Biz begonalar bilan gaplashganda o‘zimizni xushmuomala, ilmli, odobli ko‘rsatishni eplaymiz. Lekin juftimiz bilan birga ekanimizda asl yuzimiz ochiladi, chunki uning yonida ko‘rinmas maskamizni kiyib yura olmaymiz. Shuning uchun bo‘lsa kerak, "Sizlarning yaxshilaringiz ahli ayoliga yaxshilaringiz" deya marhamat qilingan. Bunday kishilar boshqalarga ham eng go‘zal ko‘rinishda muomala qila oladi.

#Erkaklar

✍ @Hubbuna — oila qurish, oilaviy muhabbat, baxt va farzand tarbiyasi haqida

Agar ayol sizni asabiylashtirmasa, qoningizni qaynatmasa, sochingizni oqartirmasa, demak, u sizning ayolingiz emas.

#Tabassum

✍ @Hubbuna — oila qurish, oilaviy muhabbat, baxt va farzand tarbiyasi haqida

​​Oilada er rahbarligining bitta koʻrinishi – ayolning aytayotgan hamma gapi ham eʼtiborga molik emasligini bilmoqdir.

Abdurahmon Zokir Hoshimiy

Yaʼni ayolning hissiyot bilan aytgan har gapini "Menga shunday dedi-ya", deb ogʻriqli qabul qilavermaslik kerak. Mana shu erkaklikdan hisoblanadi.

Mubashshir Ahmad

#Ayollar #erkaklar

✍️ @Hubbuna – oila qurish, oilaviy muhabbat, baxt va farzand tarbiyasi haqida

Mutolaani oilaviy mashgʻulotga aylantiring

Agar bolangiz hali kichik yoshda bo‘lsa, birga o‘qishlaringiz mumkin bo‘lgan kitob oling. Birga yoki navbat bilan o‘qinglar. O‘qilganlarni u bilan muhokama qiling.

Bolangizga o‘zingiz namuna bo‘ling: telefonda ijtimoiy tarmoqlarda ekaningizni emas, kitob o‘qiyotganingizni ko‘rsin.
Vaqtni shunday tashkil qilingki, hamma oila a’zolari hamma ishini tashlab, kitob o‘qish uchun bir joyda jam bo‘lishsin. Dastavval bunga o‘n daqiqa ajrating, keyin sekin-sekin ko‘paytirasiz.

Bola kitob o‘qiyotganda uni chalg‘itmang. Bu vaqtda uning oldiga o‘tirib, siz ham o‘qishingiz mumkin. Bola bu ishning muhimligini shunda tushunadi. Bundan tashqari, bola agar ota-onasi uning kitob o‘qiyotgandagi joyi va vaqtini hurmat qilishganini ko‘rsa, uning mutolaaga nisbatan muhabbati ziyoda bo‘ladi.

Dilbandingizga siz o‘qiyotgan kitoblarning hayo­tingizdagi ahamiyatini tushuntirib bering. Kitobning qiziqishlaringiz, fikrlaringiz va g‘oyalaringizga qanchalar bog‘liq ekanini anglating.

📚Gʻiyosiddin Yusufning «Tarbiya-chi?» kitobidan #iqtibos

Kitobni xarid qilish

Yanada ko'proq iqtiboslar

— Men kim mexanik ekanini bilmayman, lekin aniq bilamanki, mashinaning egasi ayol kishi.

#Tabassum

✍️ @Hubbuna — oila qurish, oilaviy muhabbat, baxt va farzand tarbiyasi haqida

Baxtli juftliklar ko‘p kulishadi

Chunki ular bilishadi: hazil — bu munosabatlarni mustahkamlovchi eng kuchli “sement”dir. O‘zaro kulishib erkalanishlar, janjal vaqtida ham hazil qilib vaziyatni yumshatish, bir-biringizga xos oddiy odatlarga kulib qarash — bularning bari sizni yaqinlashtiradi.

Kulgi odamni bo‘shashtiradi, mayda gaplarga e’tibor bermaslikni o‘rgatadi va shuni eslatib turadi: muhabbat bilan birga o‘zaro quvonchni baham ko‘rish ham muhim.

Ana shu — haqiqiy baxtning o‘zi!

#Baxt

✍️ @Hubbuna — oila qurish, oilaviy muhabbat, baxt va farzand tarbiyasi haqida

Onalar ajoyib — bolalar uyda bo'lganda rosa dam olishni xohlaydi. Ular yo'qligida o'zini qo'ygani joy topa olmaydi! 😊

#Shunchaki

✍️ @Hubbuna — oila qurish, oilaviy muhabbat, baxt va farzand tarbiyasi haqida

Hamma savol ham bilish uchun berilavermaydi, ba'zan ovozingizni eshitish uchun ham savol beraman...

#Muhabbat

✍️ @Hubbuna – oila qurish, oilaviy muhabbat, baxt va farzand tarbiyasi haqida

Farzandingizni urishdan oldin o'ylab ko'ring

Sizdan o‘zini himoya qilolmaydigan o‘sha mitti murg‘ak, urug‘i qadalgan katta daraxt misolidir. Kun kelib urug‘ yoyiladi va undan o‘qituvchilar, advokatlar, shifokorlar chiqadi. Qaydan bilasiz, sizga ko‘zlarini pirpiratib qarayotgan bu mittivoy, balki bo‘lajak prezidentdir. Magazinda o‘zini yerga tashlab, dod solayotgan to‘polonchi ertaga bedavo kasalliklarga davo topar.
Shuning uchun hozir uning injiqliklari, tunda uyqu bermasligi va asabingizni yeb bitirishiga ozgina sabr qiling. Ularga to‘g‘ri tarbiya berishga mahkam bel bog‘lang. Axir, ertaga siz “Cambridge” bitiruvchisi Falonchi o‘g‘li Falonchining onasi bo‘lib old qatorlarda ho­zir sizga tinchlik bermayotgan yig‘loqi bolakayning diplom olishini ko‘rish uchun Angliyaga borishingiz kerak.

📚Gʻiyosiddin Yusufning «Tarbiya-chi?» kitobidan #iqtibos

Kitobni xarid qilish

Yanada ko'proq iqtiboslar

Baxtingiz qanchalar maxfiy bo'lsa, shuncha uzoq umr ko'rishi mumkin. Chunki hasad yo'lida duch kelgan narsani yo'qotishga qodir bo'ladi!

#Baxt

✍ @Hubbuna — oila qurish, oilaviy muhabbat, baxt va farzand tarbiyasi haqida

Assalomu alaykum va rahmatulloh. Qurbon hayitingiz muborak bo'lsin, azizlar!

Alloh taolo o'ylagan barcha ezgu niyatlaringizga yetkazsin!

Eng yaxshi sovg'a shirin so'zdir! Bugun yaqinlaringizdan shirin so'zingizni ayamang, ularni yo'qlab, bayramona kayfiyat ulashing.

@Hubbuna jamoasi sizga hamisha oilaviy tinchlik-totuvlik, farovon hayot tilaydi!

"Sevdirib tarbiyalang" — bolalarga mehr berib, urish-janjallarsiz, baqir-chaqirlarsiz tarbiyalash haqidagi kitob.

Muharrir Nodirabegim Ibrohimova, sahifalovchi Izzatulloh Adham, musahhih Muhammad Akbar Azim, dizayner Jaloliddin Qoraboyev va boshqa xizmat qilganlarga rahmat.

Bu kitob "Tarbiyachi" nashriyotimizning ilk kitobi va Turkiyada bosilgan ilk kitobim bo‘ldi. Kitob sifati a’lo darajada, alhamdulillah. Qamar kitoblar do‘konidan xarid qilishingiz mumkin.

#Kitob

@GiyosiddinYusuf

Oila qurgandan keyin qilinadigan eng katta xatolardan biri shundaki, yo'qotib qo'yishdan cho'chimaymiz. Aniqrog'i, yo'qotib qo'ymaydigandek yashaymiz.

"Shu mening xotinim", "Shu mening erim", "Qayerga ham borar edi" kabi o'ylar bilan o'zaro munosabatlarimizga beparvo bo'lamiz. O'zimizdagi kamchiliklarni ketkazmaymiz.

Balki, siz uni jisman yo'qotmasligingiz mumkin, ammo faqat jismiga ega bo'la olasiz, xolos. Qalbini yo'qotasiz!..

#Eslatma

✍ @Hubbuna — oila qurish, oilaviy muhabbat, baxt va farzand tarbiyasi haqida

Dangasalik qilish kerak emas, uyqungiz keldimi — uxlang!

#Tabassum

✍ @Hubbuna — oila qurish, oilaviy muhabbat, baxt va farzand tarbiyasi haqida

Oiladagi moliyaviy munosabatlar

Ba’zan oilada moliyaviy masalalar odamning ko‘nglini buzadi, orani sovitadi. Aslida, pul bor-yo‘qligi ko‘ngillarga ta’sir qilmasligi kerak. Hammasi ochiq-oshkora gaplashishdan boshlanadi: ortiqcha so‘zsiz, bir-birini ayblamasdan, imkoniyatlarini birga chamalashsa, dilxiralik bo'lmaydi.

Katta xarajatlar oldidan ham har ikki tomon o‘ylab, kelishib qaror qabul qilishi muhim. Er hamma narsani qilib berishga majbur degan tushunchada bo'lmay, uni tushunishga harakat qilish kerak. Er esa ayolini faqat pul sarflovchi sifatida ko'rmay, uning oilaga qo‘shayotgan hissasi, qilayotgan harakatlari, bolalar bilan o‘tkazgan vaqti, mehribonligi ham moddiy boylikdan kam emasligini e'tiborga olishi kerak.

Ba'zilar oila farovonligi pulga bog‘liq deb o‘ylashadi. Aslida esa pul faqat vosita, xolos. Munosabatda mehr, e’tibor va ochiqlik muhim. Pul munosabatlaringizni buzishiga yo'l qo'ymang!

#Munosabatlar

✍ @Hubbuna — oila qurish, oilaviy muhabbat, baxt va farzand tarbiyasi haqida

Muhabbatni unutmang, ey do'stim!

Ayolingiz bilan tongda birga uyg‘onib, nonushta paytida unga shirin qarab qo‘yganingiz — muhabbat.

Ishdan charchab qaytganingizda, u eshikni ochib jilmayganini ko‘rib yuragingiz yumshasa — bu muhabbat.

Unga “Ochilib ketibsiz” deb aytganingizda u “siz ham” deb javob qilsa va yuzlaringiz kulsa — bu muhabbat.

Farzandlaringiz orangizda janjal ko‘rmasdan ulg‘ayishsa, onasi bilan mehrli suhbatlaringizni eshitsa — bu ham muhabbat.

Muhabbat — katta sovg‘alar emas, yo‘l-yo‘lakay “sevgilim” deb aytish ham emas. Muhabbat — atrofdagilarga bilinmaydigan, ammo juftingiz qalbini to‘ldiradigan halovatdir.

Ayol kishi sevgingizni gapdan emas, harakatingizdan sezadi. Qulog‘i emas, qalbi eshitadi.

U bilan kam gaplashsangiz ham, har bir so‘zingizda izzat bo‘lsa, kam berolsangiz ham, chin qalbdan bersangiz — siz muhabbatni saqlayapsiz.

Eslab qoling, muhabbat tug‘iladi, ammo har bir oilada ham yashab ketmaydi. Uni omon saqlash uchun muhabbat qasrini birga qurmog'ingiz darkor. Har bir g‘ishtini birga qo‘yasiz. Bugun yana bitta g‘isht qo‘yaylik, ey do'stim!

#Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida

Agar siz hayotingizdagi bor narsalarga nazar tashlasangiz, yanada ko‘proq narsaga ega bo‘lasiz. Agar faqat yo‘q narsalarga qarasangiz, doimo nimadandir mahrumdek tuyulasiz.

Shukronalik — mo‘l-ko‘llikning asosi.

Oprah Uinfri

✍ @Hubbuna — oila qurish, oilaviy muhabbat, baxt va farzand tarbiyasi haqida

Gadjetlardan xalos boʻlamiz

Texnologiyalar asrida yashayapmiz va bolalar kichik yoshdan gadjetlarga o‘rganib qolishyapti, ammo ekran vaqtining nazorat qilinmasligi ularning sog‘ligi va rivoj­lanishiga salbiy ta’sir qilish ehtimoli yuqori. Quyida bolangiz real hayotdan bahra olishi va gadjetlardan uzoq­lashishi uchun bir nechta maslahatlarimiz:

Qonun-qoidalar joriy qilish: gadjetlardan foydalanishda qattiq qoida o‘rnating. Bolaning ekran vaqtini chegaralab qo‘ying va o‘zingiz shunga amal qiling.

Muqobil mashg‘ulotlar: sport bilan shug‘ullanish, san’at, kitoblar o‘qish yoki toza havoda sayr qilishni taklif qiling.

Ota-onalar ishtiroki: bolangiz bilan birga vaqt o‘tkazing. Masalan, stol o‘yinlarini o‘ynang, birga sayr qilib yoki sevimli mashg‘ulotlarni birga bajarib vaqt o‘tka­zing. Unga namuna bo‘ling!

Ta’limiy ilovalar: agar bolangiz baribir gadjetlarni ishlatishda davom etsa, unga mos bo‘lgan ta’limiy ilovalarga qiziqtiring. Bu uning rivojlanishiga yordam beradi.

📚Gʻiyosiddin Yusufning «Tarbiya-chi?» kitobidan #iqtibos

Kitobni xarid qilish

Yanada ko'proq iqtiboslar