Rafiqam bilan fikrimiz bir joydan chiqmay qolsa, biz odatda u xohlaganini qilamiz. Rafiqam buni “murosaga kelish” deb ataydi.

Mark Tven

#Tabassum

✍ @Hubbuna — oila qurish, oilaviy muhabbat, baxt va farzand tarbiyasi haqida

​​Ayol kishi turmushga chiqayotganida erkakning kamchiliklarini biladi. Lekin qalbida bir ishonch bo'ladi: “Meni sevsa, o‘zgaradi”.

Yillar o‘tadi. U o‘zgarishini kutadi, gapiradi, iltijo qiladi… lekin erkak o‘zgaravermaydi.

Nega?

Chunki odam o‘zgarmaydi emas, balki birov uchun o‘zgarmaydi. O‘zgarish ichkaridan kelmasa, muhabbat bo‘lsa ham, tashqi harakat yetarli bo‘lmaydi.

Ayol esa buni kech tushunadi... Shuning uchun nasiya baxtni orzu qilib emas, naqdiga ko'ra qaror qabul qilish kerak.

#Ayollar #Oila_qurish

✍ @Hubbuna — oila qurish, oilaviy muhabbat, baxt va farzand tarbiyasi haqida

Erkaklar, bilasizmi, har bir ayolning yuragida bitta orzu bor: o‘zini ojiz, charchagan his qilgan onida uni bag‘riga mahkam bosadigan kuchli erkak bo‘lishi va taxminan o‘n daqiqa davomida faqat bitta gapni aytib turishi — “Men seni juda yaxshi ko‘raman.”

#Erkaklar

✍ @Hubbuna — oila qurish, oilaviy muhabbat, baxt va farzand tarbiyasi haqida

Baxt boylikda emas

Oila qurish arafasida turgan ayol, shuni unutmangki, boy degani baxtli qiladi degani emas. Avvalo diyonati, xulqiga qarang.

📚Gʻiyosiddin Yusufning «Asal oyi emas, asal hayot» kitobidan #iqtibos

Kitobni xarid qilish

Yanada ko'proq iqtiboslar

Sevsangiz, butun seving!

Yaxshi tomoni bilan birgalikda yomon tomonini ham. Faqat yomonligini eslab, yaxshiligini unutib qo‘ymang! Zero, hadisda: «Mo‘min kishi mo‘mina ayolini yomon ko‘rmasin! Uning bir xulqi yoqmasa, boshqa xulqi yoqadi», —deyilgan.

Abdulhodiy Yusuf

#Muhabbat

✍️ @Hubbuna — oila qurish, oilaviy muhabbat, baxt va farzand tarbiyasi haqida

Suhbat — ruh ozuqasi. Turmush o'rtog'ingiz bilan dildan suhbatlashib turing. Buning uchun birgalikda sayrga yoki safarga chiqish ayni muddao.

Ayniqsa, uzoq yo'lga chiqqanda qalblar bir-biriga yanada yaqinlashadi. Safarda bir-biringizga suyanch bo'lasiz.

Siz qachon juftingiz bilan safarga chiqasiz? Balki bu safar sevgi safari bo'lar...

#Muhabbat

✍️ @Hubbuna — oila qurish, oilaviy muhabbat, baxt va farzand tarbiyasi haqida

Sevimli inson bilan birga o‘tkazilgan vaqt oddiy soatlar emas, balki butun umr yodda qoladigan cheksiz baxt lahzalaridir.

#Baxt

✍️ @Hubbuna — oila qurish, oilaviy muhabbat, baxt va farzand tarbiyasi haqida

MEHR BERING, LEKIN TALTAYTIRMANG

Bolaga mehr berishda chegaralar, me'yorni bilish lozim. Mehr berish bilan birga bolaning haddi o‘rgatilmasa, bola o‘zini dunyoning markazi deb o‘ylab qolishi mumkin. Va bu keyinchalik u sabrsiz, o‘z bilganidan qolmaydigan, tanqidni ko‘tara olmaydigan inson bo'lib yetishishiga sabab bo'ladi.

Mehr berishda me'yor bo'lishi kerak degani aslida nisbiy tushuncha. Aslida, mehrning cheki, mehrga taqiq yo'q, lekin mehr beryapman deb yomon ishlariga beparvo bo'lish, yaxshilarga chaqirmaslik xato. Masalan, ertalab bolam uxlab oldin deb uni ibodatga uyg'otmaslik mehr berish emas. Mana shu ma'noda mehrning me'yori bo'lishi kerak deyildi.

Qanday qilib mehrli bo‘lib, bola taltaymasligini ta’minlash mumkin?

1. Chegara qo‘ying, lekin tushuntirib qo‘ying. Masalan, “Bu narsani hozir ololmaymiz, chunki…”, “Ota-onaga baqirish mumkin emas, bu beodoblik” deb ochiq, ravon, xotirjam ohangda tushuntiring. Bola buni tushunadi.

2. “Yo‘q” deyishni o‘rganing. Mehrli bo‘lish har doim “xo‘p” deyish emas. Ba’zan “yo‘q” deyish haqiqiy g‘amxo‘rlikdir. Chunki bola qachondir hayotda rad etishga duch keladi. Buni uyda o‘rganmasa, tashqarida og‘ir zarba bo‘ladi.

3. Muammo bo‘lsa, darhol to‘xtating. “U kichkina”, “O‘tib ketadi” deb o'zingizga yolg‘on tasalli bermang. Masalan, biron narsani o‘g‘irlab olsa, “bola hali bilmaydi” deb yengil qarash emas, balki darhol tushuntirish kerak: “Bu – birovniki, bu ish noto‘g‘ri”.

4. Tanbeh mehr bilan bo‘lsin. Bola xato qilsa, urib, baqirib emas, balki bir ko'z qarash bilan, sokinlik bilan, jiddiy suhbat bilan unga xatosini anglating.

5. Uni markaz emas, jamoaning bir a’zosi deb o‘rgating. Har doim birinchi bo‘lishi shart emasligini, boshqalarni kutishni, baham ko‘rishni o‘rgating. Bu – katta hayotga tayyorgarlik.

Unutmang, mehr bu – ilitish. Taltaytirish esa kuydiradi. Harorat kerak, lekin olov emas. Bola mehr bilan ko‘tariladi, lekin chegarasiz mehr bilan shishadi. Shishgan koptok esa bir kun kelib yoriladi.

#tarbiya

✍️ @Hubbuna — oila qurish, oilaviy muhabbat, baxt va farzand tarbiyasi haqida

"Sevsa, borimcha qabul qilsin" deyish xudbinlikdir. To'g'ri, sevgan kishi mahbubning xatolari bilan sevishi kerak, lekin bu sizga kamchiliklaringizni tuzatish uchun harakat qilmasligingizga eshik ochmaydi!

#Eslatma #Muhabbat

✍️ @Hubbuna — oila qurish, oilaviy muhabbat, baxt va farzand tarbiyasi haqida

Baxtli oila qurishning ikki sharti bordir:
1. Yaxshi turmush oʻrtogʻini tanlay bilmoq.
2. Yaxshi turmush oʻrtogʻi boʻlmoq.

Jaloliddin Rumiy

#Baxt

✍ @Hubbuna — oila qurish, oilaviy muhabbat, baxt va farzand tarbiyasi haqida

Erkak biroz qiynalganida, ishlari yurishmay qolganida ko‘pincha ayol tanqid qiladi, ayblaydi ba'zilar ajrashib ham ketadi. Aslida esa eng kerakli narsa bu vaqtda turmush o'rtog'ingizni qo‘llab-quvvatlashingizdir. Uning yonida turing. Holsiz bo‘lsa, suyanchiq bo‘ling. Bir kuni u albatta bu og‘ir holatdan chiqadi. Siz esa shunda unga ikki baravar qadrli bo‘lasiz.

#Ayollar #tarjima

✍ @Hubbuna — oila qurish, oilaviy muhabbat, baxt va farzand tarbiyasi haqida

Erkak kishini o'zgartira olmaysiz. Erkak sevsa, o'zi o'zgaradi.

#tarjima

✍️ @Hubbuna – oila qurish, oilaviy muhabbat, baxt va farzand tarbiyasi haqida

▫️Birinchi qoida: kutuvni katta qilmang

Psixologiyada bir qoida bor: qancha ko‘p kutilsa, shuncha ko‘p ko‘ngil qolishi mumkin. Ko‘p kutilsa, kam olinadi, kam kutilsa, ko‘proq olinadi.

#psixologiya #tarjima

✍️ @Hubbuna – oila qurish, oilaviy muhabbat, baxt va farzand tarbiyasi haqida

Bolangizga hech qachon “yigʻlama” demang

Bolaga o‘z his-tuyg‘ularini yashab o‘tishga ijozat be­rish kerak, ularni ichiga yutishga majburlash yaxshi emas.

Unga o‘z hissiyotlarini anglashga yordam bering. U bilan ochiq va rost suhbat quring. Hatto uning yig‘isi sizning g‘ashingizni keltirsa ham, unutmang, bola hozir salbiy emotsiyalarni boshidan kechirmoqda va uni tinchlantirish zarur.

Bunday deyish kerak: ”Bilaman, hozir sen opang ketib qolganidan mahzun bo‘lyapsan. Yig‘lashing mum­kin – bu tabiiy hol. Ba’zan hammamiz tuyg‘ulari­mizni ichimizdan chiqarib turishimiz kerak. Kelaqol, seni quchoqlay!”

📚Gʻiyosiddin Yusufning «Tarbiya-chi?» kitobidan #iqtibos

Kitobni xarid qilish

Yanada ko'proq iqtiboslar

Agar mendan “Erkakda eng ko‘p qadrlaydigan sifating nima?” deb so‘rashsa, men “ishonchlilik” deb javob bergan bo‘lardim. Ishonchli erkak og‘ir paytda tark etmaydi, xiyonat qilmaydi, sotmaydi, g‘oyib bo‘lib ketmaydi. “Ishonchlilik” — bor-yo‘g‘i bitta so‘z, lekin ma’nosi juda katta.

#tarjima

✍️ @Hubbuna – oila qurish, oilaviy muhabbat, baxt va farzand tarbiyasi haqida

Haqiqiy muhabbat nikoh bilan tugamaydi, balki boshlanadi.

#Muhabbat #Nikoh

✍ @Hubbuna — oila qurish, oilaviy muhabbat, baxt va farzand tarbiyasi haqida

Lavlagi foydalari

Lavlagi hazm qilish tizimini me’yorga keltiradi, jigarni himoya qiladi va qon bosimini pasaytiradi.

Ushbu sabzavot juda kam kaloriyali — 100 grammida atigi 44 kkal bor.

Shuningdek, lavlagi miyani faol ishlashini qo‘llab-quvvatlaydi, tarkibida C va B6 vitaminlari, temir, fosfor, kaliy va magniy mavjud.

#Salomatlik

✍ @Hubbuna — oila qurish, oilaviy muhabbat, baxt va farzand tarbiyasi haqida