قصيدة تجليبه لخروج الامام الحسين عليه السلام من المدينه.


وين تريد تنتضرك الجتاله
وكلها على الدرب صفت الخياله
(((((((((⭐️⭐️⭐️))))))
ماخذ هالضعن يحسين للكوفه .
وابن زياد ليكم حضر سيوفه
ياخويه اعله راسك كلها ملهوفه .
يبرالك شمر ويزيد ورجاله.

✍️ آلاء الطائي
(((((((((⭐️⭐️⭐️))))))
ينتظرك شمر يحسين وعوانه
اعداك بكربله منتظره خوانه
كلمن كام تدري برمحه والزانه
يزيد بهاي كلها هناك تبراله

✍️ام زهراءالفاطميه
(((((((((⭐️⭐️⭐️))))))
كلها هناك تالي الگوم غداره
تبـــقى لامعين الروح محتاره
لاواحد يضل من اهله وانصاره
باجر ياحسافه حسين ياحاله

أم صـــــ✍️ـــادق المنصوري
(((((((((⭐️⭐️⭐️))))))

لاناصر يضل ولااهل يمه
يغدرونه مثل مسلم ابن عمه
سبط المصطفى يروح بغدر دمه
وتالي تنسبي زينب اويه اعياله
✍️ام احمد الهاشمي
(((((((((⭐️⭐️⭐️))))))

يسبوها العيال وانت عالغبره
مرمي بلا دفن يا سيد العتره
وراسك عالرمح واطفالك اتنظره

يرموا بالحجاره الگوم عيّاله

✍🏻العلوية أم منتظر جمال الدين

(((((((((⭐️⭐️⭐️))))))
يرمونك يخويه ولايراعونه
بنات المصطفى جن مايعرفونه
خذونه بليل يابن أمي ويجرونه
ماعدهم رحم بحسين واطفاله

✍️رماد الخيام
////////////////////////////////

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / ذو الحجة/ 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره


https://www.tg-me.com/HOWEIY

أشترك بالقناة عبر الرابط اعلاه☝️

📕 ديوان "حُــزن عاشــور" – الجزء الأول
🚩 من أول ليلة… إلى فاجعة الطف
من الهلال إلى مصرع الإمام الحسين (عليه السلام)

🌑 بين طيّات هذا الديوان، تمتد مواجع عاشورائية كتبتها الشاعرتان الولائيتان: أم محمد التميمية ووعد الكفيل (أم محمد باقر)، لتُحيي نبض المجالس الحسينية في محرم الحرام.

💔 يتضمن الديوان:
قصائد رثائية ثقيلة – نعي – فزاعيات – موشحات – هوسات – ومقدمات رثاء خاصة بالمجالس.

🖤 لكل من يسعى لإحياء الشعائر الحسينية بكلمة صادقة ونغمة دامعة، فإن "حُــزن عاشــور" هو الرفيق الأنسب.

📍الطلب من: دار الزهراء (عليها السلام) للطباعة والنشر والتوزيع
📍العنوان: البصرة – العشار
📞 للتواصل: 07801310890

#شعبة_الخطابة_والتبليغ_النسوية
#منتدى_القلم_الفاطمي
https://www.tg-me.com/almokbalfitmy313

قصيدة لأستقبال شهر محرم
👇🏻👇🏻👇🏻👇🏻👇🏻👇🏻

هل عاشور اخوج حسين.   يازينب الحزنانه.
وانتي من السبي.         واليسر تعبانه.

               ............😭..............

هل عاشور والدمعه الحسينية.
كلجن عاونن زينب المسبيه.
تكول من الهضم كل حيل مابيه.
اجاها شهر اخوها تريد تعزيه.
( المهضومه/ كل احنه وياها) .
✍️آلاء الطائي
...............😭..............
كلنا اوياج يازينب المظلومه
ونتگابل سوه اعله السلبو اهدومه
نلطم لطم المعزيات وبگومه
ونصرخ ياحسين ع ابروح ملچومه
(زينب هليله// انعازيها)
حوراء الطائي
...........💔😭...........
نعازيها الغريبه بونه وبلوعه
على امصاب الشهيد اليوم مفجوعه
دكتج عالصدر خليها مطبوعه
صيحي بصوت آه اليكسرو ضلوعه

نعازي الزهره/اعله امصابه
✍️ام احمد الهاشمي
...........💔😭...........
ونصرخ ياحسين ونجــــــــر ونتنه
باهل بيت النبي الدنيه  فجعتــــنه
چبيره  شلون وشيحمل مصيبتنه
وخل تسمعها ام الحسن صرختنه
عينيها لمصاب الوالي
ام علي البابلي
...........💔😭.............
عينيــها بلطم والگــاع رجيـــها
هوسه معدله واللطمه عدليها
تراها ام الحسن كل حيل مابيها

((اعله الهامه /ابدال الزهره))

أم صــ✍️ـــاق المنصوري
...........💔😭..........
عالهامه اللطم وصدورنه والعين
تستاهل نواسي هايه اخت الحسين
عفاها ام عون فگدت واحد وسبعين
عگب وجه الگمر فوگ العزل ماشين

رچبوها / تالي اعله الهزل

خادمة آل البيت ع
ــــــــــــــــــــــــــــ
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 1محرم 1447ـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tg-me.com/HOWEIY

أشترك بالقناة عبر الرابط اعلاه☝️

*فزاعيه لسقوط جفين العباس ع*
*((الوزن نصف حدي))*
____

گطعوا جفوف العباس
والدم سال عالمشرعه

طاحت يمينه بالارض
جاوين أخيه ويعترض
بيمن بعد سيفه يكض

وحسين وينه يودعه
__
والگوم غدرته غدر
ويصيح زينب اعتذر
تمنيت كل ماي النهر

ياريت بيدي اوزعه
___
ريت النهر مايه وصل
يم خيمة سكينه يضل
شممروا جفين البطل

يساره ويمينه مگطعه
___
أبياكتر شمروا يمنته
من عدها طاحت جربته
وشلون حاله حالته

اوونينه زينب تسمعه
____
تسمع يون بالحومه
عباس شنهي علومه
ونت عليه جلثومه

والجفن سايل مدمعه
____
عباس اختك نادتك
جاوين خويه كفالتك
هليوم اريد مروتك

وشلون گلبي تشلعه
____

*تمت بعونه تعالى*
*بقلم خادمة الحسين ع*
✍️ *ام صادق المنصوري*
*لااجيز حذف الاسم او التلاعب بأبيات القصيده*

*نسألكم الدعاء*

https://www.tg-me.com/HOWEIY

أشترك بالقناة عبر الرابط اعلاه ليصلكم كل ماهو جديد☝️

*قصيدة لذكر عطش الحسين عليه السلام الوزن بحر طويل*
ـــــــــــــــــــــــــــــــــــــــ
يالتشرب لذيذ الماي وحسين نحرم منــــــــــــه
اذكر جبدت المظلوم عطشان ويجر ونــــــــه
ــــــــــــــــــ😭ــــــــــــــــ
عطشان العذب حرموه العن حرمله وگــــــومه
العنهم اليوم الدين حسين اعله الثره دمـــــــــومه
وما ننسه الطفل عطشان رگبته بسهم مفـــــطومه

يصير گبالي ابو السجاد الماي انه أمن الزمــــــنه

ام وليـــــ✍️ــــد الموسوي
ــــــــــــــــ😭ـــــــــــــــــــ
گبالي الماي من يصير أشوفه وتجري عيوني

شذگر من غصص عاشور أبداً لاتلوموني

وحتى الماي جنه يگول عذراً لا تشربووني

دمعي يهل على المظلوم بيدي الماي شوفنه

رمـ✍ــاد الخيام
ـــــــــــــــ😭ــــــــــــــــــــــ
يشيعي،من تظوگ الماي گلي هم تحس بحسين
شسولف عن ابو الاكبر
گلبه منجسم نصين
لاظاگ العذب لاهاد مهظوم ويدير العين

يدير العين لطفاله يبويه العطش كاتلنه
✍️ام حسين الحسني
ــــــــــــــــــ😭ــــــــــــــــــ
اذكر لوعة اسكينه من تصيح عــــطشانه
الحگلي يبو النوماس نومك ماهو ميحانه
سوط الشمر ياذينه وجمر الخيــــم چوانه
ترضاها يعمي تنام وابن الخنا هاظمنه
ام عـــــــ✍🏻ــــــــلي البابلي
ــــــــــــــــ😭ـــــــــــــــــــــ
لاضاگ العذب يحسين لمن يبست اشفافه
حزوا رگبته عطشان محد شربه وشافه
مات وماشرب منه صعبه حالته اوصافه
اذكر لو شربت الماي بكل شربه اذكرنه
✍️ام صادق المنصوري
ــــــــــــــــ😭ـــــــــــــــــــــ
وأتذكر طفل محرم راد الماي ماضاگه
مات ابأيد ابو احسين يبچي ويابسه ارياگه
واگبال امه ويذبحوه أعليها يصعب افراگه
يضحك حرمله الملعون يكول احسين افجعنه

✍️زينب خضر الواسطية.
ــــــــــــــــ😭ـــــــــــــــــــــ
اريد اتعاتب وي الماي وأگله شلون
جازيته
تشرب منك العسلان وأليف البر ووحشيته
ومهر أمه الفرات يكون منه انحرم تاليته
ما غرت بهذاك اليوم ولا جاري الك مدنه

✍🏻العلوية أم منتظر جمال الدين


((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /
17/ذو الحجه / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه ☝️ليصلكم كل ماهو جديد

قصيده للسبي
-----------------------------

زينب حشمت عباس وحسين
اشلون الصوط يلعب على المتنين
..............................
زينب نادتك دلحك عليه
يا عباس ترضه الهاشميه
اطب اليوم ديوان آل اميه
زينبكم تراها ابنص دواوين
✍️ام احمد الهاشمي
ــــــــــــــــــــــــــــــــــ
زيـــــنبكم تــراها ابين ظــلام
اذتـــني يخــوتي طبت الشـام
كــلنا بس حـرم واطفال وايتام
وبحبال العده امورمات الايدين

زيــ✍️ــنـــب خــــضـــر
ـــــــــــــــــــــــــــــــــ
روحي أمرمره يابن الزچيه
والناگه تون وتصد علـــــيه
سود متونهن سكنه ورقيه
مهظومات جار عليهن لبين

رمـ✍ـآد آلَخــيــآم
ــــــــــــــــــــــــــــــــــــ
مهضومات والوليان نومه
بين طعين ومسلبه هدومه
يومي الگرب ولا ريت يومه

ابن امي الزجيه الگلبه حنين

*✍🏻أم عبـــــد اللــــه العابـــــدي*
ـــــــــــــــــــــــــــــــــــ
مهضومه بقت هاي اليتامه
گومو للحرم يهلي النشامه
يا اهل الفخر نسل الامامه

احنه باليسر وانتم مطاعين

ام ســ✍️ــجاد العسكري
ــــــــــــــــــــــــــــــــــــــ
احنه باليسر، گوم افزع النه
بس گوم العده والكم ندبنه
ومن راسك يوالي اسمع الونه
جنها تگلي يازينب انه وين
ام عــــــــــ✍🏻ــــلي البابلي

ـــــــــــــــــــــــــــــــــ
مهضومات خــويه ابــين هالناس
لاعدنه اهــل لاعـــدنـــه حـــراس
صديت الطغاة بمجلس الارجاس
ضـل يشـتم يزيد ومـالنه معيــن

أم صــــ✍️ــــادق المنصوري
ـــــــــــــــــــــــــــــــــ
تصد بالعين عدوانك علينه
بارض الشام يا وليه انولينه
بماي الحار واحجار انرمينه
ما مش بالعرب لا غيرة لا دين
✍🏻العلوية أم منتظر جمال الديــــــــــــن
ـــــــــــــــــــــــــــــــــــــــ

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 6 / ذي الحجه / 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه

أشترك بالقناة عبر الرابط اعلاه☝️

قصيده للسبي
______

دمعه جريه بالغاضريه


◆━━━━◆❃◆━━━━◆

زينب مشت بارض الغرب وتناشدك يحسين

ازرك جسدها من السياط مورمه المتنين

صاحت يخويه منفطر گلبي ترى نصين

ولا يمي عباس الكفيل مگطع الجفين

زينب سبيه الهاشميه

أم صـــــ✍️ــــادق المنصوري

◆━━━━◆❃◆━━━━◆

زينب سبيه يا شهم يالبيك رجواها

جا ليش بديار الغرب ومرافگه اعداها

عفتوها كلكم يالاهل لا وين منواها

ابهاي المسيه اعظم رزيه

ام سـ✍🏻ـجـاد الـعسكـري

◆━━━━◆❃◆━━━━◆

مهظومه ظلت يالاخو ودمعه جرت بالعين

عكبك غريبه محيره ودربي أسيرن وين

وأطفال خوية مگيده حر وشمس نارين

هاظمني ياخوية لعدو يشتم ببو الحسنين

من حن عليه يابن لزجيه

رمـ✍ـآد آلَخـيــآم

◆━━━━◆❃◆━━━━◆

هاضمني ياخوية العده يشتم الكرار

باليسر امشي وحايره بزغار واكبار

واعله الثرى ضلت تون اوجوه الاقمار

يحسين تدري مخدره ومااحمل الصار

حامي الحميه فوك الوطيه

آم ✍حــســيــن لَحــلَفــي

◆━━━━◆❃◆━━━━◆

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 4 / محرم / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره


https://www.tg-me.com/HOWEIY

أشترك بالقناة عبر الرابط اعلاه☝️

قصيدة للسبي

مشت للشام اخيتك.... ها يراعيها
وبدرب السبي ايعيل العدو اعليها
ــــــــــــــــــــــــ
راحت للسبي وبدون الاخوان
السوط ابمتنها رسم نيشان
زينب زحمه تمشي ابين عدوان
وتحـــــشم لأخيها گمر عدنان
(خوية انهض رد العياله)

زيـ✍🏻ــنـب خـضـر الـواســطيـة
ــــــــــــــــــــــ💔ـــــــــــــــــــــــ
رد العايل اعلينه يكافل
حرم واطفال شدوها المحامل
وسف تتفرج اعلينه العواذل
مسبيات وينك يا بو فاضل
(من بعدك غربه التحدينه)
✍️ام احمد الهاشمي
ــــــــــــــــــــــ💔ـــــــــــــــــــــــ
تحدينه الغرب ماعدها غيره
من عگب الدلال اصبح يسيره
حرم وأطفالكم ضلت ابحيره
آه يمصيبتي كلش چبيره
كلما ونيت /يضربوني

✍️ ام صادق المنصوري

ــــــــــــــــــــــ💔ـــــــــــــــــــــــ
تحشم وينكم يهل الحميه
صدگ ترضون زينبكم سبيه
يسبها الحادي چنها خارجيه
وتدخل مجلس ابناء الدعيه
((ويتشمت // ذابح ولياني ))
✍🏻العلوية أم منتظر جمال الدين
ــــــــــــــــــــــ💔ـــــــــــــــــــــــ
يانار اليسر ويه الشماته
والفاگد هله شله بحياته
بحزن يبقه لحد ساعة مماته
نام حسين مايدري بناته
(بدروب الكلفه يمشونه)
ام وليــــ✍️ــــــد الموسوي
ــــــــــــــــــــــــــــــــــــ
مشـونه بدرب ماشايفيـــــنه
واهل الشام تــــــــتفرج علينه
يطكنه بسوط من يسمع بجينه
من گد الوجع نشگف بيدينه
يضربون الروس // يشوفونه)
ام عــــ✍🏻ــــلي البابلي


((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ // محرم الحرام / 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

قصيدة للسيدة زينب (عليها السلام) للسبي

وزن بحر الطويل

صعدت عالهزل وتصيح يبن امي ونظر عيني
عوف النومه عالتربان اعداكم راح تسبيني
____

مهظومه وصحت يحسين بس محد سمع صوتي
ماخلوني اظل وياك ابهل ساعه ردت موتى
حرگوها العبايه ابنار وانتم نومه ياخوتي

علينه حرگو الخيمه
ايتامك فرت ابهيمه

ماتگعد تحتاجيني

✍️أم أحمد الساعدي

_

ما تگعد ينور العين اختك بالاسر راحت
عالمصرع حدو بيها ابلهفه عالوجه طاحت
بس اسويعه امهلوني اودع ابن النبي صاحت

خلوني اضل يمه
يموت لليفگد ابن امه

وانه فاگده حسيني

ام ســ✍ــجاد العسكري
____
بعد اسويعه امهلوني اريد اوداعنه اشباكه
مو عن بعد للخوان اودعهم على الناكه
ودوني لعضيدي انوب الضل عالنهر وي راكه
حيره اوداع خوواني
حسين وكافلي الثاني
ما هميت لبنيني

✍️ام حسين العسكري ناصريه
____
اصيحن خويه ماتسمع اشوفن جسمك اموذر
نايم بالشمس عفتك عاين صدرك امكسر
شلون اوداع يحسيني فوك الناكه واتعثر

الف اصواب صابوني
من عندك يحرموني
ومايهده تره اونيني

✍️ام زهراءالفاطميه
____
شلون اوداع ودعيته عفته عالترب دامي
ابد ماضاگ الميه ومات من العطش ضامي
مگطوع النحر تالي راسه حسين گدامي

خشنه احبال جتفوني
وبرض الشام مشوني
يخوية الهظم گاضيني

✍️ ام صادق المنصوري
____
راسك بس اخذته وياي جسمك ضال بمچانه

تمنيتك عدل ياخوي تشوف العدو هضمانه

واترد العلينه ايعيل تگلي خيتي بحمانه

مااخليج مسبيه
شلون وانت علويه

اوياهم لا تخليني

✍️زينب خضر الواسطية


((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ //ذو الحجه / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

نعي للسبي
..............................

اخذوهن اسبايا على النوگ
وگلب العقيله بجمر محروگ
طبن بناتك ياعلي السوگ

ابعيد الدرب وهنه غريبات
و تكتل كتل نظرة الشمات
بنات الرساله اشلون اسيرات


*الحاجه ام احـــ✍ـــمد الحچامي*
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امشي يسيره بولية ارجاس
ماچني زينب واخت عباس
بجال اخوتي مرفوعة الرأس

مرفوع راسي وهيبه إليه
خوتي ولد حامي الحميه
امشي واطب ديوان اميه

✍️ام احمد الهاشمي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

راحن عمت عيني عليهن
سبيات محد نشد بيهن
بنات الوصي ميت وليهن
وينك علي انشد عليهن
الحگ بناتك ماخذيهن
والناس تتفرج تجيهن


خادمة اهل البيت عليهم السلام العلويه ام سيد مهدي الموسوي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

حدر الضلع مشتعله جمره
والتحدي بينه اعيون غبره
تمشي اليتامه ابدرب عثره
ومـحـد يـگـلـلــهـم الـزهره

محد يگـول اسم الله للطاح
اعيون الشماته چنهن ارماح
ضليت احشـم واندب الـراح
ليماشي غـربه اشلون يرتاح

خادمة آل البيت ع
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

الـگـلـب تـكتـل نايـبـاتـه
هم ضيم هم صوت الشماته
گالوا سبينه اخته وبناته

جف الگمر هالساع اريده
شوصفلك المحنه شديده
أنخاك بالگطعوا وريده

✍🏻الشاعره مريم العبوديه اسيرة الاحزان 💔
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ديرة غرب ماشــفت راحه
وعمـري گضيـته بالــنياحه
والــــگلب ملــيان بجراحه
والليــــل لابيـن صـباحـه

ليلي الخـلص كــله بونــه
چا ويــنهم أهــل المـحـنه
لاضل اخــونه ويفزعــلنـه
راح الذخــر طايـح علـمنه

أم صــ✍️ــــادق المنصوري
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ26/ محرم1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

قصيده للسبي

وزن نصاري*

~~

*نون وياج زينب يخت الحسين*

*بأجر بالحـزن والهـم تشيليـن*

~

بأجر للمصايـب شدت احـزام

ومن عگب النـوايب طبت الشام

حبل مشدوده ايديج وصوط عالهام

*وبسكتـه خفيـه بـس تونيـن*

*الشاعــرة ام مـهـــ✍ـــدي العيـدانـي*

×××××××××××××

باجر بالطفوف اخوانج تشـيل

وعدوانج يزينب بيكــم تعيـل

دمعـــاتج تظل عليــهم تســيل

محـــتاره بيتامه وين ترحين

*أم صـــــ✍️ـــادق المنصوري*

×××××××××××××

ونينج والنعي بسكوت عالراح

وكلبج بالحزن متروس بجراح

على العباس يخته زيدي النياح

ضل اعله النهر ومصوبه العين

*ام زيــــ✍ــــــن العابدين المحمداويه*

~

باچر لو يحرگوها للخيام

وتصيحين بس ماعندچ ازلام

تبگه مساهره اعيونچ ومتنام

ماتدرين تنطين الوجه وين

*ام عــــ✍ـــــلي المالكي*

×××××××××××××

الونج وحالج حنت النوك

ومصابج ابد ماشافه مخلوك

والأعظم الشام وطبت السوك

تتفرج عليج الخلك صوبين

*ام محمد علي الشيباني*

~

ونينج يالعقيله يهد الجبال


يم عون الدهر وياج هل مال

من غير اخوتج اتبهذل الحال

مشيتي ميسره بيد الملاعين

*ام رحـــ✍ــــــمه الگاظميه*

~~

*تمت القصيده بـعون الله تعالى وبـأقلام*
*شاعرات اهل البیت عليـهم السلام في*
*رابطة القلوب النقية* 
*لانجيـز حذف الأسماء* ✋
🙏🏻 *نسالـكم الدعـاء*

https://www.tg-me.com/HOWEIY

أشترك بالقناة عبر الرابط اعلاه☝️

*فزاعيه للسبي*
*((آلوزن تجليبه))*
-----------------------
اختك باليسر ويــنك ياعباس
زينبكم مشت من غير حراس
__

ويـنك ماتـــجي ولاتسأل عليها
تعال وشوف زينب شمر واليها
تراهــا مـدلله ومــنهـو اليداريـها
انهض ليها/عباس أگعد

آم صــــ✍️ــآدق آلمـنصـوري
__
انهض يابطل زينبـــــــــك مسبيه
ودمعات الحزن بس تكت مجريه
يسبها ابن اللعيـــــــن الشمر ليليه
ومچتفيها //يضربها بسوط
ام عـــــــــ✍🏻ــــلي البابلي
__
زرگه متونها بالحبل مجتــــوفه
مشت شام النوايب اختك اطوفه
گعدوني بخرانه موش مسگوفه
((لا ضل البيها ويحمينه))
ام وليــــ✍️ـد الموسوي
__
الحك ياكمر شلك بهالنومه
راحت لليسر والروح مهظومه
كعدت بالترابه تنوح مالومه

ملوعيها //بالشام اعداك

✍️ام زهراءالفاطميه
__
تعاين روس ولياها وتهل عيون
ترضوها بخرابه زينب يگعدون
ومن تنشد رقية لراسك يجيبون

(ماتت عالراس //امن بچاهه)

✍🏻العلوية أم منتظر جمال الديــــــــــــن
__
ماتت يا وسف عالراس گدامي
من شافت ابوها امخضب ودامي
چنت بيكم يخوتي شادة أحزامي

(خلوني ابوليت ظالم)

✍️زينب الواسطية

▪️▫️▪️▫️▪️▫️▪️▫️

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /4/ صفر / 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره


https://www.tg-me.com/HOWEIY

أشترك بالقناة عبر الرابط اعلاه☝️