*

~«»»«~«»»«~«»««»««

لیش ابعجل یابوعلی حملت ظعنک غبشه

من یوم حملت ورحت ماطبگ جفنی رمشه

ادخل مبانیکم واصدیابویه دارک وحشه

وانه نحیله من المرض کلساع بویه اغشه

طول العمر يلغالي انعاك

گتلک اخذنی بویه ویاک

یلبیک کل حنیه

*المیرزا ام لیـــــــــ✍️ـلی الخاقانی*

~«»»«~~»»«~«»««»

بويه الهجر طول علي وعيوني تربي لبابي

حسبالي كلساعه ترد تاخذني ويه احبابي

عالعتبه أتاني وانتظر ادري الدهر دولابي

عبدلله گتلك خل يظل يسليني عن غيابي

الحيل بويه اعليك ضل راك
كتلك اخذني بويه وياك

يالبيك كل حنيه

*أم صـــــــ✍️ــــادق المنصوري*

~«»»~~«»«~«»»~«»

بهدومكم ظليت اشم يالريحتك كالجنه

الزم الثوب من الردن وشبكته وانه اتمنه

مثله اشبكك يالابو وبگلبي زاد الونه

اتخيلك يمي وگفت جفني اذا طبگنه

ياعيشتي مره بلياك
كتلك اخذني بويه وياك

يالبيك كل حنيه

*العلويه ام مرتـــــــــــ✍️ـضى الموسوي*

~«»»«~«» ~~«»»«
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
6/شوال / 1442هـــ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://www.tg-me.com/HOWEIY

أشترك بالقناة عبر الرابط اعلاه☝️

حديث ونعي للعليله 《ع》

***
عندما أراد الأمام الحسين عليه السلام السفر إلى العراق جهز نفسه وعياله ونسائه وأهل بيته وأصحابه وودع كل من بقي في المدينه ومن بين الذين تركهم الحسين عليه السلام في المدينه طفلته فاطمه وكانت عليله مريضه لا يمكنها السفر تركها عند زوجة النبي عليها السلام ام سلمه يقول الراوي عندما ودعهم جميعا" ومشى متوجها" نحو القافلة واذا يسمع صوت ضعيف ابي لا تتركني ابي خذني معك وكأني بلسان الحال وهي تقول:

بويه حسين وياكم خذوني
وحدي مريضه لاتخلوني
لورحتوا بعد يمتى تجوني
_______

بويه مريضه وياكم خذوني
وطول الدرب خدامه خلوني
بويه ومن فراكًم لاتبعدوني
_______

أخذني وياك حتى افرش مصلاك
وعلى الفركه يبويه الكًلب يهواك
ليل نهار أضل عليك اشتاك
_______

نضرت العليله إلى أخيها الرضيع وهي تبكي وتقول: تكًله
بويه
بويه الرضيع وياي خليه
وعلى فراكًم كًلبي يسليه
يناغيلي واناغيله من احاجيه
_______

جواب والدها الحسين ع يكًلها:

بويه وعلى السفر ماتكًدرين
انتي مريضه وما تحملين
وطول الدرب صعبه ترحلين
_______
بعد ماسار الضعن بدأت العليله تجلس على باب الدار ولسان حالها
تكًول:
لكًعد على العتبه وتاني
وانطر جية الراح ونساني
وترى غيابهم حيل ألماني
_______

بقلمي🖊️المتواضع
خادمة الحسين ع
ام صادق المنصوري
أهدي الأبيات إلى سيدي ومولاي الحجه عج🙆🏻‍♀️

نسألكم الدعاء لي ولوالدي🌹

https://www.tg-me.com/HOWEIY

أشترك بالقناة عبر الرابط اعلاه☝️

ابوذيه للعليله ع


///ونين الدوح من ونت ،،، لونهه
عليله افراگهم غير ،،، لونهه
الجفه وابعادهم كلش ،،، لونّهه
تنوح ابكل صباح وكل مسيه
••<<<♡{{{🌐}}}♡>>>•••
حركها للباب الهوه وركضت حسبالي هلي
جذاب ثاريه الهوى والباب سلاّني سلي
كعدت يمه وصحت
چم مره بيه اخدعت
ياباب ألاحباب والهوى جذاب
••<<<♡{{{🌐}}}♡>>>•••
ليليه لو عات الهوى تاخذني بنسمه الهاب
يركض حنيني بلهفته يفرش عتبها بالباب
وتطشر اورود وعطر حسبالي دگة غياب
ثاريهه حسبه وجذبت اتلمني كومة اسباب

ياروحي بطليه العتب
المانع بجيتهم سبب

ياباب الاحباب.والهوى جذاب

✍️ ام حسين المحمداويه

••<<<♡{{{🌐}}}♡>>>•••

لیلیه اطش نبض الگلب ویه الهوی لاحبابي
اقسم علی طي الهوی ایسلم علی غیابي
اکتب مشاعر وحشتي وللنجم اطي اکتابي
اجمع صورهم بالگلب واکثر علیها اعتابي

انشد صورهم بالدمع
ولا واحد المنهم رجع

یاباب الاحباب والهوی چذاب

✍️العلویه ام ضیغم المحنا
••<<<♡{{{🌐}}}♡>>>•••
ضليت انشد بالصور عن هلي وكل اخواني
بس ماترد ليه خبر والله البعد اذاني
رجعو يبويه للوطن فركه اومرض خواني
بس الصده يجاوبني ضل محد يرد وتاني

عالباب عيني تنتظر
وكلبي يشب بيه الجمر

ياباب الأحباب والهوى جذاب


✍ام زينب الساعدي
••<<<♡{{{🌐}}}♡>>>•••
عالعتبه عيني شابحه وانطر وتاني الغالي
كلما تمر نسمة هوه حسبالي مر ابالي
ياناس ثاريه الهوى والباب يتراوالي
ايامي كلها مناطره والضيم ضل يبرالي

لفرگاهم عيني تصب
ماأگدر بــعيد الــدرب

ياباب الاحباب. والهوى جذاب

أم صـــــ✍️ــــادق المنصوري
••<<<♡{{{🌐}}}♡>>>•••

اعتب على الراحو ولا كالو خطيه ابنيه
ادري انه بيهم ياهلي كلهم دفه وحنيه
روحي كضت من المرض والبعد إثر بيه
ياهالسفر طول علي وانطر بعدني الجيه

ماايست منهم ابد
انطر واتاني عالوعد

ياباب الاحباب والهوى جذاب

✍️ ام محمد تقي الموسوي

••<<<♡{{{🌐}}}♡>>>•••

يالجيتك صارت حلم مافارگتني طيوفك
كلساعه اطب حجره وارد ما الگه غير حروفك
اتراودني بالليل اواحن يحسن بويه الشوفك
لو ادري بويه جلبت ويه الضعن ماعوفك

سباح دلالي انمرد
وراحت ايام السعد

ياباب الاحباب.والهوه جذاب

*ام منــــــــــ✍️ـذرالحجار*

••<<<♡{{{🌐}}}♡>>>•••

الوحشه ابد ماتنحمل وافراكم يكتلني
واعدني عمي ايمر علي ويه الضعن يلحكني
احسب بيقيت انه انتظر اشوكت الولي ايحملني
طول مغيبه وايست ومرسال ما واصلني

راحو احبابي ومااجو
وللدار ابد ماعودو

ياباب الاحباب والهوه جذاب
✍️ام احمد الهاشمي

┉❈❥ًً🔹(🔵)🔹 ❥❈┉

رابط دموع العقيله
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 2 ذي القعده 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://www.tg-me.com/HOWEIY

أشـترگ بالقناة عبر الرابط اعلاه☝️

قصـيده للعليله

*(وزن آلدآرمـي)*
______

وحدي اضل بالدار يــعــمن عيــوني
راحوا هلي بيا صوب جنهم نسوني

•┈•❈​ ✦✦ ❈ •┈•

يابويه ليش تروح وابدار غربه
فراك الابو جتال حالتي صعبه
راح ونساني شلون وبعيد دربه

شلون أگضي هالايام واهلي جفوني

أم صــــــ✍️ــــادق المنصوري
•┈•❈​ ✦✦ ❈ •┈•
مرن علي چم يوم وانه وحيده
ياهو اليگل لحــسين بته تريده
ارجع دليلي ذاب يبن الصميده
اعتب وازيد عتاب للفاركوني
*✍🏻 أم عبـــــد اللــــه العابـــــدي*

•┈•❈​ ✦✦ ❈ •┈•
عالفاركوني اليوم زايد اعتابي
واتنطر اعلى الباب جيت احبابي
وين اليخبر حسين ياخذ جوابي
اعتب على الوليان والماخذوني
✍️ام احمد الهاشمي
•┈•❈​ ✦✦ ❈ •┈•
عتبي بعد ميفيد للحمل وشال
وارحلوا عني ابعيد خيبولي الامال
وردة وتـفـارگ مـاي گلي ابيا حال
وحــــدي اون بالدار ذبلت جفوني

زيــ✍️ــنـــب خـضـر
•┈•❈​ ✦✦ ❈ •┈•

ذبلت جفون العين من شالو ابعيد
ظليت اون بسكوت والگلب ميهيد
خان الدهر وياي من عندي شيريد

صعبه علي ياناس اهلي انكروني

✍️المله ام احمد الساعدي

•┈•❈​ ✦✦ ❈ •┈•
اهلي مشوا والروح صارت نحيله
فـراگ الاهـل چـتال مـابـيه حيله
هـمي عـليه چـبير ياهـو اشتكيله

من حملوا النسوان ليش اتركوني

*أم عـــ✍️ـــلـــي الــحــلــفــي*
•┈•❈​ ✦✦ ❈ •┈•
حمل ضعنهم شال وأنه نتظرهم
بلجن يجي عباس وتعنه الهم
وأعدني أبوي وكال ترحين يمهم

انطر يرد مرسال بي يصبروني

رمـ✍ـآد آلخــيآم

•┈•❈​ ✦✦ ❈ •┈•

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 13 / ذي القعده / 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

ختامية نهاية المجلس
_

نختم كل عزه لزينب المهيوبه
من عكب الخدر يم عون مسلوبه
نختم كل عزه
..................
نختم واللطم خليه جماعيه
وي ام عون شدتنه اشتراكيه
نلطم للجروح الف وتسعميه
بصدر الوالي اخوها الرادله اميه
لطميله //للضل بالحومه
ام حسين العسكري ناصريه
....................

لطميله بعجل اوعلي بونينه
نواسي الغاليه مولاتي الحنينه
يتجدد عزائه كل سنه اعلينه
نفدي أرواحنه ونفدي أهالينه
وعليها // ياونت حسين
رمـ✍ـــاد الخيام

....................

شديه اللطم وام عون عينيهه
مسبيه خذوها خلاف واليهه
ويه ابن الدعيه بسوطه يوليهه
طرت سوگ ذيچ الينحلف بيهه
المحشومة // طبت ديوان
✍🏻العلوية أم منتظر جمال الدين

....................

ديوان النذل زينب مدخليها
راس حسين وياها ويصد ليها
وعرش الطاغيه تسكته بمحاجيها
زينب بت علي موش انت تدريها
المهيوبه/ماطخت راس

✍️ام صادق المنصوري
ــــــــــــــــــــــــــــــــــــــــــ
طبت ســـوگهم بـت النبــي الهادي
اريد الــطم لطـــم واللطـــــم حدادي
على اهل الدين ايا ياحـــرگة افادي
مايدري الفحل والبيهم شسادي
نعازيها //هاليوم الحره
ام عـــ✍🏻ـــــــــــلي البابلي
....................
يهنياله البجه ويصبن ادموعه
يذكر قصته وعياله مفجوعه
ابيوم الهجمو اوكسروهن اضلوعه
واخته من السياط وضربه موجوعه

وعينيها// تستاهل هوسه

✍️ام زهراءالفاطميه
ــــــــــــــــــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ //ذو الحجه / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️