የአሜሪካዉ ፕሬዝዳንት ስልኮችን፣ ኮምፒውተሮችን እና ቺፖችን ከአዲሱ ታሪፍ ነፃ አደረጉ

ፕሬዝዳንት ዶናልድ ትራምፕ የቴክኖሎጂ መሣሪያዎች የሆኑትን እንደ ስማርት ስልኮች እና ኮምፒውተሮች ከአዲሱ የታሪፍ ጫና ነፃ እንደሚሆኑ የአሜሪካ የጉምሩክ እና የድንበር ጥበቃ አዲስ መመሪያ አስታውቋል።

ባለፈው አርብ ምሽት የወጣው ይህ መመሪያ ትራምፕ ከዚህ ቀደም በቻይና ምርቶች ላይ 145 በመቶ ታሪፍ ከጣሉ በኋላ የመጣ ነው።

ይህ እርምጃ አብዛኞቹን ምርቶቹን በቻይና በሚያመርተው አፕልን የመሳሰሉ የቴክኖሎጂ ግዙፍ ኩባንያዎችን ሊጎዳ ይችላል ተብሎ ተሰግቶ ነበር።

መመሪያው በተጨማሪም ሴሚኮንዳክተሮችን፣ የፀሐይ ሴሎችን፣ ጠፍጣፋ ስክሪን ያላቸውን የቴሌቪዥን ማሳያዎችን፣ ፍላሽ ድራይቮችን እና የማስታወሻ ካርዶችን ጨምሮ ሌሎች የኤሌክትሮኒክስ መሣሪያዎችን እና አካላትን ነፃ አድርጓል።

እነዚህ ምርቶች ወደፊት ተጨማሪ ቀረጥ ሊጣልባቸው ቢችልም፣ ትራምፕ በቻይና ዕቃዎች ላይ ከጣሉት 145 በመቶ ታሪፍ በእጅጉ ያነሰ ሊሆን ይችላል ተብሎ ይጠበቃል።

ይህ ነፃ መውጣት አብዛኛዎቹን ምርቶቹን በቻይና ለሚያመርተው እንደ አፕል ላሉ የቴክኖሎጂ ኩባንያዎች ትልቅ ድል ነው። እንደ ኤቨርኮር አይኤስአይ መረጃ ከሆነ ቻይና 80 በመቶ የሚሆነውን የአይፓድ ምርት እና ከግማሽ በላይ የሚሆነውን የማክ ኮምፒውተር ምርት ታመርታለች።

የኮንዶሚኒየም ነዋሪዎች ለህንፃ ቀለም ማስቀቢያ ገንዘብ በአስገዳጅነት እየከፈሉ ነው ተባለ

በአዲስ አበባ ከተማ የሚገኙ የኮንዶሚኒየም ነዋሪዎች ህንጻዎቻቸውን ለማስቀባት ከፍተኛ ገንዘብ በአስገዳጅነት እንዲያዋጡ እየተደረገ መሆኑ ተገለጸ።

እንደ መሠረት ሚዲያ ዘገባ በአንዳንድ አካባቢዎች ነዋሪዎች እስከ 220 ሺህ ብር በአንድ ብሎክ እንዲከፍሉ እየተገደዱ ሲሆን፣ በላፍቶ እና መብራት ጀሞ ኮንዶሚኒየም ከ8 ሺህ እስከ 20 ሺህ ብር እንዲከፍሉ እየተጠየቁ ነው።

ነዋሪዎች የኑሮ ውድነትን በመጥቀስ አቅም እንደሌላቸው ቢናገሩም ባለስልጣናት ጫና እያሳደሩባቸው ሲሆን፣ የማይከፍሉትን መብራትና ውሃ እንደሚያቋርጡ ዝተዋል።

በቱሉዲምቱ ኮንዶሚኒየምም ተመሳሳይ ሁኔታ መኖሩንና ነዋሪዎች ህንጻቸውን እንዲያስቀቡና የ LED መብራት እንዲገዙ መገደዳቸው ተዘግቧል።

የዕዳ ሽግሽግ ባይኖር ኖሮ ኢትዮጵያ በዚህ ዓመት 2.8 ቢሊዮን ዶላር ዕዳ ትከፍል ነበር ተባለ

የኢትዮጵያ መንግስት ለ2017 በጀት ዓመት የነበረውን ከፍተኛ የዕዳ ጫና በግልጽ አስቀምጧል። የፕላን እና ልማት ሚኒስትሯ ፍፁም አሰፋ እንደተናገሩት፣ ምቹ የዕዳ ማስተካከያ (ሽግሽግ) ባይኖር ኖሮ ሀገሪቱ በዚህ ዓመት ብቻ 2.8 ቢሊዮን ዶላር የሚገመት ከፍተኛ ዕዳ መክፈል በግድ ይላት ነበር።

ይሁን እንጂ መንግስት በ G20 የጋራ ማዕቀፍ ውስጥ ከአበዳሪ አገራት ኮሚቴዎች ጋር ባደረገው ውጤታማ ድርድር 1.9 ቢሊዮን ዶላር ብቻ ለመክፈል ተችሏል። ይህም የዕዳ ሽግሽጉ በግምት 1 ቢሊዮን ዶላር የሚሆን እፎይታ እንዳስገኘላቸው ሚኒስትሯ አመልክተዋል።

በተጨማሪም በ2016 በጀት ዓመት መገባደጃ ላይ የሀገሪቱ አጠቃላይ የውጭ ዕዳ ከሀገር ውስጥ አጠቃላይ ምርት (GDP) ጋር ሲነፃፀር 13.7 በመቶ እንደነበር ፍፁም አሰፋ ( ዶ/ር)  አብራርተዋል።

በአጠቃላይ የኢትዮጵያ መንግስት ከአበዳሪ ኮሚቴዎች ጋር ባካሄደው ገንቢ ውይይት በመርህ ደረጃ 3.5 ቢሊዮን ዶላር የሚሆን የዕዳ እፎይታ ስምምነት ላይ ደርሷል።

ይህ ስምምነት እንደተገለፀው በ2017 የ 1.5 ቢሊዮን ዶላር፣ በ2018 የ 400 ሚሊዮን ዶላር፣ በ2019 የ 500 ሚሊዮን ዶላር እንዲሁም በ2020 የ 1.5 ቢሊዮን ዶላር የዕዳ ሽግሽግን ያካተተ ነው እንደ ካፒታል ዘገባ።

ናይጄሪያዊ ወጣት የሐሰት ሰነዶችን በመጠቀም የአሜሪካን ቪዛን በማጭበርበር ማግኘቱ አነጋጋሪ አድርጎታል !

አንድ የ24 ዓመቱ ናይጄሪያዊ ወጣት የሐሰት ሰነዶችን በመጠቀም የተማሪ ቪዛ በማጭበርበር ማግኘቱ፣ በፒኤችዲ ፕሮግራም መመዝገቡና የቤቶች ድጋፍን፣ የማህበራዊ ዋስትና ካርድንና የገንዘብ ድጋፍን ጨምሮ በርካታ ጥቅማጥቅሞችን ማግኘቱ በአሜሪካ ፍርድ ቤት ተረጋገጠ።

መርሲ ኦጄዴጂ እ.ኤ.አ. በ2023 በሚዙሪ ዩኒቨርሲቲ የኬሚስትሪ ፒኤችዲ ፕሮግራም ለመመዝገብ የሐሰት የትምህርት ማስረጃዎችን፣ የውሳኔ ሃሳብ ደብዳቤዎችን፣ የውሸት የእንግሊዝኛ ቋንቋ ብቃት ማረጋገጫና የፈጠራ የሥራ ልምድ ማቅረቡን አምኗል። እነዚህ ሰነዶች የተማሪ ቪዛና ከ49,000 ዶላር በላይ የሚገመት የገንዘብ ድጋፍ እንዲያገኝ አስችለውታል።

ኦጄዴጂ በኋላም የተማሪ ቪዛውን በመጠቀም የማህበራዊ ዋስትና ካርድ ለማመልከት፣ የባንክ አካውንት ለመክፈትና ከአጋሩ ጋር በመተባበር አፓርታማ ለመከራየት ችሏል።

ሆኖም ግን ትምህርቱን አልተከታተለም፣ የማስተማር ወይም የምርምር ሥራዎችን አላከናወነም እንዲሁም የምርምር ቡድንን አልተቀላቀለም። በጥር 2024 ከፕሮግራሙ የተሰረዘ ሲሆን ይህም የተማሪ ቪዛው እንዲቋረጥ ምክንያት ሆኗል።

ይሁን እንጂ ይህ ቢሆንም በሚቀጥለው ወር በዚያው ጊዜው ጊዜው ያለፈበትን ቪዛ በመጠቀም በሚዙሪ የሹፌር ፈቃድ ለማግኘት ችሏል።

የአሜሪካ ባለሥልጣናት እንደሚሉት ኦጄዴጂ የፖስታ ተቆጣጣሪዎች ወደ አጋሩ አድራሻ ገንዘብና የስጦታ ካርዶች ስለመላካቸው ቅሬታዎችን ከተቀበሉ በኋላ የሰፋ የፍቅር ማጭበርበር ምርመራ ትኩረት ሆኗል።

ከታህሳስ 2023 እስከ ጥር 2024 መጀመሪያ ድረስ ከናይጄሪያ አይፒ አድራሻዎች ጋር የተገናኙ ቢያንስ 35 ፓኬጆች ወደ አድራሻው ደርሰዋል። መርማሪዎች ከሴትየዋ ጋር በነበረው ግንኙነት ከ190 በላይ ፓኬጆች እዚያ እንደተላኩ ይናገራሉ።

የአሜሪካ አቃቤ ህግ ቢሮ ከተያዙት 17 ፓኬጆች በተገኙ ገንዘብና ዕቃዎች ላይ በመመስረት የታሰበው የገንዘብ ኪሳራ ከ1 ሚሊዮን ዶላር ሊበልጥ እንደሚችል ይናገራል። ኦጄዴጂ ግን ራሱ በፍቅር ማጭበርበር ውስጥ መሳተፉን አሁንም ይክዳል።

በአንድ የሽቦ ማጭበርበር ወንጀል እና አንድ የሐሰት የኢሚግሬሽን ሰነዶችን በመጠቀም ጥፋተኛነቱን አምኗል። እስከ 30 ዓመት የሚደርስ እስራትና የ250,000 ዶላር ቅጣት ሊጣልበት ይችላል። የቅጣት ውሳኔው ሐምሌ 10 ቀን ይካሄዳል።

ይህ ጉዳይ በምዕራብ አፍሪካ ትኩረት ያገኘ ሲሆን ተመሳሳይ የሐሰት ሰነዶች በቀላሉ የውጭ ትምህርት ሥርዓቶችን ለመበዝበዝ ጥቅም ላይ መዋላቸውን በተመለከተ ስጋቶችን አስነስቷል።

አሜሪካ ከበርካታ ሀገራት የንግድ ስምምነት ጥያቄ ቀረበላት፣ የኢኮኖሚ ድቀት ስጋት ግን አለ

የብሔራዊ ኢኮኖሚ ምክር ቤት ዳይሬክተር ኬቨን ሃሴት ፕሬዝዳንት ትራምፕ ታሪፍ ከጣሉ በኋላ ከ10 በላይ ሀገራት ለአሜሪካ የንግድ ስምምነት ጥያቄ ማቅረባቸውን ገልጸዋል።

ሃሴት አሜሪካ በ2025 የኢኮኖሚ ድቀት ውስጥ አትገባም ብሏል። ሆኖም የኢንዱስትሪ ጥናትና የባለሙያዎች አስተያየት የኢኮኖሚ ድቀት ስጋት እንዳለ ይጠቁማሉ።

ትራምፕ በቅርቡ ባሳወቁት ታሪፍ ላይ ማሻሻያ ማድረጋቸው የአክሲዮን ገበያን አረጋግቷል፣ ነገር ግን ይህ እርምጃ የገበያ ማጭበርበር ጥርጣሬን አስነስቷል።

ዢ ጂንፒንግ የትራምፕ የንግድ ጦርነት አሸናፊ እንደሌለው አስጠነቀቁ

የቻይናው ፕሬዝዳንት ዢ ጂንፒንግ በዚህ ሳምንት ወደ ደቡብ ምሥራቅ እስያ በሚያደርጉት ዲፕሎማሲያዊ ጉብኝት የዶናልድ ትራምፕ የንግድ ጦርነት "አሸናፊዎች አይኖሩም" ሲሉ አስጠንቅቀዋል።

ይህ ማስጠንቀቂያ ጉብኝታቸውን ከመጀመራቸው በፊት በቻይና እና በቬትናም ሚዲያዎች በጋራ በታተመ አርታኢ ላይ የቀረበ ሲሆን ይህም ዢ ጂንፒንግ ከፕሬዝዳንት ትራምፕ በታች ያለውን አሜሪካን በተቃራኒው ሀገራቸውን "ኃላፊነት የሚሰማት" ልዕለ ኃያል አድርገው ለማቅረብ እንደሚጠቀሙበት ባለሙያዎች ይናገራሉ።

ትራምፕ ባለፈው ሳምንት የአክሲዮን ገበያውን ካናወጡ በኋላ አብዛኛዎቹን ታሪፎች ለጊዜው ቢያቆሙም፣ በቻይና ላይ የተጣለው የማስመጣት ቀረጥ አሁንም እንደቀጠለ ሲሆን ይህም ወደ አሜሪካ ለሚላኩ በርካታ ምርቶች 145 በመቶ ታሪፍ ይጣልባቸዋል።

ቤጂንግ የራሷን 125 በመቶ የአሜሪካ ምርቶች ላይ ቀረጥ በመጣል ምላሽ የሰጠች ሲሆን "እስከ መጨረሻው ድረስ ለመዋጋት" ቃል ገብታለች።

የኮሪደር ልማት በግዳጅ ማፈናቀል እያስከተለ ነው ሲል አምኒስቲ መንግስትን ከሰሰ

አምነስቲ ኢንተርናሽናል የኢትዮጵያ መንግስት ቢያንስ በ58 ከተሞች እየተካሄደ ያለውን የኮሪደር ልማት በአስቸኳይ እንዲያቆምና በሰብአዊ መብት ላይ የሚያደርሰውን ጫና እንዲገመግም አሳሰበ።

ዓለም አቀፉ የሰብአዊ መብት ተሟጋች ድርጅት ባወጣው ሪፖርት በኢትዮጵያ የተለያዩ ከተሞች በኮሪደር ልማት ምክንያት በግዳጅ ከቤታቸው የተፈናቀሉ ሰዎች በአፋጣኝ መፍትሔ ሊሰጣቸው እንደሚገባ ጠይቋል።

ማንኛውም ዓይነት ሰዎችን ከቤታቸው የማስወጣት ሂደት ከዓለም አቀፍ የሰብአዊ መብት ጥበቃ መርሆች ጋር የሚጣጣም መሆን አለበት ሲልም አክሏል።

ሪፖርቱ እንዳመለከተው በአዲስ አበባ በቦሌና ለሚ ኩራ ክፍለ ከተሞች በ2016 ዓ.ም መስከረም ወር ብቻ ቢያንስ 872 ሰዎች ከ47 ቤቶቻቸው ተፈናቅለዋል። ከእነዚህ መካከል 114 ህጻናት፣ 13 አረጋውያንና 618 ተከራዮች ይገኙበታል።

አምነስቲ "ከእነዚህ ሰዎች ጋር ተገቢው ውይይት አልተደረገም፤ በቂ ቅድመ ማስጠንቀቂያ አልተሰጣቸውም፤ ተጎጂዎች ካሳም አላገኙም" ሲል ወቅሷል። ድርጅቱ አክሎም "በኮሪደር ልማት ምክንያት ሰዎች ያለ ሕግ ከለላና ሌሎች ጥበቃዎች በግዳጅ ከቤታቸው እየተፈናቀሉ ነው" ብሏል።

በኮሪደር ልማት በሚካሄድባቸው ከተሞች በሚሊዮኖች የሚቆጠሩ ሰዎች ከቤታቸው እንፈናቀላለን በሚል ስጋት ውስጥ እንደሚኖሩም አምነስቲ ጠቁሟል።

ድርጅቱ በዚህ ዓመት ከጥር አጋማሽ እስከ የካቲት መጀመሪያ ድረስ ባደረገው ጥናት በቦሌና በለሚ ኩራ ክፍለ ከተሞች 47 የቤት ባለቤቶችን ሁኔታ መከታተሉንና ከኅዳር 2016 እስከ የካቲት 2017 ዓ.ም. በሳተላይት ምስል አማካኝነት 29 ሄክታር የሚሆን የተጨናነቀ አካባቢ መፍረሱን መመልከቱን ገልጿል።

#ህወሓት “የአፍሪካ ህብረት ፓኔል በአፋጣኘ ተሰብስቦ በፕሪቶርያ የሰላም ስምምነት አተገባበር” ዙሪያ እንዲመክር ጥሪ አቀረበ

“#የፕሪቶርያ የሰላም ስምምነት አተገባበር ዙሪያ ያሉ ሁኔታዎች አሳሳቢ በመሆናቸው #የአፍሪካ ህብረት ፓኔል ውይይት ሊያደርግ ይገባል ሲሉ” የህዝባዊ ወያነ ሓርነት ትግራይ (ህወሓት) ሊቀመንበር ደብረጺዮን ገ/ሚካኤል (ዶ/ር) ጥሪ አቀረቡ።

ሊቀመንበሩ ይህንን ጥሪ ያቀረቡት በአፍሪካ ህብረት የፕሪቶርያ ስምምነት የክትትል፣ ማረጋገጥ እና ማስከበር ተልዕኮ ኮሚቴ ሃላፊ ሁነው ከተሾሙት ሜጀር ጀነራል ሳማድ አላዴ ትላንት ሚያዚያ 6 ቀን 2017 ዓ.ም በጽ/ቤታቸው ተቀብለው ባካሄዱት ውይይት መሆኑን ፓርቲው ባጋራው መረጃ አስታውቋል።

“በፕሪቶሪያ ስምምነት መሰረት ከመከላከያ ሰራዊት ውጭ ውጭ ያሉት ታጣቂዎች ከትግራይ ግዛት እስካሁን አለመውጣታቸውን፣ የተሰደዱ እና የተፈናቀሉ ዜጎች ወደ ቀያቸው መመለስ አለመቻላቸውን እንዲሁም የትግራይ ሉዓላዊ መሬቶች በወራሪዎች ቁጥጥር ስር ይገኛሉ ሲሉ ደብረጺዮን ገ/ሚካኤል (ዶ/ር) ለተሿሚው መናገራቸውንም አካቷል።

ሊቀመንበሩ ደብረጺዮን “የፖለቲካ ድርድር እስካሁን አለመጀመሩን፣ የስምምነቱ ፈራሚ የሆነው ህወሓት የተሰረዘው ህጋዊ ሰውነቱ አለመመለሱን” ለተሿሚው ማስታወቃቸውን መረጃው አመላክቷል።

5ሺ ጉንዳኖችን በድብቅ ከኬንያ ሰርቀው ለመሄድ የሞከሩ የቤልጂየም ወጣቶች ፍ/ቤት ቀረቡ

ሁለት ቤልጂየማውያን ታዳጊዎች በሺዎች የሚቆጠሩ ጉንዳኖችን በቤተ ሙከራ ብልቃጦች ውስጥ አጭቀው በአንድ የእንግዳ ማረፊያ ቤት ሳ'ሉ እጅ ከፍንጭ ተይዘዋል።

እንደ ኬኒያ መንግሥት ባለሥልጣናት ገለጻም ወጣቶቹ "የዱር አራዊትን መዝረፍ" የሚል ክስ ተመሥርቶባቸዋል።

ሎርኖይ ዴቪድ እና ሴፕ ሎድዊክስ የተባሉት የ19 ዓመት ዕድሜ ያላቸው ታዳጊዎቹ በናይሮቢ በሚገኝ ፍርድ ቤት ዳኛ ፊት በቀረቡበት ወቅት በጣም ፈርተው ሲንቀጠቀጡ ታይተዋል።

ጉንዳኖቹን ለቀልድ እየሰበሰቡ እንደሆነ እና ህገወጥ መሆኑን ሳያውቁ እንዳደረጉትም ለፍርድ ቤቱ አስረድተዋል።

የጉንዳኖቹ ዋጋ 1 ሚሊየን ሽልንግ አልያም 7 ሺህ 700 የአሜሪካ ዶላር ይገመታል ያሉት የኬንያ ባለሥልጣናት ግን ጉዳዩ ትንንሽ እና ብዙም የማይታወቁ የጉንዳን ዝርያዎችን በሕገወጥ መንገድ የማዘዋወር አንድ አካል ነው ሲሉ ተከራክረዋል።

KWS የተሰኘው የኬንያ የዱር አራዊት አገልግሎት ባወጣው መግለጫ ወጣቶቹ ልዩ የጉንዳን ዝርያዎችን ወደ አውሮፓ እና እስያ ገበያ በማዘዋወር ተግባር ላይ ተሰማርተው ነበር ብሏል።

ሁለቱ ወጣቶች የሰበሰቧቸው ጉንዳኖች ሜሶር ሴፋሎትስ የተሰኙ ልዩ፣ ትልቅ እና ቀይ ቀለም ያላቸው በምስራቅ አፍሪካ ብቻ የሚገኙ መሆናቸውም ነው የተገለጸው።

ጋና የውጭ የወርቅ ነጋዴዎችን ከገበያዋ ልታስወጣ ነው

በአፍሪካ ቀዳሚ የወርቅ አምራች የሆነችው ጋና ከአነስተኛ እና ጥቃቅን የማዕድን ማውጫዎች የሚገኘውን ገቢ ለመጨመር እና ህገ-ወጥ የኮንትሮባንድ ንግድን ለመቆጣጠር የውጭ ሀገር ዜጎች እስከ ሚያዝያ 30 ቀን 2025 ድረስ ከአካባቢው የወርቅ ንግድ እንዲወጡ አዘዘች።

ይህንን እርምጃ የሚመራው አዲሱ የመንግስት ኤጀንሲ የወርቅ ቦርድ (GoldBod) ሲሆን ከአሁን ጀምሮ ከአነስተኛ ማዕድን አውጪዎች የሚገኘውን ወርቅ በብቸኝነት የመግዛት፣ የመሸጥ፣ የመመዘን እና ወደ ውጭ የመላክ ብቸኛ መብት ይኖረዋል።

በዚህ አዲስ ማሻሻያ መሰረት ቀደም ሲል ለውጭ ኩባንያዎች የተሰጡ የኤክስፖርት ፈቃዶች በሙሉ ተሰርዘዋል። ሆኖም እነዚህ ኩባንያዎች አሁንም በቀጥታ በወርቅ ቦርዱ በኩል ወርቅ ለመግዛት ማመልከት ይችላሉ ነዉ የተባለው ።

እ.ኤ.አ በ2024 የጋና የወርቅ ኤክስፖርት በ53.2 በመቶ በማደግ 11.64 ቢሊዮን ዶላር የደረሰ ሲሆን ከዚህ ውስጥ 5 ቢሊዮን ዶላር ገደማ የሚሆነው ከህጋዊ አነስተኛ ደረጃ ማዕድን ማውጣት የተገኘ መሆኑ መረጃዎች ያመለክታሉ።

መንገድ ላይ ውሃ ሽንት የሸኑ 50 ግለሰቦች 100 ሺ ብር ተቀጡ
       
የአዲስ አበባ ከተማ አስተዳደር ደንብ ማስከበር ባለስልጣን በአዲስ ከተማ ክፍለ ከተማ በመርካቶ እና በመሳለሚያ አካባቢ በመንገድ ሽንት በመሽናት ደንብ ቁጥር  167/2016 የተላለፉ 50 ግለሰቦች እየዳዳቸው  2000 ብር በድምሩ 100,000 /አንድ መቶ ሺህ/ ብር የገንዘብ ቅጣት  በመቅጣት  አስተዳደራዊ እርምጃ መውሰዱን አስታወቀ፡፡

የከተማ አስተዳደሩ አዲስ አበባን ውብና ፅዱ ለማድረግ ቀንና ማታ እየሰራ ባለበት ወቅት አንዳንድ ሀላፊነት የጎደላቸው ግለሰቦች የተማውን ፅዳት ሲያበላሹ ህብረተሰቡ አካባቢውን ሊጠብቅ እንደሚገባ ተገልፃል።

ባለስልጣኑ በደንብ ቁጥር 167/2016 ላይ ለህብረተሰቡ በተለያዩ አግባቦች ሰፊ የግንዛቤ ስራ መስራቱ የገለጸ ሲሆን ደንብ በሚተላለፉ ግለሰቦች ላይ የሚወስደውን እርምጃ አጠናክሮ  አንደሚቀጥል አስታውቋል።

መረጃው:- የአዲስ አበባ ከተማ አስተዳደር ደንብ ማስከበር ባለስልጣን ኮሙኔኬሽን ዳይሬክቶሬት ነው።

የአውሮፓ አገራት የበጀት ቅነሳ የአሜሪካን የእርዳታ ክፍተት ለመሙላት የአውሮፓ ህብረትን አዳክሟል ተባለ

የአሜሪካ ዓለም አቀፍ የልማት ኤጀንሲ (USAID) በጀት መቆረጥ ትኩረት እያገኘ ቢሆንም፣ የአውሮፓ አገራትም የእርዳታ በጀታቸውን መቀነሳቸው በዓለም ላይ በጣም ድሃና ተጋላጭ በሆኑ አገራት ላይ ድጋፍ በማጣት ክፍተት እየፈጠረ ነው ሲሉ የአውሮፓ ፓርላማ አባላትና መንግሥታዊ ያልሆኑ ድርጅቶች አስጠንቅቀዋል።

የአውሮፓ ፓርላማ የልማት ኮሚቴ ምክትል ሰብሳቢ ኢዛቤላ ሎቪን የ USAID በጀት ቅነሳ በዓለም ዙሪያ "በጣም አስከፊ መዘዝ" እንደሚያስከትል ገልጸዋል።

ነገር ግን የአውሮፓ ህብረት አባል አገራት በቅርቡ የእርዳታ በጀታቸውን ለመቀነስ ያደረጉትን ውሳኔ "በጣም የሚያሳዝን" እና "ስህተት" ሲሉ ተችተዋል። የአውሮፓ ህብረት ይህንን ክፍተት ለመሙላት እንደማይችልም አክለዋል።

የቀድሞ የስዊድን ዓለም አቀፍ የልማት ሚኒስትር የነበሩት ሎቪን "ስለ ዓለም አቀፍ ደህንነት እና መረጋጋት እያሰብን ከሆነ የአውሮፓ ህብረት እና አባል አገራቱ በዴሞክራሲ፣ ድህነትን በማጥፋት፣ በማደግ ላይ ባሉ አገራት ማህበረሰቦችን እና ዜጎችን በመደገፍ ላይ ኢንቨስት ማድረግ አለባቸው።

ሁሌ አዲስ ከ ዘጋርዲያን ያገኘዉ መረጃ እንደሚያሳየዉ ይህ ግጭትን ለመከላከል እና ያልተፈለገ የግዳጅ ፍልሰትን እና አለመረጋጋትን ለመከላከል የሚቻልበት መንገድ ነው" ብለዋል።

በአውሮፓ ህብረት ውስጥ ትልቁ ለጋሽ የነበረችው ጀርመን እንኳን የእርዳታ በጀቷን ለመቀነስ እየተዘጋጀች ሲሆን፣ ሌሎች እንደ ፈረንሳይ፣ ጣሊያን እና ስፔን ያሉ አገራትም በ2024 ተመሳሳይ እርምጃ ወስደዋል።

ከአውሮፓ ህብረት ውጭ ደግሞ ዩናይትድ ኪንግደም የእርዳታ በጀቷን በታሪክ ዝቅተኛ ወደሆነ ደረጃ ልታወርድ ትችላለች ተብሎ ይጠበቃል።

@Hulaadiss