Xonadonlarimizda amal qilinishi tavsiya qilinadigan 10 qoida:

1. Har bir xonaga kirishda ruxsat so'rang.
2. Ko'chaga chiqish uchun ayol eridan, bolalar ota-onasidan ruxsat so'rasin.
3. Har kun kamida ikki marta tishlarimizni yuvaylik.
4. Haftada kamida bir-ikki marta cho'milish lozim. Yoz kunlarida esa har kun.
5. Barcha yaxshi ishlarda ayol eriga, bolalar ota-onaga itoat qiladi.
6. Xonadon a'zolari o'z oralarida va qo'shnilar bilan salomni keng yoysin.
7. Qo'shnilarga kamida haftada bir marta ovqat uzatib turing.
8. Kamida haftada bir marta qarindosh-urug'lardan hol so'rang.
9. Xonadondagi uy ishlariga qizlar onaga, o'g'il bolalar erkak kishi qiladigan ishlar, xususan, axlat to'kishda yordam beradi.
10. Uy hayvonlari, uy atrofidagi hayvonlarga muruvvat ko'rsating. Shuningdek, hovli va ko'chadagi daraxtlar, ko'chatlar, o'simliklar parvarishiga e'tibor qiling.

#tavsiya

✍ @Hubbuna — oila qurish, oilaviy muhabbat, baxt va farzand tarbiyasi haqida

"Oila qurishda talablarni kamaytiring, shunda juft topish oson bo'ladi" deb maslahat beramiz. Lekin juftingizda bo'lishi kerak bo'lgan sifatlar shu qadar ko'pki, birini tanlab, boshqasidan kecha olmaysiz.

Masalan, pazanda bo'lmasligiga chidasangiz ham shirinso'z bo'lishidan kecha olmaysiz. Yoki ilmli, oqila, tushunadigan, dunyoqarash va maqsadlari bir bo'lgan kabi sifatlar ham muhim.

Talablar buncha ko'paygandan keyin qiz topish ham oson bo'lmay qoladi. Buning uchun eng muhim yechimlardan biri deb o'zingizning ijobiy sifatlaringizni oshirish, isloh qilishni maslahat bera olaman. Shunda bo'lajak turmush o'rtog'ingiz uchun talablaringiz ko'p bo'lsa ham shunga yarasha kishi bo'lgan bo'lasiz.

#Oila_qurish

✍ @Hubbuna — oila qurish, oilaviy muhabbat, baxt va farzand tarbiyasi haqida

Ming so'm sadaqa qilish uyat emas!

Hozirgi kunda ijtimoiy tarmoq orqali xayriya e'lonlari tez-tez uchrab turadi. Ularga munosabatimiz ham borgan sari hissiz bo'lib borayotgandek. "Ha, navbatdagi bir xayriya-da!" degan o'yda xotirjam keyingi xabarga o'tamiz.

E'londa kimningdir uyi yongani, bemor ekani yoki boshqa muhtojligi aytilgan bo'lsa ham ta'sirlanmaymiz. "Qay biriga bo'lay?!" deya vijdonimizni ovutamiz.

Aslida, internet, ijtimoiy tarmoq orqali birlashilsa, juda katta ishlarni amalga oshirish mumkin. Xususan, xayriya, sadaqa masalalarida ham. Agar xayriya e'lonini ko'rgan har bir kishi 1000 so'mdan sadaqa qilsa ham bir insonning ehtiyojini bir kunda qondirish mumkin deb o'ylayman.

Ha, ming so'm sadaqa qilish uyat emas. Sizning sadaqangiz 10 barobardan 700 barobargacha ko'paytiriladi — ixlosingizga qarab. Agar 700 barobar ko'paytirilsa, demak, siz 700 ming so'm sadaqa qilgan hisoblanasiz. Hatto bundan ziyoda bo'lishi ham mumkin.

Endi shu xayriya e'lonini boshqalarga ham ulashsangiz, ular sadaqa qilgan miqdorcha siz ham sadaqa qilgandek bo'lsangiz, ehhe qancha savob olish mumkin!

Shu bilan birga, yuqorida aytganimizdek, har bir kishi 1000 so'mdan sadaqa qiladigan bo'lsa, minglab kishilardan juda katta pul yig'iladi.

Bizning ham oilalarga yordam berish uchun tashkil qilgan ixtiyoriy xayriyamiz bor. Ushbu so'zni bosib u haqida batafsil ma'lumot olishingiz mumkin.

Ehsoningiz uchun karta raqam:
9860160605493933

Baxtli oila qurish mumkin, uni saqlab qolish qiyin. Xuddi bolani parvarish qilgandek, oilangiz baxtini ham asrab-avaylash uchun tinimsiz harakat qilishingiz kerak.

✍ @Hubbuna — oila qurish, oilaviy muhabbat, baxt va farzand tarbiyasi haqida

Hech qanday shartlarsiz sevilish qanday yaxshi...

Kerak bo'lmaganingda ham eslanish qanday yaxshi...

Og'ir kuningda ham o'zgarmay qolishlari qanday yaxshi...

Muvaffaqiyatli kunlarida uzoqlashmaganlari qanday yaxshi...

Seni sen ekaning, borliging uchun qadrlashlari qanday yaxshi...

#Shunchaki

✍ @Hubbuna — oila qurish, oilaviy muhabbat, baxt va farzand tarbiyasi haqida

Biz ko‘pincha faqat bizni bezovta qiladigan narsalarga e’tibor qaratamiz: u bokalni joyiga qo‘ymadi, u yana kechikdi, u non olib kelishni unutdi.

Ammo har bir munosabatda “rahmat” deyishga arzigulik narsalar ham bo‘ladi.
U seni metroda kutib oldi. U sen uxlab qolganda ustingni ko‘rpa bilan yopdi. U gapirayotganingda so‘zingni bo‘lmaydi.

Agar har kuni faqat kamchiliklarni ko‘rsak, sevgi "charchaydi".
Ammo yaxshiliklarni ko‘rishga o‘rganilsa, sevgi mustahkamlanadi.

Axir, biz eng ko‘p qaraydigan narsalar oxir-oqibat hayotimizning foniga aylanadi.

#tarjima

✍ @Hubbuna — oila qurish, oilaviy muhabbat, baxt va farzand tarbiyasi haqida

Xurmo haqida hayratlanarli faktlar

Kuniga atigi 4 dona xurmo iste’mol qilish orqali siz immunitetni mustahkamlaysiz, suyaklarni chiniqtirasiz va qon bosimini me’yorga keltirasiz. Shunchaki ularni kunlik ovqatingizga qo‘shing.

Bundan tashqari, xurmo hazmni yaxshilaydi, organizmdagi temir miqdorini oshiradi, yurak salomatligini mustahkamlaydi va allergiyani kamaytiradi.

#Salomatlik

✍ @Hubbuna — oila qurish, oilaviy muhabbat, baxt va farzand tarbiyasi haqida

#Muhabbat bu u bor joyda boshqa hech kim va hech narsaga hojat qolmasligidir.

✍ @Hubbuna — oila qurish, oilaviy muhabbat, baxt va farzand tarbiyasi haqida

📚 "Sevdirib tarbiyalang"
✍ Gʻiyosiddin Yusuf ustoz

“Yoʻqolgan bolani bir necha soatlik qidiruvdan keyin topishingiz mumkin, lekin yoʻqolgan axloqni topish ehtimolingiz deyarli yoʻq!”

© Doktor Ihsan Shenojak

Mazkur kitob taqdimotida ustoz: “Koʻpchilik nima qilishni aytadi, lekin uni qanday qilishni aytmaydi”, — degan edilar. Haqiqatan ham bu gapning to‘g‘riligiga kitobni o‘qib chiqqach amin bo‘lasiz. Unda farzand tarbiyasi borasida nafaqat nima qilish kerak, balki qanday qilish kerak degan savollarga ham hayotiy va aniq javoblar berilgan.

Farzand tarbiyasi haqida yozilgan ko‘plab kitoblar orasida bu asarning o‘rni alohida deb o‘ylayman. Chunki u ota-onalarga murakkab nazariyalar yoki og‘ir qoidalarni emas, hayotning o‘zidan olingan, har bir oila duch keladigan vaziyatlarga sodda va samimiy yechimlar taklif etadi. Har bir ota-ona bu kitobda o‘z hayotidan bir parcha topadi va “Ha, men ham shunday holatda bo‘lganman”, — deb o‘ylaydi. Ammo o‘sha vaqtda tutgan yo‘li qanchalik to‘g‘ri bo‘lgan?

Kitobni o‘qib chiqqan har bir inson farzand tarbiyasining asosiy kaliti sabr, mehr va tushunish ekaniga amin bo‘ladi. Ustoz bolaga dushmandek emas, eng yaqin inson — do‘st sifatida yondashishni o‘rgatadilar. Chunki bola qanday muomala ko‘rsa, shunday shaxsga aylanadi.

Menga eng ta’sir qilgan jihati ustozning sodda, tushunarli va samimiy tilda yozganlaridir. Har bir mavzu qisqa, aniq va hayotiy misollar bilan yoritilgan. Shuningdek, unda ulug‘larning hikmatlari, ota-onalardan kelgan savollarga javoblar va hayotiy kuzatuvlar ham o‘rin olgan. Shu bois kitobni qo‘lga olgan inson bir zumda foyda ola boshlaydi.

“Sevdirib tarbiyalang” asarini mutolaa qilar ekanman, farzand tarbiyasi faqat bolani emas, ota-onaning o‘zini ham tarbiyalashini angladim. Bola bizning ko‘zgumiz — biz qanday bo‘lsak, ular ham shunday ulg‘ayadi. Shu sababli bu kitobni nafaqat yosh ota-onalar, balki yoshi kattalar ham o‘qishi foydali deb o‘ylayman.

Bu asar — ota-onalik yo‘lida qo‘lga olingan chiroq. U mehrni sevdirib singdirish, tarbiyani bosim bilan emas, muhabbat orqali amalga oshirish lozimligini yana bir bor yodimizga soladi.

© Yakun

#taqriz

Kitobni xarid qilish

✍ @Hubbuna — oila qurish, oilaviy muhabbat, baxt va farzand tarbiyasi haqida

– Men sizni "shuning uchun", "buning uchun", "uning uchun" sevmayman.
– Nega sevasiz?
– "Nega"siz sevaman!

Twitterdan

#Muhabbat

✍️ @Hubbuna – oila qurish, oilaviy muhabbat, baxt va farzand tarbiyasi haqida

757-savol: HOMILADORLIK DAVRIDA NIMALAR BILAN BAND BO‘LAY?

Assalomu alaykum!

3-farzandimga homiladorman, alhamdulillah. Ilgari 2 farzandimda tajribam unchalik ko‘p bo‘lmagan. InshaAlloh, bu safar homiladorlik davrini ongli va mazmunli o‘tkazishni xohlayman.

Asosan qanday kitoblar o‘qishni maslahat berasiz? Qanday zikrlarni? (Albatta, Qur’on o‘qiyman.) Badiiy kitoblarmi, tarbiyaviymi?

Sizning kanalingizni anchadan beri kuzataman. Sizdan maslahat olishni niyat qilib qo‘ygan edim.

G'iyosiddin Yusuf:

— Va alaykum assalom. Tafsir va siyratga oid kitoblar o'qishni maslahat beraman.

#tarbiya

Yanada ko'proq savol-javoblar

▫️Baxtli hayot rejasi

〰️ Baxtli hayotning siri: yaxshilikni minnatdorlik bilan qabul qiling, mehringizni boshqalar bilan bo‘lishing, yoqimsiz narsalardan uzoqroq yuring.

〰️ Har bir yoqimli on uchun shukr qiling, mayda narsalardan quvonch toping va sizni baxtsiz qilayotgan holatlarni o‘zgartirishdan qo‘rqmang.

〰️ Baxt — bu faqat manzil emas, balki unga olib boradigan har bir ongli, iliq qadamingizdir.

#baxt #tarjima

✍️ @Hubbuna – oila qurish, oilaviy muhabbat, baxt va farzand tarbiyasi haqida

Nazokat, latofat ayolni erga ayol ekanini namoyon qilib turadi.

#Ayollar

✍ @Hubbuna — oila qurish, oilaviy muhabbat, baxt va farzand tarbiyasi haqida

Muhabbat insonni o'zgartiradigan katta kuchdir. Sevdira olsangiz, qolganini o'zi qiladi. )

#Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida

Bolaga oʻziga mos munosabatda boʻling

Koʻp tadqiqotlar shuni koʻrsatadiki, taxminan, 2 yoshlarda bola unga doimiy aytib kelingan ikki soʻzni nazariga ilmay qoʻyadi: «Balli» va «Mumkin emas».

Bu soʻzlarga nisbatan bolada umuman reaksiya boʻlmaydi. Bular mos boʻlmagan iboraga aylanib qoladi. Bola koʻlmakchada oʻynagisi kelsa, biz unga «Suv sovuq, senga yoqmasligi mumkin, chunki oyogʻing namiqib qoladi» demaymiz. Biz unga buni tajriba qilib koʻrishga ham ruxsat bermaymiz va qayta-qayta «Mumkin emas!» deb ta’kidlayveramiz. Qizigʻi shundaki, xuddi shu holat ijobiy motivasiya bilan ham sodir boʻladi. «Sen chizgan quyosh juda chiroyli chiqibdi, kayfiyatimni koʻtarding» deyish oʻrniga «Balli!» deymiz.
Shu sababli soʻzlar va tushunchalar qadrsizlanadi.

📚Gʻiyosiddin Yusufning «Sevdirib tarbiyalang» kitobidan #iqtibos

Kitobni xarid qilish

Yanada ko'proq iqtiboslar

"Yarimta xurmo sadaqa qilib bo‘lsa ham o‘zingizni do‘zax olovidan asrang".

Xayriya haqida

Ehsoningiz uchun: 9860160605493933

Ikki o'yin ishqibozi oila qurganda.

#Tabassum

✍ @Hubbuna — oila qurish, oilaviy muhabbat, baxt va farzand tarbiyasi haqida

Keling, shuni anglab olaylik: odamlar foydasi tekkani uchun emas, yaxshiligi uchun ham emas, sevganlari uchun sevadi. Sevgining sababi yo‘q. Ba’zan odamni hech narsasiz, shunchaki sevishadi.

Joziba, muvaffaqiyat, kuch, go‘zallik yoki aql — bularning hech biri sevgi bilan bog‘liq emas. U minnatdorchilik ham emas. Chunki sevgi buning evaziga olinadigan mukofot emas, beriladigan ne’matdir. Uni faqat qabul qilish yoki qabul qilmaslik mumkin.

Vladimir Levi

#Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida