Juftingizdan tez-tez hol so‘rab, undan xabardor bo‘lib turing. Bemor bo‘lmasa ham, "Yaxshimisiz? ", "Yaxshi o‘tiribsizmi?", "Yaxshi ishlayapsizmi?" kabi so‘rovlar bilan uni yo‘qlab turishingiz xursand qiladi hamda orangizni yaqinlashtiradi. Balki ba'zi oilalarda erkaklar ishda vaqti ayollar kechgacha xabarlashmasligi, hol ham so‘ramasligi mumkin, lekin bu yaxshi emas. Juftingizdan imkon qadar uzoqlashmang. Ishdagi erkaklar ham o‘z o‘rnida ayollardan hol so‘rab tursin. Dam olish kunlarini oila bag‘rida o‘tkazing.

#Ayollar #erkaklar

✍ @Hubbuna — oila qurish, oilaviy muhabbat, baxt va farzand tarbiyasi haqida

Er ayolining telefonini tekshirmasligi kerakmi?

Ba'zilar "Ayol kishi turmush o'rtog'ining telefonini kavlashi mumkin bo'lmaganidek, erkak kishi ham kavlamasligi kerak" deydi. Yoki "Erkak ayolining telefonini tekshiradigan bo'lsa, ayol ham tekshirishga haqli" deydi — birga-bir!

Bu borada mening qarashlarim biroz boshqacharoq:

Birinchidan, erkak kishi qo'l ostidagilar uchun mas'ul, ular uchun ham javob beradi. Shunday ekan, xohlasa ayolining, xohlasa farzandlarining telefonini tekshirishga haqli.

Ayolda bunday mas'uliyat yo'q. Shuning uchun unda bunday huquq ham yo'q.

Ikkinchidan, rashk qilish erkakdan talab qilingan, ayoldan emas. Erkak rashk qilib ayolning telefoniga qarab ko'rsa, ayol buni qabul qilishi kerak. Ayol rashk qilganda eridan ruxsat so'rab olsa bo'ladi — agar eri bersa. Albatta, erkak ham ayolidan ruxsat so'rab oladi. Lekin bu odob yuzasidan.

Erkak ayolining telefonini olib ko'radigan bo'lsa, shaxsiy chegaralarga rioya qilishga harakat qilishi lozim. Masalan, ayollar bilan yoki yaqinlari bilan yozishmalariga zaruratsiz, ruxsatsiz kirmasin. Shuningdek, telegram profilini ulab olish kabi ishlar oshiqcha deb o'ylayman. Bu haddan oshish, chegaralarni buzishdir.

Shunday qilinsa, ayol biror dugonasi bilan ham bemalol yozisha olmaydi. O'zini ishonilmagan kishi deb biladi. Eri ayoliga kelgan xabarlarga kirib qolishi kabi noqulay holatlar yuzaga keladi.

Agar shu darajada ishonmasangiz, telegram nima kerak, oila nima kerak?! Men yuqorida vaqti-vaqti bilan telefonga bir qarab qo'yishni ishonchsizlik uchun aytmadim — er o'zidagi mas'uliyat yuzasidan qarab ko'rishni lozim topsa bu imkoniyatdan foydalanadi. Buni o'zi vaziyatga ko'ra ixtiyor qilishi yoki qilmasligi mumkin. Lekin telegramini ulab olish aniq ishonchsizlik-da.

#telephone

✍ @Hubbuna — oila qurish, oilaviy muhabbat, baxt va farzand tarbiyasi haqida

Uchrashuvga chiqish faqat oila qurish uchun kerak emas, oila qurganingizdan keyin yillar o'tsa ham juftingiz bilan yolg'iz uchrashuvga chiqib turing.

— Bugun sizni uchrashuvga taklif qilsam maylimi?

deyish bilan uni baxtiyor qiling. Hech qanday sababsiz, biror aybingizni yuvish uchun ham emas, shunchaki, sababsiz uchrashuvga taklif qiling.

Balki qimmatbaho restoranga bormassiz. Mayli, choy yoki qahva ichib bo'lsa ham qo'llaridan tutib, ko'zlariga termulib, dildan suhbat quring.

Yoki diet kafe ham yaxshi variant — 24/7 ishlaydi. )

#Tavsiya

✍ @Hubbuna — oila qurish, oilaviy muhabbat, baxt va farzand tarbiyasi haqida

Er ro‘zg‘or xarajatlarini qoplashining o‘zi katta sovg‘a: uy ijara yoki ipoteka to‘lovini to‘lashi, gaz, elektr, suv, chiqindi to‘lovlarini ado etishi, bolalari va xotiniga zarur kiyim-kechak olib berishi — bularning barchasi juda katta sovg‘a hisoblanadi.

Oqila ayol buni tushunadi va ortiqcha narsa kutmaydi. Har doim nimanidir kutadigan ayol esa ruhiy jihatdan sog‘lom emas — u psixolog yoki psixiatrga murojaat qilishi lozim.

Fayzuddin Mumin

#ayollar

✍ @Hubbuna — oila qurish, oilaviy muhabbat, baxt va farzand tarbiyasi haqida

Men muhabbatni tanladim.
Chunki nafrat — ko‘tarib yurishga juda og‘ir yuk.

Martin Lyuter King

#Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida

🍲 Tariq yormasini yeyish

Oddiygina tariq yormasi ko‘p narsaga davo bo‘lishi mumkin.

✅ U qon bosimini me’yorda ushlab turishga yordam beradi. Shuning uchun yurak-qon tomiridan qiynaladiganlarga ayniqsa foydali.

✅ Tarkibidagi foydali moddalar suyaklarni mustahkamlaydi. Bolalarga ham, keksalarga ham suyakka quvvat beradi.

✅ Ortiqcha yog‘ to‘planishiga yo‘l qo‘ymaydi. Ichakni tozalaydi, zararli moddalarni chiqaradi. Shu bois vaznini nazorat qilmoqchi bo‘lganlar uchun ham yaxshi yordamchi.

Shu oddiygina donni pishirib iste’mol qilish kifoya. Asosiysi, muntazamlik.

#Salomatlik

✍ @Hubbuna — oila qurish, oilaviy muhabbat, baxt va farzand tarbiyasi haqida

Assalomu alaykum, azizlar!

1-oktabr — ustoz va murabbiylar kuni munosabati bilan bizni kuzatib turgan barcha ustozlarni tabriklaymiz!

Ilmingiz yanada ziyoda bo'lsin! Mashaqqatli kasbingizni muvaffaqiyatlar tilaymiz!

#tabrik

✍ @Hubbuna — oila qurish, oilaviy muhabbat, baxt va farzand tarbiyasi haqida

Dunyo tashvishlaridan bezib, xotirjamlik, o'zga bir olam istagan vaqtingizda kitoblar qanday ham yaxshi yechimdir!

#kitob

✍️ @Hubbuna – oila qurish, oilaviy muhabbat, baxt va farzand tarbiyasi haqida

Mening yashashimni istasang, o'lgunimcha menga sabr qilib tur...

#Muhabbat #Romantika

✍️ @Hubbuna — oila qurish, oilaviy muhabbat, baxt va farzand tarbiyasi haqida

​​– Xotin erini "Eshak" desa bo'ladimi?
– O'zi o'sha eshakning xotini bo'ladi, eshak faqat eshakka uylanadi!

Chubak hoji rahimahulloh

#Tabassum

✍ @Hubbuna — oila qurish, oilaviy muhabbat, baxt va farzand tarbiyasi haqida

Xonadonlarimizda amal qilinishi tavsiya qilinadigan 10 qoida:

1. Har bir xonaga kirishda ruxsat so'rang.
2. Ko'chaga chiqish uchun ayol eridan, bolalar ota-onasidan ruxsat so'rasin.
3. Har kun kamida ikki marta tishlarimizni yuvaylik.
4. Haftada kamida bir-ikki marta cho'milish lozim. Yoz kunlarida esa har kun.
5. Barcha yaxshi ishlarda ayol eriga, bolalar ota-onaga itoat qiladi.
6. Xonadon a'zolari o'z oralarida va qo'shnilar bilan salomni keng yoysin.
7. Qo'shnilarga kamida haftada bir marta ovqat uzatib turing.
8. Kamida haftada bir marta qarindosh-urug'lardan hol so'rang.
9. Xonadondagi uy ishlariga qizlar onaga, o'g'il bolalar erkak kishi qiladigan ishlar, xususan, axlat to'kishda yordam beradi.
10. Uy hayvonlari, uy atrofidagi hayvonlarga muruvvat ko'rsating. Shuningdek, hovli va ko'chadagi daraxtlar, ko'chatlar, o'simliklar parvarishiga e'tibor qiling.

#tavsiya

✍ @Hubbuna — oila qurish, oilaviy muhabbat, baxt va farzand tarbiyasi haqida

"Oila qurishda talablarni kamaytiring, shunda juft topish oson bo'ladi" deb maslahat beramiz. Lekin juftingizda bo'lishi kerak bo'lgan sifatlar shu qadar ko'pki, birini tanlab, boshqasidan kecha olmaysiz.

Masalan, pazanda bo'lmasligiga chidasangiz ham shirinso'z bo'lishidan kecha olmaysiz. Yoki ilmli, oqila, tushunadigan, dunyoqarash va maqsadlari bir bo'lgan kabi sifatlar ham muhim.

Talablar buncha ko'paygandan keyin qiz topish ham oson bo'lmay qoladi. Buning uchun eng muhim yechimlardan biri deb o'zingizning ijobiy sifatlaringizni oshirish, isloh qilishni maslahat bera olaman. Shunda bo'lajak turmush o'rtog'ingiz uchun talablaringiz ko'p bo'lsa ham shunga yarasha kishi bo'lgan bo'lasiz.

#Oila_qurish

✍ @Hubbuna — oila qurish, oilaviy muhabbat, baxt va farzand tarbiyasi haqida

Ming so'm sadaqa qilish uyat emas!

Hozirgi kunda ijtimoiy tarmoq orqali xayriya e'lonlari tez-tez uchrab turadi. Ularga munosabatimiz ham borgan sari hissiz bo'lib borayotgandek. "Ha, navbatdagi bir xayriya-da!" degan o'yda xotirjam keyingi xabarga o'tamiz.

E'londa kimningdir uyi yongani, bemor ekani yoki boshqa muhtojligi aytilgan bo'lsa ham ta'sirlanmaymiz. "Qay biriga bo'lay?!" deya vijdonimizni ovutamiz.

Aslida, internet, ijtimoiy tarmoq orqali birlashilsa, juda katta ishlarni amalga oshirish mumkin. Xususan, xayriya, sadaqa masalalarida ham. Agar xayriya e'lonini ko'rgan har bir kishi 1000 so'mdan sadaqa qilsa ham bir insonning ehtiyojini bir kunda qondirish mumkin deb o'ylayman.

Ha, ming so'm sadaqa qilish uyat emas. Sizning sadaqangiz 10 barobardan 700 barobargacha ko'paytiriladi — ixlosingizga qarab. Agar 700 barobar ko'paytirilsa, demak, siz 700 ming so'm sadaqa qilgan hisoblanasiz. Hatto bundan ziyoda bo'lishi ham mumkin.

Endi shu xayriya e'lonini boshqalarga ham ulashsangiz, ular sadaqa qilgan miqdorcha siz ham sadaqa qilgandek bo'lsangiz, ehhe qancha savob olish mumkin!

Shu bilan birga, yuqorida aytganimizdek, har bir kishi 1000 so'mdan sadaqa qiladigan bo'lsa, minglab kishilardan juda katta pul yig'iladi.

Bizning ham oilalarga yordam berish uchun tashkil qilgan ixtiyoriy xayriyamiz bor. Ushbu so'zni bosib u haqida batafsil ma'lumot olishingiz mumkin.

Ehsoningiz uchun karta raqam:
9860160605493933

Baxtli oila qurish mumkin, uni saqlab qolish qiyin. Xuddi bolani parvarish qilgandek, oilangiz baxtini ham asrab-avaylash uchun tinimsiz harakat qilishingiz kerak.

✍ @Hubbuna — oila qurish, oilaviy muhabbat, baxt va farzand tarbiyasi haqida

Hech qanday shartlarsiz sevilish qanday yaxshi...

Kerak bo'lmaganingda ham eslanish qanday yaxshi...

Og'ir kuningda ham o'zgarmay qolishlari qanday yaxshi...

Muvaffaqiyatli kunlarida uzoqlashmaganlari qanday yaxshi...

Seni sen ekaning, borliging uchun qadrlashlari qanday yaxshi...

#Shunchaki

✍ @Hubbuna — oila qurish, oilaviy muhabbat, baxt va farzand tarbiyasi haqida