حال الطبيب الذي يعالج امير المؤمنين علي عليه السلام
الوزن المستهل وزن النعي
النص مجرشه
ــــــــــــــــــــــــــــــــــــــــــــــــــ

وصلو اعتذاري وگولو  لام عون
مابي رجه وگطعيها الضنون

كل العذر يم الخدر كلــش غميج اصوابه
خليت روحي ويه الجرح والدم نزل لثيابه
مافاد شـــــــد ولادوه وفارگ علينه احبابه
غورگت عينه بالدمع وعودچ يطول اغيابه

سبل ايدينه وسد العيون
مابي رجه وكطعيها الضنون

ام عـــــــ✍ــــــلي البابلي
ــــــــــــــــــــــــــــــــــــــــــــــــــــــ
حضري الـدمـع للفاجعه والدچ سـد اعيونه
بدليها يثيـاب الـفـرح والحزن لبسي لونه
بالراس صارت ضربته والسم وصل لمتونه
تنحب عليه اهل الارض واهل السمه ينعونه

عالـبـاب كـل ايتامه يـبـچون
ما بي رجه وگطعيها لضنون

خادمة آل البيت ع
ــــــــــــــــــــــــــــــــــــــــــــــــــــــ
باخر أنفاسه والدج يم الصبر عذريني
يشاگف ابإيده المرتضى هد حيلي نشف عيني
يبچي امن اشدن بالجرح ويگلي لداويني
جرحي جرح شوگ البعد للطاهرة اتّانيني

يگلي ارد اشوفن جرح المتون
مابي رجه وكطعيها الضنون

زينب الواسطي
ــــــــــــــــــــــــــــــــــــــــــــــــــــــ
الصح بيدي هذا أو واجبي يم الصبر سويته
وابذلت كل جهدي إله بعيني الجرح داويته
ودعي ابوچ وما بعد ضنها ترد عافيته
مامنه رجوه حيدره روحه ترى گاضيته

أمر الله هذا وبيه يدرون
مابي رجه وگطعيها الضنون

✍️ام صادق المنصوري
ــــــــــــــــــــــــــــــــــــــــــــــــــــــ
كفي عتابج والدج ايسي بعد ما يرجع
ماترهم العلته دوه حاله أليم أو يفجع
واعليج وصى كافلج يوليدي اوصي واسمع
گله أمانه ابرگبتك زينب ويجري المدمع


والگون ضج اعلي ومرجون
ما بيه رجه او گطعی الضنون

خادمة اهل البيت عليهم السلام العلويه ام سيد مهدي الموسوي @
ــــــــــــــــــــــــــــــــــــــــــــــــــــــ
كومي استعدي ام الخدر ودعي الولي هالليله
ماشوف اله ظنه بعد يرجع يكوم بحيله
للظربه مايرهم دوه للباري حاله اشكيله
لمي اخوتج يم والدج بصوت الحزن انعيله

صار الوداع وباجر اشلون
مابي رجه وكطعيها الظنون

✍🏻ام احمد الهاشمي
ــــــــــــــــــــــــــــــــــــــــــــــــــــــ
محتوم ياهاذا الأمر يعوف الصميده ادياره
يفارگ ايتامه وعيلته وبكلبه تسعر ناره
صبري يبت حامي الحمه من الباري هاي اسراره
عليج النوايب كل وكت دمعج يضل يتجاره

احبابه فاتحته ينصبون
مابي رجه وكطعيها لضنون

ام✍🏻 زين العابدين لمحمداويه
ــــــــــــــــــــــــــــــــــــــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /21/ شهر  رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه👆

قصيدة لسان حال السيدة زينب عليها السلام


عاصيات اوياي ايام الدهر
چني مخلوقة لجل هذا القهر
/////////////////////////
يذبح بريتي فگد حامي الدخيل
بويه مو وكته بعد هذا الرحيل
ليش تتركني اشوبح بالعويل

چفني وي الدمع بالسيل انهمر

✍🏻الشاعره مريم العبوديه اسيرة الاحزان 💔
/////////////////////////
ليش تتركني واضــــــــل محيره
لسه نار الـــباب بيـــــــــه اموجره
شاتله اعيوني اعله طيف الطاهره
وهسه هاظمني ابن ملجم بالقدر

✍🏻ام علي البابلي
/////////////////////////
حرك باب الدار تسعر بالگلب
بويه والموقف علينه اشكد صعب
وتالي بالمحراب حيدر ينضرب
صاحباها عيوني من زغري السهر

ام ✍🏻زين العابدين لمحمداويه
/////////////////////////
ليش بويه اتشيل يا رجوانه
وانته حامي الدين وانته اركانه
اعليك أملاك السمه حزنانه
يا سند للهادي واحزام الظهر

خادمة اهل البيت عليهم السلام العلويه ام سيد مهدي الموسوي
/////////////////////////
حزام ضهر المصطفى حيدر علي
تلوكلك يابويه من بعده وصي
يارساله وختم بيها امن العلي
وسفه جثمانك ينزلونه الگبر

ام✍🏻 رحمه الگاظميه
/////////////////////////
بده وياي الحزن من يوم الضلع
نوب چملني مصابك بالدمع
براسك المطبور بيه انه انفجع

يافجعتي بيك دلالي انكسر

✍️ام صادق المنصوري

ــــــــــــــــــــــــــــــــــــــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /21/ شهر  رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه👆

لسان حال السيده زينب عليها السلام
ــــــــــــــــــــــــــــــــــــــــــــــــــــ
اليوم ماهــــــــــــو علي ويانه
وهاي هــــــــي ونام بالتربانه

ضلي روحي بالونين
نام بالغربه الحنين

وهاي هــــــــي ونام بالتربانه
ـــــــــــــــــــــــــــــــــــــــــ
اذن اذان الفـــــــــــــــــراگ اليله
شال من الدنيه حامــــي ادخيله
فگد قران الفــــــــــــــجر ترتيله

موتي زينب مرتين
نام بالغربه الحنين

وهاي هي ونام بالـــــــــــــــتربانه

ام علي البابلي
ــــــــــــــــــــــــــــــــــــــــــــــــــــ
ها يزينب هذا أمر القادر
سفر موت امودعج وامسافر
بحاجه اله تصيرين يوم العاشر

بحيره بيه اتحشمين
نام بالغربة الحنين

وهاي هيَ ونام بالتربانه

زينب الواسطي
ــــــــــــــــــــــــــــــــــــــــــــــــــــ
تحشمين احا يجناز الولي
ريض ابحيدرنا هاذا اخر هلي
اعليه اريد انعه ودموعي هاملي

غيره ما النه معين
نام بالغربه الحنين

وهاي هيه ونام بالتربانه

ام ✍🏻زين العابدين لمحمداويه
ــــــــــــــــــــــــــــــــــــــــــــــــــــ
ليش هيج أويانه سواها الدهر
اخذ حيدر علي وخلانه ابكدر
شبعي ياروحي اشبعي من القهر

شال المأسس الدين
نام بالغربه الحنين

وهاي هي نام بالتربانه

ام ✍🏻رحمه الگاظميه
ــــــــــــــــــــــــــــــــــــــــــــــــــــ
هاي هيه ونكظت عشرة عمر
بيش اعدي غيبتك ماضل صبر
بوية لفرا كك يضل كلبي جمر

ولدمع غورك العين
نام بالغربه الحنين

هاي هيه ونام بالتربانه

✍🏻الشاعره مريم العبوديه اسيرة الاحزان 💔
ــــــــــــــــــــــــــــــــــــــــــــــــــــ
الليله موحش على زينب يومها
عالولي حزنانه سود اهدومها
والزمن فرحتها ابد ميدومها

بالحزن تحسب اسنين
نام بالغربه الحنين

هاي هيه ونام بالتربانه

✍️أم صادق المنصوري
ــــــــــــــــــــــــــــــــــــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /22/ شهر  رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه👆

ختامية مجلس تعزيه لفاطمة الزهراء عليها السلام

*فزاعيه ورباط هوسه*
______

حله الميدان طبت فاطمه ويانه
تطلع راضيه ولاموش زعلانه
________
حله الميدان والزهره بعبايتها
تعاين للطم والتبچي شافتها
كل دمعه تراها اليوم سجلتها

نعازيها /بحسين الغالي
_______
وين اللي تجي بحسين عازيها
بلطمه حاره عالمتن عينيها
مكسورة ضلع ماترفع ايديها

توسعينه/ميدان الحار
_______
تعاين فاطمه عالتلطم الراس
وين اللي بچت لجفوف عباس
عينوني بلطم وتصيح ياناس

فادي عيونه/لحسين ابني
______
نطه عيونه فده والعمر وياه
واليلطم عليه ادگول منساه
تدور عاليون ويصيح ويلاه

تاخذ بيده/اوياها الون
_______
بيده تاخذه ومتعوفه هيهات
هاي ام الحسن وام الكرامات
اتطلعه من الحشر ومن المظلمات

مفتاح الجنه العدها/ومنها اطبينه
________
تمــــ بعونه تعالى ـــت
بقلم خادمة الحسين ع
أم صـــــ✍️ـــادق المنصوري

لااجيز شرعا"حذف اسمي من القصيده او التغيير في كلماتها

اهدي القصيده الى مولاي الحجه ع وعلى روح والدي والفاتحه مع الصلوات

https://www.tg-me.com/HOWEIY

أشترك بالقناة عبر الرابط اعلاه☝️

*فزاعيه ورباط هوسه لام البنين ع*
________

بيرغها عراضه وبيه يهوسون
بت زماط نيبه المايثنون
________
بيرغها عراضه بت الفحول
اهلها شيوخ بالديوان والگول
ميدانج عليج اليوم معدول

عدليها/الهوسه عليها
_______
بت اسباع تستاهل عراضات
شيخه وبت شيوخ وبت قيادات
هاي العدها من الله الشهادات

بت اهل النيبه/الشالت عنه
_______
يهاي معدله وزماط عياله
يم عباس وام اولاد خياله
هذوله البلحرب لحسين شياله
الجابت كافل زينب/هاي البدويه
_______
هاي الجابت العباس لحسينه
وگالتله الك فدوات چفينه
يفديك النفس والروح وي عينه

حسين السمعت يومه /لا همها اضناها
________
چان البيها هم حسين يايومه
ممرود الگلب من سمعت اعلومه
مندومه عليه وحيل مندومه

گطعوا راسه/من سمعت بيه
________
معروفه الوفه لو جاب طاريها
يعجز بالوصف يانوع يالبيها
صدك صارت مثل تاريخ عاليها

لأن عدها الوفه/انطاها الكرامات
________
تمــ بعونه تعالى ــت
بقلم خادمة الحسين ع
أم صــــ✍️ـــادق المنصوري

لااجيز شرعا"حذف اسمي من القصيده او تغيير كلماتها

اهدي القصيده للحجه عج والى روح والدي والفاتحه مع الصلوات

https://www.tg-me.com/HOWEIY

أشترك بالقناة عبر الرابط اعلاه☝️

قصيده لهدم قبور ائمة البقيع عليهم السلام
------------+++++-------
ذكرى اليمه كلش عظيمه
ذيج المراقد تنهدم
والله ظليمه
الرحمه عديمه
رادو ذكرهم ينعدم
لرجال شيمه
--------------------
ذيج المراقد بالبقيع تهيج الالام
يمحون ذكر ال النبي يمحون الاسلام
ظلام ماعدهم رحم يعبدون الاصنام
بگلوبنه نار وتشب من ذيج الخيام
نعمه كريمه
كلش عظيمه
ذيج المراقد تنهدم
رادوا ذكرهم ينعدم
والله هضيمه
ام ✍️حسين الحسني
•───✧🚩◐◐✧🚩──•───🚩✧◐◐✧──
ما ننسه الصار وجره
كل طول الازمان
هدم القبور الطاهره يالبيها الاحنان
احقادهم ابكل وكت ومامنهم امان
ابهاذا فعلهم هدموا الكعبه والاركان

اهل العزيمه
هاي الجريمه
الشيعه ماخذها العزم
رادوا ذكرهم ينعدم
والله هضيمه

ام ✍🏻زين العابدين لمحمداويه
•───✧◐◐🚩✧──•🚩───🚩✧◐◐✧──
لاحضره عدهم لامناره تليق بيهم
نتمنه نقره الادعيه وانروح ليهم
ننصب مواكب بالدرب نركض نجيهم
الناعي يقره بالصحن ونسمع بچيهم

والعزه انقيمه؛
وننصب الخيمه

ونشيل رايه ويه العلم
رادوا ذكرهم ينعدم
والله هضيمه
ام ✍🏻علي المالكي
•───✧🚩◐◐✧──•───✧🚩◐◐✧──🚩
اقبور الايمه تنهدم وتصير بالكاع
حاموا عن دين النبي يالكلهم اسباع
نوحو عليهم بالحزن والكلب ملتاع
ابدون اهل بيت النبي انروح ضياع
رحمه و عزيمه
وحبهم غنيمه
ذيج المراقد تنهدم
رادو ذكرهم ينعدم
والله هضيمه
✍ام مرتضى الخزرجي
•───✧🚩◐◐✧──•───🚩✧◐◐✧🚩──
ياقلم اكتب الجره وفسر بالحروف
چن گعبة الله اتهدمة البيها انطوف
صعبه علئ الشيعه تره ابعينها اشوف
اقمار بيت ال النبي ماخذها الگسوف

ابوصط هيمه
ماضن سليمه

وسفات يا اهل الشيم
رادوا ذكرهم ينعدم
والله هضيمه

ام ✍🏻رحمه الگاظميه
•───✧🚩◐◐✧──•───🚩✧◐◐✧──🚩
چاليش من أل النبي ماكو مناره
لاصحن لاحضره بعد لامن زياره
والهدم هاي گبورهم عمره خساره
ياريت للمهدي تظل هاي الاشاره

روحه سليمه
والله يديمه
ياريت يضهر يستلم
رادوا ذكرهم ينعدم
والله هضيمه

أم صـــ✍️ــــادق المنصوري
•───✧🚩◐◐✧──•───✧🚩◐◐✧──🚩
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه



https://www.tg-me.com/HOWEIY

أشترك بالقناة عبر الرابط اعلاه☝️

قصيده وزن نصاري
لفاطمه العليله عليها السلام

🏴🏴🏴🏴🏴
لبوي حسين ودو هاي العلوم
گلوله العليله تريدك اليوم
🏴🏴🏴🏴🏴
ضاهدها المرض وتغير الحال
تحن الشوفتك والذيج الابطال
رد لينه يبويه وجيب العيال
مني الموت گرب حيلي مهدووم

ام ✍️حسين الحسني

🏴🏴🏴🏴🏴
مني الموت كرب مالي احباب
عافني الحبايب والابو غاب
ردتكم ياهلي وعيني على الباب
تجوني بغربتي وتزيلوو الهموم

✍️ام احمد الهاشمي

🏴🏴🏴🏴🏴
تزيل اهموم گلبي من تجـوني
ردت هاليـوم يهلـي تودعونـي
اشوفك گبل لاتغمض اچفوني
بقه دمعي عليكم دمه مسچوم

✍️ سهام علي المالكي

🏴🏴🏴🏴🏴
وصلوله رسالة بدمعـة العين
هد حيلي المرض وافراگ الحسين
اگضي الليل بس  اجهر بالونين
عليلتكم يبويه بس الهدوم
ام علي البابلي

🏴🏴🏴🏴🏴
عليلتكم بقت ماتگدر تنام
تحسب كل وكت وتعد بالايام
سفرتكم اضن مگصوده للشام
وجهك ها يبويه بعيني مرسوم

أم صــادق المنصوري

🏴🏴🏴🏴🏴
ابنيتكم مريضه وتون بالدار.
يالرحتوا ومشيتوا ازغار وكبار.
وراكم انتحب والدمع مدرار.
كلبي من الهضم والمرض مالوم.
✍🏾 آلاء الطائي
/////////////////////////

ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /12/ شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tg-me.com/HOWEIY

أشترك بالقناة عبر الرابط اعلاه☝️

لطميه اللعليله ع

وصلوله خبر لحسين هاليوم
من يوم الهجرني الحيل مهدوم

~~~

لبوي حسين گلوله عفتنی
یبویه المرض والفرگه اتعبتنی
چاوین الوعد یلواعدتنی

اویاکم تاخذونی الگلب مالوم

~~~

رحلتوا والنزل موحش علیه
علیله والفراگ شعمل بيه
وين اطروشکم يهل الحمیه

عگبکم يل مشیتوا مفارگه النوم

خادمة اهل البيت عليهم السلام العلويه ام سيد مهدي الموسوي

~~~

ما مرني الوسن من فارگتكم
هان وعفتوا يهل الزود بتكم
تسوون الـعتب هل عاتبتكم

شحيحه اخباركم عني والعلوم

خادمة آل البيت ع

~~~

شحيحه اخباركم مامنكم طروش
امكدر بيتكم بس حزن مفروش
بت حسين تبچي ابدمع مرشوش

مثل رش المطر يابويه لدووم

ام وليــ✍️ـد الموسوي

~~~

يارش الدمع مابطل ساعه
صعبه يومكم لحظة وداعه
طارشكم يجي وانطر سماعه

اشمن ريحة الوالي بالهدوم

أم صـــادق المنصوري

~~~

خالي اليوم يا بوية مچانك
وآنه الي عشت ابفي حنانك
وين الكه الدفه وينه امانك

گلبي ليش منك ظال محرم

✍🏻الشاعره مريم العبوديه اسيرة الاحزان 💔

~~~

ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /12/ شوال/ 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tg-me.com/HOWEIY

أشترك بالقناة عبر الرابط اعلاه☝️

*فزاعيه لاستشهاد الامام علي( ع)*
_

شايل وين ياراعي العزوبيه
جاليش رحلت من غير وعديه

شايل للنجف شو عايف ادياره
فگدت حيدره زينب ومحتاره
طويله سفرته ونگطعت أخباره
(شيعوده / الشال وغرب)

✍️ ام صادق المنصوري

____
شيعوده، الـمشه اويـرجعه اعلينه
يـتامه مـن بـعـد والـدنه ضلينه
عـايفنـه الحنين وغمضت عينه

( ابدلالي // يانار الفرگه)

أم عــ✍🏻ــلــي الـحـلـفـي
____

_طويله سفرته وماظن بعديرجع
خله عياله بس تنوح بلمدمع
گلب بته الحنينه بضيمه اتكطع

(ومالومه // ضلت بلحسره)

✍️ام زهراءالفاطميه
____
زينب من بعـد عـيناه مهـظومه
تنـظر چبدة المـسموم ودمـومه
يمصاب الغريب وسلبت هدومه

((يهضموها. وبسب الوالي))

رمـ✍ــاد الخيام
____
تون اعليه ضــلت ويلي ايتامه
اجاها العيد مـنه خـــاليه ايامه
يبو الايتام وسفه الوكت مادامه
( يچوينه يافگدك حيدر )
ام عـــــ✍🏻ــــلي البابلي
____
محزونه المنابر ضــــــلت الليله
وسفه يشيل منها حامي ادخيله
سهرانه بمناحه وتبجي العيله
اعله اغيابه/ اتون وتنوح
✍️أم أحمد الهاشمي
____



((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /21/رمضان / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

قصيده للامام الصادق« ع»

شال من المدينه اليوم
واحـد مـــن الهيابـه
➖➖➖➖➖➖

نصبت فاطمه الزهره
مأتــم صـادق العـتره
يالبسم خلـص عمـره
يوجع جعفـر امصابه
➖➖➖➖➖➖

يوم السممه المنصور
خلاهـا گلـبهـه ايفـور
يوجعها الضلع مكسور
ابگلبهـه النار لهابـه

بـ✍🏻المله ام مجتبى البهادلي
➖➖➖➖➖➖

يوجــع صـعب يايومـه
شلون الچبده مسمومه
وسفه وراحـت رسومه
الـكاظم صــاح يايـابـه

بـ✍🏻أم صادق المنصوري
➖➖➖➖➖➖

يستاهل ونين اونوح
بفراگه العلـم مجـروح
خالد ذكره ابد ميروح
عليه اتــنوح طلابـه

بـ✍🏻ام محمد تقي الموسوي
➖➖➖➖➖➖

جـان امنـور الضلمـه
الوضـح علمـه للأمـه
بعده زادت الهضمـه
شال وحـزنت احبابه
➖➖➖➖➖➖

شال امعزب الخطار
وخله بالكلوب النار
كل شيعي بقه محتار
رايد شمـت ترابـه

بـ✍🏻الخادمة زينة الگريشاوي
➖➖➖➖➖➖

تمت باقلام شاعرات رابطة خادمات سيد الشهداء"ع"

https://www.tg-me.com/HOWEIY
أشترك بالقناة عبر الرابط اعلاه☝️

(نعي ليلة الحادي عشر )
................................

امسى المسه او زينب وحدها
امچاتیل ماکو ارجال عدها
بس الحرم لاذن ابسدها
واتنخت ابحیدر ضمدها
يطاعون الزلم للخیل ردها
الحگ یبویه جزت حدها
انخیتک یمن تحضر شددها

خادمة اهل البيت عليهم السلام العلويه ام سيد مهدي الموسوي

................................

امسى المسه وماعندي والي
ياعلي وتتصارخ اطفالي
چلچل الليل وهذه حالي

عباس چان ايباري لعيال
وهسا صفينه بيد عيال
وسفه مشه عنه الكفال

ام ✍️حسين الحسني

................................

انخاك يا حـاضـر الكلفات
تلحگ على الضلن يتيمات
دايـر علينه الـجـيش يازات
مامش محب كلهم شماتات
وعـالـغـبـره ازلام الـمـروات

خادمة آل البيت ع

................................

وينك يبويه الحگ عليه
حرمه وماعـندي تچــيه
كل اخوتي راحوا سويه
انذبحوا ترى بالغاضريه

✍️ام صـــادق المنصوري

................................

يا حاظر لسلمان دحظر
بويه هظيمه الغرب تفتر
وعليلنه أمسى ميسر
ياهظمتي اللهُ أكبر

✍رماد الخيام

................................

اللهُ اكبر يا مصابي
عالغبرة نومتهم احبابي
بس الصدا يرجع جوابي
البيه العزم غاطيه ترابي

البارحة چانوا يحوفون
وبخيمتي اخواني يحرسون
ومن اطلب لحلگي ينظرون
وهسه الترب عاميها العيون

✍🏻العلوية أم منتظر جمال الدين

................................

من الگوم ما واحد رحمنه
وناموا على الغبره زلمنه
وايزيد ما اينگص المنه
ما واحد امن الزلم يمنه

طش الشمل وسفه زماني
او خابت ابدلالي الاماني
والزمن بصواب عماني
بسهام صد ليه ورماني

✍🏻الشاعره مريم العبوديه اسيرة الاحزان 💔

................................

ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /20/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

مربوعه نصارى للدفنه
وكأني بلسان حال مولاتنا زينب ع

................................

يالـتـدفـن عـزيز الـروح بـهـداي
رش گبر الحنين الما شرب ماي

................................😭

بـهـداي الـنـحـر لـمـن تـوسـده
المـيـت ما طـرح عالـگاع خـده
وعبد الله الطفل عالصدر مده
وجـرحـه البالگلب يا عمه شده

لان كـل ما نزف ذوبلي اچلاي

بقلم خادمة آل البيت ع

................................😭
بهيد ابهيد هیل اتراب گبره
خف اعليه يعمه او لا تکثره
متصوب وخاف ایضیج صدره
وآ ویلاه علی مهجت الزهره

ماتنعد اخونه اجروحه الهواي

خادمة اهل البيت عليهم السلام العلويه ام سيد مهدي الموسوي
................................😭
رش گبره بدمع هلبت نعيده
واصبع خنصره رده اعله ايده
بالك ياعلــــي تلچم وريــده
عمه اجـــــــروح دلاله شديده
گله اخلاف وجهه بيه الف داي
ام علي البابلي
................................😭
دفنت حسين ابوك بااه وبنوح
جسمه منترس طعنات وجروح
خلص حيلي وركد من شفته مذبوح
راحت وي حبيبي وكاضيه الروح
مانشفت يعمه دموع عيناي

✍️ام زهراءالفاطميه
................................😭
جفني والكلب يبجيله ادموم
يعمه والجفن ما ضايك النوم
عله الوالي يحيلي صبح مهدوم
يروحي انعي ابحزن للمات مضلوم
الدنيا يا وسف هم شدت وياي

ام ✍🏻زين العابدين لمحمداويه
................................😭
مانشفت جروحه احچي وگول
وماشديت صدره السحگته خيول
تدريها شكثرها گامت اتجول
يالصار وجره يا عمه معقول
ضل ثوب الحزن بالدنيا سلواي

أم صــ✍️ــــادق المنصوري
................................😭
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /25/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

(نعي الى مولاتنا فاطمة العليلة عليها السلام )

حمل احسين او شال عني
وانه مريضه او زاد وني
چنهن عزیزاتی نسنی
منهم ولا واحد وصلنی


محد أمن اهلي مر عليه
وبیوتهم توحش خلیه
وين الوعد يهل الحمیه
ویلي يدهري شعمل بيه

خادمة اهل البيت عليهم السلام العلويه ام سيد مهدي الموسوي
//////////////////////////////////////
ويلي يدهري شسوه بالحال
كل غالي عندي حمَّل وشال
مكسوره اضلن والحِمل مال

المكسور خاطرها شيجبره
واليفگد اعزازه اشيصبره
راسه يشيب ويحني ظهره

زينب الواسطي
//////////////////////////////////////
راسه يشيب اوحاله تعبان
لـفـراگـهـم دلالــي حـزنـان
جوه الضلع شـبت النيران

نيرانهـم تـكـتل چوتني
والدنيه عـنهـم فرگتني
ابصطراتها لا ما جزتني

أم عــ✍🏻ــلــي الـحـلـفـي
//////////////////////////////////////
بصــطراتها دارت علـــيه
مني الاهـل راحوا سويه
زاد المــرض والالم بــيه

زاد الــمرض لمـن جفوني
والدمع مافــارگ عــيوني
ليش الاهل چنهم نسوني

أم صـــ✍️ـــادق المنصوري
//////////////////////////////////////
والعمر شيخلصه بجفاهم
درب القهر افرش وراهم
الموت ياخذني الخذاهم

ايس دليلي مايردون
وشظل دمع خلصانه لعيون
عيزان چتفي بقهر مدفون

✍🏻الشاعره مريم العبوديه اسيرة الاحزان 💔
//////////////////////////////////////
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /26/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

قصيدة لمولاتنا العليلة "عليها السلام"

هلي ويَّاكم اخذوني
إرحموا دمعة اعيوني
حيل الغربة تاذيني
اموتن لو تعوفوني
............
عـلـيـلـتـكـم يـهـلـهـا تـريـد الـدللـوهــــا
سفرت موت روحي تحس من ودعوها
اعدن واحسب ايام بتهم چن نسوهـــا
لا واقع ولَـ احلام شافت عيني ابوهــا

تاهت روحي بونيني
حيـل الغربة تاذيـني

من عدكم حرمتوني
أموتن لو تعوفوني

زينب الواسطي
///////////////////////////////////////
اتوجه عله الأه. ودمع تارس شليلي
شلي بروحي ولروح مشة ويه خليلي
فراك الوالد حسين اخذ هاليوم حيلي
فارغ من هلي لبيت. اون صبح ويليلي

رايح مني حسيني
حيل الغربة تاذيني
عليه انتم تشوفوني
اموتن لو تعوفوني

✍🏻الشاعره مريم العبوديه اسيرة الاحزان 💔
///////////////////////////////////////
حسيني راح مني واخذ كل حلوه وياه
راحت ذيج الايام مگدر اعله فرگاه
عليله ويدري بالحال ابوي شلون انساه
كون اسمع بطاريه يدگ الباب محلاه

آنــي ابـأول اسنـيني
حيل الغربه تاذيني

يهون شلون تنسوني
اموتن لــو تعوفـوني

أم صــ✍️ــــادق المنصوري
///////////////////////////////////////
يبويه الفرگه صعبه علیه لا تبعدون
ارجعولی یطیبین بسفرکم لا تطولون
یهلی الفرگه تتعب عگبکم تعمه العیون
روحي ایست منکم او ضل الحيل مرهون

اعاتبكم يناسيني
حيل الغربة تاذيني

الضيم وهم تركتوني
اموتن لو تعوفوني

خادمة اهل البيت عليهم السلام العلويه ام سيد مهدي الموسوي
///////////////////////////////////////
ترة يوم المشيتوو شسولف ياالمبعدين
جبت شمعة اعلگتها وسوي وحشة حسين
بچت عيني دمه تسيل حگ للوالي تعمين
اتوچه اعله الهموم وسولف للحياطين

فرگاهم مبچيني
حيل الغربة تاذيني

وين الي يعازوني
اموتن لو تعوفوني

ام وليـــ✍️ـد الموسوي
///////////////////////////////////////
وين اللطمت وياي وتون اعله حالي
من فرگاه لليوم مانمــــت الليالي
خذاه الحيل وياه وضيع كل دلالي
صيحن اه يحسين وهلن دمع هالي

ياشيعيه عينيني
حيل الفرگه تاذيني

وعلى الغالين واسوني
اموتن لو تعوفوني

ام علي البابلي
///////////////////////////////////////
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /27/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tg-me.com/HOWEIY

أشترك بالقناة عبر الرابط اعلاه☝️

( قصيدة فزاعية مولاتنا زينب عليها السلام تستنهض العباس عليه السلام)



فریت للحومه او صحت
الحگ يشيال العلم

الحگ يبو الغیره تره
النار ابخیمنه موجره
وینک یسبع الگنطره
يل کلک امروه او عزم


وينك اصيحن كافلي
وصاك بيه شكد علي
انهض او شيله محملي
او شوف شجر علیها الحرم


خادمة اهل البيت عليهم السلام العلويه ام سيد مهدي الموسوي
////////////////////////////////////////
حركو الخيمه يلولي
متحيره ومحد الي
مو انته گلت ادللي
ياكافلي ترضى انهظم

.......
الحگ خواتك ياگمر
عوف العذب عوف النهر
اعيالك يوالي بلخطر
ماينحمل هذا الظلم

✍🏻 الحجيه ام علي

////////////////////////////////////////
الحگ يخويه امروتك
هليوم زينب نادتك
مو ادري بيها خوتك
ماترضى ضربوها الزلم
////////////////////////////////////////
ضربوها گوم الظالمه
يدرون بيها العالمه
اختك تراها مألمه
چاوين من صار العزم

أم صـــ✍️ـــادق المنصوري

///////////////////////////////////////
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /27/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

(قصيدة لمولاتنا زينب عليها السلام عند سقوط العباس عليه السلام )


یزینب عالشریعه طاح عباس
روحي عالنهر لطمي عله الراس

طلعت والعگل مذهول منها
تلطم والحرم رکضن اجنها
یعمه وين عمنه ینشدنها
عگبه انضل سبایه بین هل ناس
/_/_/_/_/_/_/_/_/_/_/_/_/_/_/_/_
صاحب صوت زينب يا کفیلی
یشمس انهاری او يا بدر لیلی
یخویه ابطیحتک هدمت حیلی
ترا اخلافک خواتک بین الارجاس


خادمة اهل البيت عليهم السلام العلويه ام سيد مهدي الموسوي
/_/_/_/_/_/_/_/_/_/_/_/_/_/_/_/_
اخلافك يالگمر من يحاميهن
نار اعداك حرگت كل عبيهن
شبت هالخيم من يطـفيـهن
يهددنه الشمر واصرخ ينوماس

✍🏻زينب الواسطي
/_/_/_/_/_/_/_/_/_/_/_/_/_/_/_/_
يهددنه الشمر من طحت بالگاع
خويه يالوفي وانت ابن الاسباع
فلت وانتهت چن صار الاوداع
عگب عينك ترى ماعندي حراس

أم صــــ✍️ـــادق المنصوري

/_/_/_/_/_/_/_/_/_/_/_/_/_/_/_/_
الكافل منصرع فوگ الشريعة
والجفين من عنده كطيعة
تهد الحيل جثمانه الصريعة
وحزنه بيا حزن حاجوني ينقاس

✍🏻الشاعره مريم العبوديه اسيرة الاحزان 💔
/_/_/_/_/_/_/_/_/_/_/_/_/_/_/_/_
شنهو يـاحزن گولوا يدانيه
وأدماه الزكيه فايضه اعليه
وتـراب الوطيه هـم تغطّيه

هذا الضيغمي والدوم فرّاس

أم عــ✍🏻ــلــي الــحـلـفـي
/_/_/_/_/_/_/_/_/_/_/_/_/_/_/_/_
بعد لامن محامي الباقي الهن
يجرن بالدمع عكبه بعدهن
لا عباس باقي ولا اهلهن
شگّو جربته ولاضل بعد طاس

✍️ام زهراءالفاطميه
/_/_/_/_/_/_/_/_/_/_/_/_/_/_/_/_
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /28/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

قصيدة مولاتنا زينب عليها السلام تندب العباس عليه السلام حين سبيها


من صوب النهر عباس
خويه سارت اضعوني

مسبيه او رحت عنكم
او عيني شابحه الكم
ردت بس كون اودعكم
اعداكم ما يخلوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صحت يا كافلي دگعد
اعتب والضعن مبعد
یخویه والشمر یطرد
احشم ما سمعتونی


خادمة اهل البيت عليهم السلام العلويه ام سيد مهدي الموسوي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عيني عليك يالعباس.
تكعد ترد هاي الناس.
جاوين الدرع والطاس.
هاي اعداك هضموني .
✍🏾 آلاء الطائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خذوني لليسر گوه
راحت چلمة الخوه
گتلي عيني الج فدوه
عنكم هسه بعدوني

✍️ام صادق المنصوري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بدونك يالكمر ضلمه
وحق احسين ابو اليمه
راح العزم والهمه
يالرحتو ونسيتوني

ام ✍🏻زين العابدين لمحمداويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
محد شاف لوعاتي
حرت بيك وبخياتي
ابد ماتجف دمعاتي
فوگ الهزل صعدوني

ام ✍️حسين الحسني
///////////////////////////////
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /30/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

( زينب عليها السلام تندب  الإمام الحسين عليه السلام  ) 
ــــــــــــــــــــــــــــــــــــــ
اشلون الدهر  دولبنی 
گضوا بالطف خوال ابنی 

اصیح ابصوت خویه  احسین
ومن عندي تدير العين

علیک امک تجاوبنی 
ــــــــــــــــــــــــــــــــــــــ
یبن امی او خلف عودی یبو السجاد حاجینی 
اصیح او ذاب دلالی یخویه الشمر ياذيني 

حلفتك واون يمك عجب ماتسمع اونيني

ناحت لاختك   الصوبين
ومن عندي تدير العين

فوگ التل واصيح  بصوت
عدل لو میت  الحگنی 


خادمة اهل البيت عليهم السلام العلويه ام سيد مهدي الموسوي

ــــــــــــــــــــــــــــــــــــــ
عدل لوميت احجيلي تره انه بعازتك تدري
غربه وناسها ظلام ونيتهم هتك خدري
وانه بت علي الكرار كلهاتسولف بستري

اربات الفحل والطيبين
ومن عندي تدير العين

خويه وياك اريد الموت
عدل لوميت الحكني

✍️ام احمد الهاشمي

ــــــــــــــــــــــــــــــــــــــ
كون اتمدد انا وياك ونفس اللحد دفنوني
ولا اروحن لاراضي الشام المسبيه يسموني
حاچيني يخويه حسين العده باجر يضربوني

وين انطي الوجه لاوين
ومن عندي تدير العــين

يشيلونك بلا تابــوت
عدل لو ميت الحگني

ام صــ✍️ــــادق المنصوري ــــــــــــــــــــــــــــــــــــــ
النوگ الهزل اركبنا رحنه وما دفناكم 
سامحنه يماي العين غصب عنه تركناكم
صح عفتك على التربان بس ابگلبي ذكراكم

يظل خالد بگلبي سنين
ومن عندي تدير العــين

شيصبر الگلب مفتوت
عدل لو ميت الحگني

✍🏻العلوية أم منتظر جمال الدين
ــــــــــــــــــــــــــــــــــــــ
ماانساك حد الموت لوبيدي بمهجتي اشريك

مشيت وبس تركت الروح غصه بنص دليلي اعليك
لاخلوني اشبـــــع نوح ولاعد الجروح البيك

بكلبي ضلت انياشين
ومن عندي تدير العين
الحزن والهم الي  منعوت
عدل لو ميت الحگني
ام عــــ✍🏻ــــــلي البابلي
ـــــــــــــــــــــــــــــــــــــــــــــ

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ/3/ذو القعده / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

( لطمية فزاعيه في حق فاطمة الكبرى عليه السلام )


نسیتونی یبو السجاد
ما گلتوا ابنیتنا
""""""""""""""
اونن والدمع همال
ابوی امن المدینه شال
والله افراگهم چتال

ما گالوا عزیزتنا

""""""""""""""

جفونی او راحن عیونی
بعد ما اضن یمرونی
یبویه ليش عفتوني
اشوکت ترجع یلمتنا

خادمة اهل البيت عليهم السلام العلويه ام سيد مهدي الموسوي

""""""""""""""

اشوكت ترجع وليه تعود
وافرح ونزع انه السود
شخصك بالنزل موجود

ياغالي ويهيبتنا

✍️ام احمد الهاشمي

""""""""""""""
يا هيبة ودلالي الراح
عگبك ما اظن ارتاح
لا نلتم نشوف افراح

يالشوفك سعادتنا

✍🏻العلوية أم منتظر جمال الدين
""""""""""""""
اوداعه والله حيرني
ودمع العين صاحبني
من شال الضعن عني

طايح عمد خيمتنا

ام ✍🏻رحمه الگاظميه
""""""""""""""
بعـد ماترجــع ايامــه
عگبه الليــل مانامــه
الابو خلاني محتامه

انطفت ياوسفه شمعتنا

✍️ام صادق المنصوري
ـــــــــــــــــــــــــــــــــــــــــــــ

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ/5/ذو القعده / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️