- مولاتي ام البنين عليها السلام
شور
**

الحياة الانـته مو بيها
وحگك كلشي ما تسوه

درب جيتــك أفرشـنه
بملگه ودمعتي وفدوه

اتانيك ونمـــــت وگفه
وناطر طيفك ايمـرني

يبن گلبي عليك اعطش
وينك يابو الامـــــروه
--------

يبس كلــشي بليـــــاكم
بس شوگي الك خضر

وانسه الروح اذا انساك
وضل كل عمري اتنطر

اشكثر اكتب تعال الحگ
عله الي ضال من روحي

اروحن وآشـــــتم ابابك
عشرتي اوياكــــم اتذكر

******

من اسمع صبـــاح الخير
اجاوب خيرنه امســــافر

أگولن باچــــــــــــر ايعاود
جزه اعله الفرگه چم باچر

بكثر نبضــك أفـــز انـــــه
يل احنـــين يبــو اسكينه

وروح اتحسس امچـــانك
فـــــراغ وبي كسـر خاطر

-------

بطيتو اشصاير اوياكم
چا يمته الشـــمل يلتم

تاكــــل بيه حســـباتي
وحس بصبــري يتثلم

چفوف الفرگه تخنگني
وجر انفــاسي بالگوه

كوثر فاطـــمه امغرب
حگه لو حــزن زمـزم

***

عاد اتراب من جدمك
وديلي يبو ارقيه

اشمه وروحــي اتهود
حيل اختنگت الريه

يبقى اينازع المشتاگ
لاچن روحــه ما تطلع

وانه اعيوني مشبوحات
اضل اتنطــــر الجــيه

------
ضيعتك واشوف الشيب
تحزم يركض آبراسي

وحگك يمــــه متعوبه
وريدك يا أعـــز ناسي

أي يا يوسف ام عباس
هلبت سالـــــم اتردلي

ميته من الوجع والشوگ
عطرك ضال بـ انفاسي

****

تبدن حلمي ودموعي
يابو ارقــــيه جدامي

ما ريدن عرش بلقيس
عليكم هالگلب ضامي

الليالي كلشي ما خلت
لا من عافيه ولا حيل

آشيضل بيه وشوفنك
تجيني بچم حلم دامي

--------

وشفتك بالحـلم متعوب
بس ما اعرف اشصــاير

اديك اعله الخواصر ليش
واگــــف وگــفة الحــاير

الحلم بالراس مو بالعين
چا گتلك عمت عيني

ولو هيه انعمت يحسين
شفت يمك گرب حافر

*****

وقميــــصك دامي يا يمه
يل متحــــــزم آبصـــبرك

اشخذت منك هذيچ الگاع
شنهي الي كســـــر ضهرك

اذا عباســـــــــك الطــايح
فدوه والبگــــــــه براسك

يكونك ســــــــالم اتردلي
احط عمري على عمـــرك

----------
يا رحلة شجن وآهات
هاي المني ماخذتك

يفيض الرحمه للوادم
عليمن خيل گاصدتك

يشيخ الساده والدنيه
جارحني الاشوفك بي

كلش صعبه يا مولاي
تطيح گبال عايلتك

دستورهای سفارشی

(( قصيدة لتشييع نعش مولاتي ام البنين عليها السلام ))



شيعو نعش الطاهره الوفايه ..
هذا نعش ام الوفه آعظم ايه

******

شيعو نعش ام البنين ام الــوفه
نعش مدرسة الصـــبر والعاطفه
من بچت لحسين تبچي بمعرفه

وبيدها العبــــــــاس سوت رايه
شيعو نعــــــش الطاهره الوفايه

*******

هذا نعـــش ام البنين ام الصبر
وصت الويـــلاد يحمون الخدر
ولجل ابو السجاد ينطون العمر

وطاح ابو فاضل عل امســنايه
شيعو نعــش الطاهره الوفــايه

*******

هاي نذرت للحســـين اربع ولد
مثل ام عبــاس لا مــــا ينوجد
يا وسافه شلون ويضمها اللحد

هذا نعش الصافيه امصفايه
شيعو نعش الطاهره الوفايه

******

جية ابو السجاد ضـــلت تنتظر
وبالگـــلب نيران ضــلت تستعر
عيونها مشـبوحه للضـعن اليـمر

دموعها ضــــــلن عل امصلايه
شيعو نعش الطــاهره الوفــايه

********

وابن حذلم حين جاب الها الخبر
عظم الله اجرج يگـــلها بل گــمر
تگله سولفلي على ضــــي البصر

حسين اهم شي يابشر والغــايه
شيعو نعش الطــاهره الوفــايه

*******

عظم الله اجرج آحسينچ منذبح
مطبر وراسه علـــى سـن الرمــح
تگله ما يشــــــفه ابد هذا الجـرح

هي مدرســة الوفــــه امسمايه
شيعو نعش الطــاهره الوفــايه




# رائد البزوني

سلام سلام سلام سلام
من الخيم للعلگمي وديت ألك سلام
********

گالولي اخوچ اعله النهر
دم جامد اعله عينه

معقوله ما شوفك بعد
يل من زغــر ربيــنه

آ يا سوالفنه المـــضت
ما انسه كل حچينه

تذكر لمن نگعد سوه
اعله آمي شكثر بچينه

الروحك قريت الفاتحه بس عيني للخيام
*********

من راسك الجدمك وفه
آ يا بعـــــد حنينــي

چان الهـــــوه يمك يمر
يترخــص ويجيني

يل جنت كلشي بدنيتي
عشت بوسط وتيني

احسبني ميته من رحت
هسه انتهت سنيني

يل گعدتني بناضرك تارسني اهتمام

*****

شايب حسينك من رجع
گلالي خويــه ضعنه ..

كون الله لا ينطي النهر
كاسر ضهر خيمـنه ..

تدعيلك اطفـــال الخيم
سالم يجينه عمــنه

گالولي نترس جربته
يا زينب آبدمعــنه

اش يقنعهم انته ما تجي مطيحتك السهام

******
ادموع اليتامه التانتك
ما نشفت اعله خدها

وحسيـن راح الخيـمتك
طيحهه من عمـــدها

گلالي ما ضل عدي اخو
روحي رحــل سندها

اسهام الي گصدت للخيم
عباس اخونه صدها


ضل الگمر فوگ النهر ومحاوطه الضلام

****

من طاح شيال العلم
هسه انتهت حياتي

من العلكمي الحد الخيم
نازفــــــها ذكرياتي

من راسي الجدمي جرح
شمسويه نايباتي

ولو هجمت اخيول العده
عدمن اضم بناتي



بالجيش شح المستحه وغطاهم الحرام


#رائد البزوني

واويلي على زينب
واويلي على زينب

دم عـباس مـا يابـــــس بديــه
واجوني وصاحو اعليه السبيه
چبيـره بالعــــــمر وبــلا تچــيه
وليه تنولي الما عدهـا خـــوان
.
واويلي على زينب
واويلي على زينب
*****

الهضيمه الما اله فزعــه بحـياته
يصيح حســين طلـــعو امدللاته
ويم راس الكفيل ايطگ خــواته
او جدامي يشــتم گمــــر عدنان

واويلي على زينب
واويلي على زينب
*****

الچبيره اعله الهزل طيحته كلـفه
جـــدام الغــــرب و عيــون صلفه
والشـامت بعــــــد بيــــمن تحلفه
و عله سـن الرمـح مشـيول قـرآن

واويلي على زينب
واويلي على زينب

*****

الجــدام الكــفل ما شـــال ســـيفه
اجه المتني يوسفه واخـذ حــــيفه
أشهـدو گـــــــالهـم يـــــــم الخليفه
أنا اول من ضرب بت سيد الاكوان

واويلي على زينب
واويلي على زينب
*****

صـاحـــــو زينــب انذبـحو أهــلهه
ودسنــــه بخــيلنه صـــدر الكفلهه
وعليــــــنا دارت العـــدوان كـــلهه
واشباه الزلــم تضـــرب النســـوان

واويلي على زينب
واويلي على زينب
*****

الشمر من شفته كظ راية چفيلي
يهز بيها او يگــــــلي خل يجـيلي
ادور اعله النبـض ماهــو بدلــيلي
عگب عباس طالع للعدو الــسان

واويلي على زينب
واويلي على زينب
*****

يابس ريجي من حر الضهاري
ويا ميلـــة الهـزل بل صحاري
عيله ابلا ولي اتطــــر البراري
وبزينب غده الچتال شمــتان


رائد البزوني

بالحــــشر مأتـــــــــــم قـــره
يگــــول زينــب مـــــو مـــره
هــــي دنــــــــــــــيه واخــره

بحلمي شفته. بحلمي شفته

*****

گبل لايبتــدي المجـلس. قــرو ايات النحيب
شفت يم الباب واحــد. گاعد اعرفته حبيـب
ينحب وذب العـمامه. يصيح آ يخت الغريب
المهدي يصرخ عمه زينب. شفته وبموقف عجيب

چفونه چن تمطر دمه
يصيح ياضعن السـمه
عمــــه اريـــد المعذره

بحلمي شفته. بحلمي شفته

*****

طــه هـو الشفـته يقرا. وشفت حاضر
كل نبي
وشادين اللطمه كلهـــم. لا عمـامـــه
ولا عبي
اعد گـــــــلوله يطــــه. من قــرا بيت السبي
وعله المنبر طاح حيدر. من ذكر سوط اجنبي


ياجبل يصعـــدله تـل
بزينبي هـــذا الحصل
هذا صـــوت الحيدره

بحلمي شفته. بحلمي شفته

*****

يلطم العـباس شفـــته علـــه صـدره بنــص ادين
بعين وحده شفته يبچي العين الاخرى مدري ويـن
اتذكرت فوگ الشريعـــه. من هـــداهـا للحســــين
انحيبهم تارس المجلس. بالأخص ذوله الثــــــنين


بهيده يلطم عل صدر
حسين ويريد العـــذر
لن ضلوعه مكـــــسره

بحلمي شفته. بحلمي شفته
*****

شفت مجلس نسوي وحده. يبعث اهات وأنين
فوگه خطو هذا مجلس. بي دموع ام البنين
شفت حوا اوياها مريم. عزن ام گــلب الحزين
واجت تتوچه بضلعهه. فاطمه اوياها الجنين

عدهه چفين الكفــيل
وصلت وزاد العـــويل
عله الحــــره الطاهره

بحلمي شفته. بحلمي شفته

*****

العليله وي رقيــــــــه يبچن وموقف
فضيع
شفت محسن طير شابگ. نحر عبدالله الرضيع
يگله ياعبدالله مهلا" تــــرا دمــك
مايضيع
لله كلمن يطي دمه. يصير للــــوادم
شفيـــع

مجلس وناگع دمــع
بكل كتر علگو شمع
للعقيله المفخـــــره

بحلمي شفته. بحلمي شفته

*****

امي ندهتني وتگلي. . من نمـت مالك تنـوح
وانه فزيت بدموعي. وريحة المأتم تفوح
گلت يمه اليحب زينب. شيبه يطلع بالجروح
عاشت ابحر المصايب. مثل طوفان اويه نوح

من دمع زينب رســيت
واشرحت لمي وبچيت
بگــت تبچـي محـــيره

بحلمي شفته بحلمي شفته


#رائد البزوني

آيا زينب ---- آيا زينب

*********
رحلـــــــة العاشـــقين - صوراها الدهر
يسري ركب الشموس - يحدي بيهم گمر

عن درايه ويقين - وفاكره ومعرفه
مطمئـنه النفوس - باليخــطه القدر

ضعن القداسه هالضـعن
خـارج عن ادراك الزمـن
احــروف زيـــنب اربعـه
گبل الخلـــيقه اتقـدسن

عليها آجـــنوني -- وودر آعيـوني
اعله درب الحره -- شكثر عادوني

شرف خدمتهه - رحت فـدوه الهه
الف هنيـــــالي - صـرت خـــادمهه

********

بابــه للمذنـــــــبين - والخلص توبته
تگصده ويمدلك ايد - يا كبــر رحمته
لو تهــــت بالذنوب - والنفــــس والأنا
اتركهن و للحسـين - چلـــب بخيمته

هذا طريــــق المغــــفره
الكلـــــمن يدور اخــــره
وهاي الدموع انه اعتقد
من جــود سبع الگنـطره

بعزاء الضامي - حبيبي الدامي
بثياب الخدمه - اعـيش ايـامي

الصدر لو شگه - قليــــل بحگه
مثـل حنيــــته - ابــد مـا الــــگه


********

يلي تخدم حسين - خلي عندك علم
لو ذنـــوبك جبال - بالدمــــع تنهـدم
لا يغــــرك كـــلام - تاخذه من البعض
اتمسك بهالطريق - بالحچي لا تــهم

العنه انمنع ماي الشرب
للتوبه ســــــوالك درب
سخر فــــــؤادك للضعن
لتميل عنــــه وتنغـــلب

التعب من اتعب - تسجـله زينب
ورد حيل اجزع - اخوها مسـلب

الخيام الحــــره - بدليـــلي جمره
يرب ما تطـــفى - وتضل مستعره

*********

ما يفـــــيد الرياء - اخــــدم بفطــرتك
گله مـولاي اروح - فدوه انه الشيبتك
ما تجازي الدموع - لو بچــيت العـمر
حگي اجزع ونوح - والدمـه بلحـيتك

يا منبع الحـــب الصـدگ
يا كوثر ايفيـــض بعـشگ
بدي دموعي اعله الخيم
خل تطفى وانه الاحترگ

عزيز ارقــــيه - يجرح الـــبيه
بدليلي يصدح - صده اللطميه

يبو خيمــــتنه - ادم خدمتــنه
السنين الجايه - نفس جمعتنه


#رائد البزوني

#قصيدة بحق مولاي الامام موسى بن جعفر عليه السلام
-------------------------


شبه زيــنب عمتـك
السجن وي محنتك

حجرة السندي تعيد
مشهد العـــملة يزيد
*********

ساگك المرضوضه تشهد عالكــلام
سيدي لمن تصــــــــــلي بالضـــلام
عمتك صلت عله رمــــاد الــــخيام
الزينب الصلت جلوس ابعث سلام

بيهه الف محنه وكسر
عمتـــــك ام الخـــــدر
سلسله وگيد الحديد
مشهد العمــــلة يزيد
*********

گضلك الباب المجــوسي ابن الحـرام
وزينب الشـامت يكض الــهه اللــجام
مــــن وجــع ساگـك تفــز امـن المنام
ومن تنـام ام عــون تلچــمهه الجـدام

نوم المصوب صعب
ولا رحم عد الغــرب
والجرح لا ما يهيد
مشهد العـملة يزيد

*********
والسجن مـولاي خلصـــته صـــــيام
وبالعــــطش تتـذكـر حســين الأمـام
اهناك من نشفت ارياگه امن السهام
اوحـيد مثـلك لا عشــيره ولا عمــام

وچبدك المسمومه هــم
حرمله كل حــچيه سم
تأمر وتنهي العبيد
مشهد العملة يزيد
*********
سيدي بوسط القنوت اشكد بچيت
وتشكر الله اعله المحن ما عاتبيت
دموعك بطولك عله زينــب جريت
يعينج الله تگــــول ياعمه و نعيت

تشابهن محـــنه وجرح
اتخـــيلت راس و رمح
وطاغيه السووله عيد
مشهـد العمــــلة يزيد
*********
نعشك اهـون عـالم التبــچـي وراه
وچم حبيب اعله الچتاف الشيعاه
بـس ابو الســــــجاد محـد چفـنـاه
باريــــه وچـومة وذر چفــنه دماه

بس علي السجاد اجه
شبگ بوصـــاله وبچه

والحزن لا مو جديد
مشهـد العــملة يزيد



#رائد البزوني

( لسان حال مولاتي أم البنين عليها السلام )

...............................................................

انه وبنيني ومن ضمــــــنهم عباس
لحسين خدام ونحطه اعـله الراس

علمت الاولاد ... يحنون الاجساد
تسليم مطــلق لمن يحچــون اوياه
*********

وصيت ولدي بضعنه من آيخدمـون
گعدة عبيد أگباله كون آيگــــــعدون
بس كون سالم ولدي خل آيطيحون
فـــــدوه أله ويلادي كلــهم يرحــون

ُبعــده يمـــوتني او يرد يحيـــــيني
وبرزخ اشواگ بحســـرتي يراويني

بدروب الاضعون ... دلالي محزون
الأقرب إلي من روحي شلـون انساه

*********
يا يوسف ام عباس يا جرح الــروح
نوح اليتيم الروح بجـــــفاه اتــنوح
يصدح تعالـو هذا جرحـي المـفتوح
والدرب جيته ناظري ضل مشبــوح

بحالات الامنازع يعيـــــش المشتاگ
وكلساع روحه اتشيعه بدرب افـراگ

اسباب الاحزان .. عفت اغله إنسان
آحسين امامي وفدوه اروح الطرواه

*********

آشتم عطر منه بگه اعله الحيـطان
ودمع المحـــــنه ينزل آبلا حـسبان
ترتــيل ارتـــل أسـم سيـــد الأكوان
يا ماي كلشي وكلـشي بعـده ذبلان

متانيته عيني وشابحه الدرب النوگ
هلبت خبر منـــــه الدليـلي المحروگ

يا جرح الاغياب .. ينــزف ولا طاب
والفاگـــــــد يدور النبـــض ما يلــگاه

*********

ليليله مأتم بي جزع تحــت آضلوع
ينقام اله ويلــــطم دليلي المفـجوع
وبروحي يصدح بالعلن ما مســموع
يا عطش روحي الما ترويها ادمــوع

شيب دليلي وخلگي مو بس الراس
من شوگي لحسين الأعز من عباس

عن سيد الاحساس .. گمت انشد الناس
عن غايبي وهنــــــــياله كلمــن شـــافاه

*********

مكسوره خاطر والكــــسر مـــا مجـبور
وسور الصبر طاح او تهدم چم ســـــور
والدمعه تغلي بعيني والــــــدم ايفــــور
امن اسمع صده الچلمات يصدح بالدور

صورة العشــــرة بروحــي لا ما تنـشال
وذيــچ الســوالف من تمــر اعله الـــبال

مشبوحه الاعيون ..صوب اليضعنون
گلبي وقــف لجل الحـــــــــسين وتاناه

# رائد البزوني

قصيدة بحق مولاي القاسم عليه السلام
********


منذبح عريس وتزفـك رماح
واذن الدلال حي اعله النياح

يبني بس راسك أجـــاني
ماتت الـــيمه بلســـــــاني

*********


دمعي متبدي اعله طولي
وخلگي منهوب بخيمنه

چانت اليمـــــه بشــفافك
تطلــع اوياهــا محـــنه

من عساها ابخــت كلمن
بيده يتم كــل فرحنه

حنــتك تكسر الخـــاطر
يل ضحكتك چنهه جنه

عطر هيل وگهوه اشم امن الخيام
واعله فرحة رمله يمه اقره السلام

گطــعو صـــورة حنــــاني
ماتت الـــيمه بلســـــــاني

*********
شوف يعقـــوب الرجعله
شم قميص ابنه ثواني
وانه لمـــــــن ضيــعيتك
ردلي راسك بس عماني
بين حلـمانه ومصــــدگه
هذا جاسم شخص ثاني
اتگربيت وگمت اشــــمن
عطــــر نحــرك روعاني

هو عطرك نفسه بي ريحة حنان
وانخلط وياه عطر امــن الجنان

يعني مذبوحه الأمـــــاني
ماتت الـــيمه بلســـــــاني
********
اثنين يتــشابهن بــــــــــيه
وجهي او لون العــبايه
شفتك بجرحك وكاشـــــخ
لابس امن الحسن صايه
تدري حطو گلـــبي بــــيدي
عليك من داست سرايه
واحمي جسمك مدري متني
وانه تدري بلا حمايـــه

عليك ملتمه الشــــــماته يســلبوك
ومنك اخذو يبني حته هدوم ابوك

السلب ثوبـــك شيبــــاني
ماتت الـــيمه بلســـــــاني
********
ذيج عشرتنه الطـــــــويله
يختصرها بلحضه منحر
حزني بركــــان بضـلوعـي
هيج احســــــنه تفـــجر
ومثل طرت الفجر روحـي
بيهه احس جروحي تنطر
بيــه ذبلــــــت امنـــــياتي
وجرح فگــــدك بيه خضر

زرع روحي وشفتك تحصدك سيوف
وتعب عمري مني ماخــذته الطفـوف

بيــش اعوضــه الدلـلاني
ماتت الـــيمه بلســـــــاني
*********
مره گتلي الدنيه شــــنهي
وگتلك الدنيه ضحكتك
وهسه هاي الضحكه راحت
راحت وذبلت وردتــك
انه ياشعــمة اگـلــــــــيبي
روحي ماعزهه بمعزتك
الناگــه ستر الله علــــيهه
ماتحن مثلي العشرتك


نهر وبلا مــاي شتـفيــده الجروف
والسوالف حزني ماتكفي الحروف


ضيـع الفرحـــه زمــــــاني
ماتت الـــيمه بلســـــــاني

# رائد البزوني

الليله الثانيه من محرم الحرام
قصيدة بحق مولاي الامام الحسن ع
******

اعليه لا تبچين،،،،،، كتريلـــــچ دمـــوع

أيذبلن الجفنين ،،،، لو شفتي الاضلوع

واشكد حجم صبرچ،،،، يل ماگطع دمعچ
*********

بعين اليفگد اعزازه يضيج الكـــون
الگلب لو ينكسر گليلي جبره شلون
يم گلب الكسير وحزنـچ بيـا لــــون
يواهس دنيتي ودلالي آ يم عــــون

ساعة وداعي هاي ،،،،،،، بس صبري العين
الأكثر ايأذيــــچ. ،،،،،،،، امصاب الحسين
ا يل فخر أسمچ، ،،، يل ماگطع دمعچ

1


*********

چبدي والطشت هذا عليـــــچ يعود
بالطف يختي يازينب تطــيح چبود
ساعتهه ونينچ ما أضــــــــــن ايهود
كلشي بعينچ تشوفينه چــــن الحود

بالصبر تتحزمين ،،،،،،،،،،، لو شفتي الاخيول
تسحگ عضيدي حسين،،،،، وبجسمه تصول
چن تسحگ بضلعچ،،،،،، يل ماگطع دمعچ

2

*********

مظلوم انه واعرف لچـــمة المظلوم
چبده هم مثل چبدي بسهم مسموم
يطيح بكتره والعسكـر عليه ايحوم
ساعتهه دمع عينچ يصـــــير ادموم


نهر الوفه وعطشان، ،،،،،،، شابگته تربان
وبسمچ التل ايصير ، ،،، ياتل الاحزان
مرسى الحزن گلبچ ،،، يل ما گطع دمعچ


3

*********

لو نعشه عزيزچ ينضــرب بسهام
صبري ياضوه عيوني عــله الأيام
بالطف يحترگ گلبچ مثل لخــيام
وتشوفين الرماح الشايله الأحلام

تتذكريني اهناك، ،،،، وعـــيونچ تشوف
شمعة عمر جسام، ،،، تطفيهه الاطفوف

الكربله عمرچ، ،،،، يل ماگطع دمعچ


4

*********

وموقـف تقـشــعر لــــــه زينب الابدان
تشوفيـنه وروحـــــچ تمـطــــر ابحزان
بطشت راس الولي مترس دمه وتربان
يزيــد ابعصا يضــــــرب شفته بالديوان


دلالج المجلوم ،،،،، اتخنگه الاهــات
مايرهم الديوان، ،،، للفــــــاطمــيات
بس مانگص عزمچ، ،،، يل ما گطع دمعچ

5


رائد البزوني

( لحن - عبدالله ما مذبوح
ملا - احمد الفتلاوي )
*******

( لسان حال مولاتي أم البنين عليها السلام )

...............................................................

انه وبنيني ومن ضمــــــنهم عباس
لحسين خدام ونحطه اعـله الراس

علمت الاولاد ... يحنون الاجساد
تسليم مطــلق لمن يحچــون اوياه
*********

وصيت ولدي بضعنه من آيخدمـون
گعدة عبيد أگباله كون آيگــــــعدون
بس كون سالم ولدي خل آيطيحون
فـــــدوه أله ويلادي كلــهم يرحــون

ُبعــده يمـــوتني او يرد يحيـــــيني
وبرزخ اشواگ بحســـرتي يراويني

بدروب الاضعون ... دلالي محزون
الأقرب إلي من روحي شلـون انساه

*********
يا يوسف ام عباس يا جرح الــروح
نوح اليتيم الروح بجـــــفاه اتــنوح
يصدح تعالـو هذا جرحـي المـفتوح
والدرب جيته ناظري ضل مشبــوح

بحالات الامنازع يعيـــــش المشتاگ
وكلساع روحه اتشيعه بدرب افـراگ

اسباب الاحزان .. عفت اغله إنسان
آحسين امامي وفدوه اروح الطرواه

*********

آشتم عطر منه بگه اعله الحيـطان
ودمع المحـــــنه ينزل آبلا حـسبان
ترتــيل ارتـــل أسـم سيـــد الأكوان
يا ماي كلشي وكلـشي بعـده ذبلان

متانيته عيني وشابحه الدرب النوگ
هلبت خبر منـــــه الدليـلي المحروگ

يا جرح الاغياب .. ينــزف ولا طاب
والفاگـــــــد يدور النبـــض ما يلــگاه

*********

ليليله مأتم بي جزع تحــت آضلوع
ينقام اله ويلــــطم دليلي المفـجوع
وبروحي يصدح بالعلن ما مســموع
يا عطش روحي الما ترويها ادمــوع

شيب دليلي وخلگي مو بس الراس
من شوگي لحسين الأعز من عباس

عن سيد الاحساس .. گمت انشد الناس
عن غايبي وهنــــــــياله كلمــن شـــافاه

*********

مكسوره خاطر والكــــسر مـــا مجـبور
وسور الصبر طاح او تهدم چم ســـــور
والدمعه تغلي بعيني والــــــدم ايفــــور
امن اسمع صده الچلمات يصدح بالدور

صورة العشــــرة بروحــي لا ما تنـشال
وذيــچ الســوالف من تمــر اعله الـــبال

مشبوحه الاعيون ..صوب اليضعنون
گلبي وقــف لجل الحـــــــــسين وتاناه

# رائد البزوني

* نزال للانصار عليهم السلام


هاي ربعك طالبــت بحگـوگها
اله نشلع كربله امـن عروگــها

******

هاي ربعك من يهـب طوفـانها
والبواتــــر غازلـــــت ميـدانها
جيل جيل ايضل اثـر نيشانها
الزامـطت باچر نگـص السانها

نذب ربــاط ونهــوس فوگـها
اله نشلع كربله امـن عروگــها

******

اربيعـتك باچـــــــر تشـد الغـاره
كلــها قادتهـــــــــــم تدور چـاره
لو نفر بيــــــــنا يســـــــل بتـاره
اوجوهم صفره اتغدي ومحتاره

العادتك باچر نخيـط حلوگـها
اله نشلع كربله امـن عروگــها

******

هالصوارم من تغـــص بدمومها
لاخــر الدنـــــــيا تضـل اعلومها
هل عســـاچر اله نلوي اخشومها
ووين ايضم روحه بعد جيدومها

وحگ عينك هاي سوگ انسوگها
اله نشلـع كربلـــه امــن عروگــها

*******

هاي ربعك من تسرف اردانـــها
والاصايل من نشـــــــد اعنانها
بروسهم حتما" يغــص ميدانها
وحتما" العنـــبر يدوس ادنانها

بالميــــادين النضـــيج طوگها
اله نشلع كربلـه امــن عروگــها

******

وحگ عينـك يا چبيـــــر الساده
انضيج الوسعه اعله كــله القاده
اندوره وين الورث حقد اجداده
نسد دربه وما وما يصح مشراده

زلم عشگت توفي المعشــوگها
اله نشلع كربلـه امــن عروگــها


# رائد البزوني

كربلاء كربلاء كربلاء كربلاء
قصة عطاشى ورحلة اجراح
*******

اعجز أوصف اعجــازي يم بت علي
سر الوجود شلون ايوصــــفه العدم

من اقــرا الم نشــــرح اتخيل جـسد
لحسـين اخوهـا الصـدره ابد ما سلم

واشجم سهم من جسم اخوهـا طلع
مگبل وصــــــــل يم الخــيم كله دم

وذيچ الوصال اتفوح قداح
كربلاء كربلاء كربلاء كربلاء

*********

محـد فــزع لـم عــون مــن حشمت
بس البخــت ويـه العقيـــــله احتزم

الألــــم مـــــا ينشــــــــاف نتحسسه
لاكــن العــاشر جســـــد الـــها الألــم

وذيـچ الخيـول التركــض ابلا وعـي
واگــبالها مـدري چـم ضلـع انهـــشم


وشچم طفل فوگ الجمر طاح
كربلاء كربلاء كربلاء كربلاء

*******

وبكــــربله مـو ســهله چلـــمة عبـي
بستـر العـقيله الكــون كـله انصــدم

امن اكتب أسمـــها تعــرگ المحبره
وحگه الدمع لو ســــال حد الجــدم

الـف وتسعـــــمية جــــرح شاهـدت
غير الســهم لبعــين اخيــــها انثــلم

وروس البخت شالتها الارماح
كربلاء كربلاء كربلاء كربلاء

****

الذبح العظـيم حسـين چــان القـصد
وبيهــا النــبي ابراهيم حيــــل انلچم

زينـب جرحــها بكبـر طــف كــــربله
لـو جبـل عـدها الصـبر چــان انهدم

ما ميتــه زيـنب عايشــه بكـل گلب
مجـروح نبضـه بطـاري عين وسهم


اليذكرها حگه يكظ الاصفاح
كربلاء كربلاء كربلاء كربلاء

****

هو اســم زينب طـــف ترى الوحده
امن التـل لحـد الشــام طفها انرسم

ومـا عنـدي حــق اذكـر الوان المتـن
وخـافن اجـرْح اعيـون راعــي العلم

اليدفنـي كـون ايحطلي شاهـد قبر
سكــــتة مشــاعر اثـر حـادث خـيم


ضعن السمه ويه الغرب راح
كربلاء كربلاء كربلاء كربلاء

****


# رائد البزوني

حي الله الاكبر -- حي الله الاكبر
----------------------------

مختاض الاكبر طــب نينــوه
وبسيفه ما فك حلگه الضـوه
داس الشـــــوارب والاخشوم
لمن نزل ســـــد ريـج الهــــوه

آنه الاكبــــــــــر نــاده
ورجفـــــــــــاها القاده
يا حـــــــلاة عيـــــونه
ابن شيـــــــــخ الساده

꧁꧁꧁꧂꧂꧂꧂

بسيفه الصــــــــــوارم اتثـلمت
والروس الاكبــــــــــار اتكسرت
ليـث الميـــــادين و الارمـــــاح
خلاهـــــا برگبـــــهم التــــــوت

زلزاهـــــــا الحومـــــه
والزلـــــــم ملچومــــه
هاشـــــمي وطـــــباها
ويسحگ اعله الچومه

꧁꧁꧁꧂꧂꧂꧂

طب چنه عزريل هيـــــچ انوصف
بنصـــــهم ابابيـل چــــــنه عــصف
يبــــــــدي بطرفــــــــــــهم يدوسه
ايجيـــــبه او يطبـگه بذاك الطـرف

بطل كـــــلها اتهــــــابه
مثـل قـــــالع بــــــــابه
وابن غـــــانم زامــــط
گطع راســـــه وجــابه

꧁꧁꧁꧂꧂꧂꧂

ليث الحـــــرايب چـــــن حيدره
باشط بالازمــــــــاط و الزمجـره
رغم العطش ذاك والاشـــــموس
ضـــــربة يميــــــــــنه متوجـــره

اتجـــــادحت ضـــــرباته
ويرهـــــــــب بصـــولاته
المالـــــح اعـله كحـــيله
نعـــــم مــــــن تربـــــاته

꧁꧁꧁꧂꧂꧂꧂

هذا ابن الاحســـــين اي والنعم
يتخـــــير اخيــــــــار يذبح زلـم
قبــــــــــاض الارواح يضـــــنون
بكل الكـــــتايب ضل يقتـــــحم

الموت صـــــار بكـــــيفه
واليســــــولف سيــــــفه
دنگــــــــــــتله الحـــومه
ومنها ياخـــــذ حيـــــفه


# رائد البزوني

عباس لم عون اجه دگ ســــدره
الطف ازغــــير و هــّوه شكــــبره
وشگد ممــلوح اخـــو العلــــــويه
چنــــه الزلـزال بـــــرز عالشـــگره


بصارمـــه ...
يمنــــــــــــته دهدبت
القاده منـــــه بچــــت
ضـــــاع درب المـــــفر
الحومه بس دم صفت



هذا اخو الحره - عليهم صايل بحيله
اوجوهم صفره - لفاهم موت بكحيله
خله يطلـعلي - اليزامط ما طلع واحد
ايــــة الغيــره - الغضنفر هيچ ترتيـله

*********

چن ملك الموت وگـــف بالحومه
وكلها الشجـعان غــدت ملچومه
بچـّــت يمــــناه زلمــهم كــــــلها
كلمــــن لاگــــاه غـــرگ بدمومه

بخــزرته ...
بچم كتيبه عصف
چنه حيـدر وگــف
والنعــــم والنـــعم
ألكفل وحده طـف

صاحت القاده - لفانه الموت الامحتم
مالح الســـاده - اجه بالموت وامحزم
ضاگت الوسعه علينا وشرده ما تحصل
الجيش تعداده - ألوف او هوه يتبسم

*********

يرعد بالجيـش يهز بصــــفوفه
وبكيفه المـوت تفصله چفـوفه
فازع بركـــــان لجل ضعن الله
وچن دم الگوم وصل للكــوفه

بيمنــته ...
دخنـــــت نيـــنوه
سيفه سد الضــوه
من دخلـها الگــوي
بكيفه صار الهـــوه

چن عصا موسه - بيمينه وبالعرض طرهم

اليشرد ايدوسه - الهرب من سيفه خيرهم

عجت الحومه - وهو يتخير الصيده

اخته محروسه - لجلها گطع ارگبهم

******

اتصـــــدر عالماي عبر بس غصبن
بس كون حسـين شفـــافه يــرون
حط روحه بجود يـــروي حسينه
واشفــــافه آيثار عـذب ما ضاگن

شگد حنين ...
ضامــي گلــبه التهب
يخشـــه مـــن العتب
ما شرب گبــل اخـوه
احتــــــــــرام او أدب

هذا ابو فاضل -دخيله ادخيل چفينه
عالمتن شـايل - شريعه وگاصد حسينه

والوفه بعباس - عاش ومرتفع صيته

يا أخت عدها - أخو الحطها وسط عينه



# رائد البزوني

جن ليل اهدعش بالغاضريه
آعله آنفوس الأبيه
وباچر زينب آتصير الـسبيه
*********
وراحت بت علي آتجمع بالبنيات ..
من طـرت الهيمه
وتعثر بالجثث وايديها مچويات ..
من حرگة الخيمه
ورقيه تگلها عمه الليله وين انبات ..
تنشدها اليــتيمه

بالليل وضلامه .... محتاره اليتامه

وردت زينب اتسكت رقـــيه
جن ليل اهدعش بالغاضريه
*********

البين اخواني آخذهم عميه عين البين ..
راعيــن البـــــسالـه
تگلهه امشينه عمه اندور اعله حسين .. واشضل من وصاله
مهجة فاطمه خن شوفه طايـح وين ..
وانشـوف اشجـراله


وچم طبره اعله طبره ومطروح اعله غبره

آعله عطر الخوه خل نگصد سويه
جـــن ليل اهدعــــــش بالغاضريه
********

نايم ياعزيز اختك عله التــــربان .. واهدومك سليبه
چنك معرفتــني يا عظيم الشــان ..
هاي انه الحبيـبه
معقوله متت حاچيني يا عطشان ..
انه اختك غريـبه

يل تحت الحوافر ... مذبوح وتـكابر

الله لا ينطــــــيها الأعـــــــــوجيه
جـــن ليل اهدعــــــش بالغاضريه
*********

عله ارماد الخيم هل ليله علويات ..
ياخــــــويه ينامـــن
ويا جفن اليغمـض وهن مستحيات ..
من الشامت يخافن
بحماة الله وحماتي هنه محروسات ..
ستر الله الحمــاهن

بت حامي دخيله ... تگـله آنه الكفيله

واكـمل ثورتـــك وآنــه الأبيـــــــه
جـــن ليل اهدعــــــش بالغاضريه

********

وراحت للنهر مشــــــــتاگه للعــباس ..
وآتقبل زنــــوده
ما اعتب اجيت اشكر الكله احساس ..
الوفاي بوعــوده
ياصرح الوفه التعجز توصفه الناس ..
الوكتي مايعوده

يل هاديلي عينه .... گلبي الله اليعينه

وآ يا فرگــــــتك شمـــسويه بـــيه
جـــن ليل اهدعــــــش بالغاضريه


# رائد البزوني

اخــر رمـــــــق ... من يبست ارياگــك
لله آشحچيت
وصوب الخيم ... من شبحت اعيونك
المن دعيــــت
*******
أيــد مدمــــيه شلــتـــــها
بالـدعـــــا للـعـــايلــه

ويــد عالســهم المـثــــلث
حاطها بذيــچ الفــله

اتگله بالشـــيبه الخـضيبه
الخدر احفضه بكربله

بدمه الهامه مغيمه عينك
وبدعــــــــائك هامله
--------------

أبليس الأنس ... فـوگ الصدر جالس
وصدرك هشيم

عــــــدك أعـز .... من روحك الشـيله
وخــدر الحريم
********
وضاهـدك رمح البصدرك
دفع گلبك للـتــراب

وسمهري بنص الخـواصر
نابت مسويله بـــاب

وبثنعش طبــــره شفـتـها
الدنيه مالت للگـلاب

داست اعليـــك الحــوافر
وانته همك بالحجاب
------------------

ضاگ النفس .... واتطـــبر الـــوادم
وضاع الضـمير
محـــد فزع ...... غرتهـــــــم الدنيا
وذهب الأمـــير

********

وفــوگ الـــف وتسعــــمية
طبره من غير الضمه

چلب بكـــــعب الحــــوافر
لحم صدرك والدمــه

ولا عظـــــم سالم بجسمك
روحـــه رده تهشــمه

وماكو صاحب غيره عدهم
شفت حتى اتحشمه

واختك شفت ...... بين الزلــم طرت
الحالك تشوف

وشافت وذر ....... وآدمومك الترست
گاع الطفــوف

*******

وبين عصـبة ال امـــيه
طايح ونزفك خذاك

تلتفـت مـالك مناصــــر
والعده گبــالك وراك

وصدر امر البــيه ذبحـك
وانته مذبوح بضماك

وعجز شمر بگص رگبتك
گطع نحرك من گفاك
-----------------

وراسك عله .... فوگ الرمح يفتر
واختك تصيح

ومطرت دمه ... كلها ســمه الباري
بســـم الذبيح

********

ومن صعد راســك ويگطر
چن كسر ضهر السمه

ولبسو اهـــدومك وركضـو
روعـــــــو بت فاطمه

وزينب اعله الجمر تركـض
والجـــــــدام امورمه

وليه صـــارت عله اعيـالك
درو مـا ألـــهن حــمه
------------------

فوگ النهر ...... راعي العلم طايح
ذاك الكــفيل

وبعد الگمر ..... زينبــــكم الشالت
حمل الثجيل


# رائد البزوني

قصيدة بحق مولاي ابي الفضل العباس عليه السلام
*********

طوا الرايه حسيـــن بيـــهه شد گفــاه
محني يمشس و يابسه الخـويه آبشفاه
بيده يابس دم عضيـده
*********

اتمــدد حســــــين اعــــــله طــــوله
من شبـــگ راعـي الشـــــــيم

العــين هـــاي امچـــــــــــان زيـنـب
وين گــاعـــــــــد ياســـــــهم

آيطــــيـح لـــــو مـنــهه شلـــعـتـك
كـل عمـــد وسـط الخــــــيم

العـيـــن الاخـرى آمچــــاني بيــهه
شــلـون جـــامــد بيــهـه دم

گــلي شنــهي الحيـــــله يا درع الخـيام
وآعـــله جسـمـك سيــــرت كـل السـهام
كــلـفه فرگـتنه وشديده
*********

طــاح الآحســـين آعــلـه وجـــهه
وحيلــه طـاح آعــله النــــهر

وآختـنگ خنــگــة الـفــــــاگـــــد
راح الــــي كـــــــظ الـضــهر

صــاح خـــــــــويه يابـو فاظــل
ضهـــــر خــوتنــــه آنكـــسر

فـــرگـة الخــــــــوان تكـــــــتل
بيــش آعـوضــــك يالگــــمر

خــل اتچــيلك وآگـومـــك يالعـضــــيد
گــوم يا هـارون موسـى ظل وحــــــيد
يالله يحـــزام العـقـــيده
*********
وجــهك الـ لاگــــــه سهــمـهـم
مـا گـطــــع رزق الـســــهام

او وگـفــيت بصـــــدرك آنتـــه
كـل سهـــم نيــته خـــــيام

و آزدحــام النــــبل صـــــــاير
بالخــواصـــــــر والعـــظام

شــافــــتك ديــرة محـــــــنه
ورادت بجــســـمك تــــنام

ياجــــــــرح أذاك اكـــــــــــثر ياضـــواي
گــتلي خويـه الجـرح الآكـبر اسمه مـاي
واعــدت سكــنه وحميده
********

اتـبدن اعيوني اعـله جســمك
بعـد مــا شــوف الـــدرب

مـره اطيـــح ومـره أوگـــــف
دمـعي بطـــــولي يـصـب

گــلبي يمك ضـــــال طايـــح
مــا أحــس عنـدي گــلب

وخـاف الچـمك مـن اگــــلك
شمــتو بحالــي الغــــرب

عمــت عـين المــوت ياخـويه الخـــذاك
ما مصــدگ عالـتـــرب طايــح لــــــواك
الراح اخوه نوحه آشيفيده
*********
يا كـــــــتر منــك أشيـــــــله
ايطـيح مـن عنــدك كـتر

شـلون لـو شافتــــني زينب
وهــي الجـــيتك تنتـظر

لـو درت بيـك انــته طايــح
مـا يظـل عدهــا عـمـــر

شـرد آگـلها شلـون آجـاوب
حـيراني هـــــــل أمــــر

شلون ارد لخيامي وانه امشي واطـيح
شلون آگــل لــم عــون عباسـچ ذبـــيح
المـاي بعــدك ما تريــده


# رائد البزوني

*( نزال بحق مولاي علي الاكبر وابا الفضل عليهم السلام)
.....................

صدري درع الاخيام
خلها تمــطر اســهام

♡♡♡♡♡♡♡♡♡♡♡
علي الاكبر حاچه عمــــه
ابتسمو ونزلو ســــــــــوه

گاله احــــنا الي نفــــصل
ولــــي تلبــــــس نينــــوه

بالصوارم من نســــــولف
ما يفك حلــگه الضـــــوه

صفنت الحومه الحچيهم
واليرف بــــــس اللــــــوه

هيبه وشدو احزام
خلها تمطر اسهام

♡♡♡♡♡♡♡♡♡♡♡

خل نشوف القنع روحـه
وحاسب احسابه گــــوي

اله اخلـــي الغاضــــــريه
بدمــــه لزمــــــن ترتوي

اله الكظ الرمحه بيــــده
وعله ارگبته يلـــــــتوي

حشر گبل الحشر ســوو
ينسمع بــــــس الدوي

هل يوم بألف عام
خلها تمطر اسهام
♡♡♡♡♡♡♡♡♡♡♡

اثنين مملوحين ذولــــــــه
شلعو افچـــــــوچ الزلم

غصب داسو عالشـــــوارب
فرك فركــــــو كل خشم

امن الخيام احسين صوته
نعـــم منكم والنعـــــــم

وصاحو ابشر يبو اليـــــمه
بهل عساچر لا تهـــــــم

ابشر يبن الاكرام
خلها تمطر اسهام

♡♡♡♡♡♡♡♡♡♡♡

صدر دگــــــو لبو اليمه
السيف بي دم ما يجف

وطو احچايه الهواشم
والهواشم تختـــــــلف

خطو التاريخ بالــــــدم
هيبه ابد مـــــا تنوصف

انخطف لون الغاضـــريه
الگـــــــاع بيــــها ترتجف

خله يعيش الاسلام
خلها تمطر اسهام
♡♡♡♡♡♡♡♡♡♡♡

دخنت سوح الحرايـب
فتحو الباب الســقر

صاحت القاده ابعضها
اتريد بس درب المفر

هذا عزريل اعله مهره
بصفه اضن حيدر حضر

وچر الموت بصــــوارم
علي الاكبر والگـــمر

لحسين احنا خدام
خلها تمطر اسهام


# رائد البزوني