✨ Yorqinjon domla va istixora

✔️ «Maʼrifat yoʻlining yorqin yulduzi» nomli Yorqinjon domlani xotirlab oʻtkazilgan tadbirdagi Husaynxon Yahyo Abdulmajid nutqidan parcha.

📍 «Hilol Nashr» nashriyoti. 21.12.2024

📹 Toʻliq nutqni tinglang: https://youtu.be/akcsNx-oguI

@hasanhusayn

✨ «Attang, oʻshanda ziyorat qilib olsak boʻlarkan»

✔️ «Maʼrifat yoʻlining yorqin yulduzi» nomli Yorqinjon domlani xotirlab oʻtkazilgan tadbirdagi Husaynxon Yahyo Abdulmajid nutqidan parcha.

📍 «Hilol Nashr» nashriyoti. 21.12.2024

📹 Toʻliq nutqni tinglang: https://youtu.be/akcsNx-oguI

@hasanhusayn

✨ Husaynxon Yahyo Abdulmajidning Yorqinjon domlani xotirlab qilgan nutqlaridan nuktalar

1. Natijalar bilan kifoyalanib qolmang

2. Yorqinjon domla va ixlos

3. Yorqinjon domla va zehn

4. «Rasulullohni ﷺ tushimda koʻrdim»

5. «Tahajjudni oʻtirib oʻqirdilar»

6. «Shayx Yorqin, toʻgʻrimi?»

7. «Bitta fanqala kifoya»

8. Yorqinjon domla va samimiyat

9. Yorqinjon domla va istixora

10. «Attang, oʻshanda ziyorat qilib olsak boʻlarkan»

📹 Toʻliq nutq: https://youtu.be/akcsNx-oguI

@hasanhusayn

#tanlov

📣 Ertaga tanlov

«Arbaʼin Navaviyya» tanlovining 7-bosqichi ertaga boʻlib oʻtadi.

Savollar @hasanhusayn sahifasiga 11:00 da joylanadi.

⚡️ Javoblarni yuborish uchun 25 daqiqa beriladi. Bu vaqt ichida eng tez va toʻgʻri javob bergan 10 ta ishtirokchi aniqlanishi bilan javoblarni tekshirish toʻxtatiladi.

🥇 10 ta ishtirokchining hammalariga hadya, yuqori oʻrindagi 5 ta ishtirokchiga hadyadan tashqari ball ham beriladi.

Quyida tanlovga oid eng koʻp berilgan savollarga javoblarni keltiramiz:

❓ Tanlovda qatnashish uchun roʻyxatdan oʻtish kerakmi?
✔️ Yoʻq, roʻyxatdan oʻtilmaydi. Vazifa qilib berilgan suhbatlarni tinglaysiz, tanlovda qatnashaverasiz

❓ Savollarga javobni faqat yozma shaklda yuborish kerakmi?
✔️ Yoʻq, xohlasangiz qogʻozga yozib, uni rasmga olib yuborsangiz ham boʻladi

❓ Javoblarni qayerga yuboramiz?
✔️ Maxsus profilga yuboriladi. Bu profil ertaga savollar bilan birga sahifaga joylanadi

❓ Savollar test shaklida beriladimi?
✔️ Yoʻq, yozma shaklda beriladi. Javoblar ham yozma shaklda qabul qilinadi

❓ Avvalgi bosqichlarda qatnashmaganlar ham tanlovda qatnashishlari mumkinmi?
✔️ Ha, albatta. Bemalol qatnashishlari mumkin

❓ Tanlovdagi savollarga daftarga yozib olgan maʼlumotlardan (konspekt) olib javob bersa boʻladimi?
✔️ Ha, boʻladi

Tanlovga oid yana savollaringiz boʻlsa, izohda yozib qoldiring. 😊

@hasanhusayn

#tanlov

📣 Bugun 11:00 da «Arba’in Navaviyya» tanlovining 7-bosqichi boʻlib oʻtadi.

👉 @hasanhusayn

#tanlov

«Arbaʼin Navaviyya» tanlovining 7-bosqich savollari

1. Hozirda baʼzi odamlar biror ish haqida bemalol joiz-joizmas deyishga oʻrganib qolishgan. Ustoz 30-hadis sharhida salaflardan birlari haqida gapirib, ulardan biror ish haqida soʻralsa, harom yoki halol deyishdan qoʻrqib, «Yoqtirmayman», «Yaxshi koʻraman» derdilar, deb aytadilar. U zot kim ekanligini ayting.

2. Ustoz qaysi hadis haqida: «Qisqa soʻz bilan katta maʼnolarni ifodalash quvvati faqat Rasululloh alayhissalomda boʻlgan. Ana shunday quvvatni ifoda etadigan hadislardan bir mana shudir», deb aytganlar?

3. 29-hadisda «sadaqa xatoni oʻchiradi», degan jumla bor. Ustoz hadisdagi ushbu soʻzni sharhlab, nima uchun aynan sadaqa xatoni oʻchirishini aytadilar. Sababini siz ayting.

4. 31-hadis sharhida ustoz zuhdning eng quyi darajasi yoki zuhdga birinchi qadam qanday boʻlishini aytadilar?

5. Islom odamiylik, insoniylik dinidir. 33-hadis sharhida ustoz odamiylikning kamoli nima bilan yuzaga chiqadi, deb aytganlar?

6. Islomning mohiyati bandani Allohga bog’lashdir. Bu haqida 29-hadis sharhida batafsil aytiladi. Ustoz ushbu suhbatda bandani Allohga bog’lashning asosiy omili deb nimani aytadilar?

7. «Dunyo kelsa, xursand boʻlmaydi, ketsa, xafa boʻlmaydi». Bu kimning nimaga bergan taʼrifi?

8. «Savobni olibdi, iqobdan qutulibdi, Allohning dinidagi haqlarini oʻtabdi, toʻla dinga amal qilibdi». Ibn Samoniy ushbu taʼrifni qaysi hadisga amal qilgan kishi haqida aytgan?

9. Ustoz 33-hadis sharhida sunnatga amal qilgan odamning axloqi go’zal sayqallangan bo’lishini keltirib, hatto o’ziga nisbatan bir ishni qilishgacha borishini aytadilar. Sunnatga ergashgan axloq egasi qanday ishni oʻziga ravo ko’radigan darajaga yetadi?

10. Hadisda «Roʻza doʻzaxdan toʻsuvchi qalqon» deb keladi. Muhammad ibn Munkadir: «Agar yirtib qoʻymasa, roʻza doʻzaxdan toʻsuvchi qalqon boʻladi», deb aytadilar. Ustoz suhbatda nima qilsa, roʻza yirtilishini aytganlar?

11. Rasululloh alayhissalom qoʻyning qoʻlini yaxshi koʻrganlari haqida rivoyatlar bor. 31-hadis sharhida Nabiy alayhissalomning nima uchun qoʻyning qoʻlini yaxshi koʻrganlari aytiladi. Sababini siz ayting.

12. Biror ishni vojib deb aytish Allohning nomidan gapirishga tengdir. Shu uchun bu haqida gapirishi xatarlidir. Ustoz 30-hadis sharhida shu haqida toʻxtalib, Ibn Qoyyumning asarlaridan birining nomini aytadilar. Ibn Qoyyum fatvo egalarini nazarda tutib, kitobini qanday nom bilan nomlagan ekanlar?

13. Hadisni davom ettiring: «Kim bir moʻminga zarar yetkazsa, ...».

14. 31-hadis sharhida dunyodan va odamlarning qoʻlidagi narsadan zohid boʻlgan kishiga qanday fazilat berilishi aytiladi?

15. Roʻza — doʻzaxdan toʻsuvchi qalqondir. Qalqonni gʻiybat qilish yirtar ekan. Yirtilgan qalqonni tikadigan narsa nima ekanligi hadisda keltiriladi. U nima?

👉 Javoblar 11:25 gacha qabul qilinadi;

👉 Ikkinchi marta yuborilgan, tahrirlangan javoblar qabul qilinmaydi.

👉 Javoblarni bitta matnda yozib yuboring.

✔️ Javoblar @hasanhusaynadmin ga yuboriladi.

@hasanhusayn

#tanlov

✨ «Arbaʼin Navaviyya» tanlovining 8-bosqichi 9-fevralda boʻlib oʻtadi

✔️ Ushbu bosqichda suhbatlarning 34, 35, 36 va 37-qismlari vazifa qilib beriladi.

Suhbatlarni @husaynbuxoriybot dan hamda YouTubedagi ushbu havoladan tinglashingiz mumkin.

😊 Avvalgi bosqichlarda qatnasholmagan boʻlsangiz, hechqisi yoʻq. Oldinda yana 2 ta bosqich sizni kutib turibdi. Bemalol suhbatlarni tinglab, tayyorlanib, tanlovda qatnashishingiz mumkin.

📌 Maʼlumot uchun, ushbu bosqichda ikkita noodatiy holat kuzatilmoqda. Birinchisi, tanlov har oyning birinchi yakshanba kuni oʻtkazilar edi. 8-bosqich esa maʼlum sabablarga koʻra fevralning birinchi emas, ikkinchi yakshanba kuni, yaʼni 9-fevral sanasida oʻtkaziladi.

Shuningdek, 8-bosqich uchun berilgan suhbatlarning davomiyligi avvalgilarga qaraganda uzunroq boʻlgani sababidan ishtirokchilarga yengil boʻlishini istab 5 ta emas, 4 ta suhbat vazifa qilib berildi.

Eslatib oʻtamiz, «Arbaʼin Navaviyya» tanlovimiz yakunlanishiga ikki oy qoldi: fevral va mart oylaridagi bosqich oʻtganidan soʻng tanlovimiz oʻz nihoyasiga yetadi. 🔽

@hasanhusayn

Siz tanlovga kim bilan qatnashyapsiz?

Alloh taologa hamdlar boʻlsin, «Arbaʼin Navaviyya» tanlovi boshlanganidan buyon insonni xursand qiladigan holatlar koʻp kuzatilmoqda. Tanlovga homiy boʻlayotganlar, sovgʻalarni 3 tadan 10 taga yetkazilishiga xayrixoh boʻlganlar, 6 oydan buyon har oydagi bosqich gʻolibiga «Tafsiri Hilol» toʻplamini hadya qilayotganlar, yoshi keksa boʻlsa ham tanlovda ishtirok etayotgan buvijonlar va hokazo.

Quyida yana shunday xursandchilik holatni sizlar bilan boʻlishamiz. Bugungi qahramonlarimiz farzandlar tarbiyasi, kundalik yumushlar, uy-roʻzgʻor, ishdan ortib, Hasanxon Yahyo Abdulmajid tomonidan sharh qilingan «Shamoilul-Muhammadiya» tanlovidan buyon qatnashib kelayotgan, tanlovga vaqt ajratayotgan, deyarli har bir bosqichda gʻoliblar qatorida boʻlayotgan er-xotinlardir.

Keling, ular haqida bizdan emas, oʻzlaridan eshitamiz.

«Assalomu alaykum. Eng avvalo tanlov tashkilotchilari – sizlardan va ustozlarimiz Hasanxon va Husaynxon qorilardan Alloh rozi boʻlsin. Ularning suhbatlarini tinglab, oʻzimiz uchun, ikki dunyoyimiz, va, oxiratimiz uchun koʻp maʼlumotlar olmoqdamiz. Shu maʼlumotlar asosida oʻzimiz va farzandlarimiz tarbiyasini isloh qilish harakatidamiz.

Biz tanlovga turmush oʻrtogʻim bilan birgalikda qatnashamiz. Tanlovlar tashkil qilinishidan avval turmush oʻrtogʻim ustozimiz Hasanxon qorining «Shamoilul-Muhammadiya» suhbatlarini tinglab yurardilar. Tanlov tashkil qilingach, menga ham tanlov oʻtkazilinayotganini, unda qatnashsak, sovrinlar boʻlishini aytdilar. Rosti, boshida sovrinlar uchun qatnashgandim.

Ilk tanlovda qatnashgan kunim, unga tayyorgarlik jarayonlari hali ham esimda. Suhbatlarni bir martadan eshitib, kerakli joylarini yozar edik. Tanlovning birinchi bosqichi boʻladigan kun keldi. Savollar biz uchun juda qiyindek tuyuldi. Vaqt shunaqa tez oʻtib kettiki, 4-5 ta savolning javobini yozishga ulgirmadik. Shunday boʻlsa ham bor javoblarni yubordik. Ammo natijalarni koʻrib, yanada yaxshiroq tayyorlanish kerakligini tushunib yetdik.

Shundan keyin bitta suhbatni 3-4 marotaba eshitadigan boʻldik. Har safar eshitganda yangi-yangi maʼlumotlar topardik va qayd qilib borardik. Bir-birimizga savollar berardik. Farzandlarimiz ham yonimizda suhbatlarni tinglashardi.

Keyingi tanlov kuni keldi, savollarga javob berdik va adminga yubordik. Soʻng turmush oʻrtogʻim bilan bir-birimizning javoblarimizni tekshirdik, solishtirdik.

Shunday qilib sekin-asta tanlov hayotimizning bir qismiga aylana boshladi. Safarda ham tanlovga qatnashishga harakat qilardik. Biz uchun endi sovrinlar, oʻrinlardan koʻra tanlovning asl mohiyati, toʻgʻri yashash, Rasulimiz sollallohu alayhi vasallamning axloqlari bilan axloqlanish, odamlar soʻzlaridan koʻra Alloh taoloning roziligiga intilish muhimroq boʻlib borardi. Bu uchun sizlarga alohida, cheksiz minnatdorchilik bildiramiz».

Ruxshona Umarova

Siz tanlovga kim bilan qatnashyapsiz? 😊

* Maʼlumot uchun, ushbu er va ayol 7-bosqichda 2 va 3-oʻrinni egallashdi

@hasanhusayn

#maʼlumot

✨ «Oʻtkan kunlar» romani haqidagi suhbatga marhabo!

«Kitobxonlik maktabi» loyihasining 142-sonida oʻzbek adabiyotidagi birinchi roman, Abdulla Qodirining qalamiga mansub «Oʻtkan kunlar» romani haqida suhbat boʻlib oʻtadi.

🤩 Suhbatga Qurʼoni Karim hofizi Hasanxon Yahyo Abdulmajid, filologiya fanlari doktori Bahodir Karim tashrif buyuradilar.

Tadbir davomida badiiy adabiyotning oʻrni, kitobxonga beradigan foydalari va, albatta, «Oʻtkan kunlar» romani, romandagi kitobxon eʼtibor berishi kerak boʻlgan nuktalar haqida ustozlardan eshitamiz.

📣 Suhbat 14-yanvar kuni 14:00 da «Hilol Nashr» nashriyotining majlislar zalida boshlanadi.

Marhamat, badiiyat kechasiga tashrif buyuring! 😊

@hasanhusayn

«O‘tkan kunlar»ni har yili o‘qib chiqish kerak

✔️ Husaynxon Yahyo Abdulmajidning o‘zbek adabiyotidagi birinchi roman haqidagi fikrlari.

Eslatib o‘tamiz, 14-yanvar 14:00 da «Hilol Nashr» nashriyotining majlislar zalida ushbu asar haqida suhbat bo‘lib o‘tadi. Tadbirga Hasanxon Yahyo Abdulmajid mehmon bo‘ladilar. 😊

@hasanhusayn

«O‘tkan kunlar»ni har bir o‘zbek o‘qishi kerak

✔️ Hasanxon Yahyo Abdulmajidning go‘zal roman haqidagi fikrlari.

Eslatib o‘tamiz, 14-yanvar 14:00 da «Hilol Nashr» nashriyotining majlislar zalida ushbu asar haqida suhbat bo‘lib o‘tadi. Tadbirga Hasanxon Yahyo Abdulmajid mehmon bo‘ladilar. 😊

@hasanhusayn