#murojaat

Hurmatli «Arbaʼin Navaviyya» tanlovining ishtirokchilari!

Xabaringiz bor, kuni kecha tanlovning 3-bosqichidagi 10-savol yuzasidan koʻp eʼtirozlar kelib tushdi. Ammo aytishimiz kerak, faqat yuqoridagi eʼtiroznigina hamma koʻrdi, shaxsiyda umumiy savollar yaxshi tuzilmaganini, savollarning javobi bir necha xil ekanini va yana boshqa sabablarni aytib, qoʻpol tarzda eʼtirozlar bildirildi.

Shu bilan birga bizni toʻgʻri tushunganlar ham oʻz fikrlarini bildirishdi. Bu uchun sizlarga minnatdorchilik bildiramiz!

Quyida shu haqida – tanlovga va kunlik sahifaga joylanayotgan savollar haqida oʻz yoʻnalishimizni bildirib oʻtmoqchimiz.

Yana bir bor qayta eslatamiz, tanlovni tashkil qilishdan maqsadimiz – odamlarga Islomning asl mohiyatini anglatuvchi «Arbaʼin Navaviyya» suhbatlarini eshittirish, bu bilan ularning ilmlarini yangilash, ziyoda boʻlishiga sabab boʻlish.

Endi savollarga kelsak. Agar savollarni tuzishda faqat hadislardan yoki salaflarning gaplaridan, ular bilan boʻlgan voqealardan tuzsak, yuqoridagi maqsadimiz hosil boʻlmay qoladi.

Agar shunday qiladigan boʻlsak, tanlov ishtirokchilari suhbatlarda ustozning sharhlarini emas, faqat hadislar va salaflar haqidagi joylarini eshitib, shu yerlarinigina diqqat bilan tinglashadi.

Shuning uchun ham savollarni koʻproq ustozning sharhlaridan foydalanib tuzamiz. Bu bilan tinglovchilarning tanlovga tayyorlanish jarayonida koʻproq ustozning fikrlarini diqqat bilan tinglashsin, Islomning haqiqatini tushunishsin, degan maqsadga yetishga harakat qilamiz.

Maʼlumot uchun, 3-bosqichdagi bir nechta savollar ustozning sharhlaridan olingan. Ishtirokchilar yuborgan javoblarning aksariyatida aynan ustoz suhbatda aytgandek yozilgan. Yaʼni savolimizga turli xil javoblar kelmagan, ustozning tillaridan chiqqan soʻzlarni yuborishgan. Buni bizga bildirilgan eʼtirozlarga bir javob uchun aytib oʻtdik.

Sizlardan soʻrab qolamiz, biz joylayotgan savollarga javob berishda Husaynxon Yahyo Abdulmajidning boshqa suhbatlaridan, har xil kitoblardan, internetdan emas, aynan «Arbaʼin Navaviyya» suhbatlaridan javob yoʻllang. Shunda katta ehtimol bilan adashmaysiz, ichingizda ortiqcha savol qolmaydi, ustoz shunday aytgan ekanlar, degan ishonch hosil boʻladi.

@hasanhusayn

«Arbaʼin Navaviyya» tanlovining eng nuroniy ishtirokchisi

Maʼlumki, kuni kecha «Arbaʼin Navaviyya» tanlovining 3-bosqichi boʻlib oʻtdi. Ushbu bosqichda ham odatdagidek yuqori oʻrinni olgan 3 ta ishtirokchiga hadyalar joʻnatildi.

Ammo bu bosqichda hadyalarni berishda bir istisno qilishni oʻyladik. Tanlovning bu galgi bosqichida 72 yoshli onaxon ham (bizga maʼlum boʻlgani) ham qatnashdilar!

Izohda ular ham tanlovda ishtirok etmoqchi boʻlganlari, lekin vaqt yetmay qolib, javoblarni yubora olmaganlarini yozibdilar.

Bu holat bizni quvontirdi. Onaxon ham hadis sharhlarini tinglab, Rasululloh sollallohu alayhi vasallam tugʻilgan muborak oyda U zot alayhissalomga bir qadam yaqin boʻlishga ulguribdilar.

Hammamiz bu onaxonning himmatlaridan, ixloslaridan oʻrnak olishimiz kerak. Bizlarga ham ulardek ilmga muhabbat nasib qilsin!

Onaxonga «Solihlar suhbati» kitobi hadya qilinmoqda.

@hasanhusayn