هەنارستانی بێدەنگی 279

هاوڕێیانی هێژا

🌹شەو چلەتان پیرۆز بێت🌹

@Henaristani_Bedengi

307 viewsسایدا, edited 16:24

‍ ‌▫️ خەون بە درێژترین
جاددەی جیهانەوە دەبینم
ڪە هەڵواسراوە بە هەنگاوەڪانم...

                   ٭٭٭

کتێب فرۆشییەکانی شار بە لایەک، "فەرهەنگ" بە لایەک؛ جیا لە فەزای دڵنشین و جیاوازی و بیرەوەرییەکانم وا لە وەختی کرۆنا تەک قوتابییەکانما ئەچووم، حزووری "نادیا" لەینا جیاوازە؛ هەستێکی تایبەت بە خۆی هەس، کەنیشکێکی شیرین و باسەواد.

لەم ڕۆژگەلە بە بیانووی لە دایک بوونم و دیاری بۆ خۆم سەندن لە لایەن خۆم و بنەماڵەوە، چووم بۆ ئەوێ.
ساڵهاس خۆمم فێر کرگە، قەدردانی خۆم بم و هۆشم بە دەروونی خۆمە‌وە بێت. ڕۆژە تایبەتەکانم لە یاد نەکەم و ڕێزی بگرم.
چۆن ئەزانم تەنیا کەسێ لە تەکما تێ بۆ ئەو دنیا هەر خۆمم و ئەشێ لێرە و لەوێ شەرمەندەی نەوم.

                     ٭٭٭
تا چوومە ناو، نادیا وەک هەمیشە بە ڕووخۆشییەوە هاتە پێشوازم و باوەشم پیاکرد و کەمێ تاسەم لێ شکیا.

ئەحواڵی ئاغە خەشایارم پرسی، وتی: لە شارا نییە.

وتم: پەس خوەت ئیسە ساحێو ماڵی...
چوومە بەشی کوردی کتێوخانە. بەداخەوە وەک هەمیشە کتێو کەمی بوو، دوای سەرەنجێ فرەو و هەڵگرتنی دەیان کتێو، کتێوێکم هەڵبژارد و پرسیم: نادیا گیان، کتێو تازە چەتان هەس و پێشنیارت چەس؟
وتی: بۆ کێتان گەرەک و چ کتێوێ بێت؟
وتم: بۆ خۆم گەرەکە.
وتی: مەگەر بچی بۆ لای ژیرا
کتێوەکەم سەند و دوای ماڵئاوایی چووم بۆ ژیرا...
ئەینەیش دوو قەفەس کوردی بوو، کە کتێوێکم سەند.
کتێو فرۆشی شار و سەرویش چووم بەڵام ئەو کتێوەی وا من گەرەکم بوو پەیام نەکرد.

ڕێگەی کتێو فرۆشی نالیش دوور بوو هەوایش ڕوو بە تاریکی ئەچوو.

خیابان قەرەباڵغ بوو. بە بۆنی شەو چلەو دووکان و بازاڕ پڕ بوو...
لە تەک خوەما بیرم ئەکردەو:
بەم شلۆقییەو، هەر کاممان تەنیاین و دەروونی خۆمان ئەپێوین. هەر کەسێ بە جۆرێ جیهان بینی خوەی درووس ئەکات.
جیا لە کەلتوور و جوغرافیا و یاسا، ئێمە ئەتوانین ڕێگای درووس هەڵبژێرین.

ڕەنگە شێوازی من بۆ ژیان بە دڵی فرە کەس نەوێت و هی ئەوانیش بۆ من هەڵە بێت! بەڵام لەم دنیا بێ تاوانە، شەو و ڕۆژ بەیەکەو سەر ئەکەین و بە یەک دەبینە مرۆڤ کە واسە ناوێ یەکترین بە بۆنی ڕوانگەی خۆمانەوە، بڕەنجێنین.

                   ٭٭٭

بەر لەوەی کتێوەکان بنمە ناو کتێوخانەکە، حەساوی بۆیانم کرد و وتم: ئەم ماڵە کە هاتگن پڕیە لە وشەو شێعر و مووسیقا...

ڕەنگە بۆی چێشتخانەکە عەزیەتتان کات،
ڕەنگە بڕێ لاپەڕەتان پرشەی چێشت بگرێ،
ڕەنگە بڕێ جار تەک خۆما بتانوەم بۆ دنیای نهێنی خۆم.

ڕەنگە بڕێ جاریش لە بیرم بچن و ساڵێ زیاتر تۆزی سەر سینگتان نەسڕێمەوە...

کتێوەکانم نیا ناو کتێوخانەکەم و
چوومە خزمەت حەزرەت مەولەوی
بە خوێندن چەند شێعرێ و شەکەتی ئەو ڕۆژەم بە دەر کرد.

#پ.ڕ.سایدا
۱ بەفرانباری ۲۷۲۳

سنە

@Henaristani_Bedengi

830 viewsGoran, 13:50